ସମ୍ବଲପୁର

କୋଶଲୀ ଧନୁଯାତ୍ରା ଏକ ଅନନ୍ୟ ପରମ୍ପରା: ଉଦ୍‌ଘାଟନୀ କାର୍ଯ୍ୟକ୍ରମରେ ମତ

କୋଶଲୀ ଧନୁଯାତ୍ରା ଏକ ଅନନ୍ୟ ପରମ୍ପରା: ଉଦ୍‌ଘାଟନୀ କାର୍ଯ୍ୟକ୍ରମରେ ମତ

ନୂଆପଡା ଅଫିସ,୨୮।୧୨-
ଗୋଟିଏ ପଟେ ବିଶ୍ୱର ସବୁଠାରୁ ବୃହତ ମୁକ୍ତାକାଶ ରଙ୍ଗ ମଞ୍ଚରେ ବରଗଡ ଧନୁଯାତ୍ରାରେ କଂସ ରାଜୁତି କରୁଥିବାବେଳେ ପଶ୍ଚିମ ଓଡିଶାର ପ୍ରଥମ କୋଶଲୀ ଧନୁଯାତ୍ରା ମହୋତ୍ସବ ନୂଆପଡାର ମୁକ୍ତାକାଶ ରଙ୍ଗ ମଞ୍ଚରେ ଆରମ୍ଭ ହୋଇଯାଇଛି। ପଶ୍ଚିମ ଓଡ଼ିିଶାରେ କୋଷଳାଞ୍ଚଳ ପ୍ରତିଷ୍ଠା ସକାଶେ ବିଭିନ୍ନ ସ୍ତରରେ ଆନ୍ଦୋଳନ ଜାରିରହିଛି। ଏହା ଏକ ସାଂସ୍କୃତିକ ଅଭିଯାନ ଏବଂ ପଶ୍ଚିମ ଓଡିଶାର ଏକ ଅନନ୍ୟ ପରମ୍ପରା ବୋଲି ମତପ୍ରକାଶ ପାଇଛି। ନୂଆପଡାଠାରେ କୋଶଳୀ ଧନୁଯାତ୍ରାର ଉଦ୍‌ଘାଟନୀ ଉତ୍ସବରେ ଯୋଗଦେବା ଅବସରରେ ଅତିଥିମାନେ ଏହା ବ୍ୟକ୍ତ କରିଛନ୍ତି। ବୁଧବାର ସନ୍ଧ୍ୟାରେ କୋଶଳୀ ଧନୁଯାତ୍ରା ପରିଚାଳନା କମିଟିର ସଭାପତି ପ୍ରସନ୍ନ କୁମାର ପାଢୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍‌ଘାଟନୀ ଉତ୍ସବରେ ନୂଆପଡା ବରିଷ୍ଠ ନାଗରିକ ମଞ୍ଚର ସଭାପତି କ୍ଷୀରୋଦ ନିବାସ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦ୍‌ଘାଟନ କରିଥିଲେ। ତାଙ୍କ ସହ ଗଣମାଧ୍ୟମର ପ୍ରତିନିଧିମାନେ ସମ୍ମାନିତ ଅତିଥି ଭାବେ ଯୋଗଦେଇଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ସହରର ମାଟି ଦେବତାଙ୍କ ପୀଠରୁ ଏକ ଶୋଭାଯାତ୍ରାରେ କଂସ ଏବଂ କୋଷଳ ରତ୍ନ ସ୍ବର୍ଗତ ପ୍ରୟାଗ ଦତ ଯୋଶୀଙ୍କ ଫଟୋଚିତ୍ରକୁ ହାତୀରେ ବସାଇ ଯାତ୍ରାସ୍ଥଳକୁ ଅଣାଯାଇଥିଲା। ମଞ୍ଚରେ ସ୍ବର୍ଗତ ଯୋଶୀଙ୍କ ଫଟୋଚିତ୍ରକୁ ସ୍ଥାପନ କରି ଅତିଥିମାନଙ୍କ ଦ୍ୱାରା ପୂଜାର୍ଚ୍ଚନା କରାଯାଇଥିଲା। ଏହି ଅବସରରେ କାର୍ଯ୍ୟକ୍ରମର ଆୟୋଜକ କୋଶଳ ଭାଷାର ଗବେଷଣା ପ୍ରତିଷ୍ଠାନର ସମ୍ପାଦକ ସୁରଜିତ ସିଂ ମହାରଥା ବିବରଣୀ ପଠନ କରି ଜଣାଇଥିଲେ ଯେ, ଏହା ଯଦିବା ଧନୁଯାତ୍ରା ହେଉଛି। ଏହା କୋଷଳାଞ୍ଚଳର ବିକାଶ ସକାଶେ ଏକ ଅଭିଯାନ। ଅଞ୍ଚଳରେ ଭାଷା ଏବଂ ସଂସ୍କୃତିକୁ ଉଦ୍‌ଜୀବିତ କରିବାକୁ ଏହି କାର୍ଯ୍ୟକ୍ରମ ଅଭିପ୍ରେତ। ଏଥିରେ ଆମେ ସମସ୍ତେ ଜଣେ ଜଣେ ସାରଥୀ ସାଜିଛୁ ବୋଲି କହିଥିଲେ। ଏହି ଧନୁଯାତ୍ରାର ସମସ୍ତ ନାଟ୍ୟାଭିନୟ କୋଷଳୀ ଭାଷାରେ ହେବାର ନିିତିଧାର୍ଯ୍ୟ ହୋଇଛି ବୋଲି କହିଥିଲେ। ଏଥିପାଇଁ ଜିଲା ପ୍ରଶାସନ ସବୁବେଳେ ସହଯୋଗର ହାତ ବଢାଇ ରଖିଛି ବୋଲି କହିଥିଲେ। ପ୍ରଥମ ଦିନର କାର୍ଯ୍ୟକ୍ରମ ପରିଚାଳନାରେ ସଙ୍ଗଠନ ତରଫରୁ ସମ୍ପାଦକ ଶରତ ଚନ୍ଦ୍ର ପଣ୍ଡା, ପରିଚାଳନା କମିଟିର ସାଧାରଣ ସମ୍ପାଦକ ଟିଟୁ ପଣ୍ଡା, ପ୍ରବୋଧ ହୋତା, ସଞ୍ଜୟ କୁମାର ପାଢୀ, ଅବନୀ ଯୋଶୀ, ଲୋକନାଥ ରଥ, ଯାଜ୍ଞସେନୀ ମହାପାତ୍ର, ସରିତା ସିଂ, ସବିତା ହୋତା, ନୀତା ବାଗ, ଉଜ୍ୱଳ ତିୱାରୀ ପ୍ରମୁଖ ସହଯୋଗିତା କରିଥିଲେ।

