ସମ୍ପାଦକୀୟ |

କିଛି ସତ୍ୟ ନ ଜାଣିଲେ ଭଲ

କିଛି ସତ୍ୟ ନ ଜାଣିଲେ ଭଲ
ଶ୍ୟାମସୁନ୍ଦର ଅଗ୍ରୱାଲା ଆମେ ପିଲାଟିଦିନୁ ଇତିହାସରେ କଳିଙ୍ଗ ଯୁଦ୍ଧ କଥା ପଢ଼ି ଆସିଛୁ। ଆମେ ଏ ପର୍ଯ୍ୟନ୍ତ ମନେରଖିଛୁ ଯେ ଧଉଳି ପାହାଡ଼ ନିକଟବର୍ତ୍ତୀ ଦୟାନଦୀରେ ଲକ୍ଷାଧିକ ସୈନିକଙ୍କ ମୃତଦେହ ଦେଖି ସମ୍ରାଟ୍‌ ଅଶୋକଙ୍କର ହୃଦୟ ପରିବର୍ତ୍ତନ ହୋଇଥିଲା ଓ ସେ ବୌଦ୍ଧଧର୍ମ ଗ୍ରହଣ କରି ଚଣ୍ଡାଶୋକରୁ ଧର୍ମାଶୋକ ହୋଇଗଲେ। ବର୍ତ୍ତମାନ କିନ୍ତୁ ଆମକୁ କୁହାଯାଉଛି ଯେ ଏହା ଏକ କଳ୍ପନାପ୍ରସୂତ କଥା। ସତ୍ୟ ନୁହେଁ। ଓଡି଼ଶାର ଅନ୍ୟତମ ବରପୁତ୍ର ଜୟୀ ରାଜଗୁରୁଙ୍କୁ ଆମେ ଜଣେ ସ୍ବାଧୀନତା ସଂଗ୍ରାମୀ ଭାବେ ଜାଣିଆସିଛୁ। ବର୍ତ୍ତମାନ କୁହାଯାଉଛି ଏହା ସତ୍ୟ ନୁହେଁ। ଧର୍ମପଦ ଓ କାଳିଜାଈ କାହାଣୀ ସତ୍ୟ ନୁହେଁ। ବାଜି ରାଉତ ସତ୍ୟ ନୁହେଁ। ରାଣୀ ପଦ୍ମିନୀଙ୍କ ସୌନ୍ଦର୍ଯ୍ୟରେ ବିମୋହିତ ହୋଇ ଆଲ୍ଲାଉଦ୍ଦିନ ଖିଲିଜିଙ୍କ ଚିତ୍ତୋରଗଡ଼ ଆକ୍ରମଣ କପୋଳକଳ୍ପିତ ଏକ କାବ୍ୟ ମାତ୍ର। ଇତିହାସର କଳିଙ୍ଗ ଯୁଦ୍ଧ ହେଉ, ଜୟୀ ରାଜଗୁରୁ ହେଉ କିମ୍ବା ରାଣୀ ପଦ୍ମାବତୀ ହେଉ, ଏ ସବୁ କଥା ଓ କାହାଣୀ ଆମର ଏପରି ଅସ୍ଥିମଜାଗତ ହୋଇଯାଇଛି ଯେ ଏହା ସତ୍ୟ କି ମିଥ୍ୟା ନିର୍ଣ୍ଣୟ କରିବାର ଅବକାଶ ଆମ ମନକୁ କେବେ ଜୁଟି ନାହିଁ। ଏ କଥା ସତ ଯେ ଇତିହାସ ଶହ ଶହ ବର୍ଷ ପରେ କିମ୍ବଦନ୍ତୀ ହୋଇଯାଏ ଓ ସେଥିରେ କାଳକ୍ରମେ କବି ଓ କଥାକାରଙ୍କ ସ୍ବପ୍ନବିଳାସ ଓ ଲେଖନୀର ଚାତୁର୍ଯ୍ୟ ଯୋଡି଼ ହୋଇଯାଏ। କିନ୍ତୁ କାହାଣୀ ଯାହା ହେଉନା କାହିଁକି ଯେପର୍ଯ୍ୟନ୍ତ ଅଯୋଧ୍ୟା ଅଛି, ସେତୁବନ୍ଧ ଅଛି ଓ ଶ୍ରୀଲଙ୍କା ଅଛି ସେ ପର୍ଯ୍ୟନ୍ତ ସୂର୍ଯ୍ୟବଂଶୀ ରାଜା ରାମନ୍ଦ୍ରଙ୍କ ଅସ୍ତିତ୍ୱକୁ ଅସ୍ବୀକାର କରାଯାଇ ନ ପାରେ। ଯେ ପର୍ଯ୍ୟନ୍ତ ମଥୁରା ଅଛି, ବୃନ୍ଦାବନ ଅଛି ଓ ଯମୁନା ନଦୀ ପ୍ରବାହିତ ହେଉଛି ସେ ପର୍ଯ୍ୟନ୍ତ ରାଧା ଓ କୃଷ୍ଣଙ୍କ ଉପସ୍ଥିତିକୁ କଳ୍ପନାପ୍ରସୂତ କୁହାଯାଇ ନ ପାରେ। ତଥାପି କାହିଁକି ଏମାନଙ୍କ ସତ୍ୟ ଅନୁସନ୍ଧାନ ନିମନ୍ତେ ଏତେ ତୁଚ୍ଛା ଗବେଷଣା? ଥରେ ଜଣେ ଦାର୍ଶନିକ କହିଥିଲେ ଯେ, ସଂସାରରେ ଶୃଙ୍ଖଳାର ସହିତ ବଞ୍ଚିରହିବାକୁ ହେଲେ ଆମର ସତ୍ୟ ଅପେକ୍ଷା ବିଶ୍ୱାସର ଯଥେଷ୍ଟ ଆବଶ୍ୟକତା ରହିଛି। ଦୁଃଖର କଥା ଆଜି ଯେଉଁ ବିଶ୍ୱାସ ଉପରେ ହଜାର ହଜାର ବର୍ଷ ଧରି ଆମ ସମାଜ ତିଷ୍ଠିରହିଛି ତାକୁ ସତ୍ୟାନୁସନ୍ଧାନର ଦ୍ୱାହିଦେଇ ବାରମ୍ବାର କୁଠାରାଘାତ କରାଯାଉଛି। କ’ଣ ପାଇଁ ଅତୀତର ଏତେ ତର୍ଜମା ଓ ଅନୁସନ୍ଧାନ? ବର୍ତ୍ତମାନର ଜଟିଳ ସମସ୍ୟାଗୁଡି଼କର ସମାଧାନ ଉପରେ ତର୍କବିତର୍କ ନ କରି କ’ଣ ପାଇଁ ଅତୀତର ସତ୍ୟ ଉଦ୍ଭାବନ ନିମନ୍ତେ ଏତେ ଆଗ୍ରହ? ସତ୍ୟ ଯେ ସର୍ବଦା ହିତକାରୀ ଏହା ମଧ୍ୟ ସ୍ବୀକାର୍ଯ୍ୟ ନୁହେଁ। ଏଠି ଏକ ରୋକ କାହାଣୀ ମନେପଡ଼େ। ମୁଲ୍ଲା ନସିରୁଦ୍ଦିନ ବୃଦ୍ଧ ରାଜାଙ୍କର ପ୍ରିୟତମା ସାନରାଣୀଙ୍କ ରଙ୍ଗମହଲ ଦାୟିତ୍ୱରେ ଥିଲେ। ଦିନକର କଥା। ମହାରାଜା ସାନରାଣୀଙ୍କ ରଙ୍ଗମହଲରେ ପ୍ରବେଶ କରିବା ସମୟରେ ଦେଖିଲେ ଜଣେ ବ୍ୟକ୍ତି ବଗିଚା