ଖେଳ |

ଓ୍ବାର୍ନରଙ୍କ ଶତକ: ଅଷ୍ଟ୍ରେଲିଆର ଦୃଢ଼ ବ୍ୟାଟିଂ

ଓ୍ବାର୍ନରଙ୍କ ଶତକ: ଅଷ୍ଟ୍ରେଲିଆର ଦୃଢ଼ ବ୍ୟାଟିଂ

ମେଲବର୍ନ, ୨୬।୧୨(ଏଏଫ୍‌ପି)- ଓପନର୍‌ ଡେଭିଡ୍‌ ଓ୍ବାର୍ନରଙ୍କ ଶତକ ବଳରେ ମଙ୍ଗଳବାରଠାରୁ ଇଂଲଣ୍ଡ ବିପକ୍ଷରେ ଆରମ୍ଭ ହୋଇଥିବା ଆଶେସ୍‌ ଟେଷ୍ଟ ସିରିଜର ୪ର୍ଥ ମ୍ୟାଚ୍‌ରେ ଅଷ୍ଟ୍ରେଲିଆ ଦୃଢ଼ ବ୍ୟାଟିଂ କରିଛି। ପ୍ରଥମ ଦିବସ ଷ୍ଟମ୍ପ୍ସ ଅପସାରଣ ସୁଦ୍ଧା ଅଷ୍ଟ୍ରେଲିଆ ୩ ଉଇକେଟ୍‌ ହରାଇ ୨୪୪ ରନ ସଂଗ୍ରହ କରିଛି।
ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ପାଇଁ ଓପ୍‌ନିଂ ଯୋଡ଼ିରେ ଓ୍ବାର୍ନର ଓ କାମେରନ ବାନକ୍ରଫ୍ଟ ୧୨୨ ରନ ସଂଗ୍ରହ କରି ଦଳକୁ ଭଲ ପ୍ରାରମ୍ଭ ଦେଇଥିଲେ। ବାନକ୍ରଫ୍ଟ (୨୬ ରନ)ଙ୍କୁ ଆଉଟ୍‌ କରି କ୍ରିସ୍‌ ଓ୍ବକ୍ସ ଭ୍ରମଣକାରୀ ଇଂଲଣ୍ଡ ଦଳକୁ ପ୍ରଥମ ସଫଳତା ଦେଇଥିଲେ। ଏହାପରେ ଏକ ନାଟକୀୟ ଘଟଣା ଦେଖିବାକୁ ମିଳିଥିଲା। ବ୍ୟକ୍ତିଗତ ୯୯ ରନ କରିଥିବାବେଳେ ଓ୍ବାର୍ନର ପଦାର୍ପଣକାରୀ ଟମ୍‌ କୁରାନଙ୍କ ବଲରେ କ୍ୟାଚ୍‌ ହୋଇ ପ୍ୟାଭିଲିୟନ ଫେରିଥିଲେ। ତେବେ ଟିଭି ରିପ୍ଲେରୁ ଏହା ନୋ ବଲ୍‌ ଜଣାପଡ଼ିବାରୁ ଓ୍ବାର୍ନର ଜୀବନଦାନ ପାଇ ପୁଣିଥରେ କ୍ରିଜ୍‌କୁ ପ୍ରତ୍ୟାବର୍ତ୍ତନ କରିଥିଲେ। ଏହା ପରବର୍ତ୍ତୀ ବଲରୁ ରନ ସଂଗ୍ରହ କରି ଏହି ବାମହାତୀ ବ୍ୟାଟ୍ସମ୍ୟାନ କ୍ୟାରିୟରର ୨୧ତମ ଟେଷ୍ଟ ଶତକ ହାସଲ କରିଥିଲେ। ୯୦ରୁ ୧୦୦ ରନ କରିବାକୁ ଓ୍ବାର୍ନର ୪୦ ମିନିଟ୍‌ ସମୟ ନେଇଥିଲେ। ତେବେ ସେ ବେଶି ସମୟ ତିଷ୍ଠି ନ ପାରି ବ୍ୟାକ୍ତିଗତ ୧୦୩ ରନ କରି ଅଭିଜ୍ଞ ଜେମ୍ସ ଆଣ୍ଡରସନଙ୍କ ଶିକାର ହୋଇଥିଲେ। ଇତ୍ୟବସରରେ ସେ ୭୦ ଟେଷ୍ଟରୁ ୬ ହଜାର ଟେଷ୍ଟ ରନ ପୂରଣ କରିବାରେ ସଫଳ ହୋଇଛନ୍ତି। ସେହିପରି ଏହି କ୍ଲବରେ ସାମିଲ ହେବାରେ ସେ ଡନ୍‌ ବ୍ରାଡ୍‌ମ୍ୟାନ୍‌, ରିକି ପଣ୍ଟିଂ ଓ ମାଥ୍ୟୁ ହେଡେନଙ୍କ ପରେ ୪ର୍ଥ ଦ୍ରୁତତମ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ହୋଇଛନ୍ତି। ଉସମାନ ଖାଓ୍ବାଜା (୧୭ ରନ) ମଧ୍ୟ ବଡ଼ ଇନିଂସ ଖେଳିବାରେ ବିଫଳ ହୋଇଥିଲେ। ତେବେ ଅଧିନାୟକ ଷ୍ଟିଭ ସ୍ମିଥ୍‌ ଓ ଶନ୍‌ ମାର୍ଶ ଦଳକୁ ଆଉ କ୍ଷତି ହେବାକୁ ଦେଇ ନ ଥିଲେ। ମଙ୍ଗଳବାର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ୮୯ ଓଭରରେ ୩ ଉଇକେଟ୍‌ ହରାଇ ୨୪୪ ରନ ସଂଗ୍ରହ କରିଛି। ସ୍ମିଥ୍‌ ୬୫ ଓ ମାର୍ଶ ୩୧ ରନ କରି କ୍ରିଜ୍‌ରେ ଅପରାଜିତ ରହିଛନ୍ତି। ଯଦି ସ୍ମିଥ୍‌ ଶତକ ହାସଲ କରନ୍ତି ତେବେ ଲଗାତର ୪ର୍ଥ ବର୍ଷ ଲାଗି ବକ୍ସିଂ ଡେ ଟେଷ୍ଟରେ ଶତକ ଅର୍ଜନ କରିବାର ବିରଳ ସୌଭାଗ୍ୟ ହାସଲ କରିବେ। ଗତବର୍ଷ ବକ୍ସିଂ ଡେ ଟେଷ୍ଟରେ ସ୍ମିଥ୍‌ ପାକିସ୍ତାନ ବିପକ୍ଷରେ ୧୬୫ ରନ କରିଥିଲେ। ସେହିଭଳି ୨୦୧୫ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ୧୪୩ ଏବଂ ୨୦୧୪ରେ ଭାରତ ବିପକ୍ଷରେ ୧୯୨ ରନ କରିଥିଲେ। ବକ୍ସିଂ ଡେ ଟେଷ୍ଟରେ ସ୍ମିଥ୍‌ ହାସଲ କରିଥିବା ଏହି ୩ଟି ଯାକ ଶତକରେ ସେ ଅପରାଜିତ ରହିଥିଲେ। ପାଞ୍ଚ ମ୍ୟାଚ୍‌ବିଶିଷ୍ଟ ସିରିଜକୁ ଅଷ୍ଟ୍ରେଲିଆ ଦଳ ଆଗୁଆ ୩-୦ରେ ଜିତିସାରିଛି।

