ବାଣିଜ୍ୟ |

୨୦୧୫-୧୬ରେ ଆୟକର ଦେଇଛନ୍ତି ମାତ୍ର ୧.୭%

୨୦୧୫-୧୬ରେ ଆୟକର ଦେଇଛନ୍ତି ମାତ୍ର ୧.୭%

ନୂଆଦିଲ୍ଲୀ,୨୫-୧୨,(ପି.ଟି)-
ଘରୋଇ ବଜାରରେ ମାତ୍ର ୨ କୋଟି ଲୋକ (୧.୭) ଆୟକର ପ୍ରଦାନ କରୁଛନ୍ତି। ଆୟକର ବିଭାଗର ୨୦୧୫-୧୬ ହିସାବ ବର୍ଷ(ଆସେସମେଣ୍ଟ ବର୍ଷ) ତଥ୍ୟରୁ ଏହା ସାମ୍ନାକୁ ଆସିଛି। ୨୦୧୪-୧୫ ଆର୍ଥତ୍କ ବର୍ଷ(୨୦୧୫-୧୬ ଆସେସମେଣ୍ଟ ବର୍ଷ) ରେ ଆୟକର ଭରୁଥିବା ଲୋକଙ୍କ ସଂଖ୍ୟାରେ ବୃଦ୍ଧି ଘଟି ୪.୦୭ ଛୁଇଁଛି। ଏହା ୨୦୧୩-୧୪ ଆର୍ଥତ୍କ ବର୍ଷରେ ୩.୬୫ କୋଟି ରହିଥିଲା। ଯଦି ପ୍ରକୃତ ପକ୍ଷେ ବିଚାର କରାଯାଏ ତେବେ ମୋଟ ଆଇଟି ରିଟର୍ନ ଭରୁଥିବା ସବୁଲୋକ ଟିକସ ପ୍ରଦାନ କରୁ ନାହାନ୍ତି। ମୋଟ ୪.୦୭ କୋଟି ଲୋକଙ୍କ ମଧ୍ୟରୁ ୨.୦୬ କୋଟି ପ୍ରକୃତ ପକ୍ଷେ ଟିକସ ଭରୁଥିବା ବେଳେ ଅନ୍ୟମାନେ ଟିକସ ପ୍ରଦାନ ସୀମା ଠାରୁ ଆୟ କମ୍‌ ବୋଲି ଦେଖାଉଛନ୍ତି।
ଆସେସମେଣ୍ଟ ବର୍ଷ ୨୦୧୪-୧୫ରେ ୩.୬୫ କୋଟି ଲୋକ ରିଟର୍ନ ଫାଇଲ କରିଥିବା ବେଳେ ସେମାନଙ୍କ ମଧ୍ୟରୁ ୧.୯୧ କୋଟି ଆୟକର ପ୍ରଦାନ କରିଛନ୍ତି। ମାତ୍ର ୨୦୧୪-୧୫ ଆସେସମେଣ୍ଟ ବର୍ଷ କଥା ବିଚାରକୁ ନେଲେ ମୋଟ୍‌ ୧.୯୧ ଲକ୍ଷ କୋଟି ଟଙ୍କା ଆୟକର ପ୍ରଦାନ କରାଯାଇଛି। ୨୦୧୫-୧୬ ଆସେସମେଣ୍ଟ ବର୍ଷରେ ଏହା ଏହା ୧.୮୮ ଲକ୍ଷ କୋଟି ଟଙ୍କା ରହିଛି। ଅର୍ଥାତ ୨୦୧୫-୧୬ ଆସେସମେଣ୍ଟ ବର୍ଷରେ ଏଥିରେ ହ୍ରାସ ଘଟିଥିବା ଜଣା ଯାଇଛି।
ବିଭାଗ ପ୍ରଦାନ କରିଥିବା ତଥ୍ୟ ମୁତାବକ ଦେଶର ମୋଟ ୧୨୦ କୋଟି ଲୋକଙ୍କ ମଧ୍ୟରୁ ମାତ୍ର ୩ % ରିଟର୍ନ ଫାଇଲ କରୁଛନ୍ତି। ଏମାନଙ୍କ ମଧ୍ୟରୁ ୨.୦୧ କୋଟି ଲୋକ କୌଣସି ଆୟକର ପୈଠ କରୁ ନାହାନ୍ତି।ଅପର ପକ୍ଷରେ ୯୬୯୦ ଟିକସଦାତା ୧ କୋଟିରୁ ଅଧିକ ଟଙ୍କା ଟିକସ ପୈଠ କରୁଛନ୍ତି। ମାତ୍ର ଜଣେ ଟିକସଦାତା ୧୦୦ କୋଟି ଟଙ୍କାରୁ ଅଧିକ (୨୩୮ କୋଟି) ଟିକସ ପୈଠ କରୁଛନ୍ତି। ୨.