ବାଲେଶ୍ୱର

ଚା’ କଫି ଚାଷକୁ ଅଣଦେଖା

ଚା’ କଫି ଚାଷକୁ ଅଣଦେଖା

କେନ୍ଦୁଝର, ୨୮।୧୨ (ସ୍ବ.ପ୍ର.)- କେନ୍ଦୁଝର ଜିଲାର ପାହାଡିଆ ଜମି ଓ ଥଣ୍ଡା ପରିବେଶ କଫି, ଚା, ହଳଦୀ ଚାଷ ଲାଗି ଉପଯୋଗୀ ହୋଇଥିଲେ ବି ଆବଶ୍ୟକ ଯୋଜନା ଓ ପ୍ରୋତ୍ସାହନ ଅଭାବ ଯୋଗୁଁ ଏହି ଚାଷ ହୋଇପାରୁ ନାହିଁ। ଏହି ଜିଲାର ଜଳବାୟୁ କଫି ଓ ଚା’ ଚାଷ ପାଇଁ ଉତ୍କୃଷ୍ଟ। ଏଣୁ ପରୀକ୍ଷାମୂଳକ ଭାବରେ ବାଂଶପାଳ ବ୍ଲକର ଉପରକାଇପୁରନ୍‌ଠାରେ ଏକ ଘରୋଇ ସଂସ୍ଥା ପକ୍ଷରୁ କଫି ଚାଷ ଏବଂ ତରମାକାନ୍ତଠାରେ ଯୌଥ ଉଦ୍ୟମରେ ଚା’ ଚାଷ ଆରମ୍ଭ କରାଯାଇଥିଲା। ଏଠାକାର ଚା ଓ କଫିର ସ୍ବାଦ ଉତ୍କୃଷ୍ଟ ମାନର ହୋଇଥିବାରୁ ଏହା ବାହାରେ ଆଦୃତି ଲାଭ କରିଥିଲା। ଏପରି କି ଏଠାରୁ ଉତ୍ପାଦିତ ଚା’ ସିଧାସଳଖ ବିଦେଶକୁ ରପ୍ତାନି ହେଉଥିଲା। ସେହିପରି କୋରାପୁଟସ୍ଥିତ କଫି ବୋର୍ଡ ଓ କଫି ଗ୍ରୋଅର ଆସୋସିଏଶନକୁ କଫି ପଠାଯାଉଥିଲା। କଫି ଉଦ୍ୟୋଗୀ ପ୍ରୀତମ ରାଠୋର, ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ଆଗରୁ ପାଖାପାଖି ଏକର ପ୍ରତି ୪ ଟନ କଫି ଫଳ ଉତ୍ପାଦନ ହେଉଥିଲା । ଏବେ ମାତ୍ର ୧.୫ ଟନ ଉତ୍ପାଦନ ହେଉଛି। ଏହି ଚାଷ କାର୍ଯ୍ୟ ଲାଗି କୌଣସି ପ୍ରୋତ୍ସାହନ ମିଳୁ ନାହିଁ । ସରକାର ଯୋଜନାବଦ୍ଧ ପଦକ୍ଷେପ ନେଲେ ଏଠାରେ ଅନ୍ୟମାନେ ଚା’ ଓ କଫି ଚାଷ କରିପାରିବେ। ତେବେ ଭୂୟାଁ ପୀଢ ଠାରେ ଥିବା ବଗିଚା ରକ୍ଷଣାବେକ୍ଷଣ ଅଭାବରୁ ଏବେ ଶ୍ରୀହୀନ ହୋଇପଡିଛି। ସେହିପରି ଚା’ ପ୍ରସ୍ତୁତ ପାଇଁ ଥିବା କାରଖାନା ଅକାମି ହୋଇପଡିଛି । କାମ କରିଥିବା ଭୂୟାଁ ଶ୍ରମିକ ମାନେ କାମଧନ୍ଦା ହରାଇ ଅନ୍ୟ ବୃତ୍ତି ଆଦରିଥିବା କହିଛନ୍ତି। ବିଶେଷଜ୍ଞମାନେ ମତ ଦିଅନ୍ତି ଯେ, ଭୂୟାଁ ପୀଢ ଚା’ ଓ ଜୁଆଙ୍ଗ ପୀଢ କଫି ଚାଷ ପାଇଁ ଉତ୍କୃଷ୍ଟ ସ୍ଥାନ। ଏହାର ବିକାଶ କରାଗଲେ କନ୍ଧମାଳ, କୋରାପୁଟ ଭଳି ଅମଳ ମିଳିବା ସହ ଏହା ପର୍ଯ୍ୟଟକଙ୍କୁ ଆକୃଷ୍ଟ କରିପାରିବ। ଚା’ ବା କଫି ଚାଷ ପାଇଁ ଥରେ ଅର୍ଥ ବିନିଯୋଗ କରିବାକୁ ପଡିଥାଏ । ୪/୫ ବର୍ଷ ପର୍ଯ୍ୟନ୍ତ ଗଛର ଯତ୍ନ ନିଆଯାଏ । ଗଛ ବଡ ହୋଇ ଗଲେ ବହୁ ବର୍ଷ ପର୍ଯ୍ୟନ୍ତ ଅମଳ ମିଳେ। କେବଳ ଏହାର ରକ୍ଷଣାବେକ୍ଷଣର ଆବଶ୍ୟକତା ପଡିଥାଏ। ଅମଳ ସମୟରେ ମଞ୍ଜି ତୋଳିବା ଓ ଶୁଖାଇବା କାମ କରିବାକୁ ହୁଏ। ଏଭଳି ଲାଭଜନକ ଫସଲର ପ୍ରସାର ଘଟିଲେ ଆଦିବାସୀଙ୍କ ଜୀବନଧାରଣ ମାନ ବୃଦ୍ଧି ପାଇପାରିବ ବୋଲି ସେମାନେ ମତ ଦେଉଛନ୍ତି। ସେହିପରି ଜିଲାରେ ଥଣ୍ଡା ପରିବେଶ ରହୁଥିବା ଗଡାଣିଆ ଅଞ୍ଚଳରେ ହଳଦୀ ଚାଷ ହୋଇପାରିବ। ଆଦିବାସୀମାନେ ଏହି ଚାଷ କରି ଲାଭବାନ ହୋଇପାରିବେ। ବର୍ତ୍ତମାନ କେତେକ ଅଞ୍ଚଳରେ ଚାଷୀ ବ୍ୟକ୍ତିଗତ ଉଦ୍ୟମରେ ହଳଦୀ ଚାଷ କରୁଛନ୍ତି। ସେମାନଙ୍କୁ ଉତ୍ସାହିତ କରାଗଲେ ହଳଦୀ ଚାଷର ପ୍ରସାର ହୋଇପାରିବ ବୋଲି ବରିଷ୍ଠ ବୈଜ୍ଞାନିକ ଡ. ସୁଜିତ ନାଥ କହିଛନ୍ତି, କେନ୍ଦୁଝର ଜିଲାରେ ହଳଦୀ ଚାଷ ଭଲ ଭାବରେ ହୋଇପାରିବ । ଏହାକୁ ସମତଳ ଜମିରେ ଆମ୍ବ ବାଗାନ ମଧ୍ୟରେ ଆନ୍ତଃ ଫସଲ ଭାବେ ମଧ୍ୟ ଚାଷ କରାଯାଇପାରିବ ବୋଲି ସେ କହିଛନ୍ତି। ପରିବେଶବିତ ଡ. ବିମ୍ବାଧର ବେହେରା କହିଛନ୍ତି, ଭୌଗୋଳିକ ପରିବେଶକୁ ଦୃଷ୍ଟିରେ ରଖି କଫି, ହଳଦୀ ଚାଷ କରାଗଲେ ଏହା ଦେଖିବାକୁ ଅନେକ ପର୍ଯ୍ୟଟକ ଜିଲାକୁ ଆସନ୍ତେ। ଏହାଦ୍ୱାରା ଆଦିବାସୀମାନେ ଉପକୃତ ହୋଇପାରନ୍ତେ। ଜିଲା ପର୍ଯ୍ୟଟନ ଅଧିକାରୀ ଆର.କେ. ନାୟକ କହିଛନ୍ତି ଯେ, ଜିଲାରେ ପ୍ରାକୃତିକ ପରିବେଶ ପର୍ଯ୍ୟଟକଙ୍କୁ ଆକର୍ଷଣ କରିପାରୁଛି। ପର୍ଯ୍ୟଟନ ବିଭାଗ ବିଭିନ୍ନ ଦିଗକୁ ଦୃଷ୍ଟି ଦେଇ କାର୍ଯ୍ୟ କରୁଛି।

