ମେଟ୍ରୋ |

ମୋବାଇଲ କଟକଣା: ତିକ୍ତ ଅନୁଭୂତି ସାଉଣ୍ଟୁଛନ୍ତି ଭକ୍ତ

ମୋବାଇଲ କଟକଣା: ତିକ୍ତ ଅନୁଭୂତି ସାଉଣ୍ଟୁଛନ୍ତି ଭକ୍ତ

ପୁରୀ ଅଫିସ,୨୫।୧୨: ଶ୍ରୀମନ୍ଦିରକୁ ଆସୁଥିବା ଭକ୍ତଙ୍କ ପାଇଁ ଏବେ ଅଡୁଆ ସାଜିଛି ମୋବାଇଲ ଫୋନ। ଜାଣତରେ ହେଉ କିମ୍ବା ଅଜାଣତରେ ମୋବାଇଲ ଫୋନ ସହ ଭିତରେ ଧରାପଡିଲେ ମିଳୁଛି ମାନସିକ ଯନ୍ତ୍ରଣା। ମହାପ୍ରଭୁଙ୍କୁ ଦର୍ଶନ କରିବାର ଭକ୍ତି ଭାବନାରେ ଲାଗୁଛି ଆଘାତ। ଏଥିପାଇଁ ମନ୍ଦିର ଭିତରେ ସେମାନଙ୍କୁ ଖରାପ ବ୍ୟବହାର ମଧ୍ୟ କରାଯାଉଛି, ଯାହାକୁ ନେଇ ଅତିଷ୍ଠ ହୋଇପଡୁଛନ୍ତି ଅନେକ ଭକ୍ତ। ଖୁସି ମନରେ ଜଗନ୍ନାଥଙ୍କୁ ଦର୍ଶନ ପାଇଁ ଆସି ତିକ୍ତ ଅନୁଭୂତି ସାଉଁଣ୍ଟି ଫେରୁଛନ୍ତି ବାହାର ରାଜ୍ୟର ଶ୍ରଦ୍ଧାଳୁ। ବିଗତ କିଛିଦିନ ହେବ ଏକାଧିକଥର ଏଭଳି ଘଟଣା ଦେଖିବାକୁ ମିଳିଛି। ସୋମବାର ମଧ୍ୟ ମୋବାଇଲ ଫୋନ ପାଇଁ ଝାଡଖଣ୍ଡର ଏକ ପରିବାର ହୀନସ୍ଥା ହୋଇଛନ୍ତି। ଘଣ୍ଟା ଘଣ୍ଟା ଧରି ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ସେମାନଙ୍କୁ ଲୁହ ଗଡାଇବାକୁ ପଡିଛି। କେବଳ ଏତିକି ନୁହେଁ, ଅଜାଣତରେ କରିଥିବା ଭୁଲ ପାଇଁ ତାଙ୍କୁ ମନ୍ଦିର ଭିତରେ ଖରାପ ବ୍ୟବହାର କରାଯାଇଛି ବୋଲି ଅଭିଯୋଗ କରିଛନ୍ତି।
ଶ୍ରୀମନ୍ଦିର ଭିତରକୁ କୌଣସି ଭକ୍ତ ମୋବାଇଲ ଫୋନ ନେବେ ନାହିଁ ବୋଲି କଡ଼ା କଟକଣା ରହିଛି। ଏଥିପାଇଁ ଚାରିଦ୍ୱାରରେ ଯାଞ୍ଚ କରାଯାଉଛି। ବିଭିନ୍ନ ସ୍ଥାନରେ ସୂଚନା ଫଳକ ମଧ୍ୟ ଲାଗିଛି। ଏହାସତ୍ତ୍ବେ ଭକ୍ତଙ୍କ ଜାଣତରେ ହେଉ ଅବା ଅଜାଣତରେ ମନ୍ଦିର ଭିତରକୁ ଯାଉଛି ମୋବାଇଲ ଫୋନ। ଭିତରେ ଯଦି କେହି ଧରାପଡୁଛନ୍ତି ତେବେ ସେମାନଙ୍କ ପ୍ରତି ବ୍ୟବହାର ଠିକ୍‌ କରାଯାଉ ନ ଥିବା ଅଭିଯୋଗ ହେଉଛି। ସୋମବାର ଝାଡଖଣ୍ଡ ଚାଇଁବସାରୁ ଆସିଥିବା ହରୀଶ ଶେଖର ମହାତୋଙ୍କ ପରିବାରକୁ ଏମିତି ସ୍ଥିତିର ସମ୍ମୁଖୀନ ହେବାକୁ ପଡିଛି। ହରୀଶ ସପରିବାର ଶ୍ରୀମନ୍ଦିରକୁ ଆସିଥିଲେ। ସାଥୀରେ ଥିଲେ ସ୍ତ୍ରୀ ଗୀତା, ସାନ ଭାଇ ହିମାଂଶୁ ଓ ତାଙ୍କ ସ୍ତ୍ରୀ ସୀମା ଏବଂ ୪ଜଣ ଛୋଟ ପିଲା। ତେବେ ମୋବାଇଲ ପାଇଁ ବେଢା ଭିତରେ ସେମାନଙ୍କୁ ଦୁର୍ବ୍ୟବହାର କରାଯାଇଛି ବୋଲି କାନ୍ଦିକାନ୍ଦି କହିଛନ୍ତି ଗୀତା। ସେ କହିଛନ୍ତି, ଆମେ ପ୍ରଥମଥର ଲାଗି ଖୁସି ମନରେ ଶ୍ରୀମନ୍ଦିରକୁ ଆସିଥିଲୁ। ପ୍ରବେଶ ଦ୍ୱାରରେ ଆମକୁ ସେଭଳି ଯାଞ୍ଚ କରାଯାଇ ନ ଥିଲା କି ମୋବାଇଲ ଫୋନ ସଂକ୍ରାନ୍ତରେ କିଛି କୁହାଯାଇ ନ ଥିଲା। ଆମେ ମଧ୍ୟ ମନ୍ଦିର ଭିତରକୁ ମୋବାଇଲ ଫୋନ ବାରଣ ସମ୍ପର୍କରେ ଜାଣି ନ ଥିଲୁ। ବେଢା ଭିତରେ ମୋର ଛୋଟ ପୁଅ ଗେମ୍‌ ଖେଳିବା ପାଇଁ ମୋବାଇଲ ଫୋନ ମାଗିଥିଲା। ସ୍ବାମୀ ପୁଅକୁ ମୋବାଇଲ ଫୋନ ଦେବା ବଳେ ଜଣେ ପଣ୍ଡା ଦେଖି ଫୋନଟିକୁ ପୁଅ ହାତରୁ ଝାମ୍ପି ନେଇଥିଲେ। ମୁଁ ପଚାରିବା ପୂର୍ବରୁ ଚାଲ କହି ମୋ ହାତ ଧରି ଟାଣି ଟାଣି ନେଇଥିଲେ। ପରେ ହିଂମାଶୁଙ୍କ ପକେଟରୁ ଆଉ ଏକ ମୋବାଇଲ ଫୋନ ଛଡାଇ ନେଇଥିଲେ। ୩୦ ହଜାର ଟଙ୍କା ଜରିମାନା ଦେଲେ ଠିକ୍‌ ବୁଝିପାରିବ ବୋଲି କହି ମୋ ସ୍ବାମୀଙ୍କୁ ଖରାପ ବ୍ୟବହାର କରିଥିଲେ। ଛୋଟ ପୁଅ ଏହା ଦେଖି ପ୍ରତିବାଦ କରିବାକୁ ତାକୁ ମଧ୍ୟ ଧକ୍କା ମାରିଥିଲେ ବୋଲି ଗୀତା କହିଛନ୍ତି। ମୋବାଇଲ ପାଇଁ ଏଭଳି ବ୍ୟବହାର ସେମାନଙ୍କୁ ମାନସିକ ଆଘାତ ଦେଇଛି ବୋଲି ସୀମା ମଧ୍ୟ କହିଛନ୍ତି। ପ୍ରଥମଥର ପାଇଁ ପିଲାଛୁଆଙ୍କୁ ଧରି ପୁରୀ ବୁଲିବାକୁ ଆସିଥିଲୁ। ପୂର୍ବରୁ ଓଡ଼ିଶାର ଲୋକଙ୍କ ବିଷୟରେ ଭଲ କଥା ଶୁଣିଥିଲୁ। କିନ୍ତୁ ଶ୍ରୀମନ୍ଦିର ଭିତରେ ଏଭଳି ସ୍ଥିତିର ସାମ୍ନା କରିବୁ କେବେ ଭାବି ନ ଥିଲୁ ବୋଲି କହିଛନ୍ତି ସୀମା। ମୋବାଇଲ ଫୋନ ନେବା ଲାଗି ସପରିବାର ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ପ୍ରାୟ ୫ ଘଣ୍ଟାରୁ ଊର୍ଦ୍ଧ୍ୱ ସମୟ ଅପେକ୍ଷା କରିଥିଲେ। ଶ୍ରୀମନ୍ଦିର ପ୍ରଶାସନ ଆଇଟି ବିଭାଗରେ ମୋବାଇଲ ଯାଞ୍ଚ କରାଯାଇଥିଲା। ଭବିଷ୍ୟତରେ ଆଉ କେବେ ଶ୍ରୀମନ୍ଦିର ଭିତରକୁ ଫୋନ ନେବେ ନାହିଁ ବୋଲି ଅଣ୍ଡରଟେକିଂ ଲେଖିବା ପରେ ସେମାନଙ୍କୁ ମୋବାଇଲ ଫେରସ୍ତ ଦିଆଯାଇଥିବା ଜଣାପଡିଛି।
ସେହିପରି ଗତ ୧୬ ତାରିଖରେ ଉତ୍ତରପ୍ରଦେଶର ଉପେନ୍ଦ୍ର କୁମାର ତ୍ରିବେଦୀ, ସ୍ତ୍ରୀ ଇନ୍ଦୁ ତ୍ରିବେଦୀ ଏବଂ ପୁଅ ହିଂମାଶୁ ତ୍ରିବେଦୀଙ୍କୁ ମଧ୍ୟ ମୋବାଇଲ ପାଇଁ ଅଟକ ରଖାଯାଇଥିଲା। ଅଣ୍ଡରଟେକିଂ ଲେଖିବା ପରେ ସେମାନଙ୍କୁ ମୋବାଇଲ ଦେଇ ଛାଡି ଦିଆଯାଇଥିଲା।
ଏ ସମ୍ପର୍କରେ ଶ୍ରୀମନ୍ଦିର ସୂଚନା ଅଧିକାରୀ ସୁଦୀପ ଚାଟାର୍ଜୀ କହିଛନ୍ତି, ବହୁ ପୂର୍ବରୁ ଶ୍ରୀମନ୍ଦିର ଭିତରକୁ ଭକ୍ତ ମୋବାଇଲ ନେବା ଉପରେ କଟକଣା କରାଯାଇଛି। କିନ୍ତୁ ନିକଟରେ ମନ୍ଦିର ଭିତର ଫଟୋ ଏକାଧିକଥର ସୋସିଆଲ ମିଡିଆରେ ଭାଇରାଲ ହେବା ପରେ ଏହି କଟକଣାକୁ ଆହୁରି କଡାକଡା କରିଦିଆଯାଇଛି। ମନ୍ଦିର ଭିତରେ କୌଣସି ଭକ୍ତଙ୍କଠାରୁ ମୋବାଇଲ ଫୋନ ମିଳିଲେ ଜବତ କରାଯିବ ବୋଲି ପ୍ରତି ଦ୍ୱାରରେ ସୂଚନା ଫଳକ ଲଗାଯାଇଛି। ଏହାସତ୍ତ୍ବେ ଶ୍ରଦ୍ଧାଳୁମାନେ ମୋବାଇଲ ନେଇ ଭିତରକୁ ଯାଉଛନ୍ତି। ଭକ୍ତଙ୍କ ପାଖରୁ ମୋବାଇଲ ଫୋନ ଜବତ କଲା ବେଳେ ସେମାନଙ୍କୁ ଦୁର୍ବ୍ୟବହାର କରାଯାଉଥିବା ଅଭିଯୋଗ ସଂକ୍ରାନ୍ତରେ ସୂଚନା ଅଧିକାରୀ କହିଥିଲେ, ଯାହାଙ୍କଠାରୁ ଜବତ କରାଯାଉଛି ସେ ସ୍ବାଭାବିକ ଭାବେ ପ୍ରତିକ୍ରିୟାଶୀଳ ହୋଇପଡୁଛନ୍ତି। କାହାରିକୁ ଦୁର୍ବ୍ୟବହାର କରାଯାଉନାହିଁ। ଅନେକ ଭକ୍ତ ଧରାପଡିଲା ପରେ ମନ୍ଦିର ଭିତରକୁ ମୋବାଇଲ କଟକଣା ରହିଥିବା ଜାଣି ନ ଥିବା କହୁଛନ୍ତି। ଅନ୍ୟପକ୍ଷରେ ଝାଡଖଣ୍ଡରୁ ଆସିଥିବା ଭକ୍ତଙ୍କ ସମ୍ପର୍କରେ ସେବାୟତ ରବି ଦାସ କହିଛନ୍ତି, ସେମାନେ ମହାପ୍ରଭୁଙ୍କୁ ଦର୍ଶନ କରିବା ପାଇଁ ବହୁ ଦୂରରୁ ଆସିଛନ୍ତି। ଯଦି ସେମାନେ ଭୁଲରେ ମୋବାଇଲ ଫୋନ ଭିତରକୁ ନେଇଥିଲେ ତେବେ ଫଟୋ ଉଠାଇଛନ୍ତି କି ନାହିଁ ଭଲ ଭାବେ ଯାଞ୍ଚ କରି ତାଙ୍କୁ ଛାଡିଦିଆଯିବା ଉଚିତ। କଟକଣା ସମ୍ପର୍କରେ ଜାଣିନାହାନ୍ତି ବୋଲି କହୁଛନ୍ତି। ପରିବାର ସହ ବସି କାନ୍ଦୁଛନ୍ତି, ଯାହାକି ଏକ ଦୁଃଖଦାୟକ ଘଟଣା। ସେମାନଙ୍କୁ ହଇରାଣ କରାଯିବା ଉଚିତ ନୁହେଁ।

