ସମ୍ବଲପୁର

୩ ବର୍ଷର ଶିଶୁକୁ ବଳାତ୍କାର ଘଟଣାରେ କାର୍ଯ୍ୟାନୁଷ୍ଠାନ, ସୁରକ୍ଷା ସଂସ୍ଥା ଚୁକ୍ତି ବାତିଲ

ସମ୍ବଲପୁର,୨୮।୧୨(ବ୍ୟୁରୋ)-ସମ୍ବଲପୁର ଜିଲା ସଦର ଡାକ୍ତରଖାନା ପରିସରରେ ଥିବା ଶିଶୁ କେୟାର ୟୁନିଟରେ ଜଣେ ୩ ବର୍ଷ ଶିଶୁ କନ୍ୟାଙ୍କୁ ବଳାତ୍କାର ଘଟଣା ପରେ ଦାୟିତ୍ୱରେ ଥିବା ସୁରକ୍ଷା ସଂସ୍ଥା ବିରୋଧରେ କାର୍ଯ୍ୟାନୁଷ୍ଟାନ ଗ୍ରହଣ କରାଯାଇଛି। ସ୍ବାସ୍ଥ୍ୟମନ୍ତ୍ରୀ ପ୍ରତାପ ଜେନା ଘଟଣାକୁ ନିନ୍ଦା କରି ଦୃଢ଼ କାର୍ଯ୍ୟାଷ୍ଠାନ ଗ୍ରହଣ କରିବାକୁ ଜିଲାପାଳ ସମର୍ଥ ବର୍ମାଙ୍କୁ ନିର୍ଦ୍ଦେଶ ଦେଇଥିଲେ। ଜିଲାପାଳ ବର୍ମା ଉକ୍ତ ସୁରକ୍ଷା ସଂସ୍ଥାର ଚୁକ୍ତି ବାତିଲ କରିଛନ୍ତି। ଶୀଘ୍ର ଟେଣ୍ଡର ପ୍ରକ୍ରିୟାରେ ନୂତନ ସଂସ୍ଥାକୁ ଦାୟିତ୍ୱ ଦିଆଯିବ ବୋଲି ଜଣାପଡ଼ିଛି। ହେଲେ ନୂତନ ସଂସ୍ଥା ଦାୟିତ୍ୱ ନେବା ଯାଏ ସୁରକ୍ଷା ବ୍ୟବସ୍ଥା ଦାୟିତ୍ୱ କିଏ ନେବ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି। ଏକପ୍ରକାର ଗୁରୁବାରଠାରୁ ସୁରକ୍ଷା ବ୍ୟବସ୍ଥା ହୁଗୁଳା ହୋଇପଡ଼ିଛି। ରୋଗୀ, ପରିଜନ ଓ ମହିଳାଙ୍କ ସୁରକ୍ଷାକୁ ନେଇ ସ୍ବାସ୍ଥ୍ୟ ବିଭାଗ ଅଡୁଆରେ ପଡ଼ିଛି। ଏ ସମ୍ପର୍କରେ ଜିଲାପାଳ ବର୍ମାଙ୍କୁ ପଚାରିବାରୁ କହିଲେ, ବର୍ତ୍ତମାନ ପୋଲିସକୁ ସୁରକ୍ଷା ଦାୟିତ୍ୱ ଦିଆଯାଇଛି। ଖୁବଶୀଘ୍ର ନୂତନ ସଂସ୍ଥାକୁ ଦାୟିତ୍ୱ ଦିଆଯିବ ବୋଲି ଜିଲାପାଳ ବର୍ମା କହିଛନ୍ତି। ସେହିପରି ପୀଡ଼ିତାଙ୍କ ପରିବାରକୁ ରେଡ୍‌କ୍ରସ୍‌ ପାଣ୍ଠିରୁ ୧୦ ହଜାର ଟଙ୍କା ସହାୟତା ପ୍ରଦାନ କରାଯିବା ସହ ସମସ୍ତ ଚିକିତ୍ସା ଖର୍ଚ୍ଚ ଜିଲା ପ୍ରଶାସନ ବହନ କରିବାକୁ ନିଷ୍ପତ୍ତି ହୋଇଛି। ସୂଚନାଯୋଗ୍ୟ, ମଙ୍ଗଳବାର ରାତିରେ କାର୍ଯ୍ୟରତ ସୁରକ୍ଷା କର୍ମୀ ସୁଜିତ ରଣା ଜଣେ ୩ ବର୍ଷ ଶିଶୁଙ୍କୁ ବଳାତ୍କାର କରିଥିବା ଶିଶୁ ପରିବାର ପକ୍ଷରୁ ଅଭିଯୋଗ ହୋଇଥିଲା। ପୋଲିସ ସୁଜିତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଅନୁଗୋଳ ଜିଲା ମୂଳବାସିନ୍ଦା ମୁଦିପଡ଼ା ଅଞ୍ଚଳରେ ଏକ ଭଡ଼ା ଘରେ ରହିଆସୁଥିଲେ। ଛୋଟ ଝିଅକୁ ଜ୍ୱର ଓ କଫ ହେବା ଯୋଗୁ ଚିକିତ୍ସା ପାଇଁ ଗତ ୨୧ ତାରିଖରୁ ଶିଶୁ କେୟାର ୟୁନିଟରେ ଭର୍ତ୍ତି କରିଥିଲେ। ମଙ୍ଗଳବାର ବାପା ବରେଇପାଲିର ଏକ ଢାବାକୁ ମିସ୍ତି କାମ କରିବାକୁ ଯାଇଥିବାବେଲେ ମା’ଙ୍କ ସହ ଶିଶୁକନ୍ୟା ଡାକ୍ତରଖାନାରେ ରହିଥିଲେ। ରାତିରେ କୁନି ଝିଅଟି ବାହାରକୁ ଚାଲିଆସଥିଲା। ସେ ସମୟରେ ମୁଖ୍ୟ ଗେଟ୍‌ରେ କାର୍ଯ୍ୟରତ ସୁରକ୍ଷା କର୍ମୀ ସୁଜିତ ଶିଶୁ କନ୍ୟାଙ୍କୁ ପାଣିଟାଙ୍କି ପାଖ ଏକ ନିଛାଟିଆ ସ୍ଥାନକୁ ଡାକି ନେଇ ବଳାତ୍କାର କରିଥିଲେ। କିଛି ସମୟ ପରେ ସେ ଫେରିଆସି ମା’ଙ୍କୁ ଘଟଣା ସମ୍ପର୍କରେ କହିଥିଲେ। କାମ ଛାଡ଼ି ଡାକ୍ତରଖାନାକୁ ଆସିବାକୁ ବାପାଙ୍କୁ କୁହାଯାଇଥିଲା। ବାପ ଆସିଲା ପରେ ଶିଶୁକୁ ଚିକିସା କରି ଟାଉନ ଥାନା ପୋଲିସକୁ ଖବର ଦିଆଯାଇଥିଲା। ପୋଲିସ ସିସିଟିଭି ଆଧାରରେ ଅଭିଯୁକ୍ତ ସୁଜିତଙ୍କୁ ଗିରଫ କରିଛି। ଏନେଇ ଟାଉନ ଥାନାରେ ଏକ ମାମଲା (ନଂ.-୪୫୩/୧୭) ରୁଜୁ ହୋଇଛି।

