ରାଜ୍ୟ |

ଘାରିଛି ପରାଜୟ ଭୟ

ଘାରିଛି ପରାଜୟ ଭୟ

ଭୁବନେଶ୍ୱର, ୨୮।୧୨(ବ୍ୟୁରୋ)- ନିର୍ବାଚନ କମିଶନ ଗୁରୁବାର ବିଭିନ୍ନ ରାଜ୍ୟରେ ଖାଲି ପଡିଥିବା ୩ଟି ଲୋକ ସଭା ଏବଂ ୨ଟି ବିଧାନସଭା ଉପନିର୍ବାଚନ ଲାଗି ତାରିଖ ଘୋଷଣା କରିଛନ୍ତି। ରାଜସ୍ଥାନର ଆଜ୍‌ମେର, ଆଲଓ୍ବେର ଏବଂ ପଶ୍ଚିମବଙ୍ଗର ଉଲୁବେରିଆ ଲୋକ ସଭା ନିର୍ବାଚନ ମଣ୍ଡଳୀରେ ଉପନିର୍ବାଚନ କରାଯିବ। ଏହାସହ ରାଜସ୍ଥାନର ମାଣ୍ଡାଲଗଡ ଏବଂ ପଶ୍ଚିମବଙ୍ଗର ନୋଆପଡା ବିଧାନସଭା ନିର୍ବାଚନମଣ୍ଡଳୀରେ ଉପନିର୍ବାଚନ କରାଯିବ। ଏହି ୫ଟି ଉପନିର୍ବାଚନ ପାଇଁ ଜାନୁୟାରୀ ୨୮ତାରିଖରେ ଭୋଟ୍‌ ହେବା ସହିତ ଫେବୃୟାରୀ ୧ରେ ଗଣତି ହେବ। ମାତ୍ର ପୂର୍ବରୁ ଚର୍ଚ୍ଚା କରାଯାଉଥିଲା ଯେ, ଯେହେତୁ ଏହି ସବୁ ରାଜ୍ୟରେ ଉପନିର୍ବାଚନ ହେବାକୁ ରହିଛି ସେଥିପାଇଁ ଏକା ସାଙ୍ଗରେ ଓଡିଶାର ବିଜେପୁର ଉପନିର୍ବାଚନ ପାଇଁ ମଧ୍ୟ ମୁଖ୍ୟ ନିର୍ବାଚନ କମିଶନର(ସିଇସି) ତାରିଖ ଘୋଷଣା କରିପାରନ୍ତି । ହେଲେ ଏଭଳି ନ ହେବା ପରେ ବର୍ତ୍ତମାନ କେନ୍ଦ୍ରରେ ଥିବା ଭାଜପା ସରକାର ଏବଂ ସିଇସିଙ୍କ ମଧ୍ୟରେ ଆଲୋଚନା କରାଯାଇ ବିଜେପୁର ଉପନିର୍ବାଚନ ତାରିଖ ଘୋଷଣା ହେଉ ନ ଥିବା କୁହାଯାଉଛି।
ଚଳିତ ବର୍ଷ ଅଗଷ୍ଟ ୨୨ତାରିଖରେ ବିଜେପୁର କଂଗ୍ରେସ ବିଧାୟକ ସୁବଳ ସାହୁଙ୍କର ପରଲୋକ ଘଟିଥିଲା। ଏହାପର ଠାରୁ ସେଠାରେ ଆସନ ଖାଲି ରହିଛି। ନିୟମାନୁଯାୟୀ ଆସନ ଖାଲି ପଡିବାର ୬ମାସ ମଧ୍ୟରେ ଉପନିର୍ବାଚନ କରାଯିବ। ବର୍ତ୍ତମାନ ସମୟ ଅବଧି ମଧ୍ୟ ପୂରଣ ହେବାକୁ ବସିଲାଣି। ଉପନିର୍ବାଚନ ତାରିଖ ଘୋଷଣା ହେବା ପରେ ରାଜ୍ୟ ସରକାରଙ୍କ ପକ୍ଷରୁ ମଧ୍ୟ ଏଥିପାଇଁ ପ୍ରସ୍ତୁତି କରାଯିବ। ହେଲେ ବର୍ତ୍ତମାନ ସ୍ଥିତିରେ ବିଜେପୁର ଉପନିର୍ବାଚନ କରାଗଲେ ଭାଜପାକୁ ସଫଳତା ମିଳିବ ନାହିଁ ବୋଲି ଉକ୍ତ ଦଳର ପର୍ଯ୍ୟବେକ୍ଷକମାନେ ମତ ଦେଇଥିବା ଶୁଣିବାକୁ ମିଳିଛି। ଦଳ ଆଗାମୀ ସାଧାରଣ ନିର୍ବାଚନରେ ୧୨୦ ଆସନ ପାଇ ସରକାର ଗଠନ କରିବାର ଦମ୍ଭୋକ୍ତି ଦେଖାଇଛି। ଏହି ଉପନିର୍ବାଚନର ଫଳାଫଳ ହିଁ ଆଗାମୀ ନିର୍ବାଚନ ଉପରେ ବେଶ୍‌ ପ୍ରଭାବ ପକାଇବ। ଯଦି ଉପନିର୍ବାଚନରେ ଫଳାଫଳ ଖରାପ ହୁଏ ତେବେ ଆଗକୁ ଥିବା ନିର୍ବାଚନ ପାଇଁ ଦଳ ପକ୍ଷରୁ ଦିଆଯାଇଥିବା ଦମ୍ଭୋକ୍ତି ମାଡ ଖାଇଯିବ। ଅନ୍ୟପଟେ ଓଡିଶା ଦଖଲ କରିବାକୁ ସ୍ବପ୍ନ ଦେଖିଥିବା ଭାଜପା କେନ୍ଦ୍ରୀୟ ନେତାଙ୍କ ମିଶନ୍‌ ମଧ୍ୟ ଫେଲ୍‌ ମାରିଯିବ ବୋଲି କୁହାଯାଉଛି। ଏ ସମ୍ପର୍କରେ ବିଜେଡି ରାଜ୍ୟ ସଭା ସଦସ୍ୟ ପ୍ରସନ୍ନ ଆଚାର୍ଯ୍ୟ କହିଛନ୍ତି, ବିଜେପୁର ଉପନିର୍ବାଚନ ବିଳମ୍ବିତ ହେବା କେବଳ ଆଶ୍ଚର୍ଯ୍ୟଜନକ ନୁହେଁ ରହସ୍ୟଜନକ ମଧ୍ୟ। ଅନ୍ୟାନ୍ୟ ରାଜ୍ୟରେ ଖାଲିଥିବା ସ୍ଥାନ ପାଇଁ ଉପନିର୍ବାଚନ ତାରିଖ ଘୋଷଣା ହେଉଥିଲେ ମଧ୍ୟ ବିଜେପୁରରେ ଥିବା ଖାଲିସ୍ଥାନ ପାଇଁ ଅଦ୍ୟାବଧି ନିର୍ବାଚନ ତାରିଖ ଘୋଷଣା ନ ହେବା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି। ବିଜେପୁର