ସମ୍ପାଦକୀୟ |

ଅଶୁଭ ଶକୁନ

ଅଶୁଭ ଶକୁନ
ସମ୍ପାଦକୀୟ/ଆଜିର ଅର୍ଥନୀତି ଆମେ ୨୦୧୭ ବର୍ଷକୁ ବିଦାୟ ଦେଇ ନୂଆ ବର୍ଷକୁ ସ୍ବାଗତ କରିବାକୁ ଯାଉଥିବା ବେଳେ ସରକାର ଚଳିତ ଆର୍ଥିକ ବର୍ଷରେ ବିତ୍ତୀୟ ନିଅଣ୍ଟର ଧାର୍ଯ୍ୟ ଲକ୍ଷ୍ୟ ୩.୨% ହାସଲ କରିବାକୁ କ୍ଷମ ହେବେ ନାହିଁ ବୋଲି ରିପୋର୍ଟ ମିଳିଛି। ଦେଶର ଅର୍ଥନୀତି ପାଇଁ ଏହା ଏକ ଅଶୁଭ ଶକୁନ। ଦ୍ରବ୍ୟ ଓ ସେବା କର (ଜିଏସ୍‌ଟି) ମାଧ୍ୟମରେ ମିଳିଥିବା ଟିକସ ପରିମାଣ ଡିସେମ୍ବର ମାସରେ ଯଥେଷ୍ଟ ହ୍ରାସ ପାଇବାରୁ ସରକାର ବିଭିନ୍ନ ଯୋଜନା କାର୍ଯ୍ୟକାରୀ କରିବା ଓ ଦେଇଥିବା ପ୍ରତିଶ୍ରୁତି ପୂରଣ କରିବା ପାଇଁ ୫୦,୦୦୦ କୋଟି ଟଙ୍କା ଋଣ କରିବାକୁ ବାଧ୍ୟ ହେବେ। ଗତବର୍ଷ ସରକାର ୩.୫% ଧାର୍ଯ୍ୟ ନିଅଣ୍ଟ ଲକ୍ଷ୍ୟ ପୂରଣ କରିଥିଲେ। ଚଳିତବର୍ଷ ବଜେଟ୍‌ରେ ମୋଟ କରଜ ପରିମାଣ ୫.୮ ଲକ୍ଷ କୋଟିରେ ସୀମିତ ରଖିବାକୁ ନିଷ୍ପତ୍ତି ନେଇଥିଲେ। କିନ୍ତୁ ବୁଧବାରର ସଂଶୋଧନ ପରେ ଏହି ପରିମାଣ ୬.୩ ଲକ୍ଷ କୋଟିରେ ପହଞ୍ଚିଛି। ଯଦିଚ ଚଳିତବର୍ଷର ବିତ୍ତୀୟ ଲକ୍ଷ୍ୟ ହାସଲ କରିବେ ବୋଲି ସରକାର ଦୋହରାଇଛନ୍ତି, ତେବେ ବିଦାୟୀ ବର୍ଷର ଅନେକ ଘଟଣା ଓ ୨୦୧୬ ବର୍ଷରୁ ରହିଆସିଥିବା ସମସ୍ୟାଗୁଡ଼ିକ ସରକାରଙ୍କ ଯୋଜନାକୁ ପଣ୍ଡ କରିବାକୁ ବସିଛି। ତେବେ ବିତ୍ତୀୟ ନିଅଣ୍ଟ ବୃଦ୍ଧି ପାଇବା ନେଇ ଯେଉଁ ଖବର ମିଳିଛି, ତାହା ଆଶ୍ଚର୍ଯ୍ୟଜନକ ନୁହେଁ। ଚଳିତ ବର୍ଷର ବିତ୍ତୀୟ ନିଅଣ୍ଟ ଲକ୍ଷ୍ୟ ପୂରଣ କରିବାରେ ସରକାର ବିଫଳ ହେଲେ ଏହା ୨୦୧୮-୧୯ ଆର୍ଥିକ ବର୍ଷରେ ଦେଶର ଅର୍ଥନୀତିକୁ ସୁଦୃଢ଼ କରିବା ଓ ନିଅଣ୍ଟ ପରିମାଣକୁ ଜିଡିପିର ୩ ପ୍ରତିଶତରେ ସୀମିତ ରଖିବା ପାଇଁ ଅର୍ଥମନ୍ତ୍ରୀଙ୍କୁ କିଛି ନୂତନ ପଦକ୍ଷେପ ନେବା ଲାଗି ବାଧ୍ୟ କରିବ। ସରକାର ଜିଏସ୍‌ଟି ଲାଗୁ କରିବା ଦିନଠାରୁ ଦେଶର ଆର୍ଥିକ ସ୍ବାସ୍ଥ୍ୟରେ ଅନିଶ୍ଚିତତା ଲାଗିରହିଛି। ସର୍ବଶେଷ ତଥ୍ୟ ଅନୁସାରେ, ନଭେମ୍ବର ମାସରେ ଜିଏସ୍‌ଟିରୁ ଆୟ ୮୦,୮୦୮ କୋଟିକୁ କମିଯାଇଥିଲା, ଯାହା