ଉପକୂଳ ଓଡିଶା

ବିନା ପଞ୍ଜୀକରଣରେ ଚାଲିଛି ବିପଦପୂର୍ଣ୍ଣ କାମ

ବିନା ପଞ୍ଜୀକରଣରେ ଚାଲିଛି ବିପଦପୂର୍ଣ୍ଣ କାମ

ଯାଜପୁର ଅଫିସ,୨୭।୧୨

ବିନା ପଞ୍ଜୀକରଣରେ ପାଣିରେ ବୁଡ଼ାଇ ବିପଦପୂର୍ଣ୍ଣ କାର୍ଯ୍ୟରେ ଶ୍ରମିକଙ୍କୁ ନିୟୋଜିତ କରି କାମ କରୁଛି ଏଆର୍‌ଏସ୍‌ଏସ୍‌। ଏପରି କି ସେମାନଙ୍କୁ ୫ମାସ ହେଲା ବକେୟା ୭ଲକ୍ଷ ଟଙ୍କା ପ୍ରାପ୍ୟ ପ୍ରଦାନ କରାଯାଇନାହିଁ। ଯାଜପୁର ଜିଲା ଜେନାପୁର ବ୍ରାହ୍ମଣୀ ନଦୀ ଉପରେ ନିର୍ମାଣାଧିନ ହାଇଲେଭଲ ବ୍ରିଜର ସିଙ୍କିଙ୍ଗ କାର୍ଯ୍ୟରେ ଏଭଳି ଅଭିଯୋଗ ହୋଇଛି। ରାଜ୍ୟ ବାହାରର ସମ୍ପୃକ୍ତ ଶ୍ରମିକମାନେ ଏନେଇ ଠିକାସଂସ୍ଥା ଏଆରଏସ୍‌ଏସ୍‌ ବିରୋଧରେ ବୁଧବାର ଜିଲା ଶ୍ରମ ବିଭାଗର ଦ୍ୱାରସ୍ଥ ହୋଇଛନ୍ତି। କମ୍ପାନୀର ପଞ୍ଜୀକରଣ ବଳରେ କାହାରି କିଛି ଅସୁବିଧା ହେବ ନାହିଁ ବୋଲି କୁହାଯାଇ ୧୦୦ଫୁଟରୁ ଊର୍ଦ୍ଧ୍ୱ ଗଭୀର ପାଣିରେ ଗରିବ ଲୋକଙ୍କ ଜୀବନକୁ ବାଜି ଲଗାଯାଉଛି। ପୂର୍ବରୁ ଗାର୍ଡରରେ ଫାଟ ଓ ଶ୍ରମିକଙ୍କ ନାମରେ ବର୍ଦ୍ଧିତ ଦରକୁ ହଡ଼ପ ହୋଇଥିବା ଅଭିଯୋଗ ହୋଇଥିଲା। ତେବେ ପ୍ରଭାବଶାଳୀ ବ୍ୟକ୍ତିଙ୍କ ଦ୍ୱାରା ଏହି ସଂସ୍ଥା ପରିଚାଳିତ ହେଉଥିବାରୁ ଶ୍ରମ ବିଭାଗ କିମ୍ବା ଯାଜପୁର ଆର ଆଣ୍ଡ ବି ଡିଭିଜନ ମୁହଁ ଖୋଲିବାକୁ ସାହାସ ଜୁଟାଇ ପାରୁ ନାହାନ୍ତି। ଫଳରେ ଗରିବ ଶ୍ରମିକମାନେ ନିଜ ଭାଗ୍ୟକୁ ଆଦରି ପଡି ରହିଛନ୍ତି ।
ମଧ୍ୟପ୍ରଦେଶ ରାଜ୍ୟର ମୋରେନା ଜିଲା ବୁଧରା ଅଞ୍ଚଳର ମାଧୋ ସିଂ ଓ ତାଙ୍କ ସାଥିଙ୍କୁ ଜେନାପୁର ବ୍ରିଜର ସିଙ୍କିଙ୍ଗ କାର୍ଯ୍ୟ ପାଇଁ ଏଆର୍‌ଏସ୍‌ଏସ୍‌ ୩।୫।