ବାଲେଶ୍ୱର

ମହିଳା ଓ ଶିଶୁଙ୍କ ପ୍ରତି ହିଂସା ରୋକିବା ନିମନ୍ତେ କର୍ମଶାଳା

ମହିଳା ଓ ଶିଶୁଙ୍କ ପ୍ରତି  ହିଂସା ରୋକିବା ନିମନ୍ତେ କର୍ମଶାଳା

ବାରିପଦା ଅଫିସ,୨୮।୧୨- ମୟୂରଭଞ୍ଜ ଜିଲା ବାରିପଦାସ୍ଥିତ ଷ୍ଟାଡିୟମ ସମ୍ମିଳନୀ କକ୍ଷରେ ମହିଳା ଓ ଶିଶୁଙ୍କ ପ୍ରତି ବିଭିନ୍ନ ସମୟରେ ଘଟୁଥିବା ହିଂସାକୁ ରୋକିବା ନିମନ୍ତେ ଗୁରୁବାର ଏକ ଦିନିକିଆ କର୍ମଶାଳା ଅନୁଷ୍ଠିତ ହୋଇଛି। ଜିଲା ସମାଜ ମଙ୍ଗଳ ବିଭାଗ ପକ୍ଷରୁ ଅନୁଷ୍ଠିତ ଏହି କର୍ମଶାଳାରେ ଜିଲାର ସମସ୍ତ ଥାନାର ମହିଳା ଓ ଶିଶୁ ଡେସ୍କ ଅଧିକାରୀ ଏବଂ ବିଭିନ୍ନ ଏନଜିଓ କର୍ମଚାରୀ ଯୋଗଦେଇଥିଲେ । ଜିଲା ସମାଜ ମଙ୍ଗଳ ଅଧିକାରିଣୀ କୁସୁମମାଳା ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି କର୍ମଶାଳାରେ ମୁଖ୍ୟ ଅତିଥି ଭାବେ ଜିଲା ଆରକ୍ଷୀ ଅଧିକ୍ଷକ ଅନିରୁଦ୍ଧ ସିଂ ଯୋଗଦେଇ ମହିଳା ଓ ଶିଶୁଙ୍କ ଉପରେ ହେଉଥିବା ବିଭିନ୍ନ ଅତ୍ୟାଚାର ସମ୍ପର୍କରେ ଆଲୋଚନା କରିବା ସହ ଏନେଇ କିପରି ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରିବ ସେ ନେଇ ମତ ରଖିଥିଲେ। ଏହା ସହ ପୋଲିସ ଏଥିପ୍ରତି କିପରି ଭାବେ କାର୍ଯ୍ୟ କରିବ ସେ ନେଇ ମଧ୍ୟ ଆଲୋଚନା କରିଥିଲେ। ଏହାଛଡା ଜିଲାରେ ଥିବା ବିଭିନ୍ନ ଥାନାରେ ମହିଳା ଓ ଶିଶୁ ଡେସ୍କର ରେଜିଷ୍ଟର ମଧ୍ୟ ଠିକ ଭାବେ କାର୍ଯ୍ୟକାରୀ ହେଉ ନ ଥିବାରୁ ଅଧିକାରୀମାନେ ପଦକ୍ଷେପ ନେବା ପାଇଁ କହିଥିଲେ। ଅନ୍ୟତମ ଅତିଥି ଭାବେ ଅତିରିକ୍ତ ଜିଲାପାଳ ଗଙ୍ଗାଧର ନାୟକ, ଜିଲା ଶିଶୁ ସୁରକ୍ଷା ଅଧିକାରିଣୀ ମମତାମୟୀ ବିଶ୍ୱାଳ, ଡିଏସପି (ଏଚଆରପିସି) ପ୍ରଭାତ କୁମାର ବିଶ୍ୱାଳ ପ୍ରମୁଖ ଯୋଗଦେଇଥିଲେ। ଏହି କର୍ମଶାଳାରେ ବିଶେଷ କରି ମହିଳାଙ୍କ କ୍ଷେତ୍ରରେ ଘଟୁଥିବା ପାରିବାରିକ ହିଂସା ନିର୍ଯାତନା ଆଦ କିପରି ଭାବେ ରୋକାଯାଇ ପାରିବ ସେନେଇ ଆଲୋଚନା କରାଯାଇଥିଲା। ଏପରିସ୍ଥଳେ ମହିଳାମାନେ ନିଜେ କିମ୍ବା ଅନ୍ୟ କୌଣସି ବ୍ୟକ୍ତିଙ୍କ ଦ୍ୱାରା ଥାନାରେ ଅଭିଯୋଗ କରିପାରିବେ ବୋଲି ଆଲୋଚନା ହୋଇଥିଲା। କର୍ମକ୍ଷେତ୍ରରେ ମହିଳାମାନଙ୍କ ଉପରେ ହେଉଥିବା ଯୌନ ନିର୍ଯାତନାକୁ କିପରି ଭାବେ ରୋକାଯାଇ ପାରିବ,ପୀଡ଼ିତାଙ୍କୁ କିପରି ସୁରକ୍ଷା ପ୍ରଦାନ କରାଯାଇପାରିବ ଆଲୋଚନା ହୋଇଥିଲା। ଏହାଛଡା ମହିଳା ଓ ଶିଶୁ ଡେକ୍ସରେ ରହୁଥିବା ସୁରକ୍ଷା ଅଧିକାରୀ ପାରିପାର୍ଶ୍ୱିକ ହିଂସା ସମ୍ପର୍କରେ ଅଭିଯୋଗ ପାଇଲେ ଉକ୍ତ ଅଭିଯୋଗକୁ ଗ୍ରହଣ କରିବା ସହ ତୁରନ୍ତ ଏହାର ତଦନ୍ତ କରିବେ। କ୍ଷତିଗ୍ରସ୍ତ ମହିଳାଙ୍କୁ ଆର୍ଥିକ ସହାୟତା ପ୍ରଦାନ କରିବା ପାଇଁ ତୁରନ୍ତ ଏନେଇ ମାଜିଷ୍ଟ୍ରେଟଙ୍କୁ ଜଣାଇବେ। ସେହିପରି ବିଭିନ୍ନ ସମୟରେ ଛୋଟ ଶିଶୁଙ୍କ କ୍ଷେତ୍ରରେ ହେଉଥିବା ବିଭିନ୍ନ ନିର୍ଯାତନାକୁ କିପରି ଭାବେ ରୋକାଯାଇ ପାରିବ ଏବେଂ ନେଇ କିପରି ଭାବେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ନେଇ ଏହି କର୍ମଶାଳାରେ ଆଲୋଚନା ହୋଇଥିଲା। ଏହି କର୍ମଶାଳାରେ ଜିଲାର ବିଭିନ୍ନ ଥାନାରୁ ମହିଳା ଓ ଶିଶୁ ଡେସ୍କର ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ।

