ବାଲେଶ୍ୱର

ଶାଗୁଣା ପ୍ରଜାତିର ପକ୍ଷୀ ବିଲୁପ୍ତ ପ୍ରାୟ

ଶାଗୁଣା ପ୍ରଜାତିର ପକ୍ଷୀ ବିଲୁପ୍ତ ପ୍ରାୟ
ବଡସାହି,୨୬।୧୨(ସ୍ବ.ପ୍ର.)-ପ୍ରକୃତି ଓ ପରିବେଶକୁ ସଫାସୁତୁରା ରଖୁଥିବା ବହୁ ପ୍ରଜାତିର ପକ୍ଷୀ ଏବେ ବିଲୁପ୍ତ ପ୍ରାୟ। କ୍ରମବର୍ଦ୍ଧିଷ୍ଣୁ ଜଙ୍ଗଲ କ୍ଷୟ, ଉତ୍ତପ୍ତ ପରିବେଶ ଓ ସହରୀକରଣ ଯୋଗୁ ବିଭିନ୍ନ ପ୍ରଜାତିର ପକ୍ଷୀକୁଳଙ୍କ ବଂଶ ଲୋପ ପାଇବାକୁ ବସିଛି। ସେଥି ମଧ୍ୟରୁ ଶାଗୁଣା ଅନ୍ୟତମ। ଆଗରୁ ମୟୂରଭଞ୍ଜ ଜିଲା ବଡସାହି ଅଞ୍ଚଳରେ ବହୁ ସଂଖ୍ୟାରେ ଶାଗୁଣା ଦେଖିବାକୁ ମିଳୁଥିଲେ। ବର୍ତ୍ତମାନ ଏହି ପକ୍ଷୀ ଆଉ ଦେଖିବାକୁ ମିଳୁ ନାହାନ୍ତି। ଗାଁ ଓ ସହରରେ ମୃତ୍ୟୁବରଣ କରୁଥିବା ଗୃହପାଳିତ ପଶୁଙ୍କ ମଢକୁ ଖାଇ ପରିବେଶକୁ ଏମାନେ ସଫା ରଖୁଥିଲେ। ମଢଖିଆ ଶେଷ ହୋଇଗଲେ ସେମାନେ ଅନ୍ୟତ୍ର ଆହାର ସନ୍ଧାନରେ ଚାଲିଯାଉଥିଲେ। ପରିବେଶର ବନ୍ଧୁ କୁହାଯାଉଥିବା ଏହି ପକ୍ଷୀ ଗତ କିଛିବର୍ଷ ହେବ ଆଉ ଦୃଷ୍ଟି ଗୋଚର ହେଉ ନାହାନ୍ତି। ଫଳରେ ମଲା ଜୀବଜନ୍ତୁଙ୍କ ମୃତ ଶରୀର ଦୀର୍ଘଦିନ ପଡି ରହି ପରିବେଶ ଦୁର୍ଗନ୍ଧମୟ ହେଉଛି। ଶାଗୁଣାମାନେ ମୁଖ୍ୟତଃ ଉଚ୍ଚ ବୃକ୍ଷରେ ବାସ କରିଥାନ୍ତି। ଦୁଇ ଦଶନ୍ଧି ପୂର୍ବରୁ ସେମାନେ ଦଳବଦ୍ଧ ଭାବେ ବଡ ବଡ ଝଙ୍କାଳିଆ ଗଛ ଓ ତାଳଗଛରେ ଆଶ୍ରୟ ନେଉଥିବା ଦେଖିବାକୁ ମିଳୁଥିଲା। ଗଁା ଗହଳିରେ ଥିବା ବଡ ବଡ ପୁରୁଣା ଗଛକୁ କାଟି କୋଠା,ରାସ୍ତାଘାଟ ନିର୍ମାଣ କରାଯିବାରୁ ଏହି ପକ୍ଷୀମାନେ ବସାବାନ୍ଧି ରହିବାକୁ ସ୍ଥାନ ନ ପାଇ ଦିଗହରା ହୋଇଯାଉଛନ୍ତି। ପ୍ରାକୃତିକ ବିପର୍ଯ୍ୟୟ ସହିତ ପ୍ରତିକୂଳ ପରିବେଶ ଶାଗୁଣା ଓ ଚିଲଙ୍କ ଭଳି ପକ୍ଷୀ ବଂଶ ହ୍ରାସର କାରଣ ବୋଲି