ସମ୍ପାଦକୀୟ |

ଗୁଜରାଟ ମଡେଲ:କେତେ ସତ କେତେ କାହାଣୀ

ଗୁଜରାଟ ମଡେଲ:କେତେ ସତ କେତେ କାହାଣୀ

ଯଦି ଗୁଜରାଟ ନିର୍ବାଚନର ଫଳାଫଳକୁ ଗଭୀରଭାବେ ସମୀକ୍ଷା କରାଯାଏ, ତେବେ ଜଣେ ଏହି ସିଦ୍ଧାନ୍ତରେ ଉପନୀତ ହେବ ଯେ ଭାଜପା ଜିତି ମଧ୍ୟ ପରାଜିତ। କାରଣ ଭାଜପା ଯଦିଓ ସଂଖ୍ୟାଧିକ ଆସନ ପାଇଛି, ତଥାପି ଏହା ୯୯ ଆସନରେ ସୀମିତ । ପୂର୍ବଥର ଏହା ୧୧୬ ଆସନ ପାଇଥିଲା। ପୂର୍ବ ତୁଳନାରେ କଂଗ୍ରେସ ଅଧିକ ୧୯ଟି ଆସନ ପାଇଥିଲାବେଳେ ଭାଜପା ୧୬ଟି ଆସନ ହରାଇଛି। ମେହମାନାରେ ଭାଜପା ଫେଲ୍‌ ମାରିଛି। ମୋଦିଙ୍କ ଘର ମେହମାନାର ବଡ଼ନଗର। ଯେଉଁ ନେତା କଂଗ୍ରେସ ଛାଡି ଭାଜପାରେ ଯୋଗ ଦେଇଥିଲେ ସମସ୍ତେ ପରାସ୍ତ ହୋଇଛନ୍ତି। ଭାଜପା ହିମାଚଳପ୍ରଦେଶରେ ୬୮ଟି ଆସନରୁ ୪୪ଟିରେ ବିଜୟୀ ହୋଇଛି କିନ୍ତୁ ଏହାର ମୁଖ୍ୟମନ୍ତ୍ରୀ ପ୍ରାର୍ଥୀ ପ୍ରେମକୁମାର ଧୁମଲ ଓ ରାଜ୍ୟ ଭାଜପା ମୁଖ୍ୟ ସତ୍‌ପାଲ ସିଂ ସଚ୍ଚି ପରାଜିତ ହୋଇଛନ୍ତି। କଂଗ୍ରେସ ଗୁଜରାଟରେ ଅଧିକ ଆସନ ପାଇବା ପଛରେ ରହିଛି ବିମୁଦ୍ରାୟନ ଓ ଜିଏସ୍‌ଟି ବିରୋଧୀ ଆନ୍ଦୋଳନକୁ ତୀବ୍ର କରିବା ସହିତ ପଟିଦାର ଆନ୍ଦୋଳନର ମୁଖ୍ୟ ହାର୍ଦ୍ଦିକ ପଟେଲ ଓ ଅନ୍ୟ ପଛୁଆବର୍ଗର ନେତାଙ୍କୁ ନିଜ ସପକ୍ଷରେ ନେଇ ନିର୍ବାଚନ ରଣଭୂମିରେ ଅବତୀର୍ଣ୍ଣ ହେବା। ବିଶେଷକରି ଯେଉଁ ସାମାଜିକ ଗଣମାଧ୍ୟମର ସୁବିଧା ପୂର୍ବ ସବୁ ନିର୍ବାଚନରେ ଭାଜପା ନେଇଥିଲା, ତାହା ଏଥର ସମ୍ଭବ ହେଲାନାହିଁ। କାରଣ ଭାଜପା ସପକ୍ଷରେ ଯେତିକି ପ୍ରଚାର ହେଲା, ବିରୋଧରେ ମଧ୍ୟ ତତୋଽଧିକ ତଥ୍ୟ ପ୍ରଦାନ କରାଗଲା। ସବୁଠାରୁ ବଡ କାରଣ ହେଉଛି ମୋଦିଙ୍କ ଗୁଜରାଟ ମଡେଲ ଆଉ ଗୁଜରାଟରେ ଆଦୃତ ନୁହେଁ। ବିଶେଷତଃ ସହରାଞ୍ଚଳ ଓ ଗ୍ରାମାଞ୍ଚଳରେ ବୈଷମ୍ୟ ବୃଦ୍ଧି ପାଇବା, ଚାଷୀ ହଇରାଣ ହେବା ଏବଂ ବିଭିନ୍ନ ସୂଚକାଙ୍କରେ ଗୁଜରାଟ ପଛୁଆ ରହିବା। ଫଳରେ ଗ୍ରାମାଞ୍ଚଳରେ ଭାଜପା ବହୁତ କମ୍‌ ଆସନ ପାଇଲାବେଳେ କଂଗ୍ରେସ ଅଧିକ ପାଇଛି। ଏହାର ଅର୍ଥ ଗୁଜରାଟ ମଡେଲରେ ଗ୍ରାମାଞ୍ଚଳ ଲୋକଙ୍କ ଦୁର୍ଦ୍ଦଶା ବୃଦ୍ଧି ପାଇଛି। ବିଶେଷକରି ବିମୁଦ୍ରାୟନର କୁପ୍ରଭାବ ଚାଷୀ ତଥା ଚାଷକାର୍ଯ୍ୟ ଉପରେ ଅଧିକ ପଡିଛି। କୃଷକମାନେ ଅଭାବୀ ବିକ୍ରିର ସମ୍ମୁଖୀନ ହେବା ସହିତ କୃଷିକାର୍ଯ୍ୟ ଏତେ ଅଧିକ ବ୍ୟୟ ସାପେକ୍ଷ ହେଲା ଯେ ଏହା ଅନେକ ଚାଷୀଙ୍କ ଆର୍ଥିକ କ୍ଷମତା ବହିର୍ଭୂତ ହୋଇପଡିଲା। ଯଦିଓ ଗୁଜରାଟରେ ଅଧିକ ଆର୍ଥିକ ଅଭିବୃଦ୍ଧି ହେଉଛି ବୋଲି ସରକାର ଗର୍ବ କରୁଛନ୍ତି ବାସ୍ତବରେ ଅଧିକ ଶିଳ୍ପପତିଙ୍କ ଉପସ୍ଥିତି ବା ପ୍ରଭାବ ଯୋଗୁ ସାଧାରଣ ଜନତା ଅବହେଳାର ଶିକାର ହେଉଛନ୍ତି। ଗୁଜରାଟରେ ଆଦିବାସୀ ଭୋଟରଙ୍କ ସଂଖ୍ୟା ୧୫%। ଏଣୁ ଡାଙ୍ଗ, ଦାହୁଦ୍‌ ଆଦି ଆଦିବାସୀ ଅଧିକ ଥିବା ଅଞ୍ଚଳରେ କଂଗ୍ରେସ ବିଜୟୀ ହୋଇଛି। ଜିଏସ୍‌ଟିର କୁପ୍ରଭାବ ମଧ୍ୟ ଭାଜପା ଉପରେ ପଡିଛି। ଜିଏସ୍‌ଟି ଯୋଗୁ ବ୍ୟବସାୟୀମାନେ ଅତ୍ୟନ୍ତ ଉତ୍‌କ୍ଷିପ୍ତ ହୋଇପଡିଥିଲେ। କିନ୍ତୁ ସରକାର ଗୁଜରାଟ ନିର୍ବାଚନକୁ ଆଖିଆଗରେ ରଖି ଜିଏସ୍‌ଟି ହାର ହ୍ରାସ କରିବା ଯୋଗୁ କିଛି ପରିବର୍ତ୍ତନ ଘଟିଛି। ଏହାସତ୍ତ୍ୱେ ଜିଏସ୍‌ଟି ଯୋଗୁ ସୁରତର ୬୦% ସୂତାକଳ/ଲୁଗାକଳ ବନ୍ଦ ହୋଇଯାଇଛି। ସେଠାରେ ୬ଲକ୍ଷ ୫୦ ହଜାର ସୂତାକଳ/ଲୁଗାକଳ ରହିଛି। ସୌରାଷ୍ଟ୍ରରେ ପଟିଦାରଙ୍କ ପ୍ରଭାବ ଅଧିକ ଥିବାରୁ କଂଗ୍ରେସ ଲାଭବାନ ହୋଇଛି। ବିମୁଦ୍ରାୟନ ଓ ଜିଏସ୍‌ଟି ଯୋଗୁ ମଧ୍ୟ ଅନେକ କମ୍ପାନୀ ପୁଞ୍ଜି ଅଭାବର ସମ୍ମୁଖୀନ ହୋଇଥିବାରୁ ନିଯୁକ୍ତି ହ୍ରାସ ପାଇଥିଲା, ଯାହାର କୁପ୍ରଭାବ ଭାଜପା ଉପରେ ପଡିଛି। ବାସ୍ତବରେ ଯେଉଁ ଗୁଜରାଟ ମଡେଲ ଆଧାରରେ ମୋଦି ତଥା ଭାଜପା କେନ୍ଦ୍ରରେ ତଥା ବିଭିନ୍ନ ରାଜ୍ୟରେ କ୍ଷମତାସୀନ ହୋଇଛି, ତାହା ଆଜି ସଙ୍କଟରେ ଏବଂ ହୃଦ୍‌ବୋଧ ହେଲାଣି ଯେ ଗରିବଙ୍କ ପାଇଁ ତାହା ପ୍ରଯୁଜ୍ୟ ନୁହେଁ। ମୋଦି ୨୦୦୧ରୁ ୨୦୧୪ ପର୍ଯ୍ୟନ୍ତ ଗୁଜରାଟର ମୁଖ୍ୟମନ୍ତ୍ରୀ ଥିଲେ। ସେତେବେଳେ ଗୁଜରାଟର ଆର୍ଥିକ ଅଭିବୃଦ୍ଧି ତଥା ପୁଞ୍ଜିନିବେଶ ପାଇଁ ଏକ ଉନ୍ନତ ପରିବେଶ ରହିଛି ବୋଲି ମୋଦି ଗଣମାଧ୍ୟମରେ ଅହରହ ପ୍ରଚାର କଲେ। ଏହି ମଡେଲକୁ ସମର୍ଥନ କରୁଥିଲେ ଅର୍ଥନୀତିଜ୍ଞ ତଥା ପ୍ରଫେସର ଅରବିନ୍ଦ ପାନାଗାରିଆ ଏବଂ ଜଗଦୀଶ ଭଗବତୀ। ସେମାନଙ୍କ ଯୁକ୍ତି ଥିଲା ଆର୍ଥିକ ଅଭିବୃଦ୍ଧି ହେଲେ ରାଜସ୍ବ ବୃଦ୍ଧି ପାଇବ ଏବଂ ଅନ୍ୟ ସବୁ କ୍ଷେତ୍ରରେ ସ୍ବତଃ ଉନ୍ନତି ଘଟିବ। କିନ୍ତୁ ନୋବେଲ ବିଜେତା ଅମର୍ତ୍ତ୍ୟ ସେନ୍‌ ଏହି ମଡେଲର ବିରୋଧୀ ଥିଲେ ଏବଂ ସେ କେରଳର ବିକାଶ ମଡେଲଙ୍କୁ ଅନୁକରଣ କରିବା ପାଇଁ ଯୁକ୍ତି ବାଢ଼ୁଥିଲେ। କାରଣ ଅଭିବୃଦ୍ଧି ଓ ବିକାଶ ସମାନ ନୁହେଁ। ଆର୍ଥିକ ଅଭିବୃଦ୍ଧି ଅର୍ଥ ଏକ ଅର୍ଥନୀତିର ଦ୍ରବ୍ୟ ଓ ସେବା ଉତ୍ପାଦନ କରିବାରେ କ୍ଷମତା ବୃଦ୍ଧି ପାଇବା ବା ଏକ ଅର୍ଥନୈତିକ କାର୍ଯ୍ୟକଳାପକୁ ବୁଝାଇଲାବେଳେ ବିକାଶ ହେଉଛି ଆର୍ଥିକ ଅଭିବୃଦ୍ଧି ସହିତ ବିଭିନ୍ନ କ୍ଷେତ୍ରର ଗୁଣାତ୍ମକ ମୂଲ୍ୟ ବୃଦ୍ଧି। ଅନ୍ୟ ଅର୍ଥରେ ଶିକ୍ଷା, ସ୍ବାସ୍ଥ୍ୟ ପରି ବିଭିନ୍ନ ସାମାଜିକ କ୍ଷେତ୍ରରେ ଅର୍ଥ ବିନିଯୋଗ କରିବା ଯୋଗୁ ଲୋକଙ୍କ ଉତ୍ପାଦନ କ୍ଷମତା ବୃଦ୍ଧି ପାଇବ, ଯାହା ଆର୍ଥିକ ଅଭିବୃଦ୍ଧିରେ ପ୍ରତିଫଳିତ ହେବ। ବିକାଶ ମୁଖ୍ୟତଃ ମାନବିକ ଉନ୍ନୟନ ସୂଚକାଙ୍କ, କ୍ଷୁଧା ସୂଚକାଙ୍କ ଓ ଖୁସି ସୂଚକାଙ୍କରେ ପ୍ରତିଫଳିତ ହୋଇଥାଏ। ଭାରତର ସ୍ଥାନ ଏହି ସୂଚକାଙ୍କରେ କେବଳ ନିମ୍ନରେ ନାହିଁ, ବରଂ ମୋଦିଙ୍କ ଗତ ୩ ବର୍ଷରେ ଏହା ଆହୁରି ନିମ୍ନଗାମୀ ହୋଇଛି। ୨୦ଟି ରାଜ୍ୟକୁ ନେଇ ଗଠିତ ମାନବିକ ସୂଚକାଙ୍କରେ ଗୁଜରାଟ ୨୦୧୧ରେ ୧୧ଶ ସ୍ଥାନରେ ଥିଲାବେଳେ ୨୦୧୫ରେ ମଧ୍ୟ ସେହି ସ୍ଥାନରେ ରହିଛି। କେରଳ ୧ ନମ୍ବର ସ୍ଥାନରେ ରହିଛି। ବାସ୍ତବରେ ନରେନ୍ଦ୍ର ମୋଦି