All Right Reserved By

ମେଟ୍ରୋ |

ବନ୍ତିଳୋରେ ଅନୁଷ୍ଠିତ ହେଲା ବାସି ରଥଯାତ୍ରା

ବନ୍ତିଳୋରେ ଅନୁଷ୍ଠିତ ହେଲା ବାସି ରଥଯାତ୍ରା

କାକଟପୁର, ୧୫।୭(ଡି.ଏନ୍‌.ଏ.)-ପବିତ୍ର ଶ୍ରୀଗୁଣ୍ଡିଚା ଲାଗି ପୁରୀରୁ ପୁରପଲ୍ଲୀ ପର୍ଯ୍ୟନ୍ତ ଜଗନ୍ନାଥମୟ ହୋଇ ଉଠିଥିଲା। ବିଭିନ୍ନ ଜଗନ୍ନାଥ ମନ୍ଦିରରେ ଅନୁଷ୍ଠିତ ହୋଇଥିଲା ରଥଯାତ୍ରା। ଅସ୍ତରଙ୍ଗ ବ୍ଲକ ବନ୍ତିଳୋ ଗ୍ରାମରେ କିନ୍ତୁ ଏହାର ଗୋଟିଏ ଦିନ ପରେ ପାଳିତ ହୋଇଥିଲା ବାସି ରଥଯାତ୍ରା।

