Dharitri News
ବାଲେଶ୍ୱର

ଚୋରା ଚାର୍ଜକ୍ରୋମ୍‌ ବୋଝେଇ ଟ୍ରକ୍‌ ଜବତ

ଚୋରା ଚାର୍ଜକ୍ରୋମ୍‌ ବୋଝେଇ ଟ୍ରକ୍‌ ଜବତ ବାଲେଶ୍ୱର ଅଫିସ/ରେମୁଣା, ୨୬।୧୨(ଡି.ଏନ.ଏ.)-ବାଲେଶ୍ୱର ଶିଳ୍ପାଞ୍ଚଳ ଥାନା ସମ୍ମୁଖରୁ ଚୋରା ଚାର୍ଜକ୍ରୋମ୍‌ ପଥର ବୋଝେଇ ଟ୍ରକ ଜବତ ହୋଇଛି। ଏହି ପଥରର ଆନୁମାନିକ ମୂଲ୍ୟ ୫ଲକ୍ଷ ଟଙ୍କା ହେବ। ଡ୍ରାଇଭର ଉତ୍ତରପ୍ରଦେଶ ବାରଣାସୀର ସରେୟା ଅଞ୍ଚଳର ସମଜିତ୍‌ ଯାଦବ (୩୦) ଏବଂ ହେଲପର ଝାଡ଼ଖଣ୍ଡ ରାଜ୍ୟ ରାଞ୍ଚତ୍ର ଖୁଣ୍ଟି ଅଞ୍ଚଳର ହାହୁଲ ସୋନି (୨୨)ଙ୍କୁ ଗିରଫ କରାଯାଇଛି। ଥାନାରେ ମାମଲା (ନଂ. ୧୪୭/୧୭) ରୁଜୁ କରାଯାଇ ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି। ଚୋରା ଚାର୍ଜକ୍ରୋମ୍‌ ପଥର ମୂଲ୍ୟ ଲକ୍ଷାଧିକ ଟଙ୍କା ହୋଇଥିବା ବେଳେ ଏହାର ଚେର ଲମ୍ବିଛି ଓଡ଼ିଶାର ଯାଜପୁରରୁ ଉତ୍ତରପ୍ରଦେଶର ବନାରସ ପର୍ଯ୍ୟନ୍ତ। ଯାଜପୁର ଭିସା ଷ୍ଟିଲ୍‌ କମ୍ପାନୀରୁ ବାହାରୁଥିବା ଚାର୍ଜକ୍ରୋମ୍‌ ଦେଶର ବିଭିନ୍ନ ଷ୍ଟିଲପ୍ଲାଣ୍ଟକୁ ଯୋଗାଣ କରାଯାଏ। ଭିସା ଷ୍ଟିଲ୍‌ର ଲେବୁଲ୍‌ ମାର୍କ ଲଗାଯାଇ ଏହି ଚାର୍ଜକ୍ରୋମ୍‌କୁ ପ୍ୟାକିଂ କରାଯାଇଥାଏ। ଏହାପରେ ମଧ୍ୟ ଟ୍ରକ୍‌ ଡ୍ରାଇଭର ଏବଂ ହେଲପରମାନେ ରାସ୍ତାରେ ଯାଉଥିବା ବେଳେ ବିଭିନ୍ନ ସବ୍‌ଏଜେଣ୍ଟମାନଙ୍କ ଦ୍ୱାରା ଅଳ୍ପ ଅଳ୍ପ ବିକ୍ରି କରିଥାନ୍ତି। ଏହାକୁ ଏକତ୍ର କରାଯାଇ ବେଆଇନ ଭାବେ ମାଫିଆମାନେ କମ୍‌ ମୂଲ୍ୟରେ ଷ୍ଟିଲପ୍ଲାଣ୍ଟଗୁଡ଼ିକୁ ଯୋଗାଣ କରିଥାନ୍ତି। ୧୨ଚକିଆ ଟ୍ରକ୍‌ (ନଂ. ଡବ୍ଲ୍ୟୁବି୧୧ଡି-୪୨୫୧)ରେ ୧୯ଟନ୍‌ର ଚୋରା ଚାର୍ଜକ୍ରୋମ୍‌ ବୋଝେଇ କରିଯାଉଥିବା ବେଳେ ବାମପଦା ଛକରେ ପୋଲିସ ଜବତ କରିଥିଲା। ଜବତ ଚାର୍ଜକ୍ରୋମ୍‌ ଭିସା ଷ୍ଟିଲ୍‌ର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯିବା ସହ ଏହି ବେପାରର ଚୋରା କାରବାର ଯାଜପୁରଠାରୁ ଆରମ୍ଭ କରି ବନାରସ ପର୍ଯ୍ୟନ୍ତ ଲମ୍ବିଥିବାର ଶିଳ୍ପାଞ୍ଚଳ ଥାନା ଅଧିକାରୀ ପରେଶ ରାଉତ କହିଛନ୍ତି।

