ବ୍ରହ୍ମପୁର

ବନ୍ଦ ପାଇଁ ଚାଲିଛି ସରକାରୀ ଚକ୍ରାନ୍ତ

ବନ୍ଦ ପାଇଁ ଚାଲିଛି ସରକାରୀ ଚକ୍ରାନ୍ତ

ବ୍ରହ୍ମପୁର ଅଫିସ,୨୬।୧୨- ଏକଦା ଲାଭଦାୟକ ସଂସ୍ଥା ଥିଲା ଓଡ଼ିଶା ସଡ଼କ ପରିବହନ ନିଗମ(ଓଏସ୍‌ଆର୍‌ଟିସି)। ହେଲେ ସରକାରଙ୍କ ଆନ୍ତରିକତା ଅଭାବ ଯୋଗୁ ବର୍ତ୍ତମାନ ପଙ୍ଗୁ ହୋଇଗଲାଣି ଏହି ସଂସ୍ଥା। ବହୁ କ୍ଷତିରେ ଚାଲିଛି। ଏପରିକି ଓଏସ୍‌ଆର୍‌ଟିସିକୁ ବନ୍ଦ କରିଦେବା ପାଇଁ ସରକାରୀ ଚକ୍ରାନ୍ତ ଚାଲିଛି ବୋଲି ଅଭିଯୋଗ ହୋଇଛି। ମଙ୍ଗଳବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଓଏସ୍‌ଆର୍‌ଟିସି କର୍ମଚାରୀ ମହାସଂଘ ତରଫରୁ ଏହି ଅଭିଯୋଗ କରାଯିବା ସହିତ ଦକ୍ଷିଣାଞ୍ଚଳ ରାଜସ୍ବ କମିଶନର୍‌ଙ୍କୁ ଦାବିପତ୍ର ପ୍ରଦାନ କରାଯାଇଛି।
ସଂଘ ପକ୍ଷରୁ ଅଭିଯୋଗ କରାଯାଇଛି, ପୂର୍ବରୁ ୨୦୦୦ରେ ଏହି ସଂସ୍ଥାକୁ ବନ୍ଦ ନ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଥିଲେ। ହେଲେ ପରବର୍ତ୍ତୀ ସମୟରେ ସରକାର ସମସ୍ତ ପ୍ରକାର ଅନୁଦାନ ବନ୍ଦ କରିଦେଇଥିଲେ। ନିଗମର ରକ୍ଷଣାବେକ୍ଷଣ ସହିତ କର୍ମଚାରୀଙ୍କ ସୁବିଧା ଅସୁବିଧା ବୁଝିବା ପାଇଁ ନିଗମ କିମ୍ବା ରାଜ୍ୟ ସରକାର କୌଣସି ତପତ୍ରତା ଦେଖାଉନାହାନ୍ତି। ଫଳରେ କର୍ମଚାରୀମାନେ ବହୁ ଅସୁବିଧାରେ ବଞ୍ଚୁଛନ୍ତି। ବିଭିନ୍ନ ସମୟରେ ଏହା ବିରୋଧରେ ଆନ୍ଦୋଳନ କରାଯାଇଛି। କିନ୍ତୁ କୌଣସି ଫଳ ମିଳିନାହିଁ। ଦୀର୍ଘ ୨୦ବର୍ଷରୁ ଅଧିକ ଦିନ ଧରି ଅସ୍ଥାୟୀ ଭାବେ କାର୍ଯ୍ୟ କରୁଥିବା କର୍ମଚାରୀଙ୍କୁ ତୁରନ୍ତ ସ୍ଥାୟୀ କରିବାକୁ ଦାବି କରାଯାଇଛି। ସରକାରୀ ନୀତି ଅନୁଯାୟୀ ସମାନ କାମକୁ ସମାନ ଦରମା ପ୍ରଦାନ କରାଯାଉ। ସପ୍ତମ ବେତନ କମିଶନ୍‌ଙ୍କ ସୁପାରିସ ଅନୁସାରେ ଦରମା ଓ ମହଙ୍ଗା ଭତ୍ତା ପ୍ରଦାନ ସହିତ ବକେୟା ମହଙ୍ଗା ଭତ୍ତା ତୁରନ୍ତ ମିଳିବା ଆବଶ୍ୟକ। ସରକାରୀ ବସ୍‌ ଚଳାଚଳ କରୁଥିବା ରାସ୍ତାକୁ ଜାତୀୟକରଣ ମାନ୍ୟତା ଦିଆଯିବା ସହ କେବଳ ସରକରୀ ବସ୍‌ ହିଁ ଚଳାଚଳ କରିବାକୁ ଅନୁମତି ମିଳିବା ଆବଶ୍ୟକ। ଅନ୍ତଃପ୍ରାଦେଶିକ ରୁଟ୍‌ରେ ଟୁରିଷ୍ଟ ପରମିଟ୍‌ ଦ୍ୱାରା ବେଆଇନ୍‌ ଭାବେ ଚଳାଚଳ କରୁଥିବା ଘରୋଇ ବସ୍‌କୁ ତୁରନ୍ତ ଯାଞ୍ଚ କରି ବନ୍ଦ କରିବାକୁ ପଦକ୍ଷେପ ନିଆଯାଉ। ବସ୍‌ ଚଳାଚଳ ବେଳେ ଦୁର୍ଘଟଣା ଜନିତ କାରଣରୁ କର୍ତ୍ତୃପକ୍ଷ ଅବହେଳା ପ୍ରଦର୍ଶନ କରୁଛନ୍ତି। କର୍ମଚାରୀମାନେ ଉପରୋକ୍ତ କାରଣ ଯୋଗୁ ଗିରଫ ହେଲେ କର୍ତ୍ତୃପକ୍ଷ ଜାମିନ୍‌ରେ ଆଣୁନାହାନ୍ତି। ଏହାର ସ୍ଥାୟୀ ବ୍ୟବସ୍ଥା ହେବା ଆବଶ୍ୟକ। ୨୦୧୫ ଫେବୃୟାରୀ ୪ତାରିଖରେ ନିଗମର ସିଏମ୍‌ଡି କରିଥିବା ଚୁକ୍ତି ଏବଂ ୨୦୧୬ ଜୁନ୍‌ ୧୭ତାରିଖରେ କର୍ମଚାରୀ ସଂଗଠନ ପକ୍ଷରୁ ହୋଇଥିବା ଚୁକ୍ତି ତୁରନ୍ତ କାର୍ଯ୍ୟକାରୀ କରାଯାଉ। ସୁପ୍ରିମ୍‌କୋର୍ଟ ନିର୍ଦ୍ଦେଶାନୁସାରେ ପରିବହନ କର୍ମଚାରୀଙ୍କୁ ସରକାରୀ ହାରରେ ପେନ୍‌ସନ୍‌ ବ୍ୟବସ୍ଥା କରାଯାଉ। ୧୨ପ୍ରତିଶତ ହାରରେ କର୍ମଚାରୀଙ୍କ ଇପିଏଫ୍‌ କର୍ତ୍ତୃପକ୍ଷଙ୍କ ଜରିଆରେ ପୈଠ କରାଯାଉ। ଯାହାଦ୍ୱାରା କର୍ମଚାରୀମାନେ ଅଧିକ ପେନ୍‌ସନ୍‌ ପାଇବା ପାଇଁ ଯୋଗ୍ୟ ହୋଇପାରିବେ। ସରକାରଙ୍କ ଘୋଷଣା ଅନୁଯାୟୀ ଗ୍ରାଚ୍ୟୁଇଟିକୁ ୨୦ଲକ୍ଷକୁ ବୃଦ୍ଧି କରାଯାଉ। ରାଜ୍ୟରେ ୮ହଜାରରୁ ଊର୍ଦ୍ଧ୍ୱ ଘରୋଇ ବସ୍‌ ତୁଳନାରେ ସରକାରୀ ବସ୍‌ ସଂଖ୍ୟା ମାତ୍ର ୪୭୦। ସରକାରୀ ଗାଡ଼ିଗୁଡ଼ିକ ଏଥିଯୋଗୁ କ୍ଷତି ସହୁଛି। ଏଣୁ ନିଗମକୁ ବଞ୍ଚାଇବାକୁ ହେଲେ ସରକାରୀ ଗାଡ଼ିଗୁଡ଼ିକର ସଂଖ୍ୟା ବଢ଼ାଯିବା ଆବଶ୍ୟକ। ରକ୍ଷଣାବେକ୍ଷଣକୁ ତୁରନ୍ତ ଦୃଷ୍ଟି ଦିଆଯିବା ସହ ନିଗମର ଖାଲି ପଡ଼ିଥିବା ଜାଗାରେ ଦୋକାନ ବଜାର କଲେ ନିଗମର ଆୟ ବଢ଼ାଯିବା ସହିତ ରାଜ୍ୟର ବିଭିନ୍ନ ବର୍ଗର ଶିକ୍ଷିତ ବେକାରିଙ୍କ ନିଯୁକ୍ତି ସୃଷ୍ଟି ହୋଇପାରିବ। ବହୁ ବର୍ଷ ଧରି ଗୋଟିଏ ପଦବୀରେ କାର୍ଯ୍ୟରତ କର୍ମଚାରୀଙ୍କ ପଦୋନ୍ନତି କରାଯିବାକୁ ଦାବି କରାଯାଇଛି। ଦାବିପତ୍ର ପ୍ରଦାନ ବେଳେ ମହାସଂଘର କର୍ମକର୍ତ୍ତାଙ୍କ ସମେତ ବହୁ କର୍ମଚାରୀ ଉପସ୍ଥିତ ଥିଲେ।

All Right Reserved By

Model This Week

Model This Week

ବ୍ରହ୍ମପୁର

ଆର୍‌ଡିସିଙ୍କ କୁକୁଡ଼ାଖଣ୍ଡି ବ୍ଲକ ପରିଦର୍ଶନ

ଆର୍‌ଡିସିଙ୍କ କୁକୁଡ଼ାଖଣ୍ଡି ବ୍ଲକ ପରିଦର୍ଶନ

ବାଲିପଡ଼ା,୨୪।୪- ଦକ୍ଷିଣାଞ୍ଚଳ ରାଜସ୍ବ କମିଶନର ଟି. ଆଓ ମଙ୍ଗଳବାର କୁକୁଡ଼ାଖଣ୍ଡି ବ୍ଲକ ପରିଦର୍ଶନରେ ଆସି ବିଭିନ୍ନ ଉନ୍ନୟନମୂଳକ କାର୍ଯ୍ୟ ବୁଲି ଦେଖିଛନ୍ତି। ପ୍ରଥମେ ୩୫ ଲକ୍ଷ ଟଙ୍କା ବ୍ୟୟରେ ନିର୍ମାଣ ଚାଲିଥିବା କଲ୍ୟାଣ ମଣ୍ଡପ ବୁଲି ଦେଖିବା ସହ ବ୍ଲକ ପ୍ରଶାସନ ଉପରେ ବର୍ଷିଥିଲେ ଏବଂ କାର୍ଯ୍ୟ ଶୀଘ୍ର ସାରିବା ପାଇଁ ତାଗିଦ୍‌ କରିଥିଲେ। ଉକ୍ତ ପଞ୍ଚାୟତ ଗୃହ ୩୫ ଲକ୍ଷ ଟଙ୍କା ବ୍ୟୟରେ ନିର୍ମାଣ ଚାଲିଥିବା ବେଳେ ମନରେଗାରେ ନିର୍ମାଣ ଚାଲିଥିବା ଲାଞ୍ଜିଆ ପଞ୍ଚାୟତର ନାଳ ଓ ଗାର୍ଡଓ୍ବାଲ ବୁଲି ଦେଖିଥିଲେ। ଅନ୍ୟପକ୍ଷରେ ବାଲିପଡ଼ା ପଞ୍ଚାୟତର ଟିକରପଡ଼ା ଗ୍ରାମରେ ଏକ କ୍ଲଷ୍ଟର ଘର ବୁଲି ଦେଖିବା ସହ ଲୋକଙ୍କ ସୁବିଧା ଅସୁବିଧା ପଚାରି ବୁଝିଥିଲେ।