ଲଗାଣ ବର୍ଷାରେ ସମୁଦ୍ର ଅଶାନ୍ତ, ଆଶଙ୍କାରେ ଉପକୂଳ ବାସୀ

ଲଗାଣ ବର୍ଷାରେ ସମୁଦ୍ର ଅଶାନ୍ତ, ଆଶଙ୍କାରେ ଉପକୂଳ ବାସୀ

ବ୍ରହ୍ମଗିରି, ୧୫।୭(ଡି.ଏନ୍‌.ଏ.)-ଉପକୂୂଳ ଅଞ୍ଚଳରେ ଶନିବାରଠାରୁ ଆରମ୍ଭ ହୋଇଛି ଲଗାଣ ବର୍ଷା। ଫଳରେ ସମୁଦ୍ର ଅଶାନ୍ତ ହୋଇପଡ଼ିଛି। ଏହା ଯୋଗୁ ବ୍ରହ୍ମଗିରି କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ଉପକୂଳବାସୀ ଆଶଙ୍କାରେ ରହିଛନ୍ତି ।

ବର୍ଷାରେ ଅଲାରନାଥ ମନ୍ଦିର ପରିସରରେ ଆଣ୍ଠୁଏ ପାଣି

ବର୍ଷାରେ ଅଲାରନାଥ ମନ୍ଦିର ପରିସରରେ ଆଣ୍ଠୁଏ ପାଣି

ବ୍ରହ୍ମଗିରି, ୧୫।୭(ଡି.ଏନ୍‌.ଏ.)-ଅସରାଏ ବର୍ଷାହେଲେ ବେହାଲ ହୋଇପଡୁଛି ମହାପ୍ରଭୁ ଅଲାରନାଥଙ୍କ ମନ୍ଦିର । ଯଦି ବର୍ଷା ଲାଗିରହିଲା ସମସ୍ୟା ଆହୁରି ଜଟିଳ । ଶନିବାର ରାତିରୁ ଲଗାଣ ବର୍ଷା ହେବା ଦ୍ୱାରା ମନ୍ଦିର ପରିସରରେ ଆଣ୍ଠୁଏ ଆଣ୍ଠୁଏ ପାଣି ଜମିରହିଥିଲା ।

ବାଲିଅନ୍ତା ହାଇସ୍କୁଲ ୧୯୭୮ ମାଟ୍ରିକ ବ୍ୟାଚ୍‌ର ବନ୍ଧୁମିଳନ

ବାଲିଅନ୍ତା ହାଇସ୍କୁଲ ୧୯୭୮ ମାଟ୍ରିକ ବ୍ୟାଚ୍‌ର ବନ୍ଧୁମିଳନ

ବାଲିଅନ୍ତା,୧୫।୭(ଡି.ଏନ୍‌.ଏ.): ବାଲିଅନ୍ତା ହାଇସ୍କୁଲର ୧୯୭୮ ମାଟ୍ରିକ ବ୍ୟାଚ୍‌ର ବନ୍ଧୁମିଳନ ଉତ୍ସବ ରବିବାର ହାଇସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି। ଏଥିରେ ୮୦ଜଣ ପୁରାତନ ଛାତ୍ରୀଛାତ୍ର ଯୋଗଦେଇ ୪୦ ବର୍ଷ ତଳ ପାଠପଢ଼ା ସମୟର ସ୍ମୃତିକୁ ମନେପକାଇଥିଲେ। ଏହି ଅବସରରେ ହାଇସ୍କୁଲର ଅବସରପ୍ରାପ୍ତ ଶିକ୍ଷକଙ୍କୁ ସମ୍ବର୍ଦ୍ଧନା ଦିଆଯାଇଥିଲା।

