ରାଜ୍ୟ |

ସମ୍ବିଧାନକୁ ମାନିବା ବାଧ୍ୟ

              ସମ୍ବିଧାନକୁ ମାନିବା ବାଧ୍ୟ
ଭୁବନେଶ୍ୱର,୨୯। ୧୨(ବ୍ୟୁରୋ)- ସମ୍ବିଧାନର ପ୍ରାଥମିକତା ନ ରହିଲେ ଦେଶରେ ଅରାଜକତା ମାଡ଼ି ଆସିବ। ତେଣୁ ସମ୍ବିଧାନରେ ଯାହା ନିୟମ ରହିଛି, ତାହାକୁ ସମସ୍ତେ ମାନୁଛେ ଏବଂ ମାନିବାକୁ ବାଧ୍ୟ। ସେ ପ୍ରଶାସନିକ ଅଧିକାରୀ ହୁଅନ୍ତୁ କି ବିଧାୟକ, ମନ୍ତ୍ରୀ, ଏମ୍‌ପି ଅବା ନ୍ୟାୟପାଳିକାର ସଦସ୍ୟ ହୁଅନ୍ତୁ, ସମସ୍ତେ ଆଇନର ତଳେ। ଆଇନ ଏକ ଏପରି ବିଷୟ ଯାହାକୁ ନେଇ ଲେଖକଙ୍କଠାରୁ ଆରମ୍ଭ କରି ବୈଜ୍ଞାନିକଙ୍କ ପର୍ଯ୍ୟନ୍ତ ସମସ୍ତେ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି। ତେବେ ନ୍ୟାୟ ବ୍ୟବସ୍ଥାର ମୂଳଦୂଆ ହେଉଛନ୍ତି ଆଇନଜୀବୀ। ଖଣ୍ଡେ ଖଣ୍ଡେ ଇଟା ଯୋଡାଯାଇ ଘର ତିଆରି କରାଯାଇଥାଏ। ନ୍ୟାୟ ବ୍ୟବସ୍ଥାରେ ଆଇନଜୀବୀମାନେ ହେଉଛନ୍ତି ଇଟାଖଣ୍ଡ ସଦୃଶ। ସେମାନଙ୍କ ପାଇଁ ଭାରତର ନ୍ୟାୟ ବ୍ୟବସ୍ଥା ସୃଦୃଢ ହୋଇପାରିଛି ବୋଲି ସୁପ୍ରମ୍‌କୋର୍ଟର ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ର କହିଛନ୍ତି। ସ୍ଥାନୀୟ ବିଜେବି କଲେଜ ପଡ଼ିଆରେ ଶୁକ୍ରବାର ଅନୁଷ୍ଠିତ ନିଖିଳ ଓଡ଼ିଶା ଆଇନଜୀବୀ ସଂଘର ୪୬ତମ ଅଧିବେଶନରେ ମୁଖ୍ୟ ଅତିଥି ଭାବେ ଯୋଗଦେଇ ଜଷ୍ଟିସ ମିଶ୍ର କହିଲେ, ଭାରତୀୟ ଆଇନକୁ ଏସୀୟ ରାଷ୍ଟ୍ର ସମେତ ବିଶ୍ୱର ଅନ୍ୟ ଦେଶ ଅନୁସରଣ କରୁଛନ୍ତି। କିନ୍ତୁ ଆମ ଦେଶରେ ଆଇନଜୀବୀମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟାର ତୁରନ୍ତ ସମାଧାନ କରାଗଲେ ସେମାନେ ଶୀଘ୍ର ନ୍ୟାୟ ପ୍ରଦାନ କରିବାରେ ସକ୍ଷମ ହେବେ। ଓଡ଼ିଶାର ଅନେକ ସ୍ଥାନରେ ରହିଥିବା ସକାଳ କୋର୍ଟକୁ ଲୋକମାନେ ଆସୁନାହାନ୍ତି। ଅନ୍ୟପକ୍ଷରେ ପ୍ରବଳ ଖରା ଯୋଗୁ ଦିନବେଳା ସ୍ବାଭାବିକ ଭାବେ କୋର୍ଟ ଚାଲିପାରୁନି। ତେଣୁ ଓଡ଼ିଶାରେ ଥିବା ସମସ୍ତ କୋର୍ଟରେ ଏପ୍ରିଲ ସୁଦ୍ଧା ଏସି ଲଗାଇବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିଶ୍ରୁତି ଦେଇଥିବା ସେ କହିଥିଲେ। ଏଥିସହିତ ଆଇନଜୀବୀମାନେ କୋର୍ଟକୁ ସବୁବେଳେ ଆସନ୍ତୁ ବୋଲି ସେ ପରାମର୍ଶ ଦେଇଥିଲେ। ସେହିପରି ଦୀର୍ଘ ବର୍ଷଧରି ପଡି ରହିଥିବା ମାମଲାଗୁଡିକର ସମାଧାନ ପାଇଁ ସବୁ ହାଇକୋର୍ଟର ମୁଖ୍ୟ ବିଚାରପତିଙ୍କ ନିକଟକୁ ଏକ ପତ୍ର ଲେଖାଯାଇଛି। ବିଶେଷକରି ଶନିବାରିଆ କୋର୍ଟରେ ୧୦ବର୍ଷରୁ ଊର୍ଦ୍ଧ୍ୱ ହେବ ଚାଲୁଥିବା ମାମଲାର ତୁରନ୍ତ ଫଇସଲା କରାଯାଉ। ତେବେ ଏହି କୋର୍ଟରେ ମାମଲା ଫଇସଲା କ୍ଷେତ୍ରରେ ଓଡ଼ିଶା ଦେଶର ପଞ୍ଚମ ସ୍ଥାନରେ ରହିଛି ବୋଲି ଜଷ୍ଟିସ ମିଶ୍ର କହିଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବତନ୍ତ୍ର ଅତିଥି ଭାବେ ଯୋଗଦେଇ କହିଲେ, ବିଗତ ୪ବର୍ଷରେ ରାଜ୍ୟରେ ୧୭୦ଟି କୋର୍ଟ ସ୍ଥାପନ କରାଯାଇଛି। ଆଗକୁ ଆହୁରି ୫୦ କୋର୍ଟ ସ୍ଥାପନ କରିବାକୁ ମଧ୍ୟ ଯୋଜନା ହେଉଛି। ନ୍ୟାୟ ବ୍ୟବସ୍ଥାକୁ ସୂଚାରୁ ରୂପେ ପରିଚାଳନା କରିବା ପାଇଁ ପ୍ରତି ପଞ୍ଚାୟତରେ ମଧୁବାବୁ ଆଇନ ସହାୟକ କେନ୍ଦ୍ର ଖୋଲାଯିବ। ଆଇନମନ୍ତ୍ରୀ ପ୍ରତାପ ଜେନା କହିଲେ, ଏହି ଆଇନ ସହାୟକ କେନ୍ଦ୍ରରେ ୬ ହଜାରରୁ ଊର୍ଦ୍ଧ୍ୱ ଓକିଲ ନିୟୋଜିତ ହେବେ। ନେପାଳ ସୁପ୍ରିମ୍‌କୋର୍ଟ ବିଚାରପତି ଡ. ଆନନ୍ଦ ମୋହନ ଭଟ୍ଟାରୀ ଏହି ଅବସରରେ ଭାରତୀୟ ନ୍ୟାୟ ବ୍ୟବସ୍ଥାକୁ ପ୍ରଶଂସା କରିଥିଲେ। ଏହି ଅଧିବେଶନରେ ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ବିନିତ ଶରନ, ସୁପ୍ରିମ୍‌କୋର୍ଟ ବାର୍‌ ଆସୋସିଏଶନ ସଭାପତି ବିକାଶ ସିଂ, ନିଖିଳ ଓଡ଼ିଶା ଆଇନଜୀବୀ ସଂଘ ସଭାପତି ଜ୍ଞାନ ରଞ୍ଜନ ମହାନ୍ତିଙ୍କ ସମେତ ୧୦୦ରୁ ଉର୍ଦ୍ଧ୍ୱ ବାର୍‌ ଆସୋସିଏଶନର କର୍ମକତ୍ତା ଯୋଗଦେଇଥିଲେ। ତେବେ ସମସ୍ତ ଅତିଥି ଇଂଲିଶରେ ଭାଷଣ ଦେଇଥିବାବେଳେ ଜଷ୍ଟିସ ମିଶ୍ର ଓଡ଼ିଆରେ ଭାଷଣ ଦେଇ ପ୍ରଶଂସା ସାଉଣ୍ଟିଥିଲେ।
All Right Reserved By

