ସମ୍ପାଦକୀୟ |

ବଡ଼ଦିନ: ଅଭ୍ୟୁଦୟର ପ୍ରତୀକ

ବଡ଼ଦିନ: ଅଭ୍ୟୁଦୟର ପ୍ରତୀକ
ଆନନ୍ଦ ଓ ଉଲ୍ଲାସର ପର୍ବ ବଡ଼ଦିନ। ଈଶ୍ୱରଙ୍କ ପାଖରୁ ପୃଥିବୀକୁ ଖୁସିର ସନ୍ଦେଶ ବୋହି ଆଣିବାର ଏକ ଆଧ୍ୟାମତ୍ିକ ଅବସର। ଭୌଗୋଳିକ କାରଣରୁ ଉତ୍ତର ଗୋଲାର୍ଦ୍ଧରେ ଡିସେମ୍ବର ୨୨ ଓ ଦକ୍ଷିଣ ଗୋଲାର୍ଦ୍ଧରେ ଜୁନ୍‌ ୨୧ ତାରିଖରେ ଦିନ ବଡ଼ହୁଏ ସତ, ହେଲେ ଡିସେମ୍ବର ୨୫ ତାରିଖକୁ ବଡ଼ଦିନ ଭାବରେ ପାଳନ କରେ ସମଗ୍ର ବିଶ୍ୱ। କାରଣ ଡିସେମ୍ବର ୨୫ରେ ପୃଥିବୀରେ ଘୋଷଣା ହୋଇଥିଲା ଏକ ଅତି ଆନନ୍ଦଦାୟକ ସୁସମାଚାର। ଜଣେ ସ୍ବର୍ଗଦୂତ ସେଦିନ କିଛି ମେଷପାଳକଙ୍କ ନିକଟରେ ଉପସ୍ଥିତ ହୋଇ କହିଥିଲେ, ଭୟ କରନାହିଁ, ତୁମ୍ଭର ତ୍ରାଣକର୍ତ୍ତା ଏବେ ବେଥେଲହାମ୍‌ ନଗରରେ ଜନ୍ମଗ୍ରହଣ କରିସାରିଛନ୍ତି ପ୍ରଭୁ ଯିଶୁଖ୍ରୀଷ୍ଟ ଭାବରେ। ମଣିଷକୁ ପାପର ଶୃଙ୍ଖଳରୁ ମୁକ୍ତକରି ସେ ସମସ୍ତଙ୍କ ଭିତରେ ସ୍ଥାପନ କରିବେ ଶାନ୍ତି। ବିତରଣ କରିବେ କ୍ଷମା, କରୁଣା, ତ୍ୟାଗ ଓ ପ୍ରେମର ମନ୍ତ୍ର। ସ୍ବର୍ଗଦୂତଙ୍କ ବାର୍ତ୍ତାକୁ ଈଶ୍ୱରଙ୍କ ଆଦେଶ ମନେକରି ମେଷ ପାଳକମାନେ ବାହାରିଲେ ଯିଶୁଙ୍କ ସନ୍ଧାନରେ। ଯିଶୁଙ୍କ ଇହୁଦୀ ପିତାମାତା ଜୋସେଫ ଓ ମରିୟମ୍‌ ଗାଲିଲିର ନାଜ୍‌ରିଥ୍‌ ସହରରୁ ଜୁଡ଼ିଆର ବେଥେଲହାମ୍‌କୁ ଚାଲିଆସି ଆଶ୍ରୟ ନେଉଥିଲେ ଏକ ପାନ୍ଥଶାଳାରେ। ସେଠାରେ ସ୍ଥାନ ଅଭାବରୁ ମାତା ମେରୀ ନିଜ ପ୍ରଥମ ସନ୍ତାନ ଯିଶୁଙ୍କୁ ଏକ ଗୁହାଳଘରେ ଜନ୍ମଦେବା ସହିତ ସଦ୍ୟଜାତ ଶିଶୁଟିକୁ କନା ଗୁଡ଼େଇ ଶୁଆଇ ଦେଇଥିଲେ ଗୋଟେ ଟୋକେଇ ଭିତରେ। ସ୍ବର୍ଗଦୂତଙ୍କ ସୂଚନାକୁ ଭିତ୍ତିକରି ମେଷ ପାଳକମାନେ ସେଠାରେ ପହଞ୍ଚତ୍ଥିଲେ ଏବଂ ଯିଶୁଙ୍କ ବନ୍ଦନା କରିଥିଲେ ଅତ୍ୟନ୍ତ ଶ୍ରଦ୍ଧା ଓ ଭକ୍ତିର ସହିତ। ବାଇବେଲ୍‌ ଅନୁସାରେ ଈଶ୍ୱର ନିଜର ହାତଗଢା ପୃଥିବୀକୁ ଏଭଳି ପ୍ରେମ କଲେ ଯେ ନିଜର ଅଦ୍ୱିତୀୟ ପୁତ୍ର ଯିଶୁଙ୍କୁ ପ୍ରେରଣ କରିଥିଲେ ପୃଥିବୀର ପାପଭାରା ଲାଘବ ପାଇଁ। ଈଶ୍ୱରଙ୍କ ନିର୍ଦ୍ଦେଶରେ ଅବତାର ଗ୍ରହଣ କରି ଯିଶୁ ମଧ୍ୟ ବରଣ କରି ନେଇଥିଲେ ଅକଥନୀୟ ଦୁଃଖ ଓ ଯନ୍ତ୍ରଣା। ମଣିଷକୁ ପାପତାପରୁ ପରିତ୍ରାଣ ପାଇଁ ପୃଥିବୀରେ ଜନ୍ମନେଇଥିବା ଯିଶୁଙ୍କୁ ଶେଷରେ କଣ୍ଟା ବାଡ଼େଇ ଝୁଲେଇ ଦିଆଗଲା ଫାଶୀଖୁଣ୍ଟରେ। ମାତ୍ର ଇତିହାସର ସେହି ପୁଣ୍ୟ ପୁରୁଷ ମାନବିକତାର ମହାର୍ଘ ମନ୍ତ୍ର ଉଚ୍ଚାରଣ କରି ଆମତ୍ତ୍ୟାଗର ଏମିତି ନମୁନା ରଖିଗଲେ ଯେ, ତାହା ବିଶ୍ୱ ମାନବକୁ ଉଦ୍‌ବୁଦ୍ଧ କଲା ଏବଂ ବିଶ୍ୱରେ ପ୍ରବର୍ତ୍ତିତ ହେଲା ଖ୍ରୀଷ୍ଟଧର୍ମ। ସେହି ପୁଣ୍ୟାମତ୍ାଙ୍କ ଜନ୍ମ ତିଥିରୁ ଆରମ୍ଭ ହେଲା ଖ୍ରୀଷ୍ଟାବ୍ଦ ଗଣନା। ଧର୍ମମତ ନିିର୍ବିଶେଷରେ ସମସ୍ତଙ୍କୁ ଅନୁପ୍ରାଣିତ କଲା ତାଙ୍କ କାଳଜୟୀ ବାଣୀ ଓ ଆହ୍ବାନ। ବୁଦ୍ଧି ଓ ଯୁକ୍ତି ଆଧାରିତ ଜ୍ଞାନ ଅପେକ୍ଷା ଅନ୍ତର୍ମୁଖୀ ଆଧ୍ୟାମତ୍ିକ ଅନୁଭୂତିର ଜ୍ଞାନକୁ ଉଚ୍ଚତର ମାନ୍ୟତା ଦେଇ ଯିଶୁ କହୁଥିଲେ ସ୍ବର୍ଗର ସାମ୍ରାଜ୍ୟ ମହାଶୂନ୍ୟର କୌଣସି ନିର୍ଦ୍ଦିଷ୍ଟ ଅଞ୍ଚଳରେ ଅବସ୍ଥିତ ନୁହେଁ, ତାହା କେବଳ ମନର ଏକ ଅବସ୍ଥା। ସେଥିପାଇଁ ଆପଣାକୃତ ପାପ ଓ ଦୃଷ୍କୃତିଗୁଡ଼ିକ ପାଇଁ ଅନୁଶୋଚନା ବିନା ସ୍ବର୍ଗ ରାଜ୍ୟରେ ପ୍ରବେଶ କରିବା ଅସମ୍ଭବ। ଯିଶୁଖ୍ରୀଷ୍ଟଙ୍କୁ ଯେଉଁ ଧର୍ମର ଭିତ୍ତିସ୍ଥାପକ କୁହାଯାଉଛି, ସେ ଧର୍ମରେ ରହିଛି ସମଗ୍ର ମାନବ ଜାତି ପାଇଁ ସଂପ୍ରୀତି ଓ ସଦିଚ୍ଛାର ବାର୍ତ୍ତା। ତେଣୁ ଏ କଥା ବିଶେଷଭାବେ ସ୍ମରଣୀୟ ଯେ କୌଣସି ନୂତନ ଧର୍ମ ପ୍ରବର୍ତ୍ତନ କିମ୍ବା କୌଣସି ମୃତ ବା ସୁପ୍ତ ଧର୍ମକୁ ଉଦ୍ଦୀପ୍ତ କରିବା ଉଦ୍ଦେଶ୍ୟରେ ଯିଶୁଖ୍ରୀଷ୍ଟ ମର୍ତ୍ତ୍ୟକୁ ଆସି ନ ଥିଲେ ବରଂ ଆସିଥିଲେ ଈଶ୍ୱର ଓ ମଣିଷଙ୍କ ଭିତରେ ବିଚ୍ଛିନ୍ନ ହୋଇପଡ଼ିଥିବା ସମ୍ପର୍କର ପୁନଃସ୍ଥାପନ ଉଦ୍ଦେଶ୍ୟରେ। ସେଥିପାଇଁ ତାଙ୍କ କାର୍ଯ୍ୟଶୈଳୀରେ ପ୍ରତିଫଳିତ ହୋଇଛି ଈଶ୍ୱରଙ୍କ ସହ ପ୍ରତ୍ୟକ୍ଷ ସମ୍ପର୍କର ସଙ୍କେତ। ଅତଏବ ଜାତି, ଧର୍ମ, ବର୍ଣ୍ଣ ଓ ଭୌଗୋଳିକ ସୀମା ନିର୍ବିଶେଷରେ ମଣିଷର ଆଧ୍ୟାମତ୍ିକ ଉତ୍ତରଣ ସହିତ ସଂଶ୍ଳିଷ୍ଟ ହୋଇରହିଛି ଯିଶୁଖ୍ରୀଷ୍ଟଙ୍କ ଜନ୍ମ। ବାଇବେଲ ଅନୁସାରେ ସରଳ ଜୀବନ ଓ ଉଚ୍ଚତର ଆଧ୍ୟାମତ୍ିକ ଜୀବନବୋଧର ବାର୍ତ୍ତା ବହନ କରିଥିବା ବଡ଼ଦିନ ପର୍ବ ହେଉଛି ଶାନ୍ତି ଓ ସଂପ୍ରୀତିର ପ୍ରତୀକ। କେବଳ ଡିସେମ୍ବର ୨୫ ନୁହେଁ, ସାରା ଡିସେମ୍ବର ମାସଟାକୁ ଝଲମଲ କରିଦିଏ ଏହି ପର୍ବର ପତିଆରା। ପିଲାମାନଙ୍କ ଦ୍ୱାରା ବୋଲାଯାଉଥିବା ବଡ଼ଦିନ ଗୀତରେ ଝୁମି ଉଠେ ସାରା ମାସର ଉସତ୍ବମୟ ପରିବେଶ। ଏହି ବଡ଼ଦିନ ଗୀତଗୁଡ଼ିକର ଇତିହାସ ହେଉଛି ୟୁରୋପର ଜୀବନବୋଧ ଓ ସଂସ୍କୃତିର ଇତିହାସ। ୟୁରୋପର ଜଣେ ମଧ୍ୟଯୁଗୀୟ ସନ୍ଥ କହିଛନ୍ତି- ଇତିହାସର କୌଣସି ନିର୍ଦ୍ଦିଷ୍ଟ ସମୟରେ ଓ ନିର୍ଦ୍ଦିଷ୍ଟ ପରିବାରରେ ଯିଶୁଖ୍ରୀଷ୍ଟ ଜନ୍ମ ହୋଇ ନ ଥିଲେ, ବରଂ ତାଙ୍କର ଜନ୍ମ ସଂଘଟିତ ହେବାରେ ଲାଗିଛି ପ୍ରତ୍ୟେକ ମୁହୂର୍ତ୍ତରେ ଓ ପ୍ରତ୍ୟେକ ମଣିଷ ଭିତରେ। ବଡ଼ଦିନ ପର୍ବ ହେଉଛି ସେହି ଅଖଣ୍ଡ ଜନ୍ମ ବା ଅଭ୍ୟୁଦୟର ପ୍ରତୀକ ମାତ୍ର। ଏହା କେବଳ ଇତିହାସର ବସ୍ତୁ ନୁହେଁ, ଅନୁଭବର ସମ୍ପଦ। ଏହି ପରିପ୍ରେକ୍ଷୀରେ ଆମେ ମନେରଖିବା ଉଚିତ ଯିଶୁ ଆଉ ଶିଶୁ ହୋଇ ଗୁହାଳ କୁଣ୍ଡରେ ଶୋଇନାହାନ୍ତି। ସେ ଆମ ପାଖେ ପାଖେ ଅଛନ୍ତି, ଆମକୁ ପାପର ବନ୍ଧନରୁ ମୁକ୍ତ କରିବା ପାଇଁ। ତେଣୁ ଆଜି ବଡ଼ଦିନ ପାଳନ ଅବସରରେ ତାଙ୍କୁ ଗୁହାଳ କୁଣ୍ଡରେ ସଜାଇବା କେବଳ ଔପଚାରିକତା ମାତ୍ର। ବାସ୍ତବରେ ସେ ଆମ ଅନ୍ତରାତ୍ମାରେ ଅଧିରୂଢ଼। ତାଙ୍କୁ ହୃଦୟ ମଧ୍ୟକୁ ସ୍ବାଗତ କଲେ ଅନ୍ତର ଭିତରେ ଅନୁରଣିତ ହେବ ଏକ ଉଦାର ମାନବିକତାର ବାଣୀ, ଯେଉଁ ବାଣୀ ଆମକୁ ଶୁଣେଇ ଆସିଛି ଆମ ଗୀତା, ଭାଗବତ ଓ ଉପନିଷଦ। ବିଜୁ ପଟ୍ଟନାୟକ ନଗର, ଭଦ୍ରକ, ମୋ-୯୪୩୮୮୫୫୦୮୮
All Right Reserved By

ସମ୍ପାଦକୀୟ |

ଆର୍‌ବିଆଇ ଅଡ଼ୁଆ

ଆର୍‌ବିଆଇ ଅଡ଼ୁଆ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନିକଟରେ ପାଞ୍ଚଟି ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ମାଡ଼ ଖାଇଯାଇଥିବା ମୋଦି ସରକାର ଉର୍ଜିତ ପଟେଲ ଯୁଗର ଅବସାନ ଘଟାଇବାକୁ ଉଚିତ ମଣିଛନ୍ତି। ରିଜର୍ଭ ବ୍ୟାଙ୍କ (ଆର୍‌ବିଆଇ) ଗଭର୍ନର ପଦରୁ ଉର୍ଜିତ ଇସ୍ତଫା ଦେବାର ଦିନଟିଏ ନ ପୂରୁଣୁ ସରକାର ପୂର୍ବତନ ଅର୍ଥ ସଚିବ ଶକ୍ତିକାନ୍ତ ଦାସଙ୍କୁ ଆର୍‌ବିଆଇର ନୂତନ ମୁଖ୍ୟ ଭାବେ ନିଯୁକ୍ତି ଦେଇଛନ୍ତି। ହଠାତ୍‌ ପଟେଲଙ୍କ ଇସ୍ତଫା ସରକାରଙ୍କୁ ଅଡ଼ୁଆରେ ପକାଇ ଦେଇଥିଲା, ଯଦିଚ କିଛିଦିନ ହେଲା ଆର୍‌ବିଆଇ ସହିତ ନର୍ଥ ବ୍ଲକ୍‌ର ମତପାର୍ଥକ୍ୟ ଓ ମୁହାଁମୁହିଁ ପରିସ୍ଥିତି ବିଷୟରେ ସମସ୍ତେ ଜାଣନ୍ତି। ପଟେଲ ତାଙ୍କ ଇସ୍ତଫା ବିଷୟରେ ସର୍ବସାଧାରଣରେ ଘୋଷଣା କରିବାର ଅବ୍ୟବହିତ ପୂର୍ବରୁ ହିଁ ସରକାର ଏ ବିଷୟରେ ଜାଣିଲେ। ଏଥିସହ ପ୍ରଧାନମନ୍ତ୍ରୀଙ୍କ ଅର୍ଥନୈତିକ ପରାମର୍ଶଦାତା ପରିଷଦରୁ ବିଶିଷ୍ଟ ଅର୍ଥନୀତିଜ୍ଞ ସୁରଜିତ୍‌ ଭାଲ୍ଲାଙ୍କ ବିଦାୟ ମଧ୍ୟ ସରକାରଙ୍କ ଅଡ଼ୁଆକୁ ବଢ଼ାଇଦେଇଛି। ...

ଇତିହାସର ସେଇ ବିରଳ ଅଧ୍ୟାୟ

ଇତିହାସର ସେଇ ବିରଳ ଅଧ୍ୟାୟ

ଶରତ ଚନ୍ଦ୍ର ମିଶ୍ର

ଭାରତକୁ ସୁରୁଖୁରୁରେ କ୍ଷମତା ହସ୍ତାନ୍ତର ପରିଚାଳନା କରିବା ନିମନ୍ତେ ୧୯୪୭ ମସିହା ପ୍ରାରମ୍ଭରେ ବ୍ରିଟିଶ ସରକାର ଲର୍ଡ ମାଉଣ୍ଟବ୍ୟାଟେନଙ୍କୁ ନିଯୁକ୍ତ କଲେ। ଲଣ୍ଡନସ୍ଥିତ ଭାରତ ଅଫିସ ତାଙ୍କୁ ପରାମର୍ଶ ଦେଇଥିଲା ଯେ, ଚାରିଜଣ ମୁଖ୍ୟ ଭାରତୀୟଙ୍କୁ ସେ ସହମତ କରାଇପାରିଲେ, ଭାରତରେ ତାଙ୍କ ଲକ୍ଷ୍ୟରେ ସଫଳ ହେବେ। ଏହି ଚାରି ବିଶିଷ୍ଟ ଭାରତୀୟମାନେ ହେଲେ ମହାତ୍ମା...

ଦ୍ୱିତୀୟ ଚନ୍ଦ୍ରଯାନ ଅପେକ୍ଷାରେ

ଦ୍ୱିତୀୟ ଚନ୍ଦ୍ରଯାନ ଅପେକ୍ଷାରେ

କମଳାକାନ୍ତ ଜେନା

ଯେତେବେଳେ ଆକାଶର ରୁପାଜହ୍ନକୁ ଦେଖେଇ ମା’ କହେ- ‘ଆ ଜହ୍ନମାମୁ ସରଗଶଶୀ, ମୋ କାହ୍ନୁ ହାତରେ ପଡରେ ଖସି’ ସେତେବେଳେ ଶିଶୁଟି ଆକାଶକୁ ଅନେଇ ଜହ୍ନକୁ ଛୁଇଁବାର ସ୍ବପ୍ନ ଦେଖେ। ସେଇ ମୁହୂର୍ତ୍ତରୁ ଚନ୍ଦ୍ର ସହିତ ସମ୍ପର୍କ ସ୍ଥାପନ କରିବାର ପ୍ରୟାସ ଜାରିରହେ। କିଏ ଦେବତା ରୂପରେ ବନ୍ଦନା କରି ଚନ୍ଦ୍ରକୁ ନିଜର କରିବାକୁ ଉଦ୍ୟମ କରେ, କିଏ ପୁଣି ଏହି ଖଗୋଳୀୟ ପିଣ୍ଡକୁ ଉପଗ୍ରହର ମାନ୍ୟତା ଦେଇ ତା’ ନିକଟରେ ପହଞ୍ଚିବା ପାଇଁ ମହାକାଶଯାନ ନିର୍ମାଣ କରେ। ଚନ୍ଦ୍ରକୁ ଛୁଇଁବାରେ ପ୍ରଥମ ସଫଳ ମଣିଷ...

ଏଇ ଭାରତରେ

ଏଇ ଭାରତରେ

ଆମ ସମାଜରେ କିଛି କୁସଂସ୍କାର ତଥା ଅନ୍ଧବିଶ୍ୱାସ ଭରି ରହିଛି। ପ୍ରାଚୀନ ପରମ୍ପରାକୁ ମାନି ଚଳିଲେ ବିପଦରୁ ରକ୍ଷା ମିଳେ ବା ଗ୍ରହ ଶାନ୍ତି ହୋଇଥାଏ ବୋଲି ଲୋକଙ୍କର ବିଶ୍ୱାସ ରହିଛି। ଏମିତି ଏକ ପରମ୍ପରା ମଧ୍ୟରୁ ଗୋଟିଏ ହେଉଛି କୁକୁରକୁ ବିବାହ କରିବାର ପଦ୍ଧତି। ...

