ସମ୍ବଲପୁର

ସାଂସ୍କୃତିକ କାର୍ଯ୍ୟକ୍ରମରେ ଦୁଲୁକିଲା ମଞ୍ଚ: କୋଶଲୀ ଧନୁଯାତ୍ରାର ପ୍ରଥମ ସନ୍ଧ୍ୟା

ସାଂସ୍କୃତିକ କାର୍ଯ୍ୟକ୍ରମରେ ଦୁଲୁକିଲା ମଞ୍ଚ: କୋଶଲୀ ଧନୁଯାତ୍ରାର ପ୍ରଥମ ସନ୍ଧ୍ୟା
ନୂଆପଡା ଅଫିସ,୨୮।୧୨- କୋଶଳ ଭାଷାର ଗବେଷଣା ପ୍ରତିଷ୍ଠାନ ତରଫରୁ ନୂଆପଡା ରଙ୍ଗ ମଞ୍ଚରେ ଆରମ୍ଭ ହୋଇଥିବା କୋଶଲୀ ଧନୁଯାତ୍ରାର ସାଂସ୍କୃତିକ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ହୋଇଛି। ପ୍ରଥମ ଦିନର କାର୍ଯ୍ୟକ୍ରମରେ ବିଭିନ୍ନ ସାଂସ୍କୃତିକ ଦଳ ଦ୍ୱାରା ପ୍ରଦର୍ଶିତ ହୋଇଥିବା ନୃତ୍ୟଗୀତରେ ମଞ୍ଚ ଦୁଲୁକି ଉଠିଥିଲା। ଏଥିରେ ବିଭିନ୍ନ ଶିକ୍ଷାନୁଷ୍ଠାନର ପିଲାଙ୍କ ପ୍ରତିଯୋଗିତା ଦର୍ଶକଙ୍କୁ ବାନ୍ଧି ରଖିଥିଲା। କଂସ ଦରବାରରେ ଅତିଥିଶାଳାରେ ନାଟ୍ୟକଳାକାରମାନଙ୍କର କାର୍ଯ୍ୟକ୍ରମ ମଞ୍ଚରେ ସଂସ୍କୃତିର ଆସର ଜମାଇଥିଲା। ପ୍ରତିବର୍ଷ ଭଳି ନିର୍ଦ୍ଧାରିତ ସମୟରେ କାର୍ଯ୍ୟକ୍ରମ ବୁଧବାର ସନ୍ଧ୍ୟା ୭ଟାବେଳେ ଆରମ୍ଭ ହୋଇଥିଲା। ଶୋଭାଯାତ୍ରାରେ କଂସଙ୍କ ପାରିଷଦ ବର୍ଗ ଏବଂ କୋଷଳ ରତ୍ନ ପ୍ରୟାଗ ଦତ ଯୋଶୀଙ୍କ ଫଟୋ ଚିତ୍ରକୁ ଶୋଭାଯାତା୍ରରେ ସହର ପରିକ୍ରମା କରି ମଞ୍ଚରେ ଆଣି ସ୍ଥାପନ କରାଯାଇଥିଲା। ପରେ ମଞ୍ଚ ଆଲୋକମାଳାରେ ଝଲସି ଉଠିଥିଲା। ତତ୍‌କ୍ଷଣାତ ପୂର୍ବ ପ୍ରସ୍ତୁତି ଅନୁଯାୟୀ ପ୍ରଥମେ ବିଭିନ୍ନ ଶିକ୍ଷାନୁଷ୍ଠାନରୁ ଆସିଥିବା କୁନିପିଲାଙ୍କର ନୃତ୍ୟ ପ୍ରତିଯୋଗିତା ହୋଇଥିଲା। ଏହାକୁ ପ୍ରାଥମିକ ଶିକ୍ଷକତା କରୁଥିବା ଜୟଶ୍ରୀ ଦଣ୍ଡସେନା ପରିଚାଳନା କରିଥିଲେ। ଏହାକୁ ଦେଖିବାକୁ ସହରର ବହୁ ଛାତ୍ରୀଛାତ୍ର ଏବଂ ଅଭିଭାବକଙ୍କ ଗହଳି ହୋଇଥିଲା। ଏହି ପ୍ରତିଯୋଗିତା ଧନୁଯାତ୍ରା ଶେଷ ହେବା ଯାଏଁ ଚାଲିବ। ଶେଷ ଦିନ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯିବ। ଏହି କାର୍ଯ୍ୟକ୍ରମ ପରେ ଉଦ୍‌ଘାଟନୀ ସମାରୋହ ହୋଇଥିଲା। ଅତିଥିମାନଙ୍କ ଗହଣରେ ଧନୁଯାତ୍ରାର ଯୁବରାଜ କଂସ ହାତୀରେ ଆସି ପହଞ୍ଚିଥିଲେ। ସେ ପହଞ୍ଚିବାକ୍ଷଣୀ ତାଙ୍କର ଅତିଥିଶାଳାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏଥିରେ ନାଟ୍ୟକଳାକାରଙ୍କ ବଛା ବଛା ସମ୍ବଲପୁରୀ ଏବଂ କଳାହାଣ୍ଡିଆ ଗୀତରେ ତାଳେ ତାଳେ ନୃତ୍ୟ ପ୍ରଦର୍ଶନ କରି ଅତିଥିଙ୍କ ମନମୋହିଥିଲେ। ଏହା ପରେ କଂସ ଦରବାରରେ ମହାରାଜ କଂସଙ୍କ ପ୍ରତାପୀ ଶାସନକାଳକୁ ଉପଭୋଗ କରିବାକୁ ହଜାର ହଜାର ଦର୍ଶକଙ୍କ ଭିଡ ଦେଖିବାକୁ ମିଳିଥିଲା। ଯାତ୍ରା ପରିସରରେ ମୀନାବଜାର ମୁଖ୍ୟ ଆକର୍ଷଣ ଥିବାବେଳେ ଭଳିକିଭଳି ଖାନା ଖଜାନା ଦର୍ଶକଙ୍କୁ ବାନ୍ଧିରଖିଥିଲା। କାର୍ଯ୍ୟକ୍ରମକୁ ଅନ୍ୟମାନଙ୍କ ମଧ୍ୟରେ ଫକୀର ପାଢୀ, ସୁବଳ ଶ୍ୟାମ ପଣ୍ଡା, ପ୍ରତିଭା ହୋତା, ବିଶ୍ୱଦେବ ପଣ୍ଡା, ଅଶୋକ ନାଗ, ଜୟମାଧବ ହୋତା ପରିଚାଳନାରେ ମୁଖ୍ୟ ଭୂମିକା ନେଇଛନ୍ତି।
All Right Reserved By