All Right Reserved By

Model This Week

Model This Week

ସମ୍ବଲପୁର

ନୂଆପଡାରେ ମ୍ୟାଲେରିଆ ଦିବସ ପାଳିତ

ନୂଆପଡାରେ ମ୍ୟାଲେରିଆ ଦିବସ ପାଳିତ

ନୂଆପଡା ଅଫିସ, ୨୫।୪-ବୁଧବାର ପୂର୍ବାହ୍ନରେ ନୂଆପଡ଼ା ଜିଲା ମୁଖ୍ୟ ଚିକିତ୍ସାଳୟ ପରିସରରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଛି। ସିଡିଏମଓ ଡାକ୍ତର ଶଙ୍କର ପ୍ରସାଦ ମେହେର, ଜିଲା ପରିଷଦ ଅଧ୍ୟକ୍ଷା ନମିତା ପଧାନ, ଡାକ୍ତର ବି.ବି. ଜଗତ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। କାର୍ଯ୍ୟକ୍ରମରେ ସ୍ବାସ୍ଥ୍ୟ ବିଭାଗ କର୍ମଚାରୀ ଉପସ୍ଥିତ ଥିଲେ। ମ୍ୟାଲେରିଆର କାରଣ ଓ ନିରାକରଣ ନେଇ ଆଲୋଚନା ପର୍ଯ୍ୟାଲୋଚନା ହୋଇଥିଲା।

