ଉପକୂଳ ଓଡିଶା

ଯାଜପୁର ଜିଲାରେ ପିଡିଏସ କିରୋସିନ ବାଟବଣା

ଯାଜପୁର ଜିଲାରେ ପିଡିଏସ କିରୋସିନ ବାଟବଣା
ଯାଜପୁର ଅଫିସ,୨୫।୧୨- ପାରାଦୀପ ଓ ଧାମରା ବନ୍ଦରରେ ମାଛମରା ପାଇଁ ଚାଲିଥିବା ଟ୍ରଲର ପାଇଁ ଦୀର୍ଘ ଦିନ ଧରି କିରୋସିନ କଳାବଜାରି ଚାଲିଛି। ଏଥିପ୍ରତି ଯୋଗାଣ ବିଭାଗର ନଜର ନ ପଡ଼ିବା ବିଡ଼ମ୍ବନା ଛଡ଼ା ଅନ୍ୟ କିଛି ନୁହେଁ ବୋଲି ମତପ୍ରକାଶ ପାଇଛି। ଏଥିଯୋଗୁ ହୋଲ୍‌ସେଲର ଓ ଡିଲରଙ୍କ ଦୁର୍ନୀତି ଦିନକୁ ଦିନ ବଢି ଚାଲିଛି। ଯୋଗାଣ ବିଭାଗର କେତେକ ଅସାଧୁ କର୍ମଚାରୀ ଓ କଳାବଜାରିଙ୍କ ମଧ୍ୟରେ ମଧୁଚନ୍ଦ୍ରିକା ଯୋଗୁ ଗରିବ ଖଟିଖିଆ ଲୋକମାନେ ଲଣ୍ଠନ ଜାଳିବା ପାଇଁ କିରୋସିନି ବୁନ୍ଦେ ଠିକ୍‌ରେ ପାଇ ପାରୁ ନାହାନ୍ତି। ରାତିର ଜହ୍ନ ଆଲୁଅ ସେମାନଙ୍କ ପାଇଁ ସାହାରା ପାଲଟିଛି। ବିଜୁଳି ଆଲୁଅ ପାଉ ନ ଥିବା ଗାଁର ଅଧିବାସୀଙ୍କ ଘରେ ଲଣ୍ଠନ ସଲିତା ଶୁଖିଲା ରହୁଥିବାବେଳେ ହଜାର ହଜାର ଲିଟର କିରୋସିନି ଟ୍ରକ, ଟ୍ରାକ୍ଟର, ବସ୍‌ ଆଦି ଯାନବାହାନରେ ବ୍ୟବହୃତ ହେଉଥିବା ଅଭିଯୋଗ ହେଉଛି। ଏହି କାରବାରରେ ପ୍ରଭାବଶାଳୀ ବ୍ୟକ୍ତିଙ୍କ ସମ୍ପୃକ୍ତ ଥିବାରୁ ସାଧାରଣ ହିତାଧିକାରୀ ମୁହଁ ଖୋଲିବାକୁ ଭୟ କରୁଛନ୍ତି। ଆଉ ଯେଉଁମାନେ ବି ଅଭିଯୋଗ କରୁଛନ୍ତି ସେମାନେ ନିଜର ପରିଚୟ ଦେବାକୁ ପଛଘୁଞ୍ଚା ଦେଉଛନ୍ତି। ଯାଜପୁର ଜିଲାରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ଜିଲାର ୭ଜଣ ହୋଲସେଲରଙ୍କୁ ସମୁଦାୟ ୯୨୪ କିଲୋଲିଟର କିରୋସିନ ଆବଣ୍ଟିତ ହେଉଛି। ତେବେ ଏହା ପୂର୍ବ ବର୍ଷ ଅପେକ୍ଷା ପ୍ରାୟ ୩ ଲକ୍ଷ ଲିଟର କିରୋସିନ ହ୍ରାସ ପାଇଛି । ଏଥିରେ ଭାରତୀୟ ତୈଳ ନିଗମରୁ ଜୟ ଯବାନ କିରୋସିନ ଯୋଗାଣକୁ ୯୬କିଲୋଲିଟର, ବିଜୟ କିରୋ ଡିପୋକୁ ୧୬୮କିଲୋଲିଟର, ଚଣ୍ଡିଖୋଲ କିରୋସିନ ଡିପୋକୁ ୧୨୦ କିଲୋଲିଟର ଓ କୁଆଖିଆ ସିଟି କିରୋସିନ ଡିପୋକୁ ୯୬କିଲୋଲିଟର କିରୋସିନ ଆବଣ୍ଟିତ ହୋଇଛି। ସେହିପରି ହିନ୍ଦୁସ୍ଥାନ ପେଟ୍ରୋଲିୟମ ନିଗମରୁ ମା’ ଶାରଳା ଡିଷ୍ଟ୍ରିବ୍ୟୁଟରକୁ ୧୨୦କିଲୋଲିଟର, ଭାରତୀୟ ପେଟ୍ରୋଲ ନିଗମରୁ ଲୋକାଲ ଡିଷ୍ଟ୍ରିବ୍ୟୁଟରକୁ ୧୫୬ କିଲୋଲିଟର ଓ ଏକ୍ସପ୍ରେସ ସର୍ଭିସ ଷ୍ଟେଶନକୁ ୧୬୮କିଲୋଲିଟର କିରୋସିନ ଆବଣ୍ଟିତ ହେଉଛି। ଯାଜପୁର ଜିଲାରେ ପ୍ରାୟ ୧୯ଲକ୍ଷ ଲୋକ ବସବାସ କରୁଛନ୍ତି। ୯୧୫ ଟି କିରୋସିନ ବଣ୍ଟନ କେନ୍ଦ୍ର ରହିଛି। ଏଥିରେ ୩,୫୮,୬୨୩ ପରିବାରର ୧୪,୪୯,୬୦୩ ଜଣଙ୍କୁ କିରୋସିନ ବଣ୍ଟନ କରାଯାଉଛି। ମୁଣ୍ଡପିଛା ୬୪୦ମିଲିଲିଟର ଅନୁଯାୟୀ ୯୨୭.୭୭୨ କିଲୋଲିଟରର କିରୋସିନ ଆବଶ୍ୟକତା ରହିଛି । ଗତ ନଭେମ୍ବର ମାସରେ ୯.୦୧୫ କିଲୋଲିଟର କିରୋସିନ ବଣ୍ଟନ ହୋଇପାରି ନ ଥିଲା। ଚଳିତ ଡିସେମ୍ବର ମାସରେ ୯୨୪ କିଲୋଲିଟର କିରୋସିନ ଆବଣ୍ଟିତ ହୋଇଥିଲା। ଆଜିର ଯୁଗରେ ଲୋକଙ୍କ ପାଇଁ ସେତେଟା କିରୋସିନର ଆବଶ୍ୟକତା ରହୁନାହିଁ। କେବଳ ଯେଉଁ ଗ୍ରାମରେ ବିଦ୍ୟୁତ ସଂଯୋଗ ହୋଇନାହିଁ ସେଠାକାର ଲୋକେ କିରୋସିନ ଉପରେ ଅଧିକ ନିର୍ଭରଶୀଳ। ଏହି ପରିପ୍ରେକ୍ଷୀରେ ହୋଲସେଲରମାନେ ଲିଟରପିଛା ୨୪ଟଙ୍କା ଦରରେ ରିଟେଲରଙ୍କୁ କିରୋସିନ ଦେଉଛନ୍ତି । ମୁଣ୍ଡପିଛା ଆକାରରେ ୬୪୦ ମିଲିଲିଟର କିରୋସିନ ସ୍ଥଳେ ମାତ୍ର ୫୦୦ ମିଲିଲିଟର କିରୋସିନି ବଣ୍ଟନ କରାଯାଉଛି। ଫଳରେ ଅଧିକାଂଶ ହିତାଧିକାରୀ କିରୋସିନ ନେବାକୁ ଆସୁ ନାହାନ୍ତି ା ସେମାନଙ୍କ କିରୋସିନ ଓ ହିତାଧିକାରୀଙ୍କ ବଳକା କିରୋସିନକୁ ମିଶାଇ ବାହାର ଜିଲାକୁ ଚୋରାଚାଲାଣ କରାଯାଉଛି। ଯଦ୍ୱାରା ଗୋଟେପଟେ ହୋଲସେଲରମାନେ ମାଲାମାଲ ହେଉଥିବାବେଳେ ଅପରପକ୍ଷରେ କିରୋସିନ ନିହାତି ଆବଶ୍ୟକ କରୁଥିବା ହିତାଧିକାରୀ ଅନ୍ଧାରରେ ରହୁଛନ୍ତି। ପୂର୍ବରୁ ୧୨ଲକ୍ଷ ୬୦ହଜାର ଲିଟର କିରୋସିନ ଜିଲାକୁ ଆସୁଥିଲା। କିରୋସିନ ବଣ୍ଟନ ପାଇଁ ଜିଲାରେ ୭ଜଣ ହୋଲ୍‌ସେଲର ଓ ୪୭ଜଣ ସବ୍‌ହୋଲସେଲର ନିଯୁକ୍ତି ହୋଇଥିଲେ। ସେହି ସମୟରେ ବହୁ କିରୋସିନ କଳାବଜାରୀ ହେଉଥିବା ଅଭିଯୋଗ ହେବାପରେ ସରକାର ନୂତନ ନିୟମ ଲାଗୁ କରିଥିଲେ। ସେତେବେଳେ କଳାବଜାରୀ ଚାଲିଥିଲେ ମଧ୍ୟ କେତେକାଂଶରେ ହିତାଧିକାରୀମାନେ ଆବଶ୍ୟକତା ଅନୁସାରେ କିରୋସିନ ପାଉଥିଲେ। ମାତ୍ର ସରକାରଙ୍କ ନୂଆ ନିୟମ ଅନୁଯାୟୀ ଯେଉଁମାନେ ଖାଦ୍ୟ ସୁରକ୍ଷା ଯୋଜନାରେ ରାଶନକାର୍ଡ ପାଇବାରୁ ବଞ୍ଚତ୍ତ ହୋଇଛନ୍ତି କିମ୍ବା ଅନ୍ତୋଦୟ ଯୋଜନାରେ ସାମିଲ ନାହାନ୍ତି ସେମାନେ କିରୋସିନ ପାଉ ନାହାନ୍ତି। ଜିଲାରେ ରାଶନକାର୍ଡ ବଣ୍ଟନରେ ଅନିୟମିତତା ଯୋଗୁ ଅନେକ ଗରିବ ଲୋକ କିରୋସିନ ପାଇବାରୁ ବଞ୍ଚତ୍ତ ରହିଛନ୍ତି। ହିତାଧିକାରୀଙ୍କ ହକରୁ କାଢି ବଜାରରେ ଚଢା ଦରରେ କିରୋସିନ ବିକ୍ରି କରି ହୋଲ୍‌ସେଲର ଓ ରିଟେଲରମାନେ ବିଭାଗୀୟ ଅଧିକାରୀଙ୍କୁ ନିଜ କବଜାରେ ରଖିଛନ୍ତି। ପ୍ରତ୍ୟେକ ସେଣ୍ଟରରେ ପ୍ରଭାବଶାଳୀ, ସ୍ବାର୍ଥ୍ୟନ୍ବେଷୀ ଏବଂ ରାଜନୈତିକ ସମ୍ପୃକ୍ତ ବ୍ୟକ୍ତି ବିଶେଷଙ୍କୁ ହୋଲ୍‌ସେଲର ଓ ଡିଲରଭାବେ ନିଯୁକ୍ତି ଦିଆଯାଇଛି। ଯଦ୍ୱାରା ଜିଲାରୁ ଯେତେ କିରୋସିନ କଳାବଜାର ହେଉଥିଲେ ହେଁ ଧରପଗଡ଼ ହେବାର ଦୃଷ୍ଟିଗୋଚର ହେଉନାହିଁ। ଏସଂକ୍ରାନ୍ତରେ ଏସିଏସ୍‌ଓ ବିଶ୍ୱଜିତ ମିଶ୍ରଙ୍କୁ ପଚାରିବାରେ ସେ କହିଛନ୍ତି ସରକାରଙ୍କ ନିର୍ଦ୍ଦେଶମତେ ଲୋକଙ୍କୁ କିରୋସିନ ବଣ୍ଟନ କରାଯାଉଛି। ସେଭଳି କିଛି ଅଭିଯୋଗ ହୋଇ ନାହିଁ । ପ୍ରମାଣ ମିଳିଲେ ସଂପୃକ୍ତ ହୋଲସେଲର କିମ୍ବା ରିଟେଲରଙ୍କ ନାମରେ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
All Right Reserved By

