ସମ୍ପାଦକୀୟ |

ଆମ ସଂସ୍କୃତି ଓ ପ୍ରଣାମ

ଆମ ସଂସ୍କୃତି ଓ ପ୍ରଣାମ

ଡ. ଭାଗ୍ୟଲିପି ମଲ୍ଲ

ଆଗକୁ ଆସୁଛି ଇଂଲିଶ ନୂଆବର୍ଷ। ଉଚ୍ଚାଙ୍ଗ ନୃତ୍ୟ, ସଙ୍ଗୀତ ବା ଉଚ୍ଛୃଙ୍ଖଳ ଢଙ୍ଗରେ ଏ ନୂଆବର୍ଷକୁ ସ୍ବାଗତ କରିବା ଆମ ସଂସ୍କୃତିର ପରିଚାୟକ ନୁହେଁ। ଆମ ନୂଆବର୍ଷ, ପଣା ସଂକ୍ରାନ୍ତିରେ ଈଶ୍ୱରଙ୍କୁ ପ୍ରଣାମପୂର୍ବକ ସାରା ବର୍ଷ ପାଇଁ ଏ ଜାତିର ମଙ୍ଗଳ କାମନା କରୁ। ଏ ଖ୍ରୀଷ୍ଟୀୟ ନୂଆବର୍ଷ ପାଳନ ଭିତରେ ବି ସେହି କଥାଟିକୁ ଭୁଲିଯିବା ଉଚିତ ନୁହେଁ। ଏହି ଦିନରେ ଆମେ ଈଶ୍ୱରଙ୍କୁ ପ୍ରଣାମ ସହ ଗୁରୁଜନ ଓ ମାତାପିତାଙ୍କୁ ପ୍ରଣାମ କରି ସାରା ବର୍ଷ ପାଇଁ ଆଶୀର୍ବାଦ ମାଗିନେବା ଉଚିତ।
ପ୍ରଣାମର ମହତ୍ତ୍ୱ ଅନେକ। ଆମେ ଈଶ୍ୱର ତଥା ଗୁରୁ, ମାତାପିତା ଓ ଗୁରୁଜନଙ୍କୁ ପ୍ରଣାମ କରୁ। ପ୍ରଭାତରେ ‘କରାଗ୍ରେ ବସତେ ଲକ୍ଷ୍ମୀଃ କରମଧ୍ୟେ ସରସ୍ବତୀ, କରମୂଳେ ତୁ ଗୋବିନ୍ଦଃ ପ୍ରଭାତେ କରଦର୍ଶନମ୍‌’ ମନ୍ତ୍ରପାଠ ପୂର୍ବକ ହାତଯୋଡ଼ି ପରଂବ୍ରହ୍ମଙ୍କ ଉଦ୍ଦେଶ୍ୟରେ ପ୍ରଣାମ ଜଣାଇ ଶଯ୍ୟାତ୍ୟାଗ କରୁ। ଋଗ୍‌ବେଦରେ ଉଷାଙ୍କୁ ପ୍ରାତଃକାଳରେ ବନ୍ଦନା କରାଯାଇଛି। ତେଣୁ ଭାରତୀୟମାନଙ୍କ ଦିନ ଆରମ୍ଭ ହୁଏ ଉଷା ବନ୍ଦନାରୁ। ପରେ ପରେ ସ୍ନାନାନ୍ତେ ସୂର୍ଯ୍ୟଙ୍କୁ ଜଳଦାନ ସହ ପ୍ରଣାମ କରୁ। ମନ୍ତ୍ରପାଠ କରୁ-‘ଜବାକୁସୁମସଂକାଶଂ କାଶ୍ୟପେୟଂ ମହାଦ୍ୟୁତିମ୍‌। ଧ୍ୱାନ୍ତାରିଂ ସର୍ବପାପଘ୍ନଂ ପ୍ରଣତୋଽସ୍ମି ଦିବାକରମ୍‌।ା’ ପାପ ଏବଂ ଅନ୍ଧାରର ବିନାଶକାରୀ ସୂର୍ଯ୍ୟ। ତେଣୁ ଆମେ କହୁ- ହେ ଦିବାକର! ଆମ ପ୍ରଣାମ ଗ୍ରହଣ କର, ଆମ ଚେତନାକୁ ଆଲୋକିତ କର। ଆମର ସମସ୍ତ ପାପ ମୋଚନ କର। ରାତିରେ ଶୋଇବାବେଳେ ମଧ୍ୟ ଈଶ୍ୱରଙ୍କୁ ପ୍ରଣାମ ଜଣାଇ ଆମେ ନିଦ୍ରା ଯାଉ। ତେଣୁ ଆମ ଦିନ ଆରମ୍ଭ ହୁଏ ପ୍ରଣାମରୁ ଓ ଶେଷ ବି ହୁଏ ପ୍ରଣାମରେ।