ସହରରେ ଲାଗିଲା ୧୨ ସିସିଟିଭି କ୍ୟାମେରା

ସହରରେ ଲାଗିଲା ୧୨ ସିସିଟିଭି କ୍ୟାମେରା

ରାଉରକେଲା ଅଫିସ,୨୫।୪ ଏଣିକି ଅପରାଧୀମାନେ ଅପରାଧ ଘଟାଇ ଆଉ ସହଜରେ ଖସିଯାଇ ପାରିବେ ନାହିଁ। ସେମାନଙ୍କୁ ଚିହ୍ନଟ କରିବାରେ ପୋଲିସକୁ ଆଉ ନାକେଦମ ହେବାକୁ ପଡ଼ିବ ନାହିଁ। କାରଣ ଷ୍ଟିଲ୍‌ ସିଟିର ବିଭିନ୍ନ ସ୍ଥାନରେ ଲାଗିଛି ୧୨ ସିସିଟିଭି କ୍ୟାମେରା। ଏସ୍‌ପି ଅଫିସ ଛକ, ବାସନ୍ତୀ କଲୋନୀ ଓଭର ବ୍ରିଜ, ବାସନ୍ତୀ କଲୋନୀ ଜଗନ୍ନାଥ ମନ୍ଦିର, ସିଭିଲ ଟାଉନ୍‌ଶିପ ପ୍ରମୁଖ ସ୍ଥାନରେ ପରୀକ୍ଷାମୂଳକ ଭାବେ ସିସିଟିଭି କ୍ୟାମେରା ଲଗାଯାଇଛି।

ଝାରସୁଗୁଡ଼ାରେ ମୃତ୍ୟୁ ସଂଖ୍ୟା ତଥ୍ୟ ଅସମ୍ପୂର୍ଣ୍ଣ

ଝାରସୁଗୁଡ଼ା ଅଫିସ,୨୫।୪ ପ୍ରତ୍ୟେକ ବର୍ଷ ଏପ୍ରିଲ ୨୫ରେ ପାଳନ ହେଉଛି ବିଶ୍ୱ ମ୍ୟାଲେରିଆ ଦିବସ। ଏହିଦିନ ସରକାରୀ ଓ ବେସରକାରୀ ସ୍ତରରେ ମ୍ୟାଲେରିଆ ନିରାକରଣ, ନିୟନ୍ତ୍ରଣ ଓ ପ୍ରତିକାର ପାଇଁ ଆଲୋଚନା, ପର୍ଯ୍ୟାଲୋଚନା ଓ ସମୀକ୍ଷା ହୁଏ। କିନ୍ତୁ ବର୍ଷସାରା ଏହି ପ୍ରସଙ୍ଗରେ ଆଉ ସାମାନ୍ୟତମ ଆଲୋଚନା ହୁଏନାହିଁ। ସେଥିପାଇଁ ଝାରସୁଗୁଡ଼ା ଭଳି ଏକ ଛୋଟ ଜିଲାରେ ମ୍ୟାଲେରିଆ ଜନିତ ମୃତ୍ୟୁକୁ ରୋକାଯାଇ ପାରୁନାହିଁ। ପ୍ରତ୍ୟେକ ବର୍ଷ ଜିଲାରେ ମ୍ୟାଲେରିଆରେ ପୀଡ଼ିତ ହୋଇ ଲୋକ ମରୁଛନ୍ତି। ସରକାରୀ ଭାବେ ଝାରସୁଗୁଡ଼ା ଜିଲାରେ ୨୦୧୦-୨୦୧୮ ମଧ୍ୟରେ ୨୧ ଜଣଙ୍କ ମୃତ୍ୟୁ ହୋଇଛି। କିନ୍ତୁ ଏହା ହେଉଛି ଜିଲାର ଅସମ୍ପୂର୍ଣ୍ଣ ରିପୋର୍ଟ। କାରଣ ଅନେକ ଘରୋଇ ହସ୍ପିଟାଲ, ନର୍ସିଂହୋମ ସମେତ ଏମ୍‌ସିଏଲ୍‌ ଦ୍ୱାରା ପରିଚାଳିତ ମଣ୍ଡଳିଆସ୍ଥିତ କେନ୍ଦ୍ରୀୟ ହସ୍ପିଟାଲ ମ୍ୟାଲେରିଆ ଜନିତ ତଥ୍ୟ ଜିଲା ସ୍ବାସ୍ଥ୍ୟ ବିଭାଗକୁ ଦିଅନ୍ତି ନାହିଁ। ଫଳରେ ଜିଲା ସ୍ବାସ୍ଥ୍ୟ ବିଭାଗ ଦ୍ୱାରା ଦିଆଯାଉଥିବା ମ୍ୟାଲେରିଆ ଜନିତ ତଥ୍ୟ ଅସମ୍ପୂର୍ଣ୍ଣ ବୋଲି କହିଲେ ଅତ୍ୟୁକ୍ତି ହେବନାହିଁ। ତେବେ ୨୦୧୦ରୁ ୨୦୧୮ ଭିତରେ ୭୬୦୪ ଲୋକଙ୍କ ଠାରେ ମ୍ୟାଲେରିଆ ଜ୍ୱର ନିରୂପଣ କରାଯାଇଥିବା ବେଳେ ସେଥିରୁ ୨୧ ଜଣଙ୍କର ମୃତ୍ୟୁ ହୋଇଥିବା ଜିଲା ସ୍ବାସ୍ଥ୍ୟ ବିଭାଗ ସୂଚନାରୁ ଜଣାପଡ଼ିଛି।

କଳାହାଣ୍ଡି ଜିଲା: ୧୬ ଲକ୍ଷରୁ ଊର୍ଦ୍ଧ୍ୱ ଲୋକଙ୍କ ପାଇଁ ୧୩୨ ଡାକ୍ତର

କଳାହାଣ୍ଡି ଜିଲା: ୧୬ ଲକ୍ଷରୁ ଊର୍ଦ୍ଧ୍ୱ ଲୋକଙ୍କ ପାଇଁ ୧୩୨ ଡାକ୍ତର

ଭବାନୀପାଟଣା,୨୫।୪(ଡି.ଏନ.ଏ.)- କଳାହାଣ୍ଡି ଜିଲାବାସୀ ନିଜର ମୌଳିକ ଉଚ୍ଚ ମାନର ସ୍ବାସ୍ଥ୍ୟ ସୁବିଧା ଆଜି ସୁଦ୍ଧା ପାଇପାରୁନାହାନ୍ତି । ଜିଲାର ପ୍ରାୟ ୧୬ ଲକ୍ଷ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ବିଭିନ୍ନ ସରକାରୀ ଡାକ୍ତରଖାନାରେ ଅଛନ୍ତି ମାତ୍ର ୧୩୪ ଜଣ ଡାକ୍ତର । ୮୪ ଡାକ୍ତର ପଦବୀ ଖାଲି ପଡ଼ିଛି। ଜିଲା ମୁଖ୍ୟ ଚିକିତ୍ସାଳୟରୁ ଆରମ୍ଭ କରି ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ପର୍ଯ୍ୟନ୍ତ ବିଭିନ୍ନ ବିଭାଗର ଡାକ୍ତର ପଦବୀ ଖାଲି । କେଉଁଠି ଡାକ୍ତର ଥିଲେ ଶଯ୍ୟା ନାହିଁ, ଶଯ୍ୟା ଥିଲେ ଡାକ୍ତର ନାହାନ୍ତି । ବହୁ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଡାକ୍ତର ଓ ଅନ୍ୟ ପଦବୀ ଖାଲି ଥିବାରୁ କେଉଁଠି ଫର୍ମାସିଷ୍ଟ ଭରସାରେ ଚାଲିଛି ତ’ କେଉଁଠି ସରକାର ଓ ସ୍ବାସ୍ଥ୍ୟ ବିଭାଗ ଡାକ୍ତର ଓ ଅନ୍ୟ ପଦବୀକୁ ଏଡଜେଷ୍ଟମେଣ୍ଟ କରି କାମ ଚଳାଇ ନେବାର ବ୍ୟବସ୍ଥା କରିଛନ୍ତି । ଫଳରେ ପ୍ରତିଦିନ ଜିଲାରୁ ଶହ ଶହ ରୋଗୀ ଜିଲା ଓ ରାଜ୍ୟ ବାହାରକୁ ଚିକିତ୍ସା ପାଇଁ ଯିବାକୁ ବାଧ୍ୟ ହେଉଛନ୍ତି ।

