ବାଲେଶ୍ୱର

ରାସ୍ତା ମରାମତି ନ ହେଲେ ଆନ୍ଦୋଳନ

ରାସ୍ତା ମରାମତି  ନ ହେଲେ ଆନ୍ଦୋଳନ
ବାରିପଦା ଅଫିସ,୨୭।୧୨- ମୟୂରଭଞ୍ଜ ଜିଲା କୁଳିଅଣା ବ୍ଲକ ଅଧୀନ ଦରଖୋଳି ଛକ ଠାରୁ ବାଇଗଣବାଡିଆ ହାଟ ପର୍ଯ୍ୟନ୍ତ ରାସ୍ତାର ମରାମତି ତୁରନ୍ତ କରାଯିବା ନେଇ ବୁଧବାର ଆରଡି ଇଞ୍ଜିନିୟରଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଦାବିପତ୍ର ପ୍ରଦାନର ୭ଦିନ ମଧ୍ୟରେ ରାସ୍ତା ମରାମତି ନ ହେଲେ ଆସନ୍ତା ୮ତାରିଖରେ ସେମାନେ ଜାତୀୟ ରାଜପଥକୁ ଅବରୋଧ କରିବେ ବୋଲି ମଧ୍ୟ ଦାବିପତ୍ରରେ ଉଲ୍ଲେଖ ଅଛି। ତେବେ ପୂର୍ବତନ ଛାତ୍ର କଂଗ୍ରେସ ସଭାପତି ବିକାଶ ମହାଭୋଇଙ୍କ ନେତୃତ୍ୱରେ ଅଞ୍ଚଳ ବାସିନ୍ଦା ନରେନ ବେହେରା, ଶିବ ବେହେରା, ଜ୍ଞାନଦେବ ବେହେରା, ଦୁଃଖିରାମ ବେହେରା,ସୁଶାନ୍ତ ବେହେରା, ମାନସରଞ୍ଜନ ଚୌଧୁରୀ ପ୍ରମୁଖ ଏହି ଦାବିପତ୍ର ପ୍ରଦାନ କରିଛନ୍ତି। ସେମାନଙ୍କ ଦାବି ମୁତାବକ କୁଳିଅଣା ବ୍ଲକ ଅଧୀନରେ ଥିବା ବାଉଁଶକଣ୍ଟିଆ, ପଳାଶବଣୀ, ସରଡିହା, ଧମୁଣ୍ଡା,ଧନୁକଡିହା,ଶାନ୍ତିଶୋଳ ଗ୍ରାମଦେଇ ଦରଖୋଳି ଛକ ଠାରୁ ବାଇଗଣବାଡିଆ ହାଟ ପର୍ଯ୍ୟନ୍ତ ରାସ୍ତା ଯାଇଛି। ମାତ୍ର ମରାମତି ଅଭାବରୁ ବର୍ତ୍ତମାନ ଏହି ରାସ୍ତା ଶୋଚନୀୟ ହୋଇପଡିଛି। ଏହି ରାସ୍ତାରେ ଯିବା ଆଦୌ ସମ୍ଭବପର ହେଉନାହିଁ। ଏପରିକି ଏହି ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଥିବାରୁ କୌଣସି ଆମ୍ବୁଲାନ୍ସ କିମ୍ବା ଦମକଳ ଗାଡି ଯାଇପାରେ ନାହିଁ। ଫଳରେ ଏହି ଗାଁରୁ ରୋଗୀଙ୍କୁ ଡାକ୍ତରଖାନା ନେବା କଷ୍ଟକର ହୋଇପଡ଼ୁଛି। ତେବେ ଏହି ରାସ୍ତାର ମରାମତି ନେଇ ଗ୍ରାମବାସୀ ପୂର୍ବରୁ ବିଭିନ୍ନ ବିଭାଗୀୟ ଅଧିକାରୀଙ୍କ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳିନାହିଁ। ଏପରିକି ଗତ ୧୧ତାରିଖରେ ଏସମ୍ପର୍କରେ ଜିଲାପାଳଙ୍କୁ ମଧ୍ୟ ଗ୍ରାମବାସୀ ଲିଖିତ ଦାବି ପ୍ରଦାନ କରିଛନ୍ତି। ହେଲେ ବର୍ତ୍ତମାନ ପର୍ଯ୍ୟନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଏଣୁ ବାଧ୍ୟ ହୋଇ ଆରଡି ଇଞ୍ଜିନିୟରଙ୍କୁ ପ୍ରଦାନ କରିଥିବା ଦାବି ଅନୁସାରେ ଯଦି କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରାଯାଏ ତେବେ ରାଜପଥ ଅବରୋଧ କରାଯିବ ବୋଲି କହିଛନ୍ତି।
All Right Reserved By