All Right Reserved By

Model This Week

ସନ୍ତୋଷ

ବାଲେଶ୍ୱର

ମିଳିଲା ଝୁଲନ୍ତା ମୃତଦେହର ପରିଚୟ

ଧାମନଗର,୨୭।୫(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ଥାନା ଅଧୀନ କରଦା ନିକଟ ଭାଟିଆ ପୋଲ ପାଖରେ ଥିବା ଏକ ବରଗଛରେ ନିଜ ଶାର୍ଟରେ ଫାଶୀ ଲଗାଇ ଆତ୍ମହତ୍ୟା କରିଥିବା ବ୍ୟକ୍ତିଙ୍କ ପରିଚୟ ମିଳିଛି। ସେ ହେଲେ ବିରୁହାଁ ଗ୍ରାମର ଲୋକନାଥ ଜେନା(୪୨)।

ମଥାନୀ ମାଗୁଣି ଚରଣ ବାଳାଶ୍ରମର ୪୨ତମ ବାର୍ଷିକ ଉତ୍ସବ

ମଥାନୀ ମାଗୁଣି ଚରଣ ବାଳାଶ୍ରମର ୪୨ତମ ବାର୍ଷିକ ଉତ୍ସବ

ବସ୍ତା,୨୭।୫: ବସ୍ତା ବ୍ଲକ ମଥାନୀସ୍ଥିତ ମାଗୁଣି ଚରଣ ବାଳାଶ୍ରମର ୪୨ତମ ବାର୍ଷିକ ଉତ୍ସବ ଶନିବାର ସଂଧ୍ୟାରେ ଅନୁଷ୍ଠିତ ହୋଇଯାଇଛି।

କଇଁଫୁଲିଆ ଗ୍ରାମରେ ମହିଳାଙ୍କ ଅସ୍ବାଭାବିକ ମୃତ୍ୟୁ

କଇଁଫୁଲିଆ ଗ୍ରାମରେ ମହିଳାଙ୍କ ଅସ୍ବାଭାବିକ ମୃତ୍ୟୁ

ବଡ଼ସାହି,୨୭।୫(ସ୍ବ.ପ୍ର): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ଯୋଗୀନୂଆଗାଁ ପଞ୍ଚାୟତ କଇଁଫୁଲିଆ ଗ୍ରାମର ନିନିମଣି ମହାନ୍ତ(୨୫)ଙ୍କ ଅସ୍ବାଭାବିକ ଭାବେ ମୃତ୍ୟୁ ଘଟିଛି ା ଶନିବାର ଖାଇପିଇ ଘରେ ଶୋଇବା ପରେ ହଠାତ ତାଙ୍କର ଦେହ ଅସୁସ୍ଥ ହୋଇପଡିଥିଲା। ପରିବାର ଲୋକେ ନିନିମଣିଙ୍କୁ ବେତନଟୀ ଡାକ୍ତରଖାନାରେ ଭର୍ତ୍ତି କରିଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ନିନିମଣିଙ୍କ ବେକରେ ଦାଗ ଥିବା ବେଳେ ନାକ ଓ ଆଖିରୁ ରକ୍ତ ବାହାରୁଥିବା ଦେଖାଯାଇଥିଲା। ତେଣୁ ତାଙ୍କୁ ହତ୍ୟା କରାଯାଇଥାଇପାରେ ବୋଲି ସନ୍ଦେହ କରାଯାଉଛି।