ବାଘୁଆ ସେତୁର ଗାର୍ଡଓ୍ବାଲ୍‌ ମରାମତି ଦାବି

ବାଘୁଆ ସେତୁର ଗାର୍ଡଓ୍ବାଲ୍‌ ମରାମତି ଦାବି

ବୁଗୁଡ଼ା,୨୪।୪(ଡି.ଏନ.ଏ.)- ବୁଗୁଡ଼ା ଠାରୁ ପର୍ଯ୍ୟଟନ କେନ୍ଦ୍ର ବୁଦ୍ଧଖୋଲ ଯିବା ରାସ୍ତାରେ ଥିବା ବାଘୁଆ ସେତୁର ଭାଙ୍ଗି ଯାଇଥିବା ନିରାପତ୍ତା କାନ୍ଥ (ଗାର୍ଡୱାଲ)କୁ ମରାମତି କରିବା ପାଇଁ କତକଲା ଗ୍ରାମବାସୀ ସୋମବାର ଗ୍ରାମ୍ୟ ଉନ୍ନୟନ ଡିଭିଜନ ନଂ-୧ ବ୍ରହ୍ମପୁରର ନିର୍ବାହୀ ଯନ୍ତ୍ରୀଙ୍କୁ ଲିଖିତ ଆକାରରେ ଜଣାଇଛନ୍ତି। ବୁଗୁଡ଼ାଠାରୁ ବୁଦ୍ଧଖୋଲ ପର୍ଯ୍ୟଟନ କେନ୍ଦ୍ରସ୍ଥଳିକୁ ଗଲା ବେଳେ ବାଟରେ ପଡେ ବାଘୁଆ ସେତୁ।

ଅଜଣା ଗାଡି ଧକ୍କାରେ ଯୁବକଙ୍କ ମୃତ୍ୟୁ

ଅଜଣା ଗାଡି ଧକ୍କାରେ ଯୁବକଙ୍କ ମୃତ୍ୟୁ

ଚିକିଟି,୨୪।୪(ଡି.ଏନ.ଏ.)- ମଙ୍ଗଳବାର ସକାଳ ପ୍ରାୟ ସାଢେ ୯ଟାରେ ଗୋଳନ୍ଥରା ଥାନା ଅନ୍ତର୍ଗତ ହିଞ୍ଜିଳି ଗଁ। ନିକଟରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଇଚ୍ଛାପୁର ଥାନା ଏଏସ୍‌ପେଟାର ଏସ୍‌. ଦଳେୟା (୩୯) । ଦଳେୟା ବାଇକ (ନଂ.ଏପି୩୦ପି-୬୧୨୪)ରେ ଚିକିଟିରୁ ସୋରଳ ଜଙ୍ଗସନ୍‌ ଦେଇ ନିଜ ଗ୍ରାମକୁ ଫେରୁଥିବା ବେଳେ ହିଞ୍ଜିଳିଗଁ। ନିକଟରେ ଏକ ଅଜଣା ଗାଡି ପଛ ପଟୁ ଧକ୍କା ଦେଇ ଚାଲିଯାଇଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା। ଗୋଳନ୍ଥରା ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ରହ୍ମପୁର ବଡ ମେଡିକାଲକୁ ବ୍ୟବଚ୍ଛେଦ ପାଇଁ ପଠାଇବା ସହ ବାଇକ୍‌ ଜବତ କରିଥିଲା। ଏନେଇ ଗୋଳନ୍ଥରା ଥାନାରେ ନଂ.୭୯/୨୦୧୮ ମାମଲା ରୁଜୁ ହୋଇଛି।