ଗୁଜରାଟର ମୁଖ୍ୟମନ୍ତ୍ରୀ ହେବା ପୂର୍ବରୁ ଏହା ଏକ ବିକଶିତ ରାଜ୍ୟ ଥିଲା। ମୋଦି ଆସିଲା ପରେ କିଛି କ୍ଷେତ୍ରରେ ଉନ୍ନତି ହେଲାବେଳେ ଅଧିକାଂଶ କ୍ଷେତ୍ରରେ ଅବନତି ଘଟିଛି। ଇଣ୍ଡିଆ ସ୍ପେଣ୍ଡ ଅନୁସାରେ ଶିଳ୍ପାୟନ ଦୃଷ୍ଟିରୁ ଗୁଜରାଟ ଆପାତତଃ ଦ୍ୱିତୀୟ ସ୍ଥାନରେ ଥିଲାବେଳେ ଜିଡିପି ଦୃଷ୍ଟିରୁ ୪ର୍ଥ ସ୍ଥାନରେ ଏବଂ ମୁଣ୍ଡପିଛା ଆୟ ଦୃଷ୍ଟିରୁ ୫ମ ସ୍ଥାନରେ ରହିଛି। କିନ୍ତୁ ରାଜ୍ୟ ଆର୍ଥିକ ଅଭିବୃଦ୍ଧି ହାର ଦୃଷ୍ଟିରୁ ୨୦୦୫ରୁ ୨୦୧୪ ମଧ୍ୟରେ ଏହା ୧୪ଶ ସ୍ଥାନରେ ଅର୍ଥାତ୍‌ ୧୩ଟି ରାଜ୍ୟ ତଳେ। ସେହିପରି ଦାରିଦ୍ର୍ୟ ହାର ଦୃଷ୍ଟିରୁ ଗୁଜରାଟ (୧୬.୬୩%) ୧୮ଟି ରାଜ୍ୟ ଆଗରେ। ସବୁଠାରୁ କମ୍‌ ଦାରିଦ୍ର୍ୟ ହାର ଗୋଆ (୫.୦୯%) ଏବଂ ପରେ କେରଳ (୭.୫%)ରେ ରହିଛି। ୨୦୧୩ରେ ରଘୁରାମ ରାଜନଙ୍କ ଦ୍ୱାରା ପ୍ରସ୍ତୁତ ‘ଅଣ୍ଡର ଡେଭଲପ୍‌ମେଣ୍ଟ ଇଣ୍ଡେକ୍ସ’ ଅନୁସାରେ ୨୮ଟି ରାଜ୍ୟ ମଧ୍ୟରୁ ଗୁଜରାଟର ସ୍ଥାନ ୧୨। ଅପରପକ୍ଷରେ ଗୁଜରାଟ ଆଜି ଏକ ଋଣଗ୍ରସ୍ତ ରାଜ୍ୟରେ ପରିଣତ ହୋଇଛି। ୨୦୦୪ରେ ଏହାର ଋଣଭାର ୪ରୁ ୬ ହଜାର କୋଟି ଟଙ୍କା ମଧ୍ୟରେ ଥିଲାବେଳେ ବର୍ତ୍ତମାନ ୧ଲକ୍ଷ ୯୮ ହଜାର କୋଟି ଟଙ୍କାରେ ପହଞ୍ଚିଛି। ପ୍ରତ୍ୟେକ ବର୍ଷ ଧାର୍ଯ୍ୟ ଟିକସ ଆଦାୟ ହୋଇପାରୁ ନାହିଁ। ଗତବର୍ଷ ଅନାଦେୟ ଟିକସ ପରିମାଣ ୧୮,୦୦୦ କୋଟି ଟଙ୍କା। ଯେତେବେଳେ କୃଷି ସବ୍‌ସିଡ଼ି ହ୍ରାସ ପାଉଛି, ଆଦାନୀ, ଅମ୍ବାନୀ ଆଦି ଶିଳ୍ପପତିଙ୍କୁ ବିଭିନ୍ନ ରିହାତି ଦିଆଯାଉଛି। ଏପରି କି ଶିଳ୍ପପତିଙ୍କୁ ଅତ୍ୟନ୍ତ ଶସ୍ତାରେ ଜମି, ପ୍ରାକୃତିକ ସମ୍ପଦ ଯୋଗାଇ ଦିଆଯାଉଛି।
ଆହୁରି ମଧ୍ୟ ଗୁଜରାଟରେ ଅନେକ ସ୍କାମ୍‌ ଘଟିଛି। ସେଥିମଧ୍ୟରେ ରହିଛି ଲ୍ୟାଣ୍ଡ୍‌ ସ୍କାମ୍‌, ପେଟ୍ରୋଲିୟମ୍‌ ସ୍କାମ୍‌, କୋଲ୍‌ ସ୍କାମ୍‌, ଅଙ୍ଗନଓ୍ବାଡି ଖାଦ୍ୟ ସ୍କାମ୍‌, ଚାଉଳ ସ୍କାମ୍‌ ଇତ୍ୟାଦି। ୨୯ଟି ରାଜ୍ୟ ମଧ୍ୟରୁ ଶିଶୁ ମୃତ୍ୟୁହାର ଦୃଷ୍ଟିରୁ ଗୁଜରାଟ ୧୭, କମ୍‌ ଓଜନର ଶିଶୁ ଦୃଷ୍ଟିରୁ ୨୫। ଜାତୀୟ ସ୍ତରରେ କମ୍‌ ଓଜନର ଶିଶୁଙ୍କ ହାର ୩୫% ହୋଇଥିଲାବେଳେ ଗୁଜରାଟରେ ଏହା ୩୯%। କିନ୍ତୁ କେରଳରେ ଏହା ମାତ୍ର ୧୬%। ଗୁଜରାଟର ଅଙ୍ଗନଓ୍ବାଡିରେ ଥିବା ୧.୪୭ ଲକ୍ଷ ଶିଶୁଙ୍କ ମଧ୍ୟରୁ ୪୩ଲକ୍ଷ ତୀବ୍ର ପୁଷ୍ଟିହୀନତାରେ ପୀଡିତ। ମା’ ମୃତ୍ୟୁହାର ବହୁ ଅଧିକ ହୋଇଥିଲାବେଳେ ମହିଳା ଚାଲାଣ ଦୃଷ୍ଟିରୁ ଗୁଜରାଟ ଦେଶରେ ୩ୟ ସ୍ଥାନରେ ରହିଛି। ସବୁଠାରୁ ଆଶ୍ଚର୍ଯ୍ୟର ବିଷୟ ହେଉଛି ହିମାଚଳପ୍ରଦେଶ ଏସବୁ ସୂଚକାଙ୍କରେ ଗୁଜରାଟଠାରୁ ଅଧିକ ଉନ୍ନତ। ବିକାଶ ଯୋଗୁ ଗୁଜରାଟରେ ଭାଜପାର ବିଜୟ ହୋଇଛି ବୋଲି ମୋଦି ଯାହା କହୁଛନ୍ତି ତାହା ଭୁଲ୍‌। କାରଣ ବିକାଶ ଦୃଷ୍ଟିରୁ ଗୁଜରାଟ ବହୁ ପଛରେ ଓ କେରଳ ବହୁ ଆଗରେ। ଆଗାମୀ ଦିନରେ ଭାଜପା ହୁଏତ ଆଉ ଗୁଜରାଟ ମଡେଲର ସାହାରା ନ ନେଇପାରେ।
ମୋ-୯୪୩୭୨୦୮୭୬୨

