ଜାତୀୟ |

ଅପରାଧୀକରଣକୁ ବିରୋଧ

ଅପରାଧୀକରଣକୁ ବିରୋଧ

ନୂଆଦିଲ୍ଲୀ, ୨୮।୧୨(ପି.ଟି.)- ମନଇଚ୍ଛା ଅଚାନକ୍‌ ତିନିଥର ‘ତଲାକ୍‌’ (ଟ୍ରିପଲ୍‌ ତଲାକ୍‌) କହି ସ୍ତ୍ରୀଙ୍କ ସହ ବୈବାହିକ ସମ୍ପର୍କ ତୁଟାଇବା ବେଆଇନ। ଏଭଳି ଅମାନବିକ କାଣ୍ଡ ଘଟାଉଥିବା ମୁସଲମାନ ପୁରୁଷଙ୍କୁ ଏଣିକି ଅପରାଧୀ ଭାବେ ପରିଗଣିତ କରାଯିବ ଏବଂ ତିନିବର୍ଷ ପର୍ଯ୍ୟନ୍ତ ଜେଲ୍‌ଦଣ୍ଡରେ ଦଣ୍ଡିତ କରାଯିବ। ମୁସଲମାନ ମହିଳାଙ୍କ ଅଧିକାର ସୁରକ୍ଷା ପାଇଁ ଏସବୁ ନିୟମ କଡ଼ାକଡ଼ି ପାଳନ ହେବ। ଏଥିଲାଗି କେନ୍ଦ୍ରର ନରେନ୍ଦ୍ର ମୋଦି ସରକାରଙ୍କ ଦ୍ୱାରା ପ୍ରସ୍ତୁତ ଟ୍ରିପଲ୍‌ ତଲାକ୍‌ ନିରୋଧୀ ବିଲ୍‌ ଗୁରୁବାର ଲୋକ ସଭାରେ ଗୃହୀତ ହୋଇଯାଇଛି। ମୁସଲମାନ ମହିଳାଙ୍କ ପାଇଁ ଏହା ଏକ ‘ଐତିହାସିକ ଦିବସ’ ବୋଲି ସରକାର କହିଛନ୍ତି। ଗୃହରେ ଉପସ୍ଥାପନ ହେବା ପରେ ପ୍ରଥମେ ପ୍ରସ୍ତାବିତ ବିଲ୍‌କୁ ବିରୋଧୀଙ୍କ ପୂର୍ଣ୍ଣ ସମର୍ଥନ ମିଳି ନ ଥିଲା। କିଛି ଦଳ ଏହାକୁ ସମର୍ଥନ କରିଥିବାବେଳେ ଆଉ କିଛି ବିଲ୍‌ରେ ଥିବା ଅପରାଧୀକରଣ ପ୍ରସ୍ତାବକୁ ନେଇ ଗୃହରେ ହଙ୍ଗାମା କରିଥିଲେ। ଏଥିରେ ଅନେକ ତ୍ରୁଟି ରହିଛି ବୋଲି ବିଜେଡି କହିଥିଲା। ତେବେ ଟ୍ରିପଲ୍‌ ତଲାକ୍‌ ନିରୋଧୀ ବିଲ୍‌କୁ କଂଗ୍ରେସ ସମର୍ଥନ କରିବା ସହ ମୁସଲମାନ ମହିଳାଙ୍କ ସଶକ୍ତୀକରଣ ପାଇଁ ସ୍ବତନ୍ତ୍ର ନିୟମ ଆଣିବାକୁ ଏହା ପ୍ରସ୍ତାବ ଦେଇଥିଲା। ନିର୍ବାଚନ ବେଳେ ଦେଇଥିବା ପ୍ରତିଶ୍ରୁତି ପୂରଣ କରିବାକୁ ଯାଇ ଭାଜପା ନେତୃତ୍ୱାଧୀନ କେନ୍ଦ୍ର ସରକାର ଟ୍ରିପଲ୍‌ ତଲାକ୍‌କୁ ଅପରାଧୀକରଣ କରିବାକୁ ସ୍ବତନ୍ତ୍ର ଆଇନ ଆଣିବାକୁ ସବୁ ବଳ ଲଗାଇଦେଇଛନ୍ତି। ଗତ ଅଗଷ୍ଟରେ ସୁପ୍ରିମ୍‌କୋର୍ଟ ଟ୍ରିପଲ୍‌ ତଲାକ୍‌କୁ ବେଆଇନ ତଥା ଅସାମ୍ବିଧାନିକ ଦର୍ଶାଇବା ସହ ଛଅମାସ ମଧ୍ୟରେ ଏ ସମ୍ପର୍କିତ ଏକ ଆଇନ ଆଣିବାକୁ କହିଥିଲେ। ତଦନୁଯାୟୀ ସ୍ବରାଷ୍ଟ୍ରମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ଏକ ମନ୍ତ୍ରୀଗୋଷ୍ଠୀ ଟ୍ରିପଲ୍‌ ତଲାକ୍‌ ନିରୋଧୀ ଡ୍ରାଫ୍ଟ ବିଲ୍‌ ପ୍ରସ୍ତୁତ କରିଛନ୍ତି। ମୁସଲିମ୍‌ ମହିଳା (ବିବାହ ସମ୍ପର୍କିତ ଅଧିକାର ସୁରକ୍ଷା) ବିଲ୍‌-୨୦୧୭କୁ ଗତ ୧୫ ତାରିଖରେ କେନ୍ଦ୍ର କ୍ୟାବିନେଟ ମୋହର ମାରିଥିଲା। ଗୁରୁବାର ଲୋକ ସଭାରେ କେନ୍ଦ୍ର ଆଇନମନ୍ତ୍ରୀ ରବିଶଙ୍କର ପ୍ରସାଦ ବିଲ୍‌କୁ ଆଗତ କରିଥିଲେ, ଯାହାକି ଅନେକ ହଙ୍ଗାମା ପରେ ଗୃହୀତ ହୋଇଛି। ”ଏହା ଏକ ଐତିହାସିକ ଦିବସ। ଆଜି ମୋଦି ସରକାର ଏକ ଇତିହାସ ରଚିଛନ୍ତି“ ବୋଲି ସେ କହିଛନ୍ତି। କିନ୍ତୁ କେନ୍ଦ୍ରର ପ୍ରସ୍ତାବିତ ବିଲ୍‌କୁ ନେଇ ଗୃହରେ ଉପସ୍ଥିତ ସବୁଦଳର ନେତା ଖୁସି ନ ଥିଲେ। ମୁଖ୍ୟତଃ ଆଞ୍ଚଳିକ ଓ ମୁସ୍‌ଲିମ୍‌ ଦଳ ଅସନ୍ତୋଷ ବ୍ୟକ୍ତ କରିବା ସହ ମୋଦି ସରକାରଙ୍କୁ ତୀବ୍ର ସମାଲୋଚନା କରିଥିଲେ। ଅନ୍ୟପକ୍ଷରେ କଂଗ୍ରେସ ଏହି ବିଲ୍‌କୁ ସମର୍ଥନ କରିଛି ସତ, ହେଲେ ଛାଡ଼ପତ୍ରଧାରୀ ମୁସଲମାନ ମହିଳାଙ୍କ ଅଧିକାର ସୁରକ୍ଷା ପାଇଁ ଉତ୍ତମ ବ୍ୟବସ୍ଥା ଆଣିବାକୁ ପ୍ରସ୍ତାବ ଦେଇଥିଲା। ପାର୍ଲାମେଣ୍ଟରେ ଆଜି ଭୋଟିଂ ନ କରି ତର୍ଜମା ପାଇଁ ବିଲ୍‌କୁ ଷ୍ଟାଣ୍ଡିଂ କମିଟି ନିକଟକୁ ପଠାଯାଉ ବୋଲି କଂଗ୍ରେସ କହିଥିଲା। ବିଜୁ ଜନତା ଦଳ (ବିଜେଡି), ଆର୍‌ଜେଡି, ଏଆଇଏଡିଏମ୍‌କେ, ଏଆଇଏମ୍‌ଆଇଏମ୍‌ ଏବଂ ଅଲ୍‌ ଇଣ୍ଡିଆ ମୁସ୍‌ଲିମ୍‌ ଲିଗ୍‌ ଟ୍ରିପଲ୍‌ ତଲାକ୍‌ ନିରୋଧୀ ବିଲ୍‌କୁ ବିରୋଧ କରିଥିଲେ। କେନ୍ଦ୍ର ସରକାର ମନମୁଖି ଭାବେ ଏହି ବିଲ୍‌ ପ୍ରସ୍ତୁତ କରିଛନ୍ତି, ଯେଉଁଥିରେ ଅନେକ ତ୍ରୁଟି ରହିଛି ବୋଲି ଏମାନେ ମତବ୍ୟକ୍ତ କରିଥିଲେ। ଏଆଇଏମ୍‌ଆଇଏମ୍‌ ମୁଖ୍ୟ ଅସାଦୁଦ୍ଦିନ୍‌ ଓଓ୍ବାଇସିଙ୍କ କହିବା ଅନୁଯାୟୀ, ଡ୍ରାଫ୍ଟ ବିଲ୍‌ରେ ମୌଳିକ ଅଧିକାରର ଉଲ୍ଲଂଘନ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରି ଓଓ୍ବାଇସି କହିଛନ୍ତି, ଟ୍ରିପଲ୍‌ ତଲାକ୍‌ ନିରୋଧୀ ବିଲ୍‌ରେ ମୁସଲମାନ ମହିଳା ସ୍ବାମୀ ପରିତ୍ୟକ୍ତା ହେଉଥିବା କଥା ବାରମ୍ବାର ଦୋହରାଯାଇଛି। କିନ୍ତୁ ଦେଶରେ ବିଭିନ୍ନ ଧର୍ମର ପ୍ରାୟ ୨୦ ଲକ୍ଷ ମହିଳା ମଧ୍ୟ ସ୍ବାମୀ ପରିତ୍ୟକ୍ତା ହେଉଛନ୍ତି। ସେମାନଙ୍କ ବିଷୟରେ ସରକାର ଚିନ୍ତା କରିବା ଉଚିତ। ‘ଗୁଜରାଟରେ ଥିବା ଆମ ଭାଉଜ (ମୋଦିଙ୍କ ସ୍ତ୍ରୀ)ଙ୍କ ବିଷୟରେ ମଧ୍ୟ କେନ୍ଦ୍ର ଚିନ୍ତା କରୁ’ ବୋଲି ଓଓ୍ବାଇସି କହିଛନ୍ତି। ଏସବୁ ସମାଲୋଚନା ସତ୍ତ୍ୱେ ବିଲ୍‌କୁ ଗୃହୀତ କରାଇବା ପାଇଁ ପ୍ରଧାନମନ୍ତ୍ରୀ ମୋଦି ସବୁ ଦଳର ସହଯୋଗ ଓ ସମର୍ଥନ କାମନା କରିଥିଲେ।
ଲୋକ ସଭାରେ ଟ୍ରିପଲ୍‌ ତଲାକ୍‌ ନିରୋଧୀ ବିଲ୍‌ ଆଗତ ହେବା ପରେ ଗୁରୁବାର ଗୃହରେ ପ୍ରବଳ ହଟ୍ଟଗୋଳ ହୋଇଥିଲା। କଂଗ୍ରେସ ଏବଂ ବାମ ଦଳର ସଦସ୍ୟଙ୍କୁ କହିବାକୁ ସୁଯୋଗ ମିଳିଲା ନାହିଁ। ସମାଜବାଦୀ ପାର୍ଟି ନେତା ମୁଲାୟମ୍‌ ସିଂ ଯାଦବ ମଧ୍ୟ ବିଲ୍‌କୁ ବିରୋଧ କରୁଥିବା ଦେଖିବାକୁ ମିଳିଥିଲା। କଂଗ୍ରେସ ବିଲ୍‌କୁ ସମର୍ଥନ କରିଥିଲେ ସୁଦ୍ଧା ଦଳର ବରିଷ୍ଠ ନେତା ପୂର୍ବତନ ଆଇନମନ୍ତ୍ରୀ ସଲ୍‌ମାନ ଖୁର୍ସିଦ କହିଥିଲେ ଯେ, ପ୍ରସ୍ତାବିତ ବିଲ୍‌ ମୁସଲମାନ ବ୍ୟକ୍ତିଙ୍କ ବ୍ୟକ୍ତିଗତ ଜୀବନରେ ସିଧାସଳଖ ହସ୍ତକ୍ଷେପ କରୁଛି। ଛାଡ଼ପତ୍ର ମାମଲାକୁ ଫୌଜଦାରି ଆଇନରେ ସାମିଲ କରାଯାଉଛି। ତେବେ ପୂର୍ବରୁ ଡ୍ରାଫ୍ଟ ବିଲ୍‌କୁ ବିରୋଧ କରିଆସୁଥିବା ତୃଣମୂଳ କଂଗ୍ରେସ (ଟିଏମ୍‌ସି) ସଦସ୍ୟମାନେ ଗୃହରେ ଚୁପ୍‌ ରହିଥିଲେ। ଆର୍‌ଜେଡି ନେତା ଜେ.ପି.ଏନ୍‌. ଯାଦବ ବିଲ୍‌ରେ ଥିବା ତିନିବର୍ଷ ଜେଲ୍‌ଦଣ୍ଡ ଉପରେ ପ୍ରଶ୍ନ ଉଠାଇଥିଲେ। ମୁସ୍‌ଲିମ୍‌ ଲିଗ୍‌ର ସଦସ୍ୟ ଇ.