ବ୍ରହ୍ମପୁର

ଗୋପାଳପୁର ବେଳାଭୂମି ମହୋତ୍ସବର ଚତୁର୍ଥ ସନ୍ଧ୍ୟା

ଗୋପାଳପୁର ବେଳାଭୂମି ମହୋତ୍ସବର ଚତୁର୍ଥ ସନ୍ଧ୍ୟା

ବ୍ରହ୍ମପୁର ଅଫିସ, ୨୭।୧୨- ଗୋପାଳପୁର ବେଳାଭୂମି ମହୋତ୍ସବର ବୁଧବାର ଚତୁର୍ଥ ସନ୍ଧ୍ୟାରେ ଷ୍ଟେଜ୍‌କୁ ରକିଂ କରିଥିଲେ ନେହା କକ୍କର। ବଲିବୁଡ୍‌ର ଏହି ପ୍ରସିଦ୍ଧ କଣ୍ଠଶିଳ୍ପୀଙ୍କୁ ଦେଖିବା ଏବଂ ତାଙ୍କ ଗୀତ ଶୁଣିବା ପାଇଁ ଦେଖାଦେଇଥିଲା ପ୍ରବଳ ଭିଡ଼। ଷ୍ଟେଜ୍‌କୁ ନେହା ପ୍ରବେଶ କରିବା କ୍ଷଣି ଦର୍ଶକଙ୍କ ପ୍ରଚୁର କରତାଳି ଶୁଣିବାକୁ ମିଳିଥିଲା। ଆଖି ଆଗରେ ଏତେ ସଂଖ୍ୟକ ଦର୍ଶକଙ୍କୁ ଦେଖି ଉତ୍ସାହିତ ହୋଇଯାଇଥିଲେ ନେହା। ଗୋଟିଏ ପରେ ଗୋଟିଏ ଆଇଟମ୍‌ ଗୀତ ଗାଇ ଦର୍ଶକଙ୍କ ମଧ୍ୟରେ ଭରିଦେଇଥିଲେ ଉତ୍ସାହ। ‘ଦି ସଉକିନ୍‌ସ’ ଚଳିଚ୍ଚିତ୍ରର ମୋନାଲି ଟେରାନ୍ସ ଗୀତ ସହ ସେ ଆରମ୍ଭ କରିଥିଲେ ତାଙ୍କ ସଂଗୀତ ପରିବେଷଣ। ଏହା ପରେ ‘ଏୟାର୍‌ ଲିଫ୍‌ଟ’ର ସୋଚ୍‌ ନା ସକେ, ‘ବାଦ୍‌ସାହୋ’ର ମେରେ ରସ୍‌କେ କମର୍‌, ‘ୱଜାହା ତୁମ୍‌ ହୋ’ର ମାହି ୱେ ଆଦି ଗୀତ ପରିବେଷଣ କରିଥିଲେ। କିନ୍ତୁ ସବୁଠୁ ଅଧିକ କରତାଳି ସାଉଁଟିଥିଲା ନେହାଙ୍କ କଣ୍ଠରେ ‘ମିଲେ ହୋ ତୁମ୍‌ ହମ୍‌ କୋ’। ଏହି ଗୀତ ନେହାଙ୍କୁ ପ୍ରସିଦ୍ଧି ଦେଇଥିଲା। ଆଉ ଏହି ଗୀତକୁ ଶୁଣିବା ପାଇଁ ଦର୍ଶକଙ୍କ ମଧ୍ୟରେ ଦେଖିବାକୁ ମିଳିଥିଲା ପ୍ରବଳ ଆଗ୍ରହ। ପରେ ପରେ ତୁ ଚିଜ୍‌ ବଡ଼ି ହେ ମସ୍ତମସ୍ତ, କୁଣ୍ଡି ମତ୍‌ ଖଡ଼କାଓ ରାଜା, ଲଡ଼କୀ ବିଉଟିଫୁଲ୍‌ ଆଦି ଅନେକ ଗୀତ ପରିବେଷଣ କରିଥିଲେ ନେହା। କେବଳ ହିନ୍ଦୀ ନୁହେଁ, ନେହାଙ୍କ କଣ୍ଠରୁ ମଧ୍ୟ ଶୁଣିବାକୁ ମିଳିଥିଲା ପଞ୍ଜାବୀ ଗୀତ। କହିବାକୁ ଗଲେ ତାଙ୍କ ପାଇଁ ବେଳାଭୂମି ପାଲଟିଥିଲା ଜନସମୁଦ୍ର। ଲକ୍ଷାଧିକ ଲୋକଙ୍କ ସମାଗମ ହୋଇଥିଲା। ଏପରିକି ଭିଡ଼କୁ ନିୟନ୍ତ୍ରଣ କରିବାକୁ ପୋଲିସକୁ ଲାଠି ଚାର୍ଜ କରିବାକୁ ପଡ଼ିଥିଲା।