All Right Reserved By

Model This Week

Model This Week

ସମ୍ପାଦକୀୟ |

ଆଜିର ଅର୍ଥନୀତି/ ଖୋଲା ଲୁଣ୍ଠନ

ଆଜିର ଅର୍ଥନୀତି/ ଖୋଲା ଲୁଣ୍ଠନ

ଆଗାମୀ ଦିନରେ ସ୍ବଳ୍ପରୁ ମଧ୍ୟମ ଅବଧି ଭିତରେ ତୈଳ ମୂଲ୍ୟବୃଦ୍ଧିରେ ବିରତି ଲାଗିବାର ସମ୍ଭାବନା ନାହିଁ। କେନ୍ଦ୍ର ଅର୍ଥ ମନ୍ତ୍ରଣାଳୟ ତୈଳ ଉପରୁ ଉତ୍ପାଦ ଶୁଳ୍କ ହ୍ରାସ କରିବାକୁ ସିଧା ସିଧା ମନା କରିଦେଇଛି, ଯେଉଁଥିପାଇଁ ବିଭିନ୍ନ ରାଜ୍ୟ ସରକାରଙ୍କ ତରଫରୁ ତଥା ବିଭିନ୍ନ ମହଲରୁ ଦାବି ହୋଇ ଆସୁଥିଲା। ସେମାନଙ୍କ ଦାବି ବି ଯୁକ୍ତିଯୁକ୍ତ ଥିଲା। କିନ୍ତୁ ମନ୍ତ୍ରଣାଳୟ ତାହା ମାନିବାକୁ ରାଜି ନୁହେଁ। ପେଟ୍ରୋଲ ଓ ଡିଜେଲ ଦର ଏବେ ରେକର୍ଡ ସ୍ତରକୁ ବୃଦ୍ଧିପାଇଛି ଏବଂ ବୃଦ୍ଧି ପାଇଚାଲିଛି। ତାହା ହ୍ରାସ ପାଇବାର କୌଣସି ସମ୍ଭାବନା ଦେଖାଯାଉ ନାହିଁ। ମଙ୍ଗଳବାର ଅଶୋଧିତ ତୈଳ ଦର ବ୍ୟାରେଲ ପିଛା ୭୫ ଡଲାରକୁ ଟପିଛି, ଯାହା ନଭେମ୍ବର ୨୦୧୪ଠାରୁ ଏ ପର୍ଯ୍ୟନ୍ତ ସବୁଠାରୁ ଅଧିକ। ଓପିଇସି (ପେଟ୍ରୋଲିୟମ୍‌ ରପ୍ତାନିକାରୀ ଦେଶସମୂହର ସଂଗଠନ) ତୈଳ ଉତ୍ପାଦନ ହ୍ରାସ କରିବା, ବିଶ୍ୱ ବଜାରରେ ଚାହିଦା ବୃଦ୍ଧି ପାଇବା ଏବଂ ଇରାନ ପ୍ରତି ଆମେରିକାର ପ୍ରତିବନ୍ଧ ବୃଦ୍ଧି ପାଇବାର ସମ୍ଭାବନା ଆଦି ଏଥିପାଇଁ ଦାୟୀ। ଦେଶର ଅଧିକାଂଶ ସ୍ଥାନରେ ଡିଜେଲ ଦର ପେଟ୍ରୋଲ ପାଖାପାଖି ହୋଇଯାଇଛି। ଫଳରେ ପରିବହନ ଖର୍ଚ୍ଚ ବୃଦ୍ଧି ପାଇବା ଯୋଗୁ ଦେଶରେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ପାଇବା ସହ ମୁଦ୍ରାସ୍ଫୀତି ମଧ୍ୟ ବଢ଼ିବା ଏକପ୍ରକାର ନିଶ୍ଚିତ।...

କାଠ ବଦଳରେ ସିଏନ୍‌ଜି

କାଠ ବଦଳରେ ସିଏନ୍‌ଜି

ଡ. ରମେଶ ଚନ୍ଦ୍ର ପରିଡ଼ା ଧନ ଅର୍ଜନ ପାଇଁ ଜୀବନବ୍ୟାପୀ ଅଣନିଃଶ୍ୱାସୀ ହୋଇ ଧାଇଁଥିବା ଏବଂ ସେଥିପାଇଁ ଭଲମନ୍ଦ ବିଚାର ନ କରି ଯେକୌଣସି ଅପକର୍ମ କରିବାକୁ ପଶ୍ଚାତ୍‌ପଦ ହୋଇ ନ ଥିବା ଅପରିଣାମଦର୍ଶୀ ମଣିଷର ଅନ୍ତିମ ଆବଶ୍ୟକତା କେବଳ ମାତ୍ର ଛ’ଖଣ୍ଡି କାଠ ବୋଲି ଚେତାଇ ଦେଇଥାଏ ମନବୋଧ ଚଉତିଶା। କାରଣ ତା’ର ଶବ ମଶାଣିକୁ ନେବା ନିମିତ୍ତ କୋକେଇ ପ୍ରସ୍ତୁତି ପାଇଁ ଏତିକି ହିଁ ଲୋଡ଼ା ହୋଇଥାଏ। ଅତଏବ ସେ ଅର୍ଜନ କରିଥିବା ଅନ୍ୟ ସମସ୍ତ ପଦାର୍ଥ ଅର୍ଥହୀନ- କେବଳ ଜୀବନରେ କରିଥିବା ସତ୍‌କର୍ମ ବ୍ୟତୀତ। ତେବେ ମୃତ୍ୟୁ ପରେ ମଧ୍ୟ ଏହି ସତ୍‌କର୍ମରେ କିଛି ଯୋଗ କରିବାର ଅବକାଶ ରହିଛି ବୋଲି କହୁଛନ୍ତି ବୈଜ୍ଞାନିକମାନେ। ତନ୍ମଧ୍ୟରୁ ...

