ବାଣିଜ୍ୟ |

ପ୍ରତି ମାସରେ ବଢ଼ିବନି ଏଲ୍‌ପିଜି ଦର

 ପ୍ରତି ମାସରେ ବଢ଼ିବନି ଏଲ୍‌ପିଜି ଦର
ବମ୍ବେ,୨୮-୧୨(ପି.ଟି.) ପ୍ରତି ମାସରେ ଆଉ ଏଲ୍‌ପିଜି ଦର ବଢିବନି। ଏଥି ଲାଗି ଥିବା ନିର୍ଦ୍ଦେଶକୁ ସରକାର ପ୍ରତ୍ୟାହାର କରି ନେଇଛନ୍ତି। ବର୍ତ୍ତମାନ ପ୍ରତି ମାସରେ ଏଲ୍‌ପିଜି ଦରରେ ସିଲିଣ୍ଡର ପିଛା ୪ ଟଙ୍କା ମୂଲ୍ୟ ବୃଦ୍ଧି ଘଟୁଥିଲା। ସରକାର ଉଜ୍ଜ୍ୱଳା ଯୋଜନାରେ ଗରିବ ପରିବାରଗୁଡିକୁ ମାଗଣାରେ ରନ୍ଧନ ଗ୍ୟାସ ଯୋଗାଣ ଲାଗି କରିଥିବା ଯୋଜନାରେ ବିରୋଧାଭାସ ହେବାରୁ ଏହି ନିଷ୍ପତ୍ତିକୁ ପ୍ରତ୍ୟାହାର କରାଯାଇଥିବା ଜଣାଯାଇଛି। ୨୦୧୬ ଜୁନ ପହିଲାରୁ ପ୍ରତି ମାସରେ ଏଲ୍‌ପିଜି ସିଲିଣ୍ଡର ପିଛା ୪ ଟଙ୍କା ମୂଲ୍ୟ ବୃଦ୍ଧି ପାଇଁ ସରକାର ରାଷ୍ଟ୍ରାୟତ୍ତ ତୈଳ ବିପଣନ କମ୍ପାନୀଗୁଡିକୁ ନିର୍ଦ୍ଦେଶ ଦେଇଥିଲେ। ଇନ୍ଧନ ବାବଦକୁ ସରକାର ପ୍ରଦାନ କରୁଥିବା ସବ୍‌ସିଡିକୁ ସମ୍ପୂର୍ଣ୍ଣ ଭାବେ ଉଠାଇବା ଲାଗି ସରକାର ଏହିଭଳି ଏକ ପ୍ରକ୍ରିୟା ଆରମ୍ଭ କରିଥିଲେ। ମାତ୍ର ସରକାରଙ୍କ ଉଜ୍ଜ୍ୱଳା ଯୋଜନାର ଆଭିମୁଖ୍ୟକୁ ଏହା ବିରୋଧାଭାସ କରିବାରୁ ଏହିଭଳି ନିଷ୍ପତ୍ତି ହୋଇଥାଏ ପାରେ ବୋଲି କେତେକ ବିଶେଷଜ୍ଞ ପ୍ରକାଶ କରିଛନ୍ତି। ଏହି ନିଷ୍ପତ୍ତିକୁ ଅକ୍ଟୋବରରେ ଉଠାଇ ନିଆଯାଇଥିବା ପ୍ରକ୍ରିୟା ସହ ଜଡିତ ଜଣେ ଅଧିକାରୀ ପ୍ରକାଶ କରିଛନ୍ତି। ଏହା ପରଠାରୁ ଇଣ୍ଡିଆନ୍‌ ଅଏଲ କର୍ପୋରେଶନ(ଆଇଓସିଏଲ), ଭାରତ ପେଟ୍ରୋଲିୟମ କର୍ପୋରେଶନ (ବିପିସିଏଲ), ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେଶନ(ଏଚପିସିଏଲ) ଭଳି କମ୍ପାନୀଗୁଡିକ ଅକ୍ଟୋବରରେ କୌଣସି ମୂଲ୍ୟ ବୃଦ୍ଧି କରି ନାହାନ୍ତି। ଏହା ପୂର୍ବରୁ କମ୍ପାନୀଗୁଡିକ ୨୦୧୬ ଜୁଲାଇ ପହିଲାରୁ ମାସିକ ସିଲିଣ୍ଡର ପିଛା ଘରୋଇ ବ୍ୟବହାର ପାଇଁ ଉଦ୍ଦିଷ୍ଟ ଏଲପିଜି ଦରରେ ୨ ଟଙ୍କା ହିସାବରେ ବୃଦ୍ଧି କରିଥିଲେ। ନିୟମ ଲାଗୁ ହେବା ଠାରୁ ବର୍ତ୍ତମାନ ସୁଦ୍ଧା କମ୍ପାନୀଗୁଡିକ ୧୦ ଥର ମୂଲ୍ୟ ବୃଦ୍ଧି କରି ସାରିଛନ୍ତି। ପ୍ରତି ମାସରେ ସବ୍‌ସିଡି ହାରରେ ସରକାର ୧୨ଟି ସିଲିଣ୍ଡର ପ୍ରଦାନ କରୁଛନ୍ତି। ଏହା ପରେ ଅଧିକ ବ୍ୟବହାରରେ ଲୋକମାନେ ବଜାର ଦର ଅନୁସାରେ କିଣିବାର ବ୍ୟବସ୍ଥା ରହିଛି। ମେ ୩୦ରେ ସରକାର ଆଣିଥିବା ନିୟମ ମୁତାବକ ମୂଲ୍ୟକୁ ଦୁଇଗୁଣା କରାଯାଇଥିଲା। ଚଳିତ ବର୍ଷ ଜୁନ ୧ରୁ କମ୍ପାନୀଗୁଡିକ ସିଲିଣ୍ଡର ପିଛା ଟଙ୍କାକୁ ମୂଲ୍ୟ ବୃଦ୍ଧି ଘଟାଇଥିଲେ। ମାର୍ଚ୍ଚ ୨୦୧୮ ପର୍ଯ୍ୟନ୍ତ କିମ୍ବା ସବ୍‌ସିଡିକୁ ସମ୍ପୂର୍ଣ୍ଣ ବାଦ୍‌ ଦେବା ଯାଏ ଏହି ମୂଲ୍ୟ ବୃଦ୍ଧି ଘଟିଥାନ୍ତା। ସରକାର ଗୋଟିଏ ପକ୍ଷରେ ଗରିବଙ୍କୁ ମାଗଣା ଗ୍ୟାସ ପ୍ରଦାନ କରିବାକୁ କହୁଥିବା ବେଳେ ଅନ୍ୟ ପଟେ ଦର ବୃଦ୍ଧି ଘଟାଉ ଥିବାରୁ ଏହାକୁ ଧ୍ୟାନରେ ରଖି ଏହିଭଳି ନିଷ୍ପତ୍ତି ନେଇଛନ୍ତି ବୋଲି ଅଧିକାରୀ ଜଣଙ୍କ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ଅକ୍ଟୋବର ପରେ ମଧ୍ୟ ଟିକସଜନିତ ପ୍ରସଙ୍ଗ ଲାଗି ସବ୍‌ସିଡି ଏଲପିଜି ଦରରେ ପରିବର୍ତ୍ତନ ଘଟିଛି। ସୁବିଧାର ପ୍ରତ୍ୟକ୍ଷ ହସ୍ତାନ୍ତର(ଡିବିଟି) ଯୋଗୁ ଉପଭୋକ୍ତାଙ୍କୁ ସେମାନଙ୍କ ସବ୍‌ସିଡି ଅର୍ଥ ସେମାନଙ୍କ ବ୍ୟାଙ୍କ ଖାତାକୁ ସିଧାସଳଖ ପଠାଇ ଦିଆଯାଉଛି। ବଜାର ଦର ଅନୁସାରେ ଲୋକମାନେ ଏଲପିଜି କ୍ରୟ କରିବାକୁ ଏପରି ବ୍ୟବସ୍ଥା ହୋଇଛି। ଡିବିଟି ପୂର୍ବରୁ ଏଲପିଜି ସବ୍‌ସିଡି ଦରରେ ଡିଲରଙ୍କ ନିକଟରେ ଉପଲବ୍ଧ ହେଉଥିଲା। ସବ୍‌ସିଡି ସହ ଭାଟ ଲାଗୁ ହେଉଥିଲା। ମାତ୍ର ବର୍ତ୍ତମାନ ଏହା ବଜାର ଦର ଅନୁସାରେ ଉପଲବ୍ଧ ହେଉଛି। ପ୍ରତି ମାସରେ ବଜାର ଦରରେ ମଧ୍ୟ ପରିବର୍ତ୍ତନ ଆସୁଛି। ଏହା ଫଳରେ ରିଟେଲ ଦର ମଧ୍ୟ ପରିବର୍ତ୍ତନ କରିବାକୁ ପଡୁଛି ବୋଲି ଅଧିକାରୀ ଜଣଙ୍କ କହିଛନ୍ତି। ୧୭ ମାସରେ ଏଲପିଜି ଦର ୧୯ଥର ବଢ଼ି ୭୬.୫ ଟଙ୍କାରେ ପହଞ୍ଚିଛି। ରାଷ୍ଟ୍ରାୟତ୍ତ ତୈଳ କମ୍ପାନୀଗୁଡିକ ଗତ ବର୍ଷ ଜୁଲାଇଠାରୁ ପ୍ରତି ମାସ ପହିଲାରେ ଏଲପିଜି ଦରରେ ପରିବର୍ତ୍ତନ କରୁଛନ୍ତି। ନଭେମ୍ବର ୧ରେ ସବ୍‌ସିଡି ଏଲପିଜି ୪.୫୦ ଟଙ୍କା ସିଲିଣ୍ଡର ପିଛା ମୂଲ୍ୟ ବୃଦ୍ଧି ଘଟି ୪୯୫.୬୯ ଟଙ୍କା ରହିଛି। ୨୦୧୬ ଜୁନରେ ୧୪.୨ କିଲୋ ବିଶିଷ୍ଟ ଏଲପିଜି ସିଲିଣ୍ଡରର ମୂଲ୍ୟ ୪୧୯.୧୮ ଟଙ୍କା ରହିଥିଲା। ପେଟ୍ରୋଲିୟମ ମନ୍ତ୍ରଣାଳୟର ପେଟ୍ରୋଲିୟମ୍‌ ଆନାଲିସିସ୍‌ ଆଣ୍ଡ ପ୍ଲାନିଂ ସେଲ (ପିପିଏସି) ତଥ୍ୟ ମୁତାବକ ବର୍ତ୍ତମାନ ପ୍ରତି ସିଲିଣ୍ଡର ପିଛା ସବ୍‌ସିଡି ୨୫୧.୩୧ ଟଙ୍କା ରହିଛି। ଡିସେମ୍ବର ୧ରେ ଅଣସବ୍‌ସିଡି ଏଲପିଜିର ଦର ୫ ଟଙ୍କା ବୃଦ୍ଧି ଘଟି ସିଲିଣ୍ଡର ପିଛା ଏହା ୭୪୭ ଟଙ୍କା ରହିଛି। ବର୍ତ୍ତମାନ ଦେଶରେ ୧୮.୧୧ କୋଟି ଲୋକ ସବ୍‌ସିଡି ଏଲପିଜି ବ୍ୟବହାର କରୁଛନ୍ତି। ଏମାନଙ୍କ ମଧ୍ୟରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାରେ ୩ କୋଟିରୁ ଅଧିକ ମହିଳା ରହିଛନ୍ତି। ସେହିଭଳି ୨.୬୬ କୋଟି ଅଣ ସବ୍‌ସିଡି ରନ୍ଧନ ଗ୍ୟାସ ଉପଭୋକ୍ତା ରହିଛନ୍ତି ା ଏମାନଙ୍କ ମଧ୍ୟରେ ଗେଭ ଅପ୍‌ ଯୋଜନାରେ କେତେକ ଲୋକ ସବସିଡି ଛାଡିଛନ୍ତି।
All Right Reserved By

