Dharitri News
ଜାତୀୟ |

ରେଷ୍ଟୁରାଣ୍ଟରେ ଅଗ୍ନିକାଣ୍ଡ: ୧୪ ଦଗ୍ଧ

    ରେଷ୍ଟୁରାଣ୍ଟରେ ଅଗ୍ନିକାଣ୍ଡ: ୧୪ ଦଗ୍ଧ ବମ୍ବେ,୨୯।୧୨(ପି.ଟି.)-ଦେଶର ଅର୍ଥନୈତିକ ରାଜଧାନୀ ବମ୍ବେରେ ଗୁରୁବାର ବିଳମ୍ବିତ ରାତିରେ ଘଟିଛି ଏକ ବଡ଼ଧରଣର ଅଘଟଣ। ୬ ମହଲା ବିଶିଷ୍ଟ କମଲା ମିଲ୍ସ କମ୍ପ୍ଲେକ୍ସର ଏକ ରେଷ୍ଟୁରାଣ୍ଟରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ୧୧ ମହିଳାଙ୍କ ସମେତ ୧୪ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି। ମୃତକଙ୍କ ମଧ୍ୟରେ ସର୍ବଜିତ୍‌ ପରିଡ଼ା ନାମକ ଜଣେ ଓଡ଼ିଆ ମଧ୍ୟ ଅଛନ୍ତି। ଏହାସହ ନିଆଁ ଝାସରେ ୨୩ ଆହତ ହୋଇଛନ୍ତି। ରେଷ୍ଟୁରାଣ୍ଟରେ ନିଆଁ ଲିଭାଇବା ପାଇଁ ଆବଶ୍ୟକ ବ୍ୟବସ୍ଥା ନ ଥିବାରୁ ଏତେବଡ଼ ଅଘଟଣ ଘଟିଗଲା ବୋଲି କୁହାଯାଉଛି। ଅବହେଳା ପାଇଁ ରେଷ୍ଟୁରାଣ୍ଟ ମାଲିକଙ୍କୁ ଦାୟୀ କରି ତାଙ୍କ ବିରୋଧରେ ମାମଲା ରୁଜୁ କରାଯାଇଛି। ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଅଘଟଣକୁ ନେଇ ଶୋକବ୍ୟକ୍ତ କରିଛନ୍ତି। ବମ୍ବେର ଲୋୟର ପରେଲ ଏରିଆସ୍ଥିତ କମଲା ମିଲ୍ସ କମ୍ପାଉଣ୍ଡ। ଗୁରୁବାର ରାତି ୧୨ଟା ୩୦। ସବୁଠୁ ଉପର ମହଲା ‘୧ ଏବଭ୍‌ ପବ୍‌’ରେ ଖୁସ୍‌ବୁ ବଂଶାଲୀ ନାମ୍ନୀ ଜଣେ ୨୯ ବର୍ଷୀୟା ମହିଳାଙ୍କ ଜନ୍ମଦିନ ପାଳନ ପାଇଁ ହୋଇଥାଏ ଭବ୍ୟ ଆୟୋଜନ। ଅତିଥିମାନେ ହସଖୁସିରେ ମସଗୁଲ ଥିବାବେଳେ ହଠାତ୍‌ କେଉଁଠୁ ମାଡ଼ିଆସିଥିଲା ନିଆଁ। ଅଧଘଣ୍ଟା ଭିତରେ ଚତୁର୍ଦ୍ଦିଗକୁ ବ୍ୟାପିଯାଇଥିଲା। ତୃତୀୟ ମହଲାରେ ଥିବା ‘ମୋଜୋ ପବ୍‌’ରେ ନିଆଁ ପହଞ୍ଚତ୍ବାବେଳକୁ ସ୍ଥିତି ଅଣାୟତ୍ତ ହୋଇସାରିଥିଲା। ପ୍ରାଣ ବିକଳରେ ଯିଏ ଯୁଆଡେ ଧାଇଁବାରେ ଲାଗିଥିଲେ। ହେଲେ ମୃତ୍ୟୁ ସତେ ଯେମିତି ଛକି ବସିଥିଲା। ଚାହୁଁ ଚାହୁଁ ଅଗ୍ନିକାଣ୍ଡ ନେଇଗଲା ୧୪ଟି ଜୀବନ। ମୃତକଙ୍କ ମଧ୍ୟରେ ଖୁସ୍‌ବୁ, ଅନ୍ୟ ୧୦ ମହିଳା ଏବଂ ୩ ପୁରୁଷ ଥିବା ଜଣାପଡ଼ିଛି। ଅଣନିଃଶ୍ୱାସୀ ହୋଇ ଅଧିକାଂଶ ଲୋକଙ୍କ ମୃତ୍ୟୁ ଘଟିଥିବା କୁହାଯାଉଛି। ନିଆଁ ଝାସରେ ଆସି ଆହତ ହୋଇଥିବା ୨୩ ଜଣଙ୍କୁ କେଇଏମ୍‌ ହସ୍ପିଟାଲରେ ଭର୍ତ୍ତି କରାଯାଇଛି। ଅଗ୍ନିଶମ କର୍ମଚାରୀମାନେ ସକାଳ ୬ଟା ୩୦ରେ ନିଆଁକୁ ସମ୍ପୂର୍ଣ୍ଣ ଭାବେ ଆୟତ୍ତ କରିପାରିଥିଲେ। ହେଲେ ସେତେବେଳକୁ ଆଉ କିଛି ନ ଥିଲା। କମ୍ପାଉଣ୍ଡର ଟ୍ରେଡ୍‌ ହାଉସ୍‌ ବିଲ୍ଡିଂ ଜଳିପୋଡ଼ି ଧ୍ୱଂସ ହୋଇସାରିଥିଲା। ଅଗ୍ନିକାଣ୍ଡ ଘଟିବା ବେଳକୁ ଏହି ବ୍ୟସ୍ତବହୁଳ କମର୍ସିଆଲ୍‌ ବିଲ୍ଡିଂରେ ବିଭିନ୍ନ ସଂସ୍ଥାର ପ୍ରାୟ ୨୦୦ କର୍ମଚାରୀ ଥିଲେ। ସୌଭାଗ୍ୟବଶତଃ ଅନ୍ୟମାନେ ଏହି ବିପର୍ଯ୍ୟୟରୁ ବର୍ତ୍ତିଯାଇଛନ୍ତି। ହୋହଲ୍ଲା ଓ ଧାଁଦଉଡରୁ ଅଗ୍ନିକାଣ୍ଡ ସମ୍ପର୍କରେ ଖବର ମିଳିବା ପରେ ଉକ୍ତ ବିଲ୍ଡିଂରେ ଥିବା ଏକାଧିକ ନ୍ୟୁଜ୍‌ ଚ୍ୟାନେଲର ପ୍ରସାରଣକୁ ବନ୍ଦ କରିଦିଆଯାଇଥିଲା। ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ିନାହିଁ। ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍‌ନବିସ ବିଏମ୍‌ସି କମିଶନରଙ୍କୁ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି। ପବ୍‌ ପରିଚାଳନା କରୁଥିବା ହ୍ରତେଶ ସାଂଘଭି, ଜିଗର ସାଂଘଭି ଓ ଅଭିଜିତ୍‌ ମନ୍‌କାଙ୍କ ବିରୋଧରେ ପୋଲିସ ମାମଲା ଦାଏର କରି ତଦନ୍ତ ଚଳାଇଛି। କମ୍ପାଉଣ୍ଡ ନିର୍ମାଣ ବେଳେ ସୁରକ୍ଷା ନିୟମଗୁଡ଼ିକର ଉଲ୍ଲଂଘନ କରାଯାଇଥିଲା। ଏନେଇ ରାଜ୍ୟ ସରକାର ତଥା ବିଏମ୍‌ସି କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ହେଁ ସେଥିପ୍ରତି କେହି ଧ୍ୟାନ ଦେଇ ନ ଥିଲେ ବୋଲି ଅଭିଯୋଗ ହୋଇଛି। ଏହାକୁ ନେଇ ରାଜନୀତି ଜୋର୍‌ ଧରିଛି।