୮୦ କୋଟି ଟିକସଦାତା ୧୯,୯୩୧ କୋଟି ଟିସକ ପୈଠ କରିଛନ୍ତି। ଏମାନେ ବ୍ୟକ୍ତିଗତ ଭାବେ ୫.୫ ଲକ୍ଷ ଟଙ୍କାରୁ ୯.୫ ଲକ୍ଷ ଟଙ୍କା ପର୍ଯ୍ୟନ୍ତ ଟିକସ ପୈଠ କରିଛନ୍ତି।
ହାରାହାରି ୨୪୦୦୦ ହିସାବରେ ଏବଂ ୧.୫ ଲକ୍ଷ ଟଙ୍କାରୁ କମ୍‌ ମୂଲ୍ୟର ଆୟ ଲାଗି ୧.୮୪ କୋଟି ରିଟର୍ନ ଫାଇଲ ହୋଇଛି। ୨୦୧୫-୧୬ ଆସେସମେଣ୍ଟ ବର୍ଷରେ ମୋଟ ୪.୦୭ କୋଟି ରିଟର୍ନ ଫାଇଲ କରିଥିବା ବ୍ୟକ୍ତିଙ୍କ ମଧ୍ୟରୁ ୮୨ ଲକ୍ଷ ଲୋକଙ୍କ ଦ୍ୱାରା ଫାଇଲ ହୋଇଥିବା ରିଟର୍ନ ଶୂନ କିମ୍ବା ୨.୫ ଲକ୍ଷ ଠାରୁ ନିମ୍ନରେ ବୋଲି ଦର୍ଶାଯାଇଛି। ୨୦୧୪-୧୫ ଆସେସମେଣ୍ଟ ବର୍ଷ କଥା ବିଚାର କଲେ ଯଣାଯିବ ଯେ, ୩.୬୫ କୋଟି ରିଟର୍ନ ଫାଇଲ କରିଥିବା ବେଳେ ସେମାନଙ୍କ ମଧ୍ୟରୁ ୧.୩୭ କୋଟି ଆୟ ଶୂନ କିମ୍ବା ୨.୫ ଲକ୍ଷ ଟଙ୍କାରୁ କମ୍‌ ବୋଲି ଦର୍ଶାଇଛନ୍ତି।
୨୦୧୫-୧୬ ଆସେସମେଣ୍ଟ ବର୍ଷରେ ଆୟକର ପ୍ରଦାନ କରୁଥିବା ଲୋକଙ୍କ ମୋଟ ଆୟ ୨୧.୨୭ ଲକ୍ଷ କୋଟି ଟଙ୍କାକୁ ବୃଦ୍ଧି ଘଟିଛି। ଏହା ପୂର୍ବ ବର୍ଷ ୧୮.୪୧ ଲକ୍ଷ କୋଟି ଟଙ୍କା ରହିଥିଲା। ୨୦୧୫-୧୬ରେ ସର୍ବାଧିକ ୧.୩୩ କୋଟି ଲୋକ ୨.୫ ଲକ୍ଷ ଠାରୁ ୩.୫ ଲକ୍ଷ ଆୟକାରୀ ବର୍ଗର ବୋଲି ଜଣାଯାଇଛି। ୨୦୧୫-୧୬ରେ ଆୟକର ରିଟର୍ନ ପୈଠ କରିଥିବା ୪.୩୫ କୋଟି ବ୍ୟକ୍ତି ସେମାନଙ୍କ ମୋଟ ଆୟ ୩୩.୬୨ ଲକ୍ଷ କୋଟି ବୋଲି ଘୋଷଣା କରିଛନ୍ତି। ଏହା ପୂର୍ବ ବର୍ଷ ୩.୯୧ କୋଟି ରିଟର୍ନ ଫାଇଲ ହୋଇଥିବା ବେଳେ ଲୋକମାନଙ୍କର ମୋଟ ଆୟ ଏହି ସମୟରେ ୨୬.୯୩ ଲକ୍ଷ କୋଟି ଟଙ୍କା ରହିଥିଲା। କମ୍ପାନୀ ଗୁଡିକ ୭.୧୯ ଲକ୍ଷ କୋଟି ରିଟର୍ନ ଫାଇଲ କରିଛନ୍ତି। ଏମାନଙ୍କର ମୋଟ ଆୟ ୧୦.୭୧ ଲକ୍ଷ କୋଟି ଟଙ୍କା ରହିଛି।

