ମେଟ୍ରୋ |

ନୂଆବର୍ଷ ପାଇଁ ନୂଆ ପ୍ରସ୍ତୁତି: ଜିରୋ ଆୱାର୍‌ ସେଲିବ୍ରେଶନ

ନୂଆବର୍ଷ ପାଇଁ ନୂଆ ପ୍ରସ୍ତୁତି:  ଜିରୋ ଆୱାର୍‌ ସେଲିବ୍ରେଶନ
ଭୁବନେଶ୍ୱର,୨୫ା୧୨(ବ୍ୟୁରୋ)- ୨୦୧୮କୁ ସ୍ବାଗତ କରିବାକୁ ଏବେଠାରୁ ଆରମ୍ଭ ହୋଇଗଲାଣି କାଉଣ୍ଟଡାଉନ୍‌। ପୁରୁଣାବର୍ଷକୁ ବିଦାୟ ଦେଇ ନୂଆବର୍ଷକୁ ଧୁମ୍‌ଧାମରେ ସ୍ବାଗତ କରିବା ପାଇଁ ଚାରିଆଡେ ସପ୍ତାହେ ପୂର୍ବରୁ ଦେଖିବାକୁ ମିଳିଲାଣି ଉତ୍ସବର ମାହୋଲ। ବାସ୍‌ ଅପେକ୍ଷା ଆଉ କିଛିଦିନ। ଏହାପରେ ଆରମ୍ଭ ହୋଇଯିବ ଜିରୋ ଆଓ୍ବାର ଓ ତା’ପରେ ବହୁ ପ୍ରତିକ୍ଷିତ ନବବର୍ଷ। ପ୍ରତିବର୍ଷ ଭଳି ଏବର୍ଷ ମଧ୍ୟ ଜିରୋ ଆଓ୍ବାରକୁ ସେଲିବ୍ରେଶନ କରିବାକୁ ଭୁବନେଶ୍ୱରରେ ଚାଲିଛି ଜୋର୍‌ଦାର ପ୍ରସ୍ତୁତି। ଇଭେଣ୍ଟ ମ୍ୟାନେଜମେଣ୍ଟ ସଂସ୍ଥାଗୁଡିକଠାରୁ ଆରମ୍ଭକରି ଛୋଟବଡ଼ ହୋଟେଲ, କାଫେ ଓ କ୍ଲବ୍‌ରେ ସ୍ବତନ୍ତ୍ର ନୂଆବର୍ଷ ପାର୍ଟି ଆୟୋଜନ ଚାଲିଛି। ଏଥିପାଇଁ ଅଧିକାଂଶ ସ୍ଥାନରେ ଟିକେଟ ବୁକିଂ ଆରମ୍ଭ ହୋଇଯାଇଛି। ବିଭିନ୍ନ ବର୍ଗଙ୍କୁ ଆକର୍ଷିତ କରିବା ପାଇଁ ଲାଗିପଡିଛନ୍ତି ଆୟୋଜକ। କେଉଁଠି କପଲ୍‌ ଏଣ୍ଟ୍ରିରେ ରିହାତି ମିଳୁଛି ତ କେଉଁଠି ଆଗୁଆ ବୁକିଂ ଓ ଅନଲାଇନ୍‌ ବୁକିଂର ଅଫର ରହିଛି। ଏଥିପାଇଁ ସର୍ବନିମ୍ନ ପ୍ରବେଶ ଶୁଳ୍କ ୫୯୯ରୁ ସର୍ବାଧିକ ୮ହଜାର ଟଙ୍କା ପର୍ଯ୍ୟନ୍ତ ରହିଛି। ଜିରୋ ଆଓ୍ବାର ସେଲିବ୍ରେଶନ ଓ ନ୍ୟୁଇୟର ପାର୍ଟି ସମ୍ପର୍କରେ ଆମର ସ୍ବତନ୍ତ୍ର ରିପୋର୍ଟ। ସେଲିବ୍ରିଟି ଡିଜେ ସହ ଲାଇଭ୍‌ ବ୍ୟାଣ୍ଡ୍‌: ଭୁବନେଶ୍ୱରର ଅନ୍ୟତମ ପ୍ରମୁଖ ହୋଟେଲ ମେ’ଫେୟାରରେ ଚଳିତବର୍ଷ ୩ଟି ନୂଆବର୍ଷ ପାର୍ଟି ଆୟୋଜିତ ହେବ। ମେ’ ଫେୟାର କନ୍‌ଭେନ୍‌ସନ୍‌ ସହ ‘ଦି ସେଲାର’ ଏବଂ ମଣ୍ଡପରେ ଧୁମ୍‌ଧାମରେ ଜିରୋ ନାଇଟ୍‌ ସେଲିବ୍ରେଶନ କରାଯିବ। ଏହାସହ ଲେମନ ଗ୍ରାସ ଓ ନକଲି ଢାବାରେ ମଧ୍ୟ ଲୋକେ ସୁସ୍ବାଦୁ ଖାଦ୍ୟ ଓ ମନପସନ୍ଦର ମ୍ୟୁଜିକ୍‌ ସହ ନୂଆବର୍ଷର ମଜା ନେଇପାରିବେ। ସବୁବର୍ଗର ଲୋକଙ୍କ ପସନ୍ଦକୁ ଦୃଷ୍ଟିରେ ରଖି ଏଠାରେ ଭିନ୍ନ ଥିମ୍‌ରେ କାର୍ଯ୍ୟକ୍ରମ କରାଯିବ। କେଉଁଠି ସ୍ଲୋ ମ୍ୟୁଜିକ୍‌ ତ କେଉଁଠି ସେଲିବ୍ରିଟି ଡିଜେ ଓ ଲାଇଭ୍‌ ବ୍ୟାଣ୍ଡ୍‌ର ମଜା ନେଇପାରିବେ ସହରବାସୀ। ଏଥିପାଇଁ ପ୍ରବେଶ ଶୁକ୍ଳ ରହିଥିବାବେଳେ ଖାଦ୍ୟ ଓ ପାନୀୟର ସ୍ବତନ୍ତ୍ର ବ୍ୟବସ୍ଥା ରହିବ। ଏହାସହ ସର୍‌ପ୍ରାଇଜ୍‌ ଗିଫ୍ଟ, ଆକର୍ଷଣୀୟ ବଫେଟ୍‌, ଡ୍ୟାନ୍ସ ସହ ଗୀତ୍‌ ସାଗର, ରିୟା ଭଟ୍ଟାଚାର୍ଯ୍ୟ ଓ ସୋ’ ମେକର୍ସ ଡ୍ୟାନ୍ସ ଟ୍ରୁପ୍‌ ଏଥର ମେ’ଫେୟାରର ଆକର୍ଷଣ ରହିବ। ଏଥିପାଇଁ ଭିନ୍ନ ଭିନ୍ନ ଏଣ୍ଟ୍ରି ଫି’ ରହିଛି। ‘ସ୍କାଏ ଲିମିଟ’, ‘ସିମର’: ନୂତନ ବର୍ଷକୁ ସ୍ବାଗତ କରିବାକୁ ସ୍ବସ୍ତି ପ୍ରିମିୟମ୍‌ର ପ୍ଲାଜା କ୍ଲବ୍‌ରେ ‘ସ୍କାଏ ଲିମିଟ ୨୦୧୮’ ଅନୁଷ୍ଠିତ ହେଉଥିବା ବେଳେ ଚାଣକ୍ୟ ହଲ୍‌ରେ ‘ସିମର୍‌ ୨୦୧୮’ ଆୟୋଜିତ ହେବ। ପ୍ରତିବର୍ଷ ଭଳି ଏବର୍ଷ ମଧ୍ୟ ‘ସ୍କାଏ ଲିମିଟ’ ଓ ‘ସିମର’ର ଦମ୍‌ଦାର ଡିଜେ ଓ ଡ୍ୟାନ୍ସ ଶୋ’ ମୁଖ୍ୟ ଆକର୍ଷଣ ସାଜିବ। ଅନ୍‌ଲିମିଟେଡ୍‌ ସ୍ନାକ୍‌ସ ଓ ପାନୀୟ ବ୍ୟବସ୍ଥା ସହ ବଫେଟ୍‌ ଡିନର ଏଠାକାର ଆଉ ଏକ ଆକର୍ଷଣ ରହିବ। ସିଙ୍ଗଲ ଓ କପୁଲଙ୍କ ପାଇଁ ଅଲଗା ପ୍ରବେଶ ଶୁଳ୍କ ରହିଥିବା ବେଳେ ‘ସ୍କାଏ ଲିମିଟ୍‌’ର ଷ୍ଟାଗ୍‌ ଏଣ୍ଟ୍ରି ୩୫୦୦ଟଙ୍କା ଏବଂ କପୁଲ ଏଣ୍ଟ୍ରି ୫୦୦୦ ଟଙ୍କା ରହିଛି। ସେହିଭଳି ‘ସିମର’ ପାଇଁ କପୁଲ ଟିକେଟ୍‌ ୬୫୦୦ ଟଙ୍କା