ରାଜ୍ୟ |

ମହାନଦୀ ପୋଲରୁ ବସ୍‌ ଖସିବା ଘଟଣା: ଆହତଙ୍କ ମଧ୍ୟରୁ ୭ ସଙ୍କଟାପନ୍ନ

ମହାନଦୀ ପୋଲରୁ ବସ୍‌ ଖସିବା ଘଟଣା: ଆହତଙ୍କ ମଧ୍ୟରୁ ୭ ସଙ୍କଟାପନ୍ନ

ଭୁବନେଶ୍ୱର,୨୧।୧୧(ବ୍ୟୁରୋ): କଟକ-ଜଗତପୁର ମହାନଦୀ ପୋଲ ଉପରେ ଘଟିଥିବା ବସ୍‌ ଦୁର୍ଘଟଣାରେ ୧୦ଜଣଙ୍କ ମୃତ୍ୟୁ ଘଟିଥିବା ବେଳେ ୫୦ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୩୫ଜଣ ଏସ୍‌ସିବି ଓ୍ବାର୍ଡରେ ରହି ଚିକିତ୍ସିତ ହେଉଥିବା ବେଳେ ୭ଜଣ ଆଇସିୟୁରେ ଅଛନ୍ତି। 

ମହାନଦୀକୁ ଯାତ୍ରୀବାହୀ ବସ୍‌ ଖସିବା ଘଟଣା, ଟୁଇଟ୍‌ କରି ଦୁଃଖ ପ୍ରକାଶ କଲେ ମୋଦି

ମହାନଦୀକୁ ଯାତ୍ରୀବାହୀ ବସ୍‌ ଖସିବା ଘଟଣା, ଟୁଇଟ୍‌ କରି ଦୁଃଖ ପ୍ରକାଶ କଲେ ମୋଦି

ଭୁବନେଶ୍ୱର,୨୧।୧୧(ବ୍ୟୁରୋ): କଟକ-ଜଗତପୁର ମହାନଦୀ ପୋଲ ଉପରେ ହୋଇଥିବା ଦୁର୍ଘଟଣାକୁ ନେଇ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିଛନ୍ତି। ମୋଦି ମୃତକଙ୍କ ପରିବାରକୁ ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି। 

ପଞ୍ଚକର ୩ୟ ଦିବସ: ଶ୍ରୀବିକ୍ରମ ବେଶରେ ଦର୍ଶନ ଦେଲେ ମହାପ୍ରଭୁ

ପଞ୍ଚକର ୩ୟ ଦିବସ: ଶ୍ରୀବିକ୍ରମ ବେଶରେ ଦର୍ଶନ ଦେଲେ ମହାପ୍ରଭୁ

ପୁରୀ ଅଫିସ,୨୧।୧୧ :  କାର୍ତ୍ତିକ ଶୁକ୍ଳ ତ୍ରୟଦଶୀ ତଥା ପଞ୍ଚକର ୩ୟ ଦିବସ ବୁଧବାର ରତ୍ନ ସିଂହାସନରେ ତିନି ଠାକୁରଙ୍କ ଶ୍ରୀବିକ୍ରମ ବେଶ ଅନୁଷ୍ଠିତ ହୋଇଯାଇଛି। ଏହି ବେଶରେ ଦର୍ଶନ ଲାଗି ଶ୍ରୀମନ୍ଦିରରେ ପ୍ରବଳ ଭିଡ଼ ଜମିଛି।