ବାହାର ପାେରି ଡେଇଁ ପଳାୟନ କରୁଛି। ରାଜାଙ୍କ ଅଙ୍ଗରକ୍ଷୀ ତାକୁ ଧରିବାକୁ େଷ୍ଟା କରି ବିଫଳ ହେଲେ। ରାଜା ମୁଲ୍ଲାଙ୍କୁ କିଏ ସେ ବ୍ୟକ୍ତି ଓ କାହିଁକି ସେ ଏପରି ଦ୍ରୁତଗତିରେ ପଳାୟନ କଲା ବୋଲି ପାରିବାରୁ ମୁଲ୍ଲା ନିଜର ଅଜ୍ଞତା ପ୍ରକାଶ କଲେ। ରାଜାଙ୍କ ସନ୍ଦେହ ଦୃଢ଼ୀଭୂତ ହେଲା। ନିଜର ସୁରକ୍ଷା ନେଇ ରାଜା ଚିନ୍ତିତ ହୋଇପଡିଲେ। ମୁଲ୍ଲା କିନ୍ତୁ ବାରମ୍ବାର ନିଜର ଅଜ୍ଞତା ପ୍ରକାଶ କରୁଥିଲେ। ଶେଷରେ କ୍ରୋଧାନ୍ବିତ ହୋଇ ରାଜା ମୁଲ୍ଲାଙ୍କୁ ନିଜ କର୍ତ୍ତବ୍ୟରେ ଅବହେଳା ନିମନ୍ତେ ମୃତ୍ୟୁଦଣ୍ଡ ଘୋଷଣା କଲେ। ମୁଲ୍ଲା ତଥାପି ନୀରବ ରହିଲେ। ଫାଶୀଦଣ୍ଡ ପୂର୍ବରୁ ଜୀବନର ଅନ୍ତିମ ମୁହୂର୍ତ୍ତରେ ରାଜା ପୁନଶ୍ଚ ମୁଲ୍ଲାଙ୍କୁ ଶେଷ ସୁଯୋଗ ଦେଲେ। ଏଥର ମୁଲ୍ଲା ରାଜାଙ୍କୁ କହିଲେ, ”ମହାରାଜ, ସତ୍ୟ ସବୁବେଳେ ହିତକାରୀ ନୁହେଁ। ଆପଣ ଜଣେ ପ୍ରଜାମଙ୍ଗଳକାରୀ ରାଜା। ଆପଣଙ୍କ ଜୀବନ ଆମ ରାଜ୍ୟ ପାଇଁ ଅତ୍ୟନ୍ତ ମୂଲ୍ୟବାନ। ତେଣୁ ମୋର ଅନୁରୋଧ, ସତ ଜାଣିବାକୁ ଚେଷ୍ଟା କରନ୍ତୁ ନାହିଁ।“ ଯାହା ହେବାର ହୋଇଯାଉ ପଛେ ସତ ଜାଣିବାକୁ ରାଜା ଜିଦ୍‌ କରିବାରୁ ମୁଲ୍ଲା ବାଧ୍ୟହୋଇ କହିଲେ, ”ରାଜନ୍‌! ସେ ଯୁବକ ଜଣକ ସାନରାଣୀଙ୍କ ପ୍ରେମିକ। ପ୍ରତ୍ୟହ ସନ୍ଧ୍ୟାବେଳେ ସେ ତାଙ୍କ ସହ ମିଳିତ ହେବାକୁ ଆସେ।...“ ମୁଲ୍ଲାଙ୍କ କଥା ନ ସରୁଣୁ ରାଜା ହୃଦ୍‌ଘାତ୍‌ରେ ପ୍ରାଣତ୍ୟାଗ କଲେ। ତେଣୁ କିଛି ସତ୍ୟ ନ ଜାଣିଲେ ଭଲ। ମୋ- ୯୪୩୭୦୬୭୫୬୭
All Right Reserved By