ଅଚିହ୍ନା ବ୍ୟକ୍ତିଙ୍କ ମୃତଦେହ ଉଦ୍ଧାର

ଅଚିହ୍ନା ବ୍ୟକ୍ତିଙ୍କ ମୃତଦେହ ଉଦ୍ଧାର

ଧାମନଗର,୨୭।୫(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକ କରଦା ପଞ୍ଚାୟତ ମାଳସାହି ନିକଟସ୍ଥ ଏକ ଗଛରେ ରବିବାର ଜଣେ ଅଚିହ୍ନା ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ସେ ନିଜ ଶାର୍ଟରେ ଫାଶୀ ଲଗାଇଥିବା ଜଣାପଡ଼ିଛି।

ରାସ୍ତାରେ ଚାଲିଛି ବେଆଇନ ଚାନ୍ଦା ଆଦାୟ

ଝୁମ୍ପୁରା, ୨୭।୫ ଡି.ଏନ.ଏ.)- କେନ୍ଦୁଝର ଜିଲାର ଝୁମ୍ପୁରା, ବାମେବାରୀ, ବାରିଆ ଥାନା ଅଞ୍ଚଳରେ ଥିବା ଜାତୀୟ ରାଜପଥ, ରାଜ୍ୟ ରାଜପଥ, ଖଣି ଓ ପ୍ଲାଣ୍ଟ ଅଞ୍ଚଳକୁ ସଂଯୋଗ କରୁଥିବା ରାସ୍ତାରେ ଟ୍ରକ, ଟ୍ରଲର ସହିତ ବିଭିନ୍ନ ଭାରିଯାନଗୁଡିକରୁ ବେଆଇନ ଭାବେ ଚାନ୍ଦା ଆଦାୟ ଏକ ନିତିଦିନିଆ ଘଟଣାରେ ପରିଣତ ହୋଇଛି। ଚାନ୍ଦା ଆଦାୟକାରୀମାନେ ପାଖରେ ମାରଣାସ୍ତ୍ର ରଖି ଗ୍ରୁପ ଗଠନ କରି ଜବରଦସ୍ତ ଚାନ୍ଦା ଆଦାୟ କରୁଥିବା ଅଭିଯୋଗ ହେଉଛି।

ଗୋଧୂଳି ରାସ୍ତାରେ ନାଳ ସାଜିଛି  ବିପଦ

ଗୋଧୂଳି ରାସ୍ତାରେ ନାଳ ସାଜିଛି ବିପଦ

ଚମ୍ପୁଆ,୨୭।୫(ଡି.ଏନ.ଏ)- କେନ୍ଦୁଝର ଜିଲା ଚମ୍ପୁଆ ଏନ୍‌ଏସି ଗଠନର ୩ବର୍ଷ ବିତିଥିଲେ ବି ଉନ୍ନୟନ କାମ ମନ୍ଥର ଗତିରେ ଚାଲିଛି। ୧ ନଂ ୱାର୍ଡ ଅଧୀନ ଗୋଧୂଳି ରାସ୍ତା ନିର୍ମାଣରେ ଥିବା ଦୁଇଟି ନାଳରେ କଲଭର୍ଟ ନିର୍ମାଣ କରାଯାଉ ନ ଥିବାରୁ ଏହି ରାସ୍ତା ମରଣଯନ୍ତା ପାଲିଟିଛି। ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ଚମ୍ପୁଆ ମୌଲାନାଗୋଡାଠାରୁ ଗୋଧୂଳି ପର୍ଯ୍ୟନ୍ତ ତିଆରି ହୋଇଥିବା ୫ କି.ମି ଦୂରତା ବିଶିଷ୍ଠ ଉକ୍ତ ରାସ୍ତା ମଝିରେ ଥିବା ୨ଟି ନାଳରେ ବର୍ଷାଦିନେ ପାଣି ପ୍ରବାହିିତ ହେଲେ ଯାତାୟାତରେ ବାଧା ସୃଷ୍ଟି ହୋଇଥାଏ। ଅନ୍ୟ ସମୟରେ ମଧ୍ୟ ଏହି ନାଳ ଦେଇ ଯାତାୟାତ କରିବା କଷ୍ଟକର ହୋଇଥାଏ।

