ବାଲେଶ୍ୱର

ଜିଲାପାଳ, ଡିଏଫଓ ଅଫିସ ଘେରିଲେ ୫ ହଜାର ଶ୍ରମିକ

 ଜିଲାପାଳ, ଡିଏଫଓ ଅଫିସ ଘେରିଲେ ୫ ହଜାର ଶ୍ରମିକ
ବାରିପଦା ଅଫିସ,୨୯।୧୨- ମୟୁରଭଞ୍ଜ ଜିଲାରେ ଲଘୁ ଖଣିଜ ଦ୍ରବ୍ୟ ‘କଳା ମୁଗୁନି ପଥର’ ଖାଦାନ ସବୁ ବନ୍ଦ ହେବା ପରେ ଏଥିରେ କାର୍ଯ୍ୟକରି ଗୁଜୁରାଣ ମେଣ୍ଟାଉଥିବା ୪୦ ହଜାରରୁ ଊର୍ଦ୍ଧ୍ୱ ଶ୍ରମିକ ଓ ବ୍ୟବସାୟୀ ବେକାର ହୋଇବସିଛନ୍ତି। ରୋଜଗାର ହରାଇଥିବା ଶ୍ରମିକଙ୍କୁ କାମଧନ୍ଦା ଯୋଗାଇବା ଦାବି କରି ଶୁକ୍ରବାର ଉପରୋକ୍ତ ଅଞ୍ଚଳର ୫ ହଜାରରୁ ଊର୍ଦ୍ଧ୍ୱ ଶ୍ରମିକ ଜିଲାପାଳ ଓ ବନ ଖଣ୍ଡ ଅଧୀକାରୀ(ଡିଏଫଓ)ଙ୍କ କାର୍ଯ୍ୟାଳୟକୁ ଘେରାଉ କରିଥିଲେ। ସେମାନେ ସ୍ଥାନୀୟ ମଧୁବନ ପଡିଆଠାରୁ ରାଲିରେ ଆସି ବିକ୍ଷୋଭ ପ୍ରଦର୍ଶନ କରଥିଲେ। ଜିଲା ପ୍ରଶାସନ କିଛି ପଦକ୍ଷେପ ନ ନେଳେ ସେମାନେ ଆନ୍ଦୋଳନକୁ ତୀବ୍ରତର କରିବେ ବୋଲି ଚେତାବନୀ ଦେଇଥିଲେ। ଶ୍ରମିକ ନେତା ସୁପାୟ ସୋରେନ ଦର୍ଶାଇଛନ୍ତି ଯେ, କେନ୍ଦ୍ର ଜଙ୍ଗଲ ଓ ପରିବେଶ ବିଭାଗ ଶିମିଳିପାଳ ଅଭୟାରଣ୍ୟରୁ ୨ କି.ମି. ପରିସର ବାହାରେ ଥିବା ପଥର ଖାଦାନଗୁଡିକ ସମ୍ପର୍କରେ ପ୍ରସ୍ତାବ ଦେବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲେ। ଏହାପରେ ୨୦୧୩-୧୪ ଆର୍ଥିକ ବର୍ଷରେ ମୟୁରଭଞ୍ଜ, ବାଲେଶ୍ୱର ଓ କେନ୍ଦୁଝର ଜିଲାର ଆର.ସି.ସି.ଏଫ. ରିପୋର୍ଟ ପ୍ରଦାନ କରିଥିଲେ। ହେଲେ କେନ୍ଦୁଝର ଜିଲାର ହଦଗଡକୁ ଏହି ରିପୋର୍ଟରୁ ବାଦ ଦିଆଯିବାରୁ ପୁନର୍ବାର ଏହାକୁ ମିଶାଇ ରିପୋର୍ଟ ଦେବାକୁ ନିର୍ଦ୍ଦେଶ ଆସିଥିଲା। ହେଲେ ପ୍ରଶାସନିକ ଅବହେଳା ଯୋଗୁଁ ଜଙ୍ଗଲ ବିଭାଗ ଏଯାଏ ଏହି ରିପୋର୍ଟ ପଠାଇନାହିଁ। ଏଥିଯୋଗୁଁ ଏହି ଅଞ୍ଚଳରେ ଥିବା ପଥର ଖାଦାନଗୁଡିକ ବନ୍ଦ ରହିଛି। ଶ୍ରମିକମାନେ ଦର୍ଶାଇଥିଲେ ଯେ, ମୟୁରଭଞ୍ଜ ଜିଲାରେ ଖୁଣ୍ଟା, ଶାମାଖୁଣ୍ଟା, ବଡସାହି, କୁଳିଅଣା ଓ ବାଙ୍ଗିରିପୋଷୀ ତହସିଲ ଇଲାକାରେ ଥିବା ‘କଳା ମୁଗୁନି ପଥର’ ଖାଦାନଗୁଡିକୁ ୨୦୧୪-୧୫ ଆର୍ଥିକ ବର୍ଷ ପର୍ଯ୍ୟନ୍ତ ନିଲାମ କରାଯାଉଥିଲା। ଏହି ନିଲାମ ବନ୍ଦ ରହିଥିବାରୁ ଏହି ଅଞ୍ଚଳରେ ୪୦ରୁ ଊର୍ଦ୍ଧ୍ୱ କ୍ରଶର ବନ୍ଦ ରହିଛି । ଶ୍ରମିକମାନେ କାମଧନ୍ଦା ହରାଛନ୍ତି। ତେବେ ବର୍ତ୍ତମାନ ଯେଉଁ ସବୁ ଖାଦାନ ଚାଳିଛି ସେଥିରୁ କଞ୍ଚାମାଲ ଯାଉଥିବା ଗାଡିକୁ ଜବତ କରି ବନ ବିଭାଗ ଜରିମାନା ଆଦାୟ କରୁଛି। ଏହାକୁ ବିରୋଧ କରି ବାରିପଦା ଲୋକାଲ ଟ୍ରକ ଓ କ୍ରସର ମାଲିକ ସଂଘ ପକ୍ଷରୁ ଜିଲାର ସମସ୍ତ କ୍ରସର ଓ ଏଠାରୁ କଞ୍ଚାମାଲ ପରିବହନ କରୁଥିବା ସମସ୍ତ ଟ୍ରକଗୁଡିକୁ ଅନିଦ୍ଧିଷ୍ଟ କାଳ ପାଇଁ ଗତ ୧୧ ତାରିଖ ଠାରୁ ବନ୍ଦ ରଖିଛନ୍ତିି। ଏହି ଶ୍ରମିକ ଆନ୍ଦୋଳନ ସମ୍ପର୍କରେ ଭାରାପ୍ରାପ୍ତ ଅତିରିକ୍ତ ଜିଲାପାଳ ଶତୃଘ୍ନ କରଙ୍କୁ ପଚାରିବାରୁ ଏ ଦିଗରେ ପ୍ରଶାସନ ପଦକ୍ଷେପ ନେଉଛି ବୋଲି କହିଛନ୍ତି।
All Right Reserved By