ସମ୍ପାଦକୀୟ |

ଫାଇଦାରେ କଶ୍ମୀର ବାବୁ

ଫାଇଦାରେ କଶ୍ମୀର ବାବୁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଜମ୍ମୁ-କଶ୍ମୀରରେ ରାଜ୍ୟପାଳ ଶାସନ ଲାଗୁ ହେବା ଯୋଗୁ ରାଜ୍ୟ କ୍ୟାଡର ବାବୁମାନେ ବେଶ୍‌ ଫାଇଦାରେ ଅଛନ୍ତି। କାରଣ ପ୍ରଶାସନରେ ସେମାନଙ୍କୁ ଗୁରୁତ୍ୱପୂର୍ଣ୍ଣ ପଦପଦବୀ ମିଳିଛି। ୧୯୮୬ ବ୍ୟାଚ୍‌ ଜମ୍ମୁ-କଶ୍ମୀର କ୍ୟାଡର ଆଇଏଏସ୍‌ ଅଫିସର ତଥା ପୂର୍ବତନ ମୁଖ୍ୟ ଶାସନ ସଚିବ ବି.ବି. ବ୍ୟାସ ରାଜ୍ୟପାଳଙ୍କ ଉପଦେଷ୍ଟା ଭାବେ ପୁନର୍ନିଯୁକ୍ତି ପାଇଛନ୍ତି। ସେହିପରି ରାଜ୍ୟ କ୍ୟାଡରର ଅବସରପ୍ରାପ୍ତ ଆଇଏଏସ୍‌ ଅଫିସର ଖୁର୍ଶିଦ ଅହମଦ ଗନାଇ ଏବଂ ଅବସରପ୍ରାପ୍ତ ଆଇପିଏସ୍‌ ଅଫିସର କେ. ବିଜୟ କୁମାର ମଧ୍ୟ କ୍ୟାବିନେଟ୍‌ର ସମତୁଲ ...

ଅନ୍ତହୀନ ତିନୋଟି ସମସ୍ୟା

ଅନ୍ତହୀନ ତିନୋଟି ସମସ୍ୟା

ମନ-ମାନଚିତ୍ର / ଡ. ନରହରି ବେହେରା

ପ୍ରାତଃଭ୍ରମଣ ସମୟରେ ଗୋବିନ୍ଦବାବୁ କହିଲେ, ତୁମେ ମହାଭାରତର ଯକ୍ଷ-ଯୁଧିଷ୍ଠିର ସମ୍ବାଦ ପଢ଼ିଛ? ଯକ୍ଷ ଯୁଧିଷ୍ଠିରଙ୍କୁ ପ୍ରଶ୍ନ କରିଥିଲେ- କେଉଁ ବ୍ୟାଧିର ଶେଷ ନାହିଁ? ଏହାର ଉତ୍ତରରେ ଯୁଧିଷ୍ଠିର କହିଥିଲେ, ଲୋଭରୂପକ ବ୍ୟାଧିକୁ ଉପଶମ କରିହେବ ନାହିଁ। ଆଚ୍ଛା, ତୁମେ କିଛି ସମୟ ପାଇଁ ଯୁଧିଷ୍ଠିର ହୋଇଯାଅ ଏବଂ ମୁଁ ତୁମକୁ ଯକ୍ଷ ଭାବରେ ଯେଉଁ ପ୍ରଶ୍ନ କରୁଛି ତାହାର ଉତ୍ତର ଦିଅ। ମୁଁ ଦେଖିବି ତୁମର ବୁଦ୍ଧି ...