ମହାପ୍ରଭୁଙ୍କ ଟାହିଆ ଛିଡ଼ାଇବା ଆବେଗର ପ୍ରତିଫଳନ: ଆଇଜି

ମହାପ୍ରଭୁଙ୍କ ଟାହିଆ ଛିଡ଼ାଇବା ଆବେଗର ପ୍ରତିଫଳନ: ଆଇଜି

ପୁରୀ ଅଫିସ,୧୫।୭: ଶନିବାର ମହାପ୍ରଭୁ ଶ୍ରୀଜଗନ୍ନାଥଙ୍କ ପହଣ୍ଡିବେଳେ କିଛି ସେବାୟତ ଏବଂ କିଛି ପୋଲିସ କର୍ମଚାରୀ ଜଗନ୍ନାଥଙ୍କ ଟାହିଆ ଛିଡ଼ାଇ ନେଇଥିଲେ। ଏହାକୁ ନେଇ ଭକ୍ତଙ୍କ ମହଲରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି। ଏ ସମ୍ପର୍କରେ ରବିବାର ଗଣମାଧ୍ୟମରେ ମତ ରଖିଛନ୍ତି ଶ୍ରୀମନ୍ଦିର ନୀତି ପ୍ରଶାସକ ଏବଂ କେନ୍ଦ୍ରାଞ୍ଚଳ ଆଇଜି।

ରଥ ନିକଟରେ ନଡ଼ିଆ ଭଙ୍ଗାକୁ ନେଇ ଉତ୍ତେଜନା: ନୀତି ବନ୍ଦ

ରଥ ନିକଟରେ ନଡ଼ିଆ ଭଙ୍ଗାକୁ ନେଇ ଉତ୍ତେଜନା: ନୀତି ବନ୍ଦ

ପୁରୀ ଅଫିସ,୧୫।୭: ଶରଧାବାଲିରେ ଲାଗିଛି ତିନି ରଥ। ରଥ ଚାରିପାର୍ଶ୍ୱରେ ବ୍ୟାରିକେଟ କରାଯାଇଛି। ବ୍ୟାରିକେଟ ନିକଟରେ ପୂଜାପଣ୍ଡା ସେବକମାନେ ରହି ନଡ଼ିଆ ଭାଙ୍ଗି ଦାନ, ଦକ୍ଷିଣା ଆଦାୟ କରୁଛନ୍ତି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ରହିଛି କୌଣସି ସେବାୟତ ଦାନ ଦକ୍ଷିଣା ଆଦାୟ କରିପାରିବେ ନାହିଁ। ଶ୍ରୀମନ୍ଦିର ପ୍ରଶାସନ ପକ୍ଷରୁ ଦାନ ଦକ୍ଷିଣା ଆଦାୟ କରିବାକୁ ବାରଣ କରାଯାଇଛି। ମାତ୍ର ରବିବାର କିଛି ସେବାୟତ ଥାଳି ରଖି ଦାନ ଦକ୍ଷିଣା ଆଦାୟ କରୁଥିବା ବେଳେ କିଛି ନଡ଼ିଆ ଭାଙ୍ଗି ଆଦାୟ କରୁଥିବା ଦେଖାଯାଇଥିଲା। ଏହାକୁ ମନ୍ଦିର ପ୍ରଶାସନ ବନ୍ଦ କରିବାରୁ ରଥ ନିକଟରେ ସାମୟିକ ଉତ୍ତେଜନା ପ୍ରକାଶ ପାଇଥିଲା।