All Right Reserved By

ବାଣିଜ୍ୟ |

ପାଣି, ବିଜୁଳି, ଚିକିତ୍ସା ସୁବିଧା ଦିଅ : ବୁଲେଟ୍‌ ଟ୍ରେନ୍‌ ପାଇଁ ଜମି ଦବୁ

ପାଣି, ବିଜୁଳି, ଚିକିତ୍ସା ସୁବିଧା ଦିଅ : ବୁଲେଟ୍‌ ଟ୍ରେନ୍‌ ପାଇଁ ଜମି ଦବୁ

ବମ୍ବେ,୧୮-୬ ସହଜ ସୁବିଧାରେ ଜୀବନ ନିର୍ବାହ କରିବା ପାଇଁ ଆମକୁ ପ୍ରଥମେ ପାଣି, ବିଜୁଳି ଆଲୁଅ ଏବଂ ଡାକ୍ତରୀ ସେବା ପ୍ରଦାନ କର। ଏହା ପରେ ଯାଇ ଆମେ ବୁଲେଟ୍‌ ଟ୍ରେନ୍‌ ପ୍ରକଳ୍ପ ପାଇଁ ରାଜି ହେବୁ। ମହାରାଷ୍ଟ୍ରର ପଲଘର ଜିଲାବାସୀ ସରକାରଙ୍କ ପାଖରେ ଏଭଳି ଦାବି କରିଛନ୍ତି।

ତେଲରୁ ଉତ୍ପାଦ ଶୁଳ୍କ ହ୍ରାସ

ତେଲରୁ ଉତ୍ପାଦ ଶୁଳ୍କ ହ୍ରାସ

ନୂଆଦିଲ୍ଲୀ, ୧୭-୬(ପି.ଟି.) ବର୍ତ୍ତମାନ ଦେଶରେ ପେଟ୍ରୋଲ ଓ ଡିଜେଲ ଦର ଉଚ୍ଚ ସ୍ତରରେ ଥିବାରୁ ଜନସାଧାରଣ ହନ୍ତସନ୍ତ ହେଉଛନ୍ତି। ଯେକୌଣସି ଉପାୟ ଅବଲମ୍ବନ କରି ତୈଳ ଦର ହ୍ରାସ କରାଯାଉ ବୋଲି ଉପଭୋକ୍ତା ଦାବି କରୁଛନ୍ତି।

ଏଲ୍‌ଆଇସିକୁ ସେବା ଟିକସ ନୋଟିସ୍‌

ଏଲ୍‌ଆଇସିକୁ ସେବା ଟିକସ ନୋଟିସ୍‌

ନୂଆଦିଲ୍ଲୀ,୧୮-୬ (ପି.ଟି) ସାମଗ୍ରୀ ଓ ସେବା ଟିକସ ଗୋଇନ୍ଦା ମହାନିର୍ଦ୍ଦେଶାଳୟ (ଡିଜିଜିଆଇ) ପକ୍ଷରୁ ରାଷ୍ଟ୍ରାୟତ୍ତ ଜୀବନ ବୀମା ନିଗମ(ଏଲ୍‌ଆଇସି) ବିରୋଧରେ ୨,୦୫୦ କୋଟି ଟଙ୍କାର ସେବା ଟିକସ ନୋଟିସ ଜାରି ହୋଇଛି। କଲିକତା ଜୋନାଲ କାର୍ଯ୍ୟାଳୟ ପକ୍ଷରୁ ଉକ୍ତ ନୋଟିସ ଜାରି କରାଯାଇଥିବା ଜଣେ ଅଧିକାରୀ ସୂଚନା ଦେଇଛନ୍ତି।