ଜୁଲାଇରେ ନୂଆ ନୀତି ଲାଗୁ ହେବା ଦିନଠାରୁ ସବୁଠାରୁ କମ୍‌। ଏହା ଅଗଷ୍ଟ ମାସର ଆଦାୟଠାରୁ ୧୪ ପ୍ରତିଶତ କମ୍‌, ଯାହା ନୂଆ ପରୋକ୍ଷ ଟିକସ ବ୍ୟବସ୍ଥାରେ ଟିକସ ଆଦାୟ କରିବା ଓ ରିଟର୍ନ ଫାଇଲ ଦାଖଲ କରିବାରେ ପ୍ରଥମ ମାସ। ଏହାପରେ ୨୦୦ଟି ସାମଗ୍ରୀ ଉପରୁ ଟିକସ ହ୍ରାସ କରାଗଲା। କିନ୍ତୁ କଚ୍ଛପଗତିରେ ଚାଲୁଥିବା ଦେଶର ଆର୍ଥିକ ବ୍ୟବସ୍ଥାରେ ଏହା ବିଶେଷ ସୁଫଳପ୍ରଦ ହେଲା ନାହିଁ। ଏପ୍ରିଲରୁ ଅକ୍ଟୋବର ଭିତରେ ଦେଶର ବିତ୍ତୀୟ ନିଅଣ୍ଟ ୨୦୧୮ ମାର୍ଚ୍ଚ ୩୧ରେ ଶେଷ ହେଉଥିବା ସମ୍ପୂର୍ଣ୍ଣ ବର୍ଷର ଆକଳିତ ବଜେଟ୍‌ ପରିମାଣର ୯୬.୧ ପ୍ରତିଶତ। ବର୍ଷକ ତଳେ ଏଇ ଅବଧି ଭିତରେ ଏହା ଥିଲା ଧାର୍ଯ୍ୟ ଲକ୍ଷ୍ୟର ୭୬.୪ ପ୍ରତିଶତ। ଅନ୍ୟ ଭାଷାରେ କହିଲେ, ଏପ୍ରିଲରୁ ଅଗଷ୍ଟ ୨୦୧୭ ଭିତରେ ବିତ୍ତୀୟ ନିଅଣ୍ଟ ବା ବ୍ୟୟ ଓ ରାଜସ୍ବ ଆଦାୟ ଭିତରେ ବ୍ୟବଧାନ ଥିଲା ୫.୨୫ ଲକ୍ଷ କୋଟି। କିନ୍ତୁ ଚଳିତ ବର୍ଷ ସପ୍ତମ ବେତନ ଆୟୋଗଙ୍କ ସୁପାରିସ ଲାଗୁ କରାଯିବା ଏବଂ ବିମୁଦ୍ରୀକରଣ ପରେ ନୂଆ ନୋଟ୍‌ ଛପାଯିବାରେ ବିପୁଳ ଖର୍ଚ୍ଚ କରାଯିବା ତଥା ଅନ୍ୟ କାରଣରୁ ନିଅଣ୍ଟ ପରିମାଣ ବୃଦ୍ଧି ପାଇଛି। ବିଭିନ୍ନ ରାଷ୍ଟ୍ରାୟତ୍ତ ସଂସ୍ଥାରୁ ପୁଞ୍ଜି ବିନିବେଶ ଏବଂ ଲାଭ ଆଦାୟ ମାଧ୍ୟମରେ ହୁଏତ ଚଳିତ ବର୍ଷର ଆର୍ଥିକ ସମସ୍ୟା ଦୂର କରାଯାଇପାରେ। ପ୍ରଥମଥର ପାଇଁ କେନ୍ଦ୍ର ସରକାର ଚଳିତ ଆର୍ଥିକ ବର୍ଷରେ ୭୨,୫୦୦ କୋଟି ଟଙ୍କାରୁ ଅଧିକ ଋଣ ଉଠାଇବାର ସମ୍ଭାବନା ରହିଛି। ତଥାପି ୫୦,୦୦୦ କୋଟି ଟଙ୍କା ଅଧିକ ଋଣ ଅଣାଯିବା ଯୋଗୁ ବିତ୍ତୀୟ ନିଅଣ୍ଟ ୩୦ ବେସିସ୍‌ ପଏଣ୍ଟରୁ ୩୫ ବେସିସ୍‌ ପଏଣ୍ଟ ବୃଦ୍ଧି ପାଇପାରେ ବୋଲି ଅର୍ଥନୀତିଜ୍ଞମାନେ ଆଶଙ୍କା କରୁଛନ୍ତି। ଅର୍ଥନୀତିର ଶଗଡ଼ଚକକୁ ସହି ଗୁଳାରେ ପକାଇବା ପାଇଁ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଚାପ ମଧ୍ୟରେ ଅଛନ୍ତି, ଏପରି କି ବିତ୍ତୀୟ ନିଅଣ୍ଟର ମୂଲ୍ୟ ବିନିମୟରେ ମଧ୍ୟ। ସଙ୍ଗିନ ଆର୍ଥିକ ପରିସ୍ଥିତି ସରକାରଙ୍କୁ ବ୍ୟୟ ସଂକୋଚନ ଲାଗି ବାଧ୍ୟ କରିପାରେ। ତଥାପି ଆଗକୁ ନିର୍ବାଚନ ଥିବାରୁ ସରକାର ତାହା ନ କରିପାରନ୍ତି। ମୋଦି ସରକାର ପାଖରେ ସବୁଠାରୁ ବଡ଼ ଆହ୍ବାନ ହେଉଛି ଚାହିଦା ଓ ନିଯୁକ୍ତି ବୃଦ୍ଧି କରିବା। ଏଥିପାଇଁ ସରକାରଙ୍କୁ ପୁଞ୍ଜିନିବେଶ ବୃଦ୍ଧି କରିବାକୁ ପଡ଼ିବ। ନିବେଶ ବୃଦ୍ଧି ଲାଗି ଅତିରିକ୍ତ ପାଣ୍ଠି ସଂଗ୍ରହ ପାଇଁ ସରକାରଙ୍କୁ ବଣ୍ଡ୍‌ ବିକ୍ରି କରିବାକୁ ପଡ଼ିପାରେ। ୨୦୧୯ ସାଧାରଣ ନିର୍ବାଚନ ପରିପ୍ରେକ୍ଷୀରେ ଏକ ଲୋକପ୍ରିୟ ବଜେଟ୍‌ ପାଇଁ ମଧ୍ୟ ସରକାର ଚାପରେ ରହିବେ, ଯାହା ବିତ୍ତୀୟ ଆକଳନ ଲାଗି ଅଧିକ ଚାପ ସୃଷ୍ଟି କରିବ। ନିଅଣ୍ଟ ଆହୁରି ବୃଦ୍ଧି ପାଇବାକୁ ରୋକିବା ଲାଗି ସମ୍ଭବତଃ ସରକାର ବୁଧବାର ବିଭିନ୍ନ ସ୍ବଳ୍ପ ସଂଚୟ ଯୋଜନା, ଯଥା ଜନ ଭବିଷ୍ୟନିଧି ପାଣ୍ଠି, କିଷାନ ବିକାଶ ପତ୍ର ଓ ସୁକନ୍ୟା ସମୃଦ୍ଧି ପ୍ରଭୃତି ଉପରୁ ଜାନୁୟାରୀରୁ ମାର୍ଚ୍ଚ ତ୍ରିମାସୀ ପାଇଁ ୦.୨ ପ୍ରତିଶତ ସୁଧହାର ହ୍ରାସ କରିଛନ୍ତି। କିନ୍ତୁ ଏହା ଏକ ବିଜ୍ଞୋଚିତ ନିଷ୍ପତ୍ତି ନୁହେଁ। ବରିଷ୍ଠ ନାଗରିକ, ସ୍ବଳ୍ପ ଆୟକାରୀ ନିମ୍ନ-ମଧ୍ୟବିତ୍ତଙ୍କ ସମେତ ଲକ୍ଷ ଲକ୍ଷ ଲୋକ ଏପରି ସ୍ବଳ୍ପ ସଂଚୟ ଯୋଜନାଗୁଡ଼ିକ ଉପରେ ନିର୍ଭର କରିଥାନ୍ତି। ତେଣୁ ଏଥିରୁ ସୁଧ କମାଇଦେଲେ ସେମାନେ ପ୍ରଭାବିତ ହେବେ। ବେକାର ଯୁବକଙ୍କୁ କର୍ମନିଯୁକ୍ତି ଯୋଗାଇବା ଏବଂ ଅର୍ଥନୀତିରେ ସୁଧାର ଆଣିବା କଥା କହି ଭାଜପା କ୍ଷମତାକୁ ଆସିଥିଲା। କିନ୍ତୁ ନିଜେ ଧାର୍ଯ୍ୟ କରିଥିବା ଏହି ଲକ୍ଷ୍ୟଠାରୁ ଦଳ ଏବେ ବହୁ ଦୂରରେ। ବରଂ ଏହା ଗରିବ ଓ ନିମ୍ନ-ମଧ୍ୟବିତ୍ତ ଲୋକଙ୍କ ସାମାନ୍ୟ ସଂଚୟଜନିତ ଆୟରୁ ବି ଲୁଟିବାକୁ ପଛାଉନାହିଁ। ଅର୍ଥନୀତି ଭୁଶୁଡ଼ିବା, ଦେଶରେ ନୂତନ ନିଯୁକ୍ତି ସୃଷ୍ଟି ନ ହେବା ଏବଂ ସ୍ବଳ୍ପ ସଂଚୟରୁ ବି ଲୋକଙ୍କ ଆୟ ହ୍ରାସ ପାଇବା ଘଟଣା ମୋଦି ସରକାରକୁ ଯେ ଲୋକଙ୍କଠାରୁ ଦୂରକୁ ଦୂରକୁ ନେଇଯିବ ଏଥିରେ ସନ୍ଦେହ ନାହିଁ।
All Right Reserved By

