ବ୍ରହ୍ମପୁର

ଗୋପାଳପୁର ବେଳାଭୂମି ମହୋତ୍ସବର ଚତୁର୍ଥ ସନ୍ଧ୍ୟା

ଗୋପାଳପୁର ବେଳାଭୂମି ମହୋତ୍ସବର ଚତୁର୍ଥ ସନ୍ଧ୍ୟା
ବ୍ରହ୍ମପୁର ଅଫିସ, ୨୭।୧୨- ଗୋପାଳପୁର ବେଳାଭୂମି ମହୋତ୍ସବର ବୁଧବାର ଚତୁର୍ଥ ସନ୍ଧ୍ୟାରେ ଷ୍ଟେଜ୍‌କୁ ରକିଂ କରିଥିଲେ ନେହା କକ୍କର। ବଲିବୁଡ୍‌ର ଏହି ପ୍ରସିଦ୍ଧ କଣ୍ଠଶିଳ୍ପୀଙ୍କୁ ଦେଖିବା ଏବଂ ତାଙ୍କ ଗୀତ ଶୁଣିବା ପାଇଁ ଦେଖାଦେଇଥିଲା ପ୍ରବଳ ଭିଡ଼। ଷ୍ଟେଜ୍‌କୁ ନେହା ପ୍ରବେଶ କରିବା କ୍ଷଣି ଦର୍ଶକଙ୍କ ପ୍ରଚୁର କରତାଳି ଶୁଣିବାକୁ ମିଳିଥିଲା। ଆଖି ଆଗରେ ଏତେ ସଂଖ୍ୟକ ଦର୍ଶକଙ୍କୁ ଦେଖି ଉତ୍ସାହିତ ହୋଇଯାଇଥିଲେ ନେହା। ଗୋଟିଏ ପରେ ଗୋଟିଏ ଆଇଟମ୍‌ ଗୀତ ଗାଇ ଦର୍ଶକଙ୍କ ମଧ୍ୟରେ ଭରିଦେଇଥିଲେ ଉତ୍ସାହ। ‘ଦି ସଉକିନ୍‌ସ’ ଚଳିଚ୍ଚିତ୍ରର ମୋନାଲି ଟେରାନ୍ସ ଗୀତ ସହ ସେ ଆରମ୍ଭ କରିଥିଲେ ତାଙ୍କ ସଂଗୀତ ପରିବେଷଣ। ଏହା ପରେ ‘ଏୟାର୍‌ ଲିଫ୍‌ଟ’ର ସୋଚ୍‌ ନା ସକେ, ‘ବାଦ୍‌ସାହୋ’ର ମେରେ ରସ୍‌କେ କମର୍‌, ‘ୱଜାହା ତୁମ୍‌ ହୋ’ର ମାହି ୱେ ଆଦି ଗୀତ ପରିବେଷଣ କରିଥିଲେ। କିନ୍ତୁ ସବୁଠୁ ଅଧିକ କରତାଳି ସାଉଁଟିଥିଲା ନେହାଙ୍କ କଣ୍ଠରେ ‘ମିଲେ ହୋ ତୁମ୍‌ ହମ୍‌ କୋ’। ଏହି ଗୀତ ନେହାଙ୍କୁ ପ୍ରସିଦ୍ଧି ଦେଇଥିଲା। ଆଉ ଏହି ଗୀତକୁ ଶୁଣିବା ପାଇଁ ଦର୍ଶକଙ୍କ ମଧ୍ୟରେ ଦେଖିବାକୁ ମିଳିଥିଲା ପ୍ରବଳ ଆଗ୍ରହ। ପରେ ପରେ ତୁ ଚିଜ୍‌ ବଡ଼ି ହେ ମସ୍ତମସ୍ତ, କୁଣ୍ଡି ମତ୍‌ ଖଡ଼କାଓ ରାଜା, ଲଡ଼କୀ ବିଉଟିଫୁଲ୍‌ ଆଦି ଅନେକ ଗୀତ ପରିବେଷଣ କରିଥିଲେ ନେହା। କେବଳ ହିନ୍ଦୀ ନୁହେଁ, ନେହାଙ୍କ କଣ୍ଠରୁ ମଧ୍ୟ ଶୁଣିବାକୁ ମିଳିଥିଲା ପଞ୍ଜାବୀ ଗୀତ। କହିବାକୁ ଗଲେ ତାଙ୍କ ପାଇଁ ବେଳାଭୂମି ପାଲଟିଥିଲା ଜନସମୁଦ୍ର। ଲକ୍ଷାଧିକ ଲୋକଙ୍କ ସମାଗମ ହୋଇଥିଲା। ଏପରିକି ଭିଡ଼କୁ ନିୟନ୍ତ୍ରଣ କରିବାକୁ ପୋଲିସକୁ ଲାଠି ଚାର୍ଜ କରିବାକୁ ପଡ଼ିଥିଲା। ଚତୁର୍ଥ ସନ୍ଧ୍ୟାରେ ସ୍ଥାନୀୟ କଳାକାରଙ୍କ ପ୍ରଦର୍ଶନ ମଧ୍ୟ ବେଶ୍‌ ପ୍ରଶଂସନୀୟ ହୋଇପାରିଥିଲା। ଦିଗପହଣ୍ଡିର ବିଚିତ୍ର ବର୍ଣ୍ଣାଳୀ ନାଟ୍ୟ ସଂସଦ ତରଫରୁ ଘୁଡ଼ୁକି ନୃତ୍ୟ, ବ୍ରହ୍ମପୁର ମହାବୀର କରାଟେ ତରଫରୁ କରାଟେ, ଭାଟକୁମରଡ଼ାର ପ୍ରାଣବନ୍ଧୁ ଅନୁଷ୍ଠାନ ତରଫରୁ ଭାରତନାଟ୍ୟମ୍‌, ନରେନ୍ଦ୍ରପୁରର କଳାକାରଙ୍କ ତରଫରୁ ରଣପା ନୃତ୍ୟ, ଡାଇନାମିକ୍‌ ଡ୍ୟାନ୍ସ ଏକାଡ଼େମୀ, ୱ ଡ୍ୟାନ୍ସ ଗ୍ରୁପ୍‌ ଏବଂ ରକ୍‌ ଷ୍ଟାର୍‌ ଡ୍ୟାନ୍ସ ଗ୍ରୁପ୍‌ ତରଫରୁ ଆଧୁନିକ ନୃତ୍ୟ, ବ୍ରହ୍ମପୁର ଓଡ଼ିଶୀ ନୃତ୍ୟାୟନ ତରଫରୁ ଓଡ଼ିଶୀ ନୃତ୍ୟ ଏବଂ ସୁନ୍ଦରଗଡ଼ର କଳାକାରମାନେ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ। ଅତିଥି ଭାବେ ଦକ୍ଷିଣାଞ୍ଚଳ ଆଇଜି ଘନଶ୍ୟାମ ଉପାଧ୍ୟାୟ, ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ, ଟାଟା ଷ୍ଟିଲ୍‌ର ଅଶ୍ୱିନୀ କୁମାର ମହାପାତ୍ର, ଜିଲାପାଳ ପ୍ରେମଚନ୍ଦ୍ର ଚୌଧୁରୀ, ବିଏମ୍‌ସି କମିଶନର୍‌ ନିଖିଳ ପୱନ କଲ୍ୟାଣ, ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ବିଜୟ ଅମୃତା କୁଲାଙ୍ଗେ, ବ୍ରହ୍ମପୁର ବିଶ୍ୱବିଦ୍ୟାଳୟର କୁଳପତି ରାଜେନ୍ଦ୍ର ପ୍ରସାଦ ଦାସ, ଅତିରିକ୍ତ ଜିଲାପାଳ ବିଜୟ କୁମାର ଦାସ, କବୀନ୍ଦ୍ର କୁମାର ସାହୁ, ଛତ୍ରପୁର ଉପଜିଲାପାଳ ସୁଧାକର ଶବର, ବ୍ରହ୍ମପୁର ଉପଜିଲାପାଳ ଇଂ. ସିଦ୍ଧାର୍ଥ ଶଙ୍କର ସ୍ବାଇଁ ପ୍ରମୁଖ ଯୋଗଦେଇଥିଲେ।
All Right Reserved By