ଗୁଟେ ନଲଚୁଅଁ।କେ ୫ ହଜାର ଲୋକ୍‌

ଗୁଟେ ନଲଚୁଅଁ।କେ ୫ ହଜାର ଲୋକ୍‌

ଜୁନାଗଡ, ୨୫।୪(ସ୍ବ.ପ୍ର.)- ଜୁନାଗଡ଼ ଅଂଚଲରେ ଏହେଦେ ମୁଡ୍‌ଫଟା ଖରା ଜାରି ରହିଛେ। ସେଥିର୍‌ଲାଗି ପିଇଲା ପାଏନ୍‌ ସମସିଆଟା ଗଁ।ବାସୀକୁ ଅଥଏ କରିପକଉଛେ। ପଲାସ ପନ୍‌ଚେତ୍‌ର ପଲାସ ଗଁ।ରେ ପାଖାପାଖି ୫ ହଜାରରୁ ଅଧ୍‌କା ଲୋକ୍‌ ରହୁଛନ୍‌।

ଉର୍ଲାଦାନୀ ଷ୍ଟେଟ ବ୍ୟାଙ୍କ ଶାଖା: ଟଙ୍କା ନ ମିଳିବା ନେଇ ଜନଅସନ୍ତୋଷ

ଉର୍ଲାଦାନୀ ଷ୍ଟେଟ ବ୍ୟାଙ୍କ ଶାଖା: ଟଙ୍କା ନ ମିଳିବା ନେଇ ଜନଅସନ୍ତୋଷ

ମ.ରାମପୁର,୨୫।୪(ଡି.ଏନ.ଏ.)- କଳାହାଣ୍ଡି ଜିଲା ମ.ରାମପୁର ବ୍ଲକ ଆଦିବାସୀ ଅଧ୍ୟୁଷିତ ଅଞ୍ଚଳ ତଥା ପାର୍ବତ୍ୟାଞ୍ଚଳ ସମୁହର ଗ୍ରାମ ପଞ୍ଚାୟତ ସଦର ମହକୁମା ଉର୍ଲାଦାନୀଠାରେ ଭାରତୀୟ ଷ୍ଟେଟ ବ୍ୟାଙ୍କ ଶାଖା ରହିଛି । ଉକ୍ତ ବ୍ୟାଙ୍କର ହିତାଧିକାରୀଙ୍କୁ ହଠାତ୍‌ ଟଙ୍କା ଆବଶ୍ୟକ ହେଲେ ମିଳି ପାରୁନାହିଁ । ଲୋକେ ପାର୍ବତ୍ୟାଞ୍ଚଳରୁ ୨ ରୁ ୧୫ କି.ମି. ପାଦଚଲା ରାସ୍ତାରେ ଚାଲି ଟଙ୍କା ଉଠାଣ ପାଇଁ ଆସି ବ୍ୟାଙ୍କରେ ଟଙ୍କା ନ ଥିବାରୁ ହତାଶ ହେବା ସହିତ ଅସନ୍ତୋଷ ପ୍ରକାଶ କରୁଛନ୍ତି।

ମଉଲିକ୍‌ ସୁବିଧାରୁ ବଁଚିତ୍‌ ଭୁରୁଷିବାଂଜି ଗଁ।ବାସୀ

ଖପ୍ରାଖୋଲ ୨୫।୪(ଡି.ଏନ.ଏ) : ଖପ୍ରାଖୋଲ ବ୍ଲକ୍‌ ଭାନପୁର ପନ୍‌ଚେତ ତୁର୍ଲା ଗଁ।ର ପଡ଼ା ଗଁ। ହେଉଛେ ଭୁରୁଷିବାଂଜି। ଗଁ।ର ଲୋକ୍‌ ସଂଖ୍ୟା ପାଖାପାଖି ୨୫୦। ତୁର୍ଲା ଗଁ।ନୁ ପାଖାପାଖି ୨ କି.ମି. ଦୂରିଆଥି ଅଛେ ଇ ଆଦିବାସୀ ବହୁଲ ଭୁରୁଷିବାଂଜି ପଡ଼ା ଗଁ।। ଇ ଗଁ। ଟା ୧୯୬୫ ସାଲ୍‌ ଆଗ୍‌ରୁ ଥାପିତ୍‌ ହେଇଥିଲେ ଭିଲ୍‌ ଆଏଜ୍‌ତକ୍‌ ସାଧାରନ୍‌ ମଉଲିକ୍‌ ସେବାରୁ ବଁଚିତ ଅଛନ୍‌ ଗଁ।ବାସୀ। ଗଁ।କେ ଗୁଟେ ସବୁଦିନିଅଁ।