ଉପନିର୍ବାଚନ ଲାଗି ତାରିଖ ଘୋଷଣା ହେବା ପଛରେ କ’ଣ କିଛି ଅନ୍ୟ ନିୟମ ରହିଛି କି? ଯେଉଁମାନେ ଉପନିର୍ବାଚନରେ ପରାଜୟର ସମ୍ଭାବନା ଦେଖି ପାରୁଛନ୍ତି ତାରିଖ ଘୋଷଣା ନ କରାଯିବା ପଛରେ ତାଙ୍କର କିଛି ସୁଚିନ୍ତିତ କାର୍ଯ୍ୟକ୍ରମ ନାହିଁ ତ? ଯାହା ବି ହେଉ ଯେ କୌଣସି ସମୟରେ ନିର୍ବାଚନ ହେଲେ ବିଜୁ ଜନତା ଦଳ ପ୍ରସ୍ତୁତ ବୋଲି ସେ କହିଛନ୍ତି।କଂଗ୍ରେସ ବରିଷ୍ଠ ନେତା ଶରତ ରାଉତ କହିଛନ୍ତି, ଭାଜପା ଦଳର ପ୍ରସ୍ତୁତି ସରିପାରୁ ନାହିଁ। ସେମାନେ ନିର୍ବାଚନ ଜିତିବାକୁ ବହୁ ଉଦ୍ୟମ କରୁଛନ୍ତି। ସେଥିପାଇଁ ଉପନିର୍ବାଚନ ତାରିଖ ଘୋଷଣା ହେବାରେ ବିଳମ୍ବ ହେଉଛି। ହେଲେ ଏହି ନିର୍ବାଚନ ଶୀଘ୍ର କରନ୍ତୁ ବା ବିଳମ୍ବରେ କରନ୍ତୁ କଂଗ୍ରେସ ସମ୍ପୂର୍ଣ୍ଣ ପ୍ରସ୍ତୁତ ରହିଥିବା ସେ କହିଛନ୍ତି। ମାତ୍ର ବିଜେଡି ଏବଂ କଂଗ୍ରେସ ଅଭିଯୋଗ ଅବାସ୍ତବ ବୋଲି ଭାଜପା ବିଧାୟକ ଦଳର ନେତା କନକବର୍ଦ୍ଧନ ସିଂଦେଓ କହିଛନ୍ତି। ସେ କହିଛନ୍ତି, ନିର୍ବାଚନ କମିଶନ ଭାଜପା ଇଚ୍ଛାରେ ଚାଲୁ ନାହିଁ ଯେ ଆମେ ଯାହା ଚାହିଁବୁ ତାହା ହେବ। ଉଭୟ ବିଜେଡି ଏବଂ ଭାଜପା ଏଭଳି ମତ ଦେଇ ରାଜନୀତି କରୁଛନ୍ତି। ପୂର୍ବରୁ ମଧ୍ୟ ସେମାନେ ଏଭଳି ଅଯଥା ଯୁକ୍ତି ଉପସ୍ଥାପନା କରିସାରିଛନ୍ତି। ଉପନିର୍ବାଚନ ପାଇଁ ଭାଜପା ସମ୍ପୂର୍ଣ୍ଣ ପ୍ରସ୍ତୁତ ଅଛି। ଏଥିପାଇଁ ତାରିଖ କେବେ ଘୋଷଣା ହେବ ତାହା ସିଇସିଙ୍କ ଉପରେ ନିର୍ଭର କରେ ବୋଲି ସେ କହିଛନ୍ତି।