 ସରକାରଙ୍କ ସହ ନରସିଂହଙ୍କ ଭିତିରି ସମ୍ପର୍କ ରହିଛି: ଭାଜପା; ରାଜ୍ୟରେ ଭାଜପା ନିଜର ପରିଚୟ ହଜାଉଛି: ନରସିଂହ

ସରକାରଙ୍କ ସହ ନରସିଂହଙ୍କ ଭିତିରି ସମ୍ପର୍କ ରହିଛି: ଭାଜପା; ରାଜ୍ୟରେ ଭାଜପା ନିଜର ପରିଚୟ ହଜାଉଛି: ନରସିଂହ

ଭୁବନେଶ୍ୱର, ୨୧।୧୧(ବ୍ୟୁରୋ)- ବିରୋଧୀ ଦଳ ନେତା ନରସିଂହ ମିଶ୍ର ଶାସକ ଦଳ ଇଙ୍ଗିତରେ ପରିଚାଳିତ ହେଉଛନ୍ତି। ୨୦୧୪ରେ ପୂର୍ବତନ ବିରୋଧୀ ଦଳ ନେତା ଭୂପିନ୍ଦର ସିଂ ଯେପରି ନିଜର ଫାଇଦା ପାଇଁ ସରକାର ସହିତ ସାମିଲ ହୋଇଥିଲେ ବର୍ତ୍ତମାନ ମଧ୍ୟ ସେହି ଅବସ୍ଥା ସୃଷ୍ଟି ହୋଇଛି।

ମୁଖ୍ୟମନ୍ତ୍ରୀଙ୍କ ପ୍ରସ୍ତାବ: ‘ମହିଳାଙ୍କ ପାଇଁ ହେଉ ୩୩% ସ୍ଥାନ ସଂରକ୍ଷଣ’

ମୁଖ୍ୟମନ୍ତ୍ରୀଙ୍କ ପ୍ରସ୍ତାବ: ‘ମହିଳାଙ୍କ ପାଇଁ ହେଉ ୩୩% ସ୍ଥାନ ସଂରକ୍ଷଣ’

ଭୁବନେଶ୍ୱର,୨୧।୧୧(ବ୍ୟୁରୋ)-ମହିଳାମାନଙ୍କ ପାଇଁ ପାର୍ଲାମେଣ୍ଟ ଏବଂ ବିଧାନସଭାରେ ୩୩% ସ୍ଥାନ ସଂରକ୍ଷଣ ହେଉ। ଏନେଇ ବିଧାନସଭାରେ ମଙ୍ଗଳବାର ସର୍ବସମ୍ମତ ସଂକଳ୍ପ ଗୃହୀତ ହୋଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଅପରାହ୍ନରେ ଏହି ପ୍ରସ୍ତାବ ଆସିଥିଲା।

ମହାନଦୀକୁ ଖସିଲା ଯାତ୍ରୀବାହୀ ବସ୍‌: ୧୦ ମୃତ, ୪୬ ଆହତ

ମହାନଦୀକୁ ଖସିଲା ଯାତ୍ରୀବାହୀ ବସ୍‌: ୧୦ ମୃତ, ୪୬ ଆହତ

କଟକ ଅଫିସ, ୨୧।୧୧: କଟକ-ଜଗତପୁର ମହାନଦୀ ପୋଲ ଉପରେ ମଙ୍ଗଳବାର ସନ୍ଧ୍ୟାରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଜଗନ୍ନାଥ ନାମକ ଏକ ଯାତ୍ରୀବାହୀ ବସ୍‌ ନଦୀକୁ ଖସି ପଡିବାରୁ ୧୦ଜଣଙ୍କ ମୃତ୍ୟୁ ଘଟିଥିବାବେଳେ ୪୬ ଜଣ ଆହତ ହୋଇଛନ୍ତି। ମୃତକମାନେ ହେଲେ ମିନତି ବେହେରା,  ଅନିତା ଆଚାର୍ଯ୍ୟ, ପି.କେ. ମହାପାତ୍ର, ପୂର୍ଣ୍ଣଚନ୍ଦ୍ର ମହାପାତ୍ର, ଭୁବନେଶ୍ୱରର ବର୍ଷା ପାଣି, କଟକ କିଶନନଗରର ବସନ୍ତ କୁମାର ପ୍ରଧାନ, ନରସିଂହପୁରର ଅଶ୍ୱିନୀ କୁମାର ବେହୁରା ଓ ବାଲେଶ୍ୱର ଖନ୍ତାପଡ଼ାର ମାନସ ତ୍ରିପାଠୀ।