ଉପକୂଳ ଓଡିଶା

ପୋଖରୀରେ ବୁଡ଼ି ଜଣେ ମୃତ

ପୋଖରୀରେ ବୁଡ଼ି ଜଣେ ମୃତ

ଚଣ୍ଡୀଖୋଲ, ୧୮।୧୦(ଡି.ଏନ.ଏ.)-ବାଲିକନ୍ଦରପୁର ଥାନା ଅନ୍ତର୍ଗତ ପତରାଜପୁର ଗାଁର ସୁରେନ୍ଦ୍ର ସେନାପତିଙ୍କ ପୁଅ ସୂର୍ଯ୍ୟକାନ୍ତ ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। 

ପୁରାତନ ଛାତ୍ର ସଂସଦର ବାର୍ଷିକ ଉତ୍ସବ

ମାର୍ଶାଘାଇ, ୧୮।୧୦(ଡି.ଏନ୍‌.ଏ.)- କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକ ଅନ୍ତର୍ଗତ ମାର୍ଶଘାଇ ସ୍କୁଲ ପରିସରରେ ଗୁରୁବାର ପୁରାତନ ଛାତ୍ର ସଂସଦର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରତି ବର୍ଷ ପରି ଚଳିତ ବର୍ଷ ନବମୀ ତଥିରେ ନିରଞ୍ଜନ ବସ୍ତିଆଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା। 

ପ୍ରଶାସନ ଶୁଣିଲାନି , ନର୍ଦ୍ଦମା ସଫାକଲେ ଯୁବକ

ପ୍ରଶାସନ ଶୁଣିଲାନି , ନର୍ଦ୍ଦମା ସଫାକଲେ ଯୁବକ

ଏରସମା, ୧୮।୧୦(ଡି.ଏନ୍‌.ଏ.)- ଏରସମା ବ୍ଲକ ସଦର ମହକୁମାଠାର ମାତ୍ର କିଛି ବାଟ ଦୂରରେ ଥିବା ଏକ ଢଳାଇ ରାସ୍ତା ଉପରେ ଥିବା ଡ୍ରେନ୍‌ ପାଣି ଯୋଗୁ ସ୍ଥାନୀୟ ବାସୀନ୍ଦା ବିଭିନ୍ନ ସମସ୍ୟାର ସମ୍ମୁଖୀନ ହେଉଥିଲେ।

ନବମୀରେ ମା’ଙ୍କ  ଦର୍ଶନ ପାଇଁ ଭକ୍ତଙ୍କ ଭିଡ ଜମିଛି

ନବମୀରେ ମା’ଙ୍କ ଦର୍ଶନ ପାଇଁ ଭକ୍ତଙ୍କ ଭିଡ ଜମିଛି

ପାଟକୁରା, ୧୮।୧୦(ଡି.ଏନ୍‌.ଏ.)- ଗରଦପୁର ହାଟ ପଡିଆରେ ମା’ ଦୁର୍ଗାଙ୍କ ନବମୀ ପୂଜା ରୀତିନୀତି ଅନୁସାରେ ଅନୁଷ୍ଠିତ ହୋଇଯାଇଛି। ପୂଜା ମଣ୍ଡପରେ ମା’ଙ୍କ ମୃଣ୍ମୟ ମୁର୍ତ୍ତିଗୁଡକ ସୁ ସର୍ଜିତ ଆଲୋକ ମାଳାରେ ଆକର୍ଷଣୀୟ ହୋଇଉଠିଛି।