ଚତୁର୍ଥ ସନ୍ଧ୍ୟାରେ ସ୍ଥାନୀୟ କଳାକାରଙ୍କ ପ୍ରଦର୍ଶନ ମଧ୍ୟ ବେଶ୍‌ ପ୍ରଶଂସନୀୟ ହୋଇପାରିଥିଲା। ଦିଗପହଣ୍ଡିର ବିଚିତ୍ର ବର୍ଣ୍ଣାଳୀ ନାଟ୍ୟ ସଂସଦ ତରଫରୁ ଘୁଡ଼ୁକି ନୃତ୍ୟ, ବ୍ରହ୍ମପୁର ମହାବୀର କରାଟେ ତରଫରୁ କରାଟେ, ଭାଟକୁମରଡ଼ାର ପ୍ରାଣବନ୍ଧୁ ଅନୁଷ୍ଠାନ ତରଫରୁ ଭାରତନାଟ୍ୟମ୍‌, ନରେନ୍ଦ୍ରପୁରର କଳାକାରଙ୍କ ତରଫରୁ ରଣପା ନୃତ୍ୟ, ଡାଇନାମିକ୍‌ ଡ୍ୟାନ୍ସ ଏକାଡ଼େମୀ, ୱ ଡ୍ୟାନ୍ସ ଗ୍ରୁପ୍‌ ଏବଂ ରକ୍‌ ଷ୍ଟାର୍‌ ଡ୍ୟାନ୍ସ ଗ୍ରୁପ୍‌ ତରଫରୁ ଆଧୁନିକ ନୃତ୍ୟ, ବ୍ରହ୍ମପୁର ଓଡ଼ିଶୀ ନୃତ୍ୟାୟନ ତରଫରୁ ଓଡ଼ିଶୀ ନୃତ୍ୟ ଏବଂ ସୁନ୍ଦରଗଡ଼ର କଳାକାରମାନେ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ। ଅତିଥି ଭାବେ ଦକ୍ଷିଣାଞ୍ଚଳ ଆଇଜି ଘନଶ୍ୟାମ ଉପାଧ୍ୟାୟ, ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ, ଟାଟା ଷ୍ଟିଲ୍‌ର ଅଶ୍ୱିନୀ କୁମାର ମହାପାତ୍ର, ଜିଲାପାଳ ପ୍ରେମଚନ୍ଦ୍ର ଚୌଧୁରୀ, ବିଏମ୍‌ସି କମିଶନର୍‌ ନିଖିଳ ପୱନ କଲ୍ୟାଣ, ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ବିଜୟ ଅମୃତା କୁଲାଙ୍ଗେ, ବ୍ରହ୍ମପୁର ବିଶ୍ୱବିଦ୍ୟାଳୟର କୁଳପତି ରାଜେନ୍ଦ୍ର ପ୍ରସାଦ ଦାସ, ଅତିରିକ୍ତ ଜିଲାପାଳ ବିଜୟ କୁମାର ଦାସ, କବୀନ୍ଦ୍ର କୁମାର ସାହୁ, ଛତ୍ରପୁର ଉପଜିଲାପାଳ ସୁଧାକର ଶବର, ବ୍ରହ୍ମପୁର ଉପଜିଲାପାଳ ଇଂ. ସିଦ୍ଧାର୍ଥ ଶଙ୍କର ସ୍ବାଇଁ ପ୍ରମୁଖ ଯୋଗଦେଇଥିଲେ।

All Right Reserved By

ବ୍ରହ୍ମପୁର

ମହିଳାଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ବଳାତ୍କାର ପରେ ହତ୍ୟା ସନ୍ଦେହ

ମହିଳାଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ବଳାତ୍କାର ପରେ ହତ୍ୟା ସନ୍ଦେହ