ଜାତୀୟ |

ରାଓ୍ବତ୍‌ ମୁଖ୍ୟ ନିର୍ବାଚନ କମିଶନର

ରାଓ୍ବତ୍‌ ମୁଖ୍ୟ ନିର୍ବାଚନ କମିଶନର

ନୂଆଦିଲ୍ଲୀ,୨୧।୧(ପି.ଟି.): ନିର୍ବାଚନ କମିଶନର ଓମ୍‌ପ୍ରକାଶ ରାଓ୍ବତ୍‌ଙ୍କୁ ରବିବାର ମୁଖ୍ୟ ନିର୍ବାଚନ କମିଶନର (ସିଇସି) ଭାବେ ନିଯୁକ୍ତ କରାଯାଇଛି। ସେ ମଙ୍ଗଳବାର ଦାୟିତ୍ୱ ଗ୍ରହଣ କରିବେ

ସର୍ଭେ ପରେ ଫାଇଲ ବନ୍ଦ

ସର୍ଭେ ପରେ ଫାଇଲ ବନ୍ଦ

ଭୁବନେଶ୍ୱର, ୨୧।୧(ବ୍ୟୁରୋ): ରାୟଗଡ଼ା-ଗୋପାଳପୁର ପ୍ରସ୍ତାବିତ ରେଳ ପ୍ରକଳ୍ପର ସର୍ଭେ କାମ ୨୦୧୧-୧୨ ମସିହାରୁ ସରିଛି। ଏହି ୨୮୫ କିଲୋମିଟର ଲମ୍ବ ରେଳପଥରେ ମୋଟ ୨୫ଟି ଷ୍ଟେଶନ ରହିବ।

ପରୀକ୍ଷା ହଲ୍‌ରେ ପହଞ୍ଚି ପାରିଲେନି ଛାତ୍ର: ଜେସିବି ମେସିନ୍‌ ଲାଗି ବାହାରିଲା ମୃତଦେହ

ପରୀକ୍ଷା ହଲ୍‌ରେ ପହଞ୍ଚି ପାରିଲେନି ଛାତ୍ର: ଜେସିବି ମେସିନ୍‌ ଲାଗି ବାହାରିଲା ମୃତଦେହ

ଦୁମକା,୨୧।୧: ଝାଡଖଣ୍ଡର ଦୁମକାରେ ରବିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୮ ଛାତ୍ରଙ୍କ ମୃତ୍ୟୁ ହୋଇଛିି। ଟ୍ରକ-ଟାଟା ସୁମୋ ମୁହାଁମୁହିଁ ଧକ୍କା ହେବା ଫଳରେ ଏହି ଦୁର୍ଘଟଣା ଘଟିଛି।

ଅଯୋଗ୍ୟ ଘୋଷିତ ହେଲେ ୨୦ ଏଏପି ବିଧାୟକ

ଅଯୋଗ୍ୟ ଘୋଷିତ ହେଲେ ୨୦ ଏଏପି ବିଧାୟକ

ନୂଆଦିଲ୍ଲୀ,୨୧।୧: ଅରବିନ୍ଦ କେଜରିଓ୍ବାଙ୍କ ନେତୃତ୍ୱାଧୀନ ଆମ୍‌ ଆଦ୍‌ମୀ ପାର୍ଟି(ଏଏପି)କୁ ଲାଗିଛି ଶକ୍ତ ଧକ୍କା। ଦିଲ୍ଲୀ ବିଧାନସଭାର ୨୦ ବିଧାୟକଙ୍କୁ ରବିବାର ରାଷ୍ଟ୍ରପତି ଅଯୋଗ୍ୟ ଘୋଷଣା କରିଛନ୍ତି।