ବ୍ରହ୍ମପୁର

ଅଟୋ ଧକ୍କାରେ ଅଙ୍ଗନଓ୍ବାଡି ଶିଶୁ ମୃତ

ଅଟୋ ଧକ୍କାରେ ଅଙ୍ଗନଓ୍ବାଡି ଶିଶୁ ମୃତ

ଫୁଲବାଣୀ ଅଫିସ, ୧୪।୧୨- କନ୍ଧମାଳ ଜିଲା ସଦର ଥାନା ପକନାଗାଁ ଅଞ୍ଚଳରେ ଶୁକ୍ରବାର ଅଙ୍ଗନଓ୍ବାଡି କେନ୍ଦ୍ରରୁ ଫେରୁଥିବା ଜଣେ ଶିଶୁଙ୍କ ଉପରେ ଅଟୋ ମାଡିଯିବାରୁ ତାଙ୍କର ମୃତ୍ୟୁ ଘଟିଛି। ଶିଶୁ ଜଣକ ହେଲେ ପକନାଗାଁର କୃଷ୍ଣ କୁମାର ଦିଗାଲ(୪)। ଦୁର୍ଘଟଣା ପରେ ସ୍ଥାନୀୟ ଲୋକେ ରାସ୍ତା ଅବରୋଧ କରିବା ସହ ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା କ୍ଷତିପୁରଣ ଦାବି କରିଛନ୍ତି। ଫୁଲବାଣୀ ବିଡିଓ, ତହସିଲଦାର ଏବଂ ପୋଲିସ ଘଟଣାସ୍ଥଳକୁ ଯାଇ ପ୍ରତିଶ୍ରୁତି ଦେବାରୁ ଲୋକେ ରାସ୍ତାରୋକୋରୁ ହଟିଛନ୍ତି। ଖବର ଲେଖା ହେବା ପର୍ଯ୍ୟନ୍ତ ଦୁର୍ଘଟଣା ଘଟାଇଥିବା ଅଟୋ କିମ୍ବା ଚାଳକଙ୍କୁ ଠାବ କରାଯାଇପାରିନାହିଁ। ଅଟୋଟି ଫିରିଙ୍ଗିଆ ବ୍ଲକ ରତଙ୍ଗ ଅଞ୍ଚଳର ବୋଲି ଜଣାପଡିଛି। ଦୁର୍ଘଟଣା ପରେ ଗୁରୁତର ଅବସ୍ଥାରେ କୃଷ୍ଣଙ୍କୁ ଫୁଲବାଣୀ ଜିଲା ମୁଖ୍ୟ ଚିକିତ୍ସାଳୟ ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବ୍ୟବଚ୍ଛେଦ ପରେ ପରିବାର ଲୋକେ ଓ ଅଞ୍ଚଳବାସୀ ମୃତଦେହ ନେଇ ରାସ୍ତାରେ ରଖି ଅବରୋଧ କରିଥିଲେ। ପରିବାରକୁ କ୍ଷତି ପୁରଣ, ପିଲାମାନଙ୍କ ସୁବିଧାକୁ ଦୃଷ୍ଟିରେ ରଖି ପାଖରେ ଅଙ୍ଗନୱାଡି କେନ୍ଦ୍ର ସ୍ଥାପନ ପାଇଁ ଅଡି ବସିଥିଲେ।  ରେଡ୍ରକ୍ରସ ପାଣ୍ଠିରୁ ମୃତକଙ୍କ ପରିବାରକୁ ୧୦ ହଜାର ଟଙ୍କା ପ୍ରଦାନ କରାଯାଇଛି।