୨୦୧୬ରେ କାର୍ଯ୍ୟାଦେଶ ଦେଇଥିଲା। ସେହିଦିନଠାରୁ ମାଧୋ ସିଂ, ରାମ କୃପାଳ, ତେହସିଲଦାର, ରାକେସ ସିଂ, ବୀରେନ୍ଦର ସିଂ, ବିଜୟ ରାମ, ମୁକେଶ ସିଂ ଓ ବିଜେନ୍ଦର ସିଂ ଗତ ଜୁଲାଇ ମାସ ପର୍ଯ୍ୟନ୍ତ ସିଙ୍କିଙ୍ଗ କାର୍ଯ୍ୟରେ ନିୟୋଜିତ ଥିଲେ । ନଦୀଗର୍ଭରେ ୧୦୦ ଫୁଟ ଗଭୀରକୁ ବୁଡି ଏହି ଶ୍ରମିକମାନେ ବିପଦପୂର୍ଣ୍ଣ ପିଲର କାର୍ଯ୍ୟ କରୁଥିଲେ। ପ୍ରତି ୧୫ ଦିନରେ ଶ୍ରମିକଙ୍କ ପ୍ରାପ୍ୟ ପ୍ରଦାନ କରିବାକୁ କମ୍ପାନୀ ସହିତ ଚୁକ୍ତି ହୋଇଥିଲା। ଗତ ଜୁଲାଇ ମାସ ପର୍ଯ୍ୟନ୍ତ ଏହି ଶ୍ରମିକମାନେ କରିଥିଲେ। ଚୁକ୍ତି ଅନୁସାରେ ମୋଟ ୧୯ଲକ୍ଷ ୭୦ହଜାର ଟଙ୍କା ବିଲ୍‌ ହୋଇଥିଲା। ସେଥିରୁ ୧୨ଲକ୍ଷ ଟଙ୍କା ପ୍ରଦାନ କରାଯାଇଥିବାଳେ ବାକି ୭ଲକ୍ଷ ୭୦ହଜାର ଟଙ୍କା ଏଯାବତ୍‌ ନ ମିଳିବାରୁ ସେମାନେ କାମ ବନ୍ଦ କରିଦେଇଥିବା ଶ୍ରମିକ ମାଧୋ ସିଂ ଜିଲା ଶ୍ରମ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି। ବାରମ୍ବାର ବକେୟା ଅର୍ଥ ଦେବାକୁ ଶ୍ରମିକମାନେ ଆବେଦନ ନିବେଦନ କରି ନୟାନ୍ତ ହୋଇସାରିଲେଣି। ତେବେ ଏହି ଶ୍ରମିକଙ୍କ ଅର୍ଦ୍ଧ ଶିକ୍ଷିତର ସୁଯୋଗ ନେଇ ଶ୍ରମ ବିଭାଗୀୟ ଅଧିକାରୀ ଏଆର୍‌ଏସ୍‌ଏସ୍‌ କମ୍ପାନୀ ସପକ୍ଷରେ ଠିଆ ହୋଇ କାହିଁକି ବିନା ପଞ୍ଜିକରଣରେ କାମ କରୁଛ ବୋଲି କହି ନାଲି ଆଖି ଦେଖାଇଛନ୍ତି। ଅନ୍ୟପକ୍ଷେ ଏଆର୍‌ଏସ୍‌ଏସ୍‌ର ଚୁକ୍ତିରେ କୌଣସି ପଞ୍ଜିକରଣ ବାବଦରେ ଉଲ୍ଲେଖ କରାଯାଇ ନାହିଁ। ନିଜର ପଞ୍ଜୀକରଣ ବଦଳରେ କାମ କରିବ, ଏଥିରେ କୌଣସି ସମସ୍ୟା ହେବ ନାହିଁ ବୋଲି ଠିକାସଂସ୍ଥା କର୍ତ୍ତୃପକ୍ଷ ପୂର୍ବରୁ କହିଆସୁଥିବା ଶ୍ରମିକ ମାଧୋ ସିଂ ପ୍ରକାଶ କରିଛନ୍ତି । ଏହାବାଦ ୨୦୧୬ ଫେବୃୟାରୀ ମାସରେ ୨ଟି ଛାତର ଗାର୍ଡରରେ ଫାଟ ସୃଷ୍ଟି ହୋଇଥିଲା। ଗାର୍ଡର ଫାଟକୁ ଲୁଚାଇ ସମ୍ପୂର୍ଣ୍ଣ ଭାଙ୍ଗି ପୁନଃ ନିର୍ମାଣ ପରିବର୍ତ୍ତେ ସାମାନ୍ୟ ମରାମତି କରାଯାଇଥିବା ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା। ଅନ୍ୟପକ୍ଷେ ପାଣିକୋଇଲି ନିବାହୀଯନ୍ତ୍ରୀଙ୍କ ସୁପାରିଶକ୍ରମେ ପୂର୍ତ୍ତ ବିଭାଗ ପକ୍ଷରୁ ପତ୍ରସଂଖ୍ୟା ୪୦୬୯/୨ା୧୧ା୨୦୧୭ରେ ୱାର୍ଡବ୍ୟାଙ୍କ ପ୍ରକଳ୍ପର ଚିଫ୍‌ ଇଞ୍ଜିନିୟରଙ୍କୁ ୨୦୧୧ ରୁ ୨୦୧୪ପର୍ଯ୍ୟନ୍ତ ଶ୍ରମିକଙ୍କ ବର୍ଦ୍ଧିତ ମୂଲ୍ୟ ବାବଦକୁ ୧କୋଟି ୫ଲକ୍ଷ ୪ହଜାର ୩୫୧ଟଙ୍କା ମଞ୍ଜୁର କରିବାକୁ ପ୍ରସ୍ତାବ ଦିଆଯାଇଥିଲା। ବାସ୍ତବପକ୍ଷେ ଏଆର୍‌ଏସ୍‌ଏସ୍‌ ଦ୍ୱାରା ନିର୍ମାଣାଧିନ ଏହି ବ୍ରିଜ କାର୍ଯ୍ୟରେ ଗତ ୨୦୧୧ରୁ ଏଯାଏ ସର୍ବାଧିକ ମାତ୍ର ୫ଜଣ ସ୍ଥାନୀୟ ଶ୍ରମିକ ନିୟୋଜିତ ହୋଇଛନ୍ତି । ଏଥିରେ ରାଜ୍ୟ ବାହାର ବିହାର ଓ କଲିକତାର ଏକ ସଂସ୍ଥା ଜରିଆରେ ୬୦ରୁ ୭୦ଜଣ ଶ୍ରମିକ କାମ କରି ଆସୁଛନ୍ତି। ଏଭଳିସ୍ଥିତିରେ କେଉଁ ଶ୍ରମିକଙ୍କ ମୂଲ୍ୟ ବର୍ଦ୍ଧିତ ପାଇଁ ଉପରୋକ୍ତ ଅର୍ଥ ମଞ୍ଜୁର ପାଇଁ ପ୍ରସ୍ତାବ ଯାଇଛି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଥିଲା। ବ୍ରାହ୍ମଣୀ ନଦୀରେ ଜେନାପୁର ନିକଟରେ ହାଇଲେଭଲ ବ୍ରିଜ ନିର୍ମାଣ ପାଇଁ ୨୦୧୧-୧୨ ଆର୍ଥିକ ବର୍ଷରେ ଏଆର୍‌ଏସ୍‌ଏସ୍‌ ଇନଫ୍ରାଷ୍ଟ୍ରକ୍ଚର ପ୍ରୋଜେକ୍ଟ ଲିଃ ସହ ୪୪କୋଟି ୬୫ଲକ୍ଷ ୩୩ହଜାର ୮୨୯ଟଙ୍କା ନାବାର୍ଡ ଅନୁଦାନରେ ଚୁକ୍ତି ହୋଇଥିଲା । ପୂର୍ବ ନିର୍ଦ୍ଧାରିତ ସମୟସୀମା ମଧ୍ୟରେ ଏହା ଶେଷ ନ ହେବାରୁ ଆସନ୍ତା ୨୮।୨।୨୦୧୮ ତାରିଖ ମଧ୍ୟରେ ବ୍ରିଜ ନିର୍ମାଣ କାର୍ଯ୍ୟ ଶେଷ କରିବାକୁ ବିଭାଗ ପକ୍ଷରୁ ନିର୍ଦ୍ଦେଶ ଜାରି ହୋଇଛି । ଏ ସଂକ୍ରାନ୍ତରେ ଠିକାସଂସ୍ଥା ଏଆର୍‌ଏସ୍‌ଏସ୍‌ର ପରିଚାଳନା ନିର୍ଦ୍ଦେଶକଙ୍କ ପିଏ ଅନାମ ବେହେରାଙ୍କୁ ପଚାରିବାରେ ଅଭିଯୋଗ ଉପରେ ଅନୁଧ୍ୟାନ କରି ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି। ଜିଲା ଶ୍ରମ ଅଧିକାରୀ ଶିବଶଙ୍କର ମିଶ୍ରଙ୍କୁ ପଚାରିବାରୁ ସେ କହିଛନ୍ତି ଅଭିଯୋଗ ସଂକ୍ରାନ୍ତରେ ସଂପୃକ୍ତ ଠିକାସଂସ୍ଥାକୁ ପତ୍ର ଦିଆଯିବ। ଏହାପରେ ଉଭୟ ଠିକାସଂସ୍ଥା ଓ ଶ୍ରମିକଙ୍କ ସହିତ ଆଲୋଚନା କରି ବିହିତ ପଦକ୍ଷେପ ନିଆଯିବ।