ନାରୀ ବିଦ୍ୱେଷ

ନାରୀ ବିଦ୍ୱେଷ

ଦେବଦତ୍ତ ପଟ୍ଟନାୟକ ହିନ୍ଦୁଧର୍ମରେ ନାରୀ ପ୍ରତି ବିଦ୍ୱେଷ ଭାବ କିପରି ରହିଛି, ସେ ବିଷୟରେ ବର୍ଣ୍ଣନା କରିବା ପାଇଁ କେତେକ ନାରୀବାଦୀ ମୋତେ ଅନୁରୋଧ କରିଛନ୍ତି। ମନୁସ୍ମୃତିରେ ଅଛି: ସ୍ବଭାବ ଏଷ ନାରୀଣାଂ ନରାଣାମିହ ଦୂଷଣମ୍‌। ଅତୋଽର୍ଥାନ୍ନ ପ୍ରମାଦ୍ୟନ୍ତି ପ୍ରମଦାସୁ ବିପଶ୍ଚିତଃ।ା (ମନୁ ୨ା୨୧୩) ଅର୍ଥାତ୍‌ ନାରୀମାନଙ୍କ ସ୍ବଭାବ ହେଲା ପୁରୁଷମାନଙ୍କୁ ଦୂଷିତ ବା ପ୍ରଲୁବ୍ଧ କରିବା। କାରଣ ନାରୀମାନଙ୍କ ସଂସ୍ପର୍ଶରେ ଆସିଲେ ପୁରୁଷମାନେ ଆକର୍ଷିତ ହୋଇପଡ଼ନ୍ତି। ସେଥିପାଇଁ ବିଜ୍ଞ ଲୋକମାନେ ନାରୀମାନଙ୍କୁ କଦାପି ସ୍ପର୍ଶ କରିବା ଉଚିତ ନୁହେଁ, ଅର୍ଥାତ୍‌ ସେମାନଙ୍କଠାରୁ ସମ୍ମାନଯୋଗ୍ୟ ଦୂରତା ରକ୍ଷାକରିବା ଆବଶ୍ୟକ। ପୁଣି ଅନ୍ୟ ଏକ ଶ୍ଳୋକରେ ଅଛି: ...

ଏଇ ଭାରତରେ

ଏଇ ଭାରତରେ

ଆଜିକାଲି କେତେକ ତଥାକଥିତ ମାତା ଓ ବାବାଙ୍କ କାରନାମା ଯୋଗୁ ସମଗ୍ର ସନ୍ନ୍ୟାସୀକୁଳ ନିନ୍ଦିତ ହେଉଛନ୍ତି। ଏହା ସତ୍ତ୍ୱେ ଯେଉଁମାନେ ବାସ୍ତବରେ ପାର୍ଥିବ ସୁଖରୁ ଦୂରେଇଯାଇ ନିଜକୁ ସାନ୍ନ୍ୟାସୀ ସ୍ତରକୁ ନେଇଯାଇପାରୁଛନ୍ତି ସେମାନେ ସମ୍ମାନିତ ହେଉଛନ୍ତି। ଏବେ ଶିକ୍ଷିତ ଯୁବତୀ ଓ ଯୁବକମାନେ ଦୀକ୍ଷା ଗ୍ରହଣ କରି ନୂଆ ଉଦାହରଣ ସୃଷ୍ଟି କରିବାକୁ ଚାହୁଁଛନ୍ତି। ବୈଷୟିକ ପାଠ ପଢ଼ିଥିବା ଜଣେ ୨୯ ବର୍ଷୀୟା ଯୁବତୀ ଦୀକ୍ଷା ଗ୍ରହଣ କରି ସନ୍ନ୍ୟାସିନୀ ହୋଇଯିବା ବିଷୟ ଶୁଣିଲେ ଆଶ୍ଚର୍ଯ୍ୟ ଲାଗିବା ସ୍ବାଭାବିକ। ମଧ୍ୟପ୍ରଦେଶର ସାନାଓ୍ବାଦଠାରେ ଏପ୍ରିଲ ୨୫ରେ କୁମାରୀ ସିଦ୍ଧାୟିନୀ ସଂସାରର ସବୁ ମାୟା ଛାଡ଼ି ଚାରୁକୀର୍ତ୍ତି ଭଟ୍ଟାରକା ସ୍ବାମିଜୀଙ୍କ ଉପସ୍ଥିତିରେ ଦୀକ୍ଷା ଗ୍ରହଣ କରିଛନ୍ତି। ବିଭିନ୍ନ ପ୍ରକାର ପୂଜାପାଠ ପରେ ହଜାର ହଜାର ଭକ୍ତ ଓ ଶହଶହ ସନ୍ନ୍ୟାସୀଙ୍କ ଉପସ୍ଥିତିରେ ସିଦ୍ଧାୟିନୀଙ୍କୁ ମାତାଜୀ ଦୀକ୍ଷାରେ ଦୀକ୍ଷିତ କରାଯାଇଥିଲା। ଏହାପରେ ସେ ଆରିକା ମହାୟଶୋମତୀ ମାତାଜୀ ନାମରେ ନାମିତ ହୋଇଛନ୍ତି। ଏମ୍‌ଟେକ୍‌ ଡିଗ୍ରୀ ...