ବାଣିଜ୍ୟ |

ପିଏମ୍‌ଜେଏଓ୍ବାଇ ଯୋଜନା ଲାଗୁ କରିବେ ୨୭ ରାଜ୍ୟ

ପିଏମ୍‌ଜେଏଓ୍ବାଇ ଯୋଜନା ଲାଗୁ କରିବେ ୨୭ ରାଜ୍ୟ

ନୂଆଦିଲ୍ଲୀ,୨୧-୯: ଆସନ୍ତା ୨୫ରୁ ଦେଶର ସର୍ବବୃହତ ସ୍ବାସ୍ଥ୍ୟ ବୀମା ଯୋଜନା ଲାଗୁ ହୋଇଯିବ। ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା(ପିଏମ୍‌ଜେଏଓ୍ବାଇ) ନାମରେ ଏହା ପ୍ରଚଳିତ ହେବାକୁ ଯାଉଥିବା ବେଳେ ୨୭ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଏହାକୁ ଲାଗୁ କରିବାକୁ ଯାଉଛନ୍ତି। ନୀତି ଆୟୋଗ ସଦସ୍ୟ ତଥା ଏହି ଯୋଜନାର ରୂପକାର  ଭି.କେ. ପଲ୍‌ କହିଛନ୍ତି। ଏହି ଯୋଜନାରେ ସାମିଲ ହେବାକୁ ପ୍ରାୟ ୧ ଲକ୍ଷ ୫୦ ହଜାର ସରକାରୀ ଓ ଘରୋଇ ହସ୍ପିଟାଲ ରାଜି ହୋଇଛନ୍ତି। ଏହି ଯୋଜନାରେ ପ୍ରାୟ ୧୦ କୋଟି ହିତାଧିକାରୀ ଉପକୃତ ହେବେ ବୋଲି ସେ କହିଛନ୍ତି।

ଏୟାରସେଲ-ମ୍ୟାକ୍ସିସ୍‌ ଚୁକ୍ତି;ଯାଞ୍ଚ ସାରିବାକୁ ୩ ମାସ ଅଧିକ ସମୟ

ଏୟାରସେଲ-ମ୍ୟାକ୍ସିସ୍‌ ଚୁକ୍ତି;ଯାଞ୍ଚ ସାରିବାକୁ ୩ ମାସ ଅଧିକ ସମୟ

ନୂଆଦିଲ୍ଲୀ,୨୧-୯: ସୁପ୍ରିମକୋର୍ଟ ଗୁରୁବାର ଏୟାରସେଲ-ମ୍ୟାକ୍ସିସ ଚୁକ୍ତିରେ ହୋଇଥିବା କଥିତ ଦୁର୍ନୀତିର ତଦନ୍ତ ସମୟସୀମାକୁ ଆହୁରି ୩ ମାସ ବଢ଼ାଇ ଦେଇଛନ୍ତି। ଏହି ସମୟ ମଧ୍ୟରେ ତଦନ୍ତ ସାରିବାକୁ ବିଚାରପତି ଏ.କେ.ସିକ୍ରି ଓ ବିଚାରପତି ଅଶୋକ ଭୂଷଣଙ୍କୁ ନେଇ ଗଠିତ ସର୍ବୋଚ୍ଚ ଅଦାଲତ ଖଣ୍ଡପୀଠ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ଙ୍କୁୁ ନିର୍ଦ୍ଦେଶ ଦେଇଛନ୍ତି। ଏଥିପୂର୍ବରୁ ଖଣ୍ଡପୀଠ ମାର୍ଚ୍ଚ ୧୨ରେ ତାଙ୍କ ନିର୍ଦ୍ଦେଶରେ ସେପ୍ଟେମ୍ବର ୧୨ ସୁଦ୍ଧା ତଦନ୍ତ ସାରିବାକୁ ସିବିଆଇ ଓ ପ୍ରବର୍ତ୍ତନ ନିର୍ଦ୍ଦେଶାଳୟଙ୍କୁ କହିଥିଲେ। ଗୁରୁବାର ଇଡି ପକ୍ଷରୁ ହାଜର ହୋଇ ଅତିରିକ୍ତ ସଲିସିଟର ଜେନେରାଲ ତୁଷାର ମେହଟ୍ଟା ତଦନ୍ତ ସାରିବାକୁ ଆହୁରି ୨-୩ ମାସ ସମୟ ଆବଶ୍ୟକ ବୋଲି କହିଥିଲେ। କାରଣ କିଛି ଅଭିଯୁକ୍ତଙ୍କ ସହ ଇ-ମେଲ୍‌ ଜରିଆରେ ଯୋଗାଯୋଗ କରିବାକୁ ପଡିବ। ଉଲ୍ଲେଖଥାଉ କି, ୨ଜି ସ୍ପେକ୍ଟ୍ରମ ମାମଲାରେ ଏୟାରସେଲ-ମ୍ୟାକ୍ସିସ୍‌ ବିରୋଧରେ ଆସିଥିବା ମନି ଲଣ୍ଡରିଂ ଅଭିଯୋଗର ଇଡି ତଦନ୍ତ କରୁଛି।