ବାଲେଶ୍ୱର

ଚୋରା ବାଇକ ଜବତ : ଯୁବକ ଗିରଫ

ବନ୍ତ,୨୨।୧ : ବନ୍ତ ପୋଲିସ ପୂର୍ବରୁ ଚୋରି ଯାଇଥିବା ଏକ ବାଇକକୁ ସୋମବାର ଜବତ କରିବା ସହ ଏଥିରେ ସମ୍ପୃକ୍ତ ଯୁବକଙ୍କୁ ଗିରଫ କରିଛି।

୨ ବଖରା ଜଳିଗଲା

ଭଦ୍ରକ ଅଫିସ,୨୨।୧-ବାସୁଦେବପୁର ବ୍ଲକ ଜଗନ୍ନାଥ ପ୍ରସାଦ ପଞ୍ଚାୟତର ମିଶ୍ରପୁର ଗ୍ରାମରେ ଅଗ୍ନିକାଣ୍ଡ ଘଟି ହରେକୃଷ୍ଣ ଦତ୍ତଙ୍କ ୨ବଖରା ଘର ଜଳିଯାଇଛି।

ଯୋଜନାରେ ଅଟକିଯାଉଛି ପ୍ରକଳ୍ପ

ଯୋଜନାରେ ଅଟକିଯାଉଛି ପ୍ରକଳ୍ପ

ଭଦ୍ରକ ଅଫିସ, ୨୨।୧-ଭଦ୍ରକ ସ୍ବତନ୍ତ୍ର ଜିଲାର ମାନ୍ୟତା ପାଇବାର ୨୫ବର୍ଷ ବିତିଯାଇଥିଲେ ମଧ୍ୟ ଏଯାଏ ଜିଲା ପ୍ରଶାସନ ପକ୍ଷରୁ ସେଭଳି ଆଖିଦୃଶିଆ ପଦକ୍ଷେପ ନିଆଯାଇନାହିଁ। ନିକଟରେ ଜିଲାପାଳଙ୍କ ନୂତନ କାର୍ଯ୍ୟାଳୟ ଗୃହ ଉଦ୍‌ଘାଟନ ହୋଇ ସ୍ଥାନାନ୍ତର ହୋଇଛି। ଏହାକୁ ବାଦ୍‌ ଦେଲେ ସେମିତି ବଡ଼ ପ୍ରକଳ୍ପ କାର୍ଯ୍ୟକାରୀ ହୋଇନାହିଁ। ନୂତନ ପ୍ରକଳ୍ପ ପାଇଁ ଯୋଜନା କରାଯାଉଛି ସତ, କାର୍ଯ୍ୟକାରୀ କରାଯାଉନାହିଁ।

ସ୍ବମ୍ପପମ୍ପ ଲଗାଇ ବାଲି ଉତ୍ତୋଳନ: ସ୍କୁଲ ଛାତରୁ ପ୍ଲାଷ୍ଟର ଖସିଲା

ସ୍ବମ୍ପପମ୍ପ ଲଗାଇ ବାଲି ଉତ୍ତୋଳନ: ସ୍କୁଲ ଛାତରୁ ପ୍ଲାଷ୍ଟର ଖସିଲା

ଜଳେଶ୍ୱର, ୨୨।୧(ଡି.ଏନ.ଏ./ସ୍ବ.ପ୍ର.)-ସୁବର୍ଣ୍ଣରେଖା ନଦୀପଠାରୁ ସ୍ବମ୍ପପମ୍ପ ଲଗାଇ ବେଆଇନ ଭାବେ ବାଲି ଉତ୍ତୋଳନ ଉପକୂଳବାସୀଙ୍କ ପାଇଁ ବିପଦ ସାଜିଛି। ସୋମବାର ନଦୀକୂଳରୁ ୪ଶହ ମିଟର ଦୂରରେ ଥିବା ଜଳେଶ୍ୱର ବ୍ଲକ ରାଇବଣିଆ ଥାନା ମାକିଡ଼ିଆ ପଞ୍ଚାୟତ କୁଅଁରପୁର ଗ୍ରାମ ବିଶ୍ୱେଶ୍ୱର ନୋଡାଲ ୟୁପି ସ୍କୁଲର ଛାତରୁ ହଠାତ୍‌ ପ୍ଲାଷ୍ଟର ଖସିପଡ଼ିଥିଲା।