ସମ୍ବଲପୁର

ଅଗ୍ନିଶମ କର୍ମଚାରୀଙ୍କ ୬ଦଫା ଦାବି ପୂରଣ ପାଇଁ କାର୍ଯଯବନ୍ଦ ଆନ୍ଦୋଳନ

ଅଗ୍ନିଶମ କର୍ମଚାରୀଙ୍କ ୬ଦଫା ଦାବି ପୂରଣ ପାଇଁ କାର୍ଯଯବନ୍ଦ ଆନ୍ଦୋଳନ

ଭଟଲି,୨୪।୯(ଡି.ଏନ.ଏ)
ଓଡ଼ିଶା ଅଗ୍ନିଶମ କର୍ମଚାରୀଙ୍କୁ ରାଜ୍ୟ ପୋଲିସ କର୍ମଚାରୀମାନଙ୍କ ସହିତ ସମାନ ଦରମା ଓ ଭତ୍ତା ପ୍ରଦାନ, ଅଗ୍ନିଶମ ସଂସ୍ଥାର ହାବିଲଦାର ଏବଂ ପାୟାରମ୍ୟାନ ସଂଘକୁ ତୁରନ୍ତ ପଞ୍ଜୀକରଣଭୁକ୍ତ, ଚୁକ୍ତିଭିତ୍ତିକ କର୍ମଚାରୀଙ୍କ ତୁରନ୍ତ ନିୟମିତ ଦରମା, ନିଜ ଜିଲା କିମ୍ବା ନିକଟସ୍ଥ ଜିଲାରେ ନିଯୁକ୍ତି ଦେବା ଏବଂ ଖାଲି ପଡ଼ିଥିବା ପଦବୀଗୁଡ଼ିକ ଶୀଘ୍ର ପୂରଣ କରିବା ଆଦି ୬ ଦଫା ଦାବି ନେଇ ଭଟଲି ଅଗ୍ନିଶମ ବିଭାଗ ପକ୍ଷରୁ ସୋମବାରରୁ ଅନିର୍ଦ୍ଧିଷ୍ଟ କାଳ ପାଇଁ କାର୍ଯ୍ୟବନ୍ଦ ଆନ୍ଦୋଳନ କରାଯାଇଛି।

