Dharitri News
ଜୀବନଚର୍ଯ୍ୟା |

ଜାଣିହେବ ଅତ୍ୟଧିକ ନିଶାସେବନ

ଜାଣିହେବ ଅତ୍ୟଧିକ ନିଶାସେବନ ନୂଆଦିଲ୍ଲୀ:ଭାରତୀୟ ବୈଜ୍ଞାନିକମାନେ ଏଭଳି ଏକ କାଗଜ ଆଧାରିତ ସେନ୍‌ସର ବା ସମ୍ବେଦୀ ପ୍ରସ୍ତୁତ କରିବାରେ ସମର୍ଥ ହୋଇଛନ୍ତି, ଯାହା ଅତି ସହଜରେ ଅତ୍ୟଧିକ ନିଶା ସେବନକୁ ଠାବ କରିପାରିବ। ବିଶେଷକରି ଯୌନ ନିର୍ଯାତନା, ଚୋରି, ଲୁଟ୍‌ପାଟ କିମ୍ବା ଆମୋଦ ପାଇବା ଲାଗି ବ୍ୟବହାର ହେଉଥିବା ମାତ୍ରାଧିକ ନିଶା ଗ୍ରହଣ ଉପରେ ନଜର ଦେଇପାରିବ। ଏହି ଉପକରଣ ଅପରାଧ ଘଟଣାର ତୁରନ୍ତ ସମାଧାନ କରିବା ଦିଗରେ ସହାୟକ ହେବ ବୋଲି ଆଶା କରାଯାଉଛି। ‘ଆନାଲିଟିକା କିମିକା ଆକ୍ଟା ଜର୍ନାଲ’ ପତ୍ରିକାରେ ପ୍ରକାଶିତ ରିପୋର୍ଟ ମୁତାବକ ମାନସିକ ରୋଗ, ଚିନ୍ତାରୁ ମୁକ୍ତି ଲାଗି ‘ଡିଆଜ୍‌ପାମ୍‌’ ନାମକ ଏକ ଔଷଧ ବିଶେଷ ଭାବେ ବ୍ୟବହୃତ ହୋଇଥାଏ। କିନ୍ତୁ ଏହାକୁ ହତ୍ୟା ଏବଂ ଆତ୍ମହତ୍ୟା ବେଳେ ଲୋକେ ଏହାର ଦୁର୍ବ୍ୟବହାର କରୁଥିବା ଦେଖିବାକୁ ମିଳିଥାଏ। କିଛି ଲୋକ ମଜା ନେବା ପାଇଁ ଏହାର ସେବନ କରୁଥିବା ବେଳେ ଆଉ କେତେକ ଯୌନ ନିର୍ଯାତନା ଏବଂ ନାନାଦି ଅପରାଧ ଘଟାଇବା ଲାଗି ଏହାର ଅପବ୍ୟବହାର କରୁଛନ୍ତି। ତେବେ ଜଟିଳ ଟେକ୍ନୋଲୋଜି ଯୋଗୁ ଏହି ଔଷଧର ବିପଦ ସମ୍ପର୍କରେ ବିଶ୍ଳେଷଣ କରିବା ଅତ୍ୟନ୍ତ ଜଟିଳ ଏବଂ ଖର୍ଚ୍ଚସାପେକ୍ଷ। ଏଣୁ ଏହାର ବିଶ୍ଳେଷଣ କରିବା ଲାଗି ଗବେଷକମାନେ ଏକ କାଗଜ ଆଧାରିତ ସେନ୍‌ସର୍‌ ପଦ୍ଧତିର ଉଦ୍ଭାବନ କରିଥିଲେ। ଏହି ସେନ୍‌ସରକୁ କାର୍ଯ୍ୟରେ ବିନିଯୋଗ କରାଗଲେ ତାହା ବିଶେଷଜ୍ଞଙ୍କୁ ଲାବୋରେଟୋରିରେ ଅତ୍ୟଧିକ ନିଶାସେବନ ଜନିତ ମୃତ୍ୟୁର କାରଣ ବିଷୟରେ ନିର୍ଭୁଲ ତଥ୍ୟ ପ୍ରଦାନ କରିବ ବୋଲି ନୋଏଡାର ଏମିଟି ବିଶ୍ୱବିଦ୍ୟାଳୟର ସହଯୋଗୀ ପ୍ରାଧ୍ୟାପକ ଜାଗୃତି ନାରଙ୍ଗ ସୂଚନା ଦେଇଛନ୍ତି। ଉକ୍ତ ପେପର୍‌ ବେସ୍‌ଡ ସେନ୍‌ସର ଗବେଷଣାରେ ନୂଆଦିଲ୍ଲୀର ଜାମିଆ ମିଲିଆ ଇସ୍‌ଲାମିଆ ଏବଂ ହରିୟାଣାର ରୋହତକ୍‌ସ୍ଥିତ ମହର୍ଷି ଦୟାନନ୍ଦ ବିଶ୍ୱବିଦ୍ୟାଳୟର ଗବେଷକମାନେ ମଧ୍ୟ ସାମିଲ ଥିଲେ। ଏହି କାଗଜ ଆଧାରିତ ସମ୍ବେଦୀ ପ୍ରସ୍ତୁତ କରିବା ଲାଗି ସେମାନେ କାଗଜ ଉପରେ ସିଲିକା ଆବରଣ ପ୍ରସ୍ତୁତ କରି ସୁନାର ନାନୋ ରଡ୍‌ ଖଞ୍ଜିଥିଲେ। ଏହାର କାର୍ଯ୍ୟଦକ୍ଷତା ପ୍ରମାଣିତ କରିବା ଲାଗି ସେମାନେ ନିଶାଯୁକ୍ତ ପରିସ୍ରା ନମୁନାରେ ପରୀକ୍ଷଣ କରିଥିଲେ। ଉକ୍ତ ପେପର୍‌ ଚିପ୍‌ଟି ବୈଦ୍ୟୁତିକ ସଙ୍କେତ ପ୍ରଦାନ କରୁଥିବା ଏକ ଉପକରଣ ସହ ସଂଯୋଗ କରିଥିଲେ। ଏହି ସଙ୍କେତ ମାଧ୍ୟମରେ ନିଶା ସେବନର ମାତ୍ରା ସ୍ପଷ୍ଟ ହୋଇପାରିବ ବୋଲି ନାରଙ୍ଗ ସୂଚନା ଦେଇଛନ୍ତି। ଏହାପୂର୍ବରୁ ନିଶା ସେବନ ସମ୍ପର୍କରେ ଜାଣିବା ଲାଗି ଗ୍ୟାସ୍‌ କ୍ରେମାଟୋଗ୍ରାଫି-ମାସ୍‌ ସ୍ପେକ୍ଟ୍ରୋଫୋଟୋପିଟର୍‌ ପଦ୍ଧତି ବ୍ୟବହାର କରାଯାଉଥିଲା। କିନ୍ତୁ ଏହା ଖର୍ଚ୍ଚ ସାପେକ୍ଷ ଏକ ଜଟିଳ ପଦ୍ଧତି। ଏଣୁ ଏହି ନୂଆ ପେପର୍‌ ଆଧାରିତ ସମ୍ବେଦୀ ପୂର୍ବର ସମସ୍ତ ପଦ୍ଧତିର ବିକଳ୍ପ ଭାବେ ବ୍ୟବହୃତ ହେବ। କାରଣ ଏହା ଗ୍ୟାସ୍‌ କ୍ରେମାଟୋଗ୍ରାଫି-ମାସ୍‌ ସ୍ପେକ୍ଟ୍ରୋଫୋଟୋପିଟର୍‌ ପଦ୍ଧତି ଭଳି ଅଧିକ ଖର୍ଚ୍ଚସାପେକ୍ଷ ନୁହେଁ। ଅତି ସ୍ବଳ୍ପ ଅର୍ଥରେ ଏହାକୁ କାର୍ଯ୍ୟରେ ଲଗାଯାଇ ପାରିବ। ବର୍ତ୍ତମାନ ପରସ୍ଥିତିରେ ଗବେଷକଙ୍କୁ ଏବଂ ଅନୁସନ୍ଧାନାକରୀ ଦଳ ପାଇଁ ଏହା ବିଶେଷ ଭାବେ ଉପଯୋଗୀ ହେବ ବୋଲି ନାରଙ୍ଗ ପ୍ରକାଶ କରିଛନ୍ତି। ଫରେନ୍‌ସିକ୍‌ ଲାବୋରେଟୋରି ଲାଗି ଏହା ବିଶେଷ ଭାବେ ସହାୟକ ହେବ ବୋଲି ଗବେଷକମାନେ ଆଶାପ୍ରକାଶ କରିଛନ୍ତି।