ଟି. ମହମ୍ମଦ ବଶିର୍‌ କହିଥିଲେ ଯେ, ପ୍ରସ୍ତାବିତ ଆଇନ ବ୍ୟକ୍ତିଗତ ଆଇନର ଉଲ୍ଲଂଘନ କରୁଛି ଏବଂ ରାଜନୈତିକ ଫାଇଦା ପାଇଁ କେନ୍ଦ୍ର ଏହି ପଦକ୍ଷେପ ନେଇଛି। ସେହିପରି ବିଜେଡି ସଦସ୍ୟ ଭର୍ତ୍ତୃହରି ମହତାବ କହିଥିଲେ ଯେ, ବିଲ୍‌ର ସକାରାତ୍ମକ ଦିଗ ଉପରେ ସେ କିଛି କହିବେ ନାହିଁ। କିନ୍ତୁ ଏଥିରେ ଅନେକ ତ୍ରୁଟି ରହିଛି। ଟ୍ରିପଲ୍‌ ତଲାକ୍‌ କିମ୍ବା ତଲାକ୍‌-ଇ-ବିଦାଦତ୍‌ କ୍ଷେତ୍ରରେ କେବଳ ମୁସଲିମ୍‌ ମହିଳା (ବିବାହ ସମ୍ପର୍କିତ ଅଧିକାର ସୁରକ୍ଷା) ବିଲ୍‌ କାର୍ଯ୍ୟକାରୀ ହେବ। ଏଥିରେ ମୁସଲମାନ ମହିଳାଙ୍କ ଅଧିକାର ରକ୍ଷା ପାଇଁ ଅନେକ ବ୍ୟବସ୍ଥା ରହିଛି। ଏହି ଆଇନ ବଳରେ ତିନି ତଲାକ୍‌ ଜରିଆରେ ଛାଡ଼ପତ୍ର ପାଇଥିବା ମୁସଲମାନ ମହିଳା ନିଜ ପାଇଁ ଏବଂ ପିଲା (ନାବାଳିକା/ନାବାଳକ)ଙ୍କ ପାଇଁ ଭରଣପୋଷଣ ପାଇବାକୁ ମାଜିଷ୍ଟ୍ରେଟ୍‌ଙ୍କ ନିକଟରେ ଦାବି କରିପାରିବେ। ମାଜିଷ୍ଟ୍ରେଟ୍‌ ଏନେଇ ଚୂଡ଼ାନ୍ତ ନିଷ୍ପତ୍ତି ନେବେ। ସେହିପରି ତିନିଥର ତଲାକ୍‌ ଶବ୍ଦ ଉଚ୍ଚାରଣ କରିଦେଲେ କିମ୍ବା ଇମେଲ୍‌, ଏସ୍‌ଏମ୍‌ଏସ୍‌ ଓ ହ୍ବାଟ୍ସଆପ୍‌ରେ ତଲାକ୍‌ କହିଦେଲେ ତାହା ଗ୍ରହଣୀୟ ହେବ ନାହିଁ ବୋଲି ଡ୍ରାଫ୍ଟ ବିଲ୍‌ରେ ଉଲ୍ଲେଖ ରହିଛି। ଅଚାନକ୍‌ ଟ୍ରିପଲ୍‌ ତଲାକ୍‌ ଜରିଆରେ ଛାଡ଼ପତ୍ର ଦେଇ ଜଣେ ମହିଳାଙ୍କ ଜୀବନକୁ ଦୁର୍ବିଷହ କରୁଥିବା ସ୍ବାମୀଙ୍କ ବିରୋଧରେ ଜାମିନବିହୀନ ଗିରଫ ପରଓ୍ବାନା ଜାରି ହେବ ଏବଂ ସେ ତିନିବର୍ଷ ଜେଲ୍‌ଦଣ୍ଡ ଭୋଗିବେ। ଲୋକ ସଭାରେ ଗୃହୀତ ହୋଇଯାଇଥିବାରୁ ଏବେ ଏହି ବିଲ୍‌ ରାଜ୍ୟ ସଭାରେ ଉପସ୍ଥାପନ ହେବ। ଉଚ୍ଚ ସଦନରେ ଗୃହୀତ ହୋଇଗଲେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅନୁମୋଦନ ପାଇଁ ପଠାଯିବ। ସେଠାରୁ ସବୁଜ ସଙ୍କେତ ମିଳିଗଲେ ଟ୍ରିପଲ୍‌ ତଲାକ୍‌ ନିରୋଧୀ ଆଇନ କାର୍ଯ୍ୟକାରୀ ହୋଇପାରିବ। ତେବେ ଜମ୍ମୁ-କଶ୍ମୀରକୁ ଛାଡ଼ିଦେଲେ ଦେଶବ୍ୟାପୀ ଟ୍ରିପଲ୍‌ ତଲାକ୍‌ ସମ୍ପର୍କିତ ନୂଆ ଆଇନ ଲାଗୁ ହେବ।

