Dharitri News
ଅନଗୁଳ-ଢେଙ୍କାନାଳ

ଜାନୁୟାରୀ ୩୦ରୁ ଯୋରନ୍ଦା ମାଘମେଳା

ଜାନୁୟାରୀ ୩୦ରୁ ଯୋରନ୍ଦା ମାଘମେଳା ଢେଙ୍କାନାଳ ଅଫିସ, ୨୯।୧୨-ପ୍ରସିଦ୍ଧ ମହିମା ଧର୍ମପୀଠ ଯୋରନ୍ଦାରେ ଜାନୁୟାରୀ ୩୦ରୁ ଆରମ୍ଭ ହେବ ମାଘମେଳା। ଏ ନେଇ ଆରମ୍ଭ ହୋଇଛି ପ୍ରସ୍ତୁତି। ଶୁକ୍ରବାର ମଧ୍ୟାହ୍ନରେ ଯୋରନ୍ଦା ପଞ୍ଚାୟତ କାର୍ଯ୍ୟାଳୟରେ ଅନୁଷ୍ଠିତ ପ୍ରସ୍ତୁତି ବୈଠକରେ ଏ ସଂକ୍ରାନ୍ତରେ ସବିଶେଷ ସୂଚନା ଦିଆଯାଇଛି। ଜିଲାପାଳ ଭୂପେନ୍ଦ୍ର ସିଂ ପୁନିଆ ଏଥିରେ ଅଧ୍ୟକ୍ଷତା କରି ମାଘମେଳାକୁ ଶାନ୍ତିଶୃଙ୍ଖଳାର ସହ ପାଳନ କରିବାକୁ ସମସ୍ତଙ୍କ ସହଯୋଗ କାମନା କରିଥିଲେ। ମାଘମେଳା ଅବସରରେ ଫେବୃୟାରୀ ୧ରୁ ୩ ତାରିଖ ଯାଏ ପ୍ରଥମକରି ମହିମା ମହୋତ୍ସବ ଅନୁଷ୍ଠିତ ହେବ। ଏଥିରେ ସାଂସ୍କୃତିକ କାର୍ଯ୍ୟକ୍ରମ ସାଜିବ ପ୍ରମୁଖ ଆକର୍ଷଣ। ୮୦ଟି ଷ୍ଟଲକୁ ନେଇ ମିନି ପଲ୍ଲିଶ୍ରୀ ମେଳା ମଧ୍ୟ ଆୟୋଜିତ ହେବ ବୋଲି ସୂଚନା ଦିଆଯାଇଛି। ମେଳା ପୂର୍ବରୁ ଯୋରନ୍ଦାରୁ ବିଧାରପୁର ମଧ୍ୟରେ ଥିବା ଗ୍ରାମ୍ୟ ଉନ୍ନୟନ ବିଭାଗ ରାସ୍ତା, ଯୋରନ୍ଦା ତାରିଣୀ ମନ୍ଦିରଠାରୁ ଜଗନ୍ନାଥ ମନ୍ଦିର ବାଇପାସ୍‌ ରାସ୍ତା, ଯୋରନ୍ଦା ଫାଣ୍ଡିରୁ ବସଷ୍ଟାଣ୍ଡ ପର୍ଯ୍ୟନ୍ତ ରାସ୍ତାକୁ ତୁରନ୍ତ ମରାମତି ପାଇଁ ଦାବି ଉଠିଥିଲା। ସେହିପରି ଯାତ୍ରା ପଡ଼ିଆର ଉନ୍ନତୀକରଣ, ବିଦ୍ୟୁତ୍‌ ବ୍ୟବସ୍ଥା ସଜାଡ଼ିବା, ପାନୀୟ ଜଳର ସୁବନ୍ଦୋବସ୍ତ, ପରିମଳ ବ୍ୟବସ୍ଥାକୁ ସୁଧାରିବା ଆଦି ବିଷୟରେ ଆଲୋଚନା ହୋଇଥିଲା। ମେଳାରେ ଦେଶର ବିଭିନ୍ନ ପ୍ରାନ୍ତରୁ ସହସ୍ରାଧିକ ସାଧୁସନ୍ନ୍ୟାସୀ ଓ ଶ୍ରଦ୍ଧାଳୁଙ୍କ ସମାଗମ ହେବ। ସେମାନଙ୍କ ସୁରକ୍ଷା ପ୍ରମୁଖ ପ୍ରସଙ୍ଗ ହେବ। ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବାକୁ ଦାବି କରାଯାଇଥିଲା। ସରପଞ୍ଚ ପ୍ରଶାନ୍ତ କୁମାର ରାଉତ ଗତବର୍ଷ ମାଘ ମେଳାର ଆୟବ୍ୟୟର ବିବରଣୀ ପାଠ କରିଥିଲେ। ବିବରଣୀରୁ ହସ୍ତଗତ ତଥ୍ୟ ଅନୁଯାୟୀ, ଗତବର୍ଷ ମେଳାରୁ ୧୧ ଲକ୍ଷ ୧୪ ହଜାର ୩୪୨ ଟଙ୍କା ଆୟ ହୋଇଥିବାବେଳେ ଖର୍ଚ୍ଚ ହୋଇଥିଲା ୮ଲକ୍ଷ ୪୫ ହଜାର ୫୪୦ଟଙ୍କା। ଚଳିତବର୍ଷ ମେଳା ପାଇଁ ପାର୍କିଂ, ଯାତ୍ରା, ଦୋକାନ ବଜାର, ଚୁଟିକଟା ଆଦିକୁ ନେଇ ଆଦାୟ ହେଉଥିବା ଫି’ରେ ୧୦% ବୃଦ୍ଧି କରିବା ପାଇଁ ପ୍ରସ୍ତାବ ଦିଆଯାଇଥିଲା। ବୈଠକରେ ଉପଜିଲାପାଳ ଶିଳ୍ପା ଶର୍ମା, ତହସିଲଦାର ବରଣ୍ୟେନ୍ଦୁ ମହାନ୍ତି, ବିଡିଓ ରବୀନ୍ଦ୍ର କୁମାର ସାବତ, ଥାନାଧିକାରୀ ଜିତେନ୍ଦ୍ର ସାହୁ, ସତ୍ୟ ମହିମା ଧର୍ମଧାମ ପରିଚାଳନା ସମିତି ପକ୍ଷରୁ ସାଧୁ ନିତ୍ୟାନନ୍ଦ ବାବା, ନଟବର ବାବା, କୌପିନଧାରୀ ମହିମା ସମାଜର ସାଧୁ ରଘୁନାଥ ବାବା, ଅବିନାଶୀ ବାବା, ଅରୂପ ବାବା ପ୍ରମୁଖ ଉପସ୍ଥିତ ରହି ନିଜସ୍ବ ମତ ଉପସ୍ଥାପନ କରିଥିଲେ। ବୈଠକରେ ବିଭିନ୍ନ ଶିକ୍ଷାନୁଷ୍ଠାନର କର୍ମକର୍ତ୍ତା, ପଞ୍ଚାୟତ ପ୍ରତିନିଧି, ସ୍ଥାନୀୟ ପ୍ରଶାସନିକ ଅଧିକାରୀ, ସ୍ବାସ୍ଥ୍ୟ ବିଭାଗ ଅଧିକାରୀ ଉପସ୍ଥିତ ଥିଲେ।

