Dharitri News
ରାୟଗଡା

ବାରମ୍ବାର ବଦଳୁଛନ୍ତି ବିଡିଓ

ପଟ୍ଟାଙ୍ଗି,୨୯।୧୨(ଡି.ଏନ.ଏ.)-କୋରାପୁଟ ଜିଲା ପଟ୍ଟାଙ୍ଗି ବ୍ଲକ ପ୍ରତି ରାଜ୍ୟ ସରକାର କିମ୍ବା ଜିଲା ପ୍ରଶାସନ ବିଭିନ୍ନ ପଦପଦବୀ ପୂରଣ ଲାଗି କାୈଣସି ଆନ୍ତରିକତା ପ୍ରଦର୍ଶନ କରୁନାହାନ୍ତି ବୋଲି ଜିଲା କଂଗ୍ରେସର ଆଦିବାସୀ ସେଲ ସଭାପତି ତଥା ପୂର୍ବତନ ବିଧାୟକ ରାମଚନ୍ଦ୍ର କାଡାମ ଅଭିଯୋଗ କରିଛନ୍ତି। ପ୍ରଶାସନ ତରବରିଆ ଭାବେ ଏଠାରୁ ବିଡିଓଙ୍କୁ ବଦଳି କରି ସେମିଳିଗୁଡା ବିଡିଓ ଲୁକାଶ ପ୍ରଧାନଙ୍କୁ ଦାୟିତ୍ୱରେ ରଖିଥିଲା। ଏବେ ପ୍ରଧାନଙ୍କଠାରୁ ଦାୟିତ୍ୱ ନେଇ କୋରାପୁଟ ବ୍ଲକ ଏବିଡିଓ ସଦାଶିବ ଅଧିକାରୀଙ୍କୁ ପଟ୍ଟାଙ୍ଗି ବିଡିଓ ରୂପେ ଦାୟିତ୍ୱ ପ୍ରଦାନ କରାଯାଇଛି। ଗୋଟିଏ ବ୍ଲକର ପରିଚାଳନାରେ ଏହା କେତେ ଦୂର ଯୁକ୍ତିଯୁକ୍ତ ବୋଲି କାଡାମ ପ୍ରଶ୍ନ ଉଠାଇଛନ୍ତି। ପଞ୍ଚାୟତ ସମତି ଅଧ୍ୟକ୍ଷ ଜଗତଜ୍ୟାତି ପାଙ୍ଗି ଓ ଜିଲା ପରିଷଦ ସଭ୍ୟ ଡୁମୁରି ଖିଲ ମଧ୍ୟ ପ୍ରଶାସନର ପଦକ୍ଷେପକୁ ନାପସନ୍ଦ କରିଛନ୍ତି। ଏନେଇ ଉନ୍ନୟନ କାର୍ଯ୍ୟ ବାଧାପ୍ରାପ୍ତ ହେବ ବୋଲି ଉଭୟେ କହିଛନ୍ତି। ସୂଚନାଯୋଗ୍ୟ ଯେ, ପଟ୍ଟାଙ୍ଗିର ସ୍ଥାୟୀ ବିଡିଓ ରୂପେ ପୂର୍ବରୁ ସରୋଜ କୁମାର ବିଶ୍ୱାଳ ଥିଲେ। ତାଙ୍କୁ ସରକାର ଗତ ୧୬।୯।୧୭ରେ ସମ୍ବଲପୁର ଜିଲାର ଧାନକେଉଡା ବ୍ଲକକୁ ବଦଳି କରି ଦେଇଥିଲେ। ପରେ ସେମିଳିଗୁଡା ବିଡିଓ ପ୍ରଧାନ ନିଜ ବ୍ଲକ ସହ ପଟ୍ଟାଙ୍ଗି ବ୍ଲକର ଅତିରିକ୍ତ ଦାୟିତ୍ୱରେ ଥିଲେ। ବର୍ତ୍ତମାନ ତାଙ୍କୁ ଦାୟିତ୍ୱମୁକ୍ତ କରାଯାଇ କୋରାପୁଟ ଏବିଡିଓ ସଦାଶିବ ଅଧିକାରୀଙ୍କୁ ପଟ୍ଟାଙ୍ଗି ବିଡିଓ ରୂପେ ପଠାଯାଇଛି।

ରାୟଗଡା

ଧରାପଡିଲେ ଲୁଟେରା ଗ୍ୟାଙ୍ଗ

ଜୟପୁର ୨୦।୧(ନି.ପ୍ର./ଡି.ଏନ.ଏ.)- ଜୟପୁର ସହରରେ କିଛି ମାସ ହେବ ଚୋରି କରି ଆତଙ୍କ ଖେଳାଇଥିବା ଚୋର ଗ୍ୟାଙ୍ଗ କୁ ଟାଉନଥାନା ପୋଲିସ ଧରିଛି । ଏନେଇ ଥାନା ପରିସରରେ ଆୟେଜିତ ଖବରଦାତା ସମ୍ମିଳନୀରେ ଏସଡିପିଓ ଟି.ଜେ. ରେଡ୍ଡି ସୂଚନା ଦେଇଛନ୍ତି ।

ମାନଚିତ୍ରରେ ଓଡିଆ ଭାଷାର ବିକୃତ ପ୍ରଦର୍ଶନ

ମାନଚିତ୍ରରେ ଓଡିଆ ଭାଷାର ବିକୃତ ପ୍ରଦର୍ଶନ

ଜୟପୁର, ୨୦।୧ (ନି.ପ୍ର.)-କୋରାପୁଟ ଜିଲା ମାନଚିତ୍ରରେ ଜିଲାର ବିଭିନ୍ନ ସ୍ଥାନର ନାମକୁ ଓଡିଆ ଭାଷାରେ ବିକୃତ ଭାବେ ଲେଖାଯାଇ ଭାଷାକୁ ବିକୃତ କରାଯାଇ ପ୍ରଦର୍ଶନ କରାଯାଇଛି ।

 ଭଡ଼ାଘରେ ରହି ୨୫୦ ଭୂମିହୀନଙ୍କୁ ବାଣ୍ଟିଲେ ଜମି

ଭଡ଼ାଘରେ ରହି ୨୫୦ ଭୂମିହୀନଙ୍କୁ ବାଣ୍ଟିଲେ ଜମି

ଜୟପୁର,୨୦।୧(ଡି.ଏନ.ଏ)-ନିଜେ ଭଡ଼ାଘରେ ରହୁଛନ୍ତି; କିନ୍ତୁ ୧୫ ବର୍ଷ ତଳେ ଯେଉଁ ୨ ଏକର ଜମି କିଣିଥିଲେ, ତାହାକୁ ୨୫୦ ଜଣ ଭୂମିହୀନଙ୍କୁ ବାଣ୍ଟିଛନ୍ତି ଜୟପୁର ସହରର ଜଣେ ବଦାନ୍ୟ ବ୍ୟକ୍ତି। ସେ ହେଲେ ମୁଗୁଡା ସୂର୍ଯ୍ୟନାରାୟଣ ଆଚାରୀ।

ସେଲଫି ନେଉଥିବାବେଳେ ଖସିପଡି ପର୍ଯ୍ୟଟକଙ୍କ ମୃତ୍ୟୁ

କୋରାପୁଟ/ଅନକାଡେଲି,୨୦। ୧(ସ୍ବ.ପ୍ର)- କୋରାପୁଟ ଜିଲାର ପର୍ଯ୍ୟଟନସ୍ଥଳ ଡୁଡୁମା ଜଳପ୍ରପାତରେ ଖସିପଡି ଜଣେ ପର୍ଯ୍ୟଟକଙ୍କ ମୃତ୍ୟୁ ହୋଇଛି । ଖବରରୁ ଜଣାପଡିଛି ଶନିବାର ଆନ୍ଧ୍ରର ବିଶାଖାପାଟଣା ଅଞ୍ଚଳର ଏସ. ଇବ୍ରାହିମ (୨୮) କୋରାପୁଟ ଜିଲା ଲମତାପୁଟ ବ୍ଲକର ଅନକାଡେଲି ନିକଟରେ ଥିବା ଡୁଡୁମା ଜଳପ୍ରପାତକୁ ନିଜ ପରିବାର ସହ ବୁଲି ଆସିଥିଲେ।

