କାମ୍ପାଲା,୨୮।୧୨: ଉଗାଣ୍ଡାରେ ୧୦୦ ବିଦ୍ରୋହୀଙ୍କୁ ହତ୍ୟା କରାଯାଇଥିବା ନେଇ ସୈନ୍ୟ ବିଭାଗ ପକ୍ଷରୁ ସୂଚିତ କରାଯାଇଛି। ଡିସେମ୍ବର ୨୨ରେ ଏନେଇ ସୈନ୍ୟ ବିଭାଗ ପକ୍ଷରୁ ଅପରେଶନ୍ ଆରମ୍ଭ କରାଯାଇଥିଲା। ବିଦ୍ରୋହୀମାନେ ଜାତିସଂଘ ଶାନ୍ତିବାହିନୀ ସଦସ୍ୟଙ୍କୁ ହତ୍ୟା କରିଥିବା ଅଭିଯୋଗ ହୋଇଥିଲା। ସୂଚନାଯୋଗ୍ୟ, ଉଗାଣ୍ଡା ଏବଂ କଙ୍ଗୋରେ ଜେହାଦୀ ସଂଗଠନ ସକ୍ରିୟ ହେଉଥିବାରୁ ସେମାନଙ୍କ ବିରୋଧରେ ସୈନ୍ୟ ବିଭାଗ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।
କାବୁଲ୍, ୨୫।୪ : ଆଫଗାନୀସ୍ତାନ ସରକାରଙ୍କ ପକ୍ଷରୁ ଦିଆଯାଇଥିବା ଶାନ୍ତି ପ୍ରସ୍ତାବକୁ ତାଲିବାନ ଆତଙ୍କବାଦୀ ସଂଗଠନ ପ୍ରତ୍ୟାଖାନ କରିଛି। ଦେଶରେ ଆତଙ୍କବାଦୀ ଆକ୍ରମଣ ଜୋର୍ଦାର କରିବାକୁ ତାଲିବାନ ସୂଚିତ କରିଛି। ରାଷ୍ଟ୍ରପତି ଅଶରଫ୍ ଗନୀ ଶାନ୍ତି ପ୍ରସ୍ତାବ ଉପରେ ବିଚାର କରିବା ପାଇଁ ତାଲିବାନକୁ କହିଥିଲେ।
ବେଜିଂ, ୨୫।୪ : ଚାଇନା ସିଚୁଆନ୍ ପ୍ରଦେଶରେ ବିଶାଳକାୟ ମଶା ଦେଖାଯାଇଥାନ୍ତି। ଏମାନଙ୍କର ଆକାର ଦେଖି ଯେକେହି ଭୟଭୀତ ହେବା ସ୍ବାଭାବିକ। କିନ୍ତୁ ଏଭଳି ମଶା ଫୁଲରସ ପାନ କରି ବଞ୍ଚିଥାନ୍ତି। ଏଭଳି ମଶାଙ୍କ ଆକାର ସାଢ଼େ ୪ ଇଞ୍ଚ(୧୧.୧୫ ସେମି) ହୋଇଥାଏ। ଏହି ବିଶାଳକାୟ ମଶା ଅତି ଶାନ୍ତ ସ୍ବଭାବର। ଲୋକଙ୍କ ଦେଶରେ ବସିଲେ ମଧ୍ୟ କୌଣସି କ୍ଷତି କରନ୍ତି ନାହିଁ।
ମାଲେ, ୨୫।୪ : ଗ୍ରାହକଙ୍କୁ ଆକର୍ଷିତ କରିବା ପାଇଁ ଅନେକ କମ୍ପାନୀ ରୋମାଞ୍ଚଭରା ଅନୁଭୁତି ପ୍ରଦାନ ସମ୍ପର୍କରେ ଘୋଷଣା କରିଥାନ୍ତି। ଏହାଦ୍ୱାରା ସେମାନଙ୍କର କାରବାର ବଢ଼ିଥାଏ। ସେହିପରି ମାଳଦୀପର କୋନାଇ ମାଳଦୀପ ରଙ୍ଗୋଲୀ ଦୀପରେ ଥିବା ଏକ ହୋଟେଲ ଗ୍ରାହକଙ୍କୁ ସମୁଦ୍ର ପାଣିତଳେ ଶୋଇବାର ଅନୁଭୁତି ପ୍ରଦାନ କରିବା ସମ୍ପର୍କରେ ଘୋଷଣା କରିଛି।
ଇସଲାମାବାଦ୍, ୨୫।୪ : ପାକିସ୍ତାନ କ୍ରିକେଟର ଇମ୍ରାନ ଖାଁଙ୍କ ତୃତୀୟ ବିବାହ ଏବେ ସଙ୍କଟ ଦେଇ ଗତି କରୁଛି। ତାଙ୍କର ତୃତୀୟ ସ୍ତ୍ରୀ ବୁଶରା ମାନେକ୍(୪୫) ଘର ଛାଡି ଚାଲିଯାଇଛନ୍ତି। ଇମ୍ରାନ୍ ରଖିଥିବା ପୋଷା କୁକୁରଙ୍କ ଯୋଗୁ ସେ ବିରକ୍ତ ହୋଇ ଘର ଛାଡିଥିବା କୁହାଯାଉଛି।
କ୍ୱେଟା, ୨୫।୪ : ପାକିସ୍ତାନ ବେଲୁଚିସ୍ତାନ ପ୍ରଦେଶ କ୍ୱେଟା ନିକଟସ୍ଥ ମିନା ଗୁଣ୍ଡି ଅଞ୍ଚଳରେ ଆତ୍ମଘାତୀ ବିସ୍ଫୋରଣରେ ୫ ପୋଲିସଙ୍କ ମୃତ୍ୟୁ ଘଟିଛି। ଏହି ଘଟଣାରେ ୮ରୁ ଅଧିକ ପୋଲିସ ଆହତ ହୋଇଥିବା ପ୍ରଶାସନ ପକ୍ଷରୁ କୁହାଯାଇଛି। ଏହି ଅଞ୍ଚଳରେ ୩ଟି ଆତ୍ମଘାତୀ ବିସ୍ଫୋରଣ ହୋଇଥିବା ପ୍ରଶାସନ ସୂଚିତ କରିଛି।
ଜାକର୍ତ୍ତା, ୨୫।୪ : ଇଣ୍ଡୋନେସିଆ ଆସେହ ପ୍ରଦେଶରେ ଥିବା ଏକ ତୈଳକୂପରେ ଅଗ୍ନିକାଣ୍ଡ ଘଟି ୧୦ଜଣଙ୍କ ମୃତ୍ୟୁ ଘଟିଛି। ପାଇପ୍ ଲାଇନ୍ ଓ୍ବେଲ୍ଣ୍ଡିଂ ସମୟରେ ଏହି ଅଘଟଣ ଘଟିଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚିତ କରାଯାଇଛି। ଏଥିରେ ୧୫ରୁ ଅଧିକ ଲୋକ ଆହତ ହୋଇଛନ୍ତି। ଆହତମାନଙ୍କୁ ଉଦ୍ଧାରକରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।
ବେଜିଂ/ନୂଆଦିଲ୍ଲୀ,୨୪।୪(ପି.ଟି.)- ଆତଙ୍କବାଦୀଙ୍କ ଭୂସ୍ବର୍ଗ ପାକିସ୍ତାନକୁ ଚାଇନାରେ ଚେତାବନୀ ଦେଇଛି ଭାରତ। ବେଜିଂରେ ଚାଲିଥିବା ସାଂଘାଇ ସହଯୋଗ ସଙ୍ଗଠନ (ଏସ୍ସିଓ) ସମ୍ମିଳନୀରେ ବହିର୍ବ୍ୟାପାର ମନ୍ତ୍ରୀ ସୁଷମା ସ୍ବରାଜ ଓ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀଥାରାମନ୍ ମଙ୍ଗଳବାର ଯୋଗଦେଇ ଆତଙ୍କବାଦ ଉପରେ ଲଗାମ ଲଗାଇବା ପାଇଁ ଇସ୍ଲାମାବାଦ୍କୁ ତାଗିଦ୍ କରିଛନ୍ତି।