All Right Reserved By

ଉପକୂଳ ଓଡିଶା

ବାପିନା ହତ୍ୟା ମାମଲା ସୁଶାନ୍ତ, ଗଣେଶ୍ୱରଙ୍କୁ ଆଜୀବନ କାରାଦଣ୍ଡ

ଜଗତ୍‌ସିଂହପୁର ଅଫିସ, ୧୮ା୬: ୨୦୧୩ରେ କୁଜଙ୍ଗ ଥାନା ଅନ୍ତର୍ଗତ ଖରିଗୋଠ ଗ୍ରାମର ଶ୍ୟାମସୁନ୍ଦର ରାଉତଙ୍କ ପୁଅ ବଳରାମ ରାଉତ ଓରଫ ବାପିନା(୧୯)ଙ୍କୁ ଯୋଜନାବଦ୍ଧ ଭାବେ ହତ୍ୟା କରି ନଦୀରେ ଭସାଇ ଦିଆଯାଇଥିଲା।

୫ କେଜି ବଜ୍ରକାପ୍ତା କାତି ଜବତ, ଜଣେ ଗିରଫ

ଦଶପଲ୍ଲା,୧୮।୬(ବ୍ୟୁରୋ): ନୟାଗଡ଼ ଜିଲା ଦଶପଲ୍ଲା ବ୍ଲକର ଟାକେରା ଗେଟ ନିକଟରୁ ସୋମବାର ୫ କେଜି ବଜ୍ରକାପ୍ତା କାତି ଜବତ ହୋଇଛି। ଏହି ଘଟଣାରେ ଜଣଙ୍କୁ ଗିରଫ କରାଯାଇଛି। ସେ ବେଗୁନିଆ ଅଞ୍ଚଳର ଶ୍ୟାମ ସୁଦିନ୍‌ ଖାନ୍‌ ବୋଲି ଜଣାପଡିଛି। ଜବତ କାତିର ମୂଲ୍ୟ ପ୍ରାୟ ୫୦ ହଜାର ଟଙ୍କା ହେବ।

ଛାତ୍ର କଂଗ୍ରେସର ବିକ୍ଷୋଭ

ଛାତ୍ର କଂଗ୍ରେସର ବିକ୍ଷୋଭ

ଜଗତ୍‌ସିଂହପୁର ଅଫିସ,୧୮।୬: ଅଖିଳ ଭାରତୀୟ ଛାତ୍ର କଂଗ୍ରେସ ଆହ୍ବାନରେ ଜଗତସିଂହପୁର ଜିଲା ଛାତ୍ର କଂଗ୍ରେସ ପକ୍ଷରୁ ସୋମବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଦେଶରେ ବେକାରୀ ସମସ୍ୟା ବୃଦ୍ଧି ଏବଂ ପେଟ୍ରୋଲ, ଡିଜେଲ ମୂଲ୍ୟ ବାରମ୍ବାର ବୃଦ୍ଧି ପାଇବା ବିରୋଧରେ ଛାତ୍ର କଂଗ୍ରେସ ରାଜରାସ୍ତାକୁ ଓହ୍ଲାଇଛି।

ଅଗ୍ନିକାଣ୍ଡ: ୨ ବଖରା ଜଳିଗଲା

ମହାକାଳପଡ଼ା, ୧୮ା୬(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଖରିନାସୀ ପଞ୍ଚାୟତ ଖରିନାସୀ ଗ୍ରାମର ଦାସପଡ଼ାଠାରେ ସୋମବାର ପୂର୍ବାହ୍ନରେ ଅଗ୍ନିକାଣ୍ଡ ଘଟିଛି।