ପରିବେଶବିତମାନେ ମତପ୍ରକାଶ କରୁଛନ୍ତି। ଜୀବ ବିଜ୍ଞାନ ଅଧ୍ୟାପକ ଡ. ଜୀବନ କୁମାର ପଣ୍ଡିତ କହନ୍ତି, ଜମିରେ ମାତ୍ରାଧିକ ପରିମାଣର କୀଟନାଶକ ଔଷଧ ପ୍ରୟୋଗ ଯୋଗୁ ଗୃହପାଳିତ ପଶୁଙ୍କ ଉପରେ ପ୍ରଭାବ ପଡୁଛି। ଏହି ମୃତ ପଶୁଙ୍କ ମାଂସ ଖାଇବା ଦ୍ୱାରା କେତେକ ରାସାୟନିକ ପ୍ରକ୍ରିୟା କାରଣରୁ ଶାଗୁଣାଙ୍କ ଅଣ୍ଡା ଖୋଳପା ତିଆରି କରୁଥିବା ଗ୍ରନ୍ଥି ନଷ୍ଟ ହୋଇଯିବାରୁ ପରବର୍ତ୍ତୀ ପିଢି ଧ୍ୱଂସ ପାଉଛି। ଏଭଳି କାରଣରୁ ମଧ୍ୟ ଏମାନଙ୍କ ବଂଶ ଲୋପ ପାଇଛି। ସେହିପରି ପଶୁଙ୍କ ଦେହରେ ଫୁଲା ରୋଗ ହେଲେ ପ୍ରାଣୀ ଚିକିତ୍ସକମାନେ ଡାଇକ୍ଲୋଫେନାକ ଔଷଧ ଦେଇଥାନ୍ତି। ଏହି ଔଷଧ ଖାଇ ଯେଉଁ ପଶୁପକ୍ଷୀ ମରନ୍ତି ସେମାନଙ୍କ ପଚା ମାଂସ ଖାଇବା ଯୋଗୁ ଶାଗୁଣାଙ୍କ ବୃକ୍‌କ ଅଚଳ ହେବାରୁ ସେମାନେ ରୋଗରେ ଆକ୍ରାନ୍ତ ହୋଇ ମତ୍ୟୁ ବରଣ କରୁଛନ୍ତି। ସରକାର ଏହି ଔଷଧ ବିକ୍ରି ଉପରେ ନିଷେଧାଦେଶ ଜାରି କରିଥିଲେ ମଧ୍ୟ ଏହାର ବିକ୍ରିକୁ ସମ୍ପୂର୍ଣ୍ଣ ରୋକାଯାଇ ପାରି ନାହିଁ। ଅନ୍ୟପକ୍ଷେ ଭୂତାଣୁ ଜନିତ ରୋଗରେ ଆକ୍ରାନ୍ତ ହେଲେ ଶାଗୁଣାମାନେ ଦୁର୍ବଳ ହୋଇ ମୃତ୍ୟୁବରଣ କରୁଥିବା ପରିବେଶବିତ ଡାକ୍ତର ସନତ କୁମାର ଦାଶ କହିଛନ୍ତି। ଗାଡିମୋଟର ଓ କାରଖାନାରୁ ନିର୍ଗତ ପ୍ରଦୂଷଣକାରୀ ରାସାୟନିକ ପଦାର୍ଥର ସଂସ୍ପର୍ଶରେ ଆସିବା ଶାଗୁଣାଙ୍କ ମତ୍ୟୁର ଅନ୍ୟତମ କାରଣ ବୋଲି ପରିବେଶବିତ୍‌ମାନେ କହୁଛନ୍ତି। ବିଲୁପ୍ତପ୍ରାୟ ଶାଗୁଣାଙ୍କ ବଂଶ ରକ୍ଷା କରିବା ସହିତ ଦେଶୀ ପକ୍ଷୀଙ୍କ ସଂରକ୍ଷଣ ଓ ସୁରକ୍ଷା ପାଇଁ ସରକାର ଉଦ୍ୟମ କରିବା ଉଚିତ ବୋଲି ପରିବେଶବିତ୍‌ ଓ ବୁଦ୍ଧିଜୀବୀମାନେ ମତପ୍ରକାଶ କରୁଛନ୍ତି।
All Right Reserved By

ବାଲେଶ୍ୱର

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବ୍ଲେଡରେ ମହିଳାଙ୍କୁ ଆକ୍ରମଣ, ହତ୍ୟା ଉଦ୍ୟମ

ବାଲେଶ୍ୱର ଅଫିସ,୧୯।୧: ସୋର ଥାନା ଅଞ୍ଚଳରେ ଶୁକ୍ରବାର ରାତି ୧୧ଟା ୩୦ରେ ଜନୈକ ମହିଳା ଶୌଚ ପାଇଁ ଯାଇଥିଲେ। ୨ ଦୁର୍ବୃତ୍ତ ମୁହଁରେ କପଡ଼ା ବାନ୍ଧି ସେଠାରେ ପହଞ୍ଚି ମହିଳାଙ୍କୁ ଟଣାଓଟରା କରିଥିଲେ। ତାଙ୍କୁ କୌଣସି ଏକ ତରଳ ପଦାର୍ଥ ପିଆଇବାକୁ ଚେଷ୍ଟା କରିବା ସହ ବ୍ଲେଡରେ ଆକ୍ରମଣମଧ୍ୟ କରିଥିଲେ। 

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବେତଡ଼ା ବଜାର ଗହଣା ଦୋକାନରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି

ବାସୁଦେବପୁର, ୧୯।୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ଥାନା ଅଧୀନ ବେତଡ଼ା ବଜାରରେ ଥିବା ଗୋଦାବରୀ ଜୁଏଲର୍ସ ଦୋକାନରୁ ଶୁକ୍ରବାର ବିଳମ୍ବିତ ରାତିରେ ଚୋରି ହୋଇଛି। ଦୁର୍ବୃତ୍ତମାନେ ଦୋକନ କାନ୍ଥକୁ ତାଡ଼ି ଭିତରେ ପଶି ପ୍ରାୟ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଅଳଙ୍କାର ଚୋରିକରି ନେଇଛନ୍ତି। 

୩୦ରୁ ‘ସ୍ପର୍ଶ ଅଭିଯାନ’  ଗ୍ରାମସଭାରେ କରାଯିବ ଜନଜାଗରଣ

୩୦ରୁ ‘ସ୍ପର୍ଶ ଅଭିଯାନ’ ଗ୍ରାମସଭାରେ କରାଯିବ ଜନଜାଗରଣ

ବାଲେଶ୍ୱର ଅଫିସ, ୧୯।୧-କୁଷ୍ଠରୋଗ ଚିହ୍ନଟୀକରଣ ଏବଂ ଭ୍ରାନ୍ତ ଧାରଣା ହ୍ରାସ ଉପରେ ଗୁରୁତ୍ୱାରୋପ କରି ଶୁକ୍ରବାର ଅପରାହ୍ନରେ ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। 

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ମତ୍ସ୍ୟ ଚାଷୀଙ୍କୁ ଋଣ ଯୋଗାଇବା ଉପରେ ଗୁରୁତ୍ୱ

ବାଲେଶ୍ୱର ଅଫିସ, ୧୯।୧-ବାଲେଶ୍ୱର ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ୨୧ତମ ଜିଲାସ୍ତରୀୟ ଉପକୂଳ ଜଳକୃଷି ପ୍ରାଧିକରଣ ବୈଠକ ଶୁକ୍ରବାର ଅନୁଷ୍ଠିତ ହୋଇଛି। 

ସରିଲା କବିତା ଦରବାର

ସରିଲା କବିତା ଦରବାର

ରୂପ୍‌ସା, ୧୯।୧(ଡି.ଏନ.ଏ.)-ବାଲେଶ୍ୱର ଜିଲା ସିଂଲା ଥାନା ବଂଶୀଧର ପାଠାଗାର ଓ ପଠନ କେନ୍ଦ୍ର ଆନୁକୂଲ୍ୟରେ ଅନୁଷ୍ଠିତ କବିତା ଦରବାର ଉଦ୍‌ଯାପିତ ହୋଇଯାଇଛି। ପ୍ରାକ୍ତନ ପ୍ରାଧ୍ୟାପକ ଯତୀନ୍ଦ୍ରନାଥ ପରିଡ଼ା ଉତ୍ସବକୁ ଉଦ୍‌ଘାଟନ କରିଥିଲେ। 