ସମ୍ପାଦକୀୟ |

ବିରୋଧୀଙ୍କ ପାଇଁ ମଉକା

ବିରୋଧୀଙ୍କ ପାଇଁ ମଉକା

ଆକାର ପଟେଲ

ଦ୍ୱିତୀୟ ବିଶ୍ୱଯୁଦ୍ଧ ପରଠାରୁ ଦ୍ୱିତୀୟ ଦୀର୍ଘତମ ଅବଧି ଲାଗି ଅର୍ଥନୈତିକ ଅଭିବୃଦ୍ଧି ଜାରି ରହିଥିବାରୁ ଆମେରିକାର ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ କିଛି ଲୋକପ୍ରିୟତା ଅର୍ଜନ କରିଛନ୍ତି। ଗତ ତ୍ରିମାସୀରେ ଆମେରିକାର ଅର୍ଥନୀତି ୪ ପ୍ରତିଶତ ହାରରେ ଅଭିବୃଦ୍ଧି କରିଥିଲା। ତେବେ ଆମେ ଭାରତୀୟମାନେ ଏଥିରେ ପ୍ରଭାବିତ ନ ହୋଇପାରୁ। କିନ୍ତୁ ସତକଥା ହେଲା, ଆମେରିକା ଅର୍ଥନୀତିର ଆକାର ହେଉଛି ଭାରତର ୧୦ ଗୁଣ, ଯଦିଚ ଏହାର ଲୋକସଂଖ୍ୟା ଭାରତର ୪ ଭାଗରୁ ଭାଗେ। ଏହାର ଅର୍ଥ ଜଣେ ହାରାହାରି ଆମେରିକୀୟ ଜଣେ ହାରାହା...