ରହିଥିବା ବେଳେ ସ୍ବତନ୍ତ୍ର ପ୍ୟାକେଜ୍‌ ମଧ୍ୟ ରହିଛି। ମୁଖ୍ୟ ଆକର୍ଷଣ ସୁବୁହୀ ଯୋଶୀ: ଖଣ୍ଡଗିରିସ୍ଥିତ ପ୍ରାଚୀ ରିସର୍ଟରେ ହେବାକୁ ଥିବା ଜିରୋ ଆଓ୍ବାର ସେଲିବ୍ରେଶନ ‘ମ୍ୟାସ୍‌ମେଲୋ ହ୍ୟାଙ୍ଗ୍‌ଓଭର ନ୍ୟୁ ଇୟର ୨୦୧୮’ର ମୁଖ୍ୟ ଆକର୍ଷଣ ସାଜିବେ ସ୍ପ୍ଲିଟ୍‌ସ ଭିଲା ଫେମ୍‌ ସୁବୁହୀ ଯୋଶୀ। ସୁବୁହୀଙ୍କ ସହ ବମ୍ବେରୁ ଆସିବାକୁ ଥିବା ଡିଜେ ଅଙ୍କିତ୍‌ଙ୍କ ଧୁମ୍‌ଧଡାକ ଗୀତର ମଜା ନେଇପାରିବେ ଲୋକେ। ସେହିଭଳି ଡିଜେ ନାଇଟ୍‌ ସହ ଫ୍ୟାଶନ୍‌ ଶୋ’ ଏଠାକାର ଭିନ୍ନ ଆକର୍ଷଣ ରହିବ। ସନ୍ଧ୍ୟା ୬ଟାରୁ ରାତି ୧୨ଟା ମଧ୍ୟରେ ଲୋକେ ବିରିୟାନୀ, ଅନ୍‌ଲିମିଟେଡ୍‌ ଷ୍ଟାର୍ଟର ଓ ସ୍ନାକ୍‌ସ, ମକ୍‌ଟେଲ୍‌ ଓ ଆଇସ୍‌କ୍ରିମ୍‌ର ମଜା ମଧ୍ୟ ନେଇପାରିବେ ବୋଲି ଆୟୋଜକ ସୌମ୍ୟରଞ୍ଜନ ଦାସ କହିଛନ୍ତି। ଇନ୍‌ଡୋର ଲେଜର ପାର୍ଟି: ନୟାପଲ୍ଲୀସ୍ଥିତ ହୋଟେଲ ପ୍ରେସିଡେନ୍ସିରେ ହେବାକୁ ଥିବା ‘ଜଙ୍କସନ୍‌ ନାଇଟ୍‌’ ସହରର ଆଉଏକ ଜିରୋ ଆଓ୍ବାର ସେଲିବ୍ରେଶନ ଡେଷ୍ଟିନେଶନ। ଇନ୍‌ଡୋର୍‌ ଲେଜର ପାର୍ଟି ଏଠାକାର ମୁଖ୍ୟ ଆକର୍ଷଣ ହୋଇଥିବାବେଳେ ଡିଜେ ମାହି, ଡିଜେ ସ୍ମୋକ୍‌, ଡିଜେ ସ୍ପାର୍କଙ୍କ ଭଳି ଲୋକପ୍ରିୟ ଡିଜେଙ୍କ ହଲ୍‌ଚଲ୍‌ ଟ୍ରାକ୍‌ରେ ଭରପୁର ନାଚିପାରିବେ ଲୋକେ। ଏହାସହ ଡାର୍କ ଲେଜର, ବେଲି ଡ୍ୟାନ୍ସ, ଏଲ୍‌ଇଡି ହାଉସ୍‌, ଅନ୍‌ଲିମିଟେଡ୍‌ ଷ୍ଟାର୍ଟର ଓ ବଫେଟ୍‌ ମଧ୍ୟ ଏଠାରେ ଉପଲବ୍ଧ ହେବ। ଆକାଶଙ୍କ ସହ ସେଲ୍‌ଫି: ପଟିଆସ୍ଥିତ କିଟ୍‌ ଛକରେ ଥିବା ବ୍ଲୁ ଅର୍କିଡ୍‌ରେ ଆଉଟ୍‌ଡୋର୍‌ ଲେଜର ସହ ସେଲିବ୍ରିଟି ଡିଜେ ଓ ସେଲିବ୍ରିଟି କଣ୍ଠଶିଳ୍ପୀ ଜିରୋ ଆଓ୍ବାର ପାର୍ଟିର ଆକର୍ଷଣ ସାଜିବେ। ‘ନକ୍‌ ଆଉଟ୍‌ ୨୦୧୮’ ପାର୍ଟିରେ ବମ୍ବେର ମହିଳା ଡିଜେ ଜେନୀ, ସେଲିବ୍ରିଟି ଅଭିନେତା ତଥା କଣ୍ଠଶିଳ୍ପୀ ଆକାଶ କର ଯୋଗଦେବାର କାର୍ଯ୍ୟକ୍ରମ ରହିଛି। ଏହାସହ ର଼୍ୟାମ୍ପ୍‌ ଓ୍ବାକ୍‌ ଏବଂ ସରପ୍ରାଇଜିଂ ଗିଫ୍ଟର ମଧ୍ୟ ବ୍ୟବସ୍ଥା ରହିଛି। ସୁସ୍ବାଦୁ ଖାଦ୍ୟ ଓ ପାନୀୟ ସହ ଲୋକେ ଆକାଶଙ୍କ ସହ ସେଲ୍ଫି ଉଠାଇବାର ସୁଯୋଗ ପାଇବେ। ଅନ୍ୟାନ୍ୟ ପ୍ରମୁଖ ସ୍ଥାନ : ନନ୍ଦନକାନନ ନିକଟରେ ଥିବା ଲାଲ୍‌କିଲା ହୋଟେଲରେ ଲାଇଭ୍‌ ଡିଜେ ସହ ବିଭିନ୍ନ ଗେମ୍‌, ସୁସ୍ବାଦୁ ଖାଦ୍ୟ ଓ ମକ୍‌ଟେଲ୍‌ ଏବଂ କଟକ ରୋଡ୍‌ସ୍ଥିତ ଭିଟ୍‌ସ ହୋଟେଲରେ ଡିଜେ ଓ ଡ୍ୟାନ୍ସ ଟ୍ରୁପ୍‌ ସହ ଡିନର୍‌, ଲକି ଡ୍ର’ ଆଦିର ବ୍ୟବସ୍ଥା ରହିବ। ପଟିଆର ବ୍ଲାକ୍‌ ଫରେଷ୍ଟ ରିସର୍ଟରେ ଏକାଧିକ ସେଲିବ୍ରିଟି ସିଙ୍ଗର, ସେଲିବ୍ରିଟି ଡିଜେ, ସୁସ୍ବାଦୁ ଖାଦ୍ୟ, ଚନ୍ଦ୍ରଶେଖରପୁରସ୍ଥିତ ୧୦ ଡିସି ଲଞ୍ଜ୍‌ ବାର୍‌ରେ ହେବାକୁ ଥିବା ଜିରୋ ଆଓ୍ବାର ପାର୍ଟି ‘ମ୍ୟାକ୍ସିମସ୍‌’ରେ ଲାଇଭ୍‌ ବ୍ୟାଣ୍ଡ୍‌, ଲାଇଭ୍‌ ଡିଜେ, ସ୍ନାକ୍‌ସ ଏବଂ ହୋଟେଲ ଜେଡ୍‌ ଇଣ୍ଟରନ୍ୟାଶନାଲରେ ହେବାକୁ ଥିବା ‘ଫାଇନାଲ କାଉଣ୍ଟଡାଉନ୍‌’ରେ କଲିକତାର ଡିଜେ ଡକ୍ଟର ମୁଖ୍ୟ ଆକର୍ଷଣ ରହିବ। ବିଭିନ୍ନ ଇଭେଣ୍ଟ ମ୍ୟାନେଜ୍‌ମେଣ୍ଟ ସଂସ୍ଥା ପକ୍ଷରୁ ସହରର ବିଭିନ୍ନ ସ୍ଥାନରେ ଜିରୋ ନାଇଟ୍‌ ସେଲିବ୍ରେଶନ କରାଯିବ। ଏହାବ୍ୟତୀତ ହୋଟେଲ ଟ୍ରାଇଡେଣ୍ଟ, ହାଟେଲ ଏଚ୍‌ଏଚ୍‌ଆଇ, ହୋଟେଲ ଏମ୍ପାୟାର୍ସ, ହୋଟେଲ ପୁଷ୍ପକ ଏବଂ ଚନ୍ଦ୍ରଶେଖରପୁର, ପଟିଆ ଅଞ୍ଚଳରେ ଥିବା ଏକାଧିକ ଛୋଟବଡ ହୋଟେଲରେ ଜିରୋ ନାଇଟ୍‌ ସେଲିବ୍ରେଶନ ପାଇଁ ସ୍ବତନ୍ତ୍ର କାର୍ଯ୍ୟକ୍ରମମାନ ଆୟୋଜନ ହୋଇଛି।
All Right Reserved By