ଅନଗୁଳ-ଢେଙ୍କାନାଳ

ସୌର ଶକ୍ତି ବ୍ୟବହାରରେ ତାପମାତ୍ରା କମିବ

ସୌର ଶକ୍ତି ବ୍ୟବହାରରେ ତାପମାତ୍ରା କମିବ

ଢେଙ୍କାନାଳ ଅଫିସ,୨୩।୧- ଢେଙ୍କାନାଳ ସଦର ବ୍ଲକ ବଣସିଂହଠାରେ ସ୍ବେଚ୍ଛାସେବୀ ସଂଗଠନ ଇଡିଅଟ୍‌ ଏବଂ ଓନର୍ଜିି ପକ୍ଷରୁ ମଙ୍ଗଳବାର ସୌର ଆଲୋକ ବ୍ୟବହାର ଉପରେ ଏକ କର୍ମଶାଳା ଅନୁଷ୍ଠିତ ହୋଇଥିଲା। କ୍ଲିନ୍‌ ଏନର୍ଜୀର ପରାମର୍ଶଦାତା ସାମାଜିକକର୍ମୀ ବନମାଳୀ ଦାଶ ଯୋଗଦେଇ କହିଲେ, ଜଳବାୟୁ ପରିବର୍ତ୍ତନ ଏବେ ଚିନ୍ତାଜନକ ପରିସ୍ଥିତି ସୃଷ୍ଟି କରିଛି।