ବଜ୍ରପାତରେ ଶ୍ରମିକ ମୃତ

ବଜ୍ରପାତରେ ଶ୍ରମିକ ମୃତ

ଭଞ୍ଜଜନଗର,୨୪।୪(ଡି.ଏନ୍‌.ଏ.): ଗଞ୍ଜାମ ଜିଲା ଭଞ୍ଜନଗର ଅଞ୍ଜଳରେ ମଙ୍ଗଳବାର ଅପରାହ୍ନରେ ହୋଇଥିବା ଝଡ ତୋଫାନ ଓ ବର୍ଷାରେ ଜଣେ ଶ୍ରମିକଙ୍କ ମୃତ୍ୟୁ ହେବା ସହ ଅନ୍ୟ ୨ ଆହତ ହୋଇଥିବା ଜଣାପଡିଛି।

କ.ନୂଆଗଁ। ତହସିଲ କର୍ମଚାରୀଙ୍କ ଧାରଣା ଜାରି

କ.ନୂଆଗଁ।,୨୪।୪(ଡି.ଏନ୍‌.ଏ.)- କନ୍ଧମାଳ ଜିଲା କ.ନୂଆଗଁ। ତହସିଲଦାରଙ୍କ କାର୍ଯ୍ୟକଳାପରେ ଅସନ୍ତୋଷ ବ୍ୟକ୍ତ କରି ତହସିଲ କର୍ମଚାରୀଙ୍କ ପକ୍ଷରୁ ଧାରଣା ଜାରି ରହିଛି। ଧାରଣା ଦ୍ୱିତୀୟ ଦିନରେ ପହଞ୍ଚତ୍ଥିଲେ ସୁଦ୍ଧା କୌଣସି ଉଚ୍ଚ ପଦାଧିକାରୀ ଧାରଣାସ୍ଥଳରେ ପହଞ୍ଚତ୍ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବର୍ତ୍ତମାନ ଛାତ୍ରୀଛାତ୍ରମାନେ ବିଦ୍ୟାଳୟରେ ନାମ ଲେଖାଇବା ପାଇଁ ଆବଶ୍ୟକ ଥିବା ସ୍ଥାୟୀ ବାସିନ୍ଦା ପତ୍ର, ଜାତି ପ୍ରମାଣ ପତ୍ର, ଆଦାୟ ପ୍ରମାଣପତ୍ର ପାଇଁ ଆର୍‌ଆଇମାନଙ୍କ ଅନୁପସ୍ଥିତ ଯୋଗୁ ହିତାଧିକାରୀମାନେ ଅନ୍‌ଲାଇନରେ ଆବେଦନ କରିପାରୁନାହାନ୍ତି। ଉଚ୍ଚ କର୍ତ୍ତୃପକ୍ଷ ଏଥିରେ ହସ୍ତକ୍ଷେପ କରି ତୁରନ୍ତ ସମାସ୍ୟାର ସମାଧାନ କରିବାକୁ ଦାବି ହେଉଛି।