All Right Reserved By

Model This Week

ନିକିତା

ଜାତୀୟ |

ନାବାଳିକା ବଳାତ୍କାରୀଙ୍କୁ ମୃତ୍ୟୁଦଣ୍ଡ: ଅଧ୍ୟାଦେଶକୁ ରାଷ୍ଟ୍ରପତିଙ୍କ ମୋହର

ନାବାଳିକା ବଳାତ୍କାରୀଙ୍କୁ ମୃତ୍ୟୁଦଣ୍ଡ: ଅଧ୍ୟାଦେଶକୁ ରାଷ୍ଟ୍ରପତିଙ୍କ ମୋହର

ନୂଆଦିଲ୍ଲୀ,୨୨।୪(ପି.ଟି.): ଏଣିକି ୧୨ ବର୍ଷରୁ କମ୍‌ ବୟସର ପିଲାଙ୍କୁ ବଳାତ୍କାର କରାଯାଇଥିବା ପ୍ରମାଣିତ ହେଲେ ଦୋଷୀଙ୍କୁ ମୃତ୍ୟୁଦଣ୍ଡ ଦିଆଯିବ। ରାଷ୍ଟ୍ରପତି ରାମନାଥ କୋବିନ୍ଦ ରବିବାର କେନ୍ଦ୍ର ସରକାରଙ୍କ ଏ ସଂକ୍ରାନ୍ତ ଅଧ୍ୟାଦେଶକୁ ମଞ୍ଜୁରୀ ଦେଇଛନ୍ତି। ଜମ୍ମୁ-କଶ୍ମୀରର କଠୁଆ, ଉତ୍ତରପ୍ରଦେଶର ଉନ୍ନାଓ ଏବଂ ଗୁଜରାଟର ସୁରଟରେ ନାବାଳିକାଙ୍କୁ ଗଣବଳାତ୍କାର ବର୍ବରତାର ସୀମା ଟପିଥିଲା।

ମହାରାଷ୍ଟ୍ରରେ ଏନ୍‌କାଉଣ୍ଟର: ୨୫ ମାଓବାଦୀ ନିହତ

ମହାରାଷ୍ଟ୍ରରେ ଏନ୍‌କାଉଣ୍ଟର: ୨୫ ମାଓବାଦୀ ନିହତ

ବମ୍ବେ,୨୨।୪(ପି.ଟି.): ମହାରାଷ୍ଟ୍ରର ବିଦର୍ଭ ଅଞ୍ଚଳରେ ରବିବାର ସୁରକ୍ଷା ବଳକୁ ଏକ ବଡ଼ଧରଣର ସଫଳତା ମିଳିଛି। ଗଡ଼ଚିରୋଲି ଜିଲାରେ ପୋଲିସ ଏନ୍‌କାଉଣ୍ଟରରେ ୨୫ ମାଓବାଦୀ ନିହତ ହୋଇଛନ୍ତି। ତଡ୍‌ଗାଓଁ- ଭମ୍‌ରାଗଡ଼ ଜଙ୍ଗଲରେ ମାଓବାଦୀଙ୍କ ଉପସ୍ଥିତି ନେଇ ସୁରକ୍ଷା ବଳକୁ ଗୋଇନ୍ଦା ସୂଚନା ମିଳିଥିଲା।

ୟେଚୁରୀଙ୍କ ସେକେଣ୍ଡ୍‌ ଇନିଂସ୍‌ ଆରମ୍ଭ

ୟେଚୁରୀଙ୍କ ସେକେଣ୍ଡ୍‌ ଇନିଂସ୍‌ ଆରମ୍ଭ

ହାଇଦ୍ରାବାଦ୍‌,୨୨।୪: ମାକ୍ସବାଦୀ କମ୍ୟୁନିଷ୍ଟ୍‌ ପାର୍ଟି ନେତା ସୀତାରାମ ୟେଚୁରୀ ଦ୍ୱିତୀୟଥର ପାଇଁ ମହାସଚିବ ଭାବେ ନିର୍ବାଚିତ ହୋଇଛନ୍ତି। ହାଇଦ୍ରାବାଦ୍‌ଠାରେ ପାର୍ଟିର ବରିଷ୍ଠ କର୍ମକର୍ତ୍ତାଙ୍କ ପକ୍ଷରୁ ଏହି ନିଷ୍ପତ୍ତି ନିଆଯାଇଛି।

