ସମ୍ବଲପୁର

ସ୍ମାର୍ଟ ସିଟି ରାଉରକେଲା ଆରଜିଏଚ୍‌ ମେଡିକାଲ, ୩ ଦିନରେ ଥରେ ରୋଗୀ ଦେଖୁଛନ୍ତି ଡାକ୍ତର

ସ୍ମାର୍ଟ ସିଟି ରାଉରକେଲା ଆରଜିଏଚ୍‌ ମେଡିକାଲ, ୩ ଦିନରେ ଥରେ ରୋଗୀ ଦେଖୁଛନ୍ତି ଡାକ୍ତର


ରାଉରକେଲା ଅଫିସ,୨୯।୧୨-ସ୍ମାର୍ଟ ସିଟିର ସ୍ମାର୍ଟ ମେଡିକାଲ ହେଉଛି ରାଉରକେଲା ସରକାରୀ ଡାକ୍ତରଖାନା (ଆରଜିଏଚ୍‌)। ରାଉରକେଲାକୁ ସ୍ମାର୍ଟ ସିଟିରେ ପରିଣତ କରିବା ପାଇଁ ଉଭୟ ରାଜ୍ୟ ଓ କେନ୍ଦ୍ର ସରକାର କୋଟି କୋଟି ଟଙ୍କା ପ୍ରଦାନ କରୁଛନ୍ତି। ନିକଟରେ ଜିଲାପାଳ ଏହି ମେଡିକାଲ ପରିସରରେ ଏକ ୱାଟର ଏଟିଏମ୍‌ ଉଦ୍‌ଘାଟନ କରିଥିଲେ। ମେଡିକାଲକୁ ଉନ୍ନତ କରିବାକୁ ସରକାର ସବୁ ପ୍ରକାର ବ୍ୟବସ୍ଥା କରୁଛନ୍ତି। ହେଲେ ଏଠାରେ କାର୍ଯ୍ୟରତ ଡାକ୍ତର ଓ ଅନ୍ୟ କର୍ମଚାରୀଙ୍କ ସେବା କରିବାର ମାନସିକତା ରହୁ ନ ଥିବା ମନେହେଉଛି। ଫଳରେ ମେଡିକାଲ ସବୁବେଳେ ଚର୍ଚ୍ଚାରେ ରହୁଛି। ଏଠାରେ ନିଯୁକ୍ତ ଡାକ୍ତରମାନେ ହାଜିରା ପକାଇ ଘରୋଇ ନର୍ସିଂ ହୋମ୍‌ରେ ଡ୍ୟୁଟି କରୁଛନ୍ତି। ତେଣୁ ରୋଗୀମାନେ ସେବା ନ ପାଇ ଛଟପଟ ହେଉଛନ୍ତି। ଗୁରୁତର ରୋଗୀମାନଙ୍କୁ ଡାକ୍ତର ୩ ଦିନରେ ଥରେ ଦେଖୁଛନ୍ତି। ଏପରି ଏକ ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
ସୁନ୍ଦରଗଡ଼ ଡାକ୍ତରଖାନାରୁ ସ୍ଥାନାନ୍ତରିତ ହୋଇ ଗତ ୨୫ ତାରିଖରେ ଗୁରୁତର ଅବସ୍ଥାରେ ଆର୍‌ଜିଏଚ୍‌ରେ ଭର୍ତ୍ତି ହୋଇଥିଲେ ଆଶିଷ ହାଁସଦା (୨୫)। ତାଙ୍କୁ ଜରୁରିକାଳୀନ ଭିତ୍ତିରେ ଅକ୍ସିଜେନ୍‌ ଆବଶ୍ୟକତା ପଡ଼ିଥିଲା। ହେଲେ ତାଙ୍କୁ ଅକ୍ସିଜେନ ଯୋଗାଇ ଦିଆଯାଇ ନ ଥିଲା। ଫଳରେ ତାଙ୍କ ସ୍ବାସ୍ଥ୍ୟାବସ୍ଥା ଅଧିକ ବିଗିଡ଼ିଯାଇଥିଲା। ଖବର ପାଇ ସ୍ବେଚ୍ଛାସେବୀ ଅନୁଷ୍ଠାନ ସ୍ପାର୍କର କର୍ମକର୍ତ୍ତାମାନେ ପହଞ୍ଚି ଡାକ୍ତର ଓ ଅନ୍ୟ ସ୍ବାସ୍ଥ୍ୟକର୍ମୀମାନଙ୍କୁ ଅକ୍ସିଜେନ ଲଗାଇବା ପାଇଁ ଅନୁରୋଧ କରିଥିଲେ। ହେଲେ କେହି ଶୁଣି ନ ଥିଲେ। ସ୍ପାର୍କର ସଦସ୍ୟ ହିମାଂଶୁ ନାୟକ ବହିର୍ବିଭାଗ (ଓପିଡି)ରୁ ଡାକ୍ତରଙ୍କୁ ଆଶିଷଙ୍କ ନିକଟକୁ ଡାକି ଅକ୍ସିଜେନ ଲଗାଇଥିଲେ। କିନ୍ତୁ ସ୍ପାର୍କ ସଦସ୍ୟମାନେ ମେଡିକାଲରୁ ପଳାଇ ଆସିବା ପରେ ଆଶିଷଙ୍କୁ କେହି ଦେଖିଲେ ନାହିଁ। ଏପରିକି ଗୁରୁବାର ପର୍ଯ୍ୟନ୍ତ ମଧ୍ୟ ତାଙ୍କୁ ଦେଖିବା