Dharitri News
ବ୍ରହ୍ମପୁର

ଭିଆଇପି ହସାଇଲେ, ଏମ୍‌ଜେ-୫ ନଚାଇଲେ

ଭିଆଇପି ହସାଇଲେ, ଏମ୍‌ଜେ-୫ ନଚାଇଲେ ବ୍ରହ୍ମପୁର ଅଫିସ,୨୬।୧୨- ଗୋପାଳପୁର ବେଳାଭୂମି ମହୋତ୍ସବର ମଙ୍ଗଳବାର ଥିଲା ତୃତୀୟ ସନ୍ଧ୍ୟା। ଏହି ସନ୍ଧ୍ୟାର ଆକର୍ଷଣ ଥିଲା ଜଣାଶୁଣା ମିମିକ୍ରି କଳାକାର ଭିଆଇପି ଏବଂ ଏମ୍‌ଜେ-୫। ଭିଆଇପି ଜଣକ ପରେ ଜଣେ ପ୍ରସିଦ୍ଧ ବ୍ୟକ୍ତିଙ୍କ କଣ୍ଠର ନକଲ କରି ସେଥିରେ ହାସ୍ୟ ଭରିଦେଇଥିଲେ। ସୁଖ୍‌ୱିନ୍ଦର ସିଂ କଣ୍ଠରେ କେତେକ ଗୀତ ଗାଇଥିଲେ । ଆଉ ସେଇ ଗୀତଗୁଡ଼ିକକୁ ନିଜସ୍ବ ଢ଼ଙ୍ଗରେ ହାସ୍ୟରେ ଭରିଦେଇଥିଲେ। ପରେ ପରେ ଅରଜିତ ସିଂ ଏବଂ ଅଙ୍କିତ ତିୱାରୀଙ୍କ ସମେତ ଅନ୍ୟ କେତେକ ଗାୟକଙ୍କ କଣ୍ଠ ନକଲ କରିଥିଲେ। ସେହିଭଳି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଅନ୍ୟାନ୍ୟ ରାଜନେତା ଏବଂ ହିନ୍ଦୀ ଚଳଚ୍ଚିତ୍ର ଜଗତର କଳାକାରଙ୍କ କଣ୍ଠର ନକଲ କରିଥିଲେ ଭିଆଇପି। ଉପସ୍ଥିତ ଦର୍ଶକଙ୍କ ପ୍ରବଳ କରତାଳିରେ ଉତ୍ସାହିତ ହୋଇ ଭିଆଇପି ଅନେକ ଜୋକ୍‌ ଶୁଣାଇଥିଲେ। କଣ୍ଠ ନକଲ କରିବାରେ ଭିଆଇପି ରେକର୍ଡ଼ କରିଥିଲେ। ଗୋଟିଏ ମିନିଟ୍‌ରେ ସେ ୫୨ ଅଭିନେତାଙ୍କ କଣ୍ଠର ନକଲ କରିପକାଇଥିଲେ। ସେହିଭଳି ସନ୍ଧ୍ୟାର ଅନ୍ୟ ଏକ ଆକର୍ଷଣ ଥିଲା ଏମ୍‌ଜେ-୫। ଇଣ୍ଡିଆସ୍‌ ଡ୍ୟାନ୍ସିଂ ସୁପରଷ୍ଟାର୍‌ ସହ ଅନ୍ୟାନ୍ୟ ରିଏଲିଟି ଶୋ’ ବିଜେତା ଏମ୍‌ଜେ-୫ ଦଳର ନୃତ୍ୟ ଦେଖିବା ପାଇଁ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖାଦେଇଥିଲା। ମାଇକେଲ୍‌ ଜ୍ୟାକସନ୍‌ଙ୍କ ‘ମୁନ୍‌ ୱାକ୍‌’ ସହ କଣ୍ଟେମ୍ପରାରି, ୱେଷ୍ଟେର୍ନ ଷ୍ଟାଇଲ୍‌ ଏବଂ ଆଧୁନିକ ନୃତ୍ୟ ପରିବେଷଣ କରିଥିଲେ। ଷ୍ଟାର୍‌ ନାଇଟ୍‌ର ଅନ୍ୟ ଏକ ଆକର୍ଷଣ ସାଜିଥିଲେ ଗାୟକ ତିଲକ୍‌ ଚକ୍ରବର୍ତ୍ତୀ। ୟେ ଦିଲ୍‌ ହେ ମୁସକିଲ୍‌, ଗୁଲାବି ଆଖେଁ, ହମ୍ମା ହମ୍ମା ହମ୍ମା ସହ ଆଉ କେତେକ ଗୀତ ଗାଇ ସନ୍ଧ୍ୟାକୁ ସଂଗୀତମୟ କରିଦେଇଥିଲେ। ସ୍ଥାନୀୟ ନୃତ ଦଳଗୁଡ଼ିକ ମଧ୍ୟ ଦର୍ଶକଙ୍କୁ ସେମାନଙ୍କ ନୃତ୍ୟରେ ବାନ୍ଧି ରଖିଥିଲେ। ବ୍ରହ୍ମପୁର ରାମହରି ଶିଶୁ ବିଦ୍ୟାମନ୍ଦିରର ଛାତ୍ରୀଛାତ୍ରଙ୍କ ଦ୍ୱାରା କଳାହାଣ୍ଡି ଲୋକନୃତ୍ୟ ଘୁମୁରା, ବିଞ୍ଛଣାପଲ୍ଲୀ ଶ୍ୟାମଘନ ସାହୁ ଏବଂ ଦଳଙ୍କ ଦ୍ୱାରା ଘଣ୍ଟ ମୃଦୁଙ୍ଗ, ବ୍ରହ୍ମପୁର ଲଳିତ କଳା ଏକାଡ଼େମୀ ତରଫରୁ ଆଧୁନିକ ନୃତ୍ୟ, ନାଲ୍‌କୋ ଦଳ ତରଫରୁ ଓଡ଼ିଶୀ ନୃତ୍ୟ, ଗୁରୁକୁଲ୍‌ ସ୍କୁଲ ତରଫରୁ ସ୍କେଟିଂ, ପ୍ରଗତି କଳାକେନ୍ଦ୍ର ତରଫରୁ ବାଘନାଚ, ନୃତ୍ୟ ତରଙ୍ଗ ତରଫରୁ ଚଢ଼େୟା ନୃତ୍ୟ, ଶଶି କଳା ଓ ସଂସ୍କୃତି ଏକାଡ଼େମୀ ତରଫରୁ ଲୋକନୃତ୍ୟ, ଗଂଜାମ କଳା ପରିଷଦ ତରଫରୁ ପଲ୍ଲୀ ନୃତ୍ୟ, ବ୍ରହ୍ମପୁର ଏକଲବ୍ୟ କଳାନିକେତନ ତରଫରୁ ଗରବା ନୃତ୍ୟ, ମା ଦଣ୍ଡକାଳୀ ନୃତ୍ୟ ଦଳ ତରଫରୁ ଦେଶାତ୍ମବୋଧକ ମା ତୁଝେ ସଲାମ୍‌ ଏବଂ ସଂସ୍କୃତ ଭବନମ୍‌ ତରଫରୁ କୁଚୁପୁଡ଼ି ନୃତ୍ୟ ପରିବେଷଣ କରାଯାଇଥିଲା। ତୃତୀୟ ସନ୍ଧ୍ୟାରେ ଅତିଥି ଭାବେ ପୂର୍ବତନ କେନ୍ଦ୍ରମନ୍ତ୍ରୀ ଚନ୍ଦ୍ରଶେଖର ସାହୁ, ପୂର୍ବତନ ବିଧାୟକ ଏନ୍‌. ନାରାୟଣ ରେଡ୍ଡୀ, ଡ. ତ୍ରିନାଥ ବେହେରା, ପିସିସି ସଦସ୍ୟ ବିକ୍ରମ ପଣ୍ଡା, ଗଞ୍ଜାମ ଜିଲା କଂଗ୍ରେସ କମିଟି ସଭାପତି ଭଗବାନ ଗନ୍ତାୟତ, ସିପିଏମ୍‌ ରାଜ୍ୟ ସମ୍ପାଦକ ଅଳିକିଶୋର ପଟ୍ଟନାୟକ, ସିପିଆଇ ସମ୍ପାଦକ ପ୍ରକାଶ ପାତ୍ର, ବ୍ରହ୍ମପୁର ସମବାୟ ବ୍ୟାଙ୍କ ସଭାପତି ଅଲେଖ ଚୌଧୁରୀଙ୍କ ସମେତ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଯୋଗଦେଇଥିଲେ।

ବ୍ରହ୍ମପୁର

ନୂଆ ଜେଟି ନିର୍ମାଣ, ପଥରବନ୍ଧେଇ ଉପରେ ଗୁରୁତ୍ୱ

ନୂଆ ଜେଟି ନିର୍ମାଣ, ପଥରବନ୍ଧେଇ ଉପରେ ଗୁରୁତ୍ୱ

ଛତ୍ରପୁର,୨୦।୧(ଡି.ଏନ.ଏ.)- ଗୋପାଳପୁର ପୋର୍ଟରେ ଥିବା ମତ୍ସ୍ୟ ବିଭାଗ ଜେଟିର ଚ୍ୟାନେଲ ଖନନ ୧୫ ଦିନ ହେଲା ଚାଲିଛି। ଏହି କାମ କିଭଳି ଚାଲିଛି ସେସମ୍ପର୍କରେ ଜାଣିବାକୁ ଶନିବାର ଛତ୍ରପୁର ବିଧାୟକ ଡା. ପ୍ରିୟାଂଶୁ ପ୍ରଧାନ ସେଠାକୁ ଯାଇ ପରିଦର୍ଶନ କରିଛନ୍ତି। ଚ୍ୟାନେଲ ପୋତି ହୋଇ ଯାଇଥିବାରୁ ମତ୍ସ୍ୟଜୀବୀମାନଙ୍କୁ ସମୁଦ୍ରକୁ ଯିବା ଆସିବାରେ ଅସୁବିଧାର ହେଉଛି। ଫଳରେ ମାଛ ମାରିବାକୁ ଡଙ୍ଗାରେ ଯିବାକୁ ଅସୁବିଧା ହେଉଛି।

ଶ୍ୱଶୁର ଖଣ୍ଡା ଚୋଟରେ ଜ୍ୱାଇଁଙ୍କ ମୃତ୍ୟୁ

ଶ୍ୱଶୁର ଖଣ୍ଡା ଚୋଟରେ ଜ୍ୱାଇଁଙ୍କ ମୃତ୍ୟୁ

ହିଞ୍ଜିଳିକାଟୁ,୨୦।୧(ଡ଼ି.ଏନ.ଏ.)- ଗଞ୍ଜାମ ଜିଲା କବିସୂର୍ଯ୍ୟନଗର ଥାନା ତଥା ପୁରୁଷୋତ୍ତମପୁର ବ୍ଲକ ଝାଡ଼ବାଇ ଗ୍ରାମରେ ଶନିବାର ମଧ୍ୟାହ୍ନରେ ପାରିବାରିକ କଳହରୁ କରୁଣ ପରିଣତି ଘଟିଛି। ଶ୍ୱଶୁରଙ୍କ ଖଣ୍ଡା ଚୋଟରେ ଜ୍ୱାଇଁଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଗଞ୍ଜାମ ଥାନା ଅନ୍ତର୍ଗତ ରାଉଳବନ୍ଧ ଗ୍ରାମର ପି ମନୁ ରେଡ୍ଡୀ। ପାରିବାରିକ କଳହରୁ ମନୁଙ୍କୁ ହତ୍ୟା କରାଯାଇଥିବା ଅଭିଯୋଗରେ ପୋଲିସ ତାଙ୍କ ଶ୍ୱଶୁର ଝାଡ଼ବାଇର ଜଗନ୍ନାଥ ରେଡ୍ଡୀଙ୍କୁ ଥାନାରେ ଅଟକ ରଖି ପଚରାଉଚୁରା ଚଳାଇଛି।