ଭାରତମାଳା ପ୍ରକଳ୍ପ: ନିର୍ମାଣ ହେବ ୨୫ ହଜାର କିମି ସଡ଼କ ପଥ, ଖର୍ଚ୍ଚ ହେବ ସାଢ଼େ ୫ ଲକ୍ଷ କୋଟି

ଭାରତମାଳା ପ୍ରକଳ୍ପ: ନିର୍ମାଣ ହେବ ୨୫ ହଜାର କିମି ସଡ଼କ ପଥ, ଖର୍ଚ୍ଚ ହେବ ସାଢ଼େ ୫ ଲକ୍ଷ କୋଟି

ନୂଆଦିଲ୍ଲୀ, ୨୨।୪ : ଦେଶରେ ସଡ଼କ ପଥର ବିକାଶ ପାଇଁ କେନ୍ଦ୍ର ସରକାର ଯୋଜନା ପ୍ରସ୍ତୁତ କରିଛନ୍ତି। ଆଗାମୀ ଦିନରେ ୨୫ ହଜାର କିଲୋମିଟର ସଡ଼କ ପଥ ନିର୍ମାଣ ହେବ। ଏହି ଯୋଜନାରେ ୭ଟି ଏକ୍ସପ୍ରେସ୍‌ ହାଇଓ୍ବେ ନିର୍ମିତ ହେବ। ଏଥିପାଇଁ ସାଢ଼େ ୫ ଲକ୍ଷ କୋଟି ଟଙ୍କାର ବ୍ୟୟ ଅଟକଳ କରାଯାଇଛି। ଆବଶ୍ୟକ ଭିତ୍ତି ଭୂମି ଉପଲବ୍ଧ ହେଲେ ଏହି ଯୋଜନା ୨୦୨୨ ସୁଦ୍ଧା ପୂରଣ ହୋଇପାରିବ ବୋଲି ସରକାରଙ୍କ ପକ୍ଷରୁ କୁହାଯାଇଛି।

୮୦,୦୦୦ କୋଟି ଟପିଲା ଜନଧନ ଆକାଉଣ୍ଟ ଜମା

୮୦,୦୦୦ କୋଟି ଟପିଲା ଜନଧନ ଆକାଉଣ୍ଟ ଜମା

ନୂଆଦିଲ୍ଲୀ,୨୨।୪-ସରକାରଙ୍କ ଆର୍ଥତ୍କ ଅନ୍ତର୍ଭୁକ୍ତି ପଦକ୍ଷେପ ସ୍ବରୂପ ପ୍ରଧାନମନ୍ତ୍ରୀ ଜନଧନ ଯୋଜନାରେ ଖୋଲିଥିବା ବ୍ୟାଙ୍କ ଖାତାଗୁଡିକରେ ଜମା ପରିମାଣ ୮୦,୦୦୦ କୋଟି ଟଙ୍କ ଟପିଛି।

୨୫ ବର୍ଷ ସାନ ଗାର୍ଲନ୍‌ଫ୍ରେଣ୍ଡ୍‌ଙ୍କୁ ବିବାହ କଲେ ମିଲନ୍ଦ

୨୫ ବର୍ଷ ସାନ ଗାର୍ଲନ୍‌ଫ୍ରେଣ୍ଡ୍‌ଙ୍କୁ ବିବାହ କଲେ ମିଲନ୍ଦ

ବମ୍ବେ, ୨୨।୪ : ଅଭିନେତା ଓ ମଡେଲ ମିଲନ୍ଦ ସୋମନ୍‌ ରବିବାର ତାଙ୍କଠାରୁ ୨୫ ବର୍ଷ ସାନ ଗାର୍ଲଫ୍ରେଣ୍ଡ୍‌ ଅଙ୍କିତା କୁଓ୍ବଁରଙ୍କୁ ବିବାହ କରିଛନ୍ତି। ଅଙ୍କିତାଙ୍କ ବୟସ ଏବେ ୨୭ ବର୍ଷ ଏବଂ ମିଲନ୍ଦଙ୍କ ବୟସ ୫୨ ବର୍ଷ। ଏହି ବହୁଚର୍ଚ୍ଚିତ ବିବାହକୁ ନେଇ ରବିବାର ଦିନ ତମାମ ବଲିଉଡ୍‌ରେ ଗହଳ ଚହଳ ଲାଗିରହିଛି।