ଆଜିର ଅର୍ଥନୀତି/ ବୋଲକରା ହୁଅନା

ଆଜିର ଅର୍ଥନୀତି/ ବୋଲକରା ହୁଅନା

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଗଭର୍ନର ପଦରୁ ଉର୍ଜିତ ପଟେଲଙ୍କ ଆକସ୍ମିକ ବିଦାୟ ଏବଂ ଅବିଳମ୍ବେ ତାଙ୍କ ସ୍ଥାନରେ ଭୁବନେଶ୍ୱର-ଜନ୍ମିତ ତାମିଲନାଡ଼ୁ କ୍ୟାଡର ଆଇଏଏସ୍‌ ଅଫିସର ଶକ୍ତିକାନ୍ତ ଦାସଙ୍କୁ ନିଯୁକ୍ତି ଦିଆଯିବା ଘଟଣା ପଛରେ କିଛି ରହସ୍ୟ ରହିଛି। କାରଣ ଶକ୍ତିକାନ୍ତ ଅତୀତରେ ମୋଦି ସରକାରଙ୍କ ବହୁ ଆସ୍ଫାଳନଭରା ବିମୁଦ୍ରୀକରଣ କାର୍ଯ୍ୟର ତଦାରଖ କରିଥିଲେ। ତୁଙ୍ଗ ଅଧିକାରୀମାନଙ୍କୁ ଆକସ୍ମିକ ଭାବେ ଅଦଳବଦଳ କରିବା ଏ ସରକାରଙ୍କ ପାଇଁ କିଛି ନୂଆ କଥା ନୁହେଁ। ପଟେଲଙ୍କ ପୂର୍ବରୁ ସରକାରଙ୍କ ସହ ବିଭିନ୍ନ ପ୍ରସଙ୍ଗରେ ମତଭେଦ ଘଟିବାରୁ ରଘୁରାମ ରାଜନ୍‌ଙ୍କୁ ସରକାରଙ୍କ କ୍ରୋଧର ଶରବ୍ୟ ହେବାକୁ ପଡ଼ିଥିଲା। ତାଙ୍କ ପୂର୍ବରୁ ନୀତି ଆୟୋଗର ଉପାଧ୍ୟକ୍ଷ ଅରବିନ୍ଦ ପାନାଗାରିଆ ଏବଂ ମୁଖ୍ୟ ଅର୍ଥନୈତିକ ପରାମର୍ଶଦାତା ଅରବିନ୍ଦ ସୁବ୍ରମଣ୍ୟନ୍‌ ଇସ୍ତଫା...

ବିରଳ ଗଙ୍ଗାଜଳ

ବିରଳ ଗଙ୍ଗାଜଳ

ଡ. ଗୌରୀଶଙ୍କର ସାହୁ

ଗଙ୍ଗାନଦୀ ଆଧ୍ୟାତ୍ମିକ ଦୃଷ୍ଟିକୋଣରୁ ହିନ୍ଦୁ ସମାଜରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି।  ଏହା ପାପନାଶିନୀ ଓ ମୋକ୍ଷଦାୟିନୀ ବୋଲି ବିଶ୍ୱାସ ରହିଛି। ଲୋକେ ଗଙ୍ଗାନଦୀ ନୁହେଁ ବରଂ ଗଙ୍ଗାମାତା ବୋଲି କହିଥାନ୍ତି। ଏସବୁ ମଧ୍ୟରେ ବୈଜ୍ଞାନିକ ଦୃଷ୍ଟିକୋଣରୁ ଯେ ଗଙ୍ଗାଜଳ ବିରଳ ଏ ସମ୍ବନ୍ଧରେ ଆଲୋଚନା ଖୁବ୍‌ କମ୍‌ ହୁଏ। ଗଙ୍ଗାଜଳର ରୋଗପ୍ରତିରୋଧକ କ୍ଷମତା ସମ୍ବନ୍ଧୀୟ ଗବେଷଣାତ୍ମକ ନିଷ୍କର୍ଷ ମଧ୍ୟ ବହୁତ କମ୍‌ ଲୋକ ଜାଣନ୍ତି, ଯଦିଓ ଆମେ ସମସ୍ତେ ଅନୁଭବ କରୁଛେ ଯେ, ଗଙ୍ଗାଜଳ ବାକି ନଦୀର ଜଳଠାରୁ ଭିନ୍ନ। ସାଧାରଣ ନଦୀ, କୂଅ, ପୋଖରୀର ଜଳକୁ ବୋତଲରେ ବନ୍ଦ କରି ରଖିଲେ କିଛିଦିନ ପରେ ସେଥିରୁ ଦୁର୍ଗନ୍ଧ ବାହାରିବ କିନ୍ତୁ ଗଙ୍ଗାଜଳ ବର୍ଷ ବର୍ଷ ଧରି ସତେଜ ରହିଥାଏ। ତେଣୁ ଘରେ ଗଙ୍ଗାଜଳ ରଖି ଆବଶ୍ୟକ ଅନୁସାରେ ଧାର୍ମିକ କାର୍ଯ୍ୟରେ ବ୍ୟବହାର କରାଯାଏ, ...