ପାଇଁ ଡାକ୍ତର ଉକ୍ତ ୱାର୍ଡକୁ ଆସି ନ ଥିବା ଆଶିଷ ଗଣମାଧ୍ୟମକୁ ଜଣାଇଛନ୍ତି। ଏହା ଜଣାପଡ଼ିବା ପରେ କେହି ଆଶିଷଙ୍କ କଥାକୁ ରେକର୍ଡିଂ କରି ଏହାକୁ ସୋସିଆଲ ମିଡିଆରେ ଭାଇରାଲ କରିଦେଇଛନ୍ତି। ଯାହାକୁ ନେଇ ବିଭିନ୍ନ ମହଲରେ ଏବେ ଚର୍ଚ୍ଚା ଆରମ୍ଭ ହୋଇଯାଇଛି। ଏ ସମ୍ପର୍କରେ ଆର୍‌ଜିଏଚ୍‌ ସିଏମ୍‌ଓ ଡା. ରାମଚନ୍ଦ୍ର ବେହେରାଙ୍କୁ ପଚାରିବାରୁ କହିଲେ, ଡାକ୍ତରମାନେ ସବୁଦିନ ରାଉଣ୍ଡ କରୁଛନ୍ତି। ଯଦି କେହି ଠକୁଥିବେ ସେମାନଙ୍କୁ ତାଗିଦ କରାଯିବ। ଆବଶ୍ୟକ ପଡ଼ିଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସୁପାରିସ କରାଯିବ ବୋଲି ଡା.
ବେହେରା କହିଥିଲେ।
ବିକ୍ରି ହେଉଛି ବ୍ଲକ ବ୍ୟାଙ୍କ ରକ୍ତ: ଆର୍‌ଜିଏଚ୍‌ ପରିସରରେ ଏବେ ମାଳମାଳ ଦଲାଲ ସକ୍ରିୟ ରହିଛନ୍ତି। ଏମାନେ ରୋଗୀଙ୍କ ପାଖରେ ପହଞ୍ଚି ସେମାନଙ୍କ ମାନସିକତାକୁ ଠଉରଉଛନ୍ତି। ସେମାନଙ୍କର ରକ୍ତ ଦରକାର ଥିଲେ ତାହା କିପରି ବ୍ଲଡ ବ୍ୟାଙ୍କରୁ ଆସିବ ସେ ନେଇ ବାଟ ତିଆରି କରୁଛନ୍ତି। ବ୍ଲଡ ବ୍ୟାଙ୍କରେ ଥିବା ରକ୍ତ ଗରିବ, ଗୁରୁତର, ଦୁର୍ଘଟଣାଗ୍ରସ୍ତ ରୋଗୀଙ୍କ ପାଇଁ ମାଗଣାରେ ଦିଆଯିବା ପାଇଁ ନିୟମ ଥିବାବେଳେ ଏହାକୁ ଏବେ ବିକ୍ରି କରାଯାଉଛି। ଆଶିଷଙ୍କ କ୍ଷେତ୍ରରେ ଏହା ପ୍ରମାଣିତ ହୋଇଛି। ଆଶିଷଙ୍କର ରକ୍ତ ଦରକାର ହେଉଥିବା ବେଳେ ଜଣେ ଦଲାଲ ଆସି ତାଙ୍କ ନିକଟରେ ପହଞ୍ଚିଥିଲେ। ସେ ବ୍ଲଡ ବ୍ୟାଙ୍କରୁ ରକ୍ତ କରାଇ ଦେବେ କହି ତାଙ୍କଠାରୁ ୧୫୦୦ ଟଙ୍କା ନେଇଥିଲେ। ଏହାବାଦ ରକ୍ତ ପରୀକ୍ଷା ପାଇଁ ଆଉ ୨୯୦ ଟଙ୍କା ନେଲେ। କିଛି ସମୟ ପରେ ଆଶିଷଙ୍କୁ ବ୍ଲଡ ବ୍ୟାଙ୍କରୁ ରକ୍ତ ମିଳିଗଲା। ତେଣୁ ବ୍ଲଡ ବ୍ୟାଙ୍କରେ ରକ୍ତ ବିକ୍ରି ହେଉଥିବା ସ୍ପଷ୍ଟ ହୋଇଯାଇଛି। ଏ ସମ୍ପର୍କରେ ବ୍ଲଡ ବ୍ୟାଙ୍କର ମୁଖ୍ୟ ଡା. ପଣ୍ଡିତ ସାହୁଙ୍କୁ ପଚାରିବାରୁ କହିଲେ, କାହାରିଠାରୁ ଟଙ୍କା ନେଇ ଆମେ ରକ୍ତ ଦେଉନାହୁଁ। କେବଳ ପରୀକ୍ଷା ବାବଦ ଅର୍ଥ ନିଆଯାଉଛି। ବ୍ଲଡ ବ୍ୟାଙ୍କକୁ ଅନେକ ଲୋକଙ୍କ ଅବାଧ ପ୍ରବେଶ ରହିଛି। କିଏ ଦଲାଲ ତାହା ଜାଣିବା କଷ୍ଟକର। ଯଦି ଏଥିରେ କର୍ମଚାରୀଙ୍କ ସମ୍ପୃକ୍ତି ଥିବା ଜଣାପଡ଼େ ତେବେ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡା. ସାହୁ କହିଛନ୍ତି।