All Right Reserved By

Model This Week

Model This Week

ସମ୍ବଲପୁର

ମ୍ୟାଲେରିଆମୁକ୍ତ ଜିଲା ଗଠନ ପାଇଁ ଶପଥ ପାଠ

ମ୍ୟାଲେରିଆମୁକ୍ତ ଜିଲା ଗଠନ ପାଇଁ ଶପଥ ପାଠ

ବରଗଡ଼ ଅଫିସ୍‌,୨୫।୪-ବରଗଡ଼ ଜିଲାପାଳଙ୍କ ଅଫିସ ସମ୍ମିଳନୀ କକ୍ଷରେ ବୁଧବାର ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଯାଇଛି । ଜିଲା ପରିଷଦ ଅଧ୍ୟକ୍ଷା ମୁକ୍ତା ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଜିଲାପାଳ ଇନ୍ଦ୍ରମଣି ତ୍ରିପାଠୀ, ଜିଲା ମୁଖ୍ୟ ଚିକିତ୍ସା ଅଧିକାରୀ ଡା. ସବିତା ପଟେଲ, ଜିଲା ମ୍ୟାଲେରିଆ ଅଧିକାରୀ ଡା.ସାଧୁଚରଣ ଦାଶଙ୍କ ସମେତ ଅନ୍ୟ ଚିକିତ୍ସାଧିକାରୀ ଏବଂ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ । ବରଗଡ଼ ଜିଲାକୁ ମ୍ୟାଲେରିଆମୁକ୍ତ କରିବା ପାଇଁ ସଭାରେ ଉପସ୍ଥିତ ସମସ୍ତ ଅଧିକାରୀ, ଆଶାକର୍ମୀ ଓ ଅନ୍ୟମାନେ ଶପଥ ନେଇଥିଲେ । ଜିଲାପାଳ ତ୍ରିପାଠୀ ଶପଥ ପାଠ କରାଇଥିଲେ।