ଶୀତଳ ସମ୍ପ୍ରଦାୟ

ଶୀତଳ ସମ୍ପ୍ରଦାୟ

ଚିତ୍ରଚରିତ୍ର/ ନିରଞ୍ଜନ ପାଢ଼ୀ

ଯେଉଁ ସମ୍ପ୍ରଦାୟ ସମ୍ପର୍କରେ କଥାଟି କୁହାଯାଉଛି, ସେମାନଙ୍କ ପାଇଁ ‘ଶୀତଳ’ ଶବ୍ଦଟି ବୋଧହୁଏ ସବୁଠାରୁ ସଂଭ୍ରାନ୍ତ ଓ ମାର୍ଜିତ ବିଶେଷଣ। ଏମାନଙ୍କୁ ଶୀତଳ କୁହାଗଲେ ବି ଏମାନେ ଯେ କେବେ ଉଷ୍ମ ହୁଅନ୍ତି ନାହିଁ, ତାହା ନୁହେଁ। ଏମାନେ ଉଷ୍ମ ହୁଅନ୍ତି, ନିଜ ଭିତରେ ଜଳନ୍ତି ଓ ଅନ୍ୟମାନଙ୍କୁ ଜଳାଇବାର ବି ସାମର୍ଥ୍ୟ ରଖନ୍ତି। ୟେ ଉଷ୍ମତା କେବଳ ସୁରକ୍ଷିତ ଥାଏ ନିଜ ପାଇଁ ଓ ନିଜର ଯାବତୀୟ ସ୍ବାର୍ଥସାଧନ ଲାଗି। ମାତ୍ର ଆଖପାଖର ଦୁନିଆରେ ଆତଯାତ ହେଉଥିବା ଅନ୍ୟମାନଙ୍କ ପାଇଁ ଯେତେବେଳେ ଲୋଡ଼ାପଡ଼େ ତାତିଲାପଣ, ସେତେବେଳେ ଏମାନଙ୍କ ଉଷ୍ମ ପୌରୁଷ ଅଚାନକ ଛୁଟିରେ ଚାଲିଯାଏ ଓ ବଦଳରେ ପ୍ରତିଭାତ ହୁଏ ଏକ ହିମ ଶୀତଳ ନିର୍ଜୀବ ବ୍ୟକ୍ତିସତ୍ତା। ମନେହୁଏ, ସତେ ଯେମିତି ମଣିଷଟିଏ ନୁହେଁ ନିଥର କାଠ ଗଣ୍ଡିଟାଏ!...

‘ମିଲ୍‌କମ୍ୟାନ୍‌’ର ରୂପକାର

‘ମିଲ୍‌କମ୍ୟାନ୍‌’ର ରୂପକାର

ବ୍ୟକ୍ତିତ୍ୱ/ଜିତେନ୍ଦ୍ର

ମୋ ଚରିତ୍ରଗୁଡ଼ିକ ମୋ ପାଖକୁ ଆସି ଗପ ଲେଖିବାକୁ ମୋତେ କହନ୍ତି। ଯେତେବେଳ ଯାଏ ସେମାନେ ଆସି ନ ଥାନ୍ତି ସେତେବେଳ ପର୍ଯ୍ୟନ୍ତ ମୁଁ କିଛି ଲେଖିପାରେ ନାହିଁ। ’ ୨୦୧୮ ‘ମ୍ୟାନ୍‌ ବୁକର’ ପାଇବା ଲାଗି ଉତ୍ତର ଆୟର୍ଲାଣ୍ଡ ଲେଖିକା ଆନ୍ନା ବନର୍‌ସଙ୍କ ନାମ ଘୋଷଣା ହେବା ପରେ ସାମ୍ବାଦିକଙ୍କୁ ସେ ନିଜ ପ୍ରତିକ୍ରିୟାରେ ଉପରିଲିଖିତ ଉକ୍ତି ବାଢ଼ିଥିଲେ। ମ୍ୟାନ୍‌ ବୁକର ପାଇବାରେ ଆନ୍ନା ହେଉଛନ୍ତି ଉତ୍ତର ଆୟାର୍ଲାଣ୍ଡର ପ୍ରଥମ ଲେଖିକ। ଉପନ୍ୟାସ ‘ମିଲ୍‌କମ୍ୟାନ୍‌’ ପାଇଁ ସେ ଏହି ସମ୍ମାନ ପାଇବାକୁ ଯାଉଥିବାରୁ ତାଙ୍କୁ ବିଶ୍ୱବ୍ୟାପୀ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ବଳରେ ଅସାଧ୍ୟ ସାଧନ କରିହୁଏ। ପିଲାଦିନରୁ କୌଣସି କାର୍ଯ୍ୟରେ ରୁଚି ଓ ଅଭ୍ୟାସ ରଖିଥିଲେ ଭବିଷ୍ୟତରେ ଏଥିରେ ସଫଳତା ଲାଭ କରିହୁଏ। ପ୍ରଶଂସା ଓ ପୁରସ୍କାର ବି ମିଳେ। ସେହିପରି ଉଲ୍ଲେଖନୀୟ କୃତିତ୍ୱ ହାସଲ କରିଥିବା ୧୦ବର୍ଷର ବାଳକ ...