ବସ୍‌ରେ ଲାଗିଲା ବିଦ୍ୟୁତ୍‌ ତାର

ଭୁବନ, ୨୩।୧(ଡି.ଏନ.ଏ)- ଢେଙ୍କାନାଳ ଜିଲା ଭୁବନ ଏନ୍‌ଏସି କାଳୀବଜାରଠାରେ ମଙ୍ଗଳବାର ସନ୍ଧ୍ୟା ୬ଟା ୨୦ରେ ଏକ ବସ୍‌ରେ ବିଦ୍ୟୁତ୍‌ ତାର ଲାଗି ଯାଇଥିଲା। ଫଳରେ ତାରଟି ଛିଣ୍ଡି ବସ୍‌ରେ ଲାଗି ରହିଥିଲା। ତେବେ ସୂଚନାପାଇ ସଙ୍ଗେ ସଙ୍ଗେ ବିଦ୍ୟୁତ୍‌ ବିଭାଗ ପକ୍ଷରୁ ଲାଇନ ସଂଯୋଗ କଟାଯିବାରୁ ଏଥିରେ ଥିବା ଯାତ୍ରୀମାନେ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି।

ଶାଳ କାଠ ଜବତ, ୩ ଗିରଫ

କଣିହାଁ, ୨୩।୧ (ଡି.ଏନ.ଏ.)- ଅନୁଗୋଳ ଜିଲା କଣିହାଁ ବନାଞ୍ଚଳରେ ବେଆଇନ ଭାବେ ଶାଳ କାଠ କାଟିବା ଅଭିଯୋଗରେ ବିଭାଗ ପକ୍ଷରୁ ମଙ୍ଗଳବାର ୩ ଜଣଙ୍କୁ ଗିରଫ ପରେ କୋର୍ଟଚାଲାଣ କରାଯାଇଛି।

ଟିପ୍ପରରେ ପିଟିହେଲା ବାଇକ୍‌

ଟିପ୍ପରରେ ପିଟିହେଲା ବାଇକ୍‌

ପରଜଙ୍ଗ, ୨୩।୧ (ଡି.ଏନ.ଏ.)- ଢେଙ୍କାନାଳ ଜିଲା ପରଜଙ୍ଗ ଥାନା ବଡ଼କମର- ପଙ୍ଗାତିରା ପୂର୍ତ୍ତ ବିଭାଗ ରାସ୍ତାର ଆଶ୍ରମ ନିକଟରେ ମଙ୍ଗଳବାର ସନ୍ଧ୍ୟାରେ ଏକ ଟିପ୍ପରକୁ ପଛପଟୁ ଧକ୍କା ଦେଇ ଏକ ବାଇକ୍‌ ଦୁର୍ଘଟଣା ଗ୍ରସ୍ତ ହୋଇଛି।

ଭୁବନ ସେମିରେ

ଭୁବନ,୨୩।୧(ଡି.ଏନ.ଏ)- ଢେଙ୍କାନାଳ ଜିଲା ଭୁବନ ବ୍ଲକ ଭୁଷଳ ପଞ୍ଚାୟତ କିଙ୍ଗଳୋ ଅସୁରବନ୍ଧ ଖେଳ ପଡିଆଠାରେ ଚାଲିଥିବା ଅଭିମନ୍ୟୁ ମେମୋରିଆଲ କ୍ରିକେଟ ଟୁର୍ନାମେଣ୍ଟର ମଙ୍ଗଳବାର ମ୍ୟାଚ ସୁକିନ୍ଦ ଓ ଭୁବନ ଟିମ୍‌ ମଧ୍ୟରେ ଖେଳା ଯାଇଥିଲା।

ବାଇକ୍‌କୁ ଧକ୍କା ଦେଲା ଟ୍ରକ, ୨ ଗୁରୁତର

ଛେଣ୍ଡିପଦା,୨୩।୧ (ଡି.ଏନ.ଏ.)- ଛେଣ୍ଡିପଦା-ଅନୁଗୋଳ ୬୩ ନଂ. ରାଜ୍ୟ ରାଜପଥର କୋଶଳା ଚନ୍ଦନନଗର ଛକଠାରେ ମଙ୍ଗଳବାର ସନ୍ଧ୍ୟାରେ ଏକ ବାଇକ୍‌କୁ ଏକ ଲୁହା ପଥର ବୋଝେଇ ଟ୍ରକ୍‌ ଧକ୍କା ଦେଇଛି।