 ପିଲାଙ୍କ ଖେଳ: କାଲି ଓ ଆଜି

ପିଲାଙ୍କ ଖେଳ: କାଲି ଓ ଆଜି

ରୁଦ୍ର ପ୍ରସନ୍ନ ରଥ

ଖେଳ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ। ଖେଳକୁ ନେଇ ପିଲାମାନେ ସବୁବେଳେ ଉତ୍ସାହିତ ଥାଆନ୍ତି। ସୁଯୋଗ ପାଇଲା ମାନେ ଖେଳିବାକୁ ପଳାଇଯାଆନ୍ତି। କେତେବେଳେ ବାଗୁଡ଼ି ତ ଆଉ କେତେବେଳେ ବୋହୂଚୋରି, ପୁଣି କେତେବେଳେ ଡାଳମାଙ୍କୁଡ଼ି। କିଛି ନ ହେଲେ ଡାବଲପୁଆ ଆଉ କାଚବାଟି ମିଳିଗଲେ ପିଲାଙ୍କୁ ରୋକେ କିଏ? ଗାଁ ସଂସ୍କୃତିରେ କ୍ରିକେଟ ପଶିବାର ବହୁ ପୂର୍ବରୁ ଏ ଖେଳ ସବୁ ଆମ ସଭ୍ୟତା ଏବଂ ସଂସ୍କୃତିର ଗୁରୁତ୍ୱପୂର୍ଣ୍ଣ ଅଂଶବିଶେଷ ହୋଇ ରହିଥିଲା। ସ୍କୁଲ ଯିବା ପୂର୍ବରୁ ଖେଳ, ସ୍କୁଲରେ ଭୋଜନ ବିରତିରେ ଖେଳ, ସ୍କୁଲରୁ ଫେରିଲା ପରେ ବହିବସ୍ତାନି ଫୋପାଡି ଦେଇ ସାଙ୍ଗମାନଙ୍କ ସହ ମାତିଯାଇ ଖେଳ। ଏମିତି ହିଁ ପିଲାମାନଙ୍କର ପିଲାଦିନ କଟିଯାଉଥିଲା ତୋଟା ଆଉ ନଦୀପଠାରେ। ପୁଣି ରଜ ଆଦି ପର୍ବପର୍ବା...

ଏଇ ଭାରତରେ

ଏଇ ଭାରତରେ

ଦୂରରେ ଥାଇ ଠକେଇ କରିବା ସହଜ। ଏବେ ଅନଲାଇନ୍‌ ଶପିଂ ଦୂରଠକେଇର ଏକ ପ୍ଲାଟଫର୍ମରେ ପରିଣତ ହୋଇଛି କହିଲେ ଅତ୍ୟୁକ୍ତି ହେବନାହିଁ। ଏଭଳି ଠକେଇ ବିଷୟରେ ପ୍ରାୟତଃ କିଛି ଲୋକ ଅବଗତ ଅଛନ୍ତି। ଏହାଦ୍ୱାରା ଜଣେ ଠକାମିର ଶିକାର ହେଲେ ଆଉଥରେ କୌଣସି ଜିନିଷ ମଗାଇବାକୁ ମନ ବଳା...

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। ...

ଆର୍ଥିକ ଉପନିବେଶବାଦ ଓ ଭାରତ

ଆର୍ଥିକ ଉପନିବେଶବାଦ ଓ ଭାରତ

ଅରୁଣ କୁମାର ପଣ୍ଡା

ସ୍ବାଧୀନତାକୁ ୭୨ବର୍ଷ ହେବା ପରେ ବି ଭାରତୀୟ ଅର୍ଥ ବ୍ୟବସ୍ଥା ସିଦ୍ଧାନ୍ତ ରୂପରେ ଉପନିବେଶବାଦ ଟ୍ରାକ୍‌ରୁ ଓହ୍ଲାଇ ନୂଆ ମାର୍ଗରେ ଚାଲିବା ପାଇଁ ଏ ପର୍ଯ୍ୟନ୍ତ ସମର୍ଥ ହୋଇପାରିନାହିଁ। ଦୀର୍ଘ ଦିନର ଗୋଲାମି କାରଣରୁ ଦେଶର ଅର୍ଥ ବ୍ୟବସ୍ଥା ଲମ୍ବା ସମୟ ଧରି ଘୁଷୁଡ଼ି ଘୁଷୁଡି ଏବେ ବିଶ୍ୱର ଷଷ୍ଠ ସବୁଠାରୁ ବଡ଼ ଆର୍ଥିକ ପ୍ରଗତିର ରାଷ୍ଟ୍ରରେ ପରିଣତ ହୋଇଛି। ଏହି ୭୨ବର୍ଷରେ ଦେଶରେ ଅର୍ଥ ବ୍ୟବସ୍ଥାର ବିସ୍ତାର ନିଶ୍ଚିତ ଭାବରେ ହୋଇଛି। ପରନ୍ତୁ ଆମକୁ ଅପେକ୍ଷିତ ସଫଳତା ମିଳିପାରିନାହିଁ।...

