Dharitri News
ରାୟଗଡା

‘ଆମେ ରାସ୍ତା ବିରୋଧୀ ନୁହେଁ’ : ଅଡିଓ ଟେପ ଜାରି କଲେ ମାଓବାଦୀ ନେତା ବେଣୁ

‘ଆମେ ରାସ୍ତା ବିରୋଧୀ ନୁହେଁ’ : ଅଡିଓ ଟେପ ଜାରି କଲେ ମାଓବାଦୀ ନେତା ବେଣୁ ମାଲକାନଗିର,୨୩।୧୨(ଡି.ଏନ୍‌.ଏ)- ମାଓବାଦୀ ନେତା ବେଣୁଙ୍କ ଅଡିଓ ଟେପ ଜାରି ହୋଇଛି। ମାଲକାନଗିରି ଜିଲାର ଖଣିଜ ଓ ଜଙ୍ଗଲ ସମ୍ପଦ ଲୁଟି ନେବା ପାଇଁ ରାସ୍ତା ନିର୍ମାଣ କରାଯାଉଛି। ୭୦ ବର୍ଷ ହେଲା ବଣ୍ଡା ଘାଟିରେ ପୂର୍ବରୁ ରାସ୍ତାଥିଲେ ମଧ୍ୟ କେଉଁ କାରଣରୁ ବଣ୍ଡାଙ୍କ ବିକାଶ ହୋଇପାରିଲା ନାହିଁ। ଅନାହାର ମୃତ୍ୟୁ, ରୋଗ, ଚାଷୀ ଆମତ୍ହତ୍ୟା, ଶିଶୁମୃତ୍ୟୁ, ବଣ୍ଡା ଯୁବତୀମାନେ ଦାଦନ ଖଟିବାକୁଯାଇ ନିଖୋଜ ଇତ୍ୟାଦି ଅନେକ ଘଟଣା ଘଟିଥିଲେ ମଧ୍ୟ ସରକାର କାହିଁକି ତା’ର ସମାଧାନ କରିପାରି ନାହାନ୍ତି। ବର୍ତ୍ତମାନ ୧୫ ମିଟର ଚଉଡ଼ାରେ ରାସ୍ତା ନିର୍ମାଣ ହେଲେ କ’ଣ ଆଦିବାସୀଙ୍କ ସମସ୍ୟା ଦୂର ହୋଇଯିବ। ବରଂ ଆଦିବାସୀଙ୍କ ବିକାଶ ନାମରେ କୋଟି କୋଟି ଟଙ୍କା ଖର୍ଚ୍ଚ କରାଯାଇ ଆଦିବାସୀମାନଙ୍କୁ ବିନାଶ କରିବା ପାଇଁ ସରକାର ଯୋଜନା କରୁଛନ୍ତି। ଗୁରୁପ୍ରିୟା ସେତୁ ନିର୍ମାଣହେଲେ ମାଓବାଦୀ ଲୋପ ପାଇଯିବେ ବୋଲି ପୋଲିସ ଯାହା କହୁଛି। ତାହା ମାଓବାଦୀ ନୁହେଁ ସରକାରଙ୍କ ଭୁଲ ନୀତି ଯୋଗୁ ଆଦିବାସୀଙ୍କ ଧନସମ୍ପତ୍ତି, ଖଣିଜ ଓ ଜଙ୍ଗଲ ସମ୍ପଦ ଲୁଟ ହେବା ସହ ଆଦିବାସୀଙ୍କୁ ଲୋପ କରିଦେବା ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ସ୍ଥାନରେ ବିଏସଏଫ କ୍ୟାମ୍ପ କରି ସେମାନଙ୍କ ସୁରକ୍ଷା ପରିବର୍ତ୍ତେ ବିପଦକୁ ଠେଲି ଦେଉଛନ୍ତି। ମାଓବାଦୀମାନେ ନିରିହ ଆଦିବାସୀଙ୍କୁ ମାରୁଥିବା ଯେଉଁ ପୋଷ୍ଟର ମରାଯାଇଛି ତାହା କୌଣସି ଆଦିବାସୀ ସଂଗଠନର ହୋଇ ନ ଥିବ। ପୋଲିସ ଗତ ବର୍ଷ ରାମନାଗୁଡ଼ାଠାରେ ୯ ଜଣ ନିରୀହ ଆଦିବାସୀ ଯୁବତୀ ଯୁବକ, କତାପାଲ୍ଲୀରେ ୩ ଜଣ, ତଣ୍ଡିକିରେ ୪ ଜଣଙ୍କୁ ଏନକାଉଣ୍ଟର କରି ହତ୍ୟା କରିଥିଲା ବେଳେ ଆଦିବାସୀ ସଂଗଠନ ଗୁଡ଼ିକ ସେ ସମୟରେ ପୋଲିସ ବିରୋଧରେ କାହିଁକି ପ୍ରତିବାଦ କଲେ ନାହିଁ। ଯେଉଁ ଆଦିବାସୀମାନେ ପୋଲିସକୁୁ ସହଯୋଗ କରି ମାଓବାଦୀଙ୍କ ବିରୋଧରେ ସୂଚନା ଦେଉଛନ୍ତି ସେମାନଙ୍କ ବିଚାର ସେହି ଅଞ୍ଚଳର ପ୍ରଜାମାନଙ୍କୁ ନେଇ କରାଯାଉଛି। ଅନେକଙ୍କୁ ସତର୍କ କରାଇ ଛାଡ଼ିଦିଆଯାଉଥିଲା ବେଳେ ଯେଉଁମାନେ ଏଥିରୁ ନିବୃତ ରହୁନାହାନ୍ତି ସେମାନଙ୍କୁ ପ୍ରଜାକୋର୍ଟରେ ସମସ୍ତଙ୍କର ମତାମତ ନିଆଯାଇ ଦଣ୍ଡ ଦିଆଯାଉଛି। ଆମ ସଂଗଠନ ସହ ସାମ୍ନାସାମ୍ନି ଆଦିବାସୀଙ୍କ ବିକାଶ ସମ୍ବନ୍ଧରେ ଆଲୋଚନା ପାଇଁ ଆମେ ପ୍ରସ୍ତୁତ ଅଛୁ ବୋଲି ଗଣମାଧ୍ୟମକୁ ଦେଇଥିବା ଅଡିଓ ଟେପରେ ବେଣୁ ନିଜର ବକ୍ତବ୍ୟ ଜାରି କରିଛନ୍ତି।