ମହାରାଷ୍ଟ୍ରରେ ମିଳିତ ସୁରକ୍ଷାବଳଙ୍କ ସର୍ଚ୍ଚ ଅପରେଶନ: ୧୪ ମାଓବାଦୀ ନିହତ

ମହାରାଷ୍ଟ୍ରରେ ମିଳିତ ସୁରକ୍ଷାବଳଙ୍କ ସର୍ଚ୍ଚ ଅପରେଶନ: ୧୪ ମାଓବାଦୀ ନିହତ

ବମ୍ବେ, ୨୨।୪ : ମହାରାଷ୍ଟ୍ର ଗଢ଼ଚିରୌଲିରେ ମିଳିତ ସୁରକ୍ଷାବଳଙ୍କ ସର୍ଚ୍ଚ ଅପରେଶନରେ ୧୪ ଜଣ ମାଓବାଦୀଙ୍କ ମୃତ୍ୟୁ ଘଟିଛି। କସନପୁରଠାରେ ରବିବାର ମିଳିତ ସୁରକ୍ଷାବଳଙ୍କ ପକ୍ଷରୁ ଏହି ସର୍ଚ୍ଚ ଅପରେଶନ ହୋଇଥିଲା। ମାଓବାଦୀମାନଙ୍କୁ ଆତ୍ମସମର୍ପଣ ପାଇଁ ସତର୍କ ସୂଚନା ଦିଆଯାଇଥିଲା।

ଏୟାର ଇଣ୍ଡିଆ ବିମାନର ଝରକା ଖସିଲା: ୩ ଆହତ

ଏୟାର ଇଣ୍ଡିଆ ବିମାନର ଝରକା ଖସିଲା: ୩ ଆହତ

ନୂଆଦିଲ୍ଲୀ, ୨୨।୪ : ଅମୃତସରରୁ ଦିଲ୍ଲୀ ଆସୁଥିବା ଏୟାର ଇଣ୍ଡିଆ ବିମାନର ଝରକା ଖସିପଡିବାରୁ ୩ ଯାତ୍ରୀ ଆହତ ହୋଇଛନ୍ତି। ଝରକା ଖସି ପଡିବାରୁ ୭୮୭ ବୋଇଙ୍ଗ୍‌ ଡ୍ରିମ୍‌ଲାଇନର ବିମାନରେ ହଠାତ୍‌ ଜୋର୍‌ରେ ଧକ୍କା ଅନୁଭୁତ ହୋଇଥିଲା ଫଳରେ ଯାତ୍ରୀମାନେ ଭୟଭୀତ ହୋଇଯାଇଥିଲେ। ଜଣେ ଯାତ୍ରୀଙ୍କ ମୁଣ୍ଡରେ ଝରକା ଖସି ପଡିଥିବାବେଳେ ଅନ୍ୟ ଦୁଇଜଣ ମଧ୍ୟ ଆହତ ହୋଇଥିବା କୁହାଯାଉଛି।

୨ ବର୍ଷରେ ଜଙ୍ଗଲ ପରିସୀମା ୬,୭୭୮ ବର୍ଗ କିମି ବୃଦ୍ଧି

୨ ବର୍ଷରେ ଜଙ୍ଗଲ ପରିସୀମା ୬,୭୭୮ ବର୍ଗ କିମି ବୃଦ୍ଧି

ନୂଆଦିଲ୍ଲୀ, ୨୨।୪ : ଗତ ଦୁଇ ବର୍ଷ ମଧ୍ୟରେ ଦେଶରେ ଜଙ୍ଗଲ ପରିସୀମା ୬,୭୭୮ କିଲୋମିଟର ବୃଦ୍ଧି ପାଇଛି। ଭାରତୀୟ ଜଙ୍ଗଲ ସର୍ଭେ ରିପୋର୍ଟରେ ଏହା ଦର୍ଶାଯାଇଛି। ୨୦୧୫ଠାରୁ ୨୦୧୭ ମଧ୍ୟରେ ଏହା ହୋଇଥିବା ରିପୋର୍ଟରେ ପ୍ରକାଶ ପାଇଛି। ଆନ୍ଧ୍ରପ୍ରଦେଶ, କର୍ନାଟକ ଏବଂ କେରଳରେ ଜଙ୍ଗଲ ପରିସୀମାରେ ଅଧିକ ବୃଦ୍ଧି ଘଟିଥିବା ରିପୋର୍ଟରେ ସୂଚିତ କରାଯାଇଛି।