All Right Reserved By

ସମ୍ବଲପୁର

ଦୀର୍ଘ ପ୍ରତୀକ୍ଷାର ଅନ୍ତ: ତେଲ ଜଳସେଚନ ଖଣ୍ଡ ଅଧୀନକୁ ଆସିଲା ହରିହରଯୋର ଉପଖଣ୍ଡ

ସୋନପୁର,୨୩।୬(ନି.ପ୍ର.)-ଦୀର୍ଘ ପ୍ରତୀକ୍ଷାର ଅନ୍ତ ଘଟିଛି। ସୁବର୍ଣ୍ଣପୁର ଜିଲାର ହରିହରଯୋର ଜଳସେଚନ ଉପଖଣ୍ଡ ଏବେ ତେଲ ଜଳସେଚନ ଖଣ୍ଡ ଅଧୀନକୁ ଆସିଛି। ଜଳ ସମ୍ପଦ ବିଭାଗ ବିଜ୍ଞପ୍ତି ନଂ.୧୪୭୮୯/ତା୨୯।୦୫।୧୮ରିଖରେ ଏ ସମ୍ପର୍କିତ ନିର୍ଦ୍ଦେଶାନାମା ଜାରି କରାଯାଇଛି। ପୂର୍ବରୁ ହରିହରଯୋର ଜଳସେଚନ ଉପଖଣ୍ଡ ଯାହାର ମୁଖ୍ୟ କାର୍ଯ୍ୟାଳୟ ବୀରମହାରାଜପୁରରେ ଥିଲା, ତାହା ବଲାଙ୍ଗୀର ଜଳସେଚନ ଖଣ୍ଡ ଅଧୀନରେ କାମ କରୁଥିଲା। ବିଭାଗୀୟ ସହକାରୀ ନିର୍ବାହୀ ଯନ୍ତ୍ରୀ ବୀରମହାରାଜପୁରସ୍ଥିତ କାର୍ଯ୍ୟାଳୟରେ ନ ରହି ସୋନପୁରରେ ରହି ଅଫିସ କାର୍ଯ୍ୟ କରୁଥିଲେ। ଅନ୍ୟପକ୍ଷେ ବଲାଙ୍ଗୀରରୁ ହରିହରଯୋର ଡ୍ୟାମ୍‌ ସାଇଡ୍‌ ପ୍ରାୟ ୮୦ କିଲୋମିଟର ଦୂର ହୋଇଥିବାରୁ ନିର୍ବାହୀ ଯନ୍ତ୍ରୀ ପ୍ରକଳ୍ପ କାର୍ଯ୍ୟର ଠିକ୍‌ ତଦାରଖ କରି ପାରୁ ନ ଥିଲେ। ଫଳରେ କାମର ମାନ ଠିକ୍‌ ରହୁ ନ ଥିଲା। ଚାଷୀଙ୍କ ସମସ୍ୟା ଉପରିସ୍ଥ ଅଧିକାରୀଙ୍କ ନିକଟରେ ପହଞ୍ଚୁ ନ ଥିଲା। ବିଳମ୍ବରେ ହେଲେ ମଧ୍ୟ ସରକାରୀ ବିଜ୍ଞପ୍ତି ପ୍ରକାଶ ପାଇ ଥିବାରୁ ବୀରମହାରାଜପୁର ଉପଖଣ୍ଡର ଚାଷୀଙ୍କ ମଧ୍ୟରେ ଏଥିନେଇ ଆନନ୍ଦ ପ୍ରକାଶ ପାଇଛି।

ଧାନ ବିହନ ବଣ୍ଟନରେ ଅବ୍ୟବସ୍ଥା : ଡିଲରକୁ ମିଳୁଛି, ପ୍ୟାକ୍ସରେ ନାହିଁ

ଧାନ ବିହନ ବଣ୍ଟନରେ ଅବ୍ୟବସ୍ଥା : ଡିଲରକୁ ମିଳୁଛି, ପ୍ୟାକ୍ସରେ ନାହିଁ

ବଲାଙ୍ଗୀର ଅଫିସ, ୨୩।୬- ବଲାଙ୍ଗୀର ଜିଲାରେ ଚାଷ ସମୟ ଆସିଗଲେ ଧାନ ଓ ସାର କଳାବଜାରି କଥା ଚର୍ଚ୍ଚାକୁ ଆସେ। ଚଳିତବର୍ଷ ଧାନ ଚାଷ ପ୍ରକ୍ରିୟା ଆରମ୍ଭ ହେବା ପରେ ଜିଲାରେ ଧାନ ବିହନ ବଣ୍ଟନରେ ଅବ୍ୟବସ୍ଥା ଅଭିଯୋଗ ହୋଇଛି। ଜିଲାର ଚାଷୀମାନଙ୍କୁ ପ୍ରାଥମିକ କୃଷି ସମବାୟ ସମିତି(ପ୍ୟାକ୍ସ) ଏବଂ ଲାଇସେନ୍ସପ୍ରାପ୍ତ ଡିଲରଙ୍କ ଜରିଆରେ ବିହନ ବଣ୍ଟନ ବ୍ୟବସ୍ଥା କରାଯାଇଛି। ଓଡ଼ିଶା ରାଜ୍ୟ ବିହନ ନିଗମ ଗୋଦାମରୁ ମିଳିଥିବା ତଥ୍ୟ ମୁତାବକ ଜିଲାରେ ଏ ପର୍ଯ୍ୟନ୍ତ ୨୧ ହଜାର ୩୭ କୁଇଣ୍ଟାଲ ବିହନ ଆସିଛି। ସେଥିରୁ୨୦ ହଜାର ୫୯୯ କୁଇଣ୍ଟାଲ ବିହନ ବଣ୍ଟନ ଶେଷ ହୋଇଛି। ସେଥିରୁ ଲାଇସେନ୍ସପ୍ରାପ୍ତ ଡିଲର ୧୮ହଜାର ୩୯୩ କୁଇଣ୍ଟାଲ ବିହନ ନେଇଥିବା ବେଳେ ପ୍ୟାକ୍ସଗୁଡିକ ମାତ୍ର ୨ହଜାର ୨୦୬ କୁଇଣ୍ଟାଲ ବିହନ ନେଇଛନ୍ତି। ହେଲେ ପ୍ୟାକ୍ସଗୁଡିକରେ ଆବଶ୍ୟକ ମାତ୍ରାରେ ଚାହିଦା ମୁତାବକ ବିହନ ନ ଥିବାରୁ ଗ୍ରାମାଞ୍ଚଳର ଚାଷୀମାନେ ହଇରାଣ ହେଉଛନ୍ତି। ଜିଲାର ଲାଇସେନ୍ସପ୍ରାପ୍ତ ଡିଲରମାନେ ଅଧିକ ମାତ୍ରାରେ ବିହନ ପାଇଥିବା ବେଳେ ପ୍ୟାକ୍ସଗୁଡିକ ପାଇନାହାନ୍ତି।