ବିରଳ ଶାଳିଆପତନି ଉଦ୍ଧାର

ବିରଳ ଶାଳିଆପତନି ଉଦ୍ଧାର

ଉଦଳା, ୧୯।୧ (ଡି.ଏନ.ଏ.) - ଉଦଳା ବନଖଣ୍ଡ ଅଧୀନ ଦୁଗୁଧା ଗ୍ରାମର  ଗୌରୀ ଜେନାଙ୍କ ଘରୁ ଏକ ବିରଳ ପ୍ରଜାତିର ଶାଳିଆପତନି  ଉଦ୍ଧାର ହୋଇଛି।  ଖବର ପାଇ ଉଦଳା ରେଞ୍ଜ ଅଧିକାରୀ ଅଜୟ କୁମାର ଦାସ ଏବଂ ବନବିଭାଗ କର୍ମଚାରୀମାନେ ପହଞ୍ଚତ୍ ଉକ୍ତ ଶାଳିଆପତନିକୁ ଉଦ୍ଧାର କରିଥିଲେ।  

କ୍ରିଷ୍ଣା କ୍ଲୋରେଟ କମ୍ପାନୀ: ହୋଇପାରୁନି ଦ୍ୱିପାକ୍ଷିକ ଆଲୋଚନା

କ୍ରିଷ୍ଣା କ୍ଲୋରେଟ କମ୍ପାନୀ: ହୋଇପାରୁନି ଦ୍ୱିପାକ୍ଷିକ ଆଲୋଚନା

ବାରିପଦା ଅଫିସ,୧୯।୧- ୨୦୧୬ ଅଗଷ୍ଟ ୨୩ ତାରିଖ ଠାରୁ ବନ୍ଦ ଥିବା   କ୍ରିଷ୍ଣା କ୍ଲୋରେଟ ସ୍ପିନିଂ ମିଲ୍‌କୁ  ତୁରନ୍ତ ଖୋଲିବା  ଲାଗି ଦୀର୍ଘ ଦିନ ହେଲା ଦାବି ହୋଇ ଆସୁଛି। ଉକ୍ତ କମ୍ପାନୀ କର୍ତ୍ତୃପକ୍ଷଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ବିଜୁ ଶ୍ରମିକ କଲ୍ୟାଣ ମଞ୍ଚର ସଭାପତି ତଥା ଜିଲା ବିଜୁ ଜନତା ଦଳର କାର୍ଯ୍ୟକାରୀ ସଭାପତି ଦେବାଶିଷ ମହାନ୍ତି ଦାବି କରିଛନ୍ତି।

‘ଘରୁ ଲୁଚି ପଳାଇଥିଲି’

‘ଘରୁ ଲୁଚି ପଳାଇଥିଲି’

କେନ୍ଦୁଝର, ୧୯ା୧(ସ୍ବ.ପ୍ର.): କଳା ଶିକ୍ଷା ପାଇଁ ଘରେ ଥିବା ଏକ ଗାଈ ବିକି ଦେଇଥିଲି। ଲୁଚିଛପି ଘରୁ ପଳାଇ ପ୍ରଥମେ ଭୁବନେଶ୍ୱରରେ ଠୁଙ୍ଗା ଓ ପେପର ବିକିବାକୁ ପଡ଼ିଥିଲା। ନିଜର ସାଧନ ବଳରେ ଆଜି ଜିଲା ତଥା ବାହାରେ ପ୍ରତିଷ୍ଠିତ ହୋଇପାରିଛି। ଘରେ ମା’ବାପାଙ୍କ ତାଗିଦ ଓ ଷ୍ଟେଜରେ ଦର୍ଶକଙ୍କ ତାଚ୍ଛଲ୍ୟ ସତ୍ତ୍ୱେ ହାର ମାନିନି ବୋଲି ଧରିତ୍ରୀକୁ ଏକ ସାକ୍ଷାତକାରରେ ଟିଭି ସିରିଏଲ ତାରକା ଗୁରୁ ଦାସ କହିଛନ୍ତି।

ନାବାଳିକାଙ୍କୁ ଅପହରଣ: ଯୁବକ ଗିରଫ

ନାବାଳିକାଙ୍କୁ ଅପହରଣ: ଯୁବକ ଗିରଫ

ବନ୍ତ, ୧୯।୧ (ସ୍ବ.ପ୍ର.) - ଭଦ୍ରକ ଜିଲା ଆଗରପଡ଼ା ଅଞ୍ଚଳର ଜଣେ ନାବାଳିକାଙ୍କୁ ଅପହରଣ ସହ ତାଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି। ଗିରଫ ଯୁବକ ହେଲେ ଆଗରପଡ଼ା  ଥାନା ଅଧୀନ ରାଉତରାପୁର ଗ୍ରାମର ଚନ୍ଦ୍ରା ଦେହୁରୀ(୨୫)। 