ମାଛଦ୍ୱାରା ପାଦ ଚିକିତ୍ସା

ମାଛଦ୍ୱାରା ପାଦ ଚିକିତ୍ସା

ପରିବେଶ ପରିଚିନ୍ତା/ ମାନେକା ଗାନ୍ଧୀ

କିଛିମାସ ତଳେ ଜଣେ ଯୁବତୀ ନ୍ୟୁୟର୍କରେ ତାଙ୍କ ଡାକ୍ତରଙ୍କ ପାଖକୁ ଯାଇଥିଲେ। ଛଅମାସ ହେଲା ତାଙ୍କ ପାଦ ନଖଗୁଡ଼ିକ କଳାପଡ଼ି ଝଡ଼ିଯାଉଥିଲା। ତାଙ୍କ ପରିବାରରେ ଏମିତି ସମସ୍ୟା ଆଉ କାହାର ନାହିଁ ଏବଂ ତାଙ୍କର ମଧ୍ୟ ଅନ୍ୟ କୌଣସି ରୋଗ ନାହିଁ ବା ଏପରି ଭାବେ ନଖ ପଚିବାର ପାରିବାରିକ ଇତିହାସ ନାହିଁ। ପରୀକ୍ଷାରୁ ଜଣାପଡ଼ିଲା ଯେ, ଛଅମାସ ତଳେ ସେ ମାଛ ଦ୍ୱାରା ପାଦ ଚିକିତ୍ସା (ଫିଶ୍‌ ପେଡିକିଓର) କରାଇଥିଲେ। ମାଛ ହିଁ ତାଙ୍କ ନଖର ମଞ୍ଜଭାଗରେ (ଯେଉଁଠୁ ନଖ କଅଁଳେ) କ୍ଷତ ସୃଷ୍ଟି କରିଛି। ଫଳରେ ଓନିକୋମାଡେସିସ୍‌ (ନଖପଚା ରୋଗ) ସୃଷ୍ଟି ହୋଇଛି ଓ ନଖ କଳାପଡ଼ି ଝଡ଼ିଯାଉଛି। ଆଗକୁ ପରିସ୍ଥିତି ଆହୁରି ଖରାପ ହୋଇପାରେ। ପଚାନଖ ତଳେ ...

ରାଜନେତା ଓ ନାଗରିକ ସମାଜ

ରାଜନେତା ଓ ନାଗରିକ ସମାଜ

ଡ. ସୁବାସ ଚନ୍ଦ୍ର ପାତ୍ର

ଓଡ଼ିଶାର ରାଜନେତାମାନେ ଏକ ସୁସ୍ଥ, ସୁନ୍ଦର ନାଗରିକ ସମାଜ ଗଠନ ସେମାନଙ୍କର ଦାୟିତ୍ୱ ବୋଲି କେବେ ଭାବନ୍ତି ନାହିଁ। କରତାଳି, ପତାକା ଧାରଣ, ମାଗଣା ଇନ୍ଧନରେ ମୋଟର ସାଇକେଲ ଚାଳନା ପାଇଁ ଯୁବଗୋଷ୍ଠୀ ସଂଗ୍ରହ ଏବଂ ଏ ସବୁ ମାଧ୍ୟମରେ ଭୋଟ ସଂଗ୍ରହ ଓ କ୍ଷମତା ଦଖଲ ସେମାନଙ୍କ ମୁଖ୍ୟ କାମ ବୋଲି ସେମାନେ ବିଚାର କରନ୍ତି। ସଂହତିପୂର୍ଣ୍ଣ, ଆଦର୍ଶଭରା ଏକ ତ୍ୟାଗପୂତ ସମାଜ ନିର୍ମାଣ ମଧ୍ୟ ଏକ ରାଜନୈତିକ କର୍ତ୍ତବ୍ୟ ବୋଲି ସେମାନେ ଚିନ୍ତା କରନ୍ତି ନାହିଁ। ତା’ର ପ୍ରମୁଖ କାରଣ କ୍ଷମତାମନସ୍କତା, ସମାଜମନସ୍କତା ବା ରାଷ୍ଟ୍ରମନସ୍କତା ନୁହେଁ।...