All Right Reserved By

ଖେଳ |

ସୁଇଜରଲାଣ୍ଡ ବିଜୟୀ

ସୁଇଜରଲାଣ୍ଡ ବିଜୟୀ

କଲିନିନ୍‌ଗ୍ରାଡ୍‌, ୨୩।୬- ଫିଫା ବିଶ୍ୱକପର ଶୁକ୍ରବାର ଅନୁଷ୍ଠିତ ଗ୍ରୁପ‘ଇ’ ମ୍ୟାଚରେ ସୁଇଜରଲାଣ୍ଡ ୨-୧ ଗୋଲରେ ସର୍ବିଆକୁ ପରାସ୍ତ କରିଛି।

ମୁସାଙ୍କ ଡବଲ ଗୋଲରେ ନାଇଜେରିଆ ବିଜୟୀ

ମୁସାଙ୍କ ଡବଲ ଗୋଲରେ ନାଇଜେରିଆ ବିଜୟୀ

ଭୋଲଗୋଗ୍ରାଡ୍‌, ୨୨।୬- ଅହମଦ ମୁସାଙ୍କ ଡବଲ ଗୋଲ ବଳରେ ନାଇଜେରିଆ ଚଳିତ ଫିଫା ବିଶ୍ୱକପରେ ପ୍ରଥମ ବିଜୟ ହାସଲ କରିଛି। ଶୁକ୍ରବାର ଅନୁଷ୍ଠିତ ଗ୍ରୁପ ‘ଡି’ ମ୍ୟାଚରେ ନାଇଜେରିଆ ୨-୦ ଗୋଲରେ ଆଇସଲାଣ୍ଡକୁ ପରାସ୍ତ କରିଛି।

ଇଞ୍ଜୁରି ଟାଇମ୍‌ରେ ଜିତିଲା ବ୍ରାଜିଲ

ଇଞ୍ଜୁରି ଟାଇମ୍‌ରେ ଜିତିଲା ବ୍ରାଜିଲ

ସେଣ୍ଟ ପିଟର୍ସବର୍ଗ, ୨୨।୬(ଏଏଫପି)- ପୁରା ୯୦ ମିନିଟ ଲଢ଼ିଲା କୋଷ୍ଟାରିକା। କେବଳ ଯେ ଲଢ଼ିଲା ତା ନୁହେଁ ନେମାରଙ୍କ ବ୍ରାଜିଲକୁ ରୋକିବାରେ ମଧ୍ୟ ସକ୍ଷମ ହୋଇଥିଲା।

ସିନିୟର ଆଥ୍‌ଲେଟିକ୍‌ ଚାମ୍ପିୟନଶିପ୍‌: ଓଡ଼ିଶାର ୧୦ ଭାଗନେବେ

କଟକ ଅଫିସ,୨୨ା୬- ଜୁନ୍‌ ୨୬ରୁ ୨୯ ତାରିଖ ପଯର୍‌ୟନ୍ତ ଗୌହାଟୀ ଠାରେ ୫୮ତମ ଜାତୀୟ ଆନ୍ତଃ ରାଜ୍ୟ ସିନିୟର ଆଥ୍‌ଲେଟିକ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏଥିନିମନ୍ତେ ରାଜ୍ୟ ଆଥ୍‌ଲେଟିକ ଆସୋସିଏଶନ ପକ୍ଷରୁ ଶୁକ୍ରବାର ୧୦ଜଣ ଆଥ୍‌ଲେଟଙ୍କ ନାମ ଘୋଷଣା କରାଯାଇଛି। ସେମାନଙ୍କ ମଧ୍ୟରେ ୭ ଜଣ ମହିଳା ଓ ୩ଜଣ ପୁରୁଷ ଆଥ୍‌ଲେଟ ଅଛନ୍ତି।

୧୯ବର୍ଷରୁ କମ୍‌ କ୍ରିକେଟ ଟୁର୍ନାମେଣ୍ଟ ୨୫ରୁ

କଟକ ଅଫିସ,୨୨ା୬- ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ଆନୁକୂଲ୍ୟରେ ଜୁନ୍‌ ୨୫ରୁ ଆରମ୍ଭ ହେବାକୁ ଥିବା ୯ବର୍ଷରୁ କମ୍‌ ପୁରୁଷ ଆନ୍ତଃ ଜିଲା କ୍ରିକେଟ ଟୁର୍ନାମେଣ୍ଟର କାର୍ଯ୍ୟସୂଚୀ ଶୁକ୍ରବାର ଘୋଷଣା କରାଯାଇଛି। ୩୬ଟି ଦଳକୁ ନେଇ ହେବାକୁ ଥିବା ଏହି ପ୍ରତିଯୋଗିତାର ଲିଗ ପର୍ଯ୍ୟାୟ ମ୍ୟାଚ୍‌ ଜୁଲାଇ ୧ ପର୍ଯ୍ୟନ୍ତ ଖେଳାଯିବ। କଟକର ୬ଟି ଗ୍ରାଉଣ୍ଡରେ ପ୍ରତ୍ୟେକ ଦିନ ୬ଟି ମ୍ୟାଚ୍‌ ଅନୁଷ୍ଠିତ ହେବ।