ଟ୍ରାକ୍ଟର ଧକ୍କାରେ ଯୁବକଙ୍କ ମୃତ୍ୟୁ ଘଟଣା: ମୃତଦେହ ରଖି ଗ୍ରାମବାସୀଙ୍କ ରାସ୍ତା ଅବରୋଧ

ଟ୍ରାକ୍ଟର ଧକ୍କାରେ ଯୁବକଙ୍କ ମୃତ୍ୟୁ ଘଟଣା: ମୃତଦେହ ରଖି ଗ୍ରାମବାସୀଙ୍କ ରାସ୍ତା ଅବରୋଧ

ବାଲିଆପାଳ, ୨୨।୧(ଡି.ଏନ.ଏ.)-ରବିବାର ସନ୍ଧ୍ୟାରେ ବାଲିଆପାଳ ବ୍ଲକ ସୁନାରୁଇ-ଲଙ୍ଗଳେଶ୍ୱର ରାସ୍ତାର ସୁନାରୁଇ ପୀରପୋଖରୀ ନିକଟରେ ଟ୍ରାକ୍ଟର ଧକ୍କାରେ ସ୍ଥାନୀୟ ଗ୍ରାମର ଚିନ୍ମୟ ଜେନାଙ୍କ ମୃତ୍ୟୁ ହୋଇଥିଲା। ପୋଲିସର ନିଷ୍କ୍ରିୟତା ପ୍ରତିବାଦରେ ସୋମବାର ଶତାଧିକ ଗ୍ରାମବାସୀ ବାଲିଆପାଳ-ବସ୍ତା ରାସ୍ତାର ଇଡକୋ ଛକଠାରେ ମୃତଦେହ ରଖି ଅବରୋଧ କରିଥିଲେ। ଦ୍ୱିତୀୟ ଦିନରେ ମଧ୍ୟ ଶବ ବ୍ୟବଚ୍ଛେଦ ହୋଇପାରି ନ ଥିବା ବେଳେ ଯାନବାହନ ଚଳାଚଳ ଠପ୍‌ ହୋଇଯାଇଛି।

ମା’ ସରସ୍ବତୀଙ୍କ ମନ୍ଦିରରେ ବିଦ୍ୟାରମ୍ଭ

ଉଦଳା, ୨୨।୧(ଡି.ଏନ.ଏ.) - ମୟୂରଭଞ୍ଜ ଜିଲା କପ୍ତିପଦା ଉପଖଣ୍ଡର ସଦର ମହକୁମା ଉଦଳା ସହରାଞ୍ଚଳରେ ବିଦ୍ୟାଦାୟିନୀ ମା’ ସରସ୍ବତୀଙ୍କ ମନ୍ଦିରରେ ସରସ୍ବତୀ ପୂଜା ବେଶ ଜାକଜମକରେ ପାଳିତ ହୋଇଛି। ଏହି ଅବସରରେ ୧୭୭ ନୂତନ ବିଦ୍ୟାର୍ଥୀ ବିଦ୍ୟା ଆରମ୍ଭ କରିଛନ୍ତି।

ଜବରଦଖଲ ଉଚ୍ଛେଦ ନ ହେଲେ ଧାରଣା

ବଡସାହି,୨୨।୧(ସ୍ବ.ପ୍ର)- ବଡସାହି ବ୍ଲକ ଅଧୀନ ଶାଆଁଳପୁର ଗ୍ରାମର ସରକାରୀ ଗୋଚର ଜମି ଜବରଦଖଲକୁ ନେଇ ଗ୍ରାମ ସୁରକ୍ଷା କମିଟି ପକ୍ଷରୁ ଆସନ୍ତା ୨୪ତାରିଖରେ ବଡସାହି ତହସିଲ ସମ୍ମୁଖରେ ଧାରଣା ଦେବା ପାଇଁ ଚେତାବନୀ ଦିଆଯାଇଛି।

