ଅନଗୁଳ-ଢେଙ୍କାନାଳ

ନର୍ସିଂହୋମ୍‌ରେ ପଶିଲା ଅଗ୍ନିଶମ ବିଭାଗ

ନର୍ସିଂହୋମ୍‌ରେ ପଶିଲା ଅଗ୍ନିଶମ ବିଭାଗ

ଢେଙ୍କାନାଳ ଅଫିସ, ୨୨ା୧୨-ଢେଙ୍କାନାଳରେ ଥିବା ନର୍ସିଂହୋମ୍‌ଗୁଡ଼ିକର ହାଲ୍‌ ଠିକ୍‌ ନାହିଁ। ବିଶେଷ କରି ଅଗ୍ନି ନିର୍ବାପକ ଭଳି ଗୁରୁତ୍ୱପୂର୍ଣ୍ଣ ବ୍ୟବସ୍ଥା ପ୍ରତି ଗୁରୁତ୍ୱ ଦେଉନାହାନ୍ତି ନର୍ସିଂହୋମ୍‌ କର୍ତ୍ତୃପକ୍ଷ। ଶୁକ୍ରବାର ରାଜ୍ୟ ଅଗ୍ନିଶମ ବିଭାଗ ପକ୍ଷରୁ ଚଢ଼ାଉବେଳେ ଏପରି ଅନିୟମିତତା ପଦାକୁ ଆସିଛି। ରୋଗୀଙ୍କ ଜୀବନକୁ ବାଜି ଲଗାଇଥିବା ଅର୍ଥଲୋଭୀ ଘରୋଇ ସ୍ବାସ୍ଥ୍ୟସେବା ସଂସ୍ଥା ପ୍ରତି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ବୁଦ୍ଧିଜୀବୀ।
ଅଗ୍ନିଶମ ବିଭାଗ ଡିଜିଙ୍କ ନିର୍ଦ୍ଦେଶକ୍ରମେ ଦିନତମାମ ରାଜ୍ୟ ଅଗ୍ନିଶମ ବିଭାଗର ବରିଷ୍ଠ କର୍ମକର୍ତ୍ତା ଏବଂ ଜିଲାସ୍ତରୀୟ ଅଧିକାରୀମାନେ ସହରରେ ଥିବା ଘରୋଇ ଚିକିତ୍ସାଳୟରେ ଛନ୍‌ଭିନ୍‌ କରିଥିଲେ। ଏଥିସହ ଅଗ୍ନି ନିରୋଧକ ସମ୍ପର୍କିତ ପଞ୍ଜୀକୃତ ସାର୍ଟିଫିକେଟ୍‌ ଓ କାଗଜପତ୍ର ଯାଞ୍ଚ କରାଯାଇଥିଲା। ବିଭିନ୍ନ ଘରୋଇ ନର୍ସିଂହୋମ୍‌ରେ ଅଗ୍ନି ନିରୋଧକ ଉପକରଣ ନାମକୁ ମାତ୍ର ପ୍ରଦର୍ଶନୀ ଭଳି ରଖାଯାଇଛି। ଉପକରଣ ବ୍ୟବହାର ସମ୍ପର୍କରେ ଅଧିକାରୀମାନେ ପଚାରିଥିଲେ। ତେବେ କର୍ମଚାରୀମାନେ ଏହାର ବ୍ୟବହାର ଜାଣି ନ ଥିବା କହିବା ପରେ ସୁରକ୍ଷାର ବାସ୍ତବ ଚିତ୍ର ପଦାକୁ ଆସିଛି। ଅଘଟଣ ଘଟିଲେ କିଭଳି ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସମ୍ପର୍କିତ ଉତ୍ତର ଦେବାରେ ମଧ୍ୟ ନର୍ସିଂହୋମ୍‌ କର୍ତ୍ତୃପକ୍ଷ କୁନ୍ଥୁକୁନ୍ଥୁ ହୋଇଥିଲେ। ଅଧିକାଂଶ ଘରୋଇ ଚିକିତ୍ସାଳୟଗୁଡ଼ିକରେ ଖଞ୍ଜା ଯାଇଥିବା ଅଗ୍ନି ନିରୋଧକ ସିଲିଣ୍ଡରଗୁଡିକର ଅବଧି ପୂରିଯାଇଥିବା ଯାଞ୍ଚ ସମୟରେ ଜଣାପଡ଼ିଥିଲା। ସେଗୁଡ଼ିକୁ ତୁରନ୍ତ ବଦଳାଇବାକୁ ନିର୍ଦ୍ଦେଶ ଦିଆଯାଇଛି।
କଟକ ରେଞ୍ଜ୍‌ର ଡେପୁଟି ଫାୟାର ଅଫିସର ତ୍ରୈଲୋକ ବାବୁଙ୍କ ନେତୃତ୍ୱ ଏବଂ ଢେଙ୍କାନାଳ ଅଗ୍ନିଶମ ବିଭାଗର ଅତିରିକ୍ତ ଫାୟାର ଅଫିସର ଉମାକାନ୍ତ ନାୟକଙ୍କ ସହଯୋଗରେ ଦଶଜଣିଆ ଦଳ ଚଢ଼ାଉ ସାମିଲ ହୋଇଥିଲେ। ସଦର ଥାନା ବଳଦିଆବନ୍ଧସ୍ଥିତ ଜଷ୍ଟିସ ଗତିକୃଷ୍ଣ ମିଶ୍ର ମେମୋରିଆଲ ଚକ୍ଷୁ ଚିକିତ୍ସାଳୟ, ସହରସ୍ଥିତ ଗୋପବନ୍ଧୁ ବଜାରରେ ଥିବା ଜଗନ୍ନାଥ ନର୍ସିଂ ହୋମ, ଦକ୍ଷିଣକାଳୀ ରୋଡ୍‌ରେ ଥିବା କଳିଙ୍ଗ ଚକ୍ଷୁ ଚିକିତ୍ସାଳୟ, ଲାଇଫ ଲାଇନ ମେଡିକାଲ ସେଣ୍ଟର, ଶାସନ ଛକସ୍ଥିତ ତୁଳସୀ ନର୍ସିଂ ହୋମ, ଦୀପାଳି ନର୍ସିଂହୋମ୍‌, ସାଇଶ୍ରୀ ଚକ୍ଷୁ ଚିକିତ୍ସାଳୟ, ଚନ୍ଦନ ବଜାରରେ ଥିବା ସାଇ ନର୍ସିଂହୋମ୍‌ ଏବଂ କାମାକ୍ଷାନଗର ଏନ୍‌ଏସିରେ ଥିବା ନର୍ସିଂ ହୋମ୍‌ଗୁଡ଼ିକୁ ଯାଞ୍ଚ କରାଯାଇଥିଲା।
ଯାଞ୍ଚ ପରେ ଅଧିକାରୀମାନେ କୌଣସି ପ୍ରତିକ୍ରିୟା ଦେବାକୁ ମନା କରିଦେବାସହ ତଦନ୍ତ ରିପୋର୍ଟ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କୁ ପ୍ରଦାନ କରାଯିବ ବୋଲି କହିଥିଲେ। ସମ୍‌ ହସ୍ପିଟାଲ ଅଗ୍ନିକାଣ୍ଡ ପରେ ଅଗ୍ନିଶମ ବିଭାଗ ପକ୍ଷରୁ ଜିଲା ମୁଖ୍ୟ ଚିକିତ୍ସାଳୟ ସମେତ ସହରର ବିଭିନ୍ନ ଘରୋଇ ନର୍ସିଂହୋମକୁ ଯାଞ୍ଚ କରାଯାଇଥିଲା। ହୁଗୁଳା ବ୍ୟବସ୍ଥା ଜଣାପଡ଼ିବା ସତ୍ତ୍ୱେ ଖିଲାପକାରୀଙ୍କ ବିରୋଧରେ ସେହି ସମୟରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିଲା। ଏହି ଚଢ଼ାଉ ପରେ ଦୋଷୀ ବିରୋଧରେ କେତେଦୂର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ତାହା ଦେଖିବାକୁ ବାକି ରହିଲା ବୋଲି ସଚେତନ ନାଗରିକମାନେ କହିଛନ୍ତି।