ସମସିଆ ଘେର୍‌ରେ କନ୍ଦାଜୁରୀ ଗାଁ ବାସୀ

ଲୋଇସିଂହା,୨୩।୬(ଡି.ଏନ୍‌.ଏ.)- ଲୋଇସିଂହା ବ୍ଲକ୍‌ ଅଧୀନ୍‌ କନ୍ଦାଜୁରୀ ପଁନ୍‌ଚେତ୍‌ର ସଦର ଗାଁବାସୀ ଏହେଦେ ଗୁଟେ ଅସ୍‌କଟିଆ ପରିବେଶରେ ଜୀବନ୍‌ ବିତଉଛନ୍‌। ଗାଁର ଲୋକ୍‌ ବେଭାର କରୁଥିବାର ତଲିବଁଧ୍‌ର ପାଏନ୍‌ ଏହେଦେ ଦୂଷିତ୍‌ ହେଇଯାଇଛେ। ଇ ବଁଧର ପାଏନ୍‌ ବେଭାର କରି ଲୋକ୍‌ ନାନା ସମସିଆରେ ପଡ଼ୁଛନ୍‌। ଏହେଦେ ବର୍‌ଷା ଲାଗି ଗାଁର ରାସ୍‌ତାର ଅବସ୍‌ତା ବି ଖରାପ୍‌ ହେଇଯାଇଛେ। ଗାଁବାସୀ ଯାଆସ କର୍‌ବାରେ ଅସ୍‌ବିଧା ହେଉଥିବାର ଅଭିଯୋଗ୍‌ କରିଛନ୍‌। କନ୍ଦାଜୁରୀ ପଁନ୍‌ଚେତ୍‌ ସଦର ଗଁା ୮ଟା ଓ୍ବାର୍ଡରେ ୪ ହଜାର୍‌ରୁ ଅଧ୍‌କା ଲୋକ୍‌ ରହୁଛନ୍‌। ଗାଁରେ ଛୋଟ୍‌ବଡ଼ କରି ୪ଟା ବଁଧ୍‌ ଅଛେ। ଗଁାର ବଡ଼ଭାଗି ଲୋକ୍‌ ଗଧାବୁଡ଼ା ଲାଗି ତଲିବଁଧ୍‌କେ ବେଭାର କର୍‌ସନ୍‌। ହେଲେ ୨୦ ବଛର୍‌ ହେଲା ଇ ବଁଧ୍‌ର ମାଏଟ୍‌ କାମ୍‌ ନାଇଁହେଇ। ବଛର୍‌ ବଛର୍‌ ଧରି ବଁଧର ମାଏଟ୍‌ କାମ୍‌ ନାଇଁ ହେବାର ଲାଗି ପାଏନ୍‌ ଦୂଷିତ୍‌ ହେଇଯାଇଛେ। ଗାଁବାସୀକର ଅଲଗ୍‌ ଉପେ ନାଇଁନ, ଯେନ୍‌ଥିର୍‌ଲାଗି ଲୋକ୍‌ ବାଧ୍ୟ ହେଇ ବଁଧର ପାଏନ୍‌ ବେଭାର କରୁଥିବାର ଗାଁର ପିଲେ ଅଭିଯୋଗ୍‌ କରିଛନ୍‌।

