Dharitri News
ଅନଗୁଳ-ଢେଙ୍କାନାଳ

ଗଞ୍ଜେଇ ଚାଷ ଉପରେ ଲାଗିବ ଅଙ୍କୁଶ: ଚଢ଼ାଉ ଜୋରଦାର କରିବାକୁ ଜିଲାପାଳଙ୍କ ପରାମର୍ଶ

ଗଞ୍ଜେଇ ଚାଷ ଉପରେ ଲାଗିବ ଅଙ୍କୁଶ: ଚଢ଼ାଉ ଜୋରଦାର କରିବାକୁ ଜିଲାପାଳଙ୍କ ପରାମର୍ଶ ଅନୁଗୋଳ ଅଫିସ,୨୮।୧୨- ଜିଲାରେ ବେଆଇନ ଗଞ୍ଜେଇ ଚାଷ ଉପରେ ଅଙ୍କୁଶ ଲଗାଇବା ଉଦ୍ଦେଶ୍ୟରେ ଗୁରୁବାର ଜିଲାପାଳ ଅନିଲ କୁମାର ସାମଲଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟରେ ଏକ ଜିଲାସ୍ତରୀୟ ସମନ୍ବୟ କମିଟି ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଆରକ୍ଷୀ ଅଧୀକ୍ଷକ ବ୍ରିଜେଶ କୁମାର ରାୟ ଯୋଗ ଦେଇଥିଲେ। ପ୍ରାରମ୍ଭରେ ଅବକାରୀ ଅଧୀକ୍ଷକ ନିମାଇଁଚନ୍ଦ୍ର ସେଠୀ ବେଆଇନ ଗଞ୍ଜେଇ ତଥା ଭାଙ୍ଗ ଗଛ ନଷ୍ଟ ସମ୍ପର୍କରେ ସୂଚନା ଦେଇଥିଲେ। ଗତ ୧୨ ବର୍ଷ ହେଲା ବେଆଇନ ଗଞ୍ଜେଇ ଗଛକୁ ଏକ ସ୍ବତନ୍ତ୍ର ଅଭିଯାନରେ ନଷ୍ଟ କରାଯାଉଛି। ବୈଠକରେ ଗଞ୍ଜେଇ ଗଛ ନଷ୍ଟ କରିବା ସହ ନାର୍କୋଟିକ ଡ୍ରଗ୍ସର ନିୟମାବଳୀ ଉପରେ ଆଲୋଚନା ହୋଇଥିଲା। ନାର୍କୋଟିକ ଡ୍ରଗ୍ସ ଧାରା ୪୬ ଓ ୪୭ରେ ପ୍ରତ୍ୟେକ ସରପଞ୍ଚ ଓ ଗ୍ରାମାଞ୍ଚଳରେ କାର୍ଯ୍ୟରତ କର୍ମଚାରୀମାନେ ନିଜ ଗ୍ରାମରେ ସଭା ଡକାଇ ବେଆଇନ ଗଞ୍ଜେଇ ଚାଷ ସମ୍ପର୍କରେ ପୋଲିସ, ଅବକାରୀ ବିଭାଗକୁ ଜଣାଇବେ। ଏହି କାର୍ଯ୍ୟରେ ଖିଲାପ କଲେ ୩୨ ଧାରାରେ ଦଣ୍ଡବିଧାନ ବ୍ୟବସ୍ଥା ରହିଛି। ବୈଠକରେ ସରପଞ୍ଚ ଓ ଗ୍ରାମାଞ୍ଚଳରେ କାର୍ଯ୍ୟରତ ଅଧିକାରୀମାନେ ଉପସ୍ଥିତି ନ ଥିବାରୁ ଜିଲା ପଞ୍ଚାୟତ ଅଧିକାରୀଙ୍କ ଜରିଆରେ ଏହି ଆଇନ୍‌ ସମ୍ପର୍କରେ ସେମାନଙ୍କୁ ଜଣାଇବାକୁ ସ୍ଥିର କରାଯାଇଥିଲା। ଜିଲାରେ ଗତ ୨୦୧୫-୧୬ ବର୍ଷରେ ୧୨୯.୩୭ ଏକର ଓ ୨୦୧୬-୧୭ରେ ୧୧୨.୯୬ ଏକର ଜମିରୁ ୧,୫୨,୦୦୦ଟି ଗଛକୁ ନଷ୍ଟ କରାଯାଇଛି। ମୁଖ୍ୟତଃ ଜିଲାର ପୁରୁଣାକୋଟ, ଜରପଡ଼ା ଓ ହଣ୍ଡପା ଅଞ୍ଚଳର ସରକାରୀ, ଗୋଚର, ସଂରକ୍ଷିତ ଜଙ୍ଗଲ, ଅଭୟାରଣ୍ୟ ଓ ଗ୍ରାମ୍ୟ ଜଙ୍ଗଲ ଜମିରେ ଅଧିକ ସଂଖ୍ୟାରେ ଏହା ଚାଷ ହେଉଛି। ୨୦୧୭-୧୮ ଆର୍ଥତ୍କ ବର୍ଷରେ ମାତ୍ର ୩୮ଏକର ଜାଗାରୁ ଗଞ୍ଜେଇ ଗଛକୁ ନଷ୍ଟ କରାଯାଇଛି। ଏହି ହାରକୁ ବୃଦ୍ଧି କରିବା ସହ ପୋଲିସ, ବନ ବିଭାଗ ଓ ଅବକାରୀ ବିଭାଗ ମିଳିତ ଚଢ଼ାଉ ଜୋରଦାର କରିବାକୁ ଜିଲାପାଳ ପରାମର୍ଶ ଦେଇଥିଲେ। ବୈଠକରେ ବନଖଣ୍ଡ ଅଧିକାରୀ ଭି. କାର୍ତ୍ତିକ, ଅତିରିକ୍ତ ଜିଲାପାଳ ଶ୍ରୀନିବାସ ବେହେରା, ଉପଜିଲାପାଳ ସରୋଜକାନ୍ତ ମହାନ୍ତିଙ୍କ ସମେତ ବନ ବିଭାଗ ଓ ଅବକାରୀ ବିଭାଗ କର୍ମକର୍ତ୍ତାମାନେ ଉପସ୍ଥିତ ଥିଲେ।