ବାଲେଶ୍ୱର

ଜାତୀୟ ହୋ ଯୁବ ସମ୍ମିଳନୀ ପ୍ରସ୍ତୁତି ବୈଠକ

ଜାତୀୟ ହୋ ଯୁବ ସମ୍ମିଳନୀ ପ୍ରସ୍ତୁତି ବୈଠକ

ଯୋଡ଼ା, ୨୪।୯(ଡି.ଏନ.ଏ.): କେନ୍ଦୁଝର ଜିଲାରେ ସକ୍ରୀୟ ଥିବା ଆଦିବାସୀ ସାମାଜିକ ସଙ୍ଗଠନ ହୋ ଉପରୁମ ଜୁମୁର ଆକାଳା ପକ୍ଷରୁ ଆସନ୍ତା ଅକ୍ଟୋବର ୨୦ ଓ ୨୧ରେ ହେବାକୁଥିବା ଜାତୀୟ ହୋ ଯୁବ ସମ୍ମିଳନୀ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଯୋଡ଼ା, ଜୁରୁଡି, ବଡବିଲ୍‌, ବିଲେଇପଦା, ବଲାଣି, କିରିବୁରୁ, ନୂଆମୁଣ୍ଡି, ଗୁଆଲି, ଭଦ୍ରାସାହିରୁ ଶତାଧିକ ଯୁବତୀଯୁବକ ଯୋଗ ଦେଇଥିଲେ। 

ଚାଷୀଙ୍କୁ ପମ୍ପ୍‌ସେଟ୍‌ ବଣ୍ଟନ

ଚାଷୀଙ୍କୁ ପମ୍ପ୍‌ସେଟ୍‌ ବଣ୍ଟନ

ଚମ୍ପୁଆ, ୨୪।୯(ଡି.ଏନ.ଏ): ଚମ୍ପୁଆସ୍ଥିତ ସମନ୍ବିତ ଆଦିବାସୀ ଉନ୍ନୟନ ସଂସ୍ଥା ପକ୍ଷରୁ ଚାଷୀଙ୍କୁ ମାଗଣା ପମ୍ପ୍‌ସେଟ୍‌ ବଣ୍ଟନ କରାଯାଇଛି। ଫୋକସ ଏରିଆ ଡେଭଲପ୍‌ମେଣ୍ଟ୍‌ ପ୍ରୋଗ୍ରାମ ପ୍ରକଳ୍ପ ଜରିଆରେ ପମ୍ପ୍‌ସେଟ୍‌ ବିତରଣ କରାଯାଇଛି। ଆଇଟିଡିଏ କାର୍ଯ୍ୟାଳୟରେ ଚମ୍ପୁଆ ଉପଜିଲାପାଳ ତଥା ଭାରପ୍ରାପ୍ତ ପ୍ରକଳ୍ପ ପ୍ରସାଶକ ପାରୁଲ ପଟାୱରୀ କେନ୍ଦୁଝର ଓସ୍କା ସୌଜନ୍ୟରେ ୫ ଜଣ ଅନୁସୂଚିତ ଜାତିର ଚାଷୀଙ୍କୁ ପମ୍ପ୍‌ସେଟ୍‌ ପ୍ରଦାନ କରିଥିଲେ।