ଲକ୍ଷ୍ମୀନୃସିଂହ ଯାତ୍ରା ପ୍ରସ୍ତୁତି ବୈଠକ

ଲକ୍ଷ୍ମୀନୃସିଂହ ଯାତ୍ରା ପ୍ରସ୍ତୁତି ବୈଠକ

ହିଞ୍ଜିଳିକାଟୁ,୨୪।୪(ଡି.ଏନ୍‌.ଏ.)- ହିଞ୍ଜିଳିକାଟୁ ପୌରପରିଷଦ ସଭାଗୃହରେ କାଟୁ ଲକ୍ଷ୍ମୀନୃସିଂହ ଯାତ୍ରା ନିମନ୍ତେ ଏକ ପ୍ରସ୍ତୁତି ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଆସନ୍ତା ୨୮ରୁ ୩୦ ପର୍ଯ୍ୟନ୍ତ ଏହି ଯାତ୍ରା ଅନୁଷ୍ଠିତ ହେବ। ଯାତ୍ରା ଆୟୋଜନ କରୁଥିବା ରଙ୍ଗଣୀ ବାଡ଼, କେଉଟ ବାଡ଼ ଓ ପାଟଣା ସାହି ଯାତ୍ରା କମିଟିର ସଦସ୍ୟ ଓ ବିଭିନ୍ନ ପ୍ରଶାସନିକ ଅଧିକାରୀଙ୍କୁ ନେଇ ହୋଇଥିବା ଏହି ପ୍ରସ୍ତୁତି ବୈଠକରେ ପୌରାଞ୍ଚଳ ଅଧ୍ୟକ୍ଷା ଗୌରୀ ପାଣିଗ୍ରାହୀ ଅଧ୍ୟକ୍ଷତା କରିଥିଲେ ।

ବନ୍ଧୁକ, ବୋମା ଜବତ, ଯୁବକ ଗିରଫ

ଆସିକା,୨୪।୪(ଡି.ଏନ୍‌.ଏ.) ଆସିକା-ବାଲିପଦର ମୁଖ୍ୟ ରାସ୍ତାରେ ଥିବା କୁଷ୍ଠ ତାଲିମ କେନ୍ଦ୍ର ନିକଟରୁ ସୋମବାର ରାତିରେ ପୋଲିସ ଜଣେ ଯୁବକଙ୍କ ନିକଟରୁ ବନ୍ଧୁକ ଓ ୩ ବୋମା ଜବତ କରିବା ସହ ତାଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ଆସିକା ଥାନା କୋଟିବାଡି ଗ୍ରାମର ସୂର୍ଯ୍ୟମଣି ପାତ୍ର । ସେ କୌଣସି ଏକ ଅପରାଧ ଘଟାଇବାକୁ ଯୋଜନା କରୁଥିବା ସୂଚନା ମିଳିଥିଲା ବୋଲି ଥାନା ଅଧିକାରୀ ସନ୍ତୋଷ କୁମାର ଜେନା କହିଛନ୍ତି। ଏ ନେଇ ଥାନାରେ ନଂ.୧୩୪/୧୮ରେ ଏକ ମାମଲା ରୁଜୁ କରାଯାଇ ମଙ୍ଗଳବାର ଅପରାହ୍ନରେ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।

 ଆମ ପୋଲିସ ସମିତି ବୈଠକ

ଆମ ପୋଲିସ ସମିତି ବୈଠକ

ବୁଗୁଡ଼ା,୨୪।୪(ଡି.ଏନ.ଏ.)-ବୁଗୁଡ଼ା ଥାନା ପକ୍ଷରୁ ମଙ୍ଗଳବାର ସ୍ଥାନୀୟ ପିପୁଲ୍ସ ହାଇସ୍କୁଲରେ ଆମ ପୋଲିସ ସମିତିର ଏକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଭଞ୍ଜନଗର ଏସଡିପିଓ ଉକତ୍ଳ କେଶରୀ ଦାଶ ସଭାପତିତ୍ୱ କରିଥିଲେ। ବୁଗୁଡ଼ା ଥାନା ଆଇଆଇସି ରାମଚନ୍ଦ୍ର ବିଶ୍ୱାଳ, ଏସଆଇ ବିନାୟକ ମନ୍ତ୍ରୀ, ଏସଆଇ କିଶୋର ଚନ୍ଦ୍ର ଚୌଧୁରୀ, ଇଣ୍ଡିଆନ ବ୍ୟାଙ୍କ ବୁଗୁଡ଼ା ଶାଖାର ପରିଚାଳକ ଏସ.କେ ବେହେରା, ଷ୍ଟେଟବ୍ୟାଙ୍କ ବୁଗୁଡ଼ା ଶାଖା ପରିଚାଳକ ଅନିଲ କୁମାର ସୁନାଥର, ପ୍ରଧାନ ଶିକ୍ଷକ ବସନ୍ତ କୁମାର ପଣ୍ଡା ପ୍ରମୁଖ ଉପସ୍ଥିତ ରହିଥିଲେ।

