ବାଲେଶ୍ୱର

ଶେୟ ନେବାକୁ ବିଜେଡ଼ି-ଭାଜପା ଟଣାଓଟରା

ଶେୟ ନେବାକୁ ବିଜେଡ଼ି-ଭାଜପା ଟଣାଓଟରା
ବାଲେଶ୍ୱର ଅଫିସ,୨୭।୧୨- ବାଲେଶ୍ୱର ସଦର ବ୍ଲକ ଅନ୍ତର୍ଗତ ସୋଲପଟା ନିକଟସ୍ଥ ପଞ୍ଚୁପଡ଼ା ନଦୀ ଉପରେ ନିର୍ମାଣଧୀନ ସେତକୁ ବିବାଦ ସୃଷ୍ଟି ହେବାରୁ ପଞ୍ଚୁପଡ଼ା ଗାଁ ପଟ ପାର୍ଶ୍ୱବର୍ତ୍ତୀ ରାସ୍ତା ନିର୍ମାଣ ହୋଇପାରୁ ନ ଥିଲା। ତେବେ ସେତୁ ସୁରକ୍ଷା କମିଟି ତତ୍ତ୍ୱାବଧାନରେ ବୁଧବାର ଠାରୁ ଉକ୍ତ ରାସ୍ତାରେ ବାଲି ଓ ମାଟି ପକାଯିବା କାର୍ଯ୍ୟ ଆରମ୍ଭ ହୋଇଥିବା ବେଳେ ଏହାକୁ ନେଇ ରାଜନୀତି ଆରମ୍ଭ ହୋଇଛି । ପୋଲ ନିର୍ମାଣର ଶ୍ରେୟ ସରକାରୀ ଦଳ ଦାବି କରୁଥିବା ବେଳେ ଦୀର୍ଘଦିନ ଧରି କାର୍ଯ୍ୟ ଅସମ୍ପୂର୍ଣ୍ଣ ରହିବା ନେଇ ଭାଜପା ସରକାରୀ ଦଳର ଦକ୍ଷତା ଉପରେ ପ୍ରଶ୍ନ ଉଠାଇଛି । ବୁଧବାର ମଧ୍ୟାହ୍ନରେ ସ୍ଥାନୀୟ ଏକ କଲ୍ୟାଣମଣ୍ଡପରେ ଭାଜପା ପକ୍ଷରୁ ଆୟୋଜିତ ଖବରଦାତା ସମ୍ମିଳନୀରେ ଏ ନେଇ କୁହାଯାଇଛି ଯେ, ଜମିମାଲିକଙ୍କ ଅସନ୍ତୋଷ ଯୋଗୁ ରାସ୍ତା କାମ ହୋଇ ପାରୁ ନ ଥିଲା। ଭାଜପା କର୍ମକର୍ତ୍ତାମାନେଏହାର ସମାଧାନ କରି ଗ୍ରାମବାସୀଙ୍କ ସହାୟତାରେ ଅସମ୍ପୂର୍ଣ୍ଣ କାର୍ଯ୍ୟକୁ ସମ୍ପୂର୍ଣ୍ଣ କରିବା ପାଇଁ ଉଦ୍ୟମ କରିଛନ୍ତି। ଏପରିସ୍ଥଳେ ବିଜେଡି ଶ୍ରେୟ ଦାବି କରିବା ବିଡମ୍ବନା । ଏହି ଖବରଦାତା ସମ୍ମିଳନୀରେ ଜିଲାସଭାପତି ମଦନମୋହନ ଦତ୍ତ , ରାଜ୍ୟ ଉପସଭାପତି ତଥା ଜିଲା ପ୍ରଭାରୀ ସମୀର ମହାନ୍ତି, ଭାଜପା ପଞ୍ଚୁପଡ଼ା ମଣ୍ଡଳର ପ୍ରଭାରୀ ଲୋକନାଥ ଭୂୟାଁ, ମିଡ଼ିଆ ପ୍ରମୁଖ ଗୌରାଙ୍ଗ ଦାସ ଉପସ୍ଥିତ ଥିଲେ। ଅନ୍ୟପକ୍ଷେ ବାଲେଶ୍ୱର ବିଧାୟକ ଜୀବନ ପ୍ରଦୀପ ଦାଶଙ୍କ ପ୍ରଚେଷ୍ଟାରେ ପଞ୍ଚୁପଡ଼ା ସେତୁ କାର୍ଯ୍ୟ ଶୀଘ୍ର ସରିବ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍‌ଘାଟନ କରିବେ ବୋଲି ବିଜୁ ଜନତା ଦଳ ବାଲେଶ୍ୱର ବିଧାନସଭା ନିର୍ବାଚନ ମଣ୍ଡଳୀ ମିଡ଼ିଆ ସଂଯୋଜକ ଧିରେନ ନାୟକ ବୁଧବାର ଏକ ପ୍ରେସ୍‌ ବିବୃତିରେ ଜଣାଇଛନ୍ତି।
All Right Reserved By