୬ଦଫା ଦାବିରେ ଅଗ୍ନିଶମ କର୍ମଚାରୀଙ୍କ ଧାରଣା

୬ଦଫା ଦାବିରେ ଅଗ୍ନିଶମ କର୍ମଚାରୀଙ୍କ ଧାରଣା

ବିଜେପୁର,୨୪।୯(ଡି.ଏନ.ଏ.)
ବରଗଡ଼ ଜିଲା ବିଜେପୁର ଦମକଳ କେନ୍ଦ୍ର ପରିସରରେ ୬ ଦଫା ଦାବିରେ ହାବିଲଦାର ଓ ଫାୟାରମ୍ୟାନମାନେ ସୋମବାର ଧାରଣା ଦେଇଛନ୍ତି। ଅଗ୍ନିଶମ କର୍ମଚାରୀମାନଙ୍କୁ ପୋଲିସ କର୍ମଚାରୀଙ୍କ ସହ ସମାନ ଦରମା ଓ ଭତ୍ତା, ଚୁକ୍ତିଭିତ୍ତିକ କର୍ମଚାରୀଙ୍କୁ ନିୟମିତ କରିବା, ଅବସରକାଳୀନ ଭତ୍ତା ଆଦି ୬ ଦଫା ଦାବି ପୂରଣ ନହେବା ପର୍ଯ୍ୟନ୍ତ ଧାରଣା ଅବ୍ୟାହତ ରହିବ ବୋଲି ଆନ୍ଦୋଳନକାରୀ ଅଗ୍ନିଶମ କର୍ମଚାରୀଗଣ ଚେତାବନୀ ଦେଇଛନ୍ତି।

ଏସିଡ୍‌ ପୀଡ଼ିତାଙ୍କ ପାଇଁ ଆଇନ ସଚେତନତା ଶିବିର

ଏସିଡ୍‌ ପୀଡ଼ିତାଙ୍କ ପାଇଁ ଆଇନ ସଚେତନତା ଶିବିର

ଭବାନୀପାଟଣା,୨୪।୯(ଡି.ଏନ୍‌.ଏ.) 
କଳାହାଣ୍ଡି ଜିଲା ଆଇନସେବା ପ୍ରାଧିକରଣ ତରଫରୁ ରବିବାର ଏସିଡ୍‌ ଆର୍କମଣରେ ଶୀକାର ହେଉଥିବା ପୀଡ଼ିତାଙ୍କ ଉଦ୍ଦେଶ୍ୟରେ ଏକ ସଚେତନତା ଶିବିର ଭବାନୀପାଟଣାସ୍ଥିତ କଣ୍ଟାବାଞ୍ଜିଠାରେ ଅନୁଷ୍ଠିତ ହୋଇଯାଇଛି।

ହାଇକୋର୍ଟର ସ୍ଥାୟୀ ବେଞ୍ଚ୍‌ ପ୍ରତିଷ୍ଠା ଦାବି : ଭବାନୀପାଟଣା ଓକିଲ ସଂଘର କୋର୍ଟ ବର୍ଜନ

ଭବାନୀପାଟଣା,୨୪।୯(ଡି.ଏନ୍‌.ଏ.)
କଳାହାଣ୍ଡିରେ ହାଇକୋର୍ଟର ସ୍ଥାୟୀ ବେଞ୍ଚତ୍ ପ୍ରତିଷ୍ଠା ଦାବି ନେଇ କଳାହାଣ୍ଡି ଓକିଲ ସଂଘ ସଭାପତି ସନ୍ତୋଷ କୁମାର ପଣ୍ଡା ଓ ସମ୍ପାଦକ ଅଶୋକ କୁମାର ପଟ୍ଟନାୟକଙ୍କ ନେତୃତ୍ୱରେ ମାସର ଶେଷ ସୋମବାରରେ ଭବାନୀପାଟଣାର ସମସ୍ତ ବିଚାର ବିଭାଗୀୟ ଅଦାଲତର କାର୍ଯ୍ୟ ବନ୍ଦ କରାଯାଇଛି। ଜିଲା ଦୌରାଜଜ୍‌ଙ୍କ ବିଚାରପତିମାନେ କୋର୍ଟ କାର୍ଯ୍ୟରେ ଯୋଗ ଦେବା ପାଇଁ ଆସିଥିବା ବେଳେ ଓକିଲମାନେ ସେମାନଙ୍କୁ ବାରଣ କରିଥିଲେ। ଏଥିରେ ବିଚାରପତିମାନେ ଫେରିଆସିଥିଲେ।