କନିଷି,୧୯।୬(ଡି.ଏନ.ଏ.)- ଗଞ୍ଜାମ ଜିଲା ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର ଗ୍ରାମ ନିକଟସ୍ଥ ରାଳବ ଗ୍ରାମ ରୁକୁଣି ଆଶ୍ରମ ପଛପଟୁ ମଙ୍ଗଳବାର ସକାଳେ ଜଣେ ମହିଳାଙ୍କ କ୍ଷତବିକ୍ଷକ ଉଲଗ୍ନ ମୃତଦେହ ପୋଲିସ ଜବତ କରିଛି। ଏନେଇ ନଂ.୧୧୫/୧୮ରେ ଏକ ମାମଲା ରୁଜୁ କରି ସାଇଣ୍ଟିଫିକ୍‌ ଟିମ୍‌ ସହାୟତାରେ ପୋଲିସ ତଦନ୍ତ ଚଳାଇଛି। ଘଟଣାସ୍ଥଳରୁ ଗୋଟିଏ ମୋବାଇଲ ଫୋନ ଜବତ କରାଯାଇଥିବା ଜଣାପଡିଛି। ପାରିପାର୍ଶ୍ୱିକ ପରିସ୍ଥିତିରୁ ମହିଳାଙ୍କୁ ବଳାତ୍କାର ପରେ ହତ୍ୟା କରାଯାଇଥିବା ସନ୍ଦେହ କରାଯାଉଛି।

ଦୁର୍ଘଟଣାରେ ଶିକ୍ଷକ ମୃତ

ଦୁର୍ଘଟଣାରେ ଶିକ୍ଷକ ମୃତ

ଦିଗପହଣ୍ଡି,୧୯।୬(ଡି.ଏନ.ଏ.)- ଦିଗପହଣ୍ଡି-ବ୍ରହ୍ମପୁର ୩୨୬ନଂ. ଜାତୀୟ ରାଜପଥର ଗୋକର୍ଣ୍ଣପୁର ବସ୍‌ଷ୍ଟାଣ୍ଡ ନିକଟରେ ପିକଅପ୍‌ ଭ୍ୟାନ ଧକ୍କାରେ ମଙ୍ଗଳବାର ଜଣେ ଶିକ୍ଷକ ମୃତ୍ୟୁବରଣ କରିଛନ୍ତି। ମୃତ ଶିକ୍ଷକ ଜଣକ ହେଲେ ଦିଗପହଣ୍ଡି ନିଳାଦ୍ରୀ ବିହାରରେ ରହୁଥିବା ପ୍ରଶାନ୍ତ କୁମାର ରଥ।

ଅର୍ଦ୍ଧଦଗ୍ଧ କିନ୍ନରଙ୍କ ମୃତ୍ୟୁ, ୩ ଅଟକ

ପୁରୁଷୋତ୍ତମପୁର,୧୯।୬(ଡି.ଏନ୍‌.ଏ.)- ପୋଡିହୋଇ ଗୁରୁତର ହୋଇଥିବା ହିଞ୍ଜିଳି ଥାନା ଅଞ୍ଚଳର ଜନୈକ କିନ୍ନରଙ୍କର ଚିକିତ୍ସାଧୀନ ଅବସ୍ଥାରେ ସୋମବାର ବିଳମ୍ବିତ ରାତିରେ କଟକ ବଡମେଡିକାଲରେ ମୃତ୍ୟୁ ଘଟିଛି। ମୃତ୍ୟୁ ପୂର୍ବରୁ ସେ ତଦନ୍ତକାରୀ ପୋଲିସ ଅଧିକାରୀ ଓ ମାଜିଷ୍ଟ୍ରେଟ୍‌ଙ୍କ ଆଗରେ ବୟାନ ଦେଇଛନ୍ତି।

ଘରେ ପଶି ଲୁଟିନେଲେ ସୁନା, ରୂପା ଅଳଙ୍କାର

ଘରେ ପଶି ଲୁଟିନେଲେ ସୁନା, ରୂପା ଅଳଙ୍କାର

ଦିଗପହଣ୍ଡି,୧୯।୬(ଡି.ଏନ.ଏ.)- ଦିଗପହଣ୍ଡି ବ୍ଲକ ଗୌଡ଼ଗାଁ ପଞ୍ଚାୟତ ଦାଉଣୀ ଗ୍ରାମର ସ୍ବର୍ଗତ ପ୍ରଫୁଲ୍ଲ ମହାରଣାଙ୍କ ଘରେ ପଶି ଡ଼କାୟତମାନେ ପ୍ରାୟ ୫ ଲକ୍ଷ ଟଙ୍କାର ସୁନା ଓ ରୂପା ଅଳଙ୍କାର ସମେତ ନଗଦ ପ୍ରାୟ ୧୦ ହଜାର ଲୁଟି ନେଇଛନ୍ତି।