କଟକ-ଏ ଜିତିଲା ସୁମିତ ବୋଷ ଟ୍ରଫି

କଟକ-ଏ ଜିତିଲା ସୁମିତ ବୋଷ ଟ୍ରଫି

କଟକ ଅଫିସ,୨୨ା୬-ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ କଟକରେ ଚାଲିଥିବା ୧୬ବର୍ଷରୁ କମ୍‌ ଆନ୍ତଃ ଜିଲା କ୍ରିକେଟ ଟୁର୍ନାମେଣ୍ଟ ତଥା ସୁମିତ ବୋଷ ଟ୍ରଫି କଟକ-ଏ ହାସଲ କରିଛି। ସନ୍‌ସାଇନ୍‌ ଗ୍ରାଉଣ୍ଡରେ ଶୁକ୍ରବାର ଖେଳାଯାଇଥିବା ପ୍ରତିଯୋଗିତାର ଫାଇନାଲରେ କଟକ-ଏ ୭୩ ରନ୍‌ରେ ଭୁବନେଶ୍ୱର-ଏକୁ ପରାସ୍ତ କରି ଚାମ୍ପିୟନ ହୋଇଛି ।

ଉଲାବତାର କପ୍‌ ବକ୍ସିଂ: ପଦକ ନିଶ୍ଚିତ କଲେ ଭାନଲିମ୍‌ପୁଆ ଓ ଇତାଶ

ନୂଆଦିଲ୍ଲୀ,୨୨।୬(ପି.ଟି.)- ମଙ୍ଗୋଲିଆଠାରେ ଚାଲିଥିବା ଉଲାବତାର କପ୍‌ ବକ୍ସିଂ ଟୁର୍ନାମେଣ୍ଟରେ ଭାରତୀୟ ବକ୍ସର ଭାନଲିମ୍‌ପୁଆ (୭୫ କିଗ୍ରା) ଓ ଇତାଶ ଖାଁ (୫୬ କିଗ୍ରା) ନିଜ ନିଜ ବର୍ଗରେ ସେମିଫାଇନାଲରେ ପ୍ରବେଶ କରିଛନ୍ତି।

ଦୋଷ ସ୍ବୀକାର କଲା ଶ୍ରୀଲଙ୍କା

ଦୋଷ ସ୍ବୀକାର କଲା ଶ୍ରୀଲଙ୍କା

ଦୁବାଇ,୨୨।୬(ପି.ଟି.)- ଶ୍ରୀଲଙ୍କା ଦଳର କୋଚ୍‌ ଚନ୍ଦିକା ହାଥୁରୁସିଂଘା, ମ୍ୟାନେଜର ଆଶାଙ୍କା ଗୁରୁସିଂଘା ଓ ଅଧିନାୟକ ଦୀନେଶ ଚାଣ୍ଡିମାଲ ଓ୍ବେଷ୍ଟଇଣ୍ଡିଜ୍‌ ବିପକ୍ଷ ୨ୟ କ୍ରିକେଟ ଟେଷ୍ଟର ୩ୟ ଦିନରେ ଫିଲ୍ଡକୁ ନ ଓହ୍ଲାଇ ଭୁଲ କରିଛନ୍ତି। ଶ୍ରୀଲଙ୍କା ମ୍ୟାନେଜମେଣ୍ଟ ଏ ନେଇ ଦୋଷ ସ୍ବୀକାର କରିଛି।