ରାୟଗଡା

ପୋଲିସ- ଜନତା ମଧ୍ୟରେ ଭୟ ଦୂର କରିବାକୁ ପ୍ରୟାସ

ପୋଲିସ- ଜନତା ମଧ୍ୟରେ ଭୟ ଦୂର କରିବାକୁ ପ୍ରୟାସ

ଝରିଗାଁ,୧୬।୧(ସ୍ବ.ପ୍ର.)- ଝରିଗାଁ ସଦରଠାରେ ରାଜ୍ୟ ପୋଲିସ ହାଉସିଙ୍ଗ ବୋର୍ଡ ଦ୍ୱାରା ୨କୋଟି ୫ଲକ୍ଷ ଟଙ୍କା ଅଟକଳ ମୂଲ୍ୟରେ ନିର୍ମାଣ ହୋଇଥିବା ନୂତନ ପୋଲିସ କାର୍ଯ୍ୟାଳୟ ଗୃହର ମଙ୍ଗଳବାର ଉଦ୍‌ଘାଟନ ହୋଇଛି।

ଆମ୍ବୁଲାନ୍ସରୁ ୧୬୦ଲିଟର ମଦ ଜବତ

ଆମ୍ବୁଲାନ୍ସରୁ ୧୬୦ଲିଟର ମଦ ଜବତ

ପାପଡ଼ାହାଣ୍ଡି,୧୬।୧(ଡି.ଏନ.ଏ.)- ପାପଡ଼ାହାଣ୍ଡି ସଦରରେ ଏକ ୧୦୨ ଆମ୍ବୁଲାନ୍ସରୁ ମଦ ଚାଲାଣବେଳେ ଧରାପଡ଼ି ଡ୍ରାଇଭର ଗିରଫ। ଗିରଫ ଡ୍ରାଇଭର ଜଣଙ୍କ ହେଲେ ଟୁଟୁ ହରିଜନ।