ବିଦ୍ୟୁତ ଆଘାତରେ ଜଣେ ମୃତ

ବିଦ୍ୟୁତ ଆଘାତରେ ଜଣେ ମୃତ

ଭବାନୀପାଟଣା,୨୪।୯(ଡି.ଏନ୍‌.ଏ.) 
ଭବାନୀପାଟଣା ସଦର ଥାନା ଅନ୍ତର୍ଗତ ପାଷ୍ଟିପଡ଼ା ଗ୍ରାମର ସୁରେଶ ଚନ୍ଦ୍ର ଭୋଇ (୪୧) ବିଦ୍ୟୁତ୍‌ କରେଣ୍ଟ ଆଘାତ ପାଇ ମୃତ ହୋଇଛନ୍ତି। ସୋମବାର ପାଷ୍ଟିପଡ଼ା ଗ୍ରାମର ସୁରେଶ ଚନ୍ଦ୍ର ଭୋଇଙ୍କ କପା ଜମି ଉପରେ ୧୧ କେଭି ବିଦ୍ୟୁତ ତାର ଓହଳି ପଡ଼ିଥିଲା। ଏ ସମ୍ପର୍କରେ ଗ୍ରାମବାସୀ ବିଦ୍ୟୁତ୍‌ ବିଭାଗକୁ ବାରମ୍ବାର ଜଣାଇ ଆସୁଥିଲେ।

କାର୍ଯ୍ୟବନ୍ଦ ଆନ୍ଦୋଳନରେ ସାମିଲ ବୀରମହାରାଜପୁର ଅଗ୍ନିଶମ କର୍ମଚାରୀ

କାର୍ଯ୍ୟବନ୍ଦ ଆନ୍ଦୋଳନରେ ସାମିଲ ବୀରମହାରାଜପୁର ଅଗ୍ନିଶମ କର୍ମଚାରୀ

ବୀରମହାରାଜପୁର,୨୪।୯(ଡି.ଏନ.ଏ.)
୬ଦଫା ଦାବି ନେଇ ସୁବର୍ଣ୍ଣପୁର ଜିଲା ବୀରମହାରାଜପୁର ଦମକଳ କେନ୍ଦ୍ରର ଅଗ୍ନିଶମ କର୍ମଚାରୀମାନେ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ପୋଲିସ କର୍ମଚାରୀମାନଙ୍କ ଭଳି ସମାନ ଦରମା ଓ ଭତ୍ତା, ଫାୟାରମ୍ୟାନ ଆସୋସିଏଶନକୁ ସରକାରୀ ପଞ୍ଜୀକରଣ ଭୁକ୍ତ କରିବା, ଚୁକ୍ତିଭିତ୍ତିକ କର୍ମଚାରୀଙ୍କୁ ନିୟମିତ କରାଯିବା, ଅବସର ଗ୍ରହଣ କରିଥିବା କର୍ମଚାରୀମାନଙ୍କୁ ତୁରନ୍ତ ପେନସନ୍‌ ଓ ଅବସରକାଳୀନ ପ୍ରାପ୍ୟ ପ୍ରଦାନ, ଅନ୍ୟାନ୍ୟ ସରକାରୀ କର୍ମଚାରୀ ଭଳି ଦୈନିକ ୮ଘଣ୍ଟା ପାଇଁ ଡ୍ୟୁଟିରେ ମୁତୟନ ଏବଂ ଖାଲି ପଡିଥିବା ପଦବୀ ଯଥାଶୀଘ୍ର ପୂରଣ ଦାବିରେ ଅଗ୍ନିଶମ କର୍ମଚାରୀମାନେ ସ୍ଥାନୀୟ ଫାୟାର ଷ୍ଟେସନ ସମ୍ମୁଖରେ ସୋମବାର ସକାଳୁ ଧାରଣା ଦେଇଛନ୍ତି।