ନିଯୁକ୍ତି ପତ୍ର ପାଇଁ ଲାଞ୍ଚ: ଧରାପଡିଲେ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ବିପିଏମ୍‌

ପାତ୍ରପୁର,୧୪।୧୨(ଡି.ଏନ୍‌.ଏ.)- ପାତ୍ରପୁର ସଦର ମହକୁମାରେ ଥିବା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଜଣେ କର୍ମଚାରୀ ଶୁକ୍ରବାର ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରା ପଡିଛନ୍ତି। କର୍ମଚାରୀ ଜଣକ ହେଲେ ସ୍ବାସ୍ଥ୍ୟ କେନ୍ଦ୍ରର ବିପିଏମ୍‌ ନିରଞ୍ଜନ ରେଡ୍ଡୀ। ସୂଚନା ଅନୁଯାୟୀ,  ସାହାସପୁର ଗ୍ରାମର ବନିତା ନାୟକ ଆଶାକର୍ମୀ ପାଇଁ ଆବେଦନ କରି ସାକ୍ଷାତକାର ଦେଇ ସଫଳ ହୋଇଥିଲେ। ପରେ ନିଯୁକ୍ତି ପତ୍ର ପାଇଁ ସ୍ବାସ୍ଥ୍ୟ କେନ୍ଦ୍ରର ବିପିଏମ୍‌ଙ୍କୁ ସାକ୍ଷାତ କରିବାରୁ ୨୦୦୦ ଟଙ୍କା ଲାଞ୍ଚ ଦାବି କରିଥିଲେ। ଏନେଇ ଆଶାକର୍ମୀ ବ୍ରହ୍ମପୁରସ୍ଥିତ ଭିଜିଲାନ୍ସ ବିଭାଗକୁ ଜଣାଇଥିଲେ। ପୂର୍ବପ୍ରସ୍ତୁତି ଅନୁଯାୟୀ ଶୁକ୍ରବାର ଅପରାହ୍ନରେ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଆଶାକର୍ମୀ ଜଣକ ପହଞ୍ଚତ୍ଥିଲେ। ନିଯୁକ୍ତି ପତ୍ର ପାଇଁ ୨ହଜାର ଟଙ୍କା ଆଶାକର୍ମୀଙ୍କ ଠାରୁ ନେଇ ବିପିଏମ୍‌ ରେଡ୍ଡୀ ପକେଟରେ ରଖିଲାବେଳେ ପୂର୍ବରୁ ପ୍ରସ୍ତୁତ ହୋଇଥିବା ୪ଜଣିଆ ଭିଜିଲାନ୍ସ ଟିମ୍‌ ତାଙ୍କୁ ଗିରଫ କରିଥିଲେ। ଅଧିକ ତଦନ୍ତ ପାଇଁ ନିରଞ୍ଜନଙ୍କୁ ବ୍ରହ୍ମପୁର କାର୍ଯ୍ୟାଳୟକୁ ନିଆଯାଇଥିବା ଜଣାପଡିଛି।