ଗରମ୍‌ରେ ସଁତ୍‌ଲି ହେଉଛନ୍‌ ଛାତ୍ରୀଛାତ୍ର: କେନ୍ଦ୍ରୀୟ ବିଦ୍ୟାଳୟରେ ପାଠ୍‌ପଢ଼ାକେ ନେଇ ଅସନ୍‌ତୋଷ

ବୁର୍ଲା,୨୩। ୬(ଡି.ଏନ.ଏ)- ଏହେଦ୍‌କାର ପରିସ୍‌ଥିତିରେ ଖରା ତାତିକେ ନଜର୍‌ରେ ରଖି ରାଏଜର ସବୁ ସରକାରୀ, ବେସରକାରୀ ଶିକ୍ଷାନୁଷ୍‌ଠାନ୍‌ ବଂଦ୍‌ ରଖ୍‌ବାକେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍‌ଦେଶ ଦେଇଛନ୍‌। ହେଲେ ସମ୍ବଲପୁର ଜିଲା ବୁର୍ଲା କେନ୍ଦ୍ରୀୟ ବିଦ୍ୟାଳୟରେ ଇତାର ଉଲ୍‌ଟିଆ ଦେଖ୍‌ବାକେ ମିଲୁଛେ। ଇଠାନେ ଜୁନ୍‌ ପହେଲାରୁ ପିଲାକର ପାଠ୍‌ପଢ଼ା ଚାଲିଥିଲାବେଲେ, ଛାତ୍ରୀଛାତ୍ର ତାତି ଆର୍‌ ଗୁଲ୍‌ଗୁଲିରେ ସଁତ୍‌ଲି ହେଉଥିବାର ଅଭିଯୋଗ୍‌ ହେଉଛେ।

ବୁର୍ଲା ଭୀମସାର ମେଡିକାଲ: ଅମରୁତ୍‌ଗଂଗାରୁ ବାହାରୁଛେ ତତଲା ପାଏନ୍‌

ବୁର୍ଲା ଭୀମସାର ମେଡିକାଲ: ଅମରୁତ୍‌ଗଂଗାରୁ ବାହାରୁଛେ ତତଲା ପାଏନ୍‌

ବୁର୍ଲା, ୨୩।୬ (ଡି.ଏନ୍‌.ଏ)- ସମ୍ବଲପୁର ଜିଲାର ବୁର୍ଲା ଭୀମସାର ଡାକ୍‌ତରଖାନା ପଶ୍ଚିମ ଓଡ଼ିଶାର ଜୀବନ୍‌ ରେଖା ବଏଲେ ଚଲ୍‌ବା। ଇନ୍‌କେ ଫିଦିନ୍‌ ବହୁତ୍‌ ଦୂରିଆରୁ ଲୋକ୍‌ ଦିହିପା ଦେଖାବାକେ ଆସୁଛନ୍‌। ରୁଗୀର ସଂଗେ ଝନେ କି ଦୁଇଝନ୍‌ ଦେଖାସୁନା କର୍‌ବାର ଲାଗି ବି ଆଏସନ୍‌। ହେଲେ ସମ୍‌କିରି ଗୁଟେ ଅଭିଯୋଗ୍‌ ଯେ, ପିଇଲା ପାଏନ୍‌ ଲାଗି ବଡ଼ା ଗୁଲ୍‌ଗୁଲା ହେବାକେ ହେଉଛେ।

ଭଂଗା କୁରିଆରେ ବିତୁଛେ ଦିନ୍‌: ଛୁଆକର ପାଠ୍‌ପଢ଼ା ନେଇ ଚିନ୍‌ତାରେ ମା’