ପ୍ରଣାମ ଶବ୍ଦର ସୃଷ୍ଟି ପ୍ର-ପୂର୍ବକ ନମ୍‌ ଧାତୁରୁ। ନମ୍‌ ଅର୍ଥ ନଇଁବା। ଅର୍ଥାତ୍‌ ଶ୍ରଦ୍ଧାପୂର୍ବକ ଗୁରୁଜନଙ୍କୁ ନତି ସ୍ବୀକାର କରିବା। ତାଙ୍କର ଗୁଣାବଳୀକୁ ନିଜ ଭିତରେ ସମ୍ବର୍ଦ୍ଧିତ କରିବା- ”ପ୍ରଣାମେର୍‌ ଅର୍ଥ କି? ପ୍ରବୀଣେର୍‌ ଚଲନ ମାଥାୟ ରେଖୋ, ବାଡ଼ବେ ତାତେ ଧୀ।’ (ଅନୁଶ୍ରୂତି) ଗୁରୁଜନ ବା ପ୍ରବୀଣଙ୍କ ଚଳନକୁ ମଥାରେ ରଖିଲେ ହିଁ ଆମର ଧୀ ବା ବୁଦ୍ଧି ବଢ଼େ। ଏହାହିଁ ପ୍ରଣାମର ସାରତତ୍ତ୍ୱ। ତେବେ ପ୍ରଣାମ ଅନେକ ପ୍ରକାରର ଯଥା- ପଞ୍ଚାଙ୍ଗ ପ୍ରଣାମ (ଆଣ୍ଠୁ ମାଡ଼ି ମୁଣ୍ଡ ତଳେ ଲଗାଇ ପ୍ରଣାମ କରିବା), ସାଷ୍ଟାଙ୍ଗ ପ୍ରଣାମ (ଭୂମିରେ ଲମ୍ବ ହୋଇ ଶୋଇ ପ୍ରଣାମ କରିବା- ଏଥିରେ ଆଠଟି ଅଙ୍ଗ ଭୂମିରେ ଲାଗିଥାଏ), ଦୁଇ ହାତ ଯୋଡ଼ି ମୁଣ୍ଡରେ ଲଗାଇ ମୁଣ୍ଡ ନୁଆଁଇ ପ୍ରଣାମ କରିବା। ଏହାଛଡ଼ା ଗୁରୁ ବା ଇଷ୍ଟଙ୍କୁ କିଛି ଭେଟି ବା ପ୍ରଣାମି ଦେଇ ପ୍ରଣାମ କରିବାର ବିଧି ଅଛି।
କୁହାଯାଏ, ନୀରବତାର ଭାଷା ସବୁଠାରୁ ଶକ୍ତିଶାଳୀ। ନୀରବତା ଭଳି ‘ପ୍ରଣାମ’ର ଭାଷା ମଧ୍ୟ ଅନୁରୂପ ଶକ୍ତିଶାଳୀ। ସୁନ୍ଦର ଉଦାହରଣ ରହିଛି ମହାଭାରତରେ। ମହାଭାରତ ଯୁଦ୍ଧ ସମୟର କଥା। ପିତାମହ ଭୀଷ୍ମଙ୍କୁ ଦୁର୍ଯ୍ୟୋଧନଙ୍କର କଟୁ ମନ୍ତବ୍ୟ-ପାଣ୍ଡବ ପକ୍ଷ ପାଇଁ ଭୀଷ୍ମ କାଳେ ସହାନୁଭୂତିଶୀଳ। ଦୁର୍ଯ୍ୟୋଧନଙ୍କ କଥାରେ କ୍ଷୁବ୍ଧ ହୋଇ ଭୀଷ୍ମ ଘୋଷଣା କଲେ- କାଲି ସୂର୍ଯ୍ୟାସ୍ତ ପୂର୍ବରୁ ହିଁ ପାଣ୍ଡବମାନଙ୍କୁ ବଧ କରିବି। ଭୀଷ୍ମଙ୍କର ଏହି ଘୋଷଣା ପାଣ୍ଡବ ଶିବିରରେ କୋକୁଆ ଭୟ ସୃଷ୍ଟି କଲା। ବିଚଳିତ ଏବେ ପାଣ୍ଡବ, ବିଚଳିତ ଶ୍ରୀକୃଷ୍ଣ। କାରଣ ଭୀଷ୍ମଙ୍କର ଶକ୍ତି ସମସ୍ତଙ୍କୁ ଗୋଚର ଥିଲା। କୃଷ୍ଣ ଉପାୟ ପାଞ୍ଚତ୍ଲେ। ଦ୍ରୌପଦୀଙ୍କୁ ସାଙ୍ଗରେ ଡାକି ନେଲେ। ଦୁହେଁ ପହଞ୍ଚତ୍ଲେ ପିତାମହ ଭୀଷ୍ମଙ୍କ ଶିବିରରେ। ଦ୍ରୌପଦୀଙ୍କୁ କହିଲେ, ଭିତରକୁ ଯାଇ ପିତାମହଙ୍କୁ ପ୍ରଣାମ କର। ଦ୍ରୌପଦୀ ତାହା ହିଁ କଲେ। ତତ୍‌କ୍ଷଣାତ ଭୀଷ୍ମ ଦ୍ରୌପଦୀଙ୍କୁ ‘ଅଖଣ୍ଡ ସୌଭାଗ୍ୟବତୀ ଭବ’- ଏହି ଆଶୀର୍ବାଦ କରିବା ସହିତ କହିଲେ, ଶ୍ରୀକୃଷ୍ଣ ତୁମ ସହ ଆସିଛନ୍ତି ନିଶ୍ଚୟ! ଦ୍ରୌପଦୀ କହିଲେ- ହଁ, ସେ ବାହାରେ ଅପେକ୍ଷା କରିଛନ୍ତି। ଭୀଷ୍ମ କୃଷ୍ଣଙ୍କୁ ଭେଟିବାକୁ ବାହାରକୁ ଆସିଲେ। କହିଲେ- ମୋର ଗୋଟିଏ କଥାକୁ ମୋରି ପରବର୍ତ୍ତୀ କଥାରେ ହିଁ କାଟିଦେବାର କୌଶଳ କେବଳ ତୁମକୁ ଜଣା ଶ୍ରୀକୃଷ୍ଣ! ଆଉ କାହାକୁ ନୁହେଁ। ଶ୍ରୀକୃଷ୍ଣ ସେତେବେଳେ ଖାଲି ଟିକେ ମୁରୁକି ହସିଦେଲେ।
ଶିବିରରୁ ଫେରିବା ବେଳେ ଦ୍ରୌପଦୀଙ୍କୁ ଶ୍ରୀକୃଷ୍ଣ କହିଲେ, ତୁମେ ମାତ୍ର ଥରେ ପିତାମହଙ୍କୁ ପ୍ରଣାମ କରିବା ଦ୍ୱାରା ତୁମ ପତିମାନଙ୍କର ଜୀବନ ବଞ୍ଚିଗଲା, ପାଣ୍ଡବକୁଳ ଆସନ୍ନ ବିପଦରୁ ରକ୍ଷା ପାଇଗଲେ। ଆଉ ଯଦି ପ୍ରତିଦିନ ତୁମେ ଭୀଷ୍ମ, ଧୃତରାଷ୍ଟ୍ର, ଦ୍ରୋଣାଚାର୍ଯ୍ୟ ପ୍ରମୁଖ ଗୁରୁଜନଙ୍କୁ ପ୍ରଣାମ କରନ୍ତ ଏବଂ ଦୁର୍ଯ୍ୟୋଧନ, ଦୁଃଶାସନ ଆଦି ଭାଇଙ୍କ ପତ୍ନୀମାନେ ପାଣ୍ଡବ ପକ୍ଷର ଗୁରୁଜନମାନଙ୍କୁ ପ୍ରଣାମ କରନ୍ତେ, ତା’ହେଲେ ହୁଏତ ମହାଭାରତ ଯୁଦ୍ଧର ଆବଶ୍ୟକତା ହିଁ ପଡ଼ି ନ ଥାନ୍ତା।