ଅନଗୁଳ-ଢେଙ୍କାନାଳ

ପ୍ରଶାନ୍ତ ଦାସଙ୍କୁ ଆଶ୍ୱସ୍ତି

ଢେଙ୍କାନାଳ ଅଫିସ, ୧୮ା୧- ଢେଙ୍କାନାଳ ଜିଲା ଦୌରାଜଜ୍‌ଙ୍କ ଅଦାଲତରେ ସି-ଶୋର ଗ୍ରୁପ୍‌ ଅଫ୍‌ କମ୍ପାନୀର ମୁଖ୍ୟ ପ୍ରଶାନ୍ତ ଦାଶଙ୍କ ଜାମିନ ଆବେଦନ ଗୁରୁବାର ମଞ୍ଜୁର ହୋଇଛି। ସ୍ଥାନୀୟ ଟାଉନ ଥାନାରେ ଠକେଇ ଅଭିଯୋଗରେ ରୁଜୁ ହୋଇଥିବା ୩ ମାମଲାରେ ପ୍ରଶାନ୍ତଙ୍କୁ ଜାମିନ ମିଳିଛି। ଜିଲା ଦୌରାଜଜ୍‌ଙ୍କ ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ ଲଲାଟେନ୍ଦୁ ଜେନା ତାଙ୍କ ଜାମିନ ଆବେଦନ ମଞ୍ଜୁର କରିଛନ୍ତି।