ସୁମାଣ୍ଡି ଛକରେ ପୃଥକ ଦୁର୍ଘଟଣା, ୨ ମୃତ

ସୁମାଣ୍ଡି ଛକରେ ପୃଥକ ଦୁର୍ଘଟଣା, ୨ ମୃତ

ଚିକିଟି,୨୪।୪(ଡି.ଏନ.ଏ)-ଚିକିଟି ବ୍ଲକ ସୁମାଣ୍ଡି ପଞ୍ଚାୟତ ଆର ସୁମାଣ୍ଡି ଛକ ଡେଥ ଜୋନ ପାଲଟିଥିବା ଆଲୋଚନା ହେଉଛି ା ଏହି ଛକରେ ସୋମବାର ରାତିରେ ଟ୍ରକ ମାଡିଯାଇ ଜଣଙ୍କର ମୃତ୍ୟୁ ଘଟିଥିବା ବେଳେ ଏହାର ୧୧ ଘଣ୍ଟା ପରେ ଅର୍ଥାତ ମଙ୍ଗଳବାର ସକାଳ ୮ଟାରେ ଟ୍ରକ ଧକ୍କାରେ ଜଣେ ବ୍ୟବସାୟୀଙ୍କ ମୃତ୍ୟୁ ଘଟିଛି। ସୁମାଣ୍ଡି ଗ୍ରାମର ବି. ସାରଥି (୫୫)ଙ୍କୁ ସୋମବାର ରାତିରେ ଟ୍ରକ ମାଡିଯାଇଥିବା ବେଳେ ମଙ୍ଗଳବାର କତୁରୁ ନୂଆଗାଁର ବ୍ୟବସାୟୀ ହିନ ବେହେରା (୪୫)ଙ୍କର ମୃତ୍ୟୁ ଘଟିଛି। ୧୧ ଘଣ୍ଟା ବ୍ୟବଧାନରେ ଦୁଇଟି ଦୁର୍ଘଟଣା ନେଇ ଅଞ୍ଚଳବାସୀ ଯାତାୟାତ ବେଳେ ସୁରକ୍ଷା ନେଇ ଚିନ୍ତାରେ ପଡ଼ିଛନ୍ତି।

ଖେମୁଣ୍ଡି ଓକିଲ ସଂଘର ଆଲୋଚନା ସଭା

ଦିଗପହଣ୍ଡି,୨୪।୪(ଡି.ଏନ.ଏ)-ଦିଗପହଣ୍ଡିସ୍ଥିତ ଖେମୁଣ୍ଡି ଓକିଲ ସଂଘର ପରିବର୍ଦ୍ଧିତ ଆଲୋଚନା ସଭା ଅନୁଷ୍ଠିତ ହୋଇଯାଇଛି। ସଂଘ କାର୍ଯ୍ୟାଳୟରେ ଆୟୋଜିତ ଏହି ସଭାରେ ସଭାପତି ରସାନନ୍ଦ ରାଉତ ଅଧ୍ୟକ୍ଷତା କରିଥିଲେ। ଏଥିରେ ଆସନ୍ତା ଶନିବାର ଆଇନଜୀବୀ ଦିବସ ଓ ମଧୁବାବୁ ଜୟନ୍ତୀ ପାଳନ ପାଇଁ ନିଷ୍ପତ୍ତି ନିଆଯାଇଥିଲା। ଉକ୍ତ ଦିନ ବ୍ଲକ ସମ୍ମିଳନୀ କକ୍ଷରେ ଆଇନସେବା ଓ ମଧୁବାବୁ ଶୀର୍ଷକ ଆଲୋଚନାଚକ୍ର କରାଯିବାକୁ ସର୍ବସମ୍ମତ ନିଷ୍ପତ୍ତି ନିଆଯାଇଥିଲା।