ଜିଲାସ୍ତରୀୟ ବିଜ୍ଞାନ ମେଳା ଉଦ୍‌ଘାଟିତ

ଜିଲାସ୍ତରୀୟ ବିଜ୍ଞାନ ମେଳା ଉଦ୍‌ଘାଟିତ

ଗୋପାଳପୁର,୧୪।୧୨-ରଙ୍ଗେଇଲୁଣ୍ଡା ବ୍ଲକ କନିଷି ହାଟସ୍ଥିତ ବାଲାଜୀ ବିଦ୍ୟାପୀଠରେ ଶୁକ୍ରବାର ୮ମ ଜିଲାସ୍ତରୀୟ ବିଜ୍ଞାନ ମେଳା ଉଦ୍‌ଘାଟିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଯୋଗେଦଇ ୨ଦିନିଆ ମେଳାକୁ ଉଦ୍‌ଘାଟନ କରିଥିଲେ। ମୁଖ୍ୟବକ୍ତା ଭାବେ ଓୟୁଏଟିର ପ୍ରଫେସର ଡ. ଦାମୋଦର ଶତପଥୀ, ସମ୍ମାନିତ ଅତିଥି ଭାବେ ରଙ୍ଗେଇଲୁଣ୍ଡା ବିଡିଓ କୁମାର ନାଗଭୂଷଣ, କନିଷି ତହସିଲଦାର ଶରତ ଚନ୍ଦ୍ର ମହାପାତ୍ର, ରଙ୍ଗେଇଲୁଣ୍ଡା ବ୍ଲକ ଅଧ୍ୟକ୍ଷା ସି.ଏଚ୍‌. ଉଷାରାଣୀ, ଜିଲା ଶିକ୍ଷାଧିକାରୀ ସନାତନ ପଣ୍ଡା ଓ ଅତିରିକ୍ତ ଜିଲା ଶିକ୍ଷାଧିକାରୀ

ପରିଚାଳନାଗତ ତ୍ରୁଟି ଯୋଗୁ ପୁଣି ବିପଦରେ ଛାତ୍ରୀ: ତବାରସିଂ କନ୍ୟାଶ୍ରମରେ ସମସ୍ତ ଅନ୍ତେବାସୀ ଅସୁସ୍ଥ

ପରିଚାଳନାଗତ ତ୍ରୁଟି ଯୋଗୁ ପୁଣି ବିପଦରେ ଛାତ୍ରୀ: ତବାରସିଂ କନ୍ୟାଶ୍ରମରେ ସମସ୍ତ ଅନ୍ତେବାସୀ ଅସୁସ୍ଥ

ଗଜପତି,୧୪।୧୨(ଡି.ଏନ୍‌.ଏ.): ଗଜପତି ଜିଲା ରା. ଉଦୟଗିରି ବ୍ଲକ ଅନ୍ତର୍ଗତ ତବାରସିଂ କନ୍ୟାଶ୍ରମରେ ଗୁରୁବାର ରାତି ଭୋଜନ ପରେ ସମସ୍ତ ୮୭ ଜଣ ଅନ୍ତେବାସୀ ଅସୁସ୍ଥ ହୋଇପଡିଛନ୍ତି। 

ଏସ୍‌ପି ଅଫିସରେ କାଗଜପତ୍ର ଯାଞ୍ଚ କଲେ ଡିଆଇଜି

ଏସ୍‌ପି ଅଫିସରେ କାଗଜପତ୍ର ଯାଞ୍ଚ କଲେ ଡିଆଇଜି

ଛତ୍ରପୁର, ୧୪।୧୨(ଡି.ଏନ୍‌.ଏ. ): ବ୍ରହ୍ମପୁରସ୍ଥିତ ଦକ୍ଷିଣାଞ୍ଚଳ ଡିଆଇଜି ଆଶିଷ କୁମାର ସିଂ ଶୁକ୍ରବାର ଛତ୍ରପୁର ଆଶି ଗଞ୍ଜାମ ଏସ୍‌ପିଙ୍କ କାର୍ଯ୍ୟାଳୟ ପରିଦର୍ଶନ କରିଛନ୍ତି। 

ଡ଼ାଲା ଅଟୋ ସଂଘ ପକ୍ଷରୁ ରାଲି

ଡ଼ାଲା ଅଟୋ ସଂଘ ପକ୍ଷରୁ ରାଲି

ଛତ୍ରପୁର, ୧୪।୧୨(ଡି.ଏନ୍‌.ଏ.): ବିଭିନ୍ନ ଦାବିନେଇ ଶୁକ୍ରବାର ପୂର୍ବାହ୍ନରେ ଗଞ୍ଜାମ ଜିଲା ଛତ୍ରପୁରଠାରେ ମା ଉଜଳେଶ୍ୱରୀ ଡ଼ାଲା ଅଟୋ ସଂଘ ପକ୍ଷରୁ ରାଲି ଅନୁଷ୍ଠିତ ହୋଇଯାଇଛି। 