ମେଟ୍ରୋ |

ବଢ଼ିଲା ସାମାଜିକ ସୁରକ୍ଷା ଭତ୍ତା : ୨ଶହ ଟଙ୍କା ବୃଦ୍ଧିନେଇ ଘୋଷଣା କଲେ ମୁଖ୍ୟମନ୍ତ୍ରୀ

ବଢ଼ିଲା ସାମାଜିକ ସୁରକ୍ଷା ଭତ୍ତା : ୨ଶହ ଟଙ୍କା ବୃଦ୍ଧିନେଇ ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୧୯।୧(ବ୍ୟୁରୋ): ସାମାଜିକ ସୁରକ୍ଷା ଉପରେ ଗୁରୁତ୍ୱଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୦ ଟଙ୍କା ସାମାଜିକ ସୁରକ୍ଷା ଭତ୍ତା ବୃଦ୍ଧି କରିଛନ୍ତି। ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅବସରରେ ଶନିବାର ମୁଖ୍ୟମନ୍ତ୍ରୀ ଏନେଇ ଘୋଷଣା କରିଛନ୍ତି। ଏହା ଦ୍ୱାରା ୩୦୦ ଟଙ୍କା ଭତ୍ତା ପାଉଥିବା ହିତାଧିକାରୀ ୫୦୦ ଟଙ୍କା ପାଇପାରିବେ। ସେହିପରି ୮୦ ବର୍ଷରୁ ଅଧିକ ବୟସର ହିତାଧିକାରୀ ୭ଶହ ଟଙ୍କା ପାଇବେ।

ପିଠା ସ୍ଥଳୀରେ ମାର୍‌ପିଟ: ସରପଞ୍ଚଙ୍କ ଅନୁପସ୍ଥିତିରେ ପ୍ରୋତ୍ସାହନ ବାଣ୍ଟିଲେ ମନ୍ତ୍ରୀ

ପିଠା ସ୍ଥଳୀରେ ମାର୍‌ପିଟ: ସରପଞ୍ଚଙ୍କ ଅନୁପସ୍ଥିତିରେ ପ୍ରୋତ୍ସାହନ ବାଣ୍ଟିଲେ ମନ୍ତ୍ରୀ

କଟକସଦର, ୧୯।୧(ଡି.ଏନ୍‌.ଏ.): କଟକସଦର ବ୍ଲକ ଅନ୍ତର୍ଗତ ଗତିରାଉତପାଟଣା ପଞ୍ଚାୟତର ପିଠା କାର୍ଯ୍ୟକ୍ରମ ସ୍ଥଳରେ ଶନିବାର ସକାଳେ ୨ ଗୋଷ୍ଠୀ ମଧ୍ୟରେ  ମାର୍‌ପିଟ୍‌ ହୋଇଛି। ଫଳରେ ସରପଞ୍ଚ ଗୋଷ୍ଠୀର ୨ ଜଣ ଆହତ ହୋଇଥିବା  ଜଣାପଡିଛି। 

୨୦ ଗ୍ରାମ୍‌ ବ୍ରାଉନ୍‌ସୁଗାର ଜବତ, ୨ ଗିରଫ

୨୦ ଗ୍ରାମ୍‌ ବ୍ରାଉନ୍‌ସୁଗାର ଜବତ, ୨ ଗିରଫ

ଭୁବନେଶ୍ୱର, ୧୯।୧(ବ୍ୟୁରୋ): ଭୁବନେଶ୍ୱର ଖଣ୍ଡଗିରି ଛକ ନିକଟରୁ ଖଣ୍ଡଗିରି ଥାନା ପୋଲିସ ଓ କ୍ୟୁଏଟି ମିଳିତ ଭାବେ ଚଢ଼ାଉକରି ୨ ବ୍ରାଉନ୍‌ ସୁଗାର ବ୍ୟବସାୟୀଙ୍କୁ ଶନିବାର ସକାଳେ ଗିରଫ କରିଛି। ସେମାନଙ୍କ ପରିଚୟ ଏଯାବତ୍‌ ମିଳିପାରି ନାହିଁ। ତେବେ ସେମାନଙ୍କ ନିକଟରୁ ୨୦ ଗ୍ରାମର ବ୍ରାଉନ୍‌ସୁଗାର ଓ ଏକ କାର ଜବତ କରାଯାଇଛି। 

ଦେହରେ କିରୋସିନ ଢ଼ାଳି ନିଆଁ ଲଗାଇ ସ୍ବାମୀ,  ସ୍ତ୍ରୀ, ଝିଅ ଗୁରୁତର

ଦେହରେ କିରୋସିନ ଢ଼ାଳି ନିଆଁ ଲଗାଇ ସ୍ବାମୀ, ସ୍ତ୍ରୀ, ଝିଅ ଗୁରୁତର

ଭୁବନେଶ୍ୱର, ୧୯।୧(ବ୍ୟୁରୋ): ଲିଙ୍ଗରାଜ ଥାନା ଅନ୍ତର୍ଗତ କପିଳେଶ୍ୱର ନଗର କେନାଲବନ୍ଧ ଅଞ୍ଚଳରେ ଶନିବାର ସକାଳେ ଏକ ଅଭାବନୀୟ ଘଟଣା ଘଟିଛି। ପାରିବାରିକ କଳହକୁ କେନ୍ଦ୍ରକରି ଦମ୍ପତ୍ତି ଦେହରେ କିରୋସିନ ଢ଼ାଳି ନିଆଁ ଲଗାଇ ଗୁରୁତର ଭାବେ ଆହତ ହୋଇଛନ୍ତି। ସେମାନେ ହେଲେ ସ୍ବାମୀ ଅଜୟ ଦାସ(୪୦), ସ୍ତ୍ରୀ ଜାନକୀ ଦାସ। ଏଥିରେ ସେମାନଙ୍କ ୩ ବର୍ଷିୟା ଝିଅ ମଧ୍ୟ ଆହତ ହୋଇଛନ୍ତି। 