ଭଂଗା କୁରିଆରେ ବିତୁଛେ ଦିନ୍‌: ଛୁଆକର ପାଠ୍‌ପଢ଼ା ନେଇ ଚିନ୍‌ତାରେ ମା’

ଲଡୁଗାଁ,୨୩।୬(ଡି.ଏନ୍‌.ଏ.)- କଳାହାଣ୍ଡି ଜିଲା କୋକସରା ବ୍ଲକ୍‌ ବରାଡ଼ଙ୍ଗା ଗାଁରେ ଗଲା ଦୁଇଦିନ୍‌ ତଲେ ହେଇଥିବାର କାଲ୍‌ବଇଶାଖୀରେ ଲୁକ୍‌କର ଘର, ଗଛ୍‌ଖୁଁଟ୍‌ ଭାଂଗିଯାଇଛେ। ସେନ୍‌ତା ଗାର ନିସାହା ବିଧବା କମଳା ରାଉତ(୩୦)କଁର ଘର୍‌ ଭାଂଗିଯାଇଛେ। ଯେନ୍‌ଥିର୍‌ଲାଗି ଇ ପରିବାର୍‌ର ଚାଏର୍‌ ପରାନି ଭଂଗା ଘରେ ରହୁଛନ୍‌। ସୂଚ୍‌ନା ହିସାବେ ଗଲା ୨ବଛର୍‌ ହେଲା ଭଂଗା ଦଦ୍‌ରା ମାଏଟ୍‌ କୁରିଆରେ ବଡ଼ା ଗୁଲ୍‌ଗୁଲା ହେଇ ପୁଓ ଚନ୍ଦନ, ତୁଲସି ଆର୍‌ ଝି ଦହନା ରହିଆସୁଥିଲେ। ହେଲେ ଗଲା ଦୁଇଦିନ୍‌ ତଲେ ହେଇଥିବାର ଧୁକାଗରେଲ୍‌, ବର୍‌ଷାରେ ତାକର ଘର୍‌ଟା ଭାଂଗିଯାଇଛେ।

ରବି ଧାନ ସଂଗ୍ରହ ମାନ୍ଦା

ରବି ଧାନ ସଂଗ୍ରହ ମାନ୍ଦା

ବୀରମହାରାଜପୁର, ୨୨ା୬(ଡି.ଏନ.ଏ) ମିଲର୍ସଙ୍କ ବେଖାତିର ମନୋଭାବ ସାଙ୍ଗକୁ ପ୍ରଶାସନିକ ଉଦାସୀନତା ଯୋଗୁଁ ସୁବର୍ଣ୍ଣପୁର ଜିଲା ବୀରମହାରାଜପୁର ଉପଖଣ୍ଡରେ ରବି ଧାନ ସଂଗ୍ରହ ଚରମ ଅବ୍ୟବସ୍ଥା ଦେଇ ଗତି କରୁଛି ।

ବେଲପାହାଡ ପୌର ପରିଷଦ: ପରିମଳ ବ୍ୟବସ୍ଥା ବାଟବଣା

ବେଲପାହାଡ ପୌର ପରିଷଦ: ପରିମଳ ବ୍ୟବସ୍ଥା ବାଟବଣା

ବେଲପାହାଡ଼,୨୨ା୬(ଡ଼ି.ଏନ୍‌.ଏ.) ପୌର କର୍ତ୍ତୃପକ୍ଷଙ୍କ ଠିକାଦାର ପ୍ରୀତି ଯୋଗୁ ଝାରସୁଗୁଡ଼ା ଜିଲା ବେଲପାହାଡ଼ ପୌରପରିଷଦର ପରିମଳ ବ୍ୟବସ୍ଥା ବାଟବଣା ହୋଇଯାଇଛି ା ଏବେ ପରିଷଦର ସଫେଇ କାମ କାର୍ଯ୍ୟାଦେଶ ଅନୁଯାୟୀ ଚାଲୁନାହିଁ।