ଜୀବନଚର୍ଯ୍ୟା |

ଲବଙ୍ଗ ତେଲର ଉପକାରିତା

ଲବଙ୍ଗ ତେଲର ଉପକାରିତା

ଭାରତରେ ପ୍ରଚୁର ପରିମାଣରେ ଲବଙ୍ଗ ଉତ୍ପାଦନ ହୋଇଥାଏ। ଏହାକୁ ଖାଦ୍ୟ ପ୍ରସ୍ତୁତିଠାରୁ ଆରମ୍ଭ କରି ବିଭିନ୍ନ ପ୍ରକାର ରୋଗର ଉପଶମ କ୍ଷେତ୍ରରେ ବ୍ୟବହାର କରାଯାଇଥାଏ। ଲବଙ୍ଗରୁ ପ୍ରସ୍ତୁତ ଲବଙ୍ଗ ତେଲ ଔଷଧୀୟ ଗୁଣରେ ଭରପୂର। ଏହା ବ୍ରଣ ଦୂର କରିବା, କାଶ, ଆସ୍ତମା ଆଦିର ଉପଚାରରେ ବିଶେଷକରି ବ୍ୟବହୃତ ହୋଇଥାଏ। ଏହି ତେଲରେ ଅନେକ ପ୍ରକାରର ଖଣିଜ ପଦାର୍ଥ ସହ କ୍ୟାଲସିୟମ୍‌, ଆଇରନ୍‌, ସୋଡିୟମ୍‌, ପୋଟାସିୟମ୍‌, ଭିଟାମିନ୍‌ ଏ ଏବଂ ଭିଟାମିନ ସି ଆଦି ପର୍ଯ୍ୟାପ୍ତ ମାତ୍ରାରେ ମିଳିଥାଏ।

ଭିଡ଼ିଓ ଗେମ୍‌ ମସ୍ତିଷ୍କାଘାତରୁ ମୁକ୍ତି ଦିଏ

ଭିଡ଼ିଓ ଗେମ୍‌ ମସ୍ତିଷ୍କାଘାତରୁ ମୁକ୍ତି ଦିଏ

ଓ୍ବାଶିଂଟନ: ଭିଡ଼ିଓ ଗେମ୍‌ ମସ୍ତିଷ୍କାଘାତରୁ ମୁକ୍ତି ମିଳିଥାଏ। ଏସମ୍ପର୍କରେ ଗବେଷକ ସୂଚିତ କରିଛନ୍ତି। ଦୀର୍ଘଦିନ ଧରି ଗବେଷଣା କରିବା ପରେ ଲଣ୍ଡନ ଇମ୍ପାରିୟାଲ କଲେଜର ଗବେଷକ ଏନେଇ ଗବେଷଣା ଜାରି ରଖିଥିଲେ।

ଅତ୍ୟଧିକ ଶର୍କରା ନିୟନ୍ତ୍ରଣ ବିପଦ ଜନକ

ଅତ୍ୟଧିକ ଶର୍କରା ନିୟନ୍ତ୍ରଣ ବିପଦ ଜନକ

ଓ୍ବାଶିଂଟନ: ମଧୁମେହ ରୋଗରେ ଖାଦ୍ୟରେ ଶର୍କରା ଉପରେ ନିୟନ୍ତ୍ରଣ ପାଇଁ ଡାକ୍ତର ପରାମର୍ଶ ଦେଇଥାନ୍ତି। ତେବେ ସମ୍ପ୍ରତି କିଛି ଗବେଷକ ଅଧ୍ୟୟନ କରି ଜାଣିପାରିଛନ୍ତି ଯେ, ଅତ୍ୟଧିକ ଶର୍କରା ନିୟନ୍ତ୍ରଣ କଲେ ବିପଦ ଜନକ ସ୍ଥିତି ସୃଷ୍ଟି ହୋଇଥାଏ।

ପିଲାଙ୍କୁ ଅଧିକ ପ୍ରଶଂସା କରିବା ଅନୁଚିତ

ପିଲାଙ୍କୁ ଅଧିକ ପ୍ରଶଂସା କରିବା ଅନୁଚିତ

ଓ୍ବାଶିଂଟନ: ଛୋଟ ପିଲାଙ୍କର କାର୍ଯ୍ୟକୁ ପ୍ରଶଂସା କଲେ ସେମାନଙ୍କର ଉତ୍ସାହ ବୃଦ୍ଧି ହୋଇଥାଏ ବୋଲି ଅନେକ ବିଶ୍ୱାସ କରିଥାନ୍ତି। ମାତ୍ର ଏବେ ଗବେଷକ ଜାଣିପାରିଛନ୍ତି ଯେ, ଏହାଦ୍ୱାରା ସେମାନଙ୍କ ମଧ୍ୟରେ ଠକାମି ପ୍ରବୃତ୍ତି ଜାଗ୍ରତ ହୋଇଥାଏ।