ବାଲିଯାତ୍ରା ପ୍ରସ୍ତୁତି ବିଳମ୍ବିତ, ଅବ୍ୟବସ୍ଥା ଆଶଙ୍କା

ବାଲିଯାତ୍ରା ପ୍ରସ୍ତୁତି ବିଳମ୍ବିତ, ଅବ୍ୟବସ୍ଥା ଆଶଙ୍କା

କଟକ ଅଫିସ,୨୧।୧୧- ଆସନ୍ତା ୨୩ ତାରିଖରୁ ଆରମ୍ଭ ହେବ ଐତିହାସିକ କଟକ ବାଲିଯାତ୍ରା। ଏଥିପାଇଁ ୧୫ଦିନ ପୂର୍ବରୁ ପ୍ରସ୍ତୁତି ଆରମ୍ଭ ହୋଇଥିଲେ ମଧ୍ୟ ବିଭିନ୍ନ କାର୍ଯ୍ୟରେ ଢ଼େର୍‌ ବିଳମ୍ବ ହୋଇଥିବା ଦେଖିବାକୁ ମିଳୁଛି।

ଗୁଞ୍ଜନ ନୃତ୍ୟ, ସଙ୍ଗୀତ ଉତ୍ସବ ଉଦ୍‌ଯାପିତ: ବିମୋହିତ କଲା ବଂଶୀଧୂନରେ ଓଡ଼ିଶୀ ଫ୍ୟୁଜନ

ଗୁଞ୍ଜନ ନୃତ୍ୟ, ସଙ୍ଗୀତ ଉତ୍ସବ ଉଦ୍‌ଯାପିତ: ବିମୋହିତ କଲା ବଂଶୀଧୂନରେ ଓଡ଼ିଶୀ ଫ୍ୟୁଜନ

କଟକ ଅଫିସ,୨୧|୧୧- ଗୁଞ୍ଜନ ଡ୍ୟାନ୍ସ ଏକାଡେମୀ ପକ୍ଷରୁ କଟକ ସହୀଦ ଭବନରେ ଚାଲିଥିବା ୨୨ତମ ଜାତୀୟ ନୃତ୍ୟ ଓ ସଙ୍ଗୀତ ଉତ୍ସବ ମଙ୍ଗଳବାର ଉଦ୍‌ଯାପିତ ହୋଇଯାଇଛି। ଏହି ସନ୍ଧ୍ୟାରେ ଓଡ଼ିଶୀ ନୃତ୍ୟ ଫ୍ୟୁଜନ ସହ ବଂଶୀର ଧୂନ୍‌ ଉପସ୍ଥିତ ଅତିଥି ଓ ଦର୍ଶକଙ୍କୁ ବିମୋହିତ କରିଥିଲା। ପ୍ରଖ୍ୟାତ ବଂଶୀବାଦକ ଅନ୍ନଦା ପ୍ରସନ୍ନ ପଟ୍ଟନାୟକଙ୍କ ବଂଶୀର ଧ୍ୱନିରେ ଏକାଡେମୀର ସମ୍ପାଦିକା ମୀରା ଦାସ, ନୃତ୍ୟଶିଳ୍ପୀ ପୁଷ୍ପା ପଣ୍ଡା ଓ ସୁସ୍ମିତା ପଣ୍ଡା ଓଡ଼ିଶୀ ନୃତ୍ୟ ପରିବେଷଣ କରିଥିଲେ। 