ବର୍ତ୍ତି ଛକରେ ଦୁର୍ଘଟଣା: ଧକ୍କା ଦେଇ ରାସ୍ତାରେ ଓଲଟିଲା କାର୍‌, ନାବାଳକ ମୃତ

ବର୍ତ୍ତି ଛକରେ ଦୁର୍ଘଟଣା: ଧକ୍କା ଦେଇ ରାସ୍ତାରେ ଓଲଟିଲା କାର୍‌, ନାବାଳକ ମୃତ

ରଘୁନାଥପୁର,୧୫।୭(ଡି.ଏନ୍‌.ଏ.): କଟକ ଜିଲା ରଘୁନାଇପୁର ଥାନା ଅନ୍ତର୍ଗତ କଟକ-ପାରାଦୀପ ରାସ୍ତାର ବର୍ତ୍ତି ଛକଠାରେ ରବିବାର ଏକ କାର୍‌ ଦୁର୍ଘଟଣା ଘଟି ଜଣେ ନାବାଳକଙ୍କ ମୃତ୍ୟୁ ଘଟିଛି। ଏଥିସହ କାର୍‌ଟି ଧକ୍କା ଦେବାରୁ ରାସ୍ତା କଡ଼ରେ ଥିବା ଦୁଇଟି ବାଇକ୍‌ ଏବଂ ୭ଟି ସାଇକେଲ କ୍ଷତିଗ୍ରସ୍ତ ହୋଇଛି।

ମନ୍ଦିର ପରିସରରେ ପୂଜକଙ୍କୁ ହତ୍ୟା

ମନ୍ଦିର ପରିସରରେ ପୂଜକଙ୍କୁ ହତ୍ୟା

ନିରାକାରପୁର,୧୫।୭(ଡି.ଏନ୍‌.ଏ.): ଖୋର୍ଦ୍ଧା ଜିଲା ଜଙ୍କିଆ ଥାନା ଅନ୍ତର୍ଗତ ଓଳସିଂହ ପଞ୍ଚାୟତ ଓଳସିଂହ ଗ୍ରାମରେ ଥିବା ମା’ ସିଦ୍ଧେଶ୍ୱରୀଙ୍କ ପୀଠରୁ ରବିବାର ଜଣେ ପୁଜକଙ୍କ ମୃତଦେହ ଉଦ୍ଧାର କରାଯାଇଛି। ସେ ହେଲେ ସୋମନାଥ ବିଶ୍ୱାଳ।

ସମୁଦ୍ର ଅଶାନ୍ତ: ୬ ସେକେଣ୍ଡରେ ଆସୁଛି ଏକ ମିଟର ଉଚ୍ଚ ଜୁଆର

ସମୁଦ୍ର ଅଶାନ୍ତ: ୬ ସେକେଣ୍ଡରେ ଆସୁଛି ଏକ ମିଟର ଉଚ୍ଚ ଜୁଆର

ପୁରୀ ଅଫିସ,୧୫।୭: ଲଘୁଚାପ ପ୍ରଭାବରେ ପୁରୀ ସମୁଦ୍ର ଅଶାନ୍ତ ରହିଛି। ସମୁଦ୍ର ଜୁଆରିଆ ରହିବା ସହିତ ଉଚ୍ଚରେ ଜୁଆର ଆସୁଛି। ପ୍ରତି ୬ ସେକେଣ୍ଡରେ ପ୍ରାୟ ଏକ ମିଟର ଉଚ୍ଚରେ ଜୁଆର ଆସୁଥିବା ପୁରୀ ପାଣିପାଗ ବିଭାଗ ସୁତ୍ରରୁ ଜଣାପଡ଼ିଛି। ସମୁଦ୍ର ଅଶାନ୍ତ ରହିଥିବାରୁ ସ୍ନାନ ବେଳେ ସତର୍କତା ଅବଲମ୍ବନ କରିବା ସହ ଅଧିକ ଗଭୀର ସମୁଦ୍ର ମଧ୍ୟକୁ ନ ଯିବାକୁ ଅଗ୍ନିଶମ ବାହିନୀ ପକ୍ଷରୁ ଡାକବାଜି ଯନ୍ତ୍ର ଯୋଗେ ଲୋକମାନଙ୍କୁ ସଚେତନ କରାଯାଉଛି।