ଚନ୍ଦ୍ରରେ ଚିତ୍ରକର

ଚନ୍ଦ୍ରରେ ଚିତ୍ରକର

ଡ. ତୁଷାରକାନ୍ତି ଦାସ

ଦୁଇ ହାତ ପାପୁଲିରେ ଆଞ୍ଜୁଳାଏ ପାଣିରେ ଜହ୍ନକୁ ସେ ଧରିଛି। ସତେ ବା ସେ ଆଞ୍ଜୁଳାଏ ପାଣିରେ ଜହ୍ନଟା ଚିକ୍‌ମିକ୍‌ କରୁଛି- ଚିତ୍ରକରଟିଏ ଆଞ୍ଜୁଳାଏ ପାଣିରେ ଜହ୍ନର ପ୍ରତିବିମ୍ବକୁ କାନ୍‌ଭାସରେ ଉତାରୁଥିବାବେଳେ କେବେ ବି କ’ଣ ଭାବିଥିବ ଜହ୍ନକୁ ଯାଇ ସେଠାରେ ଜହ୍ନର ଛବି ଆଙ୍କିବ ବୋଲି? ହଁ ଆଜ୍ଞା, ଚିତ୍ରକରର ଏ ଭାବନା ସତ୍ୟ ହେବାକୁ ଯାଉଛି। ଆଉ ଆପଣ କହିପାରିବେନି ‘କବି କଳପନା ସରଗ ସିନା ଲୋ ମନ ଭୁଲାଇବା ପାଇଁ’। କାରଣ ଏ କଳ୍ପନା ବାସ୍ତବରେ ପରିଣତ ହେବାକୁ ଯାଉଛି। ଜାପାନୀ କୋଟିପତି ବ୍ୟବସାୟୀ ୟୁସାକୁ ମେଜାଓ୍ବା ୬ ...

ଏଇ ଭାରତରେ

ଏଇ ଭାରତରେ

ଧର୍ମନିରପେକ୍ଷ ଗଣତନ୍ତ୍ର ଦେଶ ଭାରତ । ଏହାର ପ୍ରତିଟି ପର୍ବପର୍ବାଣିରେ ଦେଖିବାକୁ ମିଳେ ସାମ୍ପ୍ରଦାୟିକ ସଦ୍‌ଭାବନାର ନିଆରା ନମୁନା। ବର୍ତ୍ତମାନ ଦେଶର କୋଣ ଅନୁକୋଣରେ ଦଶହରା ଯାକଜମକରେ ପାଳନ କରାଯାଉଛି। ଏଭଳି ସମୟରେ ସର୍ବଧର୍ମ ସମନ୍ବୟର ବାର୍ତ୍ତାବାହକ ସାଜିଛନ୍ତି ପୂର୍ବୋତ୍ତର ରାଜ୍ୟ ଆସାମରେ ହାସିମ୍‌ ଅଲି। ଡାରାଙ୍ଗ୍‌ ଜିଲାର ଡାଲଗାଓଁ ଅଞ୍ଚଳର ହାସିମ୍‌ ଇସଲାମ ଧର୍ମାବଲମ୍ବୀ...

ସମ୍ପାଦକୀୟ/ଚନ୍ଦକା ବଞ୍ଚାଅ

ସମ୍ପାଦକୀୟ/ଚନ୍ଦକା ବଞ୍ଚାଅ

କଟକ ମୁଣ୍ଡଳୀ ନିକଟ ମହାନଦୀରେ ୫ଟି ହାତୀ ଭାସି ଯାଉଥିବା ଖବର ଅକ୍ଟୋବର ୧୫ ସକାଳୁ ବ୍ୟାପିଯିବା ପରେ ଏହି ଦୃଶ୍ୟ ଦେଖିବାକୁ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଭିଡ଼ ହୋଇଥିଲା। ଏ ବିଷୟରେ ସୂଚନା ପାଇବାରୁ ଆଠଗଡ଼ ଓ ଚନ୍ଦକା ବନଖଣ୍ଡ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ଥିଲେ। ସଙ୍ଗେ ସଙ୍ଗେ ମୁଣ୍ଡଳୀ ବ୍ୟାରେଜ୍‌ର ୪ଟି ଗେଟ୍‌ ବନ୍ଦ କରିଦିଆଯିବାରୁ ଜଳସ୍ରୋତ ହ୍ରାସ ପାଇଥିଲା ଓ ପାଣିରେ ଭାସୁଥିବା ହାତୀ ଉପରକୁ ଉଠି ଆସିଥିଲେ। ...