ରାଜଧାନୀରେ ଘନ କୁହୁଡ଼ି: ଯାତାୟାତ ବାଧାପ୍ରାପ୍ତ, ବିମାନ ସେବା ବିଳମ୍ବ

ରାଜଧାନୀରେ ଘନ କୁହୁଡ଼ି: ଯାତାୟାତ ବାଧାପ୍ରାପ୍ତ, ବିମାନ ସେବା ବିଳମ୍ବ

ଭୁବନେଶ୍ୱର,୧୯।୧: ଘନ କୁହୁଡ଼ିର ଆସ୍ତରଣ ମଧ୍ୟରେ ରାଜଧାନୀ ଭୂବନେଶ୍ୱର। ଶନିବାର ସକାଳେ ରାଜଧାନୀ ସମେତ କଟକରେ ମଧ୍ୟ ପ୍ରବଳ କୁହୁଡ଼ି ଦେଖିବାକୁ ମିଳିଛି। ଫଳରେ ଜନଜୀବନ ସାଧାରଣ ବାଧାପ୍ରାପ୍ତ ହୋଇଛି। 

ପଶ୍ଚିମ  ଓଡିଶାରେ ଶୀତର ପ୍ରକୋପ ଜାରି: ୧୦ ଡିଗ୍ରୀ ତଳେ ୧୦ ସହର

ପଶ୍ଚିମ ଓଡିଶାରେ ଶୀତର ପ୍ରକୋପ ଜାରି: ୧୦ ଡିଗ୍ରୀ ତଳେ ୧୦ ସହର

 ଭୁବନେଶ୍ୱର,୧୯।୧(ବ୍ୟୁରୋ)-ପଶ୍ଚିମ  ଓଡିଶାରେ ଶୀତର ପ୍ରକୋପ ଜାରି ରହିଛି। ଆସନ୍ତା ୪୮ ଘଣ୍ଟା ପର୍ଯ୍ୟନ୍ତ ଅନୁଗୋଳ, ବୌଦ୍ଧ, ସୋନପୁର ଏବଂ ବଲାଙ୍ଗୀର ଜିଲାରେ ଶୀତ ଲହରି ଜାରି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ଏହି ଅଞ୍ଚଳରେ ପାରଦ ୧୦ ଡିଗ୍ରୀ ତଳେ ରହିବ।  କେତେକ ସ୍ଥାନରେ ସର୍ବନିମ୍ନ ତାପମାତ୍ର ଆହୁରି ତଳକୁ ଖସିବ ବୋଲି ଅନୁମାନ କରାଯାଇଛି। 

ପିସିରେ ପେଷି ହେଉଛି ପକ୍କାଘର, ଲକ୍ଷ୍ୟ ରଖିଥିବା ସଂଖ୍ୟା ବି ଛୁଇଁପାରିଲେନି  ରାଜ୍ୟ ସରକାର

ପିସିରେ ପେଷି ହେଉଛି ପକ୍କାଘର, ଲକ୍ଷ୍ୟ ରଖିଥିବା ସଂଖ୍ୟା ବି ଛୁଇଁପାରିଲେନି ରାଜ୍ୟ ସରକାର

ଭୁବନେଶ୍ୱର, ୧୯।୧(ସୁନିତ୍‌ ମିଶ୍ର): ୨୦୧୯ ସୁଦ୍ଧା ରାଜ୍ୟର ସମସ୍ତ କଚ୍ଚା ଘରକୁ ପକ୍କା ଘର କରାଯିବ। ୨୦୧୪ ସାଧାରଣ ନିର୍ବାଚନ ପୂର୍ବରୁ ଏଭଳି ପ୍ରତିଶ୍ରୁତି ଦେଇ ବିଜେଡି ନିଜ ନିର୍ବାଚନୀ ଇସ୍ତାହାରରେ ଉଲ୍ଲେଖ କରିଥିଲା। ଲୋକମାନଙ୍କ ବିପୁଳ ସମର୍ଥନ ପାଇ ୪ର୍ଥ ଥର ଲାଗି ବିଜେଡି କ୍ଷମତାକୁ ଫେରିଥିଲା। ହେଲେ ରାଜ୍ୟ ସରକାର ୨୦୧୯ ସୁଦ୍ଧା ୨୫ ଲକ୍ଷ ହିତାଧିକାରୀଙ୍କୁ ପକ୍କା ଘର ଯୋଗାଇ ଦେବାକୁ ଲକ୍ଷ୍ୟ ରଖିଲେ। 