ବ୍ରହ୍ମପୁରରେ ଚିଟ୍‌ଫଣ୍ଡ କୋର୍ଟର ପ୍ରଥମ ରାୟ

ବ୍ରହ୍ମପୁର ଅଫିସ୍‌,୧୪ା୧୨- ବ୍ରହ୍ମପୁରରେ ଥିବା ଚିଟ୍‌ଫଣ୍ଡ କୋର୍ଟର ପ୍ରଥମ ରାୟ ପ୍ରକାଶ ପାଇଛି। ଅଭିଯୁକ୍ତ ପ୍ଲୋଭେର୍‌ ଜେନେରାଲ୍‌ ଇନ୍‌ସ୍ୟୁରାନ୍ସ କମ୍ପାନୀ ଏଜେଣ୍ଟ ଲାବଣ୍ୟ ଶବରଙ୍କୁ ଉପଯୁକ୍ତ ସାକ୍ଷ୍ୟ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରିବାକୁ ଚିଟ୍‌ଫଣ୍ଡ କୋର୍ଟ ଜଜ୍‌ ଦୀପ୍ତିରଞ୍ଜନ କାନୁନ୍‌ଗୋ ଚୂଡାନ୍ତ ରାୟ ପ୍ରକାଶ କରିଥିବା ଆଇନଜୀବୀ ସୁଦର୍ଶନ ପଣ୍ଡା ସୂଚନା ଦେଇଛନ୍ତି। 

ବିଜୁ ଯୁବ ବାହିନୀ ସଦସ୍ୟଙ୍କୁ ମୁଖ୍ୟମନ୍ତ୍ରୀଙ୍କ ପ୍ରଶଂସା

ବିଜୁ ଯୁବ ବାହିନୀ ସଦସ୍ୟଙ୍କୁ ମୁଖ୍ୟମନ୍ତ୍ରୀଙ୍କ ପ୍ରଶଂସା

ଗୋପାଳପୁର,୧୪ା୧୨- ରାଜ୍ୟ ବିଜୁ ଯୁବ ବାହିନୀର ଡାକରାକ୍ରମେ ରଙ୍ଗେଇଲୁଣ୍ଡା ବ୍ଲକ ବିଜୁ ଯୁବ ବାହିନୀ ସଦସ୍ୟମାନେ ଭୁବନେଶ୍ୱର ଯାଇଥିଲେ। କଳିଙ୍ଗ ଷ୍ଟାଡିୟମରେ ଚାଲିଥିବା ବିଶ୍ୱ ହକି କପ୍‌ କ୍ରୀଡାର ବୁଧବାର ଅନୁଷ୍ଠିତ ଫ୍ରାନ୍ସ ଓ ଅଷ୍ଟ୍ରେଲିଆ ମ୍ୟାଚକୁ ଉପଭୋଗ କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଳିଙ୍ଗ ଷ୍ଟାଡିୟମରେ ସାକ୍ଷାତ କରିଥିଲେ।

ପରୀକ୍ଷା ବର୍ଜନ କରି ବିକ୍ଷୋଭ

ପରୀକ୍ଷା ବର୍ଜନ କରି ବିକ୍ଷୋଭ

କ.ନୂଆଗାଁ,୧୪ା୧୨(ଡି.ଏନ୍‌.ଏ.)- କନ୍ଧମାଳ ଜିଲା କ.ନୂଆଗଁା ବ୍ଲକର ସାରଙ୍ଗଗଡଠାରେ ଥିବା କନ୍ଧମାଳ ଡିଗ୍ରୀ କଲେଜରେ ଗୁରୁବାର ଛାତ୍ରୀଛାତ୍ରମାନେ ଯୁକ୍ତ ୩ ତୃତୀୟ ବର୍ଷ ସେମିଷ୍ଟର ପରୀକ୍ଷା ବର୍ଜନ କରି ଧାରଣାରେ ବସିଛନ୍ତି। 