ସରକାରୀ ବସ୍‌ରୁ ଗଞ୍ଜେଇ ଜବତ

ସରକାରୀ ବସ୍‌ରୁ ଗଞ୍ଜେଇ ଜବତ

ଫିରିଙ୍ଗିଆ, ୨୦।୧- କନ୍ଧମାଳ ଜିଲା ଗୋଚ୍ଛାପଡା ପୋଲିସ ଶୁକ୍ରବାର ଏକ ସରକାରୀ ବସ୍‌ରୁ ୨୩କେଜି ୪ଶହଗ୍ରାମ ଗଞ୍ଜେଇ ଜବତ କରିଛି। ହେଲେ ଏହି ଘଟଣାରେ କାହାରିକୁ ଗିରଫ କରାଯାଇନାହିଁ। ବିଶେଷ ସୂତ୍ରରୁ ଖବର ପାଇ ପୋଲିସ ପୂର୍ବାହ୍ନ ପ୍ରାୟ ୯ଟାରେ ଗୋଚ୍ଛାପଡାରୁ ଫୁଲବାଣୀ ଆସୁଥିବା ସରକାରୀ ବସ୍‌ ନଂ.ଓଡି ୧୨ ୩୬୮୧କୁ ହାଟପଦା ଛକରେ ଅଟକାଇ ତଲାସି କରିଥିଲା। ଗାଡିରୁ ଗୋଟିଏ ବସ୍ତାରେ ଥିବା ଗଞ୍ଜେଇ ମିଳିଥିଲା।

ଚଳନ୍ତା ବସ୍‌ରେ ଅଗ୍ନିକାଣ୍ଡ

ପୁରୁଷୋତ୍ତମପୁର,୨୦।୧(ଡି.ଏନ.ଏ.)- ଗଞ୍ଜାମ ଜିଲା ପୁରୁଷୋତ୍ତମପୁରରେ ଏକ ଚଳନ୍ତା ଯାତ୍ରୀବାହୀ ବସ୍‌ରେ ଶନିବାର ଅଗ୍ନିକାଣ୍ଡ ଘଟିଛି। ସେଥିରେ ବସିଥିବା ପ୍ରାୟ ୫୦ ଜଣ ଯାତ୍ରୀ ବର୍ତ୍ତିଯାଇଛନ୍ତି। ପୁରୀରୁ ତାରାତାରିଣୀ ଦର୍ଶନ ଲାଗି ଯାତ୍ରୀଙ୍କୁ ନେଇ ଆସିଥିବା ବସ୍‌ ନଂ. ଓଆର୧୦ଜି-୨୮୦୪ ଯାଉଥିବା ବେଳେ ପୁରୁଷୋତ୍ତମପୁର ସହର ମଧ୍ୟସ୍ଥ ଗଡସାହିଛକରେ ହଠାତ୍‌ ନିଅଁା ଲାଗିଯାଇଥିଲା।