ବଜାର ପରିବା କୀଟନାଶକଯୁକ୍ତ ହୋଇପାରେ, ବ୍ୟବହାର ପୂର୍ବରୁ ଜାଣନ୍ତୁ ଧୋଇବା ପଦ୍ଧତି

ବଜାର ପରିବା କୀଟନାଶକଯୁକ୍ତ ହୋଇପାରେ, ବ୍ୟବହାର ପୂର୍ବରୁ ଜାଣନ୍ତୁ ଧୋଇବା ପଦ୍ଧତି

ଚାଷୀମାନେ ନିଜ ଫସଲ ରକ୍ଷା କରିବା ପାଇଁ କୀଟନାଶକ ପ୍ରୟୋଗ କରିଥାନ୍ତି। ଏହାର ପ୍ରଭାବ ଅନେକ ଦିନ ପର୍ଯ୍ୟନ୍ତ ରହିଥାଏ। ଏହାକୁ ଆମେ ବଜାରରୁ କିଣିଥାଉ। ଏପରିସ୍ଥଳେ ଯଦି ପରିବା ଅଥବା ଫଳକୁ ଭଲ ଭାବେ ନ ଧୋଇ ଖିଆଯାଏ, ତେବେ ଏହା ସ୍ବାସ୍ଥ୍ୟ ପ୍ରତି ବେଶ୍‌ ହାନିକାରକ। ଏହାଦ୍ୱାରା ଫଳରେ ଥିବା କୀଟନାଶକ ଆମ ପେଟକୁ ଯାଇ ପାଚନକ୍ରିୟା ଏବଂ ଆଭ୍ୟନ୍ତରୀଣ ଅଙ୍ଗପ୍ରତ୍ୟଙ୍ଗକୁ କ୍ଷତି ପହଞ୍ଚାଇଥାଏ। ତେଣୁ ଏହାକୁ ବ୍ୟବହାର କରିବା ପୂର୍ବରୁ ଠିକ୍‌ ଭାବେ ଧୋଇବା ବେଶ୍‌ ଜରୁରୀ। ଯେପରିକି:

ସନ୍ତୁଳିତ ଶରୀର ମନକୁ ଚାପମୁକ୍ତ ରଖେ

ସନ୍ତୁଳିତ ଶରୀର ମନକୁ ଚାପମୁକ୍ତ ରଖେ

ଲଣ୍ଡନ: ଶରୀରର ଓଜନ ମାନସିକ ଅବସ୍ଥା ଉପରେ ପ୍ରଭାବ ପକାଇଥାଏ ବୋଲି ବୈଜ୍ଞାନିକ ଜାଣିପାରିଛନ୍ତି। ଓଜନରେ ସମନ୍ବୟ ରଖୁଥିବା ବ୍ୟକ୍ତିଙ୍କ ମନ ଚାପମୁକ୍ତ ରହିଥାଏ। ସାଧାରଣତଃ କଲେଜ ଶିକ୍ଷାର୍ଥୀ ଶରୀରକୁ ଫିଟ୍‌ ଓ ସନ୍ତୁଳିତ ରଖିବାର ପ୍ରୟାସ କରିଥାନ୍ତି।

ସ୍ବାସ୍ଥ୍ୟପାଇଁ ହିତକର ବ୍ରୋକଲି

ସ୍ବାସ୍ଥ୍ୟପାଇଁ ହିତକର ବ୍ରୋକଲି

ସ୍ବାଦ ଓ ସ୍ବାସ୍ଥ୍ୟ ଉପରେ ବ୍ରୋକଲିର ରହିଛି ଅନେକ ପ୍ରଭାବ। ଏବେ ଏହା ବଜାରରେ ପ୍ରଚୁର ପରିମାଣରେ ମିଳୁଛି। ଖାଦ୍ୟରେ ସାମିଲ କଲେ ଏହା ଆମକୁ ସୁସ୍ଥ ରଖିବାରେ ସହାୟକ ହେବ।

ସ୍ତନ୍ୟପାନ ଶିଶୁ ଓ ମା’ ମଧ୍ୟରେ ସମ୍ପର୍କ ସୁଦୃଢ଼ କରେ

ସ୍ତନ୍ୟପାନ ଶିଶୁ ଓ ମା’ ମଧ୍ୟରେ ସମ୍ପର୍କ ସୁଦୃଢ଼ କରେ

ଟରୋଣ୍ଟୋ: ସ୍ତନ୍ୟପାନ କରୁଥିବା ଶିଶୁ ଓ ମା’ ମଧ୍ୟରେ ସମ୍ପର୍କ ସୁଦୃଢ଼ ହୋଇଥାଏ ବୋଲି ବୈଜ୍ଞାନିକ ଜାଣିପାରିଛନ୍ତି। ଅଧିକ ଦିନ ଧରି ସ୍ତନ୍ୟପାନ କରିଥିବା ଶିଶୁ ମା’ଠାରୁ ଦୂରେଇ ରହିପାରେ ନାହିଁ।