ଅଧାରୁ କାମ ଛାଡି ଠିକାଦାର ଚମ୍ପଟ ବିଡିଓଙ୍କଠାରେ ଫେରାଦ ହେଲେ ଗ୍ରାମବାସୀ

ଅଧାରୁ କାମ ଛାଡି ଠିକାଦାର ଚମ୍ପଟ ବିଡିଓଙ୍କଠାରେ ଫେରାଦ ହେଲେ ଗ୍ରାମବାସୀ

ଜୁନାଗଡ,୨୨।୬(ଡି.ଏନ.ଏ.)- କଳାହାଣ୍ଡି ଜିଲା ଜୁନାଗଡ ବ୍ଲକ ତଳମଲା ପଞ୍ଚାୟତ ମସିଗଁାରେ ନିର୍ମାଣାଧୀନ ବାଗଡିସର ପୋଲ କାମ ଅଧାପନ୍ତରିଆ କରି ଠିକାଦାର ଚମ୍ପଟ ମାରିଥିବା ଜଣାପଡିଛି।

ରାଜେନ୍ଦ୍ର କଲେଜ ସମ୍ମୁଖରେ ଏଆଇଡିଏସ୍‌ଓ ପକ୍ଷରୁ ବିକ୍ଷୋଭ ପ୍ରଦର୍ଶନ

ରାଜେନ୍ଦ୍ର କଲେଜ ସମ୍ମୁଖରେ ଏଆଇଡିଏସ୍‌ଓ ପକ୍ଷରୁ ବିକ୍ଷୋଭ ପ୍ରଦର୍ଶନ

ବଲାଙ୍ଗୀର ଅଫିସ,୨୨। ୬: ବଲାଙ୍ଗୀର ରାଜେନ୍ଦ୍ର ସ୍ବୟଂଶାସିତ ମହାବିଦ୍ୟାଳୟ ସମ୍ମୁଖରେ ଅଲ୍‌ଇଣ୍ଡିଆ ଡେମୋକ୍ରେଟିକ୍‌ ଷ୍ଟୁଡେଣ୍ଟସ୍‌ ଅର୍ଗାନାଇଜେଶନ୍‌ (ଏଆଇଡିଏସ୍‌ଓ) ତରଫରୁ ସାର୍ଟିଫିକେଟ୍‌ ପ୍ରିଜର୍‌ଭେସନ୍‌ ବାବଦ ଫି’କୁ ବିରୋଧ କରି ଶୁକ୍ରବାର ବିକ୍ଷୋଭ ପ୍ରଦର୍ଶନ କରାଯାଇଛି ।

ଆରଏସପି ଠିକା ଶ୍ରମିକଙ୍କୁ ମିଳୁନି କେନ୍ଦ୍ରୀୟ ଧାର୍ଯ୍ୟ ଦରମା

ରାଉରକେଲା ଅଫିସ,୨୨।୬: ଆରଏସପିରେ କାର୍ଯ୍ୟରତ ଠିକା ଶ୍ରମିକଙ୍କୁ କେନ୍ଦ୍ରୀୟ ବେତନ ପ୍ରଦାନ କରାଯାଉନି। ଏ ନେଇ ରହିଥିବା ନିର୍ଦ୍ଦେଶକୁ କର୍ତ୍ତୃପକ୍ଷ ଉଲ୍ଲଂଘନ କରୁଛନ୍ତି।

ହନୁମାନ ମନ୍ଦିରର ରତ୍ନମୁଦ ମହୋତ୍ସବ

ହନୁମାନ ମନ୍ଦିରର ରତ୍ନମୁଦ ମହୋତ୍ସବ

ସୋହେଲା,୨୨।୬(ଡି.ଏନ.ଏ.): ସୋହେଲା ବ୍ଲକ ଟଙ୍ଗିବନ୍ଧଲୀ ଗ୍ରାମସ୍ଥିତ ଗିରି ଗୋବର୍ଦ୍ଧନ ପାହାଡ଼ ତଳେ ନବ ନିର୍ମିତ ସଙ୍କଟମୋଚନ ହନୁମାନ ମନ୍ଦିରର ରତ୍ନମୁଦ ମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

Model This Week

ପ୍ରଭାତ