All Right Reserved By

ବାଲେଶ୍ୱର

ଧନ୍ଦାମୂଳକ ଛାତ୍ରୀଛାତ୍ରଙ୍କୁ ସ୍ବାଗତ

ଭଣ୍ଡାରିପୋଖରୀ,୨୨।୭(ଡି.ଏନ.ଏ.)-ଭଣ୍ଡାରିପୋଖରୀ ବ୍ଲକ ମଞ୍ଜୁରିରୋଡସ୍ଥିତ ଗିରିଧାରୀ ପଣ୍ଡା ଉଚ୍ଚ ବିଦ୍ୟାପୀଠଠାରେ ୯ମ ଶ୍ରେଣୀ ଧନ୍ଦାମୂଳକ ଛାତ୍ରୀଛାତ୍ରଙ୍କୁ ୧୦ମ ଶ୍ରେଣୀ ଛାତ୍ରୀଛାତ୍ର ସ୍ବାଗତ କରିଥିଲେ। ଏହି ପରିପ୍ରେକ୍ଷୀରେ ପ୍ରଧାନ ଶିକ୍ଷକ ବୀରେନ୍ଦ୍ର କୁମାର ରାଉତଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା।

ଚାଷଜମିରେ ବନ୍ୟାଜଳ

ଚାଷଜମିରେ ବନ୍ୟାଜଳ

ଧାମନଗର,୨୨।୭(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକରେ ଥିବା ରେବ ଏବଂ କପାଳୀ ନଦୀରେ ବନ୍ୟା ଜଳ ପ୍ରବେଶ କରିଛି। ଫଳରେ କୋଠାର, ଧୁଷୁରୀ, ଅସୁରାଳୀ, ଗଢିଆଳୀ, ଖପରପଦା, କଟସାହି ଇତ୍ୟାଦି ପଞ୍ଚାୟତର ଚାଷଜମି ଜଳମଗ୍ନ ହୋଇଛି।

ପାଗଳ କୁକୁର କାମୁଡ଼ାରେ ୫ ଆହତ

ପାଗଳ କୁକୁର କାମୁଡ଼ାରେ ୫ ଆହତ

ଆରଡି, ୨୨ା୭(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକର ପାଳସାହି ଓ ବେତାଳି ଗାଁରେ ୪ ମହିଳା ଓ ଜଣେ ଶିଶୁ ପାଗଳା କୁକୁର କାମୁଡାରେ ଆହତ ହୋଇଛନ୍ତି ।

ଟ୍ରକ୍‌ ଧକ୍କାରେ ୫ ସ୍କୁଲ ଛାତ୍ରୀଛାତ୍ରଙ୍କ ମୃତ୍ୟୁ ଘଟଣା: ଡ୍ରାଇଭର ଗିରଫ

ଟ୍ରକ୍‌ ଧକ୍କାରେ ୫ ସ୍କୁଲ ଛାତ୍ରୀଛାତ୍ରଙ୍କ ମୃତ୍ୟୁ ଘଟଣା: ଡ୍ରାଇଭର ଗିରଫ

ଭଦ୍ରକ ଅଫିସ,୨୨।୭: ଭଦ୍ରକ ରାହାଞ୍ଜ ନିକଟରେ ଗୁରୁବାର ଦୁର୍ଘଟଣା ଘଟାଇଥିବା ଟ୍ରକ୍‌ର ଡ୍ରାଇଭର ଶନିବାର ବିଳମ୍ବିତ ରାତିରେ ଗିରଫ ହୋଇଛନ୍ତି। ଗ୍ରାମାଞ୍ଚଳ ପୋଲିସର ଏକ ସ୍ବତନ୍ତ୍ର ଟିମ୍‌ ତାଙ୍କୁ ଆନ୍ଧ୍ରପ୍ରଦେଶରୁ ଗିରଫ କରିଛି।

ବାରିପଦା ସହରରେ ଲୁଟେରା ସକ୍ରୀୟ: ଗୋଟିଏ ରାତିରେ ୪ ଏଟିଏମ୍‌ରୁ ୧୫ ଲକ୍ଷ ଲୁଟ୍‌

ବାରିପଦା ସହରରେ ଲୁଟେରା ସକ୍ରୀୟ: ଗୋଟିଏ ରାତିରେ ୪ ଏଟିଏମ୍‌ରୁ ୧୫ ଲକ୍ଷ ଲୁଟ୍‌

ବାରିପଦା ଅଫିସ,୨୨।୭: ବାରିପଦା ସହରରେ ସକ୍ରିୟ ହୋଇଛନ୍ତି ଲୁଟେରା। ସହରର ୪ଟି ଏଟିଏମ୍‌ରୁ ଶନିବାର ରାତିରେ ଲୁଟ୍‌ ହୋଇଛି। ସମସ୍ତ ଏଟିଏମ୍‌ରୁ ପ୍ରାୟ ୧୫ ଲକ୍ଷ ଟଙ୍କା ଲୁଟ୍‌ ହୋଇଥିବା ଜଣାପଡିଛି। ସହରର ତୁଳସୀଚୌରା, ଷ୍ଟେସନ ବଜାର, ପଲବଣି ଓ ଅସ୍ତିଆ ସ୍ଥିତ ବିଭିନ୍ନ ବ୍ୟାଙ୍କ ଏଟିଏମ୍‌ରୁ ଏହି ଲୁଟ ହୋଇଛି।