ଦେଶରେ ମିଳିମିଳା ଶିଶୁମୃତ୍ୟୁ ସର୍ବାଧିକ

ଦେଶରେ ମିଳିମିଳା ଶିଶୁମୃତ୍ୟୁ ସର୍ବାଧିକ

ଢେଙ୍କାନାଳ ଅଫିସ, ୧୮ା୧- ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ଜାତୀୟ ସ୍ବାସ୍ଥ୍ୟ ମିଶନ ସମ୍ମିଳନୀ କକ୍ଷରେ ଗୁରୁବାର ମଧ୍ୟାହ୍ନରେ ମିଜିଲ୍ସ, ରୁବେଲା ଭ୍ୟାକ୍ସିନେଶନ କ୍ୟାମ୍ପେନ୍‌ ସମ୍ପର୍କିତ ଗଣମାଧ୍ୟମକୁ ନେଇ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। କର୍ମଶାଳାରେ ଯୋଗଦେଇ ଜିଲା ମୁଖ୍ୟ ଚିକିତ୍ସାଧିକାରୀ ଡା. ବାସୁଦେବ ବେହେରା ମିଳିମିଳା ଓ ରୁବେଲା ରୋଗ ସମ୍ପର୍କରେ ଆଲୋଚନା କରିଥିଲେ। ଭାରତରେ ପ୍ରତିବର୍ଷ ୩୦ହଜାର ଶିଶୁ ମିଳିମିଳାରେ ପ୍ରାଣ ହରାଇଥାନ୍ତି। ସେହିପରି ବିଶ୍ୱରେ ୩ଟି ମିଳିମିଳାଜନିତ ଶିଶୁମୃତ୍ୟୁ ମଧ୍ୟରେ ଜଣେ ଭାରତୀୟ ବୋଲି ଅଧିକାରୀମାନେ ସୂଚନା ଦେଇଥିଲେ।

ବିଲ୍‌ ନ ଦେଇ ପୋଲିସ ବିଦ୍ୟୁତ୍‌ ଜାଳିବା ଘଟଣା : ୧୫ ଦିନ ମଧ୍ୟରେ ହେବେ କଞ୍ଜୁମର

ବିଲ୍‌ ନ ଦେଇ ପୋଲିସ ବିଦ୍ୟୁତ୍‌ ଜାଳିବା ଘଟଣା : ୧୫ ଦିନ ମଧ୍ୟରେ ହେବେ କଞ୍ଜୁମର

ଅନୁଗୋଳ ଅଫିସ,୧୮।୧- ଅନୁଗୋଳ ଥାନା ଓ ଜିଲା ହେଡକ୍ୱାର୍ଟର୍ସ ପଛପାଖରେ ଥିବା ମୋଟ୍‌ ୬୮ଟି ପୋଲିସ କାର୍ଟର୍ସ ମଧ୍ୟରୁ ୬୪ଟି କ୍ୱାର୍ଟର୍ସ କଞ୍ଜୁମର ଭାବେ ପଞ୍ଜୀକୃତ ହୋଇ ନ ଥିଲେ ମଧ୍ୟ ଦୀର୍ଘବର୍ଷ ହେବ ବିଦ୍ୟୁତ୍‌ ବ୍ୟବହାର କରିଆସୁଛନ୍ତି। ଏସବୁ କ୍ୱାର୍ଟର୍ସରେ ମିଟର ଲଗାଯାଇ ନାହିଁ କି ରହୁଥିବା କର୍ମଚାରୀମାନେ ମଧ୍ୟ କୌଣସି ବିଲ୍‌ ଦେଉନାହାନ୍ତି। ବୁଧବାର ଏ ନେଇ ‘ଧରିତ୍ରୀ’ରେ ‘ପୋଲିସ କ୍ବାର୍ଟର୍ସ ବୋଲି, ବିଲ୍‌ ନ ଦେଇ ଜାଳୁଛନ୍ତି ବିଜୁଳି’ ଶୀର୍ଷକରେ ଖବର ପ୍ରକାଶ ପାଇବା ପରେ ଏବେ ଉକ୍ତ କ୍ୱାର୍ଟର୍ସକୁ କଞ୍ଜୁମର କରାଯିବାକୁ ପଦକ୍ଷେପ ନେବା ଆରମ୍ଭ ହୋଇଛି।