ଆନ୍ଦୋଳନକୁ ଓହ୍ଲାଇଲେ ଅଗ୍ନିଶମ କର୍ମଚାରୀ

ଆନ୍ଦୋଳନକୁ ଓହ୍ଲାଇଲେ ଅଗ୍ନିଶମ କର୍ମଚାରୀ

ଚମ୍ପୁଆ, ୨୪।୯(ଡି.ଏନ.ଏ.): ୬ ଦଫା ଦାବିରେ ରାଜ୍ୟରେ ଅଗ୍ନିଶମ କର୍ମଚାରୀଙ୍କ ଆନ୍ଦୋଳନ ଆରମ୍ଭ ହୋଇଛି। ଏହି ଅବସରରେ ଚମ୍ପୁଆ ଅଗ୍ନିଶମ କର୍ମଚାରୀ ଆନ୍ଦୋଳନରେ ସାମିଲ ହୋଇଛନ୍ତି। ଅଗ୍ନିଶମ କର୍ମଚାରୀମାନଙ୍କୁ ଓଡ଼ିଶା ପୋଲିସ କର୍ମଚାରୀଙ୍କ ସହ ସମାନ ଦରମା ଓ ଭତ୍ତା ପ୍ରଦାନ, ହାବିଲଦାର ଓ ଫାୟାରମ୍ୟାନଙ୍କ ଆସୋସିଏଶନକୁ ତୁରନ୍ତ ସରକାରୀ ପଞ୍ଜୀକରଣ ଭୁକ୍ତ କରିବ। ଚୁକ୍ତି ଭିତ୍ତିକ କର୍ମଚାରୀମାନଙ୍କୁ ନିୟମିତ ଦରମା ଏବଂ ନିଜ ଜିଲାରେ ନିଯୁକ୍ତି, ଅବସରଗ୍ରହଣ କରିଥିବା କର୍ମଚାରୀଙ୍କୁ ଅବସରକାଳୀନ ପ୍ରାପ୍ୟ ପ୍ରଦାନ, ଅନ୍ୟ କର୍ମଚାରୀଙ୍କ ଭଳି ୮ ଘଣ୍ଟା ଡ୍ୟୁଟିର ମୂତୟନ କରିବା, ଖାଲି ପଡ଼ିଥିବା ପଦବୀ ପୂରଣ ପାଇଁ  ଦାବି ହୋଇଛି। ଆନ୍ଦଳୋନରେ ଚମ୍ପୁଆର ଅଗ୍ନିଶମ ବିଭାଗର ହାବିଲଦାର ଓ ଫାୟାରମ୍ୟାନ ସାମିଲ ହୋଇଛନ୍ତି। 

ଶିଶୁ ମୃତ୍ୟୁ ଘଟଣା: ଡାକ୍ତରଖାନାରେ ଉତ୍ତେଜନା

ଶିଶୁ ମୃତ୍ୟୁ ଘଟଣା: ଡାକ୍ତରଖାନାରେ ଉତ୍ତେଜନା

କେନ୍ଦୁଝର,୨୪।୯(ସ୍ବ.ପ୍ର.): କେନ୍ଦୁଝର ମାତୃ ଓ ଶିଶୁ ଚିକିତ୍ସାଳୟରେ ସୋମବାର ଶିଶୁ ପୁତ୍ର ମୃତ୍ୟୁକୁ ନେଇ ଟାଉନ ଥାନା ଓ ସିଡିଏମ୍‌ଙ୍କୁ ଲିଖିତ ଅଭିଯୋଗ ହୋଇଛି। 

ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ଘେରାଉ

ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ଘେରାଉ

କେନ୍ଦୁଝର,୨୪।୯(ସ୍ବ.ପ୍ର.): କେନ୍ଦୁଝର ଜିଲା ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ପ୍ରାଇସ, ପ୍ରେଷ୍ଟିଜ ଓ ପେନ୍‌ସନ ଦାବିରେ ସୋମବାର ଜିଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଛି।

ଛାତ୍ରୀଙ୍କୁ ଦୁର୍ବ୍ୟବହାର,ଶିକ୍ଷକ ନିଲମ୍ବିତ

ଛାତ୍ରୀଙ୍କୁ ଦୁର୍ବ୍ୟବହାର,ଶିକ୍ଷକ ନିଲମ୍ବିତ

ଖଇରା,୨୪।୯(ଡି.ଏନ୍‌.ଏ.): ବାଲେଶ୍ବର ଜିଲା ଖଇରା ବ୍ଲକ  ଅଞ୍ଚଳର ଏକ ପ୍ରାଇମେରୀ ସ୍କୁଲ ଛାତ୍ରୀଙ୍କୁ ଦୁର୍ବ୍ୟବହାର ଅଭିଯୋଗରେ ବିଦ୍ୟାଳୟର ସହକାରୀ ଶିକ୍ଷକ ଦାମୋଦର ମହାନ୍ତିଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି।  