ଉପଜିଲାପାଳଙ୍କୁ ଦିଆଗଲା ତଦନ୍ତ ରିପୋର୍ଟ

ବ୍ରହ୍ମପୁର ଅଫିସ,୨୦।୧- ବ୍ରହ୍ମପୁର ସହର କର୍ପୋରେଶନ ରୋଡସ୍ଥିତ ଗଜପତି ପ୍ଲାଜା ନିକଟ ମୁସଲମାନ ବସ୍ତିରେ ଗୁରୁବାର ମଧ୍ୟାହ୍ନ ସାଢେ ୧୨ଟାରେ କୌଣସି କାରଣରୁ ଅଗ୍ନିକାଣ୍ଡ ଘଟି ୫୬ରୁ ଊର୍ଦ୍ଧ୍ୱ ବଖରା ସମେତ ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଥିଲା। କ୍ଷତିଗ୍ରସ୍ତ ହୋଇଥିବା ଅଧିକାଂଶ ପରିବାର ଗରିବ ଶ୍ରେଣୀର। ଅଗ୍ନିକାଣ୍ଡର ପ୍ରକୃତ କାରଣ ଜଣାପଡି ନ ଥିଲେ ମଧ୍ୟ ଶର୍ଟଶର୍କିଟ କିମ୍ବା ଗ୍ୟାସ୍‌ ସିଲିଣ୍ଡର ଲିକ୍‌ ହୋଇ ବିସ୍ଫୋରଣ ଘଟିବା ଯୋଗୁ ଏପରି ଘଟିଥିବା ସନ୍ଦେହ କରାଯାଉଥିଲା। ତେବେ ବ୍ରହ୍ମପୁର ଅଗ୍ନିଶମ ବିଭାଗ ତଦନ୍ତ କରି ଅଗ୍ନିକାଣ୍ଡର ପ୍ରକୃତ କାରଣ ଓ କ୍ଷୟକ୍ଷତିର ପରିମାଣ ରିପୋର୍ଟ ଦାଖଲ କରି କରିବାକୁ ଉପଜିଲାପାଳ ଇଂ. ସିଦ୍ଧାର୍ଥ ଶଙ୍କର ସ୍ବାଇଁ ନିର୍ଦ୍ଦେଶ ଦେଇଥିଲେ।

ଡକାୟତି ଯୋଜନା ପଣ୍ଡ: ୬ ଗିରଫ

ଡକାୟତି ଯୋଜନା ପଣ୍ଡ: ୬ ଗିରଫ

ବ୍ରହ୍ମପୁର ଅଫିସ,୨୦।୧-ସ୍ଥାନୀୟ ଗୋଷାଣୀନୂଆଗଁା ଥାନା ଅନ୍ତର୍ଗତ ମୀନାକ୍ଷୀନଗରରେ ଶୁକ୍ରବାର ବିଳମ୍ବିତ ରାତିରେ କେତେକ ଯୁବକ ବସି ଡକାୟତି ଯୋଜନା କରୁଥିବା ଖବର ପାଇ ପୋଲିସ ସେଠାରେ ଚଢାଉ କରିଥିଲା। ଚଢାଉ ବେଳେ ସେଠାରୁ ୬ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ୨ ଜଣ ଫେରାର ହୋଇଯାଇଛନ୍ତି। ଗିରଫ ଯୁବକମାନେ ହେଲେ ମନୋଜ ସାମନ୍ତରାୟ, ପିଣ୍ଟୁ ବେହେରା, ସୁନୀଲ ମିଶ୍ର, ସୁମନ ପାଢୀ, ଦିପୁନା ନାୟକ ଓ ତାରିଣୀ ଜେନା। ସେମାନଙ୍କ ପାଖରୁ ପୋଲିସ ଗୋଟିଏ ଖଣ୍ଡା, ୩ଟି ବୋମା, ଓ ଲାଠି ଜବତ କରିଛି। ଏ ନେଇ ଥାନାରେ ନଂ. ୮/୧୮ରେ ମାମଲା ରୁଜୁ କରିବା ସହିତ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି ବୋଲି ଥାନାଧିକାରୀ କୁଳମଣି ସେଠୀ କହିଛନ୍ତି।