କଂଗ୍ରେସର ମୋ ବୁଥ୍‌, ମୋ ଗୌରବ କାର୍ଯ୍ୟକ୍ରମ

କଂଗ୍ରେସର ମୋ ବୁଥ୍‌, ମୋ ଗୌରବ କାର୍ଯ୍ୟକ୍ରମ

ଜୁନାଗଡ,୨୪।୯(ଡି.ଏନ୍‌.ଏ)
କଳାହାଣ୍ଡି ଜିଲା ଜୁନାଗଡ଼ ବ୍ଲକ ଗୌଡ଼ଛେଣ୍ଡିଆ ପଞ୍ଚାୟତ କାନ୍ଦୁଲବନ୍ଦ ଓ ଚିକିଲିଠାରେ ରବିବାର କଂଗ୍ରେସର ମୋ ବୁଥ, ମୋ ଗୌରବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ଜୋନ୍‌ ସଭାପତି ତଥା ଯୁବ ଆଇନଜୀବୀ ଚିତ୍ତ ରଞ୍ଜନ ନିଆଲଙ୍କ ନେତୃତ୍ୱରେ କାର୍ଯ୍ୟକ୍ରମ ହୋଇଥିଲା।

ଗୋଟିଏ ରାତିରେ ୨ଜଣଙ୍କୁ ହତ୍ୟା, ବଣାଇଁରେ ଚାଞ୍ଚଲ୍ୟ

ଗୋଟିଏ ରାତିରେ ୨ଜଣଙ୍କୁ ହତ୍ୟା, ବଣାଇଁରେ ଚାଞ୍ଚଲ୍ୟ

ବଣାଇଁ,୨୪।୯(ଡି.ଏନ.ଏ.) : ସୁନ୍ଦରଗଡ଼ ଜିଲା ବଣାଇଁ ଉପଖଣ୍ଡରେ ରବିବାର ରାତିରେ ଘଟିଛି ୨ ଜଘନ୍ୟ ହତ୍ୟାକାଣ୍ଡ। ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ଓ ପୁଅର ଠେଙ୍ଗା ମାଡ଼ରେ  ବାପାଙ୍କ ଜୀବନ ଯାଇଛି। ଏହି ଡବଲ ମର୍ଡର ଘଟଣା ବଣାଇଁ ଅଞ୍ଚଳରେ ଚାଞ୍ଚଲ୍ୟ  ଖେଳାଇ ଦେଇଛି। ପୋଲିସ ସୂଚନାନୁଯାୟୀ, ଟିକାୟତପଲ୍ଲୀ ଥାନା ଟିକଟମାଟି ଗ୍ରାମର ଗଁ।ଦରୁ ଓରାମ ସ୍ତ୍ରୀ ବନ୍ଦିତା (୨୦)ଙ୍କୁ ଟାଙ୍ଗିଆରେ ଆକ୍ରମଣ କରି ଅତ୍ୟନ୍ତ ବିଭତ୍ସ ଭାବେ ହତ୍ୟା କରିଛି।

ଯାଦବ ସମାଜର ବନ୍ଧୁ ମିଳନ

ଯାଦବ ସମାଜର ବନ୍ଧୁ ମିଳନ

ଜାମଟିକ୍ରା,୨୪।୯(ଡି.ଏନ.ଏ.) 
ଅତାବିରା ବ୍ଲକ ଯାଦବ ସମାଜର ବନ୍ଧୁ ମିଳନ ସ୍ଥାନୀୟ ବାବା ମଠଠାରେ ଦଶରଥ ବାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ଯାଦବ ସମାଜର ସାମାଜିକ, ଆର୍ଥିକ ଉନ୍ନତି କିପରି ହୋଇପାରିବ ଏବଂ ଅତାବିରାଠାରେ ଯାଦବ ଭବନ ସହ ରାଧାକୃଷ୍ଣ ମନ୍ଦିର ନିର୍ମାଣ ନେଇ ଆଲୋଚନା ହୋଇଥିଲା।