ମହାଭାରତର ଏଇ କଥା ଆମ ବ୍ୟକ୍ତି ଓ ସମାଜ ଜୀବନରେ ଅନେକ ଗୁରୁତ୍ୱ ବହନ କରେ। କାରଣ ଆଜିର ସମାଜ ଓ ପରିବାରରେ ଅସ୍ଥିରତା ସମସ୍ତଙ୍କୁ ବ୍ୟଥିତ କରୁଛି। ଜାଣତ ବା ଅଜାଣତରେ ଘରର ଗୁରୁଜନମାନେ ଅବହେଳିତ ହେଉଛନ୍ତି। ଘରର ପିଲାମାନେ ଏବଂ ବୋହୂମାନେ ଯଦି ଗୁରୁଜନଙ୍କୁ ପ୍ରଣାମପୂର୍ବକ ସେମାନଙ୍କର ଆଶୀର୍ବାଦ ଲାଭ କରନ୍ତେ, ହୁଏତ ଏଭଳି ଅସ୍ଥିରତା ହ୍ରାସ ପାଆନ୍ତା।
ବଡ଼ମାନଙ୍କର ଆଶୀର୍ବାଦ ସବୁବେଳେ କବଚ ଭଳି କାର୍ଯ୍ୟ କରିଥାଏ। ଘରର ପ୍ରତ୍ୟେକ ବ୍ୟକ୍ତି ଏହି ସଂସ୍କୃତିକୁ ପାଳନ କଲେ ଘର, ପରିବାର ଓ ସମାଜରେ ଶାନ୍ତି ବିରାଜମାନ କରିବ। ବଡ଼ମାନେ ମଧ୍ୟ ପିଲାମାନଙ୍କୁ ବୁଝେଇଦେବା ଜରୁରୀ ଯେ- ପ୍ରଣାମ ହେଉଛି ପ୍ରେମ, ପ୍ରଣାମ ଅନୁଶାସନ। ପ୍ରଣାମ ଆଦର ଶିଖାଏ। ପ୍ରଣାମ କରିବା ଦ୍ୱାରା ମନରେ ସୁବିଚାର ଆସେ। ପ୍ରଣାମ ନଇଁବା ଶିଖାଏ। ପ୍ରଣାମ କ୍ରୋଧ ଦୂର କରେ। ପ୍ରଣାମ ଲୁହ ପୋଛିଦିଏ। ପ୍ରଣାମ ଅହଂକାର ଧୋଇଦିଏ। ପ୍ରଣାମ ମଣିଷକୁ ମଣିଷ କରି ଗଢ଼ିତୋଳେ। ନିତ୍ୟ ପ୍ରଣାମ କରୁଥିବା ବ୍ୟକ୍ତିକୁ ଚାରୋଟି ଜିନିଷ ମିଳେ- ଆୟୁ, ବିଦ୍ୟା, ଯଶ ଓ ବଳ। ଶାସ୍ତ୍ରରେ ଅଛି- ”ଅଭିବାଦନଶୀଳସ୍ୟ ନିତ୍ୟଂ ବୃଦ୍ଧୋପସେବିନଃ। ଚତ୍ୱାରି ତସ୍ୟ ବର୍ଦ୍ଧନ୍ତେ ଆୟୁର୍ବିଦ୍ୟାଯଶୋବଳମ୍‌।“

ମୋ-୯୪୩୯୨୮୧୫୬୧

All Right Reserved By

ସମ୍ପାଦକୀୟ |

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

Model This Week

ରୂପେଶ