ଫେସବୁକ୍‌ରେ ହିନ୍ଦୁ ଓ ବ୍ରାହ୍ମଣ ବିରୋଧୀ ମନ୍ତବ୍ୟ ଘଟଣା: ୧୨ ଘଣ୍ଟିଆ ଡାବୁଗଁ। ବନ୍ଦ

ଫେସବୁକ୍‌ରେ ହିନ୍ଦୁ ଓ ବ୍ରାହ୍ମଣ ବିରୋଧୀ ମନ୍ତବ୍ୟ ଘଟଣା: ୧୨ ଘଣ୍ଟିଆ ଡାବୁଗଁ। ବନ୍ଦ

ଡାବୁଗାଁ,୧୬।୧(ଡି.ଏନ.ଏ.)-ଜଣେ ଯୁବକ ନିଜ ଫେସବୁକରେ ହିନ୍ଦୁ ଓ ବ୍ରାହ୍ମଣ ବିରୋଧୀ ମନ୍ତବ୍ୟ ଦେବା ଘଟଣାକୁ ନେଇ ମଙ୍ଗଳବାର ଡାବୁଗାଁ ବ୍ଲକ ସଦରଠାରେ ବନ୍ଦ ପାଳନ କରାଯାଇଛି।

୩ ଜିଲାପାଳଙ୍କ ବଦଳି

କୋରାପୁଟ,୧୬।୧(ସ୍ବ.ପ୍ର.)-କୋରାପୁଟ ଜିଲାପାଳ ଅନୁପମ ଶାହାଙ୍କ ମଙ୍ଗଳବାର ଗଜପତି ଜିଲାକୁ ବଦଳି ହୋଇଥିବାବେଳେ ମାଲକାନଗିରି ଜିଲାପାଳ କେ.ଚକ୍ରବର୍ତ୍ତିଙ୍କୁ କୋରାପୁଟ ଜିଲାକୁ ବଦଳି କରାଯାଇଛି।

ବାଇକ୍‌କୁ ପିଟିଲା ବସ୍‌, ୧ ଗୁରୁତର

ବାଇକ୍‌କୁ ପିଟିଲା ବସ୍‌, ୧ ଗୁରୁତର

ନବରଙ୍ଗପୁର,୧୬।୧(ବି.ପ୍ର.)-ନବରଙ୍ଗପୁର ୨୬ନଂ ଜାତୀୟ ରାଜପଥ ଏସ୍‌ବିଆଇ ବଜାର ବ୍ରାଞ୍ଚ ସମ୍ମୁଖରେ ବସ୍‌ ଏବଂ ମୋଟର ସାଇକେଲ୍‌ ମଧ୍ୟରେ ଦୁର୍ଘଟଣା। ଏଥିରେ ମୋଟରସାଇକେଲ୍‌ ଆରୋହୀ ଗୁରୁତର ଥିବା ଜଣାପଡ଼ିଛି।

କୋଟିଆ ବିବାଦ: ସ୍ଥିତି ଅନୁଧ୍ୟାନ କଲା କଂଗ୍ରେସ ଟିମ୍‌

କୋରାପୁଟ,୧୬।୧(ସ୍ବ.ପ୍ର.)-ଆନ୍ଧ୍ର-ଓଡ଼ିଶା ସୀମାନ୍ତ ପଟାଙ୍ଗି ବ୍ଲକ୍‌ର ବିବାଦୀୟ କୋଟିଆ ଗ୍ରାମ ପଞ୍ଚାୟତକୁ ମଙ୍ଗଳବାର ସ୍ଥିତି ଅନୁଧ୍ୟାନ ପାଇଁ କଂଗ୍ରେସର ଏକ ଟିମ୍‌ ଗସ୍ତ କରିଛି।

ଆଧାର କାର୍ଡରେ ତ୍ରୁଟି: ଟଙ୍କା ଉଠାଇ ପାରୁନାହାନ୍ତି ଡଙ୍ଗରିଆ କନ୍ଧ

ଆଧାର କାର୍ଡରେ ତ୍ରୁଟି: ଟଙ୍କା ଉଠାଇ ପାରୁନାହାନ୍ତି ଡଙ୍ଗରିଆ କନ୍ଧ

କଲ୍ୟାଣସିଂହପୁର, ୧୬।୧(ଡି.ଏନ୍‌.ଏ)- ଆଧାରକାର୍ଡକୁ ବ୍ୟାଙ୍କ ପାସ୍‌ ବହି ଓ ଅନେକ କାର୍ଯ୍ୟରେ ସଂଯୋଗ କରିବା ବାଧ୍ୟତାମୂଳକ ବୋଲି ସରକାରଙ୍କ ନିର୍ଦ୍ଦେଶ ରହିଛି । ହେଲେ ଆଧାରକାର୍ଡ଼ରେ ତ୍ରୁଟି ଯୋଗୁ ଡ଼ଙ୍ଗରିଆ କନ୍ଧମାନେ ବ୍ୟାଙ୍କରେ ଜମା କରିଥିବା ଟଙ୍କା ଉଠାଇ ପାରୁନାହାନ୍ତି ।