୧୪୮ ଜିଆର୍‌ଏସ୍‌ ବହିଷ୍କୃତ

୧୪୮ ଜିଆର୍‌ଏସ୍‌ ବହିଷ୍କୃତ

ଭଦ୍ରକ ଅଫିସ, ୧୯।୧ - ଭଦ୍ରକ ଜିଲାର ବିଭିନ୍ନ ବ୍ଲକର ୧୪୮ ଜିଆର୍‌ଏସ୍‌(ଗ୍ରାମରୋଜଗାର ସେବକ)ଙ୍କୁ ଶୁକ୍ରବାର ଜିଲାପାଳ ଚାକିରିରୁ ବହିଷ୍କୃତ କରିଛନ୍ତି। ସେମାନେ କାର୍ଯ୍ୟରେ ଯୋଗ ନ ଦେଇ ଆନ୍ଦୋଳନରେ ସାମିଲ ଥିବାରୁ ବହିଷ୍କୃତ କରାଯାଇଥିବା ଜିଲାପାଳ ଜ୍ଞାନରଞ୍ଜନ ଦାସ ସୂଚନା ଦେଇଛନ୍ତି।

ଚିକିତ୍ସା ଅବହେଳାରୁ ନବଜାତ ଶିଶୁପୁତ୍ରଙ୍କ ମୃତ୍ୟୁ ଅଭିଯୋଗ

ଚିକିତ୍ସା ଅବହେଳାରୁ ନବଜାତ ଶିଶୁପୁତ୍ରଙ୍କ ମୃତ୍ୟୁ ଅଭିଯୋଗ

ଭଦ୍ରକ ଅଫିସ, ୧୯।୧ - ଭଦ୍ରକ ଜିଲା ଚିକିତ୍ସାଳୟରେ ଚିକିତ୍ସା ଅବହେଳାରୁ ଜଣେ ନବଜାତ ଶିଶୁପୁତ୍ରଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ତିହିଡ଼ି ଅଞ୍ଚଳର ଜଣେ ଗର୍ଭବତୀ ମହିଳାଙ୍କୁ ଗତ ବୁଧବାର ଜିଲା ଚିକିତ୍ସାଳୟରେ ଡାକ୍ତର ସମୟ ହୋଇ ନ ଥିବା କହି ଫେରାଇ ଦେଇଥିଲେ।

ଗୋପାଳପୁରକୁ ଛୁଇଁନି ବିକାଶ

ଗୋପାଳପୁରକୁ ଛୁଇଁନି ବିକାଶ

ଆରଡ଼ି, ୧୯।୧ (ଡି.ଏନ.ଏ.) - ଭଦ୍ରକ ଜିଲା ତିହିଡ଼ି ବ୍ଲକ ଅନ୍ତର୍ଗତ ଶ୍ୟାମସୁନ୍ଦରପୁର ପଞ୍ଚାୟତ ତଳଦୁମୁକା ଗୋପାଳପୁର ଗାଁକୁ ବିକାଶ ଛୁଇଁନି। ଗ୍ରାମ ରାସ୍ତା, ବିଦ୍ୟାଳୟ,  ଜଳ, ପରିମଳ ଆଦି ବିଭିନ୍ନ ସମସ୍ୟାରେ ବୁଡ଼ିରହିଛି ଏହି ଗାଁ। କେନ୍ଦ୍ର ଓ ରାଜ୍ୟ ସରକାର ବିକାଶର ଡିଣ୍ଡିମ ପିଟି ଚାଲିଛନ୍ତି। ବିଚ୍ଛିନ୍ନାଞ୍ଚଳ କଥା ଦୂରେ ଥାଉ ଉପକୂଳ ଜିଲାର ଏହି ଗାଁରେ ବିକାଶ ଅପହଞ୍ଚ। ସରକାରଙ୍କ ବହୁ ଯୋଜନାରୁ ଏହି ଗାଁ ଲୋକେ ବଞ୍ଚିତ ହୋଇଛନ୍ତି।