ବାଲେଶ୍ୱର

ଆଦିବାସୀ ମତ୍ସ୍ୟଚାଷୀଙ୍କୁ ସ୍ବତନ୍ତ୍ର ତାଲିମ

ଆଦିବାସୀ ମତ୍ସ୍ୟଚାଷୀଙ୍କୁ ସ୍ବତନ୍ତ୍ର ତାଲିମ

ବାଲେଶ୍ୱର ଅଫିସ୨୬।୯-ବାଲେଶ୍ୱର ଜିଲାର ଆଦିବାସୀ ମତ୍ସ୍ୟଜୀବୀଙ୍କ ନିମନ୍ତେ ଜିଲା ମତ୍ସ୍ୟ ବିଭାଗ, ଧାନ୍‌ ଫାଉଣ୍ଡେସନ ଏବଂ ଭାରତୀୟ ଷ୍ଟେଟ ବ୍ୟାଙ୍କ ତରଫରୁ ଆୟଜିତ  ଏକ ଦିନିକିଆ ତାଲିମ କାର୍ଯ୍ୟକ୍ରମ  ବୁଧବାର  ସ୍ଥାନୀୟ ଜିଲା ମତ୍ସ୍ୟ ଅଧିକାରୀଙ୍କ ସମ୍ମିଳନୀ କକ୍ଷଠାରେ ମହିଳା ଓ ପୁରୁଷ ମତ୍ସ୍ୟଚାଷୀଙ୍କୁ ତାଲିମ ପ୍ରଦାନ କରାଯାଇଛି ା

ପେଟୋଲ ଦର ବୃଦ୍ଧି ପ୍ରତିବାଦରେ ସିପିଆଇଏମ୍‌ର ଆନ୍ଦୋଳନ

ପେଟୋଲ ଦର ବୃଦ୍ଧି ପ୍ରତିବାଦରେ ସିପିଆଇଏମ୍‌ର ଆନ୍ଦୋଳନ

ବାଲେଶ୍ୱର ଅଫିସ.୨୬।୯-ଭାରତର କମ୍ୟୁନିଷ୍ଟ ପାର୍ଟି ଜିଲା କମିଟି ତରଫରୁ  ନୁଆବଜାରସ୍ଥିତ ଇଶ୍ୱର ଦାସ ଭବନରେ ବୁଧବାର ପୂର୍ବାହ୍ନ ୩ଟାରେ ଅହେତୁକ ପେଟୋଲ ଓ ଡିଜେଲ୍‌ ଦର ବୃଦ୍ଧି ପ୍ରତିବାଦରେ ଆସନ୍ତା ଅକ୍ଟୋବର ୯ ଏବଂ ୧୦ ଦୁଇ ଦିନ ଧରି ସାରା ଜିଲାରେ ପଥପ୍ରନ୍ତ ସଭା ଓ ସାଧାରଣ ସଭା କରାଯିବ।

ଜାତୀୟ କୃମି ନାଶକ ଦିବସ ପାଳିତ

ଜାତୀୟ କୃମି ନାଶକ ଦିବସ ପାଳିତ

ବାଲେଶ୍ୱର ଅଫିସ,୨୬।୯-  ଜାତୀୟ କୃମି ନାଶକ ଦିବସ  ବାଲେଶ୍ୱର ଫକୀର ମୋହନ କନିଷ୍ଠ ମହାବିଦ୍ୟାଳୟରେ ବୁଧବାର ପୂର୍ବାହ୍ନ ୧୧ଟାରେ ପାଳିତ ହୋଇଯାଇଛି ା  ଅତିରିକ୍ତ ଜିଲାପାଳ ମାନସ ରଞ୍ଜନ ପାଢୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଯୋଗ ଦେଇ ଛାତ୍ରୀଛାତ୍ରୀଙ୍କୁ କୃମି ନାଶକ ବଟିକା ଖୁଆଇ ଶୁଭାରମ୍ଭ କରିଥିଲେ।

ଶାମ୍ବ ରଥ ଉଦ୍‌ଘାଟିତ

ଶାମ୍ବ ରଥ ଉଦ୍‌ଘାଟିତ

ଭଣ୍ଡାରିପୋଖରୀ, ୨୬ା୯(ଡି.ଏନ.ଏ.)-ଭଣ୍ଡାରିପୋଖରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ କୁଷ୍ଠ ନିରାକରଣ ଅଭିଯାନ ସଚେତନତା ଶାମ୍ବ ରଥକୁ ସ୍ବାସ୍ଥ୍ୟକେନ୍ଦ୍ର ଚିକିତ୍ସାଧିକାରୀ ଡା. ଗଣେଶ ଚନ୍ଦ୍ର ପତି  ଉଦ୍‌ଘାଟନ କରିଥିଲେ।