୨୮ରେ ଜିଏସ୍‌ଟି କାଉନସିଲ ବୈଠକ; ସିମେଣ୍ଟ,ଏସି, ବଡ଼ ପରଦା ଟିଭି ଦାମ କମିପାରେ

୨୮ରେ ଜିଏସ୍‌ଟି କାଉନସିଲ ବୈଠକ; ସିମେଣ୍ଟ,ଏସି, ବଡ଼ ପରଦା ଟିଭି ଦାମ କମିପାରେ

ନୂଆଦିଲ୍ଲୀ,୨୧-୯: ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି)ର ୩୦ ତମ ବୈଠକ ଆସନ୍ତା ୨୮ରେ ଏଠାରେ ବସିବାକୁ ଯାଉଛି। ଭିଡିଓ କନଫରେନ୍ସିଂ ମାଧ୍ୟମରେ ହେବାକୁ ଥିବା ଏହି ବୈଠକରେ ସିମେଣ୍ଟ, ଏସି ଏବଂ ବଡ଼ ପରଦାର ଟିଭି ଉପରୁ ଟିକସ ହ୍ରାସ କରାଯାଇପାରେ। ଜୁଲାଇରେ ଅନୁଷ୍ଠିତ ବୈଠକରେ ଜିଏସ୍‌ଟି କାଉନସିଲ ୧୦୦ରୁ ଊର୍ଦ୍ଧ୍ୱ ସାମଗ୍ରୀ ଉପରୁ ଟିକସ ହ୍ରାସ କରିଥିଲେ। ସେହିଭଳି ୨୮% ସ୍ଲାବରେ ଥିବା ଫ୍ରିଜ୍‌, ଛୋଟ ପରଦାର ଟିଭି, ଓ୍ବାଶିଂ ମେଶିନର ଟିକସ ହ୍ରାସ କରାଯାଇଥିଲା। ଅନାବଶ୍ୟକ ତଥା ସାମଗ୍ରୀଗୁଡିକୁ ଛାଡି ଦେଲେ ଅବଶିଷ୍ଟ ସାମଗ୍ରୀଗୁଡିକର ଟିକସ ହ୍ରାସ କରାଯିବ ବୋଲି ପୂର୍ବରୁ କେନ୍ଦ୍ର ସରକାର କହିଥିଲେ। କେରଳ ବନ୍ୟାକୁ ଦୃଷ୍ଟିରେ ରଖି ବନ୍ୟା ପିଡିତଙ୍କ କଲ୍ୟାଣାର୍ଥେ ସେସ୍‌ ଲାଗୁ କରିବାକୁ କେରଳ ଅର୍ଥ ମନ୍ତ୍ରୀ ଥୋମାସ ଇସାକ୍‌ କାଉନସିଲରେ ପ୍ରସ୍ତାବ ଦେଇପାରନ୍ତି। ସେହିପରି ଏସ୍‌ଏମଇ ସେକ୍ଟରକୁ ଆଶ୍ୱସ୍ତ କରିବା ନେଇ କାଉନସିଲ ବୈଠକରେ ନିଷ୍ପତ୍ତି ନିଆଯାଇପାରେ ବୋଲି ବିଶେଷଜ୍ଞମାନେ ମତପ୍ରକାଶ କରିଛନ୍ତି। 

ସ୍ବଳ୍ପ ସଞ୍ଚୟ ସୁଧ ବଢ଼ିଲା

ସ୍ବଳ୍ପ ସଞ୍ଚୟ ସୁଧ ବଢ଼ିଲା

ନୂଆଦିଲ୍ଲୀ,୨୧-୯: ସ୍ବଳ୍ପ ସଞ୍ଚୟ ନିବେଶକାରୀଙ୍କ ଲାଗି ଖୁସି ଖବର। କେନ୍ଦ୍ର ସରକାର ରାଷ୍ଟ୍ରୀୟ ସଞ୍ଚୟ ପ୍ରମାଣପତ୍ର(ଏନ୍‌ଏସ୍‌ସି), ପବ୍ଲିକ ପ୍ରୋଭିଡେଣ୍ଟ ଫଣ୍ଡ(ପିପିଏଫ୍‌),ସୁକନ୍ୟା ଯୋଜନା ସମେତ ସମସ୍ତ ପ୍ରକାର ସ୍ବଳ୍ପ ସଞ୍ଚୟ ଯୋଜନାର ସୁଧ ହାରକୁ ବଢ଼ାଇ ଦେଇଛନ୍ତି। ଅକ୍ଟୋବର-ଡିସେମ୍ବର ତ୍ରୈମାସ ପାଇଁ ସୁଧରେ ୦.୪% ପର୍ଯ୍ୟନ୍ତ ସୁଧ ହାର ବଢ଼ାଯାଇଛି। ସୂଚନାଥାଉକି, ତୈମାସ ଆଧାରରେ ସ୍ବଳ୍ପ ସଞ୍ଚୟ ଯୋଜନାର ସୁଧ ହାର ସଂଶୋଧିତ ହୋଇଥାଏ। ସ୍ଥାୟୀ ଆୟ ଲାଗି ଏଭଳି ଯୋଜନାରେ ନିବେଶ ପ୍ରତି କ୍ଷୁଦ୍ର ନିବେଶକାରୀଙ୍କ ଆଗ୍ରହ ରହିଛି। ଦୀର୍ଘ ଦିନ ହେଲା ଏହି ସମସ୍ତ ଯୋଜନାର ସୁଧ ହାର ବଢ଼ି ନ ଥିଲା।