୬ଷ୍ଠ ଜିଲା ମହୋତ୍ସବ ଉଦ୍‌ଘାଟିତ ; ଅନୁଗୋଳର ଐତିହ୍ୟ, ପରମ୍ପରା, ସଂସ୍କୃତି ମହାନ୍‌

୬ଷ୍ଠ ଜିଲା ମହୋତ୍ସବ ଉଦ୍‌ଘାଟିତ ; ଅନୁଗୋଳର ଐତିହ୍ୟ, ପରମ୍ପରା, ସଂସ୍କୃତି ମହାନ୍‌

ଅନୁଗୋଳ ଅଫିସ,୧୮।୧- ଶିଳ୍ପ ସମୃଦ୍ଧ ଜିଲା ଭାବେ ଅନୁଗୋଳ ସାରା ଭାରତବର୍ଷରେ ପରିଚୟ ସୃଷ୍ଟି କରିପାରିଛି। ଏଠିକାର ଐତିହ୍ୟ, ପରମ୍ପରା ଓ ସଂସ୍କୃତି ଅତ୍ୟନ୍ତ ମହାନ। ଶେଷ ରାଜା ସୋମନାଥ ସିଂ ଜଗଦ୍ଦେବ, ସଂଗ୍ରାମୀ ପବିତ୍ର ପ୍ରଧାନ, କବି ରାଧାମୋହନ ଗଡ଼ନାୟକ, ମାଳତୀ ଚୌଧୁରୀ, ନବକୃଷ୍ଣ ଚୌଧୁରୀଙ୍କ ପାଇଁ ଅନୁଗୋଳ ମାଟି ଗର୍ବିତ। ଜିଲା ସଂସ୍କୃତି ପରିଷଦ ଆନୁକୂଲ୍ୟରେ ଗୁରୁବାର ସ୍ଥାନୀୟ ଷ୍ଟାଡିୟମ ପରିସରରେ ଆୟୋଜିତ ଷଷ୍ଠ ଅନୁଗୋଳ ଜିଲା ମହୋତ୍ସବକୁ ଉଦ୍‌ଘାଟନ କରି ମୁଖ୍ୟଅତିଥି ତଥା ରାଜ୍ୟ ଗ୍ରାମ୍ୟ ଉନ୍ନୟନ, ସଂସଦୀୟ ବ୍ୟାପାର ଏବଂ ସୂଚନା ଓ ଲୋକସମ୍ପର୍କ ମନ୍ତ୍ରୀ ବିକ୍ରମ କେଶରୀ ଆରୁଖ ଏହି ମତବ୍ୟକ୍ତ କରିଛନ୍ତି।

ବିଶ୍ୱ ମାନବାଧିକାର ସୁରକ୍ଷା ସଂଘ କାର୍ଯ୍ୟାଳୟ ଉଦ୍‌ଘାଟିତ

ବିଶ୍ୱ ମାନବାଧିକାର ସୁରକ୍ଷା ସଂଘ କାର୍ଯ୍ୟାଳୟ ଉଦ୍‌ଘାଟିତ

ତାଳଚେର,୧୮ା୧(ନି.ପ୍ର.)- ବିଶ୍ୱ ମାନବାଧିକାର ସୁରକ୍ଷା ସଂଘର ତାଳଚେର କାର୍ଯ୍ୟାଳୟ ବୁଧବାର ସ୍ଥାନୀୟ ହାଣ୍ଡିଧୂଆଁ ଛକଠାରେ ଉଦ୍‌ଘାଟିତ ହୋଇଯାଇଛି। ତାଳଚେର ବିଧାୟକ ବ୍ରଜକିଶୋର ପ୍ରଧାନ ଏହାକୁ ଉଦ୍‌ଘାଟନ କରିଥିଲେ। ଏହି ଅବସରରେ ପର୍ଯ୍ୟାବରଣର ଭୟାବହତାରୁ ତାଳଚେର ବଞ୍ଚାଅ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ସଂଘର ରାଜ୍ୟ ସଭାପତି ଡ. ଅଭିନ୍ନ କୁମାର ହୋତା ଏହି ଆଲୋଚନାଚକ୍ରକୁ ଉଦ୍‌ଘାଟନ କରିଥିଲେ।

ଜିଲାର ୭୯ ୱାର୍ଡରେ ଉପନିର୍ବାଚନ ଆଜି

ଅନୁଗୋଳ ଅଫିସ,୧୮।୧- ଅନୁଗୋଳ ଜିଲାର ୫୯ ପଞ୍ଚାୟତର ୭୯ଟି ୱାର୍ଡରେ ୱାର୍ଡସଭ୍ୟ ପଦବୀ ପାଇଁ ଶୁକ୍ରବାର ଉପନିର୍ବାଚନ ଅନୁଷ୍ଠିତ ହେବ। ଏଥିପାଇଁ ୨୬୧ଜଣ ପୋଲିଙ୍ଗ ଅଫିସର ନିୟୋଜିତ ହୋଇଥିବା ବେଳେ ୮୭ ପୋଲିସ କର୍ମଚାରୀ ସୁରକ୍ଷା ଦାୟିତ୍ୱରେ ଅଛନ୍ତି। ମୋଟ୍‌ ୧୭୧ଟି ୱାର୍ଡରେ ଏହି ଉପନିର୍ବାଚନ ହେବାର କାର୍ଯ୍ୟକ୍ରମ ରହିଥିଲା। ହେଲେ ୯୧ଜଣ ପ୍ରାର୍ଥୀ ନିର୍ଦ୍ଦୋନ୍ଦ ଥିବାରୁ ୭୯ ୱାର୍ଡ ସଭ୍ୟ ପଦବୀ ପାଇଁ ଏହି ଉପନିର୍ବାଚନ କରାଯିବ।

ଅନ୍‌ଲାଇନ ମ୍ୟୁଟେଶନର ଶୁଭାରମ୍ଭ

ଅନ୍‌ଲାଇନ ମ୍ୟୁଟେଶନର ଶୁଭାରମ୍ଭ

ତାଳଚେର,୧୮ା୧(ନି.ପ୍ର)- ରାଜସ୍ବ ଓ ବିପର୍ଯ୍ୟୟ ପ୍ରଶମନ ବିଭାଗ ଏବଂ ରାଷ୍ଟ୍ରୀୟ ସୂଚନା ବିଜ୍ଞାନକେନ୍ଦ୍ରର ସହଯୋଗରେ ଅନୁଗୋଳ ଜିଲା ତାଳଚେର ତହସିଲରେ ଗୁରୁବାର ଅନ୍‌ଲାଇନ ଖାରଜ ଦାଖଲ (ମ୍ୟୁଟେଶନ)ର ଶୁଭାରମ୍ଭ ହୋଇଛି।

ବିଜେଡି କାର୍ଯ୍ୟକାରିଣୀ ବୈଠକ

ବିଜେଡି କାର୍ଯ୍ୟକାରିଣୀ ବୈଠକ

ଛେଣ୍ଡିପଦା, ୧୮ା୧(ଡି.ଏନ.ଏ.)- ଛେଣ୍ଡିପଦା ବ୍ଲକ ବିଜେଡି ପକ୍ଷରୁ ବ୍ଲକସ୍ତରୀୟ କାର୍ଯ୍ୟକାରିଣୀ ବୈଠକ ବୁଧବାର କୋଶଳା ଗ୍ରାମଠାରେ ଅନୁଷ୍ଠିତ ହୋଇଯାଇଛି। ବିଧାୟକ ସୁଶାନ୍ତ କୁମାର ବେହେରାଙ୍କ ଆହ୍ବାନ କ୍ରମେ ବ୍ଲକ ସଭାପତି ଶ୍ରୀଧର ଗଡନାୟକଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ଦଳୀୟ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରାଯାଇଥିଲା।

ମାଡ଼ ମାରି ବାଇକ୍‌, ଟଙ୍କା ଲୁଟ୍‌

ତାଳଚେର, ୧୮।୧(ଡି.ଏନ.ଏ.)- ତାଳଚେର ଥାନା ରଙ୍ଗବେଡା ନିକଟରେ ଜଣେ ବାଇକ ଆରୋହୀଙ୍କୁ ଗୁରୁବାର ସନ୍ଧ୍ୟାରେ ୩ ଜଣ ଦୁର୍ବୃତ୍ତ ମାଡ଼ ମାରି ଲୁଟ୍‌ କରିଛନ୍ତି। ଏ ନେଇ ତାଳଚେର ଥାନାରେ ଅଭିଯୋଗ ହୋଇଛି।

ଟ୍ରକକୁ ପିଟିଲା ଟ୍ରକ୍‌: ଖଲାସି ମୃତ, ଚାଳକ ଗୁରୁତର

ଛେଣ୍ଡିପଦା, ୧୮। ୧(ଡି.ଏନ.ଏ.)- ୫୫ ନଂ. ଜାତୀୟ ରାଜପଥର ଅନୁଗୋଳ ଜିଲା ଜରପଡା ଥାନା ମରାତିରା ଛକ ନିକଟରେ ଗୁରୁବାର ସକାଳେ ଛିଡା ହୋଇଥିବା ଟ୍ରକ୍‌କୁ ଏକ କୋଇଲା ବୋଝେଇ ଟ୍ରକ୍‌ ଧକ୍କା ଦେଇ ଦୁର୍ଘଟଣାଗ୍ରସ୍ତ ହୋଇଛି।

ଆଜି ଓ୍ବାର୍ଡ ସଭ୍ୟ ଉପନିର୍ବାଚନ

କଣିହାଁ, ୧୮।୧(ଡି.ଏନ.ଏ.)- କଣିହାଁ ବ୍ଲକରେ ଖାଲି ପଡିଥିବା ଓ୍ବାର୍ଡ ସଭ୍ୟ ପଦବୀ ପାଇଁ ଶୁକ୍ରବାର ଉପନିର୍ବାଚନ ହେବ। ୧୩ଟି ପଞ୍ଚାୟତର ୧୪ଟି ଓ୍ବାର୍ଡରେ ମତଦାନ ପାଇଁ ବ୍ୟବସ୍ଥା ହୋଇଛି।

ଗଞ୍ଜେଇ ସହ ବାଇକ ଜବତ, ୨ ଗିରଫ

ବଇଣ୍ଡା, ୧୮।୧(ଡି.ଏନ.ଏ.)- କିଶୋରନଗର ଷ୍ଟେଟ ବ୍ୟାଙ୍କ ନିକଟରୁ କିଶୋରନଗର ପୋଲିସ ଗୁରୁବାର ପୂର୍ବାହ୍ନରେ ଏକ ବାଇକ୍‌ ସହ ୧୦ କେଜି ଗଞ୍ଜେଇ ଜବତ କରିଛି। ଏହାସହ ଏଥିରେ ସମ୍ପୃକ୍ତ ବ୍ୟବସାୟୀ ପୁରୁଣାକଟକ ଥାନା ଖଣ୍ଡହତା ଗ୍ରାମର ସିଦ୍ଧାନ୍ତ ବଘାର ଓ ଧରମା ବଘାରଙ୍କୁ ଗିରଫ କରିଛି। ଘ