‘ଏସିଡ୍‌ ଆକ୍ରମଣ ଏକ ନିନ୍ଦନୀୟ ଅପରାଧ’

‘ଏସିଡ୍‌ ଆକ୍ରମଣ ଏକ ନିନ୍ଦନୀୟ ଅପରାଧ’

ବାସୁଦେବପୁର,୨୬।୯(ଡି.ଏନ.ଏ.)-ବାସୁଦେବପୁର ଇରମ ଶହୀଦ ସ୍ମୃତି କଲେଜ ପରିସରରେ ତାଲୁକ ଆଇନସେବା ପ୍ରାଧିକରଣ ସଂସ୍ଥା ପକ୍ଷରୁ ଏସିଡ୍‌ ଆକ୍ରମଣ ନେଇ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। 

ଓଡ଼ିଶା ମେଡିକାଲ ସର୍ଭିସ ଆସୋସିଏଶନର ଜିଲା କାର୍ଯ୍ୟକାରିଣୀ: ଡାକ୍ତରଙ୍କ ସୁରକ୍ଷା ପ୍ରତି ଗୁରୁତ୍ୱ

ଓଡ଼ିଶା ମେଡିକାଲ ସର୍ଭିସ ଆସୋସିଏଶନର ଜିଲା କାର୍ଯ୍ୟକାରିଣୀ: ଡାକ୍ତରଙ୍କ ସୁରକ୍ଷା ପ୍ରତି ଗୁରୁତ୍ୱ

ଭଦ୍ରକ ଅଫିସ,୨୬।୯-ଭଦ୍ରକ ଜିଲାରେ ବିଭିନ୍ନ ଡାକ୍ତରଖାନାରେ କାର୍ଯ୍ୟରତ ଡାକ୍ତର ବହୁ ସମୟରେ ରୋଗୀଙ୍କ ସମ୍ପର୍କୀୟଙ୍କ ଆକ୍ରୋଶର ଶିକାର ହେଉଛନ୍ତି। ରୋଗୀସେବାରେ ସର୍ବଦା ନିଜକୁ ଉତ୍ସର୍ଗ କରୁଥିବା ଡାକ୍ତରମାନେ ରୋଗୀଙ୍କ ଚିକିତ୍ସାରେ ମନୋନିବେଶ କରୁଥିବା ବେଳେ ରୋଗୀଙ୍କ ସମ୍ପର୍କୀୟ କ୍ଷଣିକ ଉତ୍ତେଜନାର ବଶବର୍ତ୍ତୀ ହୋଇ ଏଭଳି କାଣ୍ଡ କରନ୍ତି। ଡାକ୍ତରଙ୍କ ଚିକିତ୍ସା କରିବାର ମନୋବଳ ଉପରେ ଏହା ଆଘାତ ପହଞ୍ଚାଇଥାଏ। ଏହାକୁ ବନ୍ଦ କରାଇବା କ୍ଷେତ୍ରରେ ଉଭୟ ଡାକ୍ତର ଏବଂ ପ୍ରଶାସନର ମିଳିତ ସହଯୋଗ ଆବଶ୍ୟକ ବୋଲି ଓମ୍‌ସା(ଓଡ଼ିଶା ମେଡିକାଲ ସର୍ଭିସ ଆସୋସିଏସନ) ଭଦ୍ରକ ଶାଖାର ଜିଲା କାର୍ଯ୍ୟକାରିଣୀ ବୈଠକରେ ମତପ୍ରକାଶ ପାଇଛି।