ପୂଜା ମଣ୍ଡପ ବୁଲିଲେ ବିଧାୟକ

ପୂଜା ମଣ୍ଡପ ବୁଲିଲେ ବିଧାୟକ

ପାଟକୁରା, ୧୮।୧୦(ଡି.ଏନ୍‌.ଏ.)- ପାଟକୁରା ବିଧାୟକ ବେଦ ପ୍ରକାଶ ଅଗ୍ରଓ୍ବାଲ ଦଳୀୟ କର୍ମୀଙ୍କ ସହ ଗୁରୁବାର ବିଭିନ୍ନ ଦୁର୍ଗା ମଣ୍ଡପ ବୁଲି ମା’ଙ୍କ ଦର୍ଶନ କରିଛନ୍ତି।

ବିଦ୍ୟାଳୟ ବାରଣ୍ଡାରେ ଗଦା ହୋଇଛି ଲୁଣ ବସ୍ତା

ବିଦ୍ୟାଳୟ ବାରଣ୍ଡାରେ ଗଦା ହୋଇଛି ଲୁଣ ବସ୍ତା

ମହାକାଳପଡା, ୧୮ା୧୦(ଡି.ଏନ୍‌.ଏ.)- ମହାକାଳପଡା ବ୍ଲକ ଅଞ୍ଚଳରେ ବେଆଇନ ଭାବେ ଚିଙ୍ଗୁଡିଘେରି ବଢିବାରେ ଲାଗିଛି । ଚିଙ୍ଗୁଡିଘେରି ମାଲିକମାନେ ବେଆଇନ ଭାବେ ଖୁଲମଖୁଲା ଆଇନ ଉଲ୍ଲଂଘନ କରୁଛନ୍ତି। 

ନିଗରାଣି କମିଟି ଗଠିତ

ନିଗରାଣି କମିଟି ଗଠିତ

ପାଟକୁରା,୧୮।୧୦(ଡି.ଏନ୍‌.ଏ.)- ବେଡାରି ଗ୍ରାମ ପଞ୍ଚାୟତକୁ ବାହ୍ୟ ପରିମଳ ମୁକ୍ତ ଗଢି ତୋଳିବା ପାଇଁ ସ୍ବଛ ଭାରତ ମିଶନ ପକ୍ଷରୁ  ବୈଠକ ଅନୁଷ୍ଠିତ ହୋଇଯାଇଛି। ସରପଞ୍ଚ ଗୋକୁଳା ନନ୍ଦ ବେହେରାଙ୍କ ସଭାପତିତ୍ୱରେ ଏହି ବୈଠକରେ ନିଗରାଣି କମିଟି ଗଠିତ ହୋଇଛି। 

ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ଜଳଖିଆ ଦୋକାନରେ ଚଢ଼ାଉ

ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ଜଳଖିଆ ଦୋକାନରେ ଚଢ଼ାଉ

ଆଳି,୧୮।୧୦(ଡି.ଏନ୍‌.ଏ.)- ପୂଜା ବଜାରକୁ ଦୃଷ୍ଟିରେ ରଖି କେନ୍ଦ୍ରାପଡା ଜିଲା ଫୁଡ୍‌ ଆଣ୍ଡ ସେଫ୍ଟି ଓ ଆଳି ସ୍ବାସ୍ଥ୍ୟ ବିଭାଗର ମିଳିତ ଉଦ୍ୟମରେ ଗୁରୁବାର ବଜାରର ବିଭିନ୍ନ ଦୋକାନରେ ଚଢାଉ କରାଯାଇଛି। ନୂଆ ବଜାର, ନିଆଳ ହାଟ, ରାଜବାଟୀ ରୋଡ ଓ ଆଳି ମେଡିକାଲ ରୋଡରେ ଥିବା ଫାଷ୍ଟଫୁଡ ଷ୍ଟଲ୍‌ ଓ ଜଳଖିଆ ଦୋକାନରେ ଚଢାଉ କରାଯାଇଛି।