କାବୁଲ, ୨୪।୪ : ଆଫଗାନୀସ୍ତାନ ଘନଜୀ ପ୍ରଦେଶ ଜାଗହାଟୁ ଜିଲାରେ ତାଲିବାନ ଆତଙ୍କବାଦୀଙ୍କ ଆକ୍ରମଣରେ ୪ ପୋଲିସ ନିହତ ହୋଇଛନ୍ତି। ଏହି ଘଟଣାରେ ୭ଜଣ ସାଧାରଣ ଲୋକ ଆହତ ହୋଇଥିବା ପ୍ରଶାସନ ପକ୍ଷରୁ ସୂଚିତ କରାଯାଇଛି।
ଟରୋଣ୍ଟୋ, ୨୪।୪ : ଦ୍ରୁତ ଗତିରେ ଯାଉଥିବା ଏକ ଭ୍ୟାନ୍ ଧକ୍କାରେ ଟରୋଣ୍ଟୋରେ ୧୦ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ୧୫ରୁ ଅଧିକ ଆହତ ହୋଇଥିବାବେଳେ ଅନେକଙ୍କ ଅବସ୍ଥା ସଙ୍କଟ ଜନକ ରହିଛି ବୋଲି ସ୍ଥାନୀୟ ପୋଲିସ କହିଛି।
ବେଜିଂ, ୨୪।୪ : ଚାଇନା କିଙ୍ଗୁଆନ୍ ସହରରେ ଥିବା କାରାଓକେ ବାର୍ରେ ଭୟାବହ ଅଗ୍ନିକାଣ୍ଡ ଘଟି ୧୮ ଜଣଙ୍କ ମୃତ୍ୟୁ ଘଟିଥିବାବେଳେ ୫ଜଣ ଆହତ ହୋଇଛନ୍ତି। ସୋମବାର ବିଳମ୍ବିତ ରାତିରେ ଏହି ଘଟଣା ଘଟିଥିବା ସ୍ଥାନୀୟ ପୋଲିସ କହିଛି। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡର କାରଣ ଜଣାପଡିନାହିଁ।
ମେକ୍ସିକୋ ସିଟି, ୨୩।୪ : ଗତ ୩ ମାସ ମଧ୍ୟରେ ମେକ୍ସିକୋରେ ହୋଇଥିବା ବିଭିନ୍ନ ହିଂସାକାଣ୍ଡରେ ଇତିମଧ୍ୟରେ ୭,୬୬୭ ଲୋକଙ୍କର ମୃତ୍ୟୁ ଘଟିଛି। ୨୦୧୭ରେ ଏହି ସମୟରେ ୬,୪୦୬ଙ୍କର ମୃତ୍ୟୁ ଘଟିଥିବାବେଳେ ଚଳିତ ବର୍ଷ ପ୍ରଥମ ତିନି ମାସରେ ଏଥିରେ ୨୦ ପ୍ରତିଶତ ବୃଦ୍ଧି ହୋଇଛି।
ଲଣ୍ଡନ, ୨୩।୪ : ଭୂମିକମ୍ପ କିମ୍ବା କୌଣସି ଦୁର୍ଘଟଣାରେ ମାଟିତଳେ ପୋତି ହୋଇ ରହିଥିବା ଲୋକଙ୍କ ସମ୍ପର୍କରେ ଏବେ ସହଜରେ ସୂଚନା ମିଳିପାରିବ। ଗବେଷକ ଏକ ସ୍ବତନ୍ତ୍ର ଧରଣର ସେନସର୍ ବାହାର କରିଛନ୍ତି। ଏହା ସହଜରେ ମାଟି ତଳେ ଥିବା ଜୀବଜନ୍ତୁ ଅଥବା ମଣିଷଙ୍କ ନିକଟକୁ ଏକ ପ୍ରକାର ତରଙ୍ଗ ପ୍ରେରଣ କରିବ। ସେମାନଙ୍କ ଶରୀରରେ ବାଜି ଏହି ତରଙ୍ଗ ସେନସରକୁ ଫେରିବ।