ମହିଳାଙ୍କ ଝୁଲନ୍ତା ଶବ ଉଦ୍ଧାର

ମହିଳାଙ୍କ ଝୁଲନ୍ତା ଶବ ଉଦ୍ଧାର

ବ୍ରହ୍ମପୁର ଅଫିସ/ବାଲିପଡ଼ା,୨୦।୧- ସ୍ଥାନୀୟ ସଦର ଥାନା ଅନ୍ତର୍ଗତ ଲୋଚାପଡା ଅଞ୍ଚଳରେ ଏକ ଭଡା ଘରେ ରହୁଥିବା ଜଣେ ମହିଳାଙ୍କ ଝୁଲନ୍ତା ଶବକୁ ପୋଲିସ ଉଦ୍ଧାର କରିଛି। ସେ ହେଲେ ଗଞ୍ଜାମର ଟୁନା ସ୍ବାଇଁଙ୍କ ସ୍ତ୍ରୀ ଶ୍ରୀମତିନୀ। ମୋ ଝିଅକୁ ହତ୍ୟା କରାଯାଇଛି ବୋଲି ଶ୍ରୀମତିନୀଙ୍କ ପିତା ଛତ୍ରପୁର ଅଞ୍ଚଳର ଡମ୍ବରୁଧର ବାରିକ ଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା (ନଂ.୨୩/୧୮) ରୁଜୁ କରିଛି।

ସ୍ବଦେଶୀ ମେଳାରେ ମନୋଜଙ୍କ ୪ ରେକର୍ଡ

ସ୍ବଦେଶୀ ମେଳାରେ ମନୋଜଙ୍କ ୪ ରେକର୍ଡ

ବ୍ର୍ରହ୍ମପୁର ଅଫିସ,୨୦।୧- ଗଞ୍ଜାମ ଜିଲା ଭାବରଡା ଗ୍ରାମର ମନୋଜ ମହାରଣା ପୁଣି ୪ଟି ରେକର୍ଡ କରି ଚର୍ଚ୍ଚାର ପରିସରକୁ ଆସିଛନ୍ତି। ରାଉରକେଲା ମେଳଣ ପଡିଆଠାରେ ସ୍ବଦେଶୀ ଜାଗରଣ ମଞ୍ଚ ପକ୍ଷରୁ ଚାଲିଥିବା ସ୍ବଦେଶୀ ମେଳାରେ ଶୁକ୍ରବାର ମନୋଜ ଯୋଗ ଦେଇଥିଲେ। ଏହି ଅବସରରେ ସେ ନିଜ କଳାପ୍ରଦର୍ଶନ କରି ପୂର୍ବରୁ ଗିନିଜ ବୁକ ଅଫ ୱାଲର୍‌ଡରେକର୍ଡରେ ରହିଥିବା ୪ଟି ରେକର୍ଡକୁ ଭାଙ୍ଗି ଚର୍ଚ୍ଚିତ ହୋଇଥିଲେ।

ସମ୍ପୂର୍ଣ୍ଣ ହୋଇନି ସଂସ୍କୃତି ଭବନ

ସମ୍ପୂର୍ଣ୍ଣ ହୋଇନି ସଂସ୍କୃତି ଭବନ

ଛତ୍ରପୁର,୨୦।୧(ଡି.ଏନ.ଏ.)- ଗଞ୍ଜାମ ଜିଲାର ଛତ୍ରପୁରରେ ଥିବା ଜିଲା ସଂସ୍କୃତି ଭବନ ଓ ବ୍ରହ୍ମପୁରସ୍ଥିତ ବିଜୁ ପଟ୍ଟନାୟକ ସଂସ୍କୃତି ଭବନରେ ବିଭିନ୍ନ ସାଂସ୍କୃତିକ ଓ ଅନ୍ୟାନ୍ୟ କାର୍ଯ୍ୟକ୍ରମ ହେଉଛି। ମାତ୍ର ଉକ୍ତ ୨ ସଂସ୍କୃତି ଭବନର ସମ୍ପୂର୍ଣ୍ଣ ନିର୍ମାଣ କାମ ଏବଂ ଅନ୍ୟାନ୍ୟ ସୁବିଧା ବ୍ୟବସ୍ଥା ହୋଇପାରିନି। ବର୍ଷ ବର୍ଷ ଧରି ଏପରି ଅଧାପନ୍ତରିଆ ରହିଛି। ବାରମ୍ବାର ସମୀକ୍ଷା ମଧ୍ୟ ହେଉଛି। ମାତ୍ର କୌଣସି ସୁଫଳ ମିଳୁନି।