ଧର୍ମରେ ଖେଚୁଡ଼ି

ଧର୍ମରେ ଖେଚୁଡ଼ି

ନାରାୟଣ ପଣ୍ଡା

ଏକଦା ଭକ୍ତପ୍ରବର ହନୁମାନଙ୍କୁ ଭୀମ ପଚାରିଲେ- ଭାଇ ହନୁମାନ, ତୁମେ କ’ଣ ଶ୍ରୀକୃଷ୍ଣଙ୍କୁ ରାମଙ୍କଠାରୁ ପୃଥକ୍‌ ଜ୍ଞାନ କର? ହନୁମାନ ହସି କହିଲେ,- ”ଶ୍ରୀନାଥେ ଜାନକୀନାଥେ ଅଭେଦଃ ପରମାତ୍ମନି, ତଥାପି ମମ ସର୍ବସ୍ବଃ ରାମଃ କମଳଲୋଚନଃ।“ ଅର୍ଥାତ୍‌ ରାମ ଓ କୃଷ୍ଣଙ୍କ ମଧ୍ୟରେ କୌଣସି ପ୍ରଭେଦ ନାହିଁ। ତଥାପି କମଳଲୋଚନ ଶ୍ରୀରାମ ହେଉଛନ୍ତି ମୋର ଜୀବନସର୍ବସ୍ବ। କାରଣ ରାମଙ୍କ ଭାବ କୃଷ୍ଣଙ୍କ ...

ଏଇ ଭାରତରେ

ଏଇ ଭାରତରେ

ମହିଳାମାନେ ସ୍ବାମୀଙ୍କୁ ସତ୍‌ପଥରେ ଚାଲିବାକୁ ପରାମର୍ଶ ଦେଇଥାଆନ୍ତି। କିନ୍ତୁ ନିଜର ସୁଖସମୃଦ୍ଧି ପାଇଁ ସ୍ବାମୀଙ୍କୁ ଚୋରି କରିବାକୁ ଉତ୍ସାହିତ କରିବା ଘଟଣା କ୍ୱଚିତ୍‌ ଦେଖାଯାଏ। ଏପରି ଏକ ଘଟଣା ବେଙ୍ଗାଲୁରୁଠାରେ ଘଟିଛି। ମହାଦେବୀ ନାମ୍ନୀ ୨୮ ବର୍ଷୀୟା  ଜଣେ ମହିଳା ତାଙ୍କ ସ୍ବାମୀଙ୍କୁ ସୁନାଚେନ୍‌ ଛିଡାଇ ଆଣିବା ଭଳି କୁପ୍ରରୋଚନା ଦେଇଥିବାରୁ ଶେଷରେ ଗିରଫ ହୋଇଛନ୍ତି। ବାଲାରି ଜିଲାର ହୁବିନା ହଡାଗଳି ଥାନାରେ ଏ ସଂକ୍ରାନ୍ତରେ ଏକ ମାମଲା ରୁଜୁ ହୋଇଛି। କୁମ୍ବାଲଗୋଡୁର ବାସିନ୍ଦା ଏହି ମହିଳା ଜଣକ ବଦଖର୍ଚ୍ଚ କରି ବେଶ୍‌ ଅୟସରେ ...

