ସମ୍ପାଦକୀୟ |

ନିରର୍ଥକ ପରୀକ୍ଷଣ

ନିରର୍ଥକ ପରୀକ୍ଷଣ
ପରିବେଶ ପରିଚିନ୍ତା/ ମାନେକା ଗାନ୍ଧୀ ଅନେକ ବର୍ଷ ହେଲା ବୈଜ୍ଞାନିକମାନେ କୁକୁରମାନଙ୍କ ଉପରେ ପରୀକ୍ଷା ନିରୀକ୍ଷା କରିବାର ନିରର୍ଥକତା ବିଷୟରେ କହିଆସୁଛନ୍ତି। ଅଧିକାଂଶ ବୈଜ୍ଞାନିକ ଓ ଔଷଧ କମ୍ପାନୀଙ୍କ ମତରେ ମଣିଷଙ୍କ ଔଷଧର ଗୁଣବତ୍ତା ନିରୂପଣରେ କୁକୁରମାନଙ୍କର କିଛି ଭୂମିକା ନାହିଁ। ୩୦ ବର୍ଷ ତଳେ ମୁଁ ପରିବେଶ ମନ୍ତ୍ରଣାଳୟରେ ସିପିସିଏସ୍‌ଇଏ ପ୍ରତିଷ୍ଠା କରିଥିଲି। ଭାରତରେ କେଉଁ ପରୀକ୍ଷା କରାଯିବ ଓ କେଉଁ ପ୍ରାଣୀଙ୍କ ଉପରେ କରାଯିବ, ତାହା ନିର୍ଣ୍ଣୟ କରିବାର ଏହା ହେଉଛି ସର୍ବୋଚ୍ଚ ସଂସ୍ଥା। ପ୍ରାଣୀଙ୍କ ବଦଳରେ ଅନ୍ୟ କେଉଁ ଉପାୟରେ ପରୀକ୍ଷା ଆଦି କରାଯାଇପାରିବ, ସେ ସମ୍ପର୍କରେ ଏହି ସଂସ୍ଥା ନୂତନ ଚିନ୍ତାଧାରାମାନ ପ୍ରଦାନ କରିବା କଥା। ମାତ୍ର ଦୁର୍ଭାଗ୍ୟର ବିଷୟ, ପରେ ଏଥିରେ ପ୍ରଥମ ଶ୍ରେଣୀର ବୈଜ୍ଞାନିକମାନଙ୍କୁ ନ ରଖି ଏହି ସଂସ୍ଥାକୁ ମନ୍ତ୍ରଣାଳୟର ତଳ ପାହ୍ୟାର ଅଫିସରମାନଙ୍କ ଦ୍ୱାରା ପରିଚାଳନା କରାଯାଉଛି। ତେଣୁ ଏହା ଏକ ମୂଲ୍ୟହୀନ ଅଦରକାରୀ ସଂସ୍ଥାରେ ପରିଣତ ହୋଇଛି। ଏହା କେବଳ ବିଭିନ୍ନ ସମୟରେ ମିଟିଂ କରିବାରେ ସୀମିତ ରହିବା ସହ ପୁରୁଣା ପରୀକ୍ଷାକୁ ବାରମ୍ବାର ଦୋହରାଇବା ପାଇଁ ଅନୁମତି ଦେଉଛି, ଯାହାଦ୍ୱାରା ଗୁରୁତ୍ୱପୂର୍ଣ୍ଣ ଔଷଧ ବଜାରକୁ ଆସିବାରେ ବିଳମ୍ବ ହେଉଛି ଓ ତା’ର ଦର ମଧ୍ୟ ବଢ଼ିଯାଉଛି। ୨୦୧୭ ଅକ୍ଟୋବର ମାସରେ କୁକୁରଙ୍କୁ ପରୀକ୍ଷା ଓ ଗବେଷଣାରେ ନିୟୋଜିତ କରିବା