Dharitri News
ବାଲେଶ୍ୱର

ବିକାଶର ସ୍ବପ୍ନ ଦେଖାଇଛି ପାଠାଗାର

ବିକାଶର ସ୍ବପ୍ନ ଦେଖାଇଛି ପାଠାଗାର ସୋର,୨୯।୧୨(ଡି.ଏନ.ଏ.)- ବାଲେଶ୍ୱର ଜିଲା ସୋର ବ୍ଲକ ଅନ୍ତର୍ଗତ ମହୁମୁହାଣ ପଞ୍ଚାୟତ ମହୁମୁହାଣ ଗ୍ରାମର ୧୯୮୭ ମସିହାରେ ସ୍ଥାପିତ ମା’ ବାସୁଳୀ ପାଠାଗାର ସ୍ଥାନୀୟ ଅଞ୍ଚଳର ବିକାଶରେ ସହାୟକ ହୋଇ ପାରିଛି। ଗ୍ରାମର ଥିବା ମା’ ବାସୁଳି ଠାକୁରାଣୀ ନିକଟରେ ଏକ ଚାଳିଆ ଘରେ ଆରମ୍ଭ ହୋଇଥିଲା ଏହି ପାଠଗାର । କେତେକ ଯୁବକଙ୍କ ଆର୍ଥିକ ସହଯୋଗରେ ପ୍ରଥମେ ୪ ଡିସିମିଲ ଓ ପରେ ୬ ଡିସିମିଲ ଜମି କ୍ରୟ କରାଯାଇଥିଲା। ପରେ ଚାଳ ଘରରୁ ପକ୍କା ଘର ତିଆରି ହୋଇଥିଲା। ଏହା ମଧ୍ୟ ସରକାରୀ ଭାବେ ପଞ୍ଜକୃତ ହୋଇଥିଲା । ଦୀର୍ଘ ୩୨ ବର୍ଷ ମଧ୍ୟରେ ପାଠାଗାରର ଆବଶ୍ୟକୀୟ ବିଭିନ୍ନ ପ୍ରକାର ପୁସ୍ତକ ରଖାଯାଇଛି । ପୁରାଣ ଶାସ୍ତ୍ର, ଧର୍ମଗ୍ରନ୍ଥ, ଜୀବନୀ, ଅଧ୍ୟାତ୍ମିକ ବହି, ନାଟକ,ଗୀତିନାଟ୍ୟ ଆଦି ପୁରାତନ ପୁସ୍ତକ ପାଠାଗାରରେ ରହିଛି । ବର୍ତ୍ତମାନ ସେଠାରେ ପାଖାପାଖି ୬ଶହ ପୁସ୍ତକ ରହିଛି। ସ୍ଥାନୀୟ ଲୋକେ ପାଠାଗାରକୁ ଆସି ଏହି ବହ ସବୁ ପଢିଥାନ୍ତି । କେବଳ ସେତିକି ନୁହେଁ ଏହି ପାଠାଗାର ଲୋକଙ୍କୁ ଦେଖାଇଛି ବିକାଶର ସ୍ବପ୍ନ। ଗାଁର ବେକାର ଯୁବି, ଯୁବକଙ୍କୁ ଆତ୍ମ ନିର୍ଭରଶୀଳ କରିବା ଲାଗି ଏଠାରେ କେତେକ କାର୍ଯ୍ୟକ୍ରମ ହାତକୁ ନିଆଯାଇଛି। ଅନ୍ୟ ଅଞ୍ଚଳରେ ପୁରୁଣା ପାଠାଗାରସବୁ ହଜିଯାଉଥିବା ବେଳେ ଏହା ଅନ୍ୟମାନଙ୍କ ଲାଗି ଆଦର୍ଶ ପାଲଟିଛି। ବର୍ତ୍ତମାନ ଉକ୍ତ ପାଠାଗାରର ନାରାୟଣ ପ୍ରସାଦ ବାରିକ ସଭାପତି , ପ୍ରଦ୍ୟୁମ୍ନ କୁମାର ପାଳ ଉପସଭାପତି ଏବଂ କମଳାକାନ୍ତ ସାହ ସମ୍ପାଦକ ରହିଛନ୍ତି। ସେହିପରି ସହ ସମ୍ପାଦକ ଭାବେ ସୁଶାନ୍ତ କୁମାର ସେଠୀ, କୋଷାଧ୍ୟକ୍ଷ ଭାବେ ରାଜେଶ କୁମାର ଦାସ, ଉପଦେଷ୍ଟା ଭାବେ ଭାସ୍କର ଚନ୍ଦ୍ର ରାଉତ ଦାୟିତ୍ୱ ତୁଲାଉଛନ୍ତି। ପାଠାଗାରାରେ ମୋଟ ୨୫ଜଣ ସଭ୍ୟାସଭ୍ୟ ରହିଛନ୍ତି । ନେହେରୁ ଯୁବକେନ୍ଦ୍ର ବାଲେଶ୍ୱର ଆନୁକୂଲ୍ୟରେ ପାଠାଗାର ତରଫରୁ ୬ ମାସିଆ ସିଲେଇ ଶିକ୍ଷା କେନ୍ଦ୍ର ଖୋଲାଯାଇଛି। ଏଥିରେ ମହୁମୁହାଣ, ବାଗୁଡ଼ି, ଗୋପାଳପୁର, ଖକଡ଼ାନଣ୍ଡା, ମୁଣ୍ଡ ମରେଇ, ମଙ୍ଗଳପୁର, ପତୁକପାଳ ଆଦି ଅଞ୍ଚଳରୁ ବହୁ ଯୁବତୀ ସିଲେଇ ଶିଖି ଆତ୍ମନିର୍ଭରଶୀଳ ହୋଇପାରିଛନ୍ତି। ଏତଦ୍‌ସହିତ ଗାଁ ପୋଖରୀର ଦଳ ସଫେଇ, ଗ୍ରାମ୍ୟ ରାସ୍ତା ମରାମତି, ଅଞ୍ଚଳର କୃତୀ ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରିବା ଭଳି ବିଭିନ୍ନ କାର୍ଯ୍ୟକ୍ରମ ନିୟମିତ କରାଯାଉଛ। କ୍ରୀଡ଼ାର ପ୍ରସାର ପାଇଁ ଭଲିବଲ ଟୁର୍ନାମେଣ୍ଟ କରାଯାଉଛି। ଏହାବାଦ ଶ୍ରମିକ, ଚାଷୀଙ୍କ ବିକାଶ ପାଇଁ ପରାମର୍ଶ ଦିଆଯାଉଛି। ସକାଳ ଠାରୁ ରାତି ପର୍ଯ୍ୟନ୍ତ ସବୁ ସମୟରେ ଏହି ପାଠାଗାର ଖୋଲା ରହ ସ୍ଥାନୀୟ ଅଞ୍ଚଳରେ ବିକାଶ ପାଇଁ କାର୍ଯ୍ୟ କରିଆସୁଛି। ପାଠଗାର ଭିତ୍ତିଭୂମି ବିକାଶ ପାଇଁ ୨୦୧୪ ମସିହାରେ ରାଜ୍ୟ ସରକାରଙ୍କ ତରଫରୁ କେବଳ ୧୦ହଜାର ଟଙ୍କା ଅନୁଦାନ ମିଳିଛି । ଏହା ଛଡ଼ା ଅନ୍ୟ କିଛି ନାହିଁ। ପାଠାଗାର ଲାଗି କମ୍ପ୍ୟୁଟରର ଆବଶ୍ୟକତା ରହିଥିବା ସଭାପତ ବାରିକ କହିଛନ୍ତି। ସରକାର ଏହି ପାଠଗାରର ଆବଶ୍ୟକତା ଓ ଅଭାବ ଅସୁବିଧାକୁ ହୃଦୟଙ୍ଗମ କରି ସହଯୋଗର ହାତ ବଢ଼ାଇଲେ ଏହାର ଅଧିକ ଉନ୍ନତି ହୋଇପାରିବ ବୋଲି ପରିଚାଳନା କମିଟିପକ୍ଷରୁ କୁହାଯାଇଛି।