ଚଳଚଞ୍ଚଳ ଦ୍ୱିତୀୟ ଶ୍ରୀକ୍ଷେତ୍ର: ସୁନାବେଶରେ ଦର୍ଶନ ଦେଲେ ଠାକୁର

ଚଳଚଞ୍ଚଳ ଦ୍ୱିତୀୟ ଶ୍ରୀକ୍ଷେତ୍ର: ସୁନାବେଶରେ ଦର୍ଶନ ଦେଲେ ଠାକୁର

ବାରିପଦା ଅଫିସ,୨୨।୭: ଦ୍ୱିତୀୟ ଶ୍ରୀକ୍ଷେତ୍ର ବାରିପଦା ମାଉସୀ ମା’ ମନ୍ଦିରରେ ଠାକୁରମାନେ ରବିବାର ସୁନାବେଶରେ ଦର୍ଶନ ଦେଇଛନ୍ତି। ଏଥିପାଇଁ ମନ୍ଦିରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇଛି।

କୂଳ ଲଙ୍ଘୁଛି ସମୁଦ୍ର

କୂଳ ଲଙ୍ଘୁଛି ସମୁଦ୍ର

ଭୋଗରାଇ,୨୨।୭(ଡି.ଏନ.ଏ.): ଓଡ଼ିଶା-ପଶ୍ଚିମବଙ୍ଗ ସୀମାନ୍ତରେ ସୃଷ୍ଟ ଲଘୁଚାପ ଯୋଗୁ ଫୁଲିଛି ସମୁଦ୍ର । ଲଘୁଚାପ ସହିତ ମୌସୁମୀ ସକ୍ରିୟ ହେବାରୁ ବାଲେଶ୍ୱର ଜିଲାରେ ତୁହାକୁ ତୁହା ବର୍ଷା ହେଉଛି।

ପୁରାତନ ହୋଇବି ଶିକ୍ଷାନୁଷ୍ଠାନ ଅବହେଳିତ:କମାରଯୋଡା ୟୁଜିୟୁପି ସ୍କୁଲ

ପୁରାତନ ହୋଇବି ଶିକ୍ଷାନୁଷ୍ଠାନ ଅବହେଳିତ:କମାରଯୋଡା ୟୁଜିୟୁପି ସ୍କୁଲ

ଯୋଡା,୨୨।୭(ଡି.ଏନ.ଏ) କେନ୍ଦୁଝର ଜିଲା ଖଣି ଖାଦାନ ସମୃଦ୍ଧ ଯୋଡା ବ୍ଲକରେ ୧୯୬୭ ମସିହାରେ ସ୍ଥାପିତ କମାରଯୋଡା ୟୁଜିୟୁପି ସ୍କୁଲ ଅବହେଳିତ ଅବସ୍ଥାରେ ରହିଛି। ଆନୁସଙ୍ଗିିକ ଭିତ୍ତିଭୂମି ଅଭାବ ସାଙ୍ଗକୁ ଆବଶ୍ୟକ ଶିକ୍ଷକ ନ ଥିବାରୁ ପାଠପଢା ବିପର୍ଯ୍ୟସ୍ତ ହୋଇପଡିଛି। ଶ୍ରେଣୀଗୃହ ଅଭାବରୁ ଛାତ୍ରୀଛାତ୍ରମାନେ ପାଠ ପଢି ନ ପାରି ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ବିଦ୍ୟାଳୟ ପରିଚାଳନା କମିଟି ଅଭିଯୋଗ କରଥିଲେ ମଧ୍ୟ ଏହାର ପ୍ରତିକାର ହେଉ ନାହିଁ ା ପୁରୁଣା ଶ୍ରେଣୀ ଗୃହ ଛାତରୁ ବର୍ଷାପାଣି ଝରୁଥିବାରୁ ପିଲାମାନେ ବସି ଉଠି ପାରୁ ନାହାନ୍ତି। ଯୋଡା ବ୍ଲକର ସର୍ବାଗ୍ରେ ଏହି ବିଦ୍ୟାଳୟ ଥିବା ସତ୍ତ୍ୱେ ଏହାର ଉନ୍ନତି ଦିଗରେ ଉଭୟ ପ୍ରଶାସନ ଓ ସ୍ଥାନୀୟ ଖଣି କମ୍ପାନୀ ଦୃଷ୍ଟି ଦେଉ ନ ଥିବାରୁ ଅଭିଭାବକ ଓ ଅଞ୍ଚଳବାସୀ ଉଦ୍‌ବେଗ ପ୍ରକାଶ କରି ଆନ୍ଦୋଳନ ଚେତାବନୀ ଦେଇଛନ୍ତି।