ବୋର୍ଟ ଇଞ୍ଜିନ୍‌ ମରାମତି ସମୟରେ ଅଘଟଣ, ନଦୀକୁ ଖସି ଜଣେ ମୃତ

ବୋର୍ଟ ଇଞ୍ଜିନ୍‌ ମରାମତି ସମୟରେ ଅଘଟଣ, ନଦୀକୁ ଖସି ଜଣେ ମୃତ

ମହାକାଳପଡ଼ା, ୧୮ା୬(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ଅଧୀନ ଖରିନାସୀ ପଞ୍ଚାୟତ ଖରିନାସୀ ଗଳିଆ ନଦୀରେ ରବିବାର ବିଳମ୍ବିତ ରାତିରେ ଏକ ଅଘଟଣ ଘଟିଛି। ମତ୍ସ୍ୟବୋର୍ଟରେ ସର୍ଟ ସର୍କିଟ ଯୋଗୁ ଜଣଙ୍କର ମୃତ୍ୟୁ ହୋଇଛି। ସେ ହେଲେ ଖରିନାସୀ ଗ୍ରାମର ବୋର୍ଟ ମାଲିକ ତଥା ମତ୍ସଜୀବୀ ମାନବ ସରକାର(୩୦)।

ଭୁଜାଲି ଦେଖାଇ ଦମ୍ପତିଙ୍କଠାରୁ ସୁନାହାର ଲୁଟ୍‌

ମହାକାଳପଡା, ୧୮।୬ (ଡି.ଏନ୍‌.ଏ.): ମହାକାଳପଡା ବ୍ଲକ ଅନ୍ତର୍ଗତ ରାମଚଣ୍ଡୀ ସେତୁ ନିକଟ ରାମନଗର ରାସ୍ତାରେ ଶନିବାର ବିଳମ୍ବିତ ରାତିରେ ଏକ ଦମ୍ପତିଙ୍କୁ ଭୁଜାଲି ଦେଖାଇ ୩ ଜଣ ଦୁର୍ବୃତ୍ତ ସୁନା ଚେନ୍‌ ଲୁଟି ନେଇଛନ୍ତି। ଏନେଇ ଜମ୍ବୁ ମେରାଇନ୍‌ ଥାନାରେ ଅଭିଯୋଗ ହୋଇଛି।

ଜିଲା ଆଇନସେବା ପ୍ରାଧିକରଣ ପକ୍ଷରୁ ବୃକ୍ଷରୋପଣ

କେନ୍ଦ୍ରାପଡା ଅଫିସ, ୧୮।୬ ସହରର କଜଳାସ୍ଥିତ ଭାରତୀ ବିଦ୍ୟାମନ୍ଦିର ପରିସରରେ ଜିଲା ଆଇନସେବା ପ୍ରାଧିକରଣ ପକ୍ଷରୁ ୫୦ରୁ ଊର୍ଦ୍ଧ୍ୱ ଔଷଧୀୟ ବୃକ୍ଷରୋପଣ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି ।

ଦଶିପୁର ଉମା ମହେଶ୍ୱର ମନ୍ଦିରରେ ଶିବବିବାହ

ମାର୍ଶାଘାଇ,୧୮।୬(ଡିଏନଏ) ମାର୍ଶାଘାଇ ବ୍ଲକ ଦଶିପୁର ଗ୍ରାମରେ ଅଧିଷ୍ଠିତ ଉମା ମହେଶ୍ୱର ମନ୍ଦିରରେ ଶିବବିବାହ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି। ପ୍ରତିବର୍ଷ ପରି ଶୀତଳଷଷ୍ଠୀ ଅବସରରେ ପାରମ୍ପାରିକ ରୀତିରେ ଶିବପାର୍ବତୀଙ୍କ ବିବାହ ଉତ୍ସବ ଧୁମଧାମରେ ପାଳିତ ହୋଇଯାଇଛି।

ଜାଗା ଚିହ୍ନଟ ହେଉ ନଥିବାରୁ ଅନୁଦାନ ଫେରିଯିବା ଆଶଙ୍କା

ରାଜକନିକା,୧୮।୬(ଡି.ଏନ୍‌.ଏ) ରାଜକନିକା ବ୍ଲକ ଅନ୍ତର୍ଗତ ଶୈଳେନ୍ଦ୍ର ନାରାୟଣ କଲେଜର ନିଜସ୍ବ ଜାଗାକୁ କେତେଜଣ ଅସାଧୁ ବ୍ୟକ୍ତି ଜବରଦଖଲ କରି ରଖିଛନ୍ତି। ଏହି ଜାଗା ମାପିବା ପାଇଁ ପ୍ରଶାସନର ସହାୟତା ନିଆଯାଇଛି। ମାତ୍ର ଜାଗା ଚିହ୍ନଟ କରିବାରେ ପ୍ରଶାସନ ବିଫଳ ହୋଇଛି।