ଟ୍ରେନରେ ରହିବ ଭାକ୍ୟୁମ୍‌ ବାୟୋ ଟଏଲେଟ୍‌

ନୂଆଦିଲ୍ଲୀ,୧୮-୬ (ପି.ଟି) ବର୍ତ୍ତମାନ ସୁଦ୍ଧା ପ୍ରାୟ ଟ୍ରେନରେ ବାୟୋଟଏଲେଟ ସ୍ଥାପନ କରିବା ପରେ ଏହାକୁ ଅପ୍‌ଗ୍ରେଡ କରିବାକୁ ରଲଓ୍ବେ ନୂଆ ଯୋଜନା ହାତକୁ ନେବ। ବାୟୋଟଏଲେଟ ବଦଳରେ ଅଧିକ ଉନ୍ନତ ଭାକ୍ୟୁମ୍‌ ବାୟୋ ଟଏଲେଟ୍‌ ବ୍ୟବହାର ନେଇ ରେଲଓ୍ବେ ବିଚାର କରୁଥିବା ଜଣା ଯାଇଛି।

ଏକାଧିକ ଭାରତୀୟ ପାସପୋର୍ଟ ବ୍ୟବହାର: ନୀରବଙ୍କ ବିରୋଧରେ ଏତଲା

ଏକାଧିକ ଭାରତୀୟ ପାସପୋର୍ଟ ବ୍ୟବହାର: ନୀରବଙ୍କ ବିରୋଧରେ ଏତଲା

ନୂଆଦିଲ୍ଲୀ,୧୮-୬ (ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ୨ ବିଲିୟନ ଡଲାର ଠକେଇର ମୁଖ୍ୟ ଅଭିଯୁକ୍ତ ହିରା ବ୍ୟବସାୟୀ ନୀରବ ମୋଦିଙ୍କ ବିରୋଧରେ ପୁଣି ଥରେ ଏକ ଏତଲା ଦାଏର ହୋଇଛି। ନୀରବଙ୍କ ବିରୋଧରେ ଏକାଧିକ ଭାରତୀୟ ପାସପୋର୍ଟ ବ୍ୟବହାର କରୁଥିବା ଅଭିଯୋଗ ଆସିଛି।

ରାଜ୍ୟଗୁଡିକର ବିତ୍ତୀୟ ନିଅଣ୍ଟରେ ହ୍ରାସ

ରାଜ୍ୟଗୁଡିକର ବିତ୍ତୀୟ ନିଅଣ୍ଟରେ ହ୍ରାସ

ବମ୍ବେ,୧୮-୬ (ପି.ଟି) ୨୦୧୭-୧୮ ଆର୍ଥତ୍କ ବର୍ଷରେ ଦେଶର ବିଭିନ୍ନ ରାଜ୍ୟଗୁଡିକର ବିତ୍ତୀୟ ନିଅଣ୍ଟରେ ହ୍ରାସ ଘଟିଛି। ଦେଶର ୧୩ ରାଜ୍ୟ ସେମାନଙ୍କ ବିତ୍ତୀୟ ନିଅଣ୍ଟରେ ୨୫% ହ୍ରାସ ଘଟିଥିବା କହିଛନ୍ତି।

ମାଲ୍ୟାଙ୍କ ବିରୋଧରେ ସାନି ଚାର୍ଜଶିଟ୍‌

ମାଲ୍ୟାଙ୍କ ବିରୋଧରେ ସାନି ଚାର୍ଜଶିଟ୍‌

ନୂଆଦିଲ୍ଲୀ,୧୮-୬ (ପି.ଟି) ବିଭିନ୍ନ ବ୍ୟାଙ୍କରୁ ଋଣ ଖିଲାପକରି ବର୍ତ୍ତମାନ ଲଣ୍ଡନରେ ରହୁଥିବା ଦେବାଳିଆ କିଙ୍ଗଫିସର ଏୟାରଲାଇନ୍ସର ମାଲିକ ବିଜୟ ମାଲ୍ୟାଙ୍କ ଅଡୁଆ ଆହୁରୀ ବଢିଯାଇଛି। କଳାଟଙ୍କା କାରବାର ମାମଲାରେ ମାଲ୍ୟା ଏବଂ ତାଙ୍କ କମ୍ପାନୀ ବିରୋଧରେ (ପ୍ରବର୍ତ୍ତନ ନିର୍ଦ୍ଦେଶାଳୟ) ଶୀଘ୍ର ଏକ ସାନି ନୋଟିସ ଜାରି କରିବ ବୋଲି ଜଣାଯାଇଛି।