ରେଳଧାରଣାରୁ ମୃତଦେହ ଉଦ୍ଧାର

ରେଳଧାରଣାରୁ ମୃତଦେହ ଉଦ୍ଧାର

ବାଲିପଡ଼ା,୨୦।୧- ବ୍ରହ୍ମପୁର ଜିଆରପି ପୋଲିସ ଶନିବାର ଏକ ମୁଣ୍ଡଗଣ୍ଡି ଅଲଗା ହୋଇଥିବା ମୃତଦେହ ଛତ୍ରପୁର ନିକଟ ରେଳଧାରଣାରୁ ଉଦ୍ଧାର କରିଥିଲା। ପରିଚୟ ନ ପାଇ ମୃତଦେହକୁ ବ୍ରହ୍ମପୁର ବଡ଼ ମେଡିକାଲକୁ ବ୍ୟବଚ୍ଛେଦ ପାଇଁ ପଠାଇଥିଲା। ତ୍ରିନାଥ ରେଡ୍ଡୀ ନାମକ ଜଣେ ଯୁବକ ତାଙ୍କ ଫେସ୍‌ବୁକ ଆକାଉଣ୍ଟରେ ରେଳ ଧାରଣାରେ ମୁଣ୍ଡ ଗଣ୍ଡି ଅଲଗା ହୋଇଥିବା ମୃତଦେହର ଫଟୋ ଛାଡିଥିଲେ।

ପୃଥକ୍‌ ଦୁର୍ଘଟଣା: ଜଣେ ମୃତ

ପୃଥକ୍‌ ଦୁର୍ଘଟଣା: ଜଣେ ମୃତ

ଛତ୍ରପୁର,୨୦।୧(ଡି.ଏନ.ଏ)- ଛତ୍ରପୁର ଉପକଣ୍ଠ ଜାତୀୟ ରାଜପଥରେ ଶନିବାର ପୂର୍ବାହ୍ନରେ ପୃଥକ ପୃଥକ ଦୁର୍ଘଟଣାରେ ଜଣଙ୍କ ମୃତ୍ୟୁ ଘଟିଥିବା ବେଳେ ୪ ଜଣ ଗୁରୁତର ଆହତ ହୋଇଛନ୍ତି। ଛତ୍ରପୁର ବ୍ଲକ ନରସିଂହପୁର ଗାଁର ଦୈତାରୀ ନାୟକ ତାଙ୍କ ବାଇକ (ନଂ.ଓଡି୦୭-୫୮୯୯)ରେ ଛତ୍ରପୁର ଆସୁଥିବା ବେଳେ ନାଜର ପେଟ୍ରୋଲ ଟାଙ୍କି ସମ୍ମୁଖ ଜାତୀୟ ରାଜପଥରେ ତାଙ୍କୁ ପଛପଟୁ ଏକ ପିକ୍‌ଅପ୍‌ ଭ୍ୟାନ୍‌ (ନଂ.ଏପି୦୫ଟିଏ-୯୮୭୫) ଧକ୍କା ଦେଇଥିଲା।

ଥାଇରଏଡ୍‌ ମାସ ପାଳିତ

ଥାଇରଏଡ୍‌ ମାସ ପାଳିତ

ବ୍ରହ୍ମପୁର ଅଫିସ, ୨୦।୧: ମହାମାୟୀ ମହିଳା ମହାବିଦ୍ୟାଳୟରେ ଶନିବାର ଥାଇରଏଡ୍‌ ମାସ ପାଳିତ ହୋଇଯାଇଛି।