ବିରିମଣ୍ଡିର ଅବଧି ବୃଦ୍ଧି ପାଇଁ ଦାବି

ବିରିମଣ୍ଡିର ଅବଧି ବୃଦ୍ଧି ପାଇଁ ଦାବି

ପଟ୍ଟାମୁଣ୍ଡାଇ,୧୮ା୬(ସ୍ବ.ପ୍ର.) ପଟ୍ଟାମୁଣ୍ଡାଇ ବ୍ଲକ ଅଳଭା ସମବାୟ ସମିତି ଅଧୀନ ଶାସନଠାରେ ଗତ ୨୬ ତାରିଖରେ ଖୋଲା ଯାଇଥିବା ବିରିମଣ୍ଡି ଅବଧି ବୃଦ୍ଧି ପାଇ ଚାଷୀମାନେ ଦାବି କରିଛନ୍ତି। ଜୁନ ୩୦ ତାରିଖ ପର୍ଯ୍ୟନ୍ତ ମଣ୍ଡିରେ ଚାଷୀମାନେ ବିରି ବିକ୍ରୀ କରିବା ପାଇଁ ସମୟ ଧାର୍ଯ୍ୟ କରାଯାଇଥିବା ବେଳେ ଜୁଲାଇ ୨୦ ତାରିଖ ପର୍ଯ୍ୟନ୍ତ ସମୟ ବୃଦ୍ଧି କରାଗଲେ

ଧ୍ୱଂସ ଆଡକୁ ଗତି କରୁଛି ସବୁଜବଳୟ

ଧ୍ୱଂସ ଆଡକୁ ଗତି କରୁଛି ସବୁଜବଳୟ

କେନ୍ଦ୍ରାପଡା ଅଫିସ,୧୮।୬ ୨୦୧୭ ମସିହା ସେପ୍ଟେମ୍ବର ୨୧ରେ ତଟ ସୁରକ୍ଷା ଓ ଅନୁପ୍ରବେଶ ସମସ୍ୟାର ସମୀକ୍ଷା ପାଇଁ କେନ୍ଦ୍ରାପଡା ଜିଲାପାଳ ରେଘୁଜୀ.ଙ୍କ ଅଧ୍ୟକ୍ଷତାରେ ଏକ ବୈଠକ ହୋଇଥିଲା ।

ଜଗତ୍‌ସିଂହପୁର ବାଇଜଙ୍ଗା ଗୁଳିକାଣ୍ଡ : ଦୁଇ ନୁହେଁ, ଫୁଟିଛି ୪ ରାଉଣ୍ଡ ଗୁଳି

ଜଗତ୍‌ସିଂହପୁର ବାଇଜଙ୍ଗା ଗୁଳିକାଣ୍ଡ : ଦୁଇ ନୁହେଁ, ଫୁଟିଛି ୪ ରାଉଣ୍ଡ ଗୁଳି

ଜଗତ୍‌ସିଂହପୁର ଅଫିସ, ୧୮ା୬: ଜଗତ୍‌ସିଂହପୁର ଥାନା ଅଧୀନ ବଳରାମପୁର ପଞ୍ଚାୟତର ବାଇଜଙ୍ଗା ଗ୍ରାମରେ ଗତ ୧୫ ତାରିଖରେ ଗୁଳିକାଣ୍ଡ ଘଟିଥିଲା। ଏଥିରେ ଏହି ପଞ୍ଚାୟତ ଅଧୀନ ଦେନ୍ଦ୍ୱ ଗ୍ରାମର ଦିବ୍ୟସ୍ବରୂପ ସାହୁ ଓରଫ ଜିତୁ ଆହତ ହୋଇଥିଲେ। ଜିତୁଙ୍କ ଦୁଇ ଜଂଘରେ ୨ଟି ଗୁଳି ବାଜିଥିଲା ବୋଲି ସେତେବେଳେ କୁହାଯାଇଥିଲା।

Model This Week

ପ୍ରଭାତ