ପିଇଓଙ୍କୁ ଆକ୍ରମଣ କରି ଲୁଟ୍‌ ମାମଲା

ପିଇଓଙ୍କୁ ଆକ୍ରମଣ କରି ଲୁଟ୍‌ ମାମଲା

ଭଞ୍ଜନଗର,୧୯।୬(ଡି.ଏନ.ଏ): ଜଗନ୍ନାଥପ୍ରସାଦ ବ୍ଲକ ଗେରେଡ଼ା ପଞ୍ଚାୟତ କାର୍ଯ୍ୟନିର୍ବାହୀ ଅଧକାରୀ (ପିଇଓ) ବସନ୍ତ କୁମାର ସାହୁଙ୍କଠାରୁ ଭତ୍ତା ଟଙ୍କା ଲୁଟ ମାମଲାରେ ପୋଲିସ ୨ ଅଭିଯୁକ୍ତଙ୍କୁ ଚିହ୍ନଟ କରିଥିବା ବେଳେ ମଙ୍ଗଳବାର ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ପ୍ରତାପୁରର ଋତୁପୂର୍ଣ୍ଣ ଗୌଡ଼।

ବେଆଇନ ମାଟି ଚାଲାଣବେଳେ ୩ ଗାଡି ଜବତ

ବେଆଇନ ମାଟି ଚାଲାଣବେଳେ ୩ ଗାଡି ଜବତ

ଚିକିଟି,୧୯।୬(ଡି.ଏନ.ଏ.)- ସୋରଳ ଛକ ନିକଟରେ ମଙ୍ଗଳବାର ସକାଳେ ଚିକିଟି ତହସିଲ ଅଞ୍ଚଳରେ ଥିବା ବନବିଭାଗ ଇଲାକାରୁ ବେଆଇନ ଭାବେ ମାଟି ଚାଲାଣ ବେଳେ ଗୋଟିଏ ଟ୍ରକ୍‌ ଓ ୨ଟି ଟ୍ରାକ୍ଟର ଜବତ କରାଯାଇଛି।

ଅଭିଯୁକ୍ତ ଗିରଫ

ଅଭିଯୁକ୍ତ ଗିରଫ

ଦିଗପହଣ୍ଡି,୧୯।୬(ଡି.ଏନ୍‌.ଏ.): କେ. ନୂଆଗାଁ ଥାନା ପୋଲିସ ରାମଚନ୍ଦ୍ର ଗ୍ରାମର ସୁରେଶ କୁମାର ରାଉଳଙ୍କୁ ଜାମିନବିହୀନ ଗିରଫ ପରଓ୍ବାନା ବଳରେ ପୋଲିସ ଗିରଫ କରି ବ୍ରହ୍ମପୁର କୋର୍ଟ ଚାଲାଣ କରିଛି। ତାଙ୍କ ବିରୋଧରେ ବ୍ରହ୍ମପୁର ସଦର କୋର୍ଟଙ୍କ ପକ୍ଷରୁ ଓ୍ବାରେଣ୍ଟ କରାଯାଇଥିଲା। ଏହାକୁ ଭିତ୍ତିକରି ସୁରେଶଙ୍କୁ ଗିରଫ କରାଯାଇଥିବା ଏସଆଇ ଧନେଶ୍ୱର ନାହାକ କହିଛନ୍ତି।