ମହିଳାମାନେ ଆଣିପାରିବେ ପରିବର୍ତ୍ତନ

ମହିଳାମାନେ ଆଣିପାରିବେ ପରିବର୍ତ୍ତନ

ବାଲେଶ୍ୱର ଅଫିସ, ୨୬।୯- ମହିଳାମାନେ ସଚେତନ ହେଲେ ଲତଙ୍ଗଗତ ବୈଷମ୍ୟ ଦୁର କରି  ସମାଜରେ ପରିବର୍ତ୍ତନ ଆଣିବା ସହ ପରିବାରର କଲ୍ୟାଣ ସାଧନ କରିବା ସହ ପାରିବେ ବୋଲି ଅଖିଳ ଭାରତ ମହିଳା ପରିଷଦ ତରଫରୁ ମଙ୍ଗଳବାର ବାଲେଶ୍ୱର ଜିଲା ନାରୀ ସଂଘ ଦ୍ୱାରା ଆୟୋଜିତ ଏକ ଦିବସୀୟ କର୍ମଶାଳାରେ ଅତିଥି ଓ ବକ୍ତାମାନେ ପରାମର୍ଶ ଦେଇଛନ୍ତି। 

ପ୍ରଭାତଙ୍କୁ ରାଜ୍ୟସ୍ତରୀୟ ପୁରସ୍କାର

ପ୍ରଭାତଙ୍କୁ ରାଜ୍ୟସ୍ତରୀୟ ପୁରସ୍କାର

ରୂପ୍‌ସା,୨୬।୯(ଡି.ଏନ.ଏ.)- ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ନୀଳମଣି ମହାବିଦ୍ୟାଳୟର ଏନଏସ୍‌ଏସ୍‌ ସ୍ବେଚ୍ଛାସେବୀ ପ୍ରଭାତ ରଞ୍ଜନ ପ୍ରଧାନଙ୍କୁ ରାଜ୍ୟସ୍ତରୀୟ ପୁରସ୍କାର ମିଳିଛି। ଓଡ଼ିଶା ସରକାରଙ୍କ ଉଚ୍ଚଶିକ୍ଷା ବିଭାଗ ତରଫରୁ ଭୁବନେଶ୍ୱର ଇଡ଼କଲ ଅଡ଼ିଟୋରିୟମ୍‌ରେ ସୋମବାର ଆୟୋଜିତ ରାଜ୍ୟସ୍ତରୀୟ ଜାତୀୟ ସେବା ଯୋଜନା ପୁରସ୍କାର ବିତରଣ ଉତ୍ସବରେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସ ପ୍ରଭାତଙ୍କୁ ମାନପତ୍ର ଓ ମେଡ଼ାଲ ସହ ୩ହଜାର ଟଙ୍କା ପ୍ରୋତ୍ସାହନ ରାଶି ପ୍ରଦାନ କରିଛନ୍ତି। 

କୁପାରୀ ଭାଗବତ ଟୁଙ୍ଗିର ବାର୍ଷିକ ଉତ୍ସବ

କୁପାରୀ ଭାଗବତ ଟୁଙ୍ଗିର ବାର୍ଷିକ ଉତ୍ସବ

ଖଇରା, ୨୬।୯(ଡି.ଏନ.ଏ.)-ଖଇରା ବ୍ଲକ କୁପାରୀ ପଟ୍ଟନାୟକସାହିସ୍ଥିତ ଭାଗବତ ଟୁଙ୍ଗିର ୫୬ତମ ବାର୍ଷିକ ଉତ୍ସବ ମଙ୍ଗଳବାର ଭାଗବତ ଜନ୍ମଠାରୁ ଆରମ୍ଭ ହୋଇଛି।  ଡଃ ଅଜୟ ସେଣ୍ଡ ଓ ରମେଶ ମହାନ୍ତିଙ୍କ ଦ୍ୱାରା ଘଟ ଉତ୍ତୋଳନ କରାଯାଇଥିଲା।  ପ୍ରଥମେ ଚଳିତ କୃଷ୍ଣଙ୍କର ସ୍ଥାୟୀ ମାର୍ବଲ ମୂର୍ତ୍ତୀ ପ୍ରତିଷ୍ଠା କରାଯାଇଥିଲା। ପଣ୍ଡିତ କୃତିବାସ ପଣ୍ଡା, ବିଷ୍ଣୁଚରଣ ପଣ୍ଡା, ଶମ୍ଭୁନାଥ ପଣ୍ଡାଙ୍କ ଦ୍ୱାରା ଯଜ୍ଞାଦି କର୍ମ ଅନୁଷ୍ଠିତ ହୋଇଥିଲା।