କନ୍ଧମାଳରେ ଭାଜପା ସ୍ଥିତି ବିଗୁଡୁଛି ରାଜ୍ୟ କାଯର୍‌ୟକାରିଣୀ ସଦସ୍ୟ ଦଳ ଛାଡ଼ିଲେ

କନ୍ଧମାଳରେ ଭାଜପା ସ୍ଥିତି ବିଗୁଡୁଛି ରାଜ୍ୟ କାଯର୍‌ୟକାରିଣୀ ସଦସ୍ୟ ଦଳ ଛାଡ଼ିଲେ

ଫୁଲବାଣୀ ଅଫିସ, ୧୪ା୧୨- କନ୍ଧମାଳ ଜିଲାରେ ଦିନକୁ ଦିନ ଭାଜପା ସ୍ଥିତି ବିଗିଡିବାରେ ଲାଗିଛି। କନ୍ଧମାଳ ଜିଲାର ଭାଜପା ରାଜ୍ୟ କାରିଣୀ ସଦସ୍ୟ ସତ୍ୟ ନାରାୟଣ ବେହେରା ବୁଧବାର ତାଙ୍କ ସମର୍ଥକଙ୍କ ସହ ଦଳ ଛାଡିଛନ୍ତି। 

ବିଜେଡି ନେତାଙ୍କୁ ଅପହରଣ ମାମଲା ୨ ଅଭିଯୁକ୍ତ ଜେଲ ଗଲେ

ବିଜେଡି ନେତାଙ୍କୁ ଅପହରଣ ମାମଲା ୨ ଅଭିଯୁକ୍ତ ଜେଲ ଗଲେ

ଦିଗପହଣ୍ଡି,୧୪ା୧୨(ଡି.ଏନ.ଏ.)- ଦିଗପହଣ୍ଡି ପୋଲିସ କେ.ନୂଆଗାଁ ଥାନା ବମକେଇ ଗ୍ରାମର ବସନ୍ତ କୁମାର ବାଡ଼ତ୍ୟା ଏବଂ ଟିକିନା ଓରଫ ସୁଧୀର କୁମାର ସାହୁଙ୍କୁ ଗୁରୁବାର ରାତି ପ୍ରାୟ ୮ଟାରେ କୋର୍ଟଚାଲାଣ କରିଛି। 

ବାଲି ଟ୍ରାକ୍ଟର ଜବତ ବେଳେ ତହସିଲଦାରଙ୍କୁ ଘେରାଉ

ବାଲି ଟ୍ରାକ୍ଟର ଜବତ ବେଳେ ତହସିଲଦାରଙ୍କୁ ଘେରାଉ

ଶଙ୍କରାଖୋଲ,୧୪ା୧୨(ଡି.ଏନ୍‌.ଏ.)- ଚକାପାଦ ତହସିଲର ଘାଟି ଉପରେ ଥିବା ୭ ପଞ୍ଚାୟତରେ ବାଲି ସଙ୍କଟ ଦେଖା ଦେଇଛି। ଫଳରେ ବହୁ ଉନ୍ନୟନମୂଳକ କାର୍ଯ୍ୟ ବାଧାପ୍ରାପ୍ତ ହେଉଛି। ତହସିଲଦାରଙ୍କ ମନମୁଖି କାର୍ଯ୍ୟ ବିରୋଧରେ ବୁଧବାର ଅସନ୍ତୋଷ ଟ୍ରାକ୍ଟର ମାଲିକମାନେ ଫୁଲବାଣୀ ଅତିରିକ୍ତ ଜିଲାପାଳ ବସନ୍ତ କୁମାର ସାହୁଙ୍କ ଦୃଷ୍ଟି ଆକର୍ଷଣ କରିଛନ୍ତି।