ପଣପଣା ପଞ୍ଚାୟତରେ ନୂତନ ଭତ୍ତା ପ୍ରଦାନ

ପଣପଣା ପଞ୍ଚାୟତରେ ନୂତନ ଭତ୍ତା ପ୍ରଦାନ

ବାହାନଗା,୨୪।୯(ଡି.ଏନ୍‌.ଏ.): ବାଲେଶ୍ୱର ଜିଲା ବାହାନଗା ବ୍ଲକ ପଣପଣା ଗ୍ରାମପଞ୍ଚାୟତ କାର୍ଯ୍ୟାଳୟ ପରିସରରେ ସୋମବାର ନୀଳଗିରି ବିଧାୟକଙ୍କ ଦ୍ୱାରା ନୂତନ ଭତ୍ତା ପ୍ରଦାନ କରାଯାଇଛି। 

 ଛାତ୍ର ନିଖୋଜ ଘଟଣା: ବିଦ୍ୟାଳୟରେ ତାଲା ପକାଇଲେ ଅଭିଭାବକ

ଛାତ୍ର ନିଖୋଜ ଘଟଣା: ବିଦ୍ୟାଳୟରେ ତାଲା ପକାଇଲେ ଅଭିଭାବକ

ପାଟଣା, ୨୪।୯(ସ୍ବ.ପ୍ର.): କେନ୍ଦୁଝର ଜିଲ୍ଲା ପାଟଣା ବ୍ଲକ ଖିରେଇଟାଙ୍ଗିରି ପ୍ରାଥମିକ ବିଦ୍ୟାଳୟର ଛାତ୍ରବାସରୁ ଗତ ୧୨ ତାରିଖରେ ଜଣେ ଚତୁର୍ଥ ଶ୍ରେଣୀରେ ଅଧ୍ୟୟନ କରୁଥିବା  ୧୦ବର୍ଷର ଛାତ୍ର  ନିଖୋଜ  ହୋଇଯାଇଛନ୍ତି।

ଅଗ୍ନିଶମକର୍ମଚାରୀଙ୍କ ଆନ୍ଦୋଳନ

ଅଗ୍ନିଶମକର୍ମଚାରୀଙ୍କ ଆନ୍ଦୋଳନ

ଭଦ୍ରକ ଅଫିସ,୨୪।୯: ଜିଲାର ସମସ୍ତ ଅଗ୍ନିଶମ କାର୍ଯ୍ୟାଳୟର କର୍ମଚାରୀମାନେ ୬ ଦଫା ଦାବି ନେଇ ନିଜ ଅଫିସ ସମ୍ମୁଖରେ ସୋମବାର ଧାରଣାରେ ବସିଛନ୍ତି। 

ତୁଡିଗଡିଆରେ ମହରମ: ବିଧାୟକ, ଆଇଆଇସି ଖେଳିଲେ ବାଡିଖେଳ

ତୁଡିଗଡିଆରେ ମହରମ: ବିଧାୟକ, ଆଇଆଇସି ଖେଳିଲେ ବାଡିଖେଳ

ଖଇରା,୨୪ା୯(ଡି.ଏନ.ଏ.)-ଖଇରା ବ୍ଲକ୍‌ ତୁଡିଗଡିଆ ନିକଟସ୍ଥ ତେନ୍ତୁଳିଆପଡା ମୁସଲିମ ବସ୍ତିରେ  ଶନିବାର ମହରମ ପର୍ବ ପାଳିତ ହୋଇଯାଇଛି। 

ରାତି ହେଲେ ହାତୀ ଭୟ

ରାତି ହେଲେ ହାତୀ ଭୟ

ତେଲକୋଇ, ୨୪।୯(ଡି.ଏନ.ଏ.): ତେଲକୋଇ ବ୍ଲକ ଅଞ୍ଚଳରେ ହାତୀପଲଙ୍କ ଉପଦ୍ରବ ଲାଗି ରହିଛି। ହାତୀପଲ ଧାନ କ୍ଷେତରେ ପଶି ଫସଲ ଉଜାଡି ଦେଉଛନ୍ତି। 

ଲଗାଣ ବର୍ଷାରେ ଭୁଶୁଡ଼ିଲା ଘର

ଲଗାଣ ବର୍ଷାରେ ଭୁଶୁଡ଼ିଲା ଘର

ଢେଙ୍କିକୋଟ/ରାଇସୁଆଁ, ୨୪ା୯(ଡି.ଏନ୍‌.ଏ.): କେନ୍ଦୁଝର ଜିଲା ଘଟଗାଁ ବ୍ଲକ ଢେଙ୍କିକୋଟରେ ଲଗାଣ ବର୍ଷାରେ ଗ୍ରାମର ମହେଶ୍ୱର ନାୟକଙ୍କ ଘରର କାନ୍ଥ ଭୁଶୁଡ଼ି ପଡ଼ିଛି।