୨୦୨୦ ସୁଦ୍ଧା ସରିବ ବ୍ୟାଖ୍ୟାନ କେନ୍ଦ୍ର କାମ: ପ୍ରଦର୍ଶିତ ହେବ ମହାପ୍ରଭୁଙ୍କ ବେଶ, ଖର୍ଚ୍ଚ ହେବ ୫ କୋଟି

୨୦୨୦ ସୁଦ୍ଧା ସରିବ ବ୍ୟାଖ୍ୟାନ କେନ୍ଦ୍ର କାମ: ପ୍ରଦର୍ଶିତ ହେବ ମହାପ୍ରଭୁଙ୍କ ବେଶ, ଖର୍ଚ୍ଚ ହେବ ୫ କୋଟି

ପୁରୀ ଅଫିସ,୧୯ା୧: ପର୍ଯ୍ୟଟନ ମାନଚିତ୍ରରେ ପୁରୀର ସ୍ଥାନ ସ୍ବତନ୍ତ୍ର। ଶ୍ରୀମନ୍ଦିର ଏବଂ ବିସ୍ତୀର୍ଣ୍ଣ ବେଳାଭୂମିର ମନୋରମ ଦୃଶ୍ୟ ପର୍ଯ୍ୟଟକଙ୍କୁ ଆକର୍ଷିତ କରିଥାଏ। କେନ୍ଦ୍ର ସରକାରଙ୍କ ଆଇକନିକ ସିଟି ତାଲିକାରେ ସ୍ଥାନ ପାଇଥିବା ପୁରୀ ସହରରେ ରହିଛି ବହୁ ପୁରାତନ ମଠ ଓ ମନ୍ଦିର। ଯେଉଁଥିପାଇଁ ପ୍ରତିଦିନ ହଜାର ହଜାର ପର୍ଯ୍ୟଟକ ଏବଂ ତୀର୍ଥଯାତ୍ରୀ ଏଠାକୁ ଛୁଟି ଆସନ୍ତି। 

ବ୍ରହ୍ମ ବିଭ୍ରାଟ ପ୍ରସଙ୍ଗ: ଜଣେ ଦୋଷ ସ୍ବୀକାର କରି କ୍ଷମା ମାଗିଛନ୍ତି

ବ୍ରହ୍ମ ବିଭ୍ରାଟ ପ୍ରସଙ୍ଗ: ଜଣେ ଦୋଷ ସ୍ବୀକାର କରି କ୍ଷମା ମାଗିଛନ୍ତି

ପୁରୀ ଅଫିସ,୧୯।୧: ବହୁଚର୍ଚ୍ଚିତ ବ୍ରହ୍ମ ବିଭ୍ରାଟ ପ୍ରସଙ୍ଗରେ ଶ୍ରୀମନ୍ଦିର ପ୍ରଶାସନ ଗତ ନଭେମ୍ବର ୧୪ରେ ୯ ଦଇତାପତି ସେବକ ଏବଂ ଜଣେ ମହାରଣା ସେବକଙ୍କୁ ନୋଟିସ ଜାରି କରିଥିଲା। ସେମାନେ ଉତ୍ତର ରଖିଥିଲେ। ସେମାନଙ୍କ ମଧ୍ୟରୁ ଜଣେ ଦୋଷ ସ୍ବୀକାର କରି କ୍ଷମା ମାଗିଛନ୍ତି। ଏ ସମ୍ପର୍କରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ୍ତ ମହାପାତ୍ର କହିଛନ୍ତି ଯେ, ବ୍ରହ୍ମ ବିଭ୍ରାଟ ଘଟଣାରେ ୯ ଜଣ ଦୋଷୀ ସ୍ବୀକାର କରିନାହାନ୍ତି।

ଶ୍ରୀମନ୍ଦିରରେ ଅଚଳାବସ୍ଥା ପ୍ରସଙ୍ଗ: ଚିହ୍ନଟ ୩୬ଙ୍କ ମଧ୍ୟରେ ୨ ଅଣସେବକ, ୧୮ ସେବକଙ୍କୁ ନୋଟିସ, ୧୬ ଜଣଙ୍କୁ ମଗାଯିବ ତଥ୍ୟ

ଶ୍ରୀମନ୍ଦିରରେ ଅଚଳାବସ୍ଥା ପ୍ରସଙ୍ଗ: ଚିହ୍ନଟ ୩୬ଙ୍କ ମଧ୍ୟରେ ୨ ଅଣସେବକ, ୧୮ ସେବକଙ୍କୁ ନୋଟିସ, ୧୬ ଜଣଙ୍କୁ ମଗାଯିବ ତଥ୍ୟ