ଷ୍ଟାଡିୟମ ପୁନଃକ୍ଷମ ପାଇଁ ଦାବି

ଷ୍ଟାଡିୟମ ପୁନଃକ୍ଷମ ପାଇଁ ଦାବି

କେନ୍ଦ୍ରାପଡା ଅଫିସ, ୧୮।୧୦- ସହରର ସାରଙ୍ଗଠାରେ ଗତ ୧୦ବର୍ଷ ପୂର୍ବେ ବିଜୁ ପଟ୍ଟନାୟକ କ୍ରୀଡ଼ା ଷ୍ଟାଡିୟମ ନିର୍ମାଣ ହୋଇଥିଲା। ଅଦ୍ୟାବଧି ଏହା କାର୍ଯ୍ୟକ୍ଷମ ହୋଇ ପାରିନାହିଁ।

ବରୀରେ ଦୁର୍ଗା ପୂଜା

ବରୀରେ ଦୁର୍ଗା ପୂଜା

ବରୀ, ୧୮ା୧୦(ସ୍ବ.ପ୍ର.)- ମା’ଙ୍କ ଆଗମନ ନେଇ ବରୀ ଅଞ୍ଚଳ ଚଳଚଞ୍ଚଳ ହୋଇ ଉଠିଛି।    ନବମୀରେ ପୂଜା କମିଟି ପକ୍ଷରୁ ମା’ଙ୍କ ସମସ୍ତ ରୀତିନୀତି ଅନୁସାରେ ପୂଜା ଅନୁଷ୍ଠିତ ହୋଇଯାଇଛି। 

ନବମୀରେ ମା’ଙ୍କ ଦର୍ଶନ ପାଇଁ ପୂଜା ପଣ୍ଡପରେ ଭକ୍ତଙ୍କ ଭିଡ଼

ନବମୀରେ ମା’ଙ୍କ ଦର୍ଶନ ପାଇଁ ପୂଜା ପଣ୍ଡପରେ ଭକ୍ତଙ୍କ ଭିଡ଼

ଚଢେଇଧରା, ୧୮ା୧୦(ଡି.ଏନ୍‌.ଏ.)- ଧର୍ମଶାଳା ବ୍ଲକ ଅନ୍ତର୍ଗତ ଆରୁଆ ପଞ୍ଚାୟତ ଆରୁହା ବଜାର ପୂଜା ମଣ୍ଡପରେ ମା’ ଜଗଜ୍ଜନନୀଙ୍କ ପୂଜା ରୀତିନୀତି ଅନୁସାରେ ପାଳିତ ହୋଇଯାଇଛି। 

ବାର୍‌ହା ପଲଙ୍କ ଉପଦ୍ରବରେ ଧାନଫସଲ ନଷ୍ଟ

ବାର୍‌ହା ପଲଙ୍କ ଉପଦ୍ରବରେ ଧାନଫସଲ ନଷ୍ଟ

ଗଣିଆ,୧୮ା୧୦(ଡି.ଏନ.ଏ.)-ମହାନଦୀ ବନ୍ୟପ୍ରାଣୀ ବନଖଣ୍ଡ ନୟାଗଡ ଜିଲା ଛାମୁଣ୍ଡିଆ ବନାଞ୍ଚଳ ଅନ୍ତର୍ଗତ ଛାମୁଣ୍ଡିଆ ଓ ବଡ଼ଶିଲିଙ୍ଗା ପଞ୍ଚାୟତରେ ବନ୍ୟପ୍ରାଣୀଙ୍କ ଦ୍ୱାରା ବ୍ୟାପକ ଭାବରେ ଧାନ ଫସଲ ନଷ୍ଟ ହୋଇଥିବା ଅଭିଯୋଗ ହେଉଛି।