ଲମତାଗୁଡା ସରପଞ୍ଚ ଉପନିର୍ବାଚନ : ଦ୍ୱିମୁଖୀ ପ୍ରତିଦ୍ୱନ୍ଦ୍ୱିତା, ପ୍ରଚାର ଜୋରଦାର

ତେନ୍ତୁଳିଖୁଣ୍ଟି,୧୬।୧(ଡି.ଏନ.ଏ)- ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ଲମତାଗୁଡା ପଞ୍ଚାୟତର ସରପଞ୍ଚ ପଦବୀ ପାଇଁ ଉପନିର୍ବାଚନ ୧୯ ତାରିଖରେ ଅନୁଷ୍ଠିତ ହେବ। ବିମଳା ନାୟକଙ୍କ ଓ ବୃନ୍ଦାବତୀ ମୁଦୁଲି ନିର୍ବାଚନ ମଇଦାରେ ଅବତୀର୍ଣ୍ଣ ହୋଇଛନ୍ତି।

ପାଠପଢାରେ ବାଧକ ଟ୍ୟୁମର

ପାଠପଢାରେ ବାଧକ ଟ୍ୟୁମର

ପାପଡାହାଣ୍ଡି,୧୬।୧(ଡି.ଏନ.ଏ.)-ବାପା ଛାଡି ଆର ପାରିକୁ ଚାଲିଗଲେ। ଏହା ପରେ ମା’ ଛାଡି କୁଆଡେ ଚାଲିଗଲେ। ବୃଦ୍ଧ ଜେଜେବାପାଙ୍କ ଭରସାରେ ରହିଥିଲେ ଅର୍ଜୁନ। ପାଠ ପଢା ଆରମ୍ଭ କରିବା ବେଳକୁ ଅର୍ଜୁନଙ୍କୁ ମାଡି ବସିଛି ରୋଗ। ବେକ ନିକଟରେ ଏକ ଟ୍ୟୁମର ହୋଇଛି। ଯନ୍ତ୍ରଣା ଯୋଗୁ ପାଠ ପଢାରେ ଲାଗିଛି ଡୋରୀ।

କୋଟିଆ: ଗୋଟିଏ ଆଧାର ନମ୍ବରରେ ୨ ପରିଚୟପତ୍ର

କୋଟିଆ: ଗୋଟିଏ ଆଧାର ନମ୍ବରରେ ୨ ପରିଚୟପତ୍ର

ପଟ୍ଟାଙ୍ଗି,୧୫।୧(ଡି.ଏନ.ଏ.): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ଆନ୍ଧ୍ର ସୀମାନ୍ତକୁ ଲାଗିଥିବା କୋଟିଆ ପଞ୍ଚାୟତ କୁ ନେଇ ବ୍ଲକ ଓ ଜିଲା ପ୍ରଶାସନର ଚିନ୍ତା ବଢିଯାଇଛି। ପ୍ରଶାସନିକ କର୍ମଚାରୀମାନେ କୋଟିଆକୁ ଗସ୍ତ କରି ହୋଇଥିବା ଉନ୍ନୟନମୂଳକ ସମସ୍ତ କାର୍ଯ୍ୟର ତଦାରଖ କରୁଥିବା ବେଳେ ଉକ୍ତ ପଞ୍ଚାୟତକୁ ବିଭିନ୍ନ ରାଜନୈତିକ ଦଳଠାରୁ ଆରମ୍ଭ କରି ନାଗରିକ ମଞ୍ଚର କର୍ମକର୍ତ୍ତା ଗସ୍ତ କରି ଓଡିଶା ସରକାରଙ୍କ ଦ୍ୱାରା କେଉଁ କାର୍ଯ୍ୟ ସବୁ ହୋଇଛି, ଆନ୍ଧ୍ର ସରକାର ଦ୍ୱାରା କି କାର୍ଯ୍ୟ ହୋଇଛି ତାହାକୁ ନେଇ ନିଜ ନିଜ ସ୍ତରରେ ସମୀକ୍ଷା କରୁଛନ୍ତି।ଏହି ସମୟରେ ଅଧିକାଂଶ ପରିବାରରେ ଦୁଇ ଦୁଇଟି ଆଧାର ପରିଚୟ ପତ୍ର ଥିବା ଦେଖିବାକୁ ମିଳିଥିଲା । ଯାହାକି ଗୋଟିଏ ନମ୍ବରରେ ଦୁଇଟି ଲେଖାଏ ଆଧାର ପରିଚୟ ପତ୍ର ରହିଛି ।