ବନ୍ଧୁକ ଦେଖାଇ ନେଇଗଲେ ୭ ଲକ୍ଷ ୮୦ ହଜାର ଟଙ୍କା

ବନ୍ଧୁକ ଦେଖାଇ ନେଇଗଲେ ୭ ଲକ୍ଷ ୮୦ ହଜାର ଟଙ୍କା

ସୁନ୍ଦରଗଡ, ୨୫।୪(ଡି.ଏନ.ଏ.)- ସୁନ୍ଦରଗଡ ଜିଲା ରାଜଗାଙ୍ଗପୁର ଥାନା ଅଧୀନ ଲିପ୍‌ଲୋଇ ପାଖ ବିଜୁ ଏକ୍ସପ୍ରେସ ଓ୍ବେର ଟୋଲପ୍ଲାଜା ନିକଟରେ ଡକାୟତି ଘଟିଛି। ଟୋଲ ପ୍ଲାଜାର ୭ ଲକ୍ଷ ୮୦ ହଜାର ଟଙ୍କାକୁ ଏକ ବ୍ୟାଗରେ ଏଚଡିଏଫସିର ଜଣେ ଏଜେଣ୍ଟ ଏକୁଟିଆ ବାଇକରେ ନେଇ ବ୍ୟାଙ୍କକୁ ଜମା କରିବାକୁ ଯାଉଥିଲେ।

ଦେଢ଼ ବର୍ଷ ହେଲା ସରୁନି ସରଡା ଜୋର ଶ୍ମଶାନ ଘାଟ ନିର୍ମାଣ

ଦେଢ଼ ବର୍ଷ ହେଲା ସରୁନି ସରଡା ଜୋର ଶ୍ମଶାନ ଘାଟ ନିର୍ମାଣ

ଧମା, ୨୫।୪ (ଡି.ଏନ.ଏ)- ସମ୍ବଲପୁର ଜିଲା ମାନେଶ୍ୱର ବ୍ଲକ ବତେମୁରା ପଞ୍ଚାୟତର ସରଡା ଜୋର ଖଣ୍ଡିରେ ନିର୍ମାଣାଧୀନ ଶ୍ମଶାନ ଘାଟ ଦେଢ଼ ବର୍ଷ ହେଲା ଆରମ୍ଭ ହୋଇଥିଲେ ହେଁ ଆଜି ପର୍ଯ୍ୟନ୍ତ ସଂପୂର୍ଣ୍ଣ ହୋଇ ନ ଥିବାରୁ ବିଭାଗୀୟ ଉଦାସୀନତାକୁ ନେଇ ଗ୍ରାମବାସୀ ଉଦବେଗ ପ୍ରକାଶ କରିଛନ୍ତି । ସୂଚନାଯୋଗ୍ୟ ଯେ, ରାଜ୍ୟ ସରକାରଙ୍କ ଯୋଜନା ଅନୁଯାୟୀ ସମସ୍ତ ପଞ୍ଚାୟତରେ ଅଢ଼େଇ ଲକ୍ଷ ଟଙ୍କା ଅନୁଦାନରେ ମୃତ୍ୟୁ ପରେ ଦାହ ସଂସ୍କାର ପାଇଁ ଶ୍ମଶାନ ଘାଟ ନିର୍ମାଣର ଯୋଜନା ରହିଛି । ସେହି ଅନୁସାରେ ବତେମୁରାର ସରଡାଜୋର ଖଣ୍ଡିରେ ଅନୁରୂପ ଅନୁଦାନ ରାଶିରେ ଦେଢ଼ ବର୍ଷ ପୂର୍ବେ ଶ୍ମଶାନ ଘାଟ ନିର୍ମାଣ ଆରମ୍ଭ କରାଯାଇଥିଲା । ମାତ୍ର ତାହା କେବଳ ଅଧାପନ୍ତରିଆ କାମ କରିଦେଇ ବର୍ତ୍ତମାନ ଏକ ବର୍ଷ ହେଲା ପଡି ରହିଛି ।