ବାଲେଶ୍ୱର

ଚୋରା ବାଇକ ଜବତ : ଯୁବକ ଗିରଫ

ବନ୍ତ,୨୨।୧ : ବନ୍ତ ପୋଲିସ ପୂର୍ବରୁ ଚୋରି ଯାଇଥିବା ଏକ ବାଇକକୁ ସୋମବାର ଜବତ କରିବା ସହ ଏଥିରେ ସମ୍ପୃକ୍ତ ଯୁବକଙ୍କୁ ଗିରଫ କରିଛି।

୨ ବଖରା ଜଳିଗଲା

ଭଦ୍ରକ ଅଫିସ,୨୨।୧-ବାସୁଦେବପୁର ବ୍ଲକ ଜଗନ୍ନାଥ ପ୍ରସାଦ ପଞ୍ଚାୟତର ମିଶ୍ରପୁର ଗ୍ରାମରେ ଅଗ୍ନିକାଣ୍ଡ ଘଟି ହରେକୃଷ୍ଣ ଦତ୍ତଙ୍କ ୨ବଖରା ଘର ଜଳିଯାଇଛି।

ଯୋଜନାରେ ଅଟକିଯାଉଛି ପ୍ରକଳ୍ପ

ଯୋଜନାରେ ଅଟକିଯାଉଛି ପ୍ରକଳ୍ପ

ଭଦ୍ରକ ଅଫିସ, ୨୨।୧-ଭଦ୍ରକ ସ୍ବତନ୍ତ୍ର ଜିଲାର ମାନ୍ୟତା ପାଇବାର ୨୫ବର୍ଷ ବିତିଯାଇଥିଲେ ମଧ୍ୟ ଏଯାଏ ଜିଲା ପ୍ରଶାସନ ପକ୍ଷରୁ ସେଭଳି ଆଖିଦୃଶିଆ ପଦକ୍ଷେପ ନିଆଯାଇନାହିଁ। ନିକଟରେ ଜିଲାପାଳଙ୍କ ନୂତନ କାର୍ଯ୍ୟାଳୟ ଗୃହ ଉଦ୍‌ଘାଟନ ହୋଇ ସ୍ଥାନାନ୍ତର ହୋଇଛି। ଏହାକୁ ବାଦ୍‌ ଦେଲେ ସେମିତି ବଡ଼ ପ୍ରକଳ୍ପ କାର୍ଯ୍ୟକାରୀ ହୋଇନାହିଁ। ନୂତନ ପ୍ରକଳ୍ପ ପାଇଁ ଯୋଜନା କରାଯାଉଛି ସତ, କାର୍ଯ୍ୟକାରୀ କରାଯାଉନାହିଁ।

ସ୍ବମ୍ପପମ୍ପ ଲଗାଇ ବାଲି ଉତ୍ତୋଳନ: ସ୍କୁଲ ଛାତରୁ ପ୍ଲାଷ୍ଟର ଖସିଲା

ସ୍ବମ୍ପପମ୍ପ ଲଗାଇ ବାଲି ଉତ୍ତୋଳନ: ସ୍କୁଲ ଛାତରୁ ପ୍ଲାଷ୍ଟର ଖସିଲା

ଜଳେଶ୍ୱର, ୨୨।୧(ଡି.ଏନ.ଏ./ସ୍ବ.ପ୍ର.)-ସୁବର୍ଣ୍ଣରେଖା ନଦୀପଠାରୁ ସ୍ବମ୍ପପମ୍ପ ଲଗାଇ ବେଆଇନ ଭାବେ ବାଲି ଉତ୍ତୋଳନ ଉପକୂଳବାସୀଙ୍କ ପାଇଁ ବିପଦ ସାଜିଛି। ସୋମବାର ନଦୀକୂଳରୁ ୪ଶହ ମିଟର ଦୂରରେ ଥିବା ଜଳେଶ୍ୱର ବ୍ଲକ ରାଇବଣିଆ ଥାନା ମାକିଡ଼ିଆ ପଞ୍ଚାୟତ କୁଅଁରପୁର ଗ୍ରାମ ବିଶ୍ୱେଶ୍ୱର ନୋଡାଲ ୟୁପି ସ୍କୁଲର ଛାତରୁ ହଠାତ୍‌ ପ୍ଲାଷ୍ଟର ଖସିପଡ଼ିଥିଲା।