ପଶୁବଳି : ଏକ ଅମାନବୀୟ ପରମ୍ପରା

ପଶୁବଳି : ଏକ ଅମାନବୀୟ ପରମ୍ପରା

ଡ. ପ୍ରଫୁଲ୍ଲ କୁମାର ସାହୁ

ଆମ ରାଜ୍ୟରେ ପ୍ରମୁଖ ଦେବୀମନ୍ଦିରଗୁଡ଼ିକରେ ଶାରଦୀୟ ପୂଜାର ଏକ ବିଶେଷ ଅଙ୍ଗ ଥିଲା ପଶୁବଳିପ୍ରଥା। ପ୍ରତିବର୍ଷ ଦଶହରା ବେଳେ ଏସବୁ ଶକ୍ତିପୀଠରେ ଲକ୍ଷ ଲକ୍ଷ ପଶୁପକ୍ଷୀଙ୍କୁ ହତ୍ୟା କରାଯାଉଥିଲା ଅତି ବୀଭତ୍ସ ଭାବରେ। ଏଭଳି ଏକ ଅମାନବୀୟ ପରମ୍ପରା ଉପରେ ନ୍ୟାୟାଳୟର ପ୍ରତିବନ୍ଧକ ଲାଗିବା ପରେ ଅଧିକାଂଶ ଦେବୀ ପୀଠରେ ଏବେ ସମ୍ପୂର୍ଣ୍ଣ ବନ୍ଦ ହୋଇଯାଇଛି ପଶୁବଳି। ଅନ୍ୟ କେତେକ ସ୍ଥାନରେ ଏହା ଲୁଚାଛପାରେ ଚାଲିଛି ପରମ୍ପରା ଦାୟରେ। କାରଣ ସଭ୍ୟତା ଯେତେ ଆଗକୁ ଗଲେ ବି ଅନ୍ଧବିଶ୍ୱାସର ଅନ୍ଧଗଳିରୁ ମୁକୁଳିପାରୁନି ...

ଆସ ମା’ ଦୁର୍ଗେ

ଆସ ମା’ ଦୁର୍ଗେ

ଡ. ଭାଗ୍ୟଲିପି ମଲ୍ଲ

କାଶତଣ୍ଡୀର ଶୁଭ୍ର ମେଳଣରେ ଏବେ ସୃଜନର ମୂର୍ଚ୍ଛନା। ପତଳା କୁହୁଡ଼ିଆ ଆକାଶରେ ଜହ୍ନ ପିନ୍ଧିଛି ଧଳାବଉଦର ମାଳ। ଅଧା ଛାଇ ଅଧା ଆଲୁଅର ଖେଳରେ ଆସକ୍ତ ଧରିତ୍ରୀର ଛାତି। ଆକାଶ ଦେଖୁଛି ମୁହଁ ମାଟିଦର୍ପଣରେ। ଠିକ୍‌ ଏଇ ସମୟରେ ଧରାବତରଣ କରୁଛନ୍ତି ମା’ ଦୁର୍ଗା, ଦୁର୍ଗତିନାଶିନୀ। ତାଙ୍କ ଆଗମନର ଆବାହନୀରେ ଭୂମିରୁ ଆକାଶ, ସବୁଠି ଶୁଭ୍ରତାର ସମାରୋହ। ସକଳ ସୃଷ୍ଟିରେ ଶରତର ମଧୁର ଆଶ୍ଳେଷ। ସେହି ଆଶ୍ଳେଷରେ ସମାହିତ ଶକ୍ତି ଏକ ଦିବ୍ୟ ଅନୁଭବ। ସେ ଶକ୍ତି ଜନ୍ମ ଓ ମୃତ୍ୟୁ, ଯନ୍ତ୍ରଣା ଓ ଆନନ୍ଦର କାରଣ। ତା’ ବିନା କିଛି ସମ୍ଭବ ନୁହେଁ। ତେଣୁ କୁହାଯାଏ ସେ ଜନ୍ମ ଓ ମୃତ୍ୟୁର ଊର୍ଦ୍ଧ୍ୱସ୍ଥ ଏକ ଦିବ୍ୟ ସତ୍ତା। ସକଳ ଚେତନାର ଉତ୍ସ। ଆମେ ଆଜି ସେଇ ଉତ୍ସକୁ ଆହ୍ବାନ କରୁଛୁ। ...

ଏଇ ଭାରତରେ

ଏଇ ଭାରତରେ

ଅନ୍ନଚିନ୍ତା ଚମତ୍କାରା। କ୍ଷୁଧା ଓ ଦାରିଦ୍ର୍ୟରେ ପେଷି ହେଉଥିବା ବ୍ୟକ୍ତି ହିତାହିତ ଜ୍ଞାନ ହରାଇବସେ। କ୍ଷୁଧା ପ୍ରପୀଡ଼ିତ ମା’ ପାଖରେ ସ୍ନେହମମତାର ମୂଲ୍ୟ କିଛି ନାହିଁ। ପିଲାଙ୍କ ଭୋକିଲା ପେଟକୁ ଆହାର ଯୋଗାଇପାରୁ ନ ଥିବା ମା’ ସେମାନଙ୍କ ଦୁଃଖକଷ୍ଟ ସହ୍ୟ କରି ନ ପାରି ବିନାଶ କରିଦେବାକୁ ବି ଇଚ୍ଛାକରେ। ଏପରି ଏକ ଦୁଃଖଦ ଘଟଣା ଗୁଜରାଟର ଅହମଦାବାଦଠାରେ ଘଟିଛି। ଗୁଜରାଟର ଭାବନଗର...