ଆଜିର ଅର୍ଥନୀତି/ବାସ୍ତବ ଆହ୍ବାନ

ଆଜିର ଅର୍ଥନୀତି/ବାସ୍ତବ ଆହ୍ବାନ

କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ତାଙ୍କର ଏକ ବୃହତ୍‌ ନୀତିଗତ ପଦକ୍ଷେପ ସ୍ବରୂପ ତିନୋଟି ରାଷ୍ଟ୍ରାୟତ୍ତ ବ୍ୟାଙ୍କକୁ ଯୋଡ଼ି ଭାରତର ତୃତୀୟ ବୃହତ୍ତମ ବ୍ୟାଙ୍କ କରିବା ଲାଗି ସୋମବାର ଘୋଷଣା କରିଛନ୍ତି। ସେହି ବ୍ୟାଙ୍କଗୁଡ଼ିକ ହେଉଛି ବ୍ୟାଙ୍କ ଅଫ୍‌ ବରୋଦା (ବିଓବି), ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କ। ୨୦୧୮ ମାର୍ଚ୍ଚ ମାସର ତଥ୍ୟ ଅନୁସାରେ ଏହି ସମ୍ମିଳିତ ବ୍ୟାଙ୍କର ବଜାର ଅଂଶ ହେଉଛି ଜମା କ୍ଷେତ୍ରରେ ୭.୨ ପ୍ରତିଶତ ଓ ଋଣ ପ୍ରଦାନ କ୍ଷେତ୍ରରେ ୬.୮ ପ୍ରତିଶତ। ଫଳରେ ଜମା କ୍ଷେତ୍ରରେ ଏହା ଦେଶର ଦ୍ୱିତୀୟ ଏବଂ ଋଣ ପ୍ରଦାନ କ୍ଷେତ୍ରରେ ତୃତୀୟ ବୃହତ୍ତମ ବ୍ୟାଙ୍କରେ ପରିଣତ ହେବ। ପୁଣି ଏହି ମିଶ୍ରିତ ବ୍ୟାଙ୍କର ସାରା ଦେଶରେ ପ୍ରାୟ ୯୫୦୦ ଶାଖା ଥିବାରୁ ଏ କ୍ଷେତ୍ରରେ ଏ...

ପାକିସ୍ତାନର ଭବିଷ୍ୟତ

ପାକିସ୍ତାନର ଭବିଷ୍ୟତ

ଶରତ ଚନ୍ଦ୍ର ମିଶ୍ର

ଆନ୍ତର୍ଜାତିକ ମାନଦଣ୍ଡ, ଆୟତନ ଓ ଲୋକସଂଖ୍ୟା ଦୃଷ୍ଟିରୁ ପାକିସ୍ତାନ ଏକ ମଧ୍ୟମବର୍ଗର ବିକାଶଶୀଳ ରାଷ୍ଟ୍ର। ଏହାର ମାନବ ସମ୍ପଦ ସୁଗଠିତ, ବଳବାନ୍‌ ଓ ଦେଶ ଉତ୍ତମମାନର ସୈନିକ, ଚାଷୀ ଓ କାରିଗରରେ ଭରପୂର। ପଞ୍ଜାବ ପ୍ରଦେଶରେ ଜଳସେଚିତ ଜମି, ସିନ୍ଧୁନଦୀ ଓ ତାହାର ଶାଖାନଦୀ, ବେଲୁଚିସ୍ତାନର ଖଣିଜ ସମ୍ପଦ ଓ ପ୍ରାକୃତିକ ଗ୍ୟାସ, ଉତ୍ତରାଞ୍ଚଳର ପ୍ରାକୃତିକ ଦୃଶ୍ୟ, ଗିରିଶୃଙ୍ଗ, କରାଚୀର ବ୍ୟବସାୟିକ ପରମ୍ପରା, ଆରବ ସାଗର ସନ୍ନିହିତ ସୁଦୀର୍ଘ ଉପକୂଳର ଅବସ୍ଥିତି ହେତୁ ପାକିସ୍ତାନ ଏକ ସମୃଦ୍ଧିଶାଳୀ ଓ ଆକର୍ଷଣୀୟ ରାଷ୍ଟ୍ର ହେବାର ସମସ୍ତ ଉପାଦାନ ପ୍ରାପ୍ତ ହୋଇଛି। ବାଂଲାଦେଶ ମୁକ୍ତିଯୁଦ୍ଧ (୧୯୭୧)ରେ ଦେଶ ଦ୍ୱିଖଣ୍ଡିତ ହେବା ପର୍ଯ୍ୟନ୍ତ, ପାକିସ୍ତାନ ବିଶ୍ୱର ...

