ଖେଳ |

ଓ୍ବାର୍ନରଙ୍କ ଶତକ: ଅଷ୍ଟ୍ରେଲିଆର ଦୃଢ଼ ବ୍ୟାଟିଂ

ଓ୍ବାର୍ନରଙ୍କ ଶତକ: ଅଷ୍ଟ୍ରେଲିଆର ଦୃଢ଼ ବ୍ୟାଟିଂ
ମେଲବର୍ନ, ୨୬।୧୨(ଏଏଫ୍‌ପି)- ଓପନର୍‌ ଡେଭିଡ୍‌ ଓ୍ବାର୍ନରଙ୍କ ଶତକ ବଳରେ ମଙ୍ଗଳବାରଠାରୁ ଇଂଲଣ୍ଡ ବିପକ୍ଷରେ ଆରମ୍ଭ ହୋଇଥିବା ଆଶେସ୍‌ ଟେଷ୍ଟ ସିରିଜର ୪ର୍ଥ ମ୍ୟାଚ୍‌ରେ ଅଷ୍ଟ୍ରେଲିଆ ଦୃଢ଼ ବ୍ୟାଟିଂ କରିଛି। ପ୍ରଥମ ଦିବସ ଷ୍ଟମ୍ପ୍ସ ଅପସାରଣ ସୁଦ୍ଧା ଅଷ୍ଟ୍ରେଲିଆ ୩ ଉଇକେଟ୍‌ ହରାଇ ୨୪୪ ରନ ସଂଗ୍ରହ କରିଛି। ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ପାଇଁ ଓପ୍‌ନିଂ ଯୋଡ଼ିରେ ଓ୍ବାର୍ନର ଓ କାମେରନ ବାନକ୍ରଫ୍ଟ ୧୨୨ ରନ ସଂଗ୍ରହ କରି ଦଳକୁ ଭଲ ପ୍ରାରମ୍ଭ ଦେଇଥିଲେ। ବାନକ୍ରଫ୍ଟ (୨୬ ରନ)ଙ୍କୁ ଆଉଟ୍‌ କରି କ୍ରିସ୍‌ ଓ୍ବକ୍ସ ଭ୍ରମଣକାରୀ ଇଂଲଣ୍ଡ ଦଳକୁ ପ୍ରଥମ ସଫଳତା ଦେଇଥିଲେ। ଏହାପରେ ଏକ ନାଟକୀୟ ଘଟଣା ଦେଖିବାକୁ ମିଳିଥିଲା। ବ୍ୟକ୍ତିଗତ ୯୯ ରନ କରିଥିବାବେଳେ ଓ୍ବାର୍ନର ପଦାର୍ପଣକାରୀ ଟମ୍‌ କୁରାନଙ୍କ ବଲରେ କ୍ୟାଚ୍‌ ହୋଇ ପ୍ୟାଭିଲିୟନ ଫେରିଥିଲେ। ତେବେ ଟିଭି ରିପ୍ଲେରୁ ଏହା ନୋ ବଲ୍‌ ଜଣାପଡ଼ିବାରୁ ଓ୍ବାର୍ନର ଜୀବନଦାନ ପାଇ ପୁଣିଥରେ କ୍ରିଜ୍‌କୁ ପ୍ରତ୍ୟାବର୍ତ୍ତନ କରିଥିଲେ। ଏହା ପରବର୍ତ୍ତୀ ବଲରୁ ରନ ସଂଗ୍ରହ କରି ଏହି ବାମହାତୀ ବ୍ୟାଟ୍ସମ୍ୟାନ କ୍ୟାରିୟରର ୨୧ତମ ଟେଷ୍ଟ ଶତକ ହାସଲ କରିଥିଲେ। ୯୦ରୁ ୧୦୦ ରନ କରିବାକୁ ଓ୍ବାର୍ନର ୪୦ ମିନିଟ୍‌ ସମୟ ନେଇଥିଲେ। ତେବେ ସେ ବେଶି ସମୟ ତିଷ୍ଠି ନ ପାରି ବ୍ୟାକ୍ତିଗତ ୧୦୩ ରନ କରି ଅଭିଜ୍ଞ ଜେମ୍ସ ଆଣ୍ଡରସନଙ୍କ ଶିକାର ହୋଇଥିଲେ। ଇତ୍ୟବସରରେ ସେ ୭୦ ଟେଷ୍ଟରୁ ୬ ହଜାର ଟେଷ୍ଟ ରନ ପୂରଣ କରିବାରେ ସଫଳ ହୋଇଛନ୍ତି। ସେହିପରି ଏହି କ୍ଲବରେ ସାମିଲ ହେବାରେ ସେ ଡନ୍‌ ବ୍ରାଡ୍‌ମ୍ୟାନ୍‌, ରିକି ପଣ୍ଟିଂ ଓ ମାଥ୍ୟୁ ହେଡେନଙ୍କ ପରେ ୪ର୍ଥ ଦ୍ରୁତତମ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ହୋଇଛନ୍ତି। ଉସମାନ ଖାଓ୍ବାଜା (୧୭ ରନ) ମଧ୍ୟ ବଡ଼ ଇନିଂସ ଖେଳିବାରେ ବିଫଳ ହୋଇଥିଲେ। ତେବେ ଅଧିନାୟକ ଷ୍ଟିଭ ସ୍ମିଥ୍‌ ଓ ଶନ୍‌ ମାର୍ଶ ଦଳକୁ ଆଉ କ୍ଷତି ହେବାକୁ ଦେଇ ନ ଥିଲେ। ମଙ୍ଗଳବାର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ୮୯ ଓଭରରେ ୩ ଉଇକେଟ୍‌ ହରାଇ ୨୪୪ ରନ ସଂଗ୍ରହ କରିଛି। ସ୍ମିଥ୍‌ ୬୫ ଓ ମାର୍ଶ ୩୧ ରନ କରି କ୍ରିଜ୍‌ରେ ଅପରାଜିତ ରହିଛନ୍ତି। ଯଦି ସ୍ମିଥ୍‌ ଶତକ ହାସଲ କରନ୍ତି ତେବେ ଲଗାତର ୪ର୍ଥ ବର୍ଷ ଲାଗି ବକ୍ସିଂ ଡେ ଟେଷ୍ଟରେ ଶତକ ଅର୍ଜନ କରିବାର ବିରଳ ସୌଭାଗ୍ୟ ହାସଲ କରିବେ। ଗତବର୍ଷ ବକ୍ସିଂ ଡେ ଟେଷ୍ଟରେ ସ୍ମିଥ୍‌ ପାକିସ୍ତାନ ବିପକ୍ଷରେ ୧୬୫ ରନ କରିଥିଲେ। ସେହିଭଳି ୨୦୧୫ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ୧୪୩ ଏବଂ ୨୦୧୪ରେ ଭାରତ ବିପକ୍ଷରେ ୧୯୨ ରନ କରିଥିଲେ। ବକ୍ସିଂ ଡେ ଟେଷ୍ଟରେ ସ୍ମିଥ୍‌ ହାସଲ କରିଥିବା ଏହି ୩ଟି ଯାକ ଶତକରେ ସେ ଅପରାଜିତ ରହିଥିଲେ। ପାଞ୍ଚ ମ୍ୟାଚ୍‌ବିଶିଷ୍ଟ ସିରିଜକୁ ଅଷ୍ଟ୍ରେଲିଆ ଦଳ ଆଗୁଆ ୩-୦ରେ ଜିତିସାରିଛି।
All Right Reserved By