ଜେଟ୍‌ ଏୟାରଓ୍ବେଜ ବିମାନରେ ଅସ୍ବାଭାବିକ ଘଟଣା;ଯାତ୍ରୀଙ୍କ ନାକ-କାନରୁ ରକ୍ତସ୍ରାବ

ଜେଟ୍‌ ଏୟାରଓ୍ବେଜ ବିମାନରେ ଅସ୍ବାଭାବିକ ଘଟଣା;ଯାତ୍ରୀଙ୍କ ନାକ-କାନରୁ ରକ୍ତସ୍ରାବ

ନୂଆଦିଲ୍ଲୀ,୨୧-୯: ୧୪ ହଜାର ଫୁଟ୍‌ ଉପରେ ବିମାନରେ ଉଡୁଥିବା ବେଳେ ଅକ୍ସିଜେନର ଅଭାବ ହେଲେ କ’ଣ ହୋଇପାରେ ଜେଟ୍‌ ଏୟାରଓ୍ବେଜର ୧୬୬ ଯାତ୍ରୀ ଗୁରୁବାର ତାହା ମର୍ମେ ମର୍ମେ ଅନୁଭବ କରିଛନ୍ତି। ଗୁରୁବାର ଜେଟ୍‌ ଏୟାରଓ୍ବେଜର ମୁମ୍ବାଇ-ଜୟପୁର ବିମାନର ଉଡାଣ ବେଳେ ବିମାନ କର୍ମଚାରୀଙ୍କ ଗୋଟିଏ ଭୁଲ୍‌ରୁ ସମସ୍ତ ଯାତ୍ରୀଙ୍କ ଜୀବନ ପ୍ରତି ବିପଦ ଦେଖା ଦେଇଥିଲା। ଆକାଶକୁ ଉଠିବା ମାତ୍ରେ ବିମାନର ଅକ୍ସିଜେନ ଚାପ ବଜାୟ ରଖୁଥିବା ସୁଇଚ୍‌ ମାରିବାକୁ କର୍ମଚାରୀ ଭୁଲି ଯାଇଥିଲେ। ଫଳରେ ଅକ୍ସିଜେନ ଅଭାବରୁ ବିମାନରେ ଥିବା ସମସ୍ତ ଯାତ୍ରୀ ଏକ ସମୟରେ ଅଣନିଶ୍ୱାସୀ ହୋଇ ପଡିଥିଲେ। ତେବେ ତୁରନ୍ତ ପଦକ୍ଷେପ ନିଆଯିବା ଯୋଗୁ କିଛି ସମୟ ମଧ୍ୟରେ ସ୍ଥିତି ସ୍ବାଭାବିକ ହୋଇଥିଲା ସତ ଏହି ସ୍ବଳ୍ପ ସମୟର ଅବଧି ଭିତରେ ୩୦ ଜଣ ଯାତ୍ରୀଙ୍କ ନାକ ଓ କାନରୁ ରକ୍ତସ୍ରାବ ଆରମ୍ଭ ହୋଇଯାଇଥିଲା। 