ବାଲେଶ୍ୱର

ବ୍ରହ୍ମପୁର ଉପଖଣ୍ଡସ୍ତରୀୟ ଅଭିଯୋଗ ଶୁଣାଣି

ବ୍ରହ୍ମପୁର ଉପଖଣ୍ଡସ୍ତରୀୟ ଅଭିଯୋଗ ଶୁଣାଣି

ବ୍ରହ୍ମପୁର ଅଫିସ୍‌,୨୩ା୧୦-ବ୍ରହ୍ମପୁର ଉପଖଣ୍ଡସ୍ତରୀୟ ଅଭିଯୋଗ ଶୁଣାଣି ଶିବିର ସୋମବାର ବ୍ରହ୍ମପୁର ଉପଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା । ଜିଲାପାଳ ବିଜୟ ଅମୃତା କୁଲାଙ୍ଗେ, ବ୍ରହ୍ମପୁର ଏସ୍‌ପି ପିନାକ ମିଶ୍ର, ଉପଜିଲାପାଳ ଦିଗନ୍ତ ରାଉତରାୟ ଏବଂ ବିଏମ୍‌ସି କମିଶନର୍‌ ଚକ୍ରବର୍ତ୍ତୀ ସିଂ ରାଠୋର୍‌ ପ୍ରମୁଖ ଏଥିରେ ଯୋଗ ଦେଇଥିଲେ। 

ଜିଲା ଯୋଗାଣ ନିରୀକ୍ଷକଙ୍କୁ ଦୁର୍ବ୍ୟବହାର

ଜିଲା ଯୋଗାଣ ନିରୀକ୍ଷକଙ୍କୁ ଦୁର୍ବ୍ୟବହାର

ଭଦ୍ରକ ଅଫିସ,୨୩।୧୦-ଭଦ୍ରକ ଜିଲା ଯୋଗାଣ ନିଗମ କାର୍ଯ୍ୟାଳୟ ପରିସରରେ କାର୍ଯ୍ୟରତ ଯୋଗାଣ ନିରୀକ୍ଷକ ବାବୁଲାଲ ବାରିକଙ୍କୁ ସୋମବାର ଦୁର୍ବ୍ୟବହାର ସହ ଧମକ ଦିଆଯାଇଥିବା ନେଇ ଅଭିଯୋଗ ହୋଇଛି। 

ଚିକିତ୍ସା ଅବହେଳାରୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ

ଚିକିତ୍ସା ଅବହେଳାରୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ

ବାରିପଦା ଅଫିସ,୨୩।୧୦- ବାରିପଦା ସ୍ଥିତ ପଣ୍ଡି ରଘୁନାଥ ମୁର୍ମୁ ମେଡିକାଲ କଲେଜରେ ସୋମବାର  ଚିକିତ୍ସା ଅବହେଳରୁ ଜଣେ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। 

ବାରିପଦାରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା

ବାରିପଦାରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା

ବାରିପଦା ଅଫିସ,୨୩।୧୦- ମୟୂରଭଞ୍ଜ ଜିଲା ବାରିପଦା ଠାରେ କଲ୍ଚରାଲ ଆସୋସିଏଶନ ଓ ସାଇ ଫିଟନେସ ଜିମ୍‌ର ମିଳିତ ଆନୁକୂଲ୍ୟରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। 

‘ଲୋକଙ୍କୁ ବୋକା ବନାଉଛନ୍ତି ରାଜ୍ୟ ସରକାର’

‘ଲୋକଙ୍କୁ ବୋକା ବନାଉଛନ୍ତି ରାଜ୍ୟ ସରକାର’

ବସ୍ତା, ୨୩।୧୦(ସ୍ବ.ପ୍ର.)-ବାଲେଶ୍ୱର ଜିଲା ରେମୁଣାରେ ଶିଳ୍ପାନୁଷ୍ଠାନ ପ୍ରତିଷ୍ଠା ଆଳରେ ଚାଷୀଙ୍କଠାରୁ ଶହ ଶହ ଏକର ଜମି ହାତେଇ ନିଆଯାଉଛି। 