ଜିଲା ରେଡକ୍ରସ ଆନୁକୂଲ୍ୟରେ ତର୍କ ପ୍ରତିଯୋଗିତା

ଜିଲା ରେଡକ୍ରସ ଆନୁକୂଲ୍ୟରେ ତର୍କ ପ୍ରତିଯୋଗିତା

ଧମା, ୨୫।୪ (ଡି.ଏନ.ଏ)- ସମ୍ବଲପୁର ଜିଲା ରେଡକ୍ରସ ଓ ସାହାସପୁର ଉଚ୍ଚ ବିଦ୍ୟାଳୟ ମିଳିତ ଆନୁକୂଲ୍ୟରେ ଇଂରାଜୀ ଓ ଓଡିଆ ତର୍କ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ରେଡକ୍ରସ ଦିବସ ଅବସରରେ ଆୟୋଜିତ ଏହି ପ୍ରତିଯୋଗିତାର ବିଷୟ ବସ୍ତୁଥିଲା ‘ରେଡକ୍ରସର ଇତିହାସ ଓ ମୌଳିକ ନୀତି ’। ଏଥିରେ ମାନେଶ୍ୱର ପଞ୍ଚାୟତ ସମିତିର ୭ଟି ବିଦ୍ୟାଳୟର ଛାତ୍ରୀଛାତ୍ର ଯୋଗଦେଇଥିବା ବେଳେ ବିଚାରକ ଭାବେ ଶିକ୍ଷକ ଘନଶ୍ୟାମ ପାଣ୍ଡେ, ଲଳିତ ମୋହନ ଶତପଥୀ, ଚିତ୍ତରଞ୍ଜନ ପଧାନ ଓ ଦିଲୀପ ପୋଢ଼ ଯୋଗ ଦେଇଥିଲେ ।

ପୁଣି ଚକଡା ରୋଗରେ କବଳିତ ମାନେଶ୍ୱର ବ୍ଲକ ଚାଷୀ

ପୁଣି ଚକଡା ରୋଗରେ କବଳିତ ମାନେଶ୍ୱର ବ୍ଲକ ଚାଷୀ

ଧମା, ୨୫ । ୪ (ଡି.ଏନ.ଏ)-‘ଚାଷ କାମ ଯାହାର, କେଡେ ସୁଖ ତାହାର’। ମାତ୍ର ବର୍ତ୍ତମାନ ଯୁଗରେ ଉକ୍ତ ପ୍ରବାଦଟି ବିଭିନ୍ନ କାରଣରୁ ଓଲଟି ଯାଇ ‘ଚାଷ କାମ ଯାହାର କେଡେ ଦୁଃଖ ତାହାର’ ହୋଇଯାଇଛି । କାରଣ ସର୍ବ ପ୍ରଥମ ଗୋଟିଏ ଚାଷୀ ଚାଷ କାର୍ଯ୍ୟରେ ନିୟୋଜିତ ଅର୍ଥ ଅନୁପାତରେ ଅମଳ କରିଥିବା ଫସଲର ପ୍ରାପ୍ୟ ପାଇପାରୁନାହିଁ । ଦ୍ୱିତୀୟତଃ ବର୍ତ୍ତମାନ ବିଗତ ଖରିଫ ଋତୁଠାରୁ ସବୁଠାରୁ ବଡ ସମସ୍ୟା ଓ କ୍ଷତିର କାରଣ ପାଇଲଟିଛି ଚକଡା ପୋକ ।

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣା: ଅଟକ ୬ ଜଣଙ୍କୁ ଛାଡ଼ିଲା କ୍ରାଇମ୍‌ବ୍ରାଞ୍ଚ

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣା: ଅଟକ ୬ ଜଣଙ୍କୁ ଛାଡ଼ିଲା କ୍ରାଇମ୍‌ବ୍ରାଞ୍ଚ

ବଲାଙ୍ଗୀର ଅଫିସ,୨୫।୪: ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାରେ ଅଟକ ଥିବା ୭ ସନ୍ଦିଗ୍ଧଙ୍କ ମଧ୍ୟରୁ ବୁଧବାର ମଧ୍ୟାହ୍ନ ୧୨ଟା ୨୦ମିନିଟ୍‌ ସୁଦ୍ଧା ୬ ଜଣଙ୍କୁ କ୍ରାଇମ୍‌ବ୍ରାଞ୍ଚ ଛାଡ଼ିଦେଇଛି।