ବାଲିଘାଟରୁ ବଟି ଆଦାୟ ମାମଲା: ରମେଶ ଜେନାଙ୍କ ସମେତ ୭ ନିର୍ଦ୍ଦୋଷ

ପୁରୁଷୋତ୍ତମପୁର,୨୪।୪(ଡି.ଏନ୍‌.ଏ.)-ପୁରୁଷୋତ୍ତମପୁର ଥାନା ଆଛୁଲି ଗ୍ରାମ ନିକଟ ଋଷିକୁଲ୍ୟା ନଦୀ ଘାଟରୁ ବଟି ଆଦାୟ ମାମଲାରେ ସାନଖେମୁଣ୍ଡିର ପୂର୍ବତନ ବିଧାୟକ ରମେଶ ଚନ୍ଦ୍ର ଜେନା, କୃପାସିନ୍ଧୁ ମୁଦୁଲିଙ୍କ ସମେତ ୭ ଜଣ ମଙ୍ଗଳବାର ନିର୍ଦ୍ଦୋଷ ସାବସ୍ତ୍ୟ ହୋଇଛନ୍ତି। ପୁରୁଷୋତ୍ତମପୁର କୋର୍ଟର ପ୍ରଥମଶ୍ରେଣୀ ବିଚାରପତି ଅନ୍ନପୂର୍ଣ୍ଣା ଷଡ଼ଙ୍ଗୀ ୧୮ ଜଣ ସାକ୍ଷୀଙ୍କ ବୟାନକୁ ଭିତ୍ତିିକରି ଏହି ରାୟ ଶୁଣାଇଛନ୍ତି।

ଅଘୋଷିତ ବିଦ୍ୟୁତ୍‌କାଟ୍‌: ବଢୁଛି ଅସନ୍ତୋଷ

ଅଘୋଷିତ ବିଦ୍ୟୁତ୍‌କାଟ୍‌: ବଢୁଛି ଅସନ୍ତୋଷ

ଚନ୍ଦ୍ରଗିରି,୨୪।୪(ଡି.ଏନ୍‌.ଏ.)- ବିଭିନ୍ନ ସହରର ପାରଦ ୪୦ ଛୁଇଁଛି। ଜନଜୀବନ ଅସ୍ତବ୍ୟସ୍ତ ହୋଇ ପଡିଲାଣି। ଏଭଳି ସମୟରେ ବାରମ୍ବାର ଅଘୋଷିତ ବିଦ୍ୟୁତ୍‌ କାଟ୍‌ ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇ ପଡୁଛି। ଏଭଳି ଘଟଣା ଦେଖିବାକୁ ମିଳିଛି ଗଜପତି ଜିଲା ମୋହନା ବ୍ଲକ ଚନ୍ଦ୍ରଗିରି ଅଞ୍ଚଳରେ। ସାଉଥ୍‌କୋ ପକ୍ଷରୁ ଏଠାରେ ବାରମ୍ବାର ଅଘୋଷିତ ବିଦ୍ୟୁତ କାଟ୍‌ ଯୋଗୁ ଅସନ୍ତୋଷ ଦେଖା ଦେଇଛି। ୨୪ ଘଣ୍ଟାରୁ ୪ ଘଣ୍ଟାବି ବିଦ୍ୟୁତ୍‌ ଠିକ୍‌ରେ ଆସୁନାହିଁ।