ନୂଆପଡାରେ ମ୍ୟାଲେରିଆ ଦିବସ ପାଳିତ

ନୂଆପଡାରେ ମ୍ୟାଲେରିଆ ଦିବସ ପାଳିତ

ନୂଆପଡା ଅଫିସ, ୨୫।୪-ବୁଧବାର ପୂର୍ବାହ୍ନରେ ନୂଆପଡ଼ା ଜିଲା ମୁଖ୍ୟ ଚିକିତ୍ସାଳୟ ପରିସରରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଛି। ସିଡିଏମଓ ଡାକ୍ତର ଶଙ୍କର ପ୍ରସାଦ ମେହେର, ଜିଲା ପରିଷଦ ଅଧ୍ୟକ୍ଷା ନମିତା ପଧାନ, ଡାକ୍ତର ବି.ବି. ଜଗତ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। କାର୍ଯ୍ୟକ୍ରମରେ ସ୍ବାସ୍ଥ୍ୟ ବିଭାଗ କର୍ମଚାରୀ ଉପସ୍ଥିତ ଥିଲେ। ମ୍ୟାଲେରିଆର କାରଣ ଓ ନିରାକରଣ ନେଇ ଆଲୋଚନା ପର୍ଯ୍ୟାଲୋଚନା ହୋଇଥିଲା।

ସହରରେ ଲାଗିଲା ୧୨ ସିସିଟିଭି କ୍ୟାମେରା

ସହରରେ ଲାଗିଲା ୧୨ ସିସିଟିଭି କ୍ୟାମେରା

ରାଉରକେଲା ଅଫିସ,୨୫।୪ ଏଣିକି ଅପରାଧୀମାନେ ଅପରାଧ ଘଟାଇ ଆଉ ସହଜରେ ଖସିଯାଇ ପାରିବେ ନାହିଁ। ସେମାନଙ୍କୁ ଚିହ୍ନଟ କରିବାରେ ପୋଲିସକୁ ଆଉ ନାକେଦମ ହେବାକୁ ପଡ଼ିବ ନାହିଁ। କାରଣ ଷ୍ଟିଲ୍‌ ସିଟିର ବିଭିନ୍ନ ସ୍ଥାନରେ ଲାଗିଛି ୧୨ ସିସିଟିଭି କ୍ୟାମେରା। ଏସ୍‌ପି ଅଫିସ ଛକ, ବାସନ୍ତୀ କଲୋନୀ ଓଭର ବ୍ରିଜ, ବାସନ୍ତୀ କଲୋନୀ ଜଗନ୍ନାଥ ମନ୍ଦିର, ସିଭିଲ ଟାଉନ୍‌ଶିପ ପ୍ରମୁଖ ସ୍ଥାନରେ ପରୀକ୍ଷାମୂଳକ ଭାବେ ସିସିଟିଭି କ୍ୟାମେରା ଲଗାଯାଇଛି।