ନୂଆଁଖାଇ ଭେଟଘାଟ : ଦୁଲଦୁଲି ବାଜାରେ ଦୁଲକିଲା ମଞ୍ଚ

ନୂଆଁଖାଇ ଭେଟଘାଟ : ଦୁଲଦୁଲି ବାଜାରେ ଦୁଲକିଲା ମଞ୍ଚ

ଜାମଟିକ୍ରା,୨୪।୯(ଡି.ଏନ.ଏ.) 
ସୋମବାର ଅତାବିରା ଫଟୋ ଆସୋସିଏଶନ ତରଫରୁ ସ୍ଥାନୀୟ ଆନ୍ଧ୍ର କଲ୍ୟାଣ ମଣ୍ଡପଠାରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି। ଆସୋସିଏଶନର ସଭାପତି ସଞ୍ଚୟ ରଥଙ୍କ ଅଧ୍ୟକ୍ଷତାରେ ପ୍ରଥମେ ମାଁ ସମଲେଇଙ୍କୁ ପୂଜାର୍ଚ୍ଚନା କରାଯାଇଥିଲା। ଏହାପରେ କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା। ଅତିଥି ପରିଚୟ ପ୍ରଦାନ କରିଥିଲେ ଶିକ୍ଷକ ବବ୍ରୁବାହନ ମିଶ୍ର।

ରିଷିଡାରେ ନୂଆଁଖାଇ ଭେଟଘାଟ : ଲୋକଗୀତ, ବ୍ୟଙ୍ଗ କବିତା ଆସର

ରିଷିଡାରେ ନୂଆଁଖାଇ ଭେଟଘାଟ : ଲୋକଗୀତ, ବ୍ୟଙ୍ଗ କବିତା ଆସର

ରିଷିଡା,୨୪।୯(ଡି.ଏନ.ଏ)
କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡାରେ ରବିବାର ରାତିରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି। ଜ୍ୟୋତି ବିକାଶ ଯୁବକ ସଂଘ ତରଫରୁ ଆୟୋଜିତ ଏହି ଉତ୍ସବରେ ମ.ରାମପୁର ଜିଲା ପରିଷଦ ସଭ୍ୟ ପୁଷ୍ପେନ୍ଦ୍ର ସିଂଦେଓ, ନାଟ୍ୟଭୂଷଣ ଜଗଦାନନ୍ଦ ଛୁରିଆ ମୁଖ୍ୟଅତିଥି, ରସରାଜ ଅଚ୍ୟୁତ ପୁରୋହିତ ମୁଖ୍ୟବକ୍ତା, ପଦ୍ମଲୋଚନ ମିଶ୍ର ସମ୍ମାନିତ ବକ୍ତା ଏବଂ ସମ୍ମାନିତ ଅତିଥି ଭାବେ ବ୍ଲକ ଶିକ୍ଷକ ସଂଘର ସଭାପତି ଅଶୋକ କୁମାର ତ୍ରିପାଠୀ, ଯୁବନେତା ଶରତ କୁମାର ସାହୁ ମଞ୍ଚାସୀନ ଥିଲେ। ସଂଘର ସଭାପତି ଫକୀର ଚରଣ ସାହୁଙ୍କ ଅଧ୍ୟକ୍ଷତାରେ ଉତ୍ସବ କାର୍ଯ୍ୟକ୍ରମ ହୋଇଥିଲା।

କାର୍ଯ୍ୟବନ୍ଦ ଆନ୍ଦୋଳନରେ ଅଗ୍ନିଶମ କର୍ମଚାରୀ

କାର୍ଯ୍ୟବନ୍ଦ ଆନ୍ଦୋଳନରେ ଅଗ୍ନିଶମ କର୍ମଚାରୀ

ବରଗଡ଼ ଅଫିସ୍‌,୨୪।୯-
ରାଜ୍ୟର ଅଗ୍ନିଶମ କର୍ମଚାରୀମାନେ ୬ଦଫା ଦାବି ନେଇ ସୋମବାରରୁ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି। ଏଥିରେ ବରଗଡ଼ ଜିଲା ଅଗ୍ନିଶମ କର୍ମଚାରୀମାନେ ସାମିଲ ହୋଇଛନ୍ତି।