କମିଛି ରେଳ ଦୁର୍ଘଟଣା

କମିଛି ରେଳ ଦୁର୍ଘଟଣା

ନୂଆଦିଲ୍ଲୀ, ୨୨।୪ : ଗତ ୨୦୧୭-୧୮ ଆର୍ଥିକ ବର୍ଷରେ ଦେଶରେ ରେଳ ଦୁର୍ଘଟଣା କମିଛି। ରେଳ ମନ୍ତ୍ରଣାଳୟ ପକ୍ଷରୁ ଜାରି ହୋଇଥିବା ରିପୋର୍ଟରେ ଏହା ଦର୍ଶାଯାଇଛି। ରେଳ ଟ୍ରାକ୍‌ର ନବୀକରଣ ଯୋଗୁ ଏହା ସମ୍ଭବ ହୋଇପାରିଛି। ୨୦୧୭-୧୮ରେ ୭୩ ରେଳ ଦୁର୍ଘଟଣା ହୋଇଛି।

ପ୍ରଦୂଷଣ ମୁକ୍ତ ବାୟୁ ଓ ଜଳ ପାଇଁ ସଂଗ୍ରାମ ଜାରି ରଖିଛି ମଣିଷ: ଦିୟା ମିର୍ଜା

ପ୍ରଦୂଷଣ ମୁକ୍ତ ବାୟୁ ଓ ଜଳ ପାଇଁ ସଂଗ୍ରାମ ଜାରି ରଖିଛି ମଣିଷ: ଦିୟା ମିର୍ଜା

ବମ୍ବେ, ୨୨।୪ : ସମ୍ପ୍ରତି ମଣିଷ ପ୍ରଦୂଷଣ ମୁକ୍ତ ବାୟୁ, ଜଳ ଓ ଭୋଜନ ପାଇଁ ସଂଗ୍ରାମ ଜାରି ରଖିଛି। ଏନେଇ ବଲିଉଡ୍‌ ଅଭିନେତ୍ରୀ ଦିୟା ମିର୍ଜା ରବିବାର ବିଶ୍ୱ ପୃଥିବୀ ଦିବସ ଅବସରରେ ସୂଚିତ କରିଛନ୍ତି। ପୂର୍ବରୁ ମଣିଷ ଖାଦ୍ୟ, ବସ୍ତ୍ର ଓ ବାସଗୃହ ପାଇଁ ସଂଗ୍ରାମ କରୁଥିଲା। ତେବେ ପରିବର୍ତ୍ତିତ ସମୟ ସହିତ ସଂଗ୍ରାମର ଧାରା ବଦଳି ଯାଇଛି ବୋଲି ଦିୟା କହିଛନ୍ତି।

ବଳାତ୍କାରୀଙ୍କୁ ମୃତ୍ୟୁଦଣ୍ଡ  ଅଧ୍ୟାଦେଶ: ମିଳିଲା ରାଷ୍ଟ୍ରପ୍ରତିଙ୍କ ମଞ୍ଜୁରୀ

ବଳାତ୍କାରୀଙ୍କୁ ମୃତ୍ୟୁଦଣ୍ଡ ଅଧ୍ୟାଦେଶ: ମିଳିଲା ରାଷ୍ଟ୍ରପ୍ରତିଙ୍କ ମଞ୍ଜୁରୀ

ନୂଆଦିଲ୍ଲୀ, ୨୨।୪ : ଏଣିକି ୧୨ ବର୍ଷରୁ କମ୍‌ ବୟସର ଝିଅଙ୍କୁ ବଳାତ୍କାର କଲେ ଫାଶୀଦଣ୍ଡ ମିଳିବ। ୧୬ ବର୍ଷରୁ କମ୍‌ ବୟସର କନ୍ୟାଙ୍କୁ ବଳାତ୍କାର କରିଥିବା ବ୍ୟକ୍ତି ମଧ୍ୟ ଆଜୀବନ କାରାଦଣ୍ଡ ଭୋଗିବେ। ଏ ସମ୍ପର୍କିତ ଏକ ଅଧ୍ୟାଦେଶକୁ ରବିବାର ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରୀ ଦେଇଛନ୍ତି। ଫଳରେ ଏହି ଆଇନ ଏପ୍ରିଲ୍‌ ୨୨ ତାରିଖ(ରବିବାର)ଠାରୁ ଲାଗୁ ହୋଇଛି।