ଦେବଶିଳ୍ପୀଙ୍କୁ ମେଲାଣି

ଦେବଶିଳ୍ପୀଙ୍କୁ ମେଲାଣି

ଖଇରା,୨୬।୯(ଡି.ଏନ.ଏ.)-ଖଇରା ବ୍ଲକ ଅଧୀନ କୁପାରୀସ୍ଥିତ ଶୁନ୍ୟବ୍ରହ୍ମ ଡ୍ରାଇଭର ସଂଘ ପକ୍ଷରୁ ୧୭ ତାରିଖରୁ ଆରମ୍ଭ ହୋଇଥିବା ବିଶ୍ୱକର୍ମା ପୂଜା ସୋମବାର ଶେଷ ହୋଇ ଯାଇଛି।   ଶିତିକଣ୍ଠ ପଣ୍ଡା ଦେବଶିଳ୍ପୀଙ୍କୁ ଆବାହନ କରିବା ଶେଷ ଦିବସରେ ବିସର୍ଜନ କରିଥିଲେ । 

 ଟ୍ରାକ୍ଟରରୁ ବ୍ୟାଟେରି ଚୋରି, ଅଭିଯୁକ୍ତ ଗିରଫ

ଟ୍ରାକ୍ଟରରୁ ବ୍ୟାଟେରି ଚୋରି, ଅଭିଯୁକ୍ତ ଗିରଫ

ରୂପ୍‌ସା, ୨୬।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଶ୍ରୀରାମପୁର ପଞ୍ଚାୟତ ନିମା ଗ୍ରାମର ଶଶୀକାନ୍ତ ନାୟକଙ୍କ ଟ୍ରାକ୍ଟରରୁ ବ୍ୟାଟେରି ଚୋରି ଅଭିଯୋଗରେ ବସ୍ତା ପୋଲିସ ଅଭିଯୁକ୍ତ ପ୍ରମୋଦ ମଲିକଙ୍କୁ ମଙ୍ଗଳବାର ଗିରଫ କରିଛି। ପ୍ରମୋଦଙ୍କ ଘର ହଳଦୀପଦା ନୟାପଡ଼ା ଗ୍ରାମରେ। ଏନେଇ ଥାନାରେ ଏକ ମାମଲା (ନଂ. ୨୫୫/୧୮) ରୁଜୁ ହୋଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି।

ସରିଲା ଖୁଦୁରୁକୁଣୀ ଓଷା

ସରିଲା ଖୁଦୁରୁକୁଣୀ ଓଷା

ସିମୁଳିଆ,୨୬। ୯(ଡି.ଏନ୍‌.ଏ.)-ଭାଇମାନଙ୍କ ମଙ୍ଗଳ କାମନା ଉଦ୍ଦେଶ୍ୟରେ ଭଉଣୀମାନଙ୍କ ଦ୍ୱାରା ଅନୁଷ୍ଠିତ ଖୁଦୁରୁକୁଣୀ ଓଷା ରବିବାର ଶେଷ ହୋଇଯାଇଛି।  ମାର୍କୋଣା ବଜାର ସାହିର ଯୁବତୀମାନେ ମାସେ ବ୍ୟାପୀ ଏହି ଓଷା କରିଆସୁଥିଲେ।