All Right Reserved By

ଅନଗୁଳ-ଢେଙ୍କାନାଳ

ଲିଙ୍କ୍‌ ଫେଲ: ବ୍ୟାଙ୍କ ଅଚଳାବସ୍ଥା

ବଇଣ୍ଡା,୯।୭(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା ଭାରତୀୟ ଷ୍ଟେଟ ବ୍ୟାଙ୍କରେ ସୋମବାର ଲିଙ୍କ୍‌ ଫେଲ ହୋଇଯାଇଛି। ଫଳରେ ବ୍ୟାଙ୍କରେ ଅଚଳାବସ୍ଥା ସୃଷ୍ଟି ହୋଇଛି।

ବିଦ୍ୟାଳୟର ବିକାଶ ପାଇଁ ପ୍ରସ୍ତୁତି ବୈଠକ

ବିଦ୍ୟାଳୟର ବିକାଶ ପାଇଁ ପ୍ରସ୍ତୁତି ବୈଠକ

ବଇଣ୍ଡା,୯।୭(ଡି.ଏନ.ଏ.)- ଅନୁଗୋଳ ଜିଲା କିଶୋରନଗର ବ୍ଲକ ବଇଣ୍ଡା ରାମଦେଓ ନୋଡ଼ାଲ ଉଚ୍ଚ ବିଦ୍ୟାଳୟ ଏବେ ଅବହେଳିତ ହୋଇ ରହିଛି। ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହୋଇ ପଡ଼ିଥିବାବେଳେ ବିଦ୍ୟାଳୟର କିଭଳି ବିକାଶ ହୋଇପାରିବ ଏ ନେଇ ପୁରାତନ ଛାତ୍ର ସଂସଦ ଓ ମୋ ସ୍କୁଲ ଅଭିଯାନ କମିଟି ପକ୍ଷରୁ ଉଦ୍ୟମ ଆରମ୍ଭ ହୋଇଛି।