ନିରର୍ଥକ ପରୀକ୍ଷା

ନିରର୍ଥକ ପରୀକ୍ଷା

ପରିବେଶ ପରିଚିନ୍ତା/ ମାନେକା ଗାନ୍ଧୀ ଅନେକ କମ୍ପାନୀ ପ୍ରାଣୀଙ୍କ ଉପରେ ପରୀକ୍ଷା ନିରୀକ୍ଷା କରୁଛନ୍ତି। ଏପରି କି ଅନେକ ଅନାବଶ୍ୟକ ପରୀକ୍ଷା ବି ସେମାନେ କରୁଛନ୍ତି। ଉଦାହରଣସ୍ବରୂପ ପର୍‌ଫ୍ୟୁମ୍‌ (ବାସ୍ନା) କମ୍ପାନୀମାନେ ପର୍‌ଫ୍ୟୁମ୍‌ ତିଆରି ପାଇଁ ସବୁ ଜିନିଷ ଅଲଗା ଅଲଗା ରଖିଥାନ୍ତି। ତାକୁ କେବଳ ମିଶେଇବା କଥା। କିନ୍ତୁ ସେମାନେ ସେହି ପର୍‌ଫ୍ୟୁମ୍‌କୁ ଠେକୁଆଙ୍କ ଆଖିରେ ସ୍ପ୍ରେ କରୁଛନ୍ତି। ତାଙ୍କ ଚମକୁ ଚିରି ସେଥିରେ ଘଷୁଛନ୍ତି। ଆହୁରି ଅନେକ ଭୟଙ୍କର ପରୀକ୍ଷା କରୁଛନ୍ତି। ଏମାନେ ହେଲେ ଆରାମିଜ୍‌, ବାଲେନ୍ସିଆଗା, ବଲଗାରି, କାଚାରେଲ, ଡୋନ୍ନା କରନ, ଡନ୍‌ହିଲ ଫ୍ରାଗ୍ରାନ୍ସେସ୍‌, ଏଲିଜାବେଥ୍‌ ଆର୍ଡେନ୍‌, ଗୁସି ଫ୍ରାଗ୍ରାନ୍ସେସ୍‌, ହୁଗୋ ବସ୍‌, ଜୋ ମାଲୋନ୍‌, ଲାକୋଷ୍ଟ ଫ୍ରାଗ୍ରାନ୍ସେସ୍‌, ମାର୍କ ଜାକୋବ୍ସ ଫ୍ରାଗ୍ରାନ୍ସେସ୍‌, ମାଇକେଲ କୋର୍ସ, ମିସୋନି, ରାଲ୍‌ଫ ଲରେନ୍‌ ଫ୍ରାଗ୍ରାନ୍ସେସ୍‌, ଟମି ହିଲ୍‌ଫିଗର ଓ କେଞ୍ଜୋ ପ୍ରଭୃତି। ...

 ଲୋଡ଼ା ପ୍ରାକୃତିକ ଜଙ୍ଗଲ

ଲୋଡ଼ା ପ୍ରାକୃତିକ ଜଙ୍ଗଲ

ବିଚିତ୍ର ବିଶ୍ୱାଳ ପ୍ରକୃତି, ପରିବେଶ ଓ ସର୍ବୋପରି ମାନବ ସମାଜକୁ ବଞ୍ଚେଇ ରଖିବାରେ ଜଙ୍ଗଲର ଏକ ମହତ୍ତ୍ୱପୂର୍ଣ୍ଣ ଭୂମିକା ରହିଛି। ଜଙ୍ଗଲ ଏମିତି ଏକ ଜୈବ ସମାଜ, ଯେଉଁଥିରେ ଅନେକ ପ୍ରକାର ବୃକ୍ଷଲତା, ଜୀବଜନ୍ତୁ, କୀଟପତଙ୍ଗ ଓ କୋଟି କୋଟି ପ୍ରଜାତିର ଅଣୁଜୀବ ପରସ୍ପର ସହିତ ସଂଶ୍ଳିଷ୍ଟ ହୋଇ ସହାବସ୍ଥାନ କରିଥାନ୍ତି। ଏସବୁକୁ ନେଇ ଜଙ୍ଗଲର ପରିଭାଷା। ମାନବ ସମାଜର ଏକ ବଡ଼ ଭାଗ ଜଙ୍ଗଲ ଭିତରେ ବା ଜଙ୍ଗଲ ସହିତ ପ୍ରତ୍ୟକ୍ଷ ଭାବରେ ଜଡ଼ିତ ହୋଇ ବସବାସ କରିଥାନ୍ତି। ଠିକ୍‌ ସମୟରେ ବର୍ଷା ହେବାରେ, ବାୟୁମଣ୍ଡଳର ତାପମାତ୍ରାକୁ ସନ୍ତୁଳିତ ରଖିବାରେ, ଅଙ୍ଗାରକାମ୍ଳ ଗ୍ୟାସ୍‌କୁ ନିୟନ୍ତ୍ରଣରେ ରଖି ଅମ୍ଳଜାନ ପ୍ରଦାନ କରିବାରେ, ବିଭିନ୍ନ ପ୍ରକାର କାଷ୍ଠ ଓ ଅଣକାଷ୍ଠ ଦ୍ରବ୍ୟ ଯୋଗାଇବାରେ, ଔଷଧୀୟ ଉପାଦାନ ଆଦି ଯୋଗାଇ ମାନବ ସମାଜକୁ ତିଷ୍ଠି ରହିବାରେ ଜଙ୍ଗଲ ବହୁଳ ଭାବେ ସାହାଯ୍ୟ କରିଥାଏ। ୧୮୯୪ ଓ ୧୯୫୨ ମସିହାରେ ପ୍ରଣୀତ ଜଙ୍ଗଲ ନୀତିରେ ମୁଖ୍ୟତଃ ଉପତ୍ାଦନ ତଥା ଜଙ୍ଗଲରୁ ଆର୍ଥିକ ରୋଜଗାର ଉପରେ ହଁି ମୁଖ୍ୟ ଗୁରୁତ୍ୱ ଦିଆଯାଇଥିଲା। ତା’ପରେ ୧୯୮୮ ମସିହାର ଜଙ୍ଗଲ ନୀତିରେ ମାନବ ଓ ଅନ୍ୟାନ୍ୟ ଜୀବଜନ୍ତୁଙ୍କର ଜୀବନ ଧାରଣ ପାଇଁ ପରିବେଶ ଓ ପ୍ରକୃତିର ସନ୍ତୁଳନକୁ ବଜାୟ ରଖିବାରେ ଜଙ୍ଗଲର ଭୂମିକାକୁ ମୁଖ୍ୟ ଗୁରୁତ୍ୱ ଦିଆଯାଇଥିଲା। ...