ଖଣି ଆଗରେ ଅଞ୍ଚଳବାସୀଙ୍କ ଧାରଣା

ଖଣି ଆଗରେ ଅଞ୍ଚଳବାସୀଙ୍କ ଧାରଣା

ଯୋଡ଼ା,୨୭।୫(ଡି.ଏନ.ଏ.)- ଖଣିରେ ନିଯୁକ୍ତି ପ୍ରତିଶ୍ରୁତି ଦେଇ ପ୍ରଶାସନ ଓ ଖଣି କର୍ତ୍ତୃପକ୍ଷ ପ୍ରତାରଣା କରି ଆସୁଥିବା ଅଞ୍ଚଳବାସୀ ଅଭିଯୋଗ କରି ଆସୁଛନ୍ତି। ଖଣି ଖୋଲିବା ବେଳେ ଜନଶୁଣାଣିରେ ପ୍ରଭାବିତ ଅଞ୍ଚଳର ଲୋକଙ୍କୁ ବିଭିନ୍ନ ସୁବିଧା ଯୋଗାଇ ଦିଆଯିବା ପ୍ରଲୋଭନ କଥାରେ ସୀମିିତ ରହିଛି। ଏହାର ପ୍ରତିବାଦରେ କେନ୍ଦୁଝର ଜିଲା ଜଲହରି ପଞ୍ଚାୟତ ଡେଭଲପମେଣ୍ଟ ସୋସାଇଟି ପକ୍ଷରୁ ଶନିବାର ସକାଳ ୮ଟାରୁ ଶ୍ରୀ ମେଟାଲିକ ଖଣି ଗେଟ ସମ୍ମୁଖରେ ଶହ ଶହ ମହିଳାପୁରୁଷ ଧାରଣା ଦେଇ ବସଛନ୍ତି। ଖଣି କର୍ତ୍ତୃପକ୍ଷ ବାମେବାରୀ ପୋଲିସ ଉପସ୍ଥିତିରେ ଅଞ୍ଚଳବାସୀଙ୍କ ସହ କରିଥିବା ଆଲୋଚନା ଫେଲ୍‌ ମାରିଛି। ଦାବି ପୂରଣ ନ ହେବା ଯାଏ ଶାନ୍ତିପୂର୍ଣ୍ଣ ଆନ୍ଦୋଳନ ଜାରି ରହିବ ବୋଲି ଅଞ୍ଚଳବାସୀ ଚେତାବନୀ ଦେଇଛନ୍ତି।

ଦିନକର କାହାଣୀ :‘ଜୀବିକା ସାଙ୍ଗକୁ ଦେଇଛି ପରିଚୟ’

ଦିନକର କାହାଣୀ :‘ଜୀବିକା ସାଙ୍ଗକୁ ଦେଇଛି ପରିଚୟ’

ଖବରକାଗଜ ବିତରକ କୈଳାସ ଭାରତ ଭଳି ଗଣତାନ୍ତ୍ରିକ ଦେଶରେ ସାମାଜିକ ଜୀବନରେ ପରିବର୍ତ୍ତନ ଆଣିବାରେ ଖବରକାଗଜର ଭୂମିକା ଗୁରୁତ୍ୱପୂର୍ଣ୍ଣ ।

ସାହିତ୍ୟ ସାଧନା ଦେଇଛି ଅନନ୍ୟ ପରିଚୟ

ସାହିତ୍ୟ ସାଧନା ଦେଇଛି ଅନନ୍ୟ ପରିଚୟ

ଭଦ୍ରକ ଅଫିସ,୨୭।୫-ପ୍ରଗତିଶୀଳ ଚିନ୍ତା ଓ ଚେତନା ସମାଜରେ ପରିବର୍ତ୍ତନ ଆଣିପାରିବ। ନୂଆପିଢ଼ିର ସାହିତ୍ୟ ସାଧକମାନେ ସରଳ ଓ ସାବଲୀଳ ଭାଷାରେ ଏହି ଚିନ୍ତା ଚେତନାର ଅଭିବ୍ୟକ୍ତି ରଖିଲେ ସମାଜର କଲ୍ୟାଣ ସାଧିତ ହୋଇପାରିବ ବୋଲି ସାହିତ୍ୟ ସାଧନା କରି ବହୁ ସମ୍ମାନର ଅଧିକାରୀ ହୋଇଥିବା ଦିବ୍ୟସିଂହ ଦାସ ଅଧିକାରୀ କହିଛନ୍ତି।