ମାଟ୍ରିକ୍‌ ପରୀକ୍ଷା ଫର୍ମ ପୂରଣ ୨୬ରୁ

ମାଟ୍ରିକ୍‌ ପରୀକ୍ଷା ଫର୍ମ ପୂରଣ ୨୬ରୁ

କଟକ ଅଫିସ,୨୧|୧୧- ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ପାଇଁ ଆସନ୍ତା ୨୬ ତାରିଖ ସକାଳ ୮ଟାରୁ ଅନ୍‌ଲାଇନ୍‌ରେ ଫର୍ମ ପୂରଣ ଆରମ୍ଭ ହେବ। ଦେୟ ପୈଠ କରିବାର ଶେଷ ସମୟ ଡିସେମ୍ବର ୧୩ ରାତି ୧୧ଟା ୪୫ ରହିଥିବାବେଳେ ୧୪ ତାରିଖ ମଧ୍ୟରାତି ପର୍ଯ୍ୟନ୍ତ ଛାତ୍ରୀଛାତ୍ରମାନେ ଫର୍ମ ଦାଖଲ କରିପାରିବେ। 

ବାଙ୍କଚୂଡ଼ା ବେଶରେ ଦର୍ଶନ ଦେଲେ ମହାପ୍ରଭୁ

ବାଙ୍କଚୂଡ଼ା ବେଶରେ ଦର୍ଶନ ଦେଲେ ମହାପ୍ରଭୁ

ପୁରୀ ଅଫିସ,୨୧ା୧୧: ପଞ୍ଚୁକର ଦ୍ୱିତୀୟ ଦିବସରେ ମଙ୍ଗଳବାର ରତ୍ନସିଂହାସନରେ ତିନି ଠାକୁରଙ୍କ ବାଙ୍କଚୂଡା ବେଶ ଅନୁଷ୍ଠିତ ହୋଇଛି। ଏହି ବେଶରେ ଶ୍ରୀଜଗନ୍ନାଥ ଏବଂ ବଳଭଦ୍ରଙ୍କ ଶ୍ରୀମସ୍ତକରେ ଚନ୍ଦ୍ରିକା ଚୂଳ ସହିତ ଦକ୍ଷିଣ ଦିଗକୁ ଆଡ ଖୋସା ପକାଯାଇଥିଲା। 

ଖୋଲିଲା ଦେଶର ପ୍ରଥମ ମୁକ୍ତାକାଶ ସ୍ଥାପତ୍ୟ ପାର୍କ

ଖୋଲିଲା ଦେଶର ପ୍ରଥମ ମୁକ୍ତାକାଶ ସ୍ଥାପତ୍ୟ ପାର୍କ

ଭୁବନେଶ୍ୱର କଳିଙ୍ଗନଗରଠାରେ ଦେଶର ସର୍ବପ୍ରଥମ ସାର୍ବଜନୀନ ସ୍ଥାୟୀ ମୁକ୍ତାକାଶ ସ୍ଥାପତ୍ୟ ପାର୍କକୁ ମଙ୍ଗଳବାର ସର୍ବସାଧାରଣଙ୍କ ଉଦ୍ଦେଶ୍ୟରେ ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ରାସୋତ୍ସବ ଓ ପଞ୍ଚୁକ ଯାତ୍ରା ଆରମ୍ଭ

ରାସୋତ୍ସବ ଓ ପଞ୍ଚୁକ ଯାତ୍ରା ଆରମ୍ଭ

ଦଶପଲ୍ଲା,୨୧ା୧୧ (ଡି.ଏନ.ଏ.)-ଦଶପଲ୍ଲା ସାତପାଟଣାସ୍ଥିତ ଗୋପୀନାଥ ଜୀଉଙ୍କ ମନ୍ଦିର ପ୍ରାଙ୍ଗଣରେ ଶରତ ରାସୋତ୍ସବ ନଭେମ୍ବର ୧୭ରୁ ୨୩  ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିରେ କୁନି କୁନି କଳାକାରମାନେ ଶ୍ରୀକୃଷ୍ଣଙ୍କ ଲୀଳା ଉତ୍ସବ କରିବେ।