ମଦ ଜବତ, ଜଣେ ଗିରଫ

ମଦ ଜବତ, ଜଣେ ଗିରଫ

ଦିଗପହଣ୍ଡି,୧୯।୬(ଡି.ଏନ୍‌.ଏ.): ଦିଗପହଣ୍ଡି ଥାନା ସାନଡୁମ୍ବୁଳା ଗ୍ରାମର ଜଣେ ବ୍ୟକ୍ତିଙ୍କୁ ପୋଲିସ ମଦ ବିକ୍ରି ଅଭିଯୋଗରେ ମଙ୍ଗଳବାର ଗିରଫ କରିଛି। ସେ ହେଲେ ସୁବାସ ସାହୁ। ତାଙ୍କ ନିକଟରୁ ୨୩ ମଦ ପାଉଚ ଜବତ କରାଯାଇଛି। ଏ ନେଇ ଥାନାରେ ଏକ ମାମଲା (ନଂ.୧୦୪/୧୮) ରୁଜୁ କରାଯାଇଛି। ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଏଏସଆଇ କୃଷ୍ଣଚନ୍ଦ୍ର ଗୌଡ଼ କହିଛନ୍ତି।

ସାନଭାଇ ଠେଙ୍ଗାମାଡ଼ରେ ବଡ଼ ଗୁରୁତର

ଦିଗପହଣ୍ଡି,୧୯।୬(ଡି.ଏନ୍‌.ଏ.): ଦିଗପହଣ୍ଡି ବ୍ଲକ ଭ୍ରମରପୁର ଓଡ଼ିଆ ସାହିରେ ସୋମବାର ସନ୍ଧ୍ୟାରେ ସାନଭାଇ ଠେଙ୍ଗାମାଡ଼ରେ ବଡ଼ଭାଇ ଗୁରୁତର ଆହତ ହୋଇଛନ୍ତି। ସେ ହେଲେ ସୀମାଞ୍ଚଳ ସାହୁ।

ବନ୍ୟା, ବାତ୍ୟା ପ୍ରତିରୋଧକ ମକ୍‌ଡ୍ରିଲ୍‌

ବନ୍ୟା, ବାତ୍ୟା ପ୍ରତିରୋଧକ ମକ୍‌ଡ୍ରିଲ୍‌

ଚିକିଟି,୧୯।୬(ଡି.ଏନ.ଏ.)-ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ମଙ୍ଗଳବାର ଚିକିଟି ବ୍ଲକର ବିଭିନ୍ନ ପଞ୍ଚାୟତର ସମୂଦ୍ର କୂଳବର୍ତ୍ତୀ ଏବଂ ନଦୀ ତଟବର୍ତ୍ତୀ ଗ୍ରାମଗୁଡିକରେ ସାମ୍ଭାବ୍ୟ ବନ୍ୟା ଓ ବାତ୍ୟା ପ୍ରତିରୋଧକ ମକଡ୍ରିଲ୍‌ ଅନୁଷ୍ଠିତ ହୋଇଯାଇଛି।

ବିଦ୍ୟୁତ୍‌ ଆଘାତରେ ଯୁବକ ମୃତ

ବିଦ୍ୟୁତ୍‌ ଆଘାତରେ ଯୁବକ ମୃତ

କବିସୂର୍ଯ୍ୟନଗର,୧୯।୬(ଡି.ଏନ୍‌.ଏ.)- କବିସୂର୍ଯ୍ୟନଗର ଥାନା ନନ୍ଦିଆଗଡା ଗ୍ରାମରେ ମଙ୍ଗଳବାର ମଧ୍ୟାହ୍ନ ପ୍ରାୟ ୧୨ଟାରେ ବିଦ୍ୟୁତ୍‌ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ ସେହି ଗ୍ରାମର କରୁଣା ଖଟେଇ।

ଅଗ୍ନିଶମ ବିଭାଗର ମକ୍‌ଡ୍ରିଲ୍‌

ଅଗ୍ନିଶମ ବିଭାଗର ମକ୍‌ଡ୍ରିଲ୍‌

ପାତ୍ରପୁର,୧୯।୬(ଡି.ଏନ୍‌.ଏ.)- ପାତ୍ରପୁର ଅଗ୍ନିଶମ ବିଭାଗ ତରଫରୁ ମଙ୍ଗଳବାର ବ୍ଲକ କାର୍ଯ୍ୟାଳୟ ପରିସରରେ ବନ୍ୟା ଓ ବାତ୍ୟା ଭଳି ବିପର୍ଯ୍ୟୟବେଳେ କିପରି ଧନଜୀବନ ରକ୍ଷା କରାଯାଇପାରିବ ସେ ନେଇ ମକ୍‌ଡ୍ରିଲ୍‌ କରାଯାଇଥିଲା।

Model This Week

ପ୍ରଭାତ