ଚାଷ ଜମିକୁ ଖସିପଡିଲା ଯାତ୍ରୀବାହୀ ବସ୍‌ ,୩ ଆହତ

ଚାଷ ଜମିକୁ ଖସିପଡିଲା ଯାତ୍ରୀବାହୀ ବସ୍‌ ,୩ ଆହତ

ଜଳେଶ୍ୱର, ୨୩ା୧୦(ଡି.ଏନ.ଏ.)-ସୋମବାର ଭୋର ସମୟରେ ଭୁବନେଶ୍ୱରରୁ ରାଇବଣିଆ ଥାନା ଓଲମାରା ଗ୍ରାମକୁ ଆସୁଥିବା କ୍ଷୀରଚୋରା ନାମକ ଯାତ୍ରୀବାହୀ ବସ୍‌ (ନଂ.ଓଆର୍‌୦୧ପି-୨୩୮୨) କବାଟଘାଟି ଛକଠାରେ ଭାରସାମ୍ୟ ହରାଇ ଚାଷ ଜମିକୁ ଖସିପଡିଥିଲା।

ଯୁବକଙ୍କ ମୃତଦେହ ଉଦ୍ଧାର

ଯୁବକଙ୍କ ମୃତଦେହ ଉଦ୍ଧାର

ବାରିପଦା ଅଫିସ,୨୩।୧୦-ବାରିପଦା ଟାଉନ ଥାନା ଅଧୀନ ତକତପୁର ଅଞ୍ଚଳରେ ସୋମବାର ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ସେ ହେଲେ ଗୋବିନ୍ଦ ମହାରଣା। ତାଙ୍କର ଏକ ସାର୍ଟିଫିକେଟ ହଜିଯାଇଥିବା ଯୋଗୁ ତାଙ୍କ ମାନସିକ ସ୍ଥିତି ଠିକ ନ ଥିଲା।

ଫେରାର ଅଭିଯୁକ୍ତ ଗିରଫ

ଫେରାର ଅଭିଯୁକ୍ତ ଗିରଫ

ରୂପ୍‌ସା, ୨୨।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ହଳଦୀପଦା ଫାଣ୍ଡି ଅଧିକାରୀ ବଦ୍ରିଶଙ୍କର ଷଣ୍ଢ ଚଢ଼ାଉ କରି ଜଣେ ଫେରାର ଅଭିଯୁକ୍ତଙ୍କୁ ଗିରଫ କରିଛନ୍ତି। ଗିରଫ ଅଭିଯୁକ୍ତ ହେଲେ ଜଙ୍ଖରାଇ ଗ୍ରାମର ଶେଖ ତେଜମତ। ୨୦୧୬ ମସିହାର ଏକ ଗଣ୍ଡଗୋଳ ମାମଲାରେ ସେ ସମ୍ପୃକ୍ତ ଥିବା ପୋଲିସ କହିଛି। ୩ବର୍ଷ ଧରି ସେ ଫେରାର ଥିଲେ। ସେ ଘରେ ଥିବା ଖବରପାଇ ପୋଲିସ ଚଢ଼ାଉ କରିଥିଲା।

ବିଦ୍ୟୁତ ସଂସ୍ପର୍ଶରେ ଖବରକାଗଜ ବିତରକଙ୍କ ମୃତ୍ୟୁ

ବିଦ୍ୟୁତ ସଂସ୍ପର୍ଶରେ ଖବରକାଗଜ ବିତରକଙ୍କ ମୃତ୍ୟୁ

ସୋର, ୨୨ା୧୦(ଡ଼ି.ଏନ.ଏ.)-ଦୀର୍ଘ ୪୦ବର୍ଷ ଧରି ଖବରକାଗଜ ବିତରଣ କରିଆସୁଥିବା କମଳାକାନ୍ତ ରାଉତ (୫୮) ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁବରଣ କରିଛନ୍ତି। କମଳାକାନ୍ତ ସୋମବାର ମଧ୍ୟାହ୍ନ ୧୨ଟା ବେଳେ ତାଙ୍କ କୁକୁଡ଼ା ଫାର୍ମରେ କାମ କରୁଥିବା ବେଳେ ପୂର୍ବରୁ ଛିଡ଼ିପଡିଥିବା ତାରକୁ ମାଡି ପକାଇଥିଲେ। 