ପାହାଡ଼ତଳି ଗାଁ କେନ୍ଦୁଘାଟି ବାହ୍ୟ ଜଗତରୁ ବିଚ୍ଛିନ୍ନ:ବଢୁଛି ବୈତରଣୀ, ମଣନ୍ଦା ନଦୀର ଜଳସ୍ତର

ପାହାଡ଼ତଳି ଗାଁ କେନ୍ଦୁଘାଟି ବାହ୍ୟ ଜଗତରୁ ବିଚ୍ଛିନ୍ନ:ବଢୁଛି ବୈତରଣୀ, ମଣନ୍ଦା ନଦୀର ଜଳସ୍ତର

ଝୁମ୍ପୁରା, ୨୨।୭ (ଡି.ଏନ.ଏ.)- ଦୁଇଦିନ ଧରି ପ୍ରବଳ ବର୍ଷା ଯୋଗୁ ବୈତରଣୀ ନଦୀରେ ଜଳ ପତ୍ତନ ବୃଦ୍ଧି ଘଟିଛି। ମଣନ୍ଦା ଏବଂ ବୈତରଣୀ ନଦୀ ଘେରରେ ଥିବା କେନ୍ଦୁଘାଟି ଗାଁ ଏଠାରେ ବାହ୍ୟ ଜଗତରୁ ଏକ ପ୍ରକାର ବିଚ୍ଛିନ୍ନ ହୋଇ ପଡିଛି। ନଦୀତଟ ଅଞ୍ଚଳରେ ଥିବା ଏହି ଗାମବାସୀ ବିପଦସଙ୍କୁଳ ସ୍ଥିତିରେ ବସବାସ କରୁଥିଲେ ମଧ୍ୟ ବର୍ଷାଦିନେ ସେମାନଙ୍କ ସୁରକ୍ଷା ଓ ଯାତାୟତ ସୁବିଧା ଲାଗି କୌଣସି ପଦକ୍ଷେପ ନିଆଯାଉ ନାହିଁ ।

ଜଣେ ନାବାଳିକା ସମେତ ୩ ଶିଶୁ ଉଦ୍ଧାର

କେନ୍ଦୁଝର, ୨୨ା୭ (ସ୍ବ.ପ୍ର.)- କେନ୍ଦୁଝର ସହରର ବିଭିନ୍ନ ସ୍ଥାନରୁ ୩ ଜଣ ଶିଶୁଙ୍କୁ ଉଦ୍ଧାର କରାଯାଇଛି ା ସହରରୁ ଶ୍ରମ ବିଭାଗ ୨ ଜଣ ବାଳକଙ୍କୁ ଉଦ୍ଧାର କରିଥିବାବେଳେ ଢାଙ୍ଗରପଡା ନିକଟରୁ ଜଣେ ବାଳିକାଙ୍କୁ ଉଦ୍ଧାର କରି ଶିଶୁ ସୁରକ୍ଷା କମିଟି ଆଗରେ ହାଜର କରାଇଛି। ସେମାନଙ୍କୁ କଲେଜରୋଡ ସ୍ଥିତ ଚାଇଲ୍ଡ ଲାଇନରେ ରଖାଯାଇଛି ା