ଫିଫା ବିଶ୍ୱକପ୍‌: କ୍ଷମା ପ୍ରାର୍ଥନା କଲେ ଅସଦାଚରଣକାରୀ

ଫିଫା ବିଶ୍ୱକପ୍‌: କ୍ଷମା ପ୍ରାର୍ଥନା କଲେ ଅସଦାଚରଣକାରୀ

ବର୍ଲିନ,୨୨।୬(ଏଏଫ୍‌ପି)- ଜର୍ମାନୀ ବୈଦ୍ୟୁତିକ ଗଣମାଧ୍ୟମ ପ୍ରତିନିଧିଙ୍କୁ ଫିଫା ବିଶ୍ୱକପ୍‌ରେ ଅସଦାଚରଣ କରିଥିବା ରୁଷୀୟ ଫୁଟ୍‌ବଲ ପ୍ରଶଂସକ କ୍ଷମାପ୍ରାର୍ଥନା କରିଛନ୍ତି। ” ମୁଁ ମୋ କାର୍ଯ୍ୟ ପାଇଁ ଗଭୀର ଭାବେ ଦୁଃଖିତ ଏବଂ କ୍ଷମାପ୍ରାର୍ଥନା କରୁଛି। ମୋ ଦାୟିତ୍ୱହୀନ କାରଣରୁ ତୁମେ ବିଚଳିତ ଓ ଲଜ୍ଜିତ ହେଲ“ ବୋଲି ଉକ୍ତ ପ୍ରଶଂସକ ନିଜ ନାମକୁ ଉହ୍ୟ ରଖି କହିଛନ୍ତି।

ରାହୁଲଙ୍କ ସହ ଡିନର୍‌ରେ ଯାଇଥିଲେ ନିଧି

ରାହୁଲଙ୍କ ସହ ଡିନର୍‌ରେ ଯାଇଥିଲେ ନିଧି

ବମ୍ବେ,୨୨।୬- ବଲିଉଡ ଅଭିନେତ୍ରୀ ନିଧି ଅଗ୍ରଓ୍ବାଲଙ୍କୁ ନିକଟରେ ଭାରତୀୟ କ୍ରିକେଟର କେ. ଏଲ. ରାହୁଲଙ୍କ ସହ ବମ୍ବେର ଏକ ରେଷ୍ଟୁରାଣ୍ଟ ଦେଖିବାକୁ ମିଳିଥିଲା। ଏ ନେଇ ନିଧି ଶୁକ୍ରବାର ମୁହଁ ଖୋଲିଛନ୍ତି। ସେ ରାହୁଲଙ୍କ ସହ ରାତ୍ରି ଭୋଜନ କରିବା ପାଇଁ ଉକ୍ତ ରେଷ୍ଟୁରାଣ୍ଟକୁ ଯାଇଥିଲେ।

କେରଳର ଆର୍ଜେଣ୍ଟିନା ପ୍ରଶଂସକ ନିଖୋଜ

କେରଳର ଆର୍ଜେଣ୍ଟିନା ପ୍ରଶଂସକ ନିଖୋଜ

କୋଟ୍ଟାୟାମ,୨୨।୬- ଆର୍ଜେଣ୍ଟିନା ଦଳର ଜଣେ ପ୍ରଶଂସକ ଚଳିତ ଫିଫା ବିଶ୍ୱକପ୍‌ର ଅନ୍ୟତମ ଫେଭରାଇଟ ଦଳ ଗୁରୁବାର ବୃହତ ପରାଜୟ ବରଣ କରିବା ପରେ ନିଖୋଜ ହୋଇଯାଇଛନ୍ତି। ତାଙ୍କ ଘରୁ ସୁଇସାଇଡ ନୋଟ୍‌ ମିଳିଛି।

‘ଓ୍ବାର୍ନର, ସ୍ମିଥ ସିଧାସଳଖ ବିଶ୍ୱକପ୍‌ ଖେଳିବେ’

‘ଓ୍ବାର୍ନର, ସ୍ମିଥ ସିଧାସଳଖ ବିଶ୍ୱକପ୍‌ ଖେଳିବେ’

ମେଲବର୍ନ,୨୨।୬- ଅନ୍ତର୍ଜାତୀୟ କ୍ରିକେଟରୁ ଏକ ବର୍ଷ ପାଇଁ ବାସନ୍ଦ ହୋଇଥିବା ଡେଭିଡ ଓ୍ବାର୍ନର ଓ ଷ୍ଟିଭ ସ୍ମିଥ ସିଧାସଳଖ ବିଶ୍ୱକପ୍‌ରେ ଅଷ୍ଟ୍ରେଲିଆ ଦଳର ପ୍ରତିନିଧିତ୍ୱ କରିପାରିବେ, ଯଦି ସେମାନଙ୍କ ବାସନ୍ଦାଦେଶ ସନ୍ତୋଷଜନକ ରହେ। ଏଭଳି ମନ୍ତବ୍ୟ ଦେଇଛନ୍ତି ପୂର୍ବତନ ଅଷ୍ଟ୍ରେଲିଆ ଖେଳାଳି ମାଇକେଲ ହସି।

Model This Week

ପ୍ରଭାତ