ଖେଳ |

ଜାତୀୟ ଶକ୍ତିଉତ୍ତୋଳନରେ ଭାଗନେବ ଓଡ଼ିଶା

ଜାତୀୟ ଶକ୍ତିଉତ୍ତୋଳନରେ ଭାଗନେବ ଓଡ଼ିଶା

ଭୁବନେଶ୍ୱର, ୨୫ା୯(ସ୍ପୋଟର୍‌ସ ବ୍ୟୁରୋ)- ଉତ୍ତରପ୍ରଦେଶର ଲକ୍ଷ୍ନୌଠାରେ ଆସନ୍ତା ୨୯ରୁ ଅନ୍‌ଇକ୍ୟୁପଟ ବିଭାଗର ଶକ୍ତିଉତ୍ତୋଳନ ପ୍ରତିଯୋଗିତା (ମହିଳା/ପୁରୁଷ) ଅନୁଷ୍ଠିତ ହେବ। ଏଥିରେ ଓଡ଼ିଶା ଦଳ ଅଂଶଗ୍ରହଣ କରିବ। 

ଏଣିକି ମହିଳାଙ୍କୁ ବାଲନ ଡି’ଅର ପୁରସ୍କାର

ଏଣିକି ମହିଳାଙ୍କୁ ବାଲନ ଡି’ଅର ପୁରସ୍କାର

ପ୍ୟାରିସ, ୨୫ା୯ (ଏଏଫ୍‌ପି)- ଏଣିକି  ବିଶ୍ୱର ଶ୍ରେଷ୍ଠ ମହିଳା ଖେଳାଳି  ଏବଂ ୨୧ ବର୍ଷରୁ କମ୍‌ ଖେଳାଳିଙ୍କୁ ପୁରସ୍କୃତ କରିବା ଲାଗି  ବାଲନ ଡି’ଅର ପୁରସ୍କାର ଆୟୋଜକଗଣ ସ୍ଥିର କରିଛନ୍ତି। 

ସ୍ପଟ୍‌ ଫିକ୍ସିଂ: ଶେହଜାଦଙ୍କୁ ପ୍ରଲୋଭିତ କରାଯାଇଥିଲା

ସ୍ପଟ୍‌ ଫିକ୍ସିଂ: ଶେହଜାଦଙ୍କୁ ପ୍ରଲୋଭିତ କରାଯାଇଥିଲା

ଦୁବାଇ, ୨୫ା୯ (ପି.ଟି.)-ଆସନ୍ତା ଆଫଗାନ ଟି୨୦ ପ୍ରିମିୟର ଲିଗ୍‌ରେ ଏକ ସ୍ପଟ ଫିକ୍ସିଂ ପାଇଁ ଆଫଗାନିସ୍ତାନ ଉଇକେଟକିପର ବ୍ୟାଟ୍ସମ୍ୟାନ ମହମ୍ମଦ ଶେହଜାଦ ପ୍ରଲୋଭନର ଶିକାର ହୋଇଥିବା ଏକ ରିପୋର୍ଟରେ ପ୍ରକାଶ ପାଇଛି।

ସହଜ ବିଜୟ ସହ କ୍ବାର୍ଟରରେ ତାମିଲନାଡୁ

ସହଜ ବିଜୟ ସହ କ୍ବାର୍ଟରରେ ତାମିଲନାଡୁ

କଟକ ଅଫିସ,୨୫ା୯- କଟକରେ ଚାଲିଥିବା ୨୪ତମ ଜାତୀୟ ସିନିୟର ମହିଳା ଫୁଟବଲ ଚାମ୍ପିୟନଶିପରେ ସୋମବାର ଗୋଟିଏ ମ୍ୟାଚ୍‌ ଖେଳାଯାଇଥିଲା । ଏଥିରେ ତାମିଲନାଡୁ ୯-୦ ଗୋଲରେ ମହାରାଷ୍ଟ୍ରକୁ ପରାସ୍ତ କରି କ୍ବାର୍ଟର ଫାଇନାଲରେ ପ୍ରବେଶ କରିଛି । 