ହଜ୍‌ ହାଉସ୍‌ ପରେ ଏବେ ପାର୍କ ଓ ଡିଭାଇଡର ପାଳି

ହଜ୍‌ ହାଉସ୍‌ ପରେ ଏବେ ପାର୍କ ଓ ଡିଭାଇଡର ପାଳି

ଲକ୍ଷ୍ନୌ,୨୧।୧: ଉତ୍ତରପ୍ରଦେଶ ସରକାରଙ୍କ କମଳା ରଙ୍ଗ ପ୍ରୀତି ଏବେ ଆଉ କାହାକୁ ଅଛପା ନାହିଁ। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟଠାରୁ ଆରମ୍ଭ କରି ବିଭିନ୍ନ ସ୍ଥାନକୁ ଏବେ କମଳା ରଙ୍ଗରେ ରଙ୍ଗେଇବାରେ ବ୍ୟସ୍ତ ଉତ୍ତରପ୍ରଦେଶ ସରକାର।

ଏବେବି ବିଜୁଳି ଆଲୋକଠାରୁ ବହୁ ଦୂରରେ ଫୁଟେରା ଧାନେ ଗ୍ରାମ

ଏବେବି ବିଜୁଳି ଆଲୋକଠାରୁ ବହୁ ଦୂରରେ ଫୁଟେରା ଧାନେ ଗ୍ରାମ

ଚିନ୍ଦଓ୍ବାରା,୨୧।୧: ମଧ୍ୟପ୍ରଦେଶର ଚିନ୍ଦଓ୍ବାରା ଜିଲାରୁ ୧୫ କିଲୋମିଟର ଦୂର ଫୁଟେରା ଧାନେ ଗ୍ରାମରେ ଆଜିବି ଲୋକେ ବିଜୁଳି ଆଲୋକଠାରୁ ବହୁଦୂରରେ।

ଯୌତୁକ ଓ ବାଲ୍ୟ ବିବାହ ବିରୋଧରେ ୪କୋଟି ଲୋକଙ୍କ ମାନବ ଶୃଙ୍ଖଳ

ଯୌତୁକ ଓ ବାଲ୍ୟ ବିବାହ ବିରୋଧରେ ୪କୋଟି ଲୋକଙ୍କ ମାନବ ଶୃଙ୍ଖଳ

ଝାଡଖଣ୍ଡ,୨୧।୧: ବିହାରରେ ଜାନୁୟାରୀ ୨୧ରେ ଯୌତୁକ ଓ ବାଲ୍ୟ ବିବାହ ବିରୋଧରେ ଏକ ମାନବ ଶୃଙ୍ଖଳ ହୋଇଛି। ଏହାର ଲମ୍ବ ରହିଛି ୧୩୬୬୦ କିଲୋମିଟର। ଲୋକଙ୍କ ମଧ୍ୟରେ ସଚେତନତା ସୃଷ୍ଟି ଉଦ୍ଦେଶ୍ୟରେ ଏହି ମାନବ ଶୃଙ୍ଖଳ କରାଯାଇଛି।

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ, ଯବାନ ଶହୀଦ

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ, ଯବାନ ଶହୀଦ

ପୁଞ୍ଚ,୨୧।୧: ଜମ୍ମୁ-କଶ୍ମୀର ପୁଞ୍ଚର ମେଣ୍ଡର ସେକ୍ଟରରେ ରବିବାର ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ ଫଳରେ ଭାରତୀୟ ସେନାର ୨୫ ବର୍ଷୀୟ ଯବାନ ଚନ୍ଦନ କୁମାର ରାୟ ଶହୀଦ ହୋଇଛନ୍ତି