 ନାକ ମାଧ୍ୟମରେ ଆବେଗ ପ୍ରକାଶିତ ହୁଏ

ନାକ ମାଧ୍ୟମରେ ଆବେଗ ପ୍ରକାଶିତ ହୁଏ

ଓ୍ବାଶିଂଟନ: ଆଘ୍ରାଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ନାକ ଆବେଗ ପ୍ରକାଶରେ ସହାୟତା କରିଥାଏ ବୋଲି ଗବେଷକ ସୂଚିତ କରିଛନ୍ତି। ମସ୍ତିଷ୍କରେ ଭାବାବେଗ ପ୍ରକାଶ ପାଇଲେ ନାକରେ ସ୍ପନ୍ଦନ ସୃଷ୍ଟି ହୋଇଥାଏ ବୋଲି ସ୍ନାୟୁବିଜ୍ଞାନୀ ମାରିଲେନା ଏଇଲୋ କହିଛନ୍ତି।

 ମେରୁଦଣ୍ଡ ଚିକିତ୍ସା ସିଲ୍କ ଦ୍ୱାରା ସମ୍ଭବ

ମେରୁଦଣ୍ଡ ଚିକିତ୍ସା ସିଲ୍କ ଦ୍ୱାରା ସମ୍ଭବ

ଲଣ୍ଡନ: ବିଶୋଧକ ସିଲ୍କ ଦ୍ୱାରା କ୍ଷତିଗ୍ରସ୍ତ ମେରୁଦଣ୍ଡର ଚିକିତ୍ସା ସମ୍ଭବ ବୋଲି ବୈଜ୍ଞାନିକ ଜାଣିପାରିଛନ୍ତି। ଏହାକୁ ମସ୍ତିଷ୍କ ଚିକିତ୍ସାରେ ମଧ୍ୟ ବ୍ୟବହାର କରାଯାଇ ପାରିବ।

 ନିମୋନିଆରୁ ମୁକ୍ତି ଦେବ ମାଇକ୍ରୋବାୟୋମ୍‌

ନିମୋନିଆରୁ ମୁକ୍ତି ଦେବ ମାଇକ୍ରୋବାୟୋମ୍‌

ଓ୍ବାଶିଂଟନ: ବିଶ୍ୱ ସ୍ବାସ୍ଥ୍ୟ ସଂଗଠନ ରିପୋର୍ଟ ଅନୁସାରେ ୨୦୦୪ରେ ପୃଥିବୀରେ ପ୍ରାୟ ୨ ନିୟୁତ ଶିଶୁଙ୍କର ନିମୋନିଆରେ ମୃତ୍ୟୁ ଘଟିଥିଲା। ତେବେ ୨୦୧୫ପରେ ଏହି ସଂଖ୍ୟାରେ ହ୍ରାସ ଦେଖିବାକୁ ମିଳିଛି।

ଯନ୍ତ୍ରଣା ଉପଶମକାରୀ ଔଷଧ ସୃଷ୍ଟି କରୁଛି ପାର୍କିନ୍‌ସନ ରୋଗ

ଯନ୍ତ୍ରଣା ଉପଶମକାରୀ ଔଷଧ ସୃଷ୍ଟି କରୁଛି ପାର୍କିନ୍‌ସନ ରୋଗ

ନୂଆଦିଲ୍ଲୀ: ଯନ୍ତ୍ରଣା ଉପଶମକାରୀ ଔଷଧ ସେବନ ଦ୍ୱାରା ମସ୍ତିଷ୍କ ଉପରେ ନକରାତ୍ମକ ପ୍ରଭାବ ପଡିଥାଏ। ଫଳରେ ଖୁବ୍‌ କମ୍‌ ବୟସରେ ପାର୍କିନସନ୍‌ ରୋଗ ସୃଷ୍ଟି ହୋଇଥାଏ ବୋଲି ସ୍ନାୟୁତତ୍ତ୍ୱ ବିଶେଷଜ୍ଞ ପଦ୍ମଶ୍ରୀ ଡାକ୍ତର ଅଶୋକ ପାଣିଗ୍ରାହୀ କହିଛନ୍ତି।