ପ୍ରେସିଡେଣ୍ଟ୍‌ସ କପ୍‌ ଗଲ୍ଫ: ଲଖି ଚାମ୍ପିୟନ

ପ୍ରେସିଡେଣ୍ଟ୍‌ସ କପ୍‌ ଗଲ୍ଫ: ଲଖି ଚାମ୍ପିୟନ

ଭୁବନେଶ୍ୱର, ୨୫ା୯(ସ୍ପୋଟର୍‌ସ ବ୍ୟୁରୋ)- ଭୁବନେଶ୍ୱର ଗଲ୍ଫ କ୍ଲବ୍‌ (ବିଜିସି) ନୂଆ ସିଜନର ପ୍ରଥମ ପ୍ରତିଯୋଗିତା ପ୍ରେସିଡେଣ୍ଟ୍‌ସ କପ୍‌ରେ ଲଖି ସ୍ବାଇଁ ଚାମ୍ପିୟନ ହୋଇଛନ୍ତି। ୧୯-୨୪ ବର୍ଗରେ ଲଖି ବିଜୟିନୀ ହୋଇଥିବାବେଳେ ଏ.ସି. ବେହେରା ରନର୍ସଅପ୍‌ ହୋଇଛନ୍ତି। ମୁଖ୍ୟ ବର୍ଗ ୦-୧୮ରେ ଅଜୟ ନେଗି ଚାମ୍ପିୟନ ଏବଂ ହକି ଅଲିମ୍ପିଆନ୍‌ ଦିଲ୍ଲୀପ ତିର୍କି ରନର୍ସଅପ୍‌ ହୋଇଥିଲେ। 

ଭାରତ-ଆଫଗାନିସ୍ତାନ ମୁକାବିଲା ଆଜି

ଭାରତ-ଆଫଗାନିସ୍ତାନ ମୁକାବିଲା ଆଜି

ଦୁବାଇ, ୨୫।୯(ପି.ଟି.)- ଏସିଆ କପ୍‌ ସୁପର୍‌ ଫୋର୍‌ ପର୍ଯ୍ୟାୟର ଏକ ମୁକାବିଲାରେ ଭାରତୀୟ କ୍ରିକେଟ ଦଳ ମଙ୍ଗଳବାର ଆଫଗାନିସ୍ତାକୁ ଭେଟିବ। କ୍ରମାଗତ ୨ଟି ମ୍ୟାଚ୍‌ ଜିତି ଫାଇନାଲରେ ସ୍ଥାନ ପକ୍କା କରିସାରିଥିବାରୁ ରୋହିତ୍‌ ଶର୍ମାଙ୍କ ନେତୃତ୍ୱାଧୀନ ଭାରତୀୟ ଦଳ ପାଇଁ ସୁପର୍‌ ଫୋର୍‌ର ଏହି ଅନ୍ତିମ ମ୍ୟାଚ୍‌ ଗୁରୁତ୍ୱହୀନ ହୋଇପଡ଼ିଛି। 

ଜାତୀୟ ସିନିୟର ଓପନ ଆଥଲେଟିକ୍ସ ଚାମ୍ପିୟନଶିପ୍‌ ଆଜିଠାରୁ

ଜାତୀୟ ସିନିୟର ଓପନ ଆଥଲେଟିକ୍ସ ଚାମ୍ପିୟନଶିପ୍‌ ଆଜିଠାରୁ

ଭୁବନେଶ୍ୱର, ୨୫।୯(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମର ଆଥଲେଟିକ୍ସ ଷ୍ଟାଡିୟମ ପୁଣି ଚଳଚଞ୍ଚଳ। ଏଠାରେ ମଙ୍ଗଳବାରଠାରୁ ଆରମ୍ଭ ହେବାକୁ ଯାଉଛି ଜାତୀୟ ଓପନ ଆଥଲେଟିକ୍ସ ଚାମ୍ପିୟନଶିପ୍‌ର ୫୮ତମ ସଂସ୍କରଣ। 

ପୁନୀତ୍‌-ନେଗୀ ମେଘାଳୟକୁ ଜିତାଇଲେ

ପୁନୀତ୍‌-ନେଗୀ ମେଘାଳୟକୁ ଜିତାଇଲେ

ଆନନ୍ଦ, ୨୪।୯(ପି.ଟି.)- ବିଜୟ ହଜାରେ ଟ୍ରଫି ଏକଦିବସୀୟ କ୍ରିକେଟ ପ୍ରତିଯୋଗିତାରେ ସୋମବାର ପ୍ଲେଟ୍‌ ଗ୍ରୁପ୍‌ର ଅନୁଷ୍ଠିତ ଏକ ମ୍ୟାଚ୍‌ରେ ମେଘାଳୟ ୨୫୬ ରନର ବୃହତ ବ୍ୟବଧାନରେ ଅରୁଣାଚଳ ପ୍ରଦେଶକୁ ପରାସ୍ତ କରିଛି। ପୁନୀତ୍‌ ବିସ୍ତଙ୍କ କ୍ୟାରିୟର ଶ୍ରେଷ୍ଠ ୧୩୫ ରନ ଓ ଏବଂ ଅଭୟ ନେଗୀଙ୍କ ୭ ଉଇକେଟ୍‌ ସଫଳତା ବଳରେ ମେଘାଳୟ ଏହି ବୃହତ ବିଜୟ ଲାଭ କରିଛି। 