ବର୍ଷା ବଢ଼ାଇଲା ଦୁର୍ଦ୍ଦଶା: ପୁରୀରେ ୭୦ ମିମି ବର୍ଷା

ବର୍ଷା ବଢ଼ାଇଲା ଦୁର୍ଦ୍ଦଶା: ପୁରୀରେ ୭୦ ମିମି ବର୍ଷା

ପୁରୀ ଅଫିସ,୧୫।୭: ମହାପ୍ରଭୁଙ୍କ ଘୋଷଯାତ୍ରା ପାଇଁ ପୁରୀ ଲୋକାରଣ୍ୟ। କାହିଁ କେତେ ଦୂରରୁ ଛୁଟି ଆସିଛନ୍ତି ଶ୍ରଦ୍ଧାଳୁ। ହେଲେ ଭକ୍ତ ଓ ଶ୍ରଦ୍ଧାଳୁଙ୍କ ଲାଗି ପ୍ରତିକୂଳ ପାଗ ସାଜିଛି ବାଧକ। ଲଗାଣ ବର୍ଷା ଶ୍ରଦ୍ଧାଳୁଙ୍କ ଦୁର୍ଦ୍ଦଶାକୁ ବଢ଼ାଇଦେଇଛି। ଗତ ୨୪ ଘଣ୍ଟା ମଧ୍ୟରେ ପୁରୀ ସହରରେ ୭୦ ମିମି ବର୍ଷା ହୋଇଥିବା ପାଣିପାଗ ବିଭାଗ ପକ୍ଷରୁ ରେକର୍ଡ କରାଯାଇଛି।

ଶରଧାବାଲିରେ ତିନି ରଥ: ପହଞ୍ଚିଲେ ଶ୍ରୀଜଗନ୍ନାଥ

ଶରଧାବାଲିରେ ତିନି ରଥ: ପହଞ୍ଚିଲେ ଶ୍ରୀଜଗନ୍ନାଥ

ପୁରୀ ଅଫିସ,୧୫।୭: ଘୋଷଯାତ୍ରାରେ ବାହାରିଥିବା ମହାପ୍ରଭୁଙ୍କ ନନ୍ଦିଘୋଷ ରଥ ଶନିବାର ସନ୍ଧ୍ୟାରେ ବଳଗଣ୍ଡି ଛକରେ ଅଟକି ରହିଥିଲା। ରବିବାର ପ୍ରାତଃରେ ରଥ ଉପରେ ୬ଟା ୩୦ରୁ ୭ ଟା ୪୦ ମଧ୍ୟରେ ମହାପ୍ରଭୁଙ୍କ ମଙ୍ଗଳ ଆଳତୀ ନୀତି ସରିଥିଲା। ଏହାପରେ ଅବକାଶ ନୀତି ସମ୍ପନ୍ନ ହୋଇ ମହାପ୍ରଭୁ ବେଶ ହୋଇଥିଲେ। ବେଶ ପରେ ରଥଟଣା ଲାଗି ପ୍ରସ୍ତୁତି ଆରମ୍ଭ ହୋଇଥିଲା। ପ୍ରବଳ ବର୍ଷା ମଧ୍ୟରେ ସକାଳ ପ୍ରାୟ ୯ଟା ବେଳେ ନନ୍ଦିଘୋଷ ରଥଟଣା ଆରମ୍ଭ ହୋଇଥିବା ବେଳେ ୯ଟା ୪୦ ମିନିଟରେ ଶରଧାବାଲିରେ ପହଞ୍ଚିଛି। ଭକ୍ତ ଏବଂ ପୋଲିସ ବାହିନୀ ରଥକୁ ଟାଣିଟାଣି ଶରଧାବାଲିକୁ ନେଇଛନ୍ତି।

ପ୍ରବଳ ବର୍ଷା ସମ୍ଭାବନା

ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୫।୭(ବ୍ୟୁରୋ): ଉତ୍ତର ପଶ୍ଚିମ ବଙ୍ଗୋପସାଗର ଏବଂ ପାର୍ଶ୍ୱବର୍ତ୍ତୀ ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ଶନିବାର ଅପରାହ୍ନରେ ଘନୀଭୂତ ହୋଇଛି। ଏହାର ପ୍ରଭାବରେ ଦୁଇଦିନ ଧରି ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି।

Model This Week

ରୂପେଶ