ଅଭାବୀ ବିକ୍ରିର ଶିକାର ଚିଙ୍ଗୁଡ଼ି ଚାଷୀ

ଅଭାବୀ ବିକ୍ରିର ଶିକାର ଚିଙ୍ଗୁଡ଼ି ଚାଷୀ

ଚାନ୍ଦବାଲି,୨୭।୫(ଡି.ଏନ.ଏ.)-ଚିଙ୍ଗୁଡ଼ି ରପ୍ତାନୀକାରୀଙ୍କ ମନମୁଖୀ କାରବାର ଏବଂ ସରକାରୀ ଭାବେ ମୂଲ୍ୟ ଧାର୍ଯ୍ୟ ନ ହେବା ଯୋଗୁ ଭଦ୍ରକ ଜିଲା ଚାନ୍ଦବାଲି ବ୍ଲକର କ୍ଷାରି ପାଣିରେ ଚିଙ୍ଗୁଡ଼ି ଚାଷ କରୁଥିବା ପ୍ରାୟ ୫ହଜାର ଚାଷୀ କ୍ଷତିଗ୍ରସ୍ତ ହେଉଛନ୍ତି।

ଜିଲାସ୍ତରୀୟ ବ୍ୟାଙ୍କର୍ସ ପରାମର୍ଶଦାତା କମିଟି ବୈଠକ

ଜିଲାସ୍ତରୀୟ ବ୍ୟାଙ୍କର୍ସ ପରାମର୍ଶଦାତା କମିଟି ବୈଠକ

ବାରିପଦା ଅଫିସ,୨୭।୫- ମୟୂରଭଞ୍ଜ ଜିଲାସ୍ତରୀୟ ବ୍ୟାଙ୍କର୍ସ ସମୀକ୍ଷା ଓ ପରାମର୍ଶଦାତା କମିଟି ବୈଠକ ଜିଲା ଗ୍ରାମ୍ୟ ଉନ୍ନୟନ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ବ୍ୟାଙ୍କ ଅଫ୍‌ ଇଣ୍ଡିଆ ପକ୍ଷରୁ ଅତିରିକ୍ତ ଜିଲାପାଳ ଗଙ୍ଗାଧର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବ୍ୟାଙ୍କ ଅଫ ଇଣ୍ଡିଆର ଏଲଡିଏମ ଦିଲୀପ କୁମାର ନନ୍ଦ ଜିଲାର ବ୍ୟାଙ୍କିଙ୍ଗ ସେବା କାର୍ଯ୍ୟସୂଚୀ ଉପସ୍ଥାପନା କରିଥିଲେ। ଗତ ୨୦୧୭-୧୮ଆର୍ଥିକ ବର୍ଷର ମାର୍ଚ୍ଚ ୩୧ତାରିଖ ସୁଦ୍ଧା ଜିଲାର ବ୍ୟାଙ୍କ ସମୂହର ଆର୍ଥିକ ପରିଚାଳନାର ସ୍ଥିତି, ବିଭିନ୍ନ କ୍ଷେତ୍ରରେ ପ୍ରଦାନ କରାଯାଇଥିବା ଋଣ ସହାୟତା ସମ୍ପର୍କରେ ସମୀକ୍ଷା କରାଯାଇଥିଲା।

ସ୍ଥିତି ହରାଉଛି ପାନୁଆ ବନ୍ଧ

ସ୍ଥିତି ହରାଉଛି ପାନୁଆ ବନ୍ଧ

ବଡ଼ସାହି,୨୭ା୫(ସ୍ବ.ପ୍ର.)- ବଡସାହି ବ୍ଲକ ଅଧୀନ ପାଉଁଶିଆ ଗ୍ରାମରେ ୧୯୮୨ମସିହାରେ ନିର୍ମିତ ପାନୁଆବନ୍ଧ ପୁନରୁଦ୍ଧାର ଓ ମରାମତି ଅଭାବରୁ କ୍ରମଶଃ ପୋତି ହେବାକୁ ବସିଲାଣି ।