ନେଇ ପ୍ରଥମ ବୈଠକ ହାଇଦ୍ରାବାଦରେ ଅନୁଷ୍ଠିତ ହୋଇଥିଲା। ପିପୁଲ ଫର୍‌ ଆନିମଲ୍‌ସ ଇଣ୍ଡିଆ ପକ୍ଷରୁ ଏବଂ ଇଂଲଣ୍ଡର କ୍ରୁଏଲ୍‌ଟି ଫ୍ରି ଇଣ୍ଟର୍‌ନ୍ୟାଶ୍‌ନାଲ ସହଯୋଗରେ ଏହି ବୈଠକ ଅନୁଷ୍ଠିତ ହୋଇଥିଲା। ଏଥିରେ ସରକାରୀ ଲୋକ ଏବଂ କୁକୁରଙ୍କ ଉପରେ ପରୀକ୍ଷା କରୁଥିବା ୧୬ଟି ଭାରତୀୟ କମ୍ପାନୀ ଯୋଗ ଦେଇଥିଲେ। ନୂତନ ଔଷଧର ନିରାପତ୍ତା ପରୀକ୍ଷା କରିବା ପାଇଁ ସାରା ପୃଥିବୀରେ ପ୍ରତିବର୍ଷ ୨ ଲକ୍ଷରୁ ଅଧିକ କୁକୁରଙ୍କୁ ବ୍ୟବହାର କରାଯାଏ। ବିଶ୍ୱର ଅଧିକାଂଶ ନିୟାମକ ସଂସ୍ଥା ମୂଷା ଭିନ୍ନ ଅନ୍ୟ ପ୍ରାଣୀ (ସାଧାରଣତଃ କୁକୁର) ଉପରେ ନୂଆ ଔଷଧର ପ୍ରଭାବ ପରୀକ୍ଷା କରିଥାନ୍ତି। ଏହି ଔଷଧଗୁଡ଼ିକ ମଧ୍ୟରେ ମଣିଷର ଔଷଧ, କୃଷି କାର୍ଯ୍ୟରେ ବ୍ୟବହୃତ ରାସାୟନିକ ଓ କୀଟନାଶକର ପରୀକ୍ଷା ଅନ୍ତର୍ଭୁକ୍ତ। ଅଧିକାଂଶ ପରୀକ୍ଷା ପାଇଁ ବିଗଲ ପ୍ରଜାତିର କୁକୁରଙ୍କୁ ବ୍ୟବହାର କରାଯାଏ। ପରୀକ୍ଷା ଶେଷ ହେବା ଯାଏ ବର୍ଷ ବର୍ଷ ଧରି ଏହି କୁକୁରଙ୍କୁ ପଞ୍ଜୁରି ଭିତରେ ରଖାଯାଏ। ସେମାନଙ୍କ ଉପରେ ଅନେକ ଯନ୍ତ୍ରଣାଦାୟକ ପରୀକ୍ଷା କରାଯାଏ। ଅନେକ ସମୟରେ ସେମାନଙ୍କର ସ୍ବରନଳୀକୁ କାଟି ଦିଆଯାଏ, ଯାହାଫଳରେ ଆହତ ହେଲେ ମଧ୍ୟ ସେମାନେ ଭୁକିପାରିବେ ନାହିଁ। ଅଧିକାଂଶ ସମୟରେ ଏହି କୁକୁରଙ୍କୁ ଯନ୍ତ୍ରଣାନିବାରକ ଔଷଧ ଦିଆଯାଏ ନାହିଁ ଏବଂ ପ୍ରାଣୀ ଚିକିତ୍ସକ ଦେଖିବାର ସୁବିଧା ଦିଆଯାଏ ନାହିଁ। ଅତ୍ୟଧିକ ଚାପ ଭିତରେ ରହୁଥିବାରୁ ଉଦ୍ଧାର କରାଗଲା ପରେ ଦେଖାଯାଏ ଯେ, ଏହି କୁକୁରମାନେ ନାନା ପ୍ରକାର