ଟ୍ରାକ୍ଟର ଧକ୍କାରେ ଯୁବକଙ୍କ ମୃତ୍ୟୁ ଘଟଣା: ମୃତଦେହ ରଖି ଗ୍ରାମବାସୀଙ୍କ ରାସ୍ତା ଅବରୋଧ

ଟ୍ରାକ୍ଟର ଧକ୍କାରେ ଯୁବକଙ୍କ ମୃତ୍ୟୁ ଘଟଣା: ମୃତଦେହ ରଖି ଗ୍ରାମବାସୀଙ୍କ ରାସ୍ତା ଅବରୋଧ

ବାଲିଆପାଳ, ୨୨।୧(ଡି.ଏନ.ଏ.)-ରବିବାର ସନ୍ଧ୍ୟାରେ ବାଲିଆପାଳ ବ୍ଲକ ସୁନାରୁଇ-ଲଙ୍ଗଳେଶ୍ୱର ରାସ୍ତାର ସୁନାରୁଇ ପୀରପୋଖରୀ ନିକଟରେ ଟ୍ରାକ୍ଟର ଧକ୍କାରେ ସ୍ଥାନୀୟ ଗ୍ରାମର ଚିନ୍ମୟ ଜେନାଙ୍କ ମୃତ୍ୟୁ ହୋଇଥିଲା। ପୋଲିସର ନିଷ୍କ୍ରିୟତା ପ୍ରତିବାଦରେ ସୋମବାର ଶତାଧିକ ଗ୍ରାମବାସୀ ବାଲିଆପାଳ-ବସ୍ତା ରାସ୍ତାର ଇଡକୋ ଛକଠାରେ ମୃତଦେହ ରଖି ଅବରୋଧ କରିଥିଲେ। ଦ୍ୱିତୀୟ ଦିନରେ ମଧ୍ୟ ଶବ ବ୍ୟବଚ୍ଛେଦ ହୋଇପାରି ନ ଥିବା ବେଳେ ଯାନବାହନ ଚଳାଚଳ ଠପ୍‌ ହୋଇଯାଇଛି।

ମା’ ସରସ୍ବତୀଙ୍କ ମନ୍ଦିରରେ ବିଦ୍ୟାରମ୍ଭ

ଉଦଳା, ୨୨।୧(ଡି.ଏନ.ଏ.) - ମୟୂରଭଞ୍ଜ ଜିଲା କପ୍ତିପଦା ଉପଖଣ୍ଡର ସଦର ମହକୁମା ଉଦଳା ସହରାଞ୍ଚଳରେ ବିଦ୍ୟାଦାୟିନୀ ମା’ ସରସ୍ବତୀଙ୍କ ମନ୍ଦିରରେ ସରସ୍ବତୀ ପୂଜା ବେଶ ଜାକଜମକରେ ପାଳିତ ହୋଇଛି। ଏହି ଅବସରରେ ୧୭୭ ନୂତନ ବିଦ୍ୟାର୍ଥୀ ବିଦ୍ୟା ଆରମ୍ଭ କରିଛନ୍ତି।

ଜବରଦଖଲ ଉଚ୍ଛେଦ ନ ହେଲେ ଧାରଣା

ବଡସାହି,୨୨।୧(ସ୍ବ.ପ୍ର)- ବଡସାହି ବ୍ଲକ ଅଧୀନ ଶାଆଁଳପୁର ଗ୍ରାମର ସରକାରୀ ଗୋଚର ଜମି ଜବରଦଖଲକୁ ନେଇ ଗ୍ରାମ ସୁରକ୍ଷା କମିଟି ପକ୍ଷରୁ ଆସନ୍ତା ୨୪ତାରିଖରେ ବଡସାହି ତହସିଲ ସମ୍ମୁଖରେ ଧାରଣା ଦେବା ପାଇଁ ଚେତାବନୀ ଦିଆଯାଇଛି।