All Right Reserved By

ରାଜ୍ୟ |

ରଥରେ ଗଳୁଛି ପାଣି, ଭିଜିଲେ ଠାକୁର ଶ୍ରୀଅଙ୍ଗ ସୁରକ୍ଷା ଦାବି କଲେ ସେବକ

ରଥରେ ଗଳୁଛି ପାଣି, ଭିଜିଲେ ଠାକୁର ଶ୍ରୀଅଙ୍ଗ ସୁରକ୍ଷା ଦାବି କଲେ ସେବକ

ପୁରୀ ଅଫିସ,୧୭।୭: ଦୁଇଦିନ ଲଗାଣ ବର୍ଷା ଜନଜୀବନକୁ ଅସ୍ତବ୍ୟସ୍ତ କରି ପକାଇଛି। ମନୁଷ୍ୟକୃତ ତ୍ରୁଟି ପାଇଁ ଘୋଷଯାତ୍ରାରେ ବାହାରିଥିବା ଠାକୁର ରଥରେ ଭିଜିଛନ୍ତି। ଠାକୁରଙ୍କ ଶରୀରର ବିଭିନ୍ନ ସ୍ଥାନରେ ପଡିଛି ବର୍ଷା ପାଣି।

ବାଲେଶ୍ୱରରେ ଆନ୍ଥ୍ରାକ୍ସ ଭୟ: ରେଳଷ୍ଟେଶନରେ ଗୋଆ ଫେରନ୍ତା ୭ ଅଟକ

ବାଲେଶ୍ୱରରେ ଆନ୍ଥ୍ରାକ୍ସ ଭୟ: ରେଳଷ୍ଟେଶନରେ ଗୋଆ ଫେରନ୍ତା ୭ ଅଟକ

ବାଲେଶ୍ୱର ଅଫିସ,୧୭।୭-ଗୋଆରେ କାମ କରୁଥିବା ବାଲେଶ୍ୱର ୨ଜଣ ଯୁବକଙ୍କ ଆନ୍ଥା୍ରକ୍ସରେ ମୃତ୍ୟୁ ହୋଇଥିବା ଖବର ପ୍ରଚାରିତ ହେବା ପରେ ଏବେ ଜିଲାବାସୀ ଭୟଭୀତ ହୋଇପଡିଛନ୍ତି। ସୋମବାର ରାତି ୭ଟା ୪୦ ମିନିଟ୍‌ ସମୟରେ ଭାସ୍କୋଡ଼ାଗାମାରୁ ହାୱଡ଼ା ଅଭିମୁଖେ ଯାତ୍ରା କରୁଥିବା ଅମରାବତୀ ଏକ୍ସପ୍ରେସ୍‌ ବାଲେଶ୍ୱର ରେଳଷ୍ଟେଶନରେ ପହଞ୍ଚିବା ପରେ ହଠାତ୍‌ ଗୋଆରୁ ଫେରୁଥିବା ଯୁବକମାନଙ୍କୁ ଷ୍ଟେଶନ ମାଷ୍ଟରଙ୍କ ଅଫିସ୍‌କୁ ପହଞ୍ଚିବା ପାଇଁ ମାଇକ୍‌ ଯୋଗେ ଘୋଷଣା କରାଯାଇଥିଲା।

ସୁଦର୍ଶନଙ୍କୁ ଛୁଇଁଲେ, ଭିଡ଼ିଓ ରେକର୍ଡିଂ କଲେ

ସୁଦର୍ଶନଙ୍କୁ ଛୁଇଁଲେ, ଭିଡ଼ିଓ ରେକର୍ଡିଂ କଲେ

ପୁରୀ ଅଫିସ,୧୭।୭: ପହଣ୍ଡି ସମୟରେ ଠାକୁରଙ୍କୁ କେହି ଛୁଇଁବେ ନାହିଁ କି ପହଣ୍ଡିରେ କେହି ପ୍ରତିବନ୍ଧକ ସାଜିବେ ନାହିଁ। ଏଥିପ୍ରତି ସେବାୟତ ଓ ପୋଲିସ ସତର୍କ ଦୃଷ୍ଟି ଦେବେ। ଶ୍ରୀମନ୍ଦିର ପ୍ରଶାସନର ଏହି କଟକଣାକୁ ମାନୁନାହାନ୍ତି ଭକ୍ତ। ଭିଡ଼ର ସୁଯୋଗ ନେଇ ଠାକୁରଙ୍କୁ ଛୁଉଁଛନ୍ତି।

ବର୍ଷକୁ ୨୮ ଦିନ ଖାଲିପଡେ ରତ୍ନସିଂହାସନ

ବର୍ଷକୁ ୨୮ ଦିନ ଖାଲିପଡେ ରତ୍ନସିଂହାସନ

ପୁରୀ ଅଫିସ,୧୭।୭: ଆଡପ ମଣ୍ଡପରେ ଚତୁର୍ଦ୍ଧାବିଗ୍ରହ। ନବ ଦିନାତ୍ମକ ଯାତ୍ରାରେ ଆସି ଜନ୍ମବେଦୀରେ ପହଞ୍ଚତ୍ଛନ୍ତି ମହାପ୍ରଭୁ। ଗୁଣ୍ଡିଚା ମନ୍ଦିରରେ ଲାଗିଛି ଗହଳି ଚହଳି। ସେପଟେ କିନ୍ତୁ ଖଁ। ଖଁ। ଶ୍ରୀମନ୍ଦିର। ଖାଲିପଡିଛି ରତ୍ନସିଂହାସନ।