ପୁରୀ ଅଫିସ,୧୯।୧: ଶ୍ରୀମନ୍ଦିରରେ ଗତ ଡିସେମ୍ବର ୨୮ରେ ଅଚଳାବସ୍ଥା ସୃଷ୍ଟି ହୋଇଥିଲା। ଫିଟି ନ ଥିଲା ଦ୍ୱାର। ୧୪ ଘଣ୍ଟା ଅଖିଆ, ଅପିଆ ରହିଥିଲେ ମହାପ୍ରଭୁ। ଏହି ଘଟଣାକୁ ଗୁରୁତର ସହ ନେଇ ତଦନ୍ତ ଚଳାଇଛି ଶ୍ରୀମନ୍ଦିର ପ୍ରଶାସନ। ଏଥିପାଇଁ କେଉଁମାନେ ଦାୟୀ ସେ ଦିଗରେ ପ୍ରାଥମିକ ଯାଞ୍ଚ ଏବଂ ବୟାନ ରେକର୍ଡ ପରେ ୧୮ ସେବକଙ୍କୁ ନୋଟିସ ଜାରି କରିଛି ଶ୍ରୀମନ୍ଦିର ପ୍ରଶାସନ। 

ଶ୍ରୀମନ୍ଦିର ଶୃଙ୍ଖଳା ଉପରେ ଗୁରୁତ୍ୱ: ତଦାରଖ ପାଇଁ ତିନିଥାକିଆ ବ୍ୟବସ୍ଥା, ପୁଣି କାର୍ଯ୍ୟକ୍ଷମ କରିବ ବୁଧବାରିଆ କମିଟି

ଶ୍ରୀମନ୍ଦିର ଶୃଙ୍ଖଳା ଉପରେ ଗୁରୁତ୍ୱ: ତଦାରଖ ପାଇଁ ତିନିଥାକିଆ ବ୍ୟବସ୍ଥା, ପୁଣି କାର୍ଯ୍ୟକ୍ଷମ କରିବ ବୁଧବାରିଆ କମିଟି

ପୁରୀ ଅଫିସ,୧୯।୧: ଶ୍ରୀମନ୍ଦିରରେ କୌଣସି ପ୍ରକାର ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ। ଠାକୁରଙ୍କ ନୀତିକାନ୍ତି ହେଉ କି ଭକ୍ତଙ୍କ ଦର୍ଶନ ସବୁ ଯେପରି ସୁରୁଖୁରୁରେ ଏବଂ ନିର୍ଦ୍ଧାରିତ ସମୟ ଅନୁସାରେ ଚାଲିବ ତାହା ଉପରେ ଗୁରୁତ୍ୱ ଦେଇଛି ମନ୍ଦିର ପ୍ରଶାସନ। ବାରମ୍ବାର ତାଗିଦ ସତ୍ତ୍ବେ ମଝିରେ ମଝିରେ ନୀତିକାନ୍ତିରେ ବିଭ୍ରାଟ ହେଉଛି। 

ନନ୍ଦନକାନନ ପ୍ରାଣୀ ଉଦ୍ୟାନ: ଛୁଆକୁ ମାରିଲା ଅଣ୍ଡିରା ଜଳହସ୍ତୀ, ଏମୁପକ୍ଷୀ ଅଣ୍ଡାରୁ ଛୁଆ ଫୁଟିଲା

ନନ୍ଦନକାନନ ପ୍ରାଣୀ ଉଦ୍ୟାନ: ଛୁଆକୁ ମାରିଲା ଅଣ୍ଡିରା ଜଳହସ୍ତୀ, ଏମୁପକ୍ଷୀ ଅଣ୍ଡାରୁ ଛୁଆ ଫୁଟିଲା

ବାରଙ୍ଗ,୧୯।୧(ଡି.ଏନ୍‌.ଏ.)- ନନ୍ଦନକାନନ ପ୍ରାଣୀ ଉଦ୍ୟାନରେ ଗତ ୧୦ତାରିଖରେ ଜନ୍ମ ହୋଇଥିବା ଏକ ଜଳହସ୍ତୀ ଛୁଆକୁ ଶୁକ୍ରବାର ଏକ ଅଣ୍ଡିରା ଜଳହସ୍ତୀ ମାରିଦେଇଛି। ୬୨ନଂ. ଏନ୍‌କ୍ଲୋଜର ଜଳାଶୟରେ ଛୁଆଟି ପାଣିରେ ଭାସୁଥିବା ସକାଳେ କର୍ମଚାରୀମାନେ ଦେଖିବାକୁ ପାଇଥିଲେ। ମୃତ ଛୁଆକୁ ପାଣିରୁ ଉଦ୍ଧାର କରାଯିବା ପରେ ତା’ ଶରୀରର ତିନୋଟି ସ୍ଥାନରେ କ୍ଷତ ଚିହ୍ନ ଥିବା ଦେଖିବାକୁ ମିଳିଥିଲା।