 ଶୋଷଣରୁ ମୁକ୍ତି ଥିଲା ନେତାଜୀଙ୍କ ସ୍ବପ୍ନ

ଶୋଷଣରୁ ମୁକ୍ତି ଥିଲା ନେତାଜୀଙ୍କ ସ୍ବପ୍ନ

ଢେଙ୍କାନାଳ ଅଫିସ,୨୩।୧- ଢେଙ୍କାନାଳ ବ୍ରଜନାଥ ବଡଜେନା ଉଚ୍ଚ ବିଦ୍ୟାଳୟର ସଭା ଗୃହରେ ମଙ୍ଗଳବାର ଅଲ୍‌ ଇଣ୍ଡିଆ ଡେମୋକ୍ରାଟିକ୍‌ ଷ୍ଟୁଡେଣ୍ଟ୍‌ ଅର୍ଗାନାଇଜେଶନ ଢେଙ୍କାନାଳ ଜିଲା କମିଟି ପକ୍ଷରୁ ନେତାଜୀ ସୁଭାଷଚନ୍ଦ୍ର ବୋଷଙ୍କ ଜନ୍ମଦିବସ ପାଳନ ଅବସରରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି।

୨ ବଖରା ଜଳିଗଲା

୨ ବଖରା ଜଳିଗଲା

ପାଲଲହଡ଼ା,୨୩।୧(ଡି.ଏନ.ଏ.)- ପାଲଲହଡ଼ା ବ୍ଲକ ଝାରବେଡ଼ା ଗ୍ରାମରେ ମଙ୍ଗଳବାର ଅଗ୍ନିକାଣ୍ଡ ଘଟି ସଦା ନାଏକଙ୍କ ୨ ବଖରା ଘର ଜଳିଯାଇଛି।

ମଦ ଜବତ, ଜଣେ ଗିରଫ

ବଇଣ୍ଡା, ୨୩ା୧(ଡି.ଏନ.ଏ.)- ହଣ୍ଡପା ପୋଲିସ ମଙ୍ଗଳବାର ରାଣୀଭୂଇଁ ଗ୍ରାମରେ ଚଢ଼ାଉ କରି କିଶୋରୀ ବେହେରାଙ୍କ ଘରୁ ୬ ଲିଟର ଦେଶୀମଦ ଜବତ କରିଛି।

୨ଟ୍ରକ ମୁହାଁମୁହିଁ ଧକ୍କା

୨ଟ୍ରକ ମୁହାଁମୁହିଁ ଧକ୍କା

ବଅଁରପାଳ,୨୩।୧(ଡି.ଏନ୍‌.ଏ.): ବଅଁରପାଳ ଥାନା ଅନ୍ତର୍ଗତ ୧୪୯ ନମ୍ବର ଜାତୀୟ ରାଜପଥର ଶାଳଗଡ଼ିଆ ଛକ ନିକଟରେ ମଙ୍ଗଳବାର ସକାଳେ ୨ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଫଳରେ ୨ ଟ୍ରକର ଚାଳକ ଗୁରୁତର ଆହତ ହୋଇଛନ୍ତି।

ବୋଲେରୋ ଦୁର୍ଘଟଣାଗ୍ରସ୍ତ: ୨ ଗୁରୁତର

ବୋଲେରୋ ଦୁର୍ଘଟଣାଗ୍ରସ୍ତ: ୨ ଗୁରୁତର

ବଅଁରପାଳ,୨୩।୧(ଡି.ଏନ୍‌.ଏ.): ନାଲକୋ ଥାନା ଅନ୍ତର୍ଗତ କୁଲାଡ଼ ଛକ ନିକଟରେ ମଙ୍ଗଳବାର ଭୋର ସମୟରେ ଅଜଣା ଗାଡ଼ି ଧକ୍କାରେ ଏକ ବୋଲେରୋ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୨ ଜଣ ଗୁରୁତର ଆହତ ହୋଇଛନ୍ତି।

ଉଠାଜଳସେଚନ ପାଇପ୍‌ ଫାଟି ରାସ୍ତାରେ ଗର୍ତ୍ତ

ଉଠାଜଳସେଚନ ପାଇପ୍‌ ଫାଟି ରାସ୍ତାରେ ଗର୍ତ୍ତ

ବନ୍ତଳା,୨୨।୧(ଡି.ଏନ.ଏ.)- କଟକ-ସମ୍ବଲପୁର ପୂର୍ତ୍ତ ବିଭାଗ ପୁରୁଣା ରାସ୍ତାର ଲାଛବନ୍ଧ ନିକଟରେ ଉଠା ଜଳସେଚନ ବିଭାଗର ପାଇପ୍‌ ଫାଟି ଏକ ବିରାଟ ଗର୍ତ୍ତ ସୃଷ୍ଟି ହୋଇଛି।