୨ ଶାର୍ପ ଶୁଟରଙ୍କ ସହ ଜେଲ୍‌ ଗଲେ ଟିଟୋ

୨ ଶାର୍ପ ଶୁଟରଙ୍କ ସହ ଜେଲ୍‌ ଗଲେ ଟିଟୋ

ଭୁବନେଶ୍ୱର(ବ୍ୟୁରୋ)/କେନ୍ଦ୍ରାପଡା ଅଫିସ, ୧୭।୭- ଗ୍ୟାଙ୍ଗ୍‌ଷ୍ଟର ସୟଦ ଉସ୍‌ମାନ ଅଲି ଓରଫ ଟିଟୋଙ୍କ ତୃତୀୟ ପର୍ଯ୍ୟାୟ ରିମାଣ୍ଡ ଅବଧି ସୋମବାର ଶେଷ ହୋଇଛି। ଅପରାହ୍ନ ପ୍ରାୟ ୩ଟାରେ ଏସ୍‌ଟିଏଫ୍‌ ତାଙ୍କୁ କେନ୍ଦ୍ରାପଡା ଏସ୍‌ଡିଜେଏମ୍‌ କୋର୍ଟରେ ହାଜର କରିଥିଲା।

ବୁଡ଼ିଲା ଚନ୍ଦ୍ରଶେଖରପୁର

ବୁଡ଼ିଲା ଚନ୍ଦ୍ରଶେଖରପୁର

ଚନ୍ଦ୍ରଶେଖରପୁର, ୧୭।୭(ଡି.ଏନ.ଏ.)- ରାଜଧାନୀ ଭୁବନେଶ୍ୱର ଏକ ପାହାଡ଼ିଆ ଅଞ୍ଚଳ। କିନ୍ତୁ ବର୍ଷା ଋତୁରେ ଏଠାରେ ଅଧିକାଂଶ ଅଞ୍ଚଳ ଜଳମଗ୍ନ ହୋଇପଡ଼ୁଛି। ବେଆଇନ କୋଠା ନିର୍ମାଣ ଏବଂ ତ୍ରୁଟିପୂର୍ଣ୍ଣ ଡ୍ରେନେଜ ବ୍ୟବସ୍ଥା ଯୋଗୁ ସାଧାରଣ ଲୋକେ ବର୍ଷା ସମୟରେ ଦୁର୍ଦ୍ଦଶା ଭୋଗୁଛନ୍ତି, ଯାହାର ଉଦାହରଣ ଦେଖିବାକୁ ମିଳିଥିଲା ସୋମବାର ଲଗାଣ ବର୍ଷାରେ।

ସ୍ମାର୍ଟ ସିଟିରେ କୃତ୍ରିମ ବନ୍ୟା

ସ୍ମାର୍ଟ ସିଟିରେ କୃତ୍ରିମ ବନ୍ୟା

ଭୁବନେଶ୍ୱର, ୧୭।୭(ବ୍ୟୁରୋ)- ଲଗାଣ ବର୍ଷାରେ ବେହାଲ ହୋଇଛି ସ୍ମାର୍ଟସିଟି। ରବିବାର ରାତି ୧୦ଟାରୁ ତୁହାକୁ ତୁହା ବର୍ଷା ଲାଗି ରହିବା ଫଳରେ ସୋମବାର ସହରରେ କୃତ୍ରିମ ବନ୍ୟା ସୃଷ୍ଟି ହୋଇଛି।