ସାଧକ ଶ୍ରୀଯଶୋବନ୍ତ ସ୍ମରଣେ

ସାଧକ ଶ୍ରୀଯଶୋବନ୍ତ ସ୍ମରଣେ

ଡ. ଜ୍ୟୋତିର୍ମୟୀ ମହାନ୍ତି

ଖ୍ରୀଷ୍ଟୀୟ ଷୋଡ଼ଶ ଶତାବ୍ଦୀରେ ଗଜପତି ପ୍ରତାପରୁଦ୍ରଦେବଙ୍କ ରାଜତ୍ୱ କାଳରେ ସିଦ୍ଧ ସାଧକ, ଶ୍ରୀଜଗନ୍ନାଥଙ୍କ ପରମଭକ୍ତ ପଞ୍ଚସଖାଙ୍କର ଆବିର୍ଭାବ ଘଟିଥିଲା। ଯେଉଁମାନେ କି ନିଜ ନିଜର ସାଧନା ବଳରେ ଓଡ଼ିଶାରେ ଆଧ୍ୟାତ୍ମିକ ଚେତନା ଓ ଧାର୍ମିକ ଭାବନାରେ ଆଲୋଡ଼ନ ସୃଷ୍ଟି କରିଥିଲେ। ଏମାନଙ୍କ ମଧ୍ୟରେ ମାନବ ଜୀବନ ଦର୍ଶନ ସମ୍ପର୍କରେ ବିଶ୍ଳେଷଣ କରି ତତ୍କାଳୀନ ସମାଜରେ ଏକ ଯୁଗାନ୍ତକାରୀ ସ୍ବର ତୋଳିଥିବା ସାଧକଶ୍ରେଷ୍ଠ ଶ୍ରୀଯଶୋବନ୍ତ ଗୋସେଇଁ ଅନ୍ୟତମ। ତାଙ୍କର ଜନ୍ମସ୍ଥାନ ଅବିଭକ୍ତ କଟକ ତଥା ବର୍ତ୍ତମାନର ଜଗତ୍‌ସିଂହପୁର ଜିଲା ଅନ୍ତର୍ଗତ ଅଢ଼ଙ୍ଗ ଗ୍ରାମ। ଜନ୍ମ ସମୟ ଓ ପିତାଙ୍କ ନାମ ସମ୍ପର୍କରେ ଉଦୟ କାହାଣୀ, ଭକ୍ତି ଚନ୍ଦ୍ରିକା, ଶୂନ୍ୟସଂହିତା ଆଦି ଗ୍ରନ୍ଥରୁ ବିଭିନ୍ନ ପ୍ରକାର ତଥ୍ୟ ମିଳିଥାଏ। ଆଲୋଚକଗଣ ତାଙ୍କ ଜନ୍ମ ସମୟ ୧୪୭୦ରୁ ୧୫୫୦ ଖ୍ରୀଷ୍ଟାବ୍ଦ ...

ଏଇ ଭାରତରେ

ଏଇ ଭାରତରେ


ଦୁର୍ନୀତି, ଶୋଷଣ, ଅରାଜକତା ପାଇଁ ସାଧାରଣତଃ ରାଜନେତା, ଉଚ୍ଚ ପଦବୀରେ ଥିବା ସରକାରୀ ଅଧିକାରୀଙ୍କୁ ଦାୟୀ କରାଯାଏ। ଦୁର୍ନୀତି ପ୍ରମାଣିତ ହେଲେ ସେମାନେ ଦଣ୍ଡିତ ହେବା ଅନେକ ନଜିର ରହିଛି। ହେଲେ ଅନେକଙ୍କ ବିରୋଧରେ ପ୍ରମାଣ ମିଳେନାହିଁ କିମ୍ବା ସେମାନଙ୍କ ବିରୋଧରେ ସ୍ବର ଉଠାଇବାକୁ ଲୋକେ ସାହସ କରନ୍ତି ନାହିଁ। ଏସବୁ ବର୍ତ୍ତମାନ ସମାଜରେ ସାଧାରଣ କଥା ହୋଇଥିଲାବେଳେ ଅନେକ ଲୋକଙ୍କ ମନରେ ରାଜନେତା ଓ ଉଚ୍ଚପଦସ୍ଥ ଅଧିକାରୀଙ୍କ ...