ଇଚ୍ଛାକୃତ ଖୀଲାପକାରୀଙ୍କ ଉପରେ ପିଏନ୍‌ବିର ୧୫,୪୯୦ କୋଟି

ଇଚ୍ଛାକୃତ ଖୀଲାପକାରୀଙ୍କ ଉପରେ ପିଏନ୍‌ବିର ୧୫,୪୯୦ କୋଟି

ନୂଆଦିଲ୍ଲୀ,୧୮-୬(ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରେ ଇଚ୍ଛାକୃତ ଖିଲାପକାରୀଙ୍କ ସଂଖ୍ୟା ବଢୁଛି। ମେ ଶେଷ ସୁଦ୍ଧା ଇଚ୍ଛାକୃତ ଖିଲାପକାରୀଙ୍କ ଉପରେ ପିଏନ୍‌ବିର ୧୫,୪୫୦ କୋଟି ଋଣ ରହିଛି। ଏହି ଖିଲାପକାରୀମାନେ ୨୫ ଲକ୍ଷ କିମ୍ବା ତାଠାରୁ ଅଧିକ ପରିମାଣର ଋଣ ନେଇ ନେଇଥିବା ବ୍ୟାଙ୍କ ସୂଚନା ଦେଇଛି।

ରାଷ୍ଟ୍ରାୟତ୍ତ ବ୍ୟାଙ୍କ ଇଡି ପଦବୀ ପୂରଣ ଲାଗି ବିବିବିର ପ୍ରସ୍ତାବ

ରାଷ୍ଟ୍ରାୟତ୍ତ ବ୍ୟାଙ୍କ ଇଡି ପଦବୀ ପୂରଣ ଲାଗି ବିବିବିର ପ୍ରସ୍ତାବ

ନୂଆଦିଲ୍ଲୀ,୧୭-୬ (ପି.ଟି) ସରକାରଙ୍କ ଦ୍ୱାରା ଗଠିତ ବ୍ୟାଙ୍କ ବୋର୍ଡ ବ୍ୟୁରୋ(ବିବିବି) ରାଷ୍ଟ୍ରାୟତ୍ତ ବ୍ୟାଙ୍କଗୁଡିକରେ ଖାଲି ପଡିଥିବା କାର୍ଯ୍ୟନିର୍ବାହୀ ନିର୍ଦ୍ଦେଶକ (ଇଡି) ପଦବୀ ପୂରଣ ଲାଗି ପ୍ରସ୍ତାବ ଦେଇଛି। ଉକ୍ତ ପଦବୀ ଲାଗି ୨୨ ଜଣଙ୍କ ନାମ ପ୍ରସ୍ତାବରେ ରହିଛି। ୨୨ ମହାପ୍ରବନ୍ଧକଙ୍କ ନାମ ବିଭିନ୍ନ ବ୍ୟାଙ୍କର ଇଡି ପଦବୀରେ ନିଯୁକ୍ତି ଲାଗି ପ୍ରସ୍ତାବ ରହିଥିବା ଜଣାଯାଇଛି। କାର୍ମିକ ତଥା ତାଲିମ ବିଭାଗର ପୂର୍ବତନ ସଚିବ ବି.ପି ଶର୍ମା ଅଧ୍ୟକ୍ଷ ଭାବେ କାର୍ଯ୍ୟ ଆରମ୍ଭ କରିବା ପରେ ଏହା ବିବିବିର ପ୍ରଥମ ପ୍ରମୁଖ କାର୍ଯ୍ୟାନୁଷ୍ଠାନ ବୋଲି ଜଣା ଯାଇଛି।