ଝାରସୁଗୁଡ଼ାରେ ମୃତ୍ୟୁ ସଂଖ୍ୟା ତଥ୍ୟ ଅସମ୍ପୂର୍ଣ୍ଣ

ଝାରସୁଗୁଡ଼ା ଅଫିସ,୨୫।୪ ପ୍ରତ୍ୟେକ ବର୍ଷ ଏପ୍ରିଲ ୨୫ରେ ପାଳନ ହେଉଛି ବିଶ୍ୱ ମ୍ୟାଲେରିଆ ଦିବସ। ଏହିଦିନ ସରକାରୀ ଓ ବେସରକାରୀ ସ୍ତରରେ ମ୍ୟାଲେରିଆ ନିରାକରଣ, ନିୟନ୍ତ୍ରଣ ଓ ପ୍ରତିକାର ପାଇଁ ଆଲୋଚନା, ପର୍ଯ୍ୟାଲୋଚନା ଓ ସମୀକ୍ଷା ହୁଏ। କିନ୍ତୁ ବର୍ଷସାରା ଏହି ପ୍ରସଙ୍ଗରେ ଆଉ ସାମାନ୍ୟତମ ଆଲୋଚନା ହୁଏନାହିଁ। ସେଥିପାଇଁ ଝାରସୁଗୁଡ଼ା ଭଳି ଏକ ଛୋଟ ଜିଲାରେ ମ୍ୟାଲେରିଆ ଜନିତ ମୃତ୍ୟୁକୁ ରୋକାଯାଇ ପାରୁନାହିଁ। ପ୍ରତ୍ୟେକ ବର୍ଷ ଜିଲାରେ ମ୍ୟାଲେରିଆରେ ପୀଡ଼ିତ ହୋଇ ଲୋକ ମରୁଛନ୍ତି। ସରକାରୀ ଭାବେ ଝାରସୁଗୁଡ଼ା ଜିଲାରେ ୨୦୧୦-୨୦୧୮ ମଧ୍ୟରେ ୨୧ ଜଣଙ୍କ ମୃତ୍ୟୁ ହୋଇଛି। କିନ୍ତୁ ଏହା ହେଉଛି ଜିଲାର ଅସମ୍ପୂର୍ଣ୍ଣ ରିପୋର୍ଟ। କାରଣ ଅନେକ ଘରୋଇ ହସ୍ପିଟାଲ, ନର୍ସିଂହୋମ ସମେତ ଏମ୍‌ସିଏଲ୍‌ ଦ୍ୱାରା ପରିଚାଳିତ ମଣ୍ଡଳିଆସ୍ଥିତ କେନ୍ଦ୍ରୀୟ ହସ୍ପିଟାଲ ମ୍ୟାଲେରିଆ ଜନିତ ତଥ୍ୟ ଜିଲା ସ୍ବାସ୍ଥ୍ୟ ବିଭାଗକୁ ଦିଅନ୍ତି ନାହିଁ। ଫଳରେ ଜିଲା ସ୍ବାସ୍ଥ୍ୟ ବିଭାଗ ଦ୍ୱାରା ଦିଆଯାଉଥିବା ମ୍ୟାଲେରିଆ ଜନିତ ତଥ୍ୟ ଅସମ୍ପୂର୍ଣ୍ଣ ବୋଲି କହିଲେ ଅତ୍ୟୁକ୍ତି ହେବନାହିଁ। ତେବେ ୨୦୧୦ରୁ ୨୦୧୮ ଭିତରେ ୭୬୦୪ ଲୋକଙ୍କ ଠାରେ ମ୍ୟାଲେରିଆ ଜ୍ୱର ନିରୂପଣ କରାଯାଇଥିବା ବେଳେ ସେଥିରୁ ୨୧ ଜଣଙ୍କର ମୃତ୍ୟୁ ହୋଇଥିବା ଜିଲା ସ୍ବାସ୍ଥ୍ୟ ବିଭାଗ ସୂଚନାରୁ ଜଣାପଡ଼ିଛି।

କଳାହାଣ୍ଡି ଜିଲା: ୧୬ ଲକ୍ଷରୁ ଊର୍ଦ୍ଧ୍ୱ ଲୋକଙ୍କ ପାଇଁ ୧୩୨ ଡାକ୍ତର

କଳାହାଣ୍ଡି ଜିଲା: ୧୬ ଲକ୍ଷରୁ ଊର୍ଦ୍ଧ୍ୱ ଲୋକଙ୍କ ପାଇଁ ୧୩୨ ଡାକ୍ତର

ଭବାନୀପାଟଣା,୨୫।୪(ଡି.ଏନ.ଏ.)- କଳାହାଣ୍ଡି ଜିଲାବାସୀ ନିଜର ମୌଳିକ ଉଚ୍ଚ ମାନର ସ୍ବାସ୍ଥ୍ୟ ସୁବିଧା ଆଜି ସୁଦ୍ଧା ପାଇପାରୁନାହାନ୍ତି । ଜିଲାର ପ୍ରାୟ ୧୬ ଲକ୍ଷ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ବିଭିନ୍ନ ସରକାରୀ ଡାକ୍ତରଖାନାରେ ଅଛନ୍ତି ମାତ୍ର ୧୩୪ ଜଣ ଡାକ୍ତର । ୮୪ ଡାକ୍ତର ପଦବୀ ଖାଲି ପଡ଼ିଛି। ଜିଲା ମୁଖ୍ୟ ଚିକିତ୍ସାଳୟରୁ ଆରମ୍ଭ କରି ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ପର୍ଯ୍ୟନ୍ତ ବିଭିନ୍ନ ବିଭାଗର ଡାକ୍ତର ପଦବୀ ଖାଲି । କେଉଁଠି ଡାକ୍ତର ଥିଲେ ଶଯ୍ୟା ନାହିଁ, ଶଯ୍ୟା ଥିଲେ ଡାକ୍ତର ନାହାନ୍ତି । ବହୁ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଡାକ୍ତର ଓ ଅନ୍ୟ ପଦବୀ ଖାଲି ଥିବାରୁ କେଉଁଠି ଫର୍ମାସିଷ୍ଟ ଭରସାରେ ଚାଲିଛି ତ’ କେଉଁଠି ସରକାର ଓ ସ୍ବାସ୍ଥ୍ୟ ବିଭାଗ ଡାକ୍ତର ଓ ଅନ୍ୟ ପଦବୀକୁ ଏଡଜେଷ୍ଟମେଣ୍ଟ କରି କାମ ଚଳାଇ ନେବାର ବ୍ୟବସ୍ଥା କରିଛନ୍ତି । ଫଳରେ ପ୍ରତିଦିନ ଜିଲାରୁ ଶହ ଶହ ରୋଗୀ ଜିଲା ଓ ରାଜ୍ୟ ବାହାରକୁ ଚିକିତ୍ସା ପାଇଁ ଯିବାକୁ ବାଧ୍ୟ ହେଉଛନ୍ତି ।