 ଶିକୁଳିରେ ବନ୍ଧାପଡ଼ିଛି ଜୀବନ: ଅର୍ଥାଭାବ ଯୋଗୁ ହୋଇପାରୁନି ଚିକିତ୍ସା

ଶିକୁଳିରେ ବନ୍ଧାପଡ଼ିଛି ଜୀବନ: ଅର୍ଥାଭାବ ଯୋଗୁ ହୋଇପାରୁନି ଚିକିତ୍ସା

ମାଥିଲି(ଡି.ଏନ୍‌.ଏ.)/ଗୋବିନ୍ଦପାଲି,୧୫।୧ ରାଜୀବ ଖିଲ। ଏକଦା ଜଣେ ସଫଳ ଚାଷୀ ଥିଲେ। ତାଙ୍କ ହାତ ସ୍ପର୍ଶରେ ହସି ଉଠୁଥିଲା କ୍ଷେତ। ଚାଷରୁ ଯାହାକିଛି ଫସଲ ଅମଳ ହେଉଥିଲା ସେଥିରେ ଭଲ ଭାବେ ଚଳୁଥିଲା ପରିବାର। ମାତ୍ର କିଛିବର୍ଷ ହେଲା ଚିତ୍ର କିନ୍ତୁ ଓଲଟା। ସେତେବେଳେ ତାଙ୍କ ଉପରେ ପରିବାର ନିର୍ଭର କରୁଥିଲା। ବର୍ତ୍ତମାନ ସେ ପରିବାର ପାଇଁ ବୋଝ ପାଲଟିଛନ୍ତି। ଏକ ଘଟଣାକ୍ରମରେ ମାନସିକ ସ୍ଥିତି ହରାଇବା ପରଠୁ ଏହି ୨୭ ବର୍ଷୀୟ ଯୁବକଙ୍କ ଜୀବନ ଦୁର୍ବିଷହ ହୋଇପଡିଛି। ଶିକୁଳିରେ ବନ୍ଧା ହୋଇ ଯନ୍ତ୍ରଣାରେ ବିତୁଛି ଦିନ। ମାଲକାନଗିରି ଜିଲା ଗୋବିନ୍ଦପାଲି ସଦର ପଞ୍ଚାୟତର ଡାବୁଗୁଡା ଗାଁରେ ଦେଖିବାକୁ ମିଳିଛି ଏଭଳି ବେଦନାଦାୟକ ଦୃଶ୍ୟ।

ପ୍ଲେଟ୍‌ ପକାଇ ନଦୀ ପାର ହେଉଛନ୍ତି ଲୋକେ: ଧିମେଇଛି ପୋଲ ତିଆରି କାମ

ପ୍ଲେଟ୍‌ ପକାଇ ନଦୀ ପାର ହେଉଛନ୍ତି ଲୋକେ: ଧିମେଇଛି ପୋଲ ତିଆରି କାମ

ଶିଖାପାଲୀ,୧୫।୧ ମାଲକାନଗିରି ଜିଲା ଏମ୍‌ଭି-୨୦, ୨୧ ଏବଂ ପିଟାଗାଟା ଗଁା ବାଟରେ ପଡ଼େ ତମସା ନଦୀ । ଏହା ଉପରେ ପୋଲ ନିର୍ମାଣ କାର୍ଯ୍ୟ ଧିମେଇଥିବା ଯୋଗୁ ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ୧୦ ପଞ୍ଚାୟତର ଲୋକେ ଏହା ଉପରେ ନିର୍ଭର କରନ୍ତି।