ମେକା ସରପଞ୍ଚ ଉପନିର୍ବାଚନ: ବାଜି ମାରିଲେ କଂଗ୍ରେସ ସମର୍ଥିତ ପ୍ରାର୍ଥୀ

ମାଥିଲି,୨୦।୧(ଡି.ଏନ୍‌.ଏ.)-ମାଥିଲି ବ୍ଲକ ମେକା ସରପଞ୍ଚ ପଦବୀରେ ହୋଇଥିବା ଉପନିର୍ବାଚନ ଫଳାଫଳ ଶନିବାର ପ୍ରକାଶ ପାଇଛି। ବ୍ଲକ କାର୍ଯ୍ୟାଳୟ ସଭାଗୃହରେ ଭୋଟ ଗଣତି ହୋଇଥିଲା।

ବିଜେଡି ବ୍ଲକ ସଭାପତି ପଦରୁ ସଦାଶିବଙ୍କ ଇସ୍ତଫା

ମାଥିଲି,୨୦।୧(ଡି.ଏନ୍‌.ଏ.): ମାଥିଲି ବ୍ଲକ ବିଜେଡି ସଭାପତି ପଦବୀରୁ ଶନିବାର ସଦାଶିବ ପୂଜାରୀ ଇସ୍ତଫା ଦେଇଛନ୍ତି। ସେ ନିଜ ଇସ୍ତଫା ପତ୍ର ମାଲକାନଗିରି ଜିଲା ସଭାପତି ମାନସ ମାଡକାମୀଙ୍କୁ ଦେଇଛନ୍ତି।

ସମ୍ପର୍କରେ ରକ୍ତ ଛିଟ: ପିଟିପିଟି ମାରିଦେଲେ ସ୍ତ୍ରୀ, ପୁଅ

ନବରଙ୍ଗପୁର, ୨୦।୧(ବି.ପ୍ର.)- ପାରିବାରିକ କଳହ କିଭଳି ଉଗ୍ର ରୂପ ନେଇପାରେ ଏହାର ଏକ ଦୃଷ୍ଟାନ୍ତ ଶନିବାର ନବରଙ୍ଗପୁର ଜିଲାରେ ଦେଖିବାକୁ ମିଳିଛି। ଚରିତ୍ରରେ ସନ୍ଦେହ କରି ଘରେ ଝଗଡା ଓ ମାରପିଟ କରୁଥିବା ଜଣେ ବ୍ୟକ୍ତିଙ୍କୁ କାଠ ଫାଳିଆରେ ପିଟିପିଟି ହତ୍ୟା କରିଛନ୍ତି ତାଙ୍କ ସ୍ତ୍ରୀ ଓ ପୁଅ। ସେ ହେଲେ ରାଇଘର ଥାନା ସରଗୁଲି ଅଞ୍ଚଳର ବଳଦେବ ଗଣ୍ଡ(୫୦)।

ପ୍ରେସର ବୋମା ବିସ୍ଫୋରଣରେ ଯବାନ ଗୁରୁତର

ମାଲକାନଗିରି, ୨୦।୧(ଡି.ଏନ୍‌.ଏ.)- ସୀମାନ୍ତ ଛତିଶଗଡ ଦାନ୍ତଓ୍ବୋଡା ଜିଲା ତୁମନାର ହାଟରେ ପ୍ରେସର ବୋମା ବିସ୍ଫୋରଣରେ ଜଣେ ଯବାନ ଗୁରୁତର ହୋଇଛନ୍ତି। ସେ ହେଲେ ଯବାନ ରାମ କର୍ମା। ମାଓବାଦୀମାନେ ରାମଙ୍କୁ ଟାର୍ଗେଟ କରି ବୋମାଟିକୁ ଗଛତଳେ ପୋତିଥିଲେ।