ସିଏଚ୍‌. ଏସ୍‌.ଏସ୍‌ ମଲ୍ଲିକାର୍ଜୁନ ରାଓ ଆଲ୍ଲାହାବାଦ ବ୍ୟାଙ୍କ ଏମ୍‌ଡି, ସିଇଓ

ସିଏଚ୍‌. ଏସ୍‌.ଏସ୍‌ ମଲ୍ଲିକାର୍ଜୁନ ରାଓ ଆଲ୍ଲାହାବାଦ ବ୍ୟାଙ୍କ ଏମ୍‌ଡି, ସିଇଓ

ନୂଆଦିଲ୍ଲୀ,୨୧-୯: ଆଲ୍ଲାହାବାଦ ବ୍ୟାଙ୍କର ପରିଚାଳନା ନିର୍ଦ୍ଦେଶକ (ଏମ୍‌ଡି) ତଥା ସିଇଓ ଭାବେ ସିଏଚ୍‌. ଏସ୍‌.ଏସ୍‌. ମଲ୍କିକାର୍ଜୁନ ରାଓ କାର୍ଯ୍ୟଭାର ଗ୍ରହଣ କରିଛନ୍ତି। ଏହା ପୂର୍ବରୁ ସେ ସିଣ୍ଡିକେଟ ବ୍ୟାଙ୍କର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ଭାବେ କାର୍ଯ୍ୟ କରୁଥିଲେ। ବ୍ୟାଙ୍କିଙ୍ଗ ଶିଳ୍ପରେ ତାଙ୍କର ଦୀର୍ଘ ୩୩ ବର୍ଷର ଅଭିଜ୍ଞତା ରହିଛି। ସେ ଓରିଏଣ୍ଟାଲ ବ୍ୟାଙ୍କ ଅଫ୍‌ କମର୍ସର ଜେନେରାଲ ମ୍ୟାନେଜର ଏବଂ ସିଏଫ୍‌ଓ, ଗ୍ଲୋବାଲ ଟ୍ରଷ୍ଟ ବ୍ୟାଙ୍କର ଆସିଷ୍ଟାଣ୍ଟ ଭାଇସ ପ୍ରେସିଡେଣ୍ଟ ଭାବେ କାର୍ଯ୍ୟ କରିଛନ୍ତି। ୧୯୮୫ରେ ବ୍ୟାଙ୍କ ଅଫ୍‌ ମହାରାଷ୍ଟ୍ରରେ ପ୍ରୋବେଶନାରୀ ଅଫିସର କାର୍ଯ୍ୟ ଆରମ୍ଭ କରିଥିଲେ। ଓରିଏଣ୍ଟାଲ ବ୍ୟାଙ୍କ ଅଫ୍‌ କମର୍ସରେ ସେ ଆଞ୍ଚଳିକ ମୁଖ୍ୟ ରହିିବା ସହ ବ୍ୟାଙ୍କର ବିଭିନ୍ନ ବିଭାଗ ତଥା ଜେନେରାଲ ମ୍ୟାନେଜର ଦାୟିତ୍ୱରେ କାର୍ଯ୍ୟ କରିଛନ୍ତି। କ୍ରେଡିଟ, ରିକଭରି, ଟ୍ରେଜେରୀ, ରିସ୍କ ପରିଚାଳନା, ଇନଫରମେଶନ ଟେକ୍ନୋଲୋଜି, ଇନଫରମେଶନ ସିଷ୍ଟମ ମ୍ୟାନେଜମେମଣ୍ଟ, ରିଟେଲ ବ୍ୟାଙ୍କିଙ୍ଗ, ମାର୍କେଟିଂ, ପବ୍ଲିସିଟି ଏବଂ ଅଲଟରନେଟିଭ୍‌ ଡେଲିଭରି ଚ୍ୟାନେଲ୍‌  ଭଳି କ୍ଷେତ୍ରରେ ତାଙ୍କର କାର୍ଯ୍ୟ ଅଭିଜ୍ଞତା ରହିଛି। 

ପୂର୍ବତଟ ରେଳପଥର ସ୍ବଚ୍ଛତା ପକ୍ଷ

ପୂର୍ବତଟ ରେଳପଥର ସ୍ବଚ୍ଛତା ପକ୍ଷ

ନୂଆଦିଲ୍ଲୀ,୨୧-୯: ପୂର୍ବତଟ ରେଳପଥ ପକ୍ଷରୁ ସ୍ବଚ୍ଛତା ପକ୍ଷ କାର୍ଯ୍ୟକ୍ରମର ଦ୍ୱିତୀୟ ଦିବସରେ ଭୁବନେଶ୍ୱର ରେଳ ଷ୍ଟେଶନଠାରେ ‘ରେଳ ଷ୍ଟେଶନର ସଫେଇ ଓ ରକ୍ଷଣାବେକ୍ଷଣ’ ଉପରେ ଏକ ଆଲୋଚନାଚକ୍ର ଆୟୋଜିତ ହୋଇଯାଇଛି। କାର୍ଯ୍ୟକ୍ରମରେ ଭାରତ ସ୍କାଉଟ ଓ ଗାଇଡ, ପିପିଲି ସାଂସ୍କୃତିକ ପରିଷଦ, ଚାଇଲ୍ଡ ଲାଇନ ତଥା ଚାଇଲ୍ଡ ହେଲ୍ପ ଲାଇନର ସ୍ବେଚ୍ଛାସେବୀମାନେ ଯୋଗ ଦେଇଥିଲେ। ଏହି ଅବସରରେ ଷ୍ଟେଶନ ପରିସରରେ ଏକ ଶୋଭାଯାତ୍ରା ଅନୁଷ୍ଠିତ ହୋଇଥିଲା॥ ସକ୍ଷମ ହଲରେ ଆୟୋଜିତ କାର୍ଯ୍ୟକ୍ରମରେ ପୂର୍ବତଟ ରେଳପଥର ମୁଖ୍ୟ ସ୍ବାସ୍ଥ୍ୟ ନିର୍ଦ୍ଦେଶକ ଜେ.ପି. ପଣ୍ଡା ସ୍ବଚ୍ଛତା ଉପରେ ଗୁରୁତ୍ୱାରୋପ କରିଥିଲେ। 

ଏସ୍‌ବିଆଇ ପକ୍ଷରୁ ଗ୍ରୀନ ମାରାଥନ୍‌

ଏସ୍‌ବିଆଇ ପକ୍ଷରୁ ଗ୍ରୀନ ମାରାଥନ୍‌

ନୂଆଦିଲ୍ଲୀ,୨୧-୯: ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ) ପକ୍ଷରୁ ଦେଶର ୧୫ ସହରରେ ‘ଏସ୍‌ବିଆଇ ଗ୍ରୀନ ମାରାଥନ’ ଆୟୋଜନ ସମ୍ପର୍କରେ ଘୋଷଣା କରାଯାଇଛି। ପ୍ରଥମ ସଂସ୍କରଣର ସଫଳତା ପରେ ଏଭଳି ପଦକ୍ଷେପ ଗ୍ରହଣ କରାଯାଉଛି। ଭୁବନେଶ୍ୱରଠାରେ ଏହାକୁ ୨୦୧୯ ଫେବୃୟାରୀ ୩ରେ ଆୟୋଜନ କରାଯିବ। ଏଥିରେ ୫କେ, ୧୦କେ ଏବଂ ୨୧କେର ଦୌଡ ଆୟୋଜନ କରାଯିବ। ପ୍ରାୟ ୨୧ ହଜାର ଅଂଶ ଗ୍ରହଣକାରୀ ଏଥିରେ ଯୋଗ ଦେବେ। ସ୍ବଚ୍ଛ ତଥା ସବୁଜ ଦୁନିଆ ବିଷୟରେ ସଚେତନତା ଲାଗି ଏସ୍‌ବିଆଇ ଏଭଳି କାର୍ଯ୍ୟକ୍ରମ ଆୟୋଜନ କରୁଛି। ଏଥିରେ ଏସ୍‌ବିଆଇ ଜେନେରାଲ ଇନ୍‌ସ୍ୟୁରାନ୍ସ, ଏସ୍‌ବିଆଇ ଲାଇଫ, ଏସ୍‌ବିଆଇ ମ୍ୟୁଚୁଆଲ ଫଣ୍ଡ, ଏସ୍‌ବିଆଇ କାର୍ଡର  ଯୋଗଦାନ ରହିବ। ଏସ୍‌ବିଆଇ ଗ୍ରୀନ ମାରାଥନର ଦ୍ୱିତୀୟ ସଂସ୍କରଣରେ ପ୍ରବେଶ କରି ଅତ୍ୟନ୍ତ ଖୁସି ବୋଲି ଏସ୍‌ବିଆଇର ଡିଏମ୍‌ଡି-ସିଏଫ୍‌ଓ ତଥା ସିଡିଓ ପ୍ରଶାନ୍ତ କୁମାର ସୂଚନା ଦେଇଛନ୍ତି। 