ବାଣୀପୀଠ ପୁରସ୍କାର ପାଇବେ ଡକ୍ଟର ଫନୀ ମହାନ୍ତି

ଗୋପବନ୍ଧୁନଗର, ୨୨।୧(ଡି.ଏନ୍‌.ଏ)- ବଡସାହିସ୍ଥିତ ବିବେକାନନ୍ଦ ବିହାରଠାରେ ୩୮ତମ ବାଣୀପୀଠ ମହୋତ୍ସବ ଆଗାମୀ ୨୬ରୁ ୨୮ ତାରିଖ ପର୍ଯ୍ୟନ୍ତ ୩ ଦିନ ଧରି ଚାଲୁରହିବ। ପ୍ରଥମ ଦିନରେ ଆମ ସୁନାଚାନ୍ଦ ଜାତୀୟ ଶିଶୁ ସାହିତ୍ୟ ସଂସ୍ଥାନ ତରଫରୁ ରାଜ୍ୟସ୍ତରୀୟ ଶିଶୁ କିଶୋର ପ୍ରତିଭା ମେଳା ଅନୁଷ୍ଠିତ ହେବ। ଦ୍ୱିତୀୟ ଦିନରେ ବିବେକାନନ୍ଦ ଶିକ୍ଷା କେନ୍ଦ୍ରର ୧୮ତମ ବାର୍ଷିକ ଉତ୍ସବ ଓ ଅଭିଭାବକ ସମ୍ମେଳନ ଅନୁଷ୍ଠିତ ହେବ।

ଅଗ୍ନିକାଣ୍ଡରେ ୩ ମୃତ

ଯଶିପୁର,୨୨।୧(ଡି.ଏନ.ଏ.)-ମୟୂରଭଞ୍ଜ ଜିଲା ଶିମିଳିପାଳ ଅଭୟାରଣ୍ୟ ନିକଟବର୍ତ୍ତୀ ଲୁଣିଆଗୋଡା ଗ୍ରାମରେ ରବିବାର ବିଳମ୍ବିତ ରାତିରେ ଏକ ଅଘଟଣ ଘଟିଛି। ଅସହ୍ୟ ଶୀତରୁ ରକ୍ଷା ପାଇବାକୁ କୁଡିଆ ଘରର ଗୋଟିଏ କୋଣରେ ଲଗା ଯାଇଥିବା ନିଅଁ। ବ୍ୟାପୀ ଜେଜେମା, ଓ ନାତି ଜୀବନ୍ତ ଦଗ୍ଧ ହୋଇଛନ୍ତି।

ବାଇକ ଦୁର୍ଘଟଣାରେ ଜଣେ ମୃତ

ବାସୁଦେବପୁର,୨୨।୧(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର-ଜାମୁଝାଡି ରାସ୍ତାର ଅସ୍ତିଆ ନିକଟରେ ସୋମବାର ସନ୍ଧ୍ୟାରେ ଏକ ବାଇକ ଦୁର୍ଘଟଣାରେ ନିରଞ୍ଜନ ବେହେରା(୩୬)ଙ୍କର ମୃତ୍ୟୁ ହୋଇଥିବାବେଳେ ନିରଞ୍ଜନ ବେହେରା (୨୨) ନାମକ ଅନ୍ୟଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି।

ଚାଷୀଙ୍କ କାମରେ ଲାଗୁନି ଓଜନକଣ୍ଟା

ଚାଷୀଙ୍କ କାମରେ ଲାଗୁନି ଓଜନକଣ୍ଟା

ଭଦ୍ରକ ଅଫିସ,୨୨।୧-ବାସୁଦେବପୁର ବ୍ଲକ ଅନ୍ତର୍ଗତ ପଦ୍ମପୁର ସେବା ସମିତିରେ ଆରଏମସି ତରଫରୁ ନିର୍ମିତ ଓଜନକଣ୍ଟା ଚାଷୀଙ୍କ କାମରେ ଲାଗୁନି।

ରଥ ପାଇଁ କାଠ ଅନୁକୂଳ

ରଥ ପାଇଁ କାଠ ଅନୁକୂଳ

ବାରିପଦା ଅଫିସ,୨୨।୧- ପବିତ୍ର ଶ୍ରୀପଞ୍ଚମି ଅବସରରେ ସୋମବାର ପରମ୍ପରା ଅନୁଯାୟୀ ବାରିପଦା ଜଗନ୍ନାଥ ମନ୍ଦିର ପକ୍ଷରୁ ରଥ ପାଇଁ କାଠ ଅନୁକୂଳ କରାଯାଇଛି।