ବାଣ କାରଖାନାରେ ଅଗ୍ନିକାଣ୍ଡ: ୧୭ ମୃତ

ବାଣ କାରଖାନାରେ ଅଗ୍ନିକାଣ୍ଡ: ୧୭ ମୃତ

ନୂଆଦିଲ୍ଲୀ,୨୧।୧: ଦିଲ୍ଲୀର ବଓ୍ବାନା ଇଣ୍ଡଷ୍ଟ୍ରିଆଲ ଅଞ୍ଚଳରେ ବେଆଇନ ଭାବେ ଚାଲୁଥିବା ବାଣ କାରଖାନାରେ ଶନିବାର ନିଆଁ ଲାଗିଯାଇଥିଲା। ଏଥିରେ ୧୦ ମହିଳାଙ୍କ ସମେତ ୧୭ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି।

ପ୍ରିନ୍ସିପାଲଙ୍କୁ ଗୁଳିକରି ହତ୍ୟା

ପ୍ରିନ୍ସିପାଲଙ୍କୁ ଗୁଳିକରି ହତ୍ୟା

ଯମୁନାନଗର, ୨୧।୧(ପି.ଟି.): ହରିୟାଣାରେ ସ୍କୁଲରୁ ତଡ଼ା ଖାଇଥିବା ଜଣେ ଦ୍ୱାଦଶ ଶ୍ରେଣୀ ଛାତ୍ର ଶନିବାର ନିଜ ପ୍ରିନ୍ସିପାଲଙ୍କୁ ହତ୍ୟା କରିଛନ୍ତି। ପ୍ରିନ୍ସିପାଲ ରିତୁ ଛାବ୍ରା (୪୭) ଗାଳି କରିବାରୁ ଛାତ୍ରଜଣକ ପ୍ରତିଶୋଧପରାୟଣ ହୋଇ ବାପାଙ୍କ ଲାଇସେନ୍ସ ପ୍ରାପ୍ତ .୩୨ ବୋର୍‌ ରିଭଲ୍‌ଭର ନେଇ ତାଙ୍କୁ ଗୁଳିମାଡ଼ କରିଛନ୍ତି। ଗୁରୁତର ହେବାପରେ ଛାବ୍ରାଙ୍କ ମୃତ୍ୟୁ ଘଟିଥିବା ପୋଲିସ କହିଛି।

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ୪ ଯବାନ ଶହୀଦ, ୫ ନାଗରିକ ମୃତ

ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ୪ ଯବାନ ଶହୀଦ, ୫ ନାଗରିକ ମୃତ

ଜମ୍ମୁ-କଶ୍ମୀର,୨୦।୧: ଭାରତ-ପାକିସ୍ତାନ ସୀମାରେ ଚାଲିଥିବା ଗୁଳିମାଡରେ ଏପର୍ଯ୍ୟନ୍ତ ୯ ଭାରତୀୟଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।

ସୁପ୍ରିମକୋର୍ଟଙ୍କ ରାୟ ପରେ ବି ଗୁଜରାଟରେ ରିଲିଜ୍‌ ହେବନି ‘ପଦ୍ମାବତ୍‌’

ସୁପ୍ରିମକୋର୍ଟଙ୍କ ରାୟ ପରେ ବି ଗୁଜରାଟରେ ରିଲିଜ୍‌ ହେବନି ‘ପଦ୍ମାବତ୍‌’

ନୂଆଦିଲ୍ଲୀ,୨୦।୧: ସୁପ୍ରିମକୋର୍ଟଙ୍କ ଗ୍ରୀନ୍‌ ସିଗ୍‌ନାଲ୍‌ ପରେ ମଧ୍ୟ ସଞ୍ଜୟ ଲୀଲା ଭଂସାଲୀଙ୍କ ବହୁ ଚର୍ଚ୍ଚିତ ଫିଲ୍ମ ‘ପଦ୍ମାବତ୍‌’ ଗୁଜରାଟରେ ରିଲିଜ୍‌ ହେବନାହିଁ।