ସାମ୍‌ସଙ୍ଗର ୨୦୧୮ ମୋବାଇଲ ସଲ୍ୟୁଶନ ଫୋରମ୍‌

ସାମ୍‌ସଙ୍ଗର ୨୦୧୮ ମୋବାଇଲ ସଲ୍ୟୁଶନ ଫୋରମ୍‌

ନୂଆଦିଲ୍ଲୀ,୨୧-୯: ସାମ୍‌ସଙ୍ଗ ଇଲେକଟ୍ରୋନିକ୍ସ ପକ୍ଷରୁ ନୂଆଦିଲ୍ଲୀଠାରେ ସାମ୍‌ସଙ୍ଗ ମୋବାଇଲ ସଲ୍ୟୁଶନ ଫୋରମ୍‌ ୨୦୧୮ ଆୟୋଜିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ସ୍ମାର୍ଟଫୋନ ବଜାର ପାଇଁ କମ୍ପାନୀର ନୂତନ ପ୍ରଯୁକ୍ତି ଓ ଅତ୍ୟାଧୁନିକ ଉପକରଣକୁ ପ୍ରଦର୍ଶନ କରାଯାଇଥିଲା। କାର୍ଯ୍ୟକ୍ରମରେ ୩୦୦ରୁ ଅଧିକ ଶିଳ୍ପ ବିଶେଷଜ୍ଞ ଯୋଗ ଦେଇଥିଲେ। ଏମାନଙ୍କ ମଧ୍ୟରେ ମୋବାଇଲ ନିର୍ମାତା, ଓଇଏମ୍‌, ଉପକରଣ ପାର୍ଟନର, ଆନାଲିଷ୍ଟ ସାମିଲ ଥିଲେ। ସାମ୍‌ସଙ୍ଗ ଅତ୍ୟାଧୁନିକ ତଥା ପ୍ରଯୁକ୍ତି ଭିତ୍ତିକ ସମାଧାନ ପ୍ରଦାନ କରୁଥିବା ସାମ୍‌ସଙ୍ଗ ଇଲେକଟ୍ରୋନିକ୍ସର ଦକ୍ଷିଣପୂର୍ବ ଏସିଆ ଉପସଭାପତି ଓ ମୁଖ୍ୟ ଡିଭାଇସ ସଲ୍ୟୁଶନ ହାଏଜିନ୍‌ ପାର୍କ ସୂଚନା ଦେଇଛନ୍ତି। ଏଥିରେ ସାମ୍‌ସଙ୍ଗର ଏକ୍ସିନସ ପରିବାରର ବିଭିନ୍ନ ଚିପ୍‌ ବ୍ୟତୀତ ଏକ୍ସିନସ ମୋଡେମ୫,୧୦୦, ଇଣ୍ଟରନେଟ ଅଫ୍‌ ଥିଙ୍ଗସ ସମାଧାନ ଭଳି ପ୍ରଡକ୍ଟ ପ୍ରଦର୍ଶନ କରାଯାଇଥିଲା। 

ଇନ୍ଦିରା ଆଇଭିଏଫ୍‌ ଭୁବନେଶ୍ୱରର ପ୍ରତିଷ୍ଠା ଦିବସ

ଇନ୍ଦିରା ଆଇଭିଏଫ୍‌ ଭୁବନେଶ୍ୱରର ପ୍ରତିଷ୍ଠା ଦିବସ

ଭୁବନେଶ୍ୱର,୨୧-୯: ଇନ୍ଦିରା ଆଇଭିଏଫ୍‌ ଗ୍ରୁପ ଭୁବନେଶ୍ୱର ସେଣ୍ଟର ପକ୍ଷରୁ ଏହାର ପ୍ରତିଷ୍ଠା ଦିବସ ପାଳିତ ହୋଇଯାଇଛି। ନିଃସନ୍ତାନ ଦମ୍ପତ୍ତିଙ୍କୁ ରିହାତିରେ ଚିକିତ୍ସା ସୁବିଧା ଯୋଗାଣ ଲକ୍ଷ୍ୟରେ ଗ୍ରୁପ ପକ୍ଷରୁ ଏହି ସେଣ୍ଟର ସ୍ଥାପନ କରାଯାଇଥିଲା। ନିରନ୍ତର ସେବା ଲାଗି ଏହି ଅବସରରେ ଗ୍ରୁପର ଅଧ୍ୟକ୍ଷ ଡ. ଅଜୟ ମୁର୍ଡିୟା ଅନୁଷ୍ଠାନର ସମସ୍ତ କର୍ମଚାରୀ ତଥା ଡାକ୍ତରଙ୍କୁ ଶୁଭେଛା ପ୍ରଦାନ କରିଛନ୍ତି। ଏହି ଅବସରରେ ‘ବେଟି ପଢାଓ ବେଟି ବଚାଓ’ ଅଭିଯାନ ଉପରେ ଗୁରୁତ୍ୱାରୋପ କରାଯାଇଛି। ଇନ୍ଦିରା ଆଇଭିଏଫ୍‌ ଭୁବନେଶ୍ୱରର ଡାକ୍ତର ଅକ୍ଷୟ ମହାପାତ୍ର ଅତିଥିଙ୍କୁ ସ୍ବାଗତ କରିବା ସହ କାର୍ଯ୍ୟକ୍ରମରେ ଯୋଗ ଦେଇଥିବାରୁ କୃତଜ୍ଞତା ଜ୍ଞାପନ କରିଥିଲେ। ସେଣ୍ଟରରେ ଅତ୍ୟାଧୁନିକ ଚିକିତ୍ସା ପଦ୍ଧତି ଗ୍ରହଣ କରାଯାଉଥିବା ଆଇଭିଏଫ୍‌ ସ୍ପେଶିଆଲିଷ୍ଟ ଡାକ୍ତର ସସ୍ମିତା କହିଛନ୍ତି। 

ସାମାଜିକ ସେବା ପାଇଁ ଓସିଏଲ୍‌ ପୁରଷ୍କୃତ

ସାମାଜିକ ସେବା ପାଇଁ ଓସିଏଲ୍‌ ପୁରଷ୍କୃତ

ଭୁବନେଶ୍ୱର,୨୧-୯: ଡାଲମିଆ ସିମେଣ୍ଟ (ଭାରତ) ଲିମିଟେଡର ପ୍ରମୁଖ କମ୍ପାନୀ ଓସିଏଲ୍‌ ଇଣ୍ଡିଆ ସିଏସ୍‌ଆର୍‌ କମ୍ୟୁନିଟି ଇନିସିଏଟିଭ୍‌ ପୁରଷ୍କାର ଲାଭ କରିଛି। ଏକ ଦାୟିତ୍ୱାନ କର୍ପୋରେଟ ଭାବେ ସିଏସ୍‌ଆର୍‌ ପଦ୍ଧତି କାର୍ଯ୍ୟକାରୀ କରିଥିବାରୁ ସଂସ୍ଥାକୁ ଏଭଳି ପୁରଷ୍କାର ମିଳିଛି। ଓସିଏଲ୍‌ ଇଣ୍ଡିଆର ସିଏସ୍‌ଆର ମୁଖ୍ୟ ନିଳାଦ୍ରୀ ପାରହୀ ଏବଂ ଡାଲମିଆ ଭାରତ ଫାଉଣ୍ଡେଶନ ମୁଖ୍ୟ ବିଶାଲ ଭରଦ୍ୱାଜଙ୍କ ନେତୃତ୍ୱାଧିନ ଟିମ୍‌ ରାଜ୍ୟ ଅର୍ଥମନ୍ତ୍ରୀ ଶଶିଭୂଷଣ ବେହେରାଙ୍କଠାରୁ ଏହି ପୁରଷ୍କାର ଲାଭ କରିଥିଲେ। ଓଡିଶା ସିଏସ୍‌ଆର୍‌ ଫୋରମ ପକ୍ଷରୁ ଏକ କାର୍ଯ୍ୟକ୍ରମରେ କମ୍ପାନୀ ଏହି ପୁରଷ୍କାର ଲାଭ କରିଛି। 

ବିଭିନ୍ନ ପ୍ରକଳ୍ପର ଲୋକାର୍ପଣ କରିବେ ମୋଦି

ବିଭିନ୍ନ ପ୍ରକଳ୍ପର ଲୋକାର୍ପଣ କରିବେ ମୋଦି

ଭୁବନେଶ୍ୱର,୨୧-୯(ବ୍ୟୁରୋ): କୋଇଲାରୁ ଗ୍ୟାସ ଉତ୍ପାଦନ ଦ୍ୱାରା ଦେଶର ପ୍ରଥମ ସାର କାରଖାନା ତାଳଚେରଠାରେ ସ୍ଥାପନ ହେବାକୁ ଯାଉଛି। ବନ୍ଦ ହୋଇ ପଡିଥିବା ଉକ୍ତ କାରଖାନାକୁ ନୂଆ ଟେକ୍ନୋଲୋଜି ବ୍ୟବହାର ଦ୍ୱାରା ପୁନରୁଦ୍ଧାର କରିବାକୁ ସରକାର ଲକ୍ଷ୍ୟ ଧାର୍ଯ୍ୟ କରିଛନ୍ତି। ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶା ଗସ୍ତରେ ଆସି ଏହି ପ୍ଲାଣ୍ଟ ସ୍ଥାପନ କାର୍ଯ୍ୟର ଶୁଭାରମ୍ଭ କରିବେ। ଏହା ସହ ରାଜ୍ୟର ଅନ୍ୟ କେତେକ ପ୍ରକଳ୍ପକୁ ମୋଦି ଭିଡିଓକନଫରେନ୍ସି ଯୋଗେ ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି। ସ୍ଥାନୀୟ ଏକ ହୋଟେଲରେ ତାଳଚେର ସାର କାରଖାନାର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ୟୁ.ଭି. ଧତ୍‌ରକ ଏହି ସୂଚନା ଦେଇଛନ୍ତି।