ଭୋଡାଫୋନ-ଆଇଡିଆ ମିଶ୍ରଣକୁ ଆଜି ମିଳିପାରେ ମଞ୍ଜୁରୀ

ଭୋଡାଫୋନ-ଆଇଡିଆ ମିଶ୍ରଣକୁ ଆଜି ମିଳିପାରେ ମଞ୍ଜୁରୀ

ନୂଆଦିଲ୍ଲୀ,୧୭-୬ (ପି.ଟି) ଭୋଡାଫୋନ ଇଣ୍ଡିଆ ଏବଂ ଆଇଡିଆ ସେଲ୍ୟୁଲାର ମିଶ୍ରଣକୁ ଟେଲିକମ୍‌ ବିଭାଗ(ଡଟ୍‌) ସୋମବାର ମଞ୍ଜୁରୀ ପ୍ରଦାନ ମିଳିପାରେ। ଏଥି ସଂକ୍ରାନ୍ତ ପ୍ରମାଣପତ୍ର ସୋମବାର ମିଳିବାର ଆଶା କରାଯାଉଛି ବୋଲି ଜଣେ ଅଧିକାରୀ ପ୍ରକାଶ କରିଛନ୍ତି। ମିଶ୍ରଣ ପରେ ନୂଆ କମ୍ପାନୀର ନାମ ଭୋଡାଫୋନ ଆଇଡିଆ ଲିମିଟେଡ ହେବ ବୋଲି ପ୍ରସ୍ତାବ ରଖାଯାଇଛି। ଦୁଇ କମ୍ପାନୀ ମିଶ୍ରଣ ପରେ ଦେଶର ସର୍ବବୃହତ୍ତ ଟେଲିକମ୍‌ କମ୍ପାନୀ ସୃଷ୍ଟି ହେବ। କମ୍ପାନୀ ନିକଟରେ ୩୫% ବଜାର ଅଂଶ ରହିବ। ଏଥିରେ ୪୩୦ ନିୟୁତ ଗ୍ରାହକ ରହିବେ।

୩୦ ଆମେରିକୀୟ ଉତ୍ପାଦ ଉପରେ ସୀମା ଶୁଳ୍କ ବଢ଼ାଇବ ଭାରତ

୩୦ ଆମେରିକୀୟ ଉତ୍ପାଦ ଉପରେ ସୀମା ଶୁଳ୍କ ବଢ଼ାଇବ ଭାରତ

ନୂଆଦିଲ୍ଲୀ,୧୭-୬ ଭାରତ ଏବଂ ଯୁକ୍ତରାଷ୍ଟ୍ର ଆମେରିକା ମଧ୍ୟରେ ବାଣିଜ୍ୟ ଯୁଦ୍ଧ ଆହୁରି ଘନେଇବାକୁ ଯାଉଛି। ଭାରତ ସରକାର ଏବେ ୩୦ଟି ଆମେରିକୀୟ ଉତ୍ପାଦ ଉପରେ ସୀମା ଶୁଳ୍କ ବଢ଼ାଇବାକୁ ଯାଉଛନ୍ତି। ଏସବୁ ଉତ୍ପାଦ ମଧ୍ୟରେ ମୋଟର୍‌ସାଇକେଲ୍‌, ନିର୍ଦ୍ଧିଷ୍ଟ ଲୌହ ଏବଂ ଇସ୍ପାତ ସାମଗ୍ରୀ, ବୋରିକ୍‌ ଏସିଡ୍‌ ଏବଂ ଲେଣ୍ଟିଲ୍ସ ଇତ୍ୟାଦି ରହିଛି । ଏ ସଂକ୍ରାନ୍ତ ପ୍ରସ୍ତାବକୁ ଭାରତ ବିଶ୍ୱ ବାଣିଜ୍ୟ ସଂଘ(ଡବ୍ଲ୍ୟୁଟିଓ) ନିକଟରେ ଦାଖଲ କରିଛିି।

ପ୍ରଭୁ ଜଗନ୍ନାଥଙ୍କ ଗହଣା ମରାମତି କରିବ ଖିମ୍‌ଜୀ ଜୁଏଲର୍ସ

ପ୍ରଭୁ ଜଗନ୍ନାଥଙ୍କ ଗହଣା ମରାମତି କରିବ ଖିମ୍‌ଜୀ ଜୁଏଲର୍ସ

ଭୁବନେଶ୍ୱର,୧୭-୬ ଚଳିତବର୍ଷର ସୁନାବେଶ ପାଇଁ ମହାପ୍ରଭୁ ଜଗନ୍ନାଥଙ୍କ ସୁନା ଗହଣାର ମରାମତି ତଥା ସଫେଇ କାର୍ଯ୍ୟ ଖିମ୍‌ଜୀ ଜୁଏଲର୍ସକୁ ପ୍ରଦାନ କରାଯାଇଛି। ଗତ ନବକଳେବରରେ ଖିମ୍‌ଜୀ ପ୍ରଭୁଙ୍କ ରତ୍ନ ଚିତା ଏବଂ ଅନ୍ୟାନ୍ୟ ଆଣ୍ଟିକ୍‌ ଗହଣାଗୁଡିକର ମରାମତି କରିଥିଲା।

Model This Week

ପ୍ରଭାତ