କୃଷି ଅନୁରାଗୀ ଗଜପତି

କୃଷି ଅନୁରାଗୀ ଗଜପତି

ବିନୋଦ ଚନ୍ଦ୍ର ଜେନା ସମ୍ପ୍ରତି ଆମ ରାଜ୍ୟ ତଥା ଦେଶରେ କୃଷକମାନଙ୍କ ସମସ୍ୟା ଦିନକୁ ଦିନ ବଢିବାରେ ଲାଗିଛି ା କୃଷକ ଆତ୍ମହତ୍ୟା କରୁଛି ା କୃଷିକୁ ନେଇ ରାଜନୀତି ଚାଲିଛି। କିନ୍ତୁ ଉତ୍କଳ ପ୍ରଦେଶ ଗଠନ ପରେ କୃଷି ଓ କୃଷକଙ୍କ ଉନ୍ନତି ପାଇଁ ମହାରାଜା ଶ୍ରୀକୃଷ୍ଣଚନ୍ଦ୍ର ଗଜପତି (୨୬ା୦୪ା୧୮୯୨-୨୫ା୦୫ା୧୯୭୪)ଙ୍କ ଦୂରଦୃଷ୍ଟି ସୁଦୂରପ୍ରସାରୀ ଥିଲା ା ଇଂରେଜ ସରକାର ପାରଳା ରାଜ୍ୟକୁ ଏକ ଜମିଦାରି ରୂପେ ଗ୍ରହଣ କରିଥିଲେ ସୁଦ୍ଧା ଖେମୁଣ୍ଡି ରାଜ୍ୟର ବାସିନ୍ଦାମାନଙ୍କ ହୃଦୟର ବାସ୍ତବିକ୍‌ ସମ୍ରାଟ ଥିଲେ ...

ଏଇ ଭାରତରେ

ଏଇ ଭାରତରେ

ଭାରତର ମହାନ୍‌ ସଂସ୍କୃତି କହେ, ପିତାଙ୍କୁ ପୂଜାକଲେ ସମସ୍ତ ଦେବଦେବୀ ସନ୍ତୁଷ୍ଟ ହୁଅନ୍ତି। ମାତ୍ର ବସ୍ତୁବାଦୀ ସମାଜରେ ପିତାମାନେ ବାର୍ଦ୍ଧକ୍ୟରେ ଅଲୋଡ଼ା ହୋଇଯାଉଛନ୍ତି। କେତେକ କ୍ଷେତ୍ରରେ ସେମାନଙ୍କୁ ଜରାନିବାସରେ ଜୀବନ କଟାଇବାକୁ ପଡ଼ୁଛି, ନଚେତ୍‌ ରାସ୍ତାକଡ଼, ବସ୍‌ଷ୍ଟାଣ୍ଡ, ରେଳଷ୍ଟେଶନ ପାଲଟିଯାଉଛି ଆଶ୍ରୟସ୍ଥଳ। ପିଲାମାନେ ନିଜ ପରିବାର ସହ ରହୁଥିଲେ ମଧ୍ୟ ଅଧିକାଂଶ କ୍ଷେତ୍ରରେ ସେଠି ବୃଦ୍ଧ ମାତାପିତାଙ୍କୁ ସ୍ଥାନ ମିଳୁନି। ଯଦି କୌଣସି ସମୟରେ ବୃଦ୍ଧ ପିତା ଘରେ ରହିବାକୁ ଅଡ଼ିବସୁଛନ୍ତି ତାଙ୍କୁ ନିର୍ଯାତନାର ଶିକାର ହେବାକୁ ପଡ଼ୁଛି। ନିକଟରେ ଉତ୍ତରପ୍ରଦେଶର କୁଶୀନଗର ଜିଲାରେ ଦେଖିବାକୁ ମିଳିଛି ଏଭଳି ଏକ ଅମାନବୀୟ ଘଟଣା। ବୃଦ୍ଧ ପିତା ଘରେ ରହିବାକୁ ଜିଦି କରିବାରୁ ବଡ଼ପୁଅ ତାଙ୍କୁ ଏକ ଗଛରେ ବାନ୍ଧି ପିଟିବାକୁ ପଛାଇଲେ ନାହିଁ। ନିକଟରେ ସାନଭାଇ ଛିଡ଼ାହୋଇ ସବୁ ଦେଖୁଥିଲେ ମଧ୍ୟ କିଛି କହୁ ନ ଥିଲେ। ଏହି ବୃଦ୍ଧ ପିତା ଜଣକ ହେଉଛନ୍ତି ନୁରୁଲ ଇସ୍‌ଲାମ୍‌ ଓରଫ ହାଥୁ। ବାର୍ଦ୍ଧକ୍ୟରେ ତାଙ୍କର ମୁଣ୍ଡ ଠିକ୍‌ ରହୁ ...

 ସମ୍ପାଦକୀୟ/ବଂଶବାଦ ଏକ ମାଧ୍ୟମ

ସମ୍ପାଦକୀୟ/ବଂଶବାଦ ଏକ ମାଧ୍ୟମ

ଚଳିତବର୍ଷ ମେ ୧୨ରେ କର୍ନାଟକ ବିଧାନସଭା ନିର୍ବାଚନ। ଏହାକୁ ନେଇ ରାଜନୈତିକ ପରିସ୍ଥିତି ଉଷ୍ମ ଥିବାବେଳେ କର୍ନାଟକ ‘ପୁତ୍ର ଉଦୟ’ ବା ‘son rise’ ରାଜ୍ୟରେ ପରିଣତ ହୋଇଛି ବୋଲି ଆଲୋଚନା ଆରମ୍ଭ ହୋଇ ଗଲାଣି। ଏହି ରାଜ୍ୟରୁ ବିଭିନ୍ନ ସମୟରେ ମୁଖ୍ୟମନ୍ତ୍ରୀ ରହି ଆସିଥିବା ନେତାମାନଙ୍କର ପ୍ରାୟ ୮ଜଣ ପୁତ୍ର ଏଥର ନିର୍ବାଚନ ଲଢୁଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଆର୍‌. ବୋମାଇଙ୍କ ପୁତ୍ର ବାସବରାଜଙ୍କ ଠାରୁ ଆରମ୍ଭ କରି ଏସ୍‌. ବାଙ୍ଗରାପ୍ପାଙ୍କ ପୁତ୍ର ମହିମା, ଧରମ ସିଂଙ୍କ ପୁତ୍ର ଅଜୟ, ଏଚ୍‌ଡି ଦେବେଗୌଡାଙ୍କ ପୁତ୍ର କୁମାର ସ୍ବାମୀ ଓ ରେବାନ୍ନା ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ସିଦ୍ଧରାମାୟାଙ୍କ ପୁତ୍ର ଯତୀନ୍ଦ୍ର ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ପୂର୍ବତନ ମୁଖ୍ୟମନ୍ତ୍ରୀ ତଥା ଏବେକାର ମୁଖ୍ୟ ଭାଜପା ନେତା ବି.ଏସ୍‌. ୟେଦୁରାପ୍ପା ତାଙ୍କର ପୁତ୍ର ବି. ଓ୍ବାଇ. ବିଜୟେନ୍ଦ୍ରଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିଲେ ମଧ୍ୟ ଶେଷ ମୁହୂର୍ତ୍ତରେ ଏଥିରୁ ଓହରି ଯାଇଛନ୍ତି, ଯାହାକୁ ନେଇ ନାମାଙ୍କନପତ୍ର ଦାଖଲ...