ବାଣୀପୀଠ ପୁରସ୍କାର ପାଇବେ ଡକ୍ଟର ଫନୀ ମହାନ୍ତି

ଗୋପବନ୍ଧୁନଗର, ୨୨।୧(ଡି.ଏନ୍‌.ଏ)- ବଡସାହିସ୍ଥିତ ବିବେକାନନ୍ଦ ବିହାରଠାରେ ୩୮ତମ ବାଣୀପୀଠ ମହୋତ୍ସବ ଆଗାମୀ ୨୬ରୁ ୨୮ ତାରିଖ ପର୍ଯ୍ୟନ୍ତ ୩ ଦିନ ଧରି ଚାଲୁରହିବ। ପ୍ରଥମ ଦିନରେ ଆମ ସୁନାଚାନ୍ଦ ଜାତୀୟ ଶିଶୁ ସାହିତ୍ୟ ସଂସ୍ଥାନ ତରଫରୁ ରାଜ୍ୟସ୍ତରୀୟ ଶିଶୁ କିଶୋର ପ୍ରତିଭା ମେଳା ଅନୁଷ୍ଠିତ ହେବ। ଦ୍ୱିତୀୟ ଦିନରେ ବିବେକାନନ୍ଦ ଶିକ୍ଷା କେନ୍ଦ୍ରର ୧୮ତମ ବାର୍ଷିକ ଉତ୍ସବ ଓ ଅଭିଭାବକ ସମ୍ମେଳନ ଅନୁଷ୍ଠିତ ହେବ।

ଅଗ୍ନିକାଣ୍ଡରେ ୩ ମୃତ

ଯଶିପୁର,୨୨।୧(ଡି.ଏନ.ଏ.)-ମୟୂରଭଞ୍ଜ ଜିଲା ଶିମିଳିପାଳ ଅଭୟାରଣ୍ୟ ନିକଟବର୍ତ୍ତୀ ଲୁଣିଆଗୋଡା ଗ୍ରାମରେ ରବିବାର ବିଳମ୍ବିତ ରାତିରେ ଏକ ଅଘଟଣ ଘଟିଛି। ଅସହ୍ୟ ଶୀତରୁ ରକ୍ଷା ପାଇବାକୁ କୁଡିଆ ଘରର ଗୋଟିଏ କୋଣରେ ଲଗା ଯାଇଥିବା ନିଅଁ। ବ୍ୟାପୀ ଜେଜେମା, ଓ ନାତି ଜୀବନ୍ତ ଦଗ୍ଧ ହୋଇଛନ୍ତି।

ବାଇକ ଦୁର୍ଘଟଣାରେ ଜଣେ ମୃତ

ବାସୁଦେବପୁର,୨୨।୧(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର-ଜାମୁଝାଡି ରାସ୍ତାର ଅସ୍ତିଆ ନିକଟରେ ସୋମବାର ସନ୍ଧ୍ୟାରେ ଏକ ବାଇକ ଦୁର୍ଘଟଣାରେ ନିରଞ୍ଜନ ବେହେରା(୩୬)ଙ୍କର ମୃତ୍ୟୁ ହୋଇଥିବାବେଳେ ନିରଞ୍ଜନ ବେହେରା (୨୨) ନାମକ ଅନ୍ୟଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି।

ଚାଷୀଙ୍କ କାମରେ ଲାଗୁନି ଓଜନକଣ୍ଟା

ଚାଷୀଙ୍କ କାମରେ ଲାଗୁନି ଓଜନକଣ୍ଟା

ଭଦ୍ରକ ଅଫିସ,୨୨।୧-ବାସୁଦେବପୁର ବ୍ଲକ ଅନ୍ତର୍ଗତ ପଦ୍ମପୁର ସେବା ସମିତିରେ ଆରଏମସି ତରଫରୁ ନିର୍ମିତ ଓଜନକଣ୍ଟା ଚାଷୀଙ୍କ କାମରେ ଲାଗୁନି।

ରଥ ପାଇଁ କାଠ ଅନୁକୂଳ

ରଥ ପାଇଁ କାଠ ଅନୁକୂଳ

ବାରିପଦା ଅଫିସ,୨୨।୧- ପବିତ୍ର ଶ୍ରୀପଞ୍ଚମି ଅବସରରେ ସୋମବାର ପରମ୍ପରା ଅନୁଯାୟୀ ବାରିପଦା ଜଗନ୍ନାଥ ମନ୍ଦିର ପକ୍ଷରୁ ରଥ ପାଇଁ କାଠ ଅନୁକୂଳ କରାଯାଇଛି।