ବିଷାକ୍ତ ଖାଦ୍ୟ ଖାଇ ଛାତ୍ର ମୃତ

ବିଷାକ୍ତ ଖାଦ୍ୟ ଖାଇ ଛାତ୍ର ମୃତ

ନବରଙ୍ଗପୁର, ୨୦।୧(ବି.ପ୍ର.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ମାଳିଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ଜଣେ ଛାତ୍ରଙ୍କ ଝାଡ଼ାବାନ୍ତିରେ ମୃତ୍ୟୁ ହୋଇଛି। ସେ ହେଲେ ଷଷ୍ଠ ଶ୍ରେଣୀର ଛାତ୍ର ଗୁରୁବନ୍ଧୁ ଭତ୍ରା। ଏହାଛଡା ବିଦ୍ୟାଳୟର ଅନ୍ୟ ୧୩ଜଣ ଛାତ୍ର ଏଥିରେ ଆକ୍ରାନ୍ତ ହୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି। ଖବରପାଇ ଏକ ଡାକ୍ତରୀ ଦଳ ବିଦ୍ୟାଳୟରେ ପହଞ୍ଚି ଆଉ ୭ଜଣ ଆକ୍ରାନ୍ତଙ୍କୁ ଚିକିତ୍ସା କରୁଛନ୍ତି। ଫୁଡ୍‌ ପଏଜନିଂରେ ଛାତ୍ରଙ୍କ ମୃତ୍ୟୁ ହୋଇଥିବା ଡାକ୍ତର ବ୍ରହ୍ମପ୍ରକାଶ ମହାନ୍ତି କହିଛନ୍ତି।

ସୀମାନ୍ତରେ ଲାଲ୍‌ ଆତଙ୍କ: ପୋଲିସ ଇନ୍‌ଫର୍ମର ସନ୍ଦେହରେ ଯୁବକଙ୍କୁ ହତ୍ୟା

ସୀମାନ୍ତରେ ଲାଲ୍‌ ଆତଙ୍କ: ପୋଲିସ ଇନ୍‌ଫର୍ମର ସନ୍ଦେହରେ ଯୁବକଙ୍କୁ ହତ୍ୟା

ମାଲକାନଗିରି, ୨୦।୧(ସ୍ବ.ପ୍ର.)- ସୀମାନ୍ତ ଛତିଶଗଡ ସୁକ୍‌ମା ଜିଲାର ଚିନୁଲନାର ଅଞ୍ଚଳର ଜଣେ ଯୁବକଙ୍କୁ ପୋଲିସ ଇନ୍‌ଫର୍ମର ସନ୍ଦେହରେ ମାଓବାଦୀମାନେ ହତ୍ୟା କରିଛନ୍ତି। ସେ ହେଲେ ରାଜେଶ ଯାଦବ। ଶନିବାର ସକାଳେ ଦରନାପାଲର ଜଗରମୁଣ୍ଡା ରାସ୍ତା ନିକଟସ୍ଥ ମୁକ୍ରମ ନାଳ ପାଖରେ ରାଜେଶଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ।

ସୀମାନ୍ତରେ ଗାଡି ଜାଳିଲେ ମାଓବାଦୀ

ସୀମାନ୍ତରେ ଗାଡି ଜାଳିଲେ ମାଓବାଦୀ

ମାଲକାନଗିରି, ୨୦।୧(ଡି.ଏନ୍‌.ଏ.) ସୀମାନ୍ତ ଦାନ୍ତଓ୍ବୋଡା ଜିଲା ଫରସପାଲ ଥାନା ଅଞ୍ଚଳରେ ଶନିବାର ମାଓବାଦୀମାନେ ଦୁଇଟି ଡ୍ରିଲ୍‌ ମେଶିନ ଓ ଗୋଟିଏ ବାଇକ୍‌ ପୋଡି ଦେଇଥିବା ସୂଚନା ମିଳିଛି ।

ଶୁଣିଲାନି ପ୍ରଶାସନ, ଗ୍ରାମବାସୀ କଲେ ରାସ୍ତା ନିର୍ମାଣ

ମୁକୁନ୍ଦପୁର, ୨୦।୧(ଡି.ଏନ୍‌.ଏ) ଗାଁକୁ ଭଲ ରାସ୍ତାଟିଏ ନାହିଁ। ଫଳରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗାଁକୁ ରାସ୍ତାଟିଏ ପାଇଁ ଜିଲାପାଳ,ବିଧାୟକଙ୍କ ନିକଟକୁ ବାରମ୍ବାର ଦୌଡ଼ିଲେ ଗ୍ରାମବାସୀ । ହେଲେ କେହି ତାଙ୍କ କଥାକୁ ଶୁଣିଲେନି । ତେଣୁ ବାଧ୍ୟ ହୋଇ ନିଜ ଗ୍ରାମକୁ ନିଜେ ଏକ ରାସ୍ତା ନିର୍ମାଣ କରିଛନ୍ତି ।