ପାଉଁଶ ସମସ୍ୟା, ଏନ୍‌ଟିପିସି କର୍ତ୍ତୃପକ୍ଷଙ୍କୁ ଦାବିପତ୍ର

ପାଉଁଶ ସମସ୍ୟା, ଏନ୍‌ଟିପିସି କର୍ତ୍ତୃପକ୍ଷଙ୍କୁ ଦାବିପତ୍ର

କଣିହାଁ,୧୭।୭(ଡି.ଏନ.ଏ.)କଣିହାଁ ବ୍ଲକ ଏନ୍‌ଟିପିସି ପ୍ରକଳ୍ପରୁ ପାଉଁଶ ପ୍ରଦୂଷଣ ସମସ୍ୟା ଦୂର ହେଉ ନାହିଁ। ବର୍ତ୍ତମାନ ପାଉଁଶ ପୋଖରୀକୁ ଛାଡ଼ିବା ପରିବର୍ତ୍ତେ ଚିମିନି ଦ୍ୱାରା ଆକାଶ ମାର୍ଗକୁ ଛଡ଼ାଯାଉଛି।

ଚିହ୍ନଟ ସରଳ କଲା ମୁହଁର ଦାଗ

ଚିହ୍ନଟ ସରଳ କଲା ମୁହଁର ଦାଗ

ଅନୁଗୋଳ ଅଫିସ, ୧୭।୭:ଅନୁଗୋଳ ସମେତ ରାଉରକେଲାରେ ହୋଇଥିବା ବ୍ୟାଙ୍କ ଡକାୟତି ଘଟଣାରେ ସମ୍ପୃକ୍ତ ଥିବା ଦୁଇ ଡକାୟତ ଓମ ପ୍ରକାଶ ଦାସ ଓ ରାଜେଶ ଦାସଙ୍କ ଟିଆଇ ପରେଡ ସୋମବାର ଅନୁଗୋଳ ଜେଲରେ କରାଯାଇଥିଲା।

ବିକ୍ରି ହେଉଛି ବିଜୁ ପକ୍କାଘର

ବିକ୍ରି ହେଉଛି ବିଜୁ ପକ୍କାଘର

ଓଡାପଡା,୧୭।୭(ଡି.ଏନ.ଏ)ଢେଙ୍କାନାଳ ଜିଲା ଓଡାପଡା ବ୍ଲକରେ ବିଜୁ ପକ୍କାଘର ଯୋଜନାରେ ହିତାଧିକାରୀ ଚୟନରେ ବ୍ୟାପକ ଅନିୟମିତତା ହେଉଥିବା ଜିଲାପାଳଙ୍କଠାରେ ଅଭିଯୋଗ ହୋଇଛି।

ଜନ୍ମବେଦୀରେ ଚତୁର୍ଦ୍ଧାବିଗ୍ରହ

ଜନ୍ମବେଦୀରେ ଚତୁର୍ଦ୍ଧାବିଗ୍ରହ

ପୁରୀ ଅଫିସ, ୧୬ା୭: ଘୋଷଯାତ୍ରାରେ ବାହାରିଥିବା ଚତୁର୍ଦ୍ଧାବିଗ୍ରହ ଏବେ ଜନ୍ମବେଦୀରେ। ବଡ଼ଦାଣ୍ଡରେ ତିନିଦିନ ଧରି ଭକ୍ତଙ୍କୁ ଦର୍ଶନ ଦେବା ପରେ ସୋମବାର ଆଡପମଣ୍ଡପକୁ ବିଜେ କରିଛନ୍ତି ମହାପ୍ରଭୁ। ମଙ୍ଗଳବାରଠାରୁ ଜନ୍ମବେଦୀରେ ଦାରୁଦିଅଁଙ୍କ ଦର୍ଶନ ପାଇବେ ଭକ୍ତ। ମିଳିବ ଆଡପ ଅବଢ଼ା। ଏଥିସହ ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ।

ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି: ରାତି ୮ଟାଠାରୁ ଦର୍ଶନ ବନ୍ଦ

ପୁରୀ ଅଫିସ,୧୬ା୭: ମଙ୍ଗଳବାର ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ପ୍ରାୟ ରାତି ୮ଟାରୁ ବିଳମ୍ବିତ ରାତି ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ଲୋକ ସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା କହିଛନ୍ତି।

Model This Week

ରୂପେଶ