ରଥ କମିଟି ଗଠିତ

ଢେଙ୍କିକୋଟ, ୨୨ା୭(ଡି.ଏନ୍‌.ଏ.)- କେନ୍ଦୁଝର ଜିଲା ଢେଙ୍କିକୋଟ ପଞ୍ଚାୟତ ଆଖପାଖ ୧୦ଟି ଗ୍ରାମପଞ୍ଚାୟତର ଲୋକଙ୍କ ମତାମତକୁ ନେଇ ରଥଯାତ୍ରାର ନୂତନ କମିଟି ଗଠନ କରାଯାଇଛି। ବାବା ବିଶ୍ୱନାଥ ମନ୍ଦିର ପ୍ରାଙ୍ଗଣରେ ବୈଠକ ବସି ରଥଯାତ୍ରା କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିବାପାଇଁ ଗୁରୁତ୍ୱାରୋପ କରାଯାଇଥିଲା। ନୂତନ କର୍ମକର୍ତ୍ତାଙ୍କ ମଧ୍ୟରେ କମିଟିର ଉପଦେଷ୍ଟା ମଣ୍ଡଳୀ ସଦସ୍ୟ ଭାବେ ପ୍ରଫେସର ଯୁଗଳ କିଶୋର ଦାସ, କୁଳମଣି ମଣ୍ଡଳ, ଦିନମଣି ବେହେରା, ନବଘନ ମାନସିଂହ, ଅନନ୍ତ ନାୟକ, ଅନନ୍ତ ନାୟକ, ରାମଚନ୍ଦ୍ର ସାହୁ ଏବଂ ନିତ୍ୟାନନ୍ଦ ବେହେରା ମନୋନୀତ ହୋଇଛନ୍ତି। ସେହିପରି କମିଟିର ଅଧ୍ୟକ୍ଷ ଭାବେ ପଞ୍ଚାୟତର ସରପଞ୍ଚ ଗୌରୀ ବାରିକଙ୍କୁ ନିର୍ବାଚିତ କରାଯାଇଛି। ତାଙ୍କ ପରେ ଯିଏ ସରପଞ୍ଚ ଭାବେ ନିର୍ବାଚିତ ହେବେ ସେ କମିଟିର ସଭାପତି ରହିବେ।

ସାପ କାମୁଡ଼ାରେ ସ୍ତ୍ରୀ ମୃତ, ସ୍ବାମୀ ଗୁରୁତର

ଯୋଡା,୨୨।୭(ଡି.ଏନ.ଏ.)- କେନ୍ଦୁଝର ଜିଲା ଯୋଡା ଥାନା ଅନ୍ତର୍ଗତ ବିଲେଇପଦା ରାସ୍ତା କଡରେ ପ୍ଲାଷ୍ଟିକ ଗୋଟାଇ ଗୁଜୁରାଣ ମେଣ୍ଟାଇ ଆସୁଥିବା ଦମ୍ପତି ଶୁକ୍ରବାର ଏକ ପରିତ୍ୟକ୍ତ ଘରେ ଶୋଇଥିବା ସମୟରେ ବିଷାକ୍ତ ସାପ କାମୁଡିବାରୁୁ ଘଟଣା ସ୍ଥଳରେ ସ୍ତ୍ରୀ ମୁନୀ କୁଜୁରଙ୍କର ମୃତ୍ୟୁ ଘଟିଛି। ସ୍ବାମୀ ପରଦେଶୀ କୁଜୁର ଗୁରୁତର ଆହତ ହୋଇଛନ୍ତି।

Watch Live Broadcast of Rath Yatra Puri, Odisha Here

Model This Week

ରୂପେଶ