ଭାରତୀୟ ମହିଳା ଦଳ ସିରିଜ ଜିତିଲା

ଭାରତୀୟ ମହିଳା ଦଳ ସିରିଜ ଜିତିଲା

କଲମ୍ବୋ, ୨୪।୯(ପି.ଟି.)- ଅଞ୍ଜୁ ପାଟିଲ ଓ ଜେମିମା ରୋଡ୍ରିଗୁଏଜଙ୍କ ଅପରାଜିତ ଅର୍ଦ୍ଧଶତକ ବଳରେ ସୋମବାର ଏଠାରେ ଅନୁଷ୍ଠିତ ୪ର୍ଥ ଟି୨୦ ମ୍ୟାଚ୍‌ରେ ଭାରତ ୭ ଉଇକେଟ୍‌ରେ ଘରୋଇ ଶ୍ରୀଲଙ୍କାକୁ ପରାସ୍ତ କରିଛି। 

ଭଲିବଲ ପ୍ରତିଯୋଗିତା: କାଳାହି ଚାମ୍ପିୟନ

ଭଲିବଲ ପ୍ରତିଯୋଗିତା: କାଳାହି ଚାମ୍ପିୟନ

ଭୋଗରାଇ, ୨୪।୯(ଡି.ଏନ.ଏ.)-ଭୋଗରାଇ ବ୍ଲକ ଅଧୀନ ଚୌକି ନୀଳକଣ୍ଠେଶ୍ୱର ମହାଦେବ ପଡ଼ିଆରେ ଚୌକି ଚାମ୍ପିୟନ କ୍ଲବ ଆନୁକୂଲ୍ୟରେ ଚାଲିଥିବା ଡା. ଦୀନବନ୍ଧୁ ଦାସ ସ୍ମାରକୀ ଭଲିବଲ ପ୍ରତିଯୋଗିତାର ଦ୍ୱିତୀୟ ସଂସ୍କରଣ ଉଦ୍‌ଯାପିତ ହୋଇଯାଇଛି। 

ପୂର୍ବତନ ବିସିସିଆଇ ସଭାପତି ବି.ଏନ୍‌. ଦତ୍ତଙ୍କ ପରଲୋକ

ପୂର୍ବତନ ବିସିସିଆଇ ସଭାପତି ବି.ଏନ୍‌. ଦତ୍ତଙ୍କ ପରଲୋକ

କୋଲକାତା, ୨୪।୯- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ପୂର୍ବତନ ସଭାପତି ବିଶ୍ୱନାଥ ଦତ୍ତଙ୍କ ପରଲୋକ ଘଟିଛି। ଫୁସଫୁସ ଜନିତ ସଂକ୍ରମଣ କାରଣରୁ ସୋମବାର ତାଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ତାଙ୍କୁ ୯୨ ବର୍ଷ ହୋଇଥିଲା। 

ଚଣ୍ଡିମାଲଙ୍କୁ ଶ୍ରୀଲଙ୍କା ଦିନିକିଆ ଦଳର ନେତୃତ୍ୱ

ଚଣ୍ଡିମାଲଙ୍କୁ ଶ୍ରୀଲଙ୍କା ଦିନିକିଆ ଦଳର ନେତୃତ୍ୱ

କଲମ୍ବୋ,୨୪।୯- ଚଳିତ ଏସିଆ କପ୍‌ରେ ପ୍ରାରମ୍ଭିକ ପର୍ଯ୍ୟାୟରୁ ବିଦାୟ ନେବା ପରେ ଶ୍ରୀଲଙ୍କା ଦଳରେ ବଡ଼ ଧରଣର ପରିବର୍ତ୍ତନ ହୋଇଛି। ଶ୍ରୀଲଙ୍କା ଜାତୀୟ ଚୟନକର୍ତ୍ତା ଦିନେଶ ଚଣ୍ଡିମାଲଙ୍କୁ ଦିନିକିଆ ଦଳର ଅଧିନାୟକ ଘୋଷଣା କରିଛନ୍ତି।