ଗୁଟେ ନଲଚୁଅଁ।କେ ୫ ହଜାର ଲୋକ୍‌

ଗୁଟେ ନଲଚୁଅଁ।କେ ୫ ହଜାର ଲୋକ୍‌

ଜୁନାଗଡ, ୨୫।୪(ସ୍ବ.ପ୍ର.)- ଜୁନାଗଡ଼ ଅଂଚଲରେ ଏହେଦେ ମୁଡ୍‌ଫଟା ଖରା ଜାରି ରହିଛେ। ସେଥିର୍‌ଲାଗି ପିଇଲା ପାଏନ୍‌ ସମସିଆଟା ଗଁ।ବାସୀକୁ ଅଥଏ କରିପକଉଛେ। ପଲାସ ପନ୍‌ଚେତ୍‌ର ପଲାସ ଗଁ।ରେ ପାଖାପାଖି ୫ ହଜାରରୁ ଅଧ୍‌କା ଲୋକ୍‌ ରହୁଛନ୍‌।

ଉର୍ଲାଦାନୀ ଷ୍ଟେଟ ବ୍ୟାଙ୍କ ଶାଖା: ଟଙ୍କା ନ ମିଳିବା ନେଇ ଜନଅସନ୍ତୋଷ

ଉର୍ଲାଦାନୀ ଷ୍ଟେଟ ବ୍ୟାଙ୍କ ଶାଖା: ଟଙ୍କା ନ ମିଳିବା ନେଇ ଜନଅସନ୍ତୋଷ

ମ.ରାମପୁର,୨୫।୪(ଡି.ଏନ.ଏ.)- କଳାହାଣ୍ଡି ଜିଲା ମ.ରାମପୁର ବ୍ଲକ ଆଦିବାସୀ ଅଧ୍ୟୁଷିତ ଅଞ୍ଚଳ ତଥା ପାର୍ବତ୍ୟାଞ୍ଚଳ ସମୁହର ଗ୍ରାମ ପଞ୍ଚାୟତ ସଦର ମହକୁମା ଉର୍ଲାଦାନୀଠାରେ ଭାରତୀୟ ଷ୍ଟେଟ ବ୍ୟାଙ୍କ ଶାଖା ରହିଛି । ଉକ୍ତ ବ୍ୟାଙ୍କର ହିତାଧିକାରୀଙ୍କୁ ହଠାତ୍‌ ଟଙ୍କା ଆବଶ୍ୟକ ହେଲେ ମିଳି ପାରୁନାହିଁ । ଲୋକେ ପାର୍ବତ୍ୟାଞ୍ଚଳରୁ ୨ ରୁ ୧୫ କି.ମି. ପାଦଚଲା ରାସ୍ତାରେ ଚାଲି ଟଙ୍କା ଉଠାଣ ପାଇଁ ଆସି ବ୍ୟାଙ୍କରେ ଟଙ୍କା ନ ଥିବାରୁ ହତାଶ ହେବା ସହିତ ଅସନ୍ତୋଷ ପ୍ରକାଶ କରୁଛନ୍ତି।