ଶହୀଦ ଇମାମ ହୁସେନ

ଶହୀଦ ଇମାମ ହୁସେନ

ଇଂ. ରୌଶନ ଖାନ୍‌

ମାନବିକତାର ସୁରକ୍ଷା ପାଇଁ ଯେଉଁମାନେ ଈଶ୍ୱରଙ୍କ ପଥରେ ଜୀବନ ଉତ୍ସର୍ଗ କରନ୍ତି ଓ ଦେଶମାତୃକାକୁ ଶତ୍ରୁ କବଳରୁ ରକ୍ଷା କରିବା ପାଇଁ ଯୁଦ୍ଧ କରି ପ୍ରାଣବଳି ଦେଇଥାନ୍ତି, ସେମାନଙ୍କୁ ‘ଶହୀଦ’ କୁହାଯାଏ। ସେହିପରି ଜଣେ ଦେବପୁରୁଷ ଥିଲେ ହଜରତ ଇମାମ୍‌ ହୁସେନ। ସେ ଇରାକର କରବଲା ମୈଦାନରେ ଯୁଦ୍ଧ କରି ୬୧ ହିଜିରିି ମହରମ ୧୦ ଦିନ ଶହୀଦ ହୋଇଥିଲେ। ସେ ହେଉଛନ୍ତି ହଜରତ ମହମ୍ମଦଙ୍କ ନାତି ଓ ଚତୁର୍ଥ ଖଲିଫା ହଜରତ ଅଲ୍ଲିଙ୍କ ପୁତ୍ର।...

ଏଇ ଭାରତରେ

ଏଇ ଭାରତରେ

କୌଣସି ବ୍ୟକ୍ତିକୁ ଶାରୀରିକ ନିର୍ଯାତନା ଦେଲେ ତାହାର ପରିଣତି ଭୋଗିବାକୁ ପଡ଼େ। ଜଣେ ୫୦ବର୍ଷୀୟ ମହିଳାଙ୍କୁ ତାଙ୍କ ଭାଇ ଓ ଭାଉଜ ୨ବର୍ଷ ଧରି ଘରେ ଅଟକ ରଖିବା ସହିତ ଭୋକ ଉପାସରେ ବଞ୍ଚତ୍ବାକୁ ଦେଉଥିଲେ। ଏହାର ପରିଣାମ ସ୍ବରପ ୨ଜଣଙ୍କୁ ଗିରଫ ,...

ଓମେଗା-୩ ଓ ମିଥ୍ୟା ପ୍ରଚାର

ଓମେଗା-୩ ଓ ମିଥ୍ୟା ପ୍ରଚାର

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପ୍ରତି କିଛି ବର୍ଷ ବ୍ୟବଧାନରେ ଗୋଟିଏ କମ୍ପାନୀ ତା’ର ମାର୍କେଟିଂ ରଣକୌଶଳ ହିସାବରେ ପ୍ରଚାର କରେ ଯେ ଏକ ନୂତନ ସୁପରଫୁଡ୍‌ ଜନ୍ମଲାଭ କରିଛି। ବର୍ତ୍ତମାନ ବହୁ ବିଜ୍ଞାପିତ ସେପରି ଏକ ସୁପରଫୁଡ୍‌ ହେଉଛି Matcha tea ବା ମାଚା ଚା, ଯାହା ମେଦବହୁଳତା, ଡାଇବେଟିସ୍‌, ଆଣ୍ଠୁଗଣ୍ଠି ବାତ ପ୍ରଭୃତି ସବୁ ସମସ୍ୟାର ସମାଧାନ କରିପାରୁଛି ବୋଲି କୁହାଯାଉଛି। ଏହା କିନୁଆ, ଚିଆ ମଞ୍ଜି, ଲେହ କୋଳି, ବ୍ରାଜିଲ ନଟ୍‌, ବ୍ଲୁବେରୀ, ହଳଦୀ, ସ୍ପିରୁଲିନା, ଗୋଜି ବେରୀ, କଳା ଚକୋଲେଟ୍‌, ରେଡ୍‌ ଓ୍ବା...