ରୋଗରେ ପୀଡ଼ିତ ହୋଇଛନ୍ତି ଏବଂ ଅନେକଙ୍କର ହୃତ୍‌ପିଣ୍ଡର ଆକାର ବଢ଼ିଯାଇଛି। ସେମାନେ ଖୁବ୍‌ ଉଦ୍‌ବିଗ୍ନ ଓ ମଣିଷ ପ୍ରତି ଭୟାଳୁ ହୋଇପଡ଼ିଥାନ୍ତି। ପରୀକ୍ଷାଗାରରୁ କୌଣସି ପ୍ରକାରେ ମୁକୁଳିବା ପରେ ଏହି କୁକୁରମାନଙ୍କୁ ସ୍ବାଭାବିକ ଅବସ୍ଥାକୁ ଆଣିବା ଅତ୍ୟନ୍ତ କଷ୍ଟକର ହୋଇଥାଏ। ବହୁ ଦଶନ୍ଧି ହେଲା କୁକୁରମାନଙ୍କୁ ପରୀକ୍ଷାରେ ନିୟୋଜିତ କରିବା ଏକ ପରମ୍ପରାରେ ପରିଣତ ହୋଇଛି, ଯଦିଚ ଏହାର କୌଣସି ବୈଜ୍ଞାନିକ ଭିତ୍ତି ନାହିଁ। କୁକୁରଠାରେ ପରୀକ୍ଷିତ ହୋଇଥିବା କୌଣସି ଔଷଧ ଯେ ମଣିଷ ପାଇଁ ଉପଯୁକ୍ତ ବିବେଚିତ ହେବ, ତା’ର କୌଣସି ପ୍ରାମାଣିକତା ନାହିଁ। ମୂଷାଙ୍କଠାରେ ପରୀକ୍ଷା କରିବା ପରେ ଯେଉଁ ତଥ୍ୟ ମିଳିଥାଏ, କୁକୁରଙ୍କଠାରେ ପରୀକ୍ଷା କରିବା ପରେ ତା’ଠାରୁ କିଛି ଅଧିକ ନୂଆ ତଥ୍ୟ ମିଳି ନ ଥାଏ। ବୈଜ୍ଞାନିକ ଓ ନୈତିକ ଯୁ୍‌କ୍ତି ଏହା ବିପକ୍ଷରେ ରହିଥିଲେ ମଧ୍ୟ ଏବଂ ଜନସାଧାରଣରେ ଏହାର ବ୍ୟାପକ ବିରୋଧ କରାଯାଉଥିଲେ ମଧ୍ୟ, ଏ ପରମ୍ପରାକୁ ଆଜି ଯାଏ ବନ୍ଦ କରାଯାଇ ନାହିଁ। ବାସ୍ତବରେ କୁକୁର ଉପରେ ପରୀକ୍ଷା ଯୋଗୁ ୫୦ ଦଶକରେ ପେନ୍‌ସିଲିନ୍‌ ବଜାରକୁ ଆସିବାରେ ବିଳମ୍ବ ହୋଇଥିଲା, କାରଣ କୁକୁରଠାରେ ଏହି ଔଷଧ ଆଲର୍ଜିକାରକ ଥିଲା ଏବଂ ଅନେକ କୁକୁର ମୃତ୍ୟୁବରଣ କରିଥିଲେ। ଯେତେବେଳେ କୁକୁରଙ୍କୁ ଛାଡ଼ି ମଣିଷ ଉପରେ ପ୍ରୟୋଗ କରାଗଲା, ସେତେବେଳେ ଏହା ଏକ ଜୀବନ ରକ୍ଷାକାରୀ ଔଷଧ ଭାବେ ବିବେଚିତ ହେଲା। ଅନେକ ବର୍ଷ ଧରି ବୈଜ୍ଞାନିକମାନେ ବିଶ୍ୱାସ କରି ଆସୁଥିଲେ ଯେ, ରକ୍ତସଂଚାଳନ, ଶ୍ୱାସକ୍ରିୟା ଓ ସ୍ନାୟୁସଂସ୍ଥାନ ପ୍ରଭୃତିର କ୍ରିୟା ସବୁ ସ୍ତନ୍ୟପାୟୀ ପ୍ରାଣୀଙ୍କଠାରେ ସମାନ। ତେବେ ଏପରି କୌଣସି ପ୍ରାଣୀ ପ୍ରଜାତି ଚିହ୍ନଟ କରାଗଲା ନାହିଁ, ଯାହାର ଔଷଧ ସେବନ ପରେ ତା’ର ଅବଶୋଷଣ, ବିତରଣ, ବିପାଚନ ଓ ବିରେଚନ ଆଦି କ୍ରିୟା ମଣିଷ ସହ ସମାନ। ଏପରି କୌଣସି ପ୍ରାଣୀ ମିଳିବାର ସମ୍ଭାବନା ନାହିଁ। ଏହା ସତ୍ତ୍ୱେ ପ୍ରାଣୀ ଉପରେ ମଣିଷଙ୍କ ଔଷଧର ପରୀକ୍ଷା କରାଯାଇ ଆସୁଛି। ଏହା ସତ୍ୟ ଓ ତଥ୍ୟ ଉପରେ ଆଧାରିତ ନୁହେଁ, କାରଣ ପ୍ରାଣୀଠାରେ ଅଧିକାଂଶ ପରୀକ୍ଷା ନିଷ୍ଫଳ ହିଁ ହୋଇଛି। ଏଣୁ କୁକୁର ଓ ମୂଷାଙ୍କଠାରେ ପରୀକ୍ଷା କରି ଯେଉଁ ତଥ୍ୟ ମିଳିଥାଏ, ତାହା ମଣିଷଙ୍କ ପାଇଁ ପ୍ରଯୁଜ୍ୟ ନୁହେଁ। ବୈଜ୍ଞାନିକମାନେ ଏହା ଜାଣନ୍ତି। ତେଣୁ ସେମାନେ ଏ ପରୀକ୍ଷା ଫଳ ଉପରେ ଗୁରୁତ୍ୱ ନ ଦେଇ କାଗଜାତ ପୂରଣ କରି ଅଫିସରଙ୍କଠାରୁ ଅନୁମତି ପାଇଁ ପଠାଇ ଦିଅନ୍ତି। ତା’ପରେ ମଣିଷଙ୍କ ଉପରେ ପରୀକ୍ଷା ପରେ ହିଁ ଔଷଧର ପ୍ରକୃତ କାର୍ଯ୍ୟକାରିତା ଜଣାପଡ଼େ। ମନେକର କୌଣସି ଔଷଧ ମଣିଷ ପ୍ରତି ୭୦% ନିରାପଦ ବୋଲି ଜଣାଅଛି। ଏହାକୁ କୁକୁର ଉପରେ ପ୍ରୟୋଗରୁ ଜଣାପଡ଼ିଲା ୭୨% ନିରାପଦ, ଯାହା ଅଧିକ କିଛି ସାହାଯ୍ୟକାରୀ ତଥ୍ୟ ନୁହେଁ। ଏହାଦ୍ୱାରା କେବଳ ପ୍ରଭୂତ ସମୟ, ଶ୍ରମ ଓ ଅର୍ଥ ନଷ୍ଟ ହେଉଛି ଓ ପରୀକ୍ଷା ନାମରେ ଗୋଟିଏ ପ୍ରାଣୀକୁ ନିର୍ଯାତନା ଭୋଗିବାକୁ ପଡ଼ୁଛି। କନେକ୍ଟିକଟ୍‌ ବିଶ୍ୱବିଦ୍ୟାଳୟ ଅନ୍ତର୍ଗତ ଫାର୍ମାସି ସ୍କୁଲ୍‌ରେ ୧୯୮୨ ମସିହାରେ ଏକ ଅନୁଧ୍ୟାନ କରାଯାଇଥିଲା। ସେଥିରୁ ଜଣାପଡ଼ିଲା ଅଧିକାଂଶ ଔଷଧରେ ବ୍ୟବହୃତ ବେଞ୍ଜୋଡାୟାଜେପିନ୍‌ର ବିଭିନ୍ନ ଡେରିଭେଟିଭ୍‌ (ବ୍ୟୁତ୍ପନ୍ନ ପଦାର୍ଥ) କୁକୁରଠାରେ ଅଧା ହଜମ ହେବା ପାଇଁ ଯେତିକି ସମୟ ଲାଗେ, ମଣିଷଠାରେ ତାହା ଯଥେଷ୍ଟ ଅଧିକ ସମୟ ଲାଗେ। କୁକୁର ଦେହରେ ଏହା ଅତିଶୀଘ୍ର ହଜମ ହେଉଥିବାରୁ ମଣିଷଠାରେ ଏହା କି ପ୍ରଭାବ ପକାଇବ ତାହା କୁକୁରଠାରେ ପରୀକ୍ଷାରୁ ଜାଣିବା ସମ୍ଭବ ନୁହେଁ। ୯୦ ପ୍ରତିଶତ ଔଷଧର ବିପାଚନରେ ମୁଖ୍ୟ ଭୂମିକା ଗ୍ରହଣ କରୁଥିବା ସାଇଟୋକ୍ରୋମ୍‌ ପି୪୫୦ ଏଞ୍ଜାଇମ୍‌ (ସିଓ୍ବାଇପି)ର ଭିନ୍ନତା ଯୋଗୁ କୁକୁର କେବେହେଲେ ମଣିଷର ବିପାଚନୀୟ ମଡେଲ ହୋଇପାରିବ ନାହିଁ। ମଣିଷର ବିପାଚକ ଏଞ୍ଜାଇମ୍‌ ଅନ୍ୟ ପ୍ରାଣୀଙ୍କ ଏଞ୍ଜାଇମ୍‌ଠାରୁ ଭିନ୍ନ ହୋଇଥିବା ଅନ୍ୟାନ୍ୟ ପରୀକ୍ଷାରୁ ମଧ୍ୟ ଜଣାପଡ଼ିଛି। ଇଲିନୟ ବିଶ୍ୱବିଦ୍ୟାଳୟର ଫାର୍ମାସ୍ୟୁଟିକ୍ସ ଓ ଫାର୍ମାକୋଡାଇନାମିକ୍ସ ବିଭାଗ ତରଫରୁ କୁକୁର ଓ ମଣିଷଙ୍କ ଉପରେ ୪୩ଟି ଔଷଧର ପରୀକ୍ଷା କରାଯାଇଥିଲା। ସେଥିରୁ ଜଣାପଡ଼ିଲା ଯେ, କୁକୁରଠାରେ ପରୀକ୍ଷାରୁ ମିଳିଥିବା ତଥ୍ୟ ମଣିଷ ପାଇଁ ଆଦୌ ଉପଯୋଗୀ ନୁହେଁ। ଏପରି କି ମୂଷାଠାରେ ପରୀକ୍ଷାରୁ ମିଳିଥିବା ତଥ୍ୟଠାରୁ ବି ଏହା କମ୍‌ ଉପଯୋଗୀ। କୁକୁରଠାରେ ପରୀକ୍ଷା ନିରର୍ଥକ ବୋଲି ବାରମ୍ବାର ବୈଜ୍ଞାନିକ ପ୍ରମାଣ ମିଳିଲେ ମଧ୍ୟ ସରକାରୀ ନିୟାମକ ସଂସ୍ଥା ଏହି ପରୀକ୍ଷା କରାଇ ଆସୁଛନ୍ତି। କୁକୁରଠାରେ ପରୀକ୍ଷାରୁ ସୁଫଳ ମିଳିବା ଅପେକ୍ଷା ବେଳେବେଳେ କୁଫଳ ହିଁ ମିଳିଥାଏ। କାରଣ ପେନ୍‌ସିଲିନ୍‌ ପରି ଅନେକ ଔଷଧ ଥିବ, ଯାହା କୁକୁରଠାରେ ପ୍ରତିକୂଳ ପ୍ରତିକ୍ରିୟା ପକାଇଥିବ। ସେଥିଯୋଗୁ ତାକୁ ଅନୁମୋଦନ ମିଳି ନ ଥିବ। କିନ୍ତୁ ମଣିଷଠାରେ ପରୀକ୍ଷା କରାଯାଇଥିଲେ କୌଣସି ପ୍ରତିକୂଳ ପ୍ରତିକ୍ରିୟା ସୃଷ୍ଟି ହୋଇ ନ ଥାନ୍ତା ଓ ତାହା ଏକ ଜୀବନରକ୍ଷାକାରୀ ଔଷଧ ଭାବେ ପରିଗଣିତ ହୋଇଥାନ୍ତା। ପୁଣି କୁକୁରଠାରେ ପରୀକ୍ଷାରେ ପାସ୍‌ କରିଯାଇଥିବା ଅନେକ ଔଷଧ ମଣିଷଠାରେ ପ୍ରତିକୂଳ ପ୍ରତିକ୍ରିୟା ସୃଷ୍ଟି କରିବାର ସମ୍ଭାବନା ଅଛି। ଏହିପରି ଅନେକ ବିଷାକ୍ତ ଯୌଗିକ ମଣିଷଠାରେ ପରୀକ୍ଷା ପର୍ଯ୍ୟନ୍ତ ପହଞ୍ଚିଯାଇଛି ଓ କ୍ଲିନିକାଲ ପରୀକ୍ଷାବେଳେ ମଣିଷର କ୍ଷତି କରିଛି। ଅଧିକାଂଶ ଲୋକ ଜାଣି ନ ଥିବେ ଯେ, ୯୨-୯୪% ଔଷଧ ପ୍ରିକ୍ଲିନିକାଲ ପରୀକ୍ଷାରେ ପାସ୍‌ କରି ମଣିଷଠାରେ କ୍ଲିନିକାଲ ପରୀକ୍ଷାରେ ଫେଲ ହୋଇଯାଇଛି। ଏପରି କି ମଣିଷଠାରେ କ୍ଲିନିକାଲ ପରୀକ୍ଷାରେ ପାସ୍‌ କରିଯାଇଥିବା ଔଷଧଗୁଡ଼ିକ ମଧ୍ୟରୁ ଅଧା ଔଷଧକୁ ପରେ ନିଷିଦ୍ଧ କରାଯାଇଛି। ତେଣୁ କୁକୁର ଓ ମୂଷାଠାରେ ନିରର୍ଥକ ପରୀକ୍ଷା ବଦଳରେ ଇନ୍‌-ଭିଟ୍ରୋ ଟେଷ୍ଟିଂ ବା ଟକ୍ସ୨୧ ମେଥଡ୍‌ ପରି ବିକଳ୍ପ ପଦ୍ଧତି ଅବଲମ୍ବନ କରାଯିବା ଉଚିତ। ବର୍ତ୍ତମାନ ଅମଲାତନ୍ତ୍ରୀ ଓ ସରକାରୀ ବୈଜ୍ଞାନିକମାନେ ପାରମ୍ପରିକ ପଦ୍ଧତି ବଦଳରେ ବିକଳ୍ପ ପଦ୍ଧତିଗୁଡ଼ିକ ଲାଗୁକରିବା ଦରକାର। Email: gandhim@nic.in
All Right Reserved By

ସମ୍ପାଦକୀୟ |

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..