ଘର ଯୋଗାଇ ଦେବାକୁ ଦାବି

ଘର ଯୋଗାଇ ଦେବାକୁ ଦାବି

ତାଳଚେର, ୧୬ା୭(ନି.ପ୍ର.)- ତାଳଚେର ପୌରାଞ୍ଚଳ ୧୬ ନମ୍ବର ୱାର୍ଡ ହରିଜନ ସାହିର କେତେଜଣ ଗରିବ ବାସିନ୍ଦା ଜମି ଓ ଘର ଯୋଗାଇ ଦେବାକୁ ସୋମବାର ତାଳଚେର ଉପଜିଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି।

ସର୍ପାଘାତରେ  ଖଣି କର୍ମଚାରୀ ମୃତ

ସର୍ପାଘାତରେ ଖଣି କର୍ମଚାରୀ ମୃତ

କଣିହାଁ,୧୬।୭(ଡି.ଏନ.ଏ.)- ଏମ୍‌ସିଏଲ କଣିହାଁ କୋଇଲା ଖଣି କର୍ମଚାରୀ ତେଲିସିଂହା ଗ୍ରାମର ମାଧବ ନାୟକ ସୋମବାର ସର୍ପାଘାତରେ ପ୍ରାଣ ହରାଇଛନ୍ତି।

ଦିନକର କାହାଣୀ: ବରା ଦେଇଛି ପରିଚୟ

ଦିନକର କାହାଣୀ: ବରା ଦେଇଛି ପରିଚୟ

ବରା ବିକି ପରିବାର ଚଳାଉଥିଲେ ବାପା। ପିଲାବେଳୁ ତାଙ୍କ ସହ ଦୋକାନରେ ରହି ବରା ତିଆରି କରିବା ଶିଖିଥିଲି। ବାପାଙ୍କ ପରେ ଏକା ମୋତେ ସେହି କାମ କରିବାକୁ ପଡ଼ିଲା। ୨୦ ପଇସାରେ ବିକୁଥିବା ବରା ଏବେ ୨ଟଙ୍କାରେ ବିକ୍ରି ହେଉଛି। ହେଲେ ବାପାଙ୍କ ଅମଳର ସେହି ପୁରୁଣା ସ୍ବାଦ ଏବେ ବି ମୋ ହାତ ତିଆରି ବରାରେ ଗ୍ରାହକଙ୍କୁ ମିଳୁଛି। ସେଥିପାଇଁ ଆଖପାଖ ଅଞ୍ଚଳରେ ଏକ ସ୍ବତନ୍ତ୍ର ପରିଚୟ ପାଇଛି ବୋଲି କହିଛନ୍ତି ଅନୁଗୋଳ ଜିଲା କୁମୁରିସିଙ୍ଗାର ସୁବାସ ସାହୁ।

ରାଜୀବ ଜେନା ଖୋଖୋ ଆସୋସିଏଶନ ଅଧ୍ୟକ୍ଷ

ବଅଁରପାଳ,୧୬।୭(ଡି.ଏନ.ଏ.)- ଅନୁଗୋଳ ଷ୍ଟାଡିୟମଠାରେ ଓଡ଼ିଶା ୭ ବ୍ଲକ ଖୋଖୋ ଆସୋସିଏଶନ ରବିବାର ଗଠିତ ହୋଇଛି। ଏଥିରେ ଓଡ଼ିଶାର ବିଭିନ୍ନ ଅଞ୍ଚଳରୁ ପ୍ରତିନିଧିମାନେ ଯୋଗ ଦେଇଥିଲେ। ଇଂ. ଅଜିତ କୁମାର ସାହୁଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା।

ଜିଲାସ୍ତରୀୟ ବ୍ୟାଡମିଣ୍ଟନ ଉଦ୍‌ଯାପିତ

ଜିଲାସ୍ତରୀୟ ବ୍ୟାଡମିଣ୍ଟନ ଉଦ୍‌ଯାପିତ

ବଅଁରପାଳ,୧୬।୭(ଡି.ଏନ.ଏ.)- ଅନୁଗୋଳ ବ୍ୟାଡ଼ମିଣ୍ଟନ ଅସୋସିଏଶନ ପକ୍ଷରୁ ଆୟୋଜିତ ଜିଲାସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା ରବିବାର ଉଦ୍‌ଯାପିତ ହୋେଇଯାଇଛି। ନାଲ୍‌କୋ ବ୍ୟାଡମିଣ୍ଟନ ହଲଠାରେ ଆୟୋଜିତ ଏହି ପ୍ରତିଯୋଗିତରେ ଜିଲାର ବିଭିନ୍ନ ପ୍ରାନ୍ତରୁ ୯୦ ପ୍ରତିଯୋଗୀ ଅଂଶଗ୍ରହଣ କରିଥିଲେ। ଏଥିରେ ୧୩ ବର୍ଷରୁ କମ ