ବାଲେଶ୍ୱର

ବଢୁଛି ଶିଶୁ ଯୌନ ଉତ୍ପୀଡନ ମାମଲା

 ବଢୁଛି  ଶିଶୁ ଯୌନ ଉତ୍ପୀଡନ ମାମଲା
ଭଦ୍ରକ ଅଫିସ,୨୮ ।୧୨(ବିଭୁ ପ୍ରସାଦ ବେହେରା)-ଭଦ୍ରକ ଜିଲାରେ ଦିନକୁ ବାଳ ଅପରାଧ ମାମଲା ଦିନକୁ ଦିନ ବଢିଚାଲିଛି । ତା ଠୁଁ ବଳିପଡିଲାଣି ଶିଶୁ ଯୌନ ଉତ୍ପୀଡନ ମାମଲା । ସଚେତନତା ନାଁ ରେ ଲକ୍ଷାଧିକ ଟଙ୍କା ଖର୍ଚ୍ଚ କରାଯାଉଛି। କିଛି ପ୍ରଭାବ ପଡୁନି । ଯୌନ ଅପରାଧରୁ ଶିଶୁଙ୍କୁ ସୁରକ୍ଷା ଦେବା ନିମନ୍ତେ ବିଦ୍ୟାଳୟ, ମହାବିଦ୍ୟାଳୟ ସ୍ତରରେ ବିଭିନ୍ନ ସଚେତନତା କାର୍ଯ୍ୟ କରାଯାଉଛି। କିନ୍ତୁ ଉତ୍ପୀଡନ ମାମଲା ସଂଖ୍ୟା ବଢିବାରେ ଲାଗିଛି । ଭଦ୍ରକ ଜିଲାରେ ୨୦୧୩ ବର୍ଷରେ ୪୫, ୨୦୧୪ରେ ୫୧, ୨୦୧୫ରେ ୭୬, ୨୦୧୬ରେ ୯୨ଟି ନିର୍ଯାତନା ମାମଲା ରୁଜୁ ହୋଇଥିଲା। ଚଳିତବର୍ଷ ବର୍ତ୍ତମାନ ସୁଦ୍ଧା ଏହି ନିର୍ଯାତନା ମାମଲା ସଂଖ୍ୟା ୧୨୨କୁ ବୃଦ୍ଧି ପାଇଛି। କେତେକ କ୍ଷେତ୍ରରେ ପରିବାର ଭିତରେ ଶିଶୁ ଯୌନ ଶୋଷଣର ଶିକାର ହେଉଥିବା ବେଳେ ପରିବାର ବାହାରେ ଦୁର୍ବୃତ୍ତ ଓ ଅସାମାଜିକ ବ୍ୟକ୍ତିଙ୍କ ଦ୍ୱାରା ଯୌନ ଶୋଷଣର ଶିକାର ହେଉଛନ୍ତି। ଏଥିସହ ନାବାଳିକା ଅପହରଣ ଓ ବଳାତ୍କାର ମାମଲା ବି ବଢୁଛି । ଏଭଳି ଅପରାଧ ରୋକିବା ଲାଗି ପ୍ରତି ଥାନାରେ ମହିଳା ଓ ଶିଶୁ ଡେସ୍କ ଥିଲେ ମଧ୍ୟ ଠିକ ଭାବେ ବ୍ୟବସ୍ଥା କାର୍ଯ୍ୟକାରୀ ହେଉନି । ପ୍ରତି ଥାନାରେ ମହିଳା ପୋଲିସ ଅଧିକାରୀ ପଦବୀ ମଧ୍ୟ ଫାଙ୍କା ପଡିଥିବାରୁ ମହିଳା ଓ ଶିଶୁ ଡେସ୍କରେ ପୁରୁଷ ଅଧିକାରୀ କାର୍ଯ୍ୟ କରୁଛନ୍ତି । ଜଣେ ନାବାଳିକା ବଳାତ୍କାରର ଶିକାର ହେଲେ ଥାନାରେ ମହିଳା ଅଧିକାରୀ ନ ଥିବାରୁ ସେମାନଙ୍କୁ ଦୀର୍ଘ ୭୦ରୁ ୮୦ କି.ମି. ଦୂରରୁ ଅଣାଯାଇ ମହିଳା ଅଧିକାରୀଙ୍କ ନିକଟରେ ବୟାନ ରେକର୍ଡ କରାଯାଉଛି । ଅନୁରୂପ ଡାକ୍ତରଖାନାରେ ମହିଳା ଡାକ୍ତରଙ୍କ ଅଭାବ ପୀଡିତାକୁ ଅଧିକ ପୀଡା ଦେଉଛି । ଅନ୍ୟପକ୍ଷେ ପୀଡିତାକୁ ବାରମ୍ବାର ଅଦାଲତରେ ହାଜର କରିବା, ସାକ୍ଷ୍ୟ ଗ୍ରହଣ କରାଯିବା ବ୍ୟବସ୍ଥା ଯୋଗୁ ପୀଡିତାଙ୍କ ମର୍ଯ୍ୟାଦା ହାନି ଘଟୁଛି । ଥାନା, ପଞ୍ଚାୟତ ଏବଂ ବିଦ୍ୟାଳୟ ସ୍ତରରେ ଶିଶୁମାନଙ୍କ ପାଇଁ ଯୌନ ଉତ୍ପୀଡନ ପ୍ରକୋଷ୍ଠ(ହାରସମେଣ୍ଟ ସେଲ)ଗଠନ କରି ସଚେତନତା କରାଯିବା ଉପରେ ଗୁରୁତ୍ୱ ଦିଆଗଲେ ମାମଲା ସଂଖ୍ୟା ନିୟନ୍ତ୍ରଣ ହୋଇପାରିବ ବୋଲି ଶିଶୁ ସୁରକ୍ଷା ୟୁନିଟର ପ୍ରୋବେସନ ଅଧିକାରୀ ସୁବ୍ରତ ଦାସ ତାଙ୍କରେ ପ୍ରତିକ୍ରିୟାରେ ମତ ରଖିଛନ୍ତି । ଏଥିପାଇଁ ପ୍ରାଥମିକ ସ୍କୁଲ ସ୍ତରରୁ କଲେଜ ପର୍ଯ୍ୟନ୍ତ, ସରକାରୀ ହେଉ ବା ବେସରକାରୀ ସବୁଠି ସମସ୍ତଙ୍କର ଗୁରୁ ଦାୟିତ୍ୱ ରହିଥିବା ଜିଲା ଶିଶୁ ମଙ୍ଗଳ କମିଟି ଅଧ୍ୟକ୍ଷ କମଳାକାନ୍ତ ସ୍ବାଇଁ କହିଛନ୍ତି । ସରକାରୀ ସ୍ତରରେ ଶିଶୁ ସୁରକ୍ଷା ବିଭାଗ, ଚାଇଲ୍ଡ ଲାଇନ, ଆଇନସେବା ପ୍ରାଧିକରଣ, ମହିଳା ଓ ଶିଶୁ ବିକାଶ, ପ୍ରାଥମିକ ଶିକ୍ଷା ବିଭାଗ ଏବଂ ପୋଲିସ ପ୍ରଶାସନ ସମସ୍ତେ ସହଯୋଗର ହାତ ବଢାଇଲେ ଅନେକାଂଶରେ ଏହି ଅପରାଧ ନିୟନ୍ତ୍ରଣ ହୋଇପାରିବ ବୋଲି ଜିଲା ଶିଶୁ ସୁରକ୍ଷା ଅଧିକାରୀ ପଦ୍ମନ ରାୟ କହିଛନ୍ତି । ବାଳ ଅପରାଧୀଙ୍କ ବୟସ ସୀମା କୋହଳ ହେବା ପରେ ଅପରାଧ ସଂଖ୍ୟା କମିବ ବୋଲି ଯେଉଁ ଆଶା କରାଯାଉଥିଲା ସେକ୍ଷେତ୍ରରେ ମଧ୍ୟ ବ୍ୟତିକ୍ରମ ଦେଖାଦେଉଛି । ଯୌନଅପରାଧରୁ ଶିଶୁଙ୍କୁ ସୁରକ୍ଷା ଆଇନ-୨୦୧୨ (ପକ୍ସୋ ଆକ୍ଟ ) ଗଠନ ହୋଇଥିଲେ ବି ଉକ୍ତ ଆଇନ ଠିକ ଭାବେ କାର୍ଯ୍ୟକାରୀ ହୋଇପାରୁ ନ ଥିବା ଆଇନଜୀବୀ ଗଦାଧର ବଳ ମତ ରଖିଛନ୍ତି । ପ୍ରତି ଥାନାରେ ଖୋଲିଥିବା ମହିଳା ଓ ଶିଶୁ ଡେସ୍କରେ ମହିଳା ପୋଲିସ କର୍ମଚାରୀ ଶୀଘ୍ର ନିଯୁକ୍ତି କରା ନ ଗଲେ ଏସବୁ ଆଇନ ବ୍ୟବସ୍ଥା କାର୍ଯ୍ୟକାରୀ କ୍ଷେତ୍ରରେ ସମସ୍ୟା ଦେଖାଦେବ ବୋଲି ସ୍ପଷ୍ଟ ହୋଇଛି ।
All Right Reserved By

ବାଲେଶ୍ୱର

ନବ ବିବାହିତ ଦମ୍ପତ୍ତିଙ୍କ ବିଷ ପିଇ ଆତ୍ମହତ୍ୟା, କାରଣ ଅସ୍ପଷ୍ଟ

ନବ ବିବାହିତ ଦମ୍ପତ୍ତିଙ୍କ ବିଷ ପିଇ ଆତ୍ମହତ୍ୟା, କାରଣ ଅସ୍ପଷ୍ଟ

ଧାମନଗର, ୧୭।୮(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକ ଶ୍ୟାମପୁର ଗ୍ରାମର ନବବିବାହିତ ଦମ୍ପତ୍ତି ଧର୍ମେନ୍ଦ୍ର ତ୍ରିପାଠି ଏବଂ ପୁର୍ଣ୍ଣିମା କୌଣସି କାରଣକୁ ନେଇ ଗୁରୁବାର ବିଳମ୍ବିତ ରାତିରେ ବିଷ ପିଇଥିଲେ।

ଚାଷ ଜମିରେ ପତାକା ଉତ୍ତୋଳନ

ଚାଷ ଜମିରେ ପତାକା ଉତ୍ତୋଳନ

କେନ୍ଦୁଝର, ୧୬।୮(ସ୍ବ.ପ୍ର.): ସଦର ବ୍ଲକ ଘୁଟୁରୁ ଗ୍ରାମରେ ଚାଷ ଜମିରେ ଭାରତ ମାନଚିତ୍ର ଆକୃତିର ଧାନ ଚାଷ କରିଥିବା ଗଜେନ୍ଦ୍ର ଦାସଙ୍କ ଜମିରେ ସ୍ବାଧୀନତା ଦିବସ ପାଳନ କରାଯାଇଥିଲା। ଭାରତ ଏକ କୃଷି ଭିତିକ ଦେଶ। କୃଷକମାନେ ଦେଶର ମେରୁଦଣ୍ଡ। କୃଷକମାନେ ନିଜ କ୍ଷେତରେ ଫସଲ ଚାଷ କରିବା ସହ ପତ୍ତାକା ଉତୋଳନ କରି ସ୍ବାଧୀନତା ଦିବସ ପାଳନ କରିବାକୁ ଆହ୍ବାନ ଦେଇଥିଲେ। ମୁଖ୍ୟ ଅତିଥି ଭାବେ ଲକ୍ଷ୍ମୀଧର ଜେନା ଯୋଗ ଦେଇଥିଲେ। 

ଆନ୍ଧ୍ର ବ୍ୟାଙ୍କରୁ ଲୁଟ୍‌ ଉଦ୍ୟମ

ଆନ୍ଧ୍ର ବ୍ୟାଙ୍କରୁ ଲୁଟ୍‌ ଉଦ୍ୟମ

ପଦ୍ମପୁର,୧୭।୮(ଡି.ଏନ.ଏ)-ଭଦ୍ରକ ବ୍ଲକ ଅଧୀନ ସାହାଡ଼ା ବଜାରରେ ଥିବା ଆନ୍ଧ୍ର ବ୍ୟାଙ୍କରୁ ଲୁଟ୍‌ ଉଦ୍ୟମ ହୋଇଥିବା ନେଇ ଗ୍ରାମାଞ୍ଚଳ ଥାନାରେ ଅଭିଯୋଗ ହୋଇଛି।  ସୂଚନା ଅନୁସାରେ, ବୁଧବାର ବିଳମ୍ବିତ ରାତିରେ କେତେଜଣ ଦୁର୍ବୃତ୍ତ ବ୍ୟାଙ୍କ ପଛପଟ ଝରକା ଭାଙ୍ଗି ଭିତରକୁ ପଶିଥିଲେ। ବ୍ୟାଙ୍କରେ ଲାଗିଥିବା ସିସିଟିଭିକୁ ଭାଙ୍ଗିଦେଇ ଷ୍ଟ୍ରଙ୍ଗରୁମରେ ପଶିବାକୁ ଚେଷ୍ଟା କରି ଜିନିଷପତ୍ର ଏଣେତେଣେ ଫିଙ୍ଗି ଦେଇଥିଲେ। 

ନଦୀ ଧୋଇ ନେଉଛି ବିକାଶ

ନଦୀ ଧୋଇ ନେଉଛି ବିକାଶ

ଭଣ୍ଡାରିପୋଖରୀ,୧୭।୮(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକରେ ଏକ ଦୁର୍ଗମ ଅବହେଳିତ ଗଁା ମହେଶପୁର। ବୈତରଣୀ ନଦୀ କୂଳ ଅଞ୍ଚଳରେ ଥିବା ଏହି ଗଁା ଅଧିକାଂଶ ବର୍ଷ ବନ୍ୟା ଯୋଗୁ ପ୍ରଭାବିତ ହୋଇଥାଏ। ପାଣିରେ ରାସ୍ତା ବୁଡି ଲୋକଙ୍କ ଘରେ ପଶେ। ଗଁାକୁ ଥିବା ମାଟି ରାସ୍ତା ବର୍ଷାଦିନେ କାଦୁଅ ହୋଇପଡ଼େ। ଲୋକେ ଯାତାୟାତ ପାଇଁ ଅସୁବିଧାର ସମ୍ମୁଖୀନ ହୋଇଥାନ୍ତି। 

ତହସିଲଦାରଙ୍କୁ  ଦୁର୍ବବ୍ୟବହାର ଅଭିଯୋଗ

ତହସିଲଦାରଙ୍କୁ ଦୁର୍ବବ୍ୟବହାର ଅଭିଯୋଗ

ବଡ଼ସାହି,୧୭ା୮(ସ୍ବ.ପ୍ର)-ଟ୍ରାନଜିଟ ପାସ ନ ମିଳିବାରୁ ବଡ଼ସାହି ତହସିଲଦାରଙ୍କୁ ୩ଜଣ ଯୁବକ ଦୁର୍ବବ୍ୟହାର କରିବା ସହ ଆକ୍ରମଣ ଉଦ୍ୟମ କରିଥିବା ନେଇ ବଡ଼ସାହି ଥାନାରେ ଏକ ମାମଲା ରୁଜୁ  ହୋଇଛି ା ଅଭିଯୁକ୍ତମାନେ ହେଲେ  ବେଲପାଳ ଗ୍ରାମ ବାଲି ଖାଦାନ ଲିଜଧାରୀ ସୁଶାନ୍ତ ନାୟକ, ଭାଇ ଅମୀର ନାୟକ ଓ ସପନ ା ଏ ସଂକ୍ରାନ୍ତରେ ପୋଲିସ ଏକ ମାମଲା (ନଂ ୧୧୭/୧୮) ରୁଜୁ କରି ତଦନ୍ତ ଜାରି ରଖିଛି ା 

ସାର୍ଟିଫିକେଟ ନ ମିଳିବା ଯାଏ  ଆନ୍ଦୋଳନ

ସାର୍ଟିଫିକେଟ ନ ମିଳିବା ଯାଏ ଆନ୍ଦୋଳନ

ରାଇରଙ୍ଗପୁର, ୧୭ା୮ (ଡି.ଏନ୍‌.ଏ.)- ରାଇରଙ୍ଗପୁର ଆଇଟିଡିଏ ସଂସ୍ଥା ପକ୍ଷରୁ ୩୧ ଜଣ ଆଦିବାସୀ ଛାତ୍ରୀଙ୍କୁ ମାଗଣାରେ ନର୍ସିଂ ଏବଂ ଜିଏମଏମ୍‌  ପାଠ ପଢା ସକାଶେ ଗତ ୨୦୧୩-୧୪ ମସିହାରେ ଭୁବନେଶ୍ୱରସ୍ଥିତ ୨ଟି ଶିକ୍ଷାନୁଷ୍ଠାନକୁ  ପଠାଯାଇଥିଲା। ମାତ୍ର ୪ ବର୍ଷ ବିତିଯିବା ସତ୍ତ୍ୱେ ସେମାନଙ୍କୁ ଅଦ୍ୟାବଧି  ସାର୍ଟିଫିକେଟ ମିଳି ପାରୁ ନାହିଁ।  ତୁରନ୍ତ ସାର୍ଟିଫିକେଟ ପ୍ରଦାନ ସକାଶେ  ଗୁରୁବାର ସମ୍ପୃକ୍ତ  ଛାତ୍ରୀମାନେ ସ୍ଥାନୀୟ ରାଇରଙ୍ଗପୁର ଆରଟିଡିଏ କାର୍ଯ୍ୟାଳୟ ମୁଖ୍ୟ ଫାଟକକୁ ତାଲା ବନ୍ଦ କରି ଆନ୍ଦୋଳନ କରିବା ସହ ଧାରଣା ଦେଇଥିଲେ।

ବାଜପେୟୀଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି

ବାଜପେୟୀଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି

ବାଲେଶ୍ୱର ଅଫିସ/ବସ୍ତା(ସ୍ବ.ପ୍ର.), ୧୭।୮-ଭାରତରତ୍ନ ତଥା ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିୟୋଗରେ ବାଲେଶ୍ୱର ଭାଜପା କାର୍ଯ୍ୟାଳୟ ପରିସରରେ ଗୁରୁବାର ଜିଲାସଭାପତି ମଦନ ମୋହନ ଦତ୍ତଙ୍କ ନେତୃତ୍ୱରେ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ଏଥିରେ ବହୁ ଭାଜପା ବରିଷ୍ଠ ନେତୃବର୍ଗ ଓ କର୍ମୀ ଯୋଗ ଦେଇଥିଲେ। ବାଜପେୟୀଙ୍କ ମୃତ୍ୟୁରେ ଯେଉଁ ଶୂନ୍ୟ ସ୍ଥାନ ସୃଷ୍ଟି ହେଲା ତାହା କେବେ ବି ପୂରଣ ହୋଇପାରିବ ନାହଁି ବୋଲି ବାଲେଶ୍ୱର ସଦର ବିଧାୟକ ଜୀବନ ପ୍ରଦୀପ ଦାଶ ପ୍ରକାଶ କରିଛନ୍ତି। ବରିଷ୍ଠ ବିଶ୍ୱ ହିନ୍ଦୁ ପରିଷଦ ସଦସ୍ୟ ଲକ୍ଷ୍ମୀକାନ୍ତ ସରକାର, ନୀଳଗିରି ପୂର୍ବତନ ବିଧାୟକ ଚିତ୍ତରଞ୍ଜନ ଷଡ଼ଙ୍ଗୀ ପ୍ରମୁଖ ବାଜପେୟୀଙ୍କ ଦେହାନ୍ତରେ ଶୋକ ପାଳନ ସହ ଅମର ଆମତ୍ାର ସଦ୍‌ଗତି କାମନା କରିଛନ୍ତି ା ବସ୍ତା ନିର୍ବାଚନମଣ୍ଡଳୀ ଭାଜପା ପକ୍ଷରୁ ଶୋକସଭା ବରିଷ୍ଠ ନେତା ଶ୍ୟାମାପ୍ରସାଦ ବେହେରାଙ୍କ ସଭାପତିତ୍ୱରେ ଆୟୋଜିତ ହୋଇଥିଲା। 

ରେଳ ଷ୍ଟେଶନରୁ ଟିକେଟ ଦଲାଲ ଗିରଫ

ରେଳ ଷ୍ଟେଶନରୁ ଟିକେଟ ଦଲାଲ ଗିରଫ

ବାଲେଶ୍ୱର ଅଫିସ,୧୭।୮-ବାଲେଶ୍ୱର ରେଳଷ୍ଟେଶନରୁ ଗୁରୁବାର ମଧ୍ୟାହ୍ନ ସମୟରେ ଜଣେ ଟିକେଟ ଦଲାଲଙ୍କୁ ଖଡଗପୁର ଆର୍‌ପିଏଫ୍‌ କ୍ରାଇମବ୍ରାଞ୍ଚ ଗିରଫ କରିଛି। ତାଙ୍କଠାରୁ କିଛି ଟିକେଟ ସହ ଟଙ୍କା ମଧ୍ୟ ଜବତ କରି ବାଲେଶ୍ୱର ଆର୍‌ପିଏଫ୍‌ ଥାନାରେ ଜମା ଦେଇଛନ୍ତି। 

କୃଷି ସାଧନ କେନ୍ଦ୍ର  ଲୋକାର୍ପିତ

କୃଷି ସାଧନ କେନ୍ଦ୍ର ଲୋକାର୍ପିତ

ଖଇରା, ୧୬।୮(ଡି.ଏନ.ଏ.)-ଖଇରା ସଞ୍ଚୟିକା ମହାସଂଘ ଓ ଓଡିଶା ଜୀବିକା ମିଶନର ମିଳିତ ସହଯୋଗରେ ଖଇରା ପଞ୍ଚାୟତ କାର୍ଯ୍ୟାଳୟ ପରିସରରେ କୃଷି ସାଧନ କେନ୍ଦ୍ର ଲୋକାର୍ପିତ ହୋଇଯାଇଛି। 

ଚୋରା ମଦ ବେପାରୀ ଗିରଫ

ଚୋରା ମଦ ବେପାରୀ ଗିରଫ

ବାଲେଶ୍ୱର ଅଫିସ,୧୬।୮-ବାଲେଶ୍ୱର ଅବକାରୀ ଅଧୀକ୍ଷକ ବିବେକାନନ୍ଦ ନାୟକଙ୍କ ନିର୍ଦ୍ଦେଶରେ ଏକ ଟିମ୍‌ ଗୁରୁବାର ସଦର ଥାନା ଅନ୍ତର୍ଗତ ଜାତୀୟ ରାଜପଥ ଖାନ୍‌ନଗର ଛକ ନିକଟରେ ଚଢ଼ାଉ କରି ଏକ ଟେମ୍ପୋରୁ ୪୨୦ ଲିଟର ମଦ ଜବତ କରିବା ସହ ଡ୍ରାଇଭର ଚିତ୍ତରଞ୍ଜନ ଦାସଙ୍କୁ ଗିରଫ କରିଛନ୍ତି। 

ଗୋଟିଏ ରାତିରେ ମନ୍ଦିର ସମେତ ୩ ସ୍ଥାନରୁ ଚୋରି

ଗୋଟିଏ ରାତିରେ ମନ୍ଦିର ସମେତ ୩ ସ୍ଥାନରୁ ଚୋରି

ବନ୍ତ,୧୬।୮(ଡି.ଏନ.ଏ.)-ଭଦ୍ରକ ଜିଲା ବନ୍ତ ଥାନା ଅଞ୍ଚଳରେ ବୁଧବାର ଗୋଟିଏ ରାତିରେ ୩ଟି ଚୋରି ଘଟଣା ଘଟିଥିବା ଥାନାରେ ଅଭିଯୋଗ ହୋଇଛି। ନିମାପଡ଼ା କପାଳୀକ୍ଷେତ୍ରସ୍ଥିତ ଜଗନ୍ନାଥ ମନ୍ଦିରରୁ ଦୁବୃର୍ତ୍ତମାନେ ଲକ୍ଷାଧିକ ଟଙ୍କାର ସାମଗ୍ରୀ ଚୋରି କରି ନେଇଥିବା ଅଭିଯୋଗରେ ଦର୍ଶାଯାଇଛି।