ନଦୀର ସ୍ବାସ୍ଥ୍ୟ

ନଦୀର ସ୍ବାସ୍ଥ୍ୟ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ ନିକଟ ଅତୀତରେ ହୋଇଥିବା ବିଭିନ୍ନ ଘୋଷଣାରୁ ଲାଗୁଛି ଯେ ନଦୀ ବଞ୍ଚାଇବା ପାଇଁ ସରକାରୀ ଅଭିଯାନ ଆରମ୍ଭ ହୋଇଯାଇଛି ବା ହେବାକୁ ଯାଉଛି ଓଡ଼ିଶାରେ। ରାଜ୍ୟ ସରକାର ‘ସବୁଜ ମହାନଦୀ ଅଭିଯାନ’ କଥା କହିଛନ୍ତି। ସିଆଡ଼େ ସମ୍ବଲପୁର ଜିଲା ପ୍ରଶାସନ ସବୁଜ, ସ୍ବଚ୍ଛ ଓ ସୁନ୍ଦର ମହାନଦୀର ଆହ୍ବାନ ଦେଇ ବିଭିନ୍ନ ଆୟୋଜନ ଆରମ୍ଭ କରିଦେଇଛନ୍ତି। ନଦୀଜଳର ଭାଗବଣ୍ଟାକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ଖୁବ୍‌ ଜମିଥିବା ବେଳେ ନଦୀର ସ୍ବାସ୍ଥ୍ୟକୁ ନେଇ ଚିନ୍ତା ପ୍ରକାଶ ପାଇବା ଖୁସିର କଥା। ନଦୀ ହେଉଛି ସଭ୍ୟତାର ଆଧାର, ନଦୀ ଯୋଗୁ ସଭ୍ୟତାର ପ୍ରବାହ ହୋଇଥାଏ। ନଦୀର ସ୍ଥିତିରୁ ସଭ୍ୟତା କେତେ ସୁସ୍ଥ ଓ ସଭ୍ୟ ତାହା ଜଣାପଡ଼ିଥାଏ। ଶ୍ରୀମଦ୍‌ଭାଗବତର ଦ୍ୱିତୀୟ ସ୍କନ୍ଧ ପ୍ରଥମ ଅଧ୍ୟାୟର ୩୨-୩୩ ଶ୍ଳୋକରେ ଉଲ୍ଲେଖ ଅଛି: ବୃକ୍ଷରାଜି ହେଉଛି ପ୍ରଭୁଙ୍କ ଶରୀରର ଲୋମ, ବାୟୁ ହେଉଛି ପ୍ରଭୁଙ୍କର ...

ମ୍ୟାଲେରିଆ ନିରାକରଣ

ମ୍ୟାଲେରିଆ ନିରାକରଣ

ଡା. ରାମଚନ୍ଦ୍ର ରାଉତ ଏପ୍ରିଲ ୨୫କୁ ‘ବିଶ୍ୱ ମ୍ୟାଲେରିଆ’ ଦିବସ ରୂପେ ପାଳନ କରାଯାଏ। ମ୍ୟାଲେରିଆ ଏକ ପ୍ରମୁଖ ସଂକ୍ରାମକ ରୋଗ ରୂପେ ଆବହମାନ କାଳରୁ ରହି ଆସିଛି ଏବଂ ଏହା ବିଶ୍ୱର ଅଧିକାଂଶ ମୃତ୍ୟୁ ଓ ଦାରିଦ୍ର୍ୟର ଏକ ପ୍ରମୁଖ କାରଣ। ପ୍ରତି ୨ ମିନିଟ୍‌ରେ ଗୋଟିଏ ଶିଶୁ କେଉଁଠି ନା କେଉଁଠି ମ୍ୟାଲେରିଆ ସଂକ୍ରମଣ ଦ୍ୱାରା ମୃତ୍ୟୁମୁଖରେ ପଡିଥାଏ। ୨୦୧୫ରେ ସାରା ବିଶ୍ୱରେ ୨୧କୋଟି ୨୦ଲକ୍ଷ ଲୋକ ମ୍ୟାଲେରିଆରେ ପୀଡିତ ହୋଇଥିବା ବେଳେ ତହିଁରୁ ୪ ଲକ୍ଷ ୨୯ ହଜାର ମୃତ୍ୟୁମୁଖରେ ପଡିଥିଲେ। ମାତ୍ର ୨୦୧୬ରେ ଏହା କମିବା ପରିବର୍ତ୍ତେ ଆହୁରି ୫୦ ଲକ୍ଷ ଲୋକ ଏହାଦ୍ୱାରା ଆକ୍ରାନ୍ତ ହୋଇଥିଲେ।...

ଏଇ ଭାରତରେ

ଏଇ ଭାରତରେ

ଝିଅର ବିବାହ ବୟସ ହେଲେ ମାତାପିତାଙ୍କର ଚିନ୍ତା ବଢ଼େ। ସବୁଠୁ ଚିନ୍ତା ଅଧିକ ଘାରେ ଯୌତୁକକୁ ନେଇ। ମଧ୍ୟପ୍ରଦେଶର ଟିକମଗଡ ଜିଲା ପୃଥ୍ବୀପୁରରେ ଏମିତି ଏକ ବାହାଘର ହେଲା ଯାହା ସମସ୍ତଙ୍କ ଆଖି ଖୋଲିଦେଇଛି। ବିବାହରେ ପୁଅଘର ଲୋକେ ଯୌତୁକ ଭାବେ ଝିଅଘରୁ କେବଳ ଗୋଟିଏ ଗଛର ଚାରା ନେଇଛନ୍ତି। ଝିଅ ଘରକୁ ମଧ୍ୟ ବଦଳରେ ଏକ ଚାରା ଦେଇଛନ୍ତି। ବାହାଘରକୁ ଯେଉଁ ବରଯାତ୍ରୀ ଯିବେ ସମସ୍ତଙ୍କୁ ଗୋଟିଏ କରି ଚାରା ଉପହାର ଦେବାକୁ ବରଘର ଝିଅଘରକୁ ଅନୁରୋଧ କରିଥିଲେ। ତାହା ହିଁ ହୋଇଛି। ଉପହାର ଭାବେ ଦିଆଯାଉଥିବା ଚାରାଟିକୁ ସଯତ୍ନରେ ଲଗାଇ ବଢାଇବାକୁ ସମସ୍ତଙ୍କୁ ସଂକଳ୍ପ କରାଯାଇଥିଲା। ଏଭଳି ଅନନ୍ୟ ବିବାହ କରିଥିବା ଯୁବକ ଜଣକ ହେଉଛନ୍ତି ଅମିତ ଦୁବେ। ଉକ୍ତ ଅଞ୍ଚଳରେ ପ୍ରତିବର୍ଷ ...