ଦାବି ପୂରଣ ନ ହେଲେ ବ୍ଲକ କାର୍ଯ୍ୟାଳୟ ଘେରାଉ

ଦାବି ପୂରଣ ନ ହେଲେ ବ୍ଲକ କାର୍ଯ୍ୟାଳୟ ଘେରାଉ

ବାରିପଦା ଅଫିସ,୨୨।୧୦- ମୟୂରଭଞ୍ଜ ଜିଲା ଝାଡଖଣ୍ଡ ମୁକ୍ତି ମୋର୍ଚ୍ଚା(ଜେଏମଏମ)ପକ୍ଷରୁ କୁଳିଅଣା ବ୍ଳକ ରଘୁନାଥ ‘ଗ’ଓ ରଙ୍ଗିଆମ ଗ୍ରାମରେ ଦେଖା ଦେଇଥିବା ସମସ୍ୟା ଗୁଡିକ ନେଇ ସୋମବାର ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଘେରିଛନ୍ତି। 

ଜବରଦଖଲ ଉଚ୍ଛେଦ ପାଇଁ ଜିଲାପାଳଙ୍କୁ ଦାବିପତ୍ର

ଜବରଦଖଲ ଉଚ୍ଛେଦ ପାଇଁ ଜିଲାପାଳଙ୍କୁ ଦାବିପତ୍ର

ଭଦ୍ରକ ଅଫିସ,୨୨।୧୦-ଭଦ୍ରକ ଜିଲାପାଲଙ୍କ କାର୍ଯ୍ୟାଳୟରେ ଅନୁଷ୍ଠିତ ଜନଅଭିଯୋଗ ଶୁଣାଣି ଶିବିରରେ ଚାନ୍ଦବାଲି ବ୍ଲକ ନାଲଗୁଣ୍ଡା ପଞ୍ଚାୟତ ପଛପଡ଼ା ଗ୍ରାମବାସୀ ଗ୍ରାମ୍ୟରାସ୍ତା ଜବରଦଖଲ ନେଇ ଲିଖିତ ଅଭିଯୋଗ କରିଛନ୍ତି। 

ଖଣିରେ ମେଶିନ ବ୍ୟବହାର, ବଢୁଛି ଶ୍ରମିକ ସମସ୍ୟା: ଜିଲାପାଳଙ୍କୁ ଅଭିଯୋଗ କଲେ ପୂର୍ବତନ ଜିଲାପରିଷଦ ସଭ୍ୟ

ଖଣିରେ ମେଶିନ ବ୍ୟବହାର, ବଢୁଛି ଶ୍ରମିକ ସମସ୍ୟା: ଜିଲାପାଳଙ୍କୁ ଅଭିଯୋଗ କଲେ ପୂର୍ବତନ ଜିଲାପରିଷଦ ସଭ୍ୟ

ଖଇରା, ୨୨।୧୦(ଡି.ଏନ.ଏ.)-ଖଇରା ତହସିଲ କୁପାରୀ ରାଜସ୍ବ କ୍ଷେତ୍ର ଅଧୀନ ଶାରୀଶୂଆ ପାହାଡରେ ୯୭ ଖଣି ଖନନ ପାଇଁ ତହସିଲ ପକ୍ଷରୁ ନିଲାମ ଦିଆଯାଇଛି। ଖଣି ମାଲିକମାନେ ଖଣିରୁ ପଥର ଉତ୍ତୋଳନ ପାଇଁ ୱାଗନ ଭଳି ବଡ ବଡ ମେଶିନ ବ୍ୟବହାର କରୁଛନ୍ତି।  ଆଉ ପୂର୍ବଭଳି ଶ୍ରମିକମାନଙ୍କୁ ଏଥିରେ ନିୟୋଜିତ କରାଯାଉନାହିଁ। ଫଳରେ ପାହାଡ ତଳି ଅଞ୍ଚଳରେ ଥିବା ଆଦିବାସୀ ଅଧ୍ୟୁଷିତ ପଞ୍ଚାୟତ କୁପାରୀ, ଗଡପୋଖରୀ, କଇଥଗଡିଆ, ବାଉଁଶଗଡିଆ ଓ ରଟିଣାରେ ଶ୍ରମିକମାନେ ହାତ ବାନ୍ଧି ବସି ରହୁଛନ୍ତି।