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଡ. ସୁବାସ ଚନ୍ଦ୍ର ପାତ୍ର

ପ୍ରଖ୍ୟାତ ଇଂରେଜୀ କବି ଜନ୍‌ ଡନ୍‌ଙ୍କର ଏକ କବିତା ଅଛି- ‘କାହା ପାଇଁ ବାଜେ ଏ ଘଣ୍ଟା’। କୌଣସି ମଣିଷର ମୃତ୍ୟୁର ସୂଚନା ହିସାବରେ ବାଜୁଥିବା ଗୀର୍ଜାର ଘଣ୍ଟା ପ୍ରସଙ୍ଗରେ କୁହାଯାଇଛି ଯେ, ଏ ଘଣ୍ଟା ଯାହା ପାଇଁ ବି ବାଜୁନା କାହିଁକି ମନେରଖ ଏ ଘଣ୍ଟା ତୁମ ପାଇଁ ହିଁ ବାଜୁଛି, କାରଣ ତାଙ୍କ ମୃତ୍ୟୁଠୁ ତୁମ ମୃତ୍ୟୁ ବେଶି ଦୂର ନୁହେଁ। ଗୀର୍ଜାର ଘଣ୍ଟା ପରି ଆମ କଲେଜଗୁଡ଼ିକରେ...

ଧର୍ମ ଜୀବନର ରକ୍ଷାକବଚ

ଧର୍ମ ଜୀବନର ରକ୍ଷାକବଚ

ଶିବରାମ ଶତପଥୀ

ଗୀତାରେ ଅଛି, ‘ସ୍ବଳ୍ପମପ୍ୟସ୍ୟ ଧର୍ମସ୍ୟ ତ୍ରାୟତେ ମହତୋ ଭୟାତ୍‌।’ ଅର୍ଥାତ୍‌ କରିଥିବା ସାମାନ୍ୟତମ ଧର୍ମ ମଧ୍ୟ ସମୟ ପଡ଼ିଲେ ପ୍ରାଣୀକୁ ବଡ଼ ଭୟ (ମୃତ୍ୟୁଭୟ)ରୁ ରକ୍ଷାକରେ। ତେବେ ଏହି ଧର୍ମ କ’ଣ? ମହାଭାରତ ବନପର୍ବରେ ଯକ୍ଷ (ଛଦ୍ମବେଶୀ ଧର୍ମ)ଙ୍କ ପ୍ରଶ୍ନ (କଃ ପନ୍ଥାଃ)ର ଉତ୍ତରରେ ଯୁଧିଷ୍ଠିର କହିଥିଲେ- ନାନା ମୁନିଙ୍କର ନାନା ମତ। ସେହିପରି ବେଦ ମଧ୍ୟ ଗୋଟିଏ ନୁହେଁ। ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଭାବେ...

ଏଇ ଭାରତରେ

ଏଇ ଭାରତରେ

ଅପରାଧୀଙ୍କୁ କାବୁ କରିବାକୁ ପୋଲିସ କର୍ମଚାରୀଙ୍କୁ ନୂଆ ନୂଆ କୌଶଳ ପ୍ରଶିକ୍ଷଣ ଦିଆଯାଉଛି। ବିଶେଷକରି ମହିଳା କର୍ମଚାରୀଙ୍କୁ ଏନେଇ ସ୍ବତନ୍ତ୍ର ତାଲିମ୍‌ ପ୍ରଦାନ କରାଯାଉଛି। କିପରି କମ୍‌ ପୋଲିସ କର୍ମଚାରୀଙ୍କ ସହଯୋଗରେ ଅଭିଯୁକ୍ତଙ୍କୁ କୋର୍ଟକୁ ଏସ୍‌କର୍ଟ କରି ...