ମଉଲିକ୍‌ ସୁବିଧାରୁ ବଁଚିତ୍‌ ଭୁରୁଷିବାଂଜି ଗଁ।ବାସୀ

ଖପ୍ରାଖୋଲ ୨୫।୪(ଡି.ଏନ.ଏ) : ଖପ୍ରାଖୋଲ ବ୍ଲକ୍‌ ଭାନପୁର ପନ୍‌ଚେତ ତୁର୍ଲା ଗଁ।ର ପଡ଼ା ଗଁ। ହେଉଛେ ଭୁରୁଷିବାଂଜି। ଗଁ।ର ଲୋକ୍‌ ସଂଖ୍ୟା ପାଖାପାଖି ୨୫୦। ତୁର୍ଲା ଗଁ।ନୁ ପାଖାପାଖି ୨ କି.ମି. ଦୂରିଆଥି ଅଛେ ଇ ଆଦିବାସୀ ବହୁଲ ଭୁରୁଷିବାଂଜି ପଡ଼ା ଗଁ।। ଇ ଗଁ। ଟା ୧୯୬୫ ସାଲ୍‌ ଆଗ୍‌ରୁ ଥାପିତ୍‌ ହେଇଥିଲେ ଭିଲ୍‌ ଆଏଜ୍‌ତକ୍‌ ସାଧାରନ୍‌ ମଉଲିକ୍‌ ସେବାରୁ ବଁଚିତ ଅଛନ୍‌ ଗଁ।ବାସୀ। ଗଁ।କେ ଗୁଟେ ସବୁଦିନିଅଁ।

ବନ୍ଧୁକ ଦେଖାଇ ନେଇଗଲେ ୭ ଲକ୍ଷ ୮୦ ହଜାର ଟଙ୍କା

ବନ୍ଧୁକ ଦେଖାଇ ନେଇଗଲେ ୭ ଲକ୍ଷ ୮୦ ହଜାର ଟଙ୍କା

ସୁନ୍ଦରଗଡ, ୨୫।୪(ଡି.ଏନ.ଏ.)- ସୁନ୍ଦରଗଡ ଜିଲା ରାଜଗାଙ୍ଗପୁର ଥାନା ଅଧୀନ ଲିପ୍‌ଲୋଇ ପାଖ ବିଜୁ ଏକ୍ସପ୍ରେସ ଓ୍ବେର ଟୋଲପ୍ଲାଜା ନିକଟରେ ଡକାୟତି ଘଟିଛି। ଟୋଲ ପ୍ଲାଜାର ୭ ଲକ୍ଷ ୮୦ ହଜାର ଟଙ୍କାକୁ ଏକ ବ୍ୟାଗରେ ଏଚଡିଏଫସିର ଜଣେ ଏଜେଣ୍ଟ ଏକୁଟିଆ ବାଇକରେ ନେଇ ବ୍ୟାଙ୍କକୁ ଜମା କରିବାକୁ ଯାଉଥିଲେ।

ଦେଢ଼ ବର୍ଷ ହେଲା ସରୁନି ସରଡା ଜୋର ଶ୍ମଶାନ ଘାଟ ନିର୍ମାଣ

ଦେଢ଼ ବର୍ଷ ହେଲା ସରୁନି ସରଡା ଜୋର ଶ୍ମଶାନ ଘାଟ ନିର୍ମାଣ

ଧମା, ୨୫।୪ (ଡି.ଏନ.ଏ)- ସମ୍ବଲପୁର ଜିଲା ମାନେଶ୍ୱର ବ୍ଲକ ବତେମୁରା ପଞ୍ଚାୟତର ସରଡା ଜୋର ଖଣ୍ଡିରେ ନିର୍ମାଣାଧୀନ ଶ୍ମଶାନ ଘାଟ ଦେଢ଼ ବର୍ଷ ହେଲା ଆରମ୍ଭ ହୋଇଥିଲେ ହେଁ ଆଜି ପର୍ଯ୍ୟନ୍ତ ସଂପୂର୍ଣ୍ଣ ହୋଇ ନ ଥିବାରୁ ବିଭାଗୀୟ ଉଦାସୀନତାକୁ ନେଇ ଗ୍ରାମବାସୀ ଉଦବେଗ ପ୍ରକାଶ କରିଛନ୍ତି । ସୂଚନାଯୋଗ୍ୟ ଯେ, ରାଜ୍ୟ ସରକାରଙ୍କ ଯୋଜନା ଅନୁଯାୟୀ ସମସ୍ତ ପଞ୍ଚାୟତରେ ଅଢ଼େଇ ଲକ୍ଷ ଟଙ୍କା ଅନୁଦାନରେ ମୃତ୍ୟୁ ପରେ ଦାହ ସଂସ୍କାର ପାଇଁ ଶ୍ମଶାନ ଘାଟ ନିର୍ମାଣର ଯୋଜନା ରହିଛି । ସେହି ଅନୁସାରେ ବତେମୁରାର ସରଡାଜୋର ଖଣ୍ଡିରେ ଅନୁରୂପ ଅନୁଦାନ ରାଶିରେ ଦେଢ଼ ବର୍ଷ ପୂର୍ବେ ଶ୍ମଶାନ ଘାଟ ନିର୍ମାଣ ଆରମ୍ଭ କରାଯାଇଥିଲା । ମାତ୍ର ତାହା କେବଳ ଅଧାପନ୍ତରିଆ କାମ କରିଦେଇ ବର୍ତ୍ତମାନ ଏକ ବର୍ଷ ହେଲା ପଡି ରହିଛି ।

ଜିଲା ରେଡକ୍ରସ ଆନୁକୂଲ୍ୟରେ ତର୍କ ପ୍ରତିଯୋଗିତା

ଜିଲା ରେଡକ୍ରସ ଆନୁକୂଲ୍ୟରେ ତର୍କ ପ୍ରତିଯୋଗିତା

ଧମା, ୨୫।୪ (ଡି.ଏନ.ଏ)- ସମ୍ବଲପୁର ଜିଲା ରେଡକ୍ରସ ଓ ସାହାସପୁର ଉଚ୍ଚ ବିଦ୍ୟାଳୟ ମିଳିତ ଆନୁକୂଲ୍ୟରେ ଇଂରାଜୀ ଓ ଓଡିଆ ତର୍କ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ରେଡକ୍ରସ ଦିବସ ଅବସରରେ ଆୟୋଜିତ ଏହି ପ୍ରତିଯୋଗିତାର ବିଷୟ ବସ୍ତୁଥିଲା ‘ରେଡକ୍ରସର ଇତିହାସ ଓ ମୌଳିକ ନୀତି ’। ଏଥିରେ ମାନେଶ୍ୱର ପଞ୍ଚାୟତ ସମିତିର ୭ଟି ବିଦ୍ୟାଳୟର ଛାତ୍ରୀଛାତ୍ର ଯୋଗଦେଇଥିବା ବେଳେ ବିଚାରକ ଭାବେ ଶିକ୍ଷକ ଘନଶ୍ୟାମ ପାଣ୍ଡେ, ଲଳିତ ମୋହନ ଶତପଥୀ, ଚିତ୍ତରଞ୍ଜନ ପଧାନ ଓ ଦିଲୀପ ପୋଢ଼ ଯୋଗ ଦେଇଥିଲେ ।

ପୁଣି ଚକଡା ରୋଗରେ କବଳିତ ମାନେଶ୍ୱର ବ୍ଲକ ଚାଷୀ

ପୁଣି ଚକଡା ରୋଗରେ କବଳିତ ମାନେଶ୍ୱର ବ୍ଲକ ଚାଷୀ

ଧମା, ୨୫ । ୪ (ଡି.ଏନ.ଏ)-‘ଚାଷ କାମ ଯାହାର, କେଡେ ସୁଖ ତାହାର’। ମାତ୍ର ବର୍ତ୍ତମାନ ଯୁଗରେ ଉକ୍ତ ପ୍ରବାଦଟି ବିଭିନ୍ନ କାରଣରୁ ଓଲଟି ଯାଇ ‘ଚାଷ କାମ ଯାହାର କେଡେ ଦୁଃଖ ତାହାର’ ହୋଇଯାଇଛି । କାରଣ ସର୍ବ ପ୍ରଥମ ଗୋଟିଏ ଚାଷୀ ଚାଷ କାର୍ଯ୍ୟରେ ନିୟୋଜିତ ଅର୍ଥ ଅନୁପାତରେ ଅମଳ କରିଥିବା ଫସଲର ପ୍ରାପ୍ୟ ପାଇପାରୁନାହିଁ । ଦ୍ୱିତୀୟତଃ ବର୍ତ୍ତମାନ ବିଗତ ଖରିଫ ଋତୁଠାରୁ ସବୁଠାରୁ ବଡ ସମସ୍ୟା ଓ କ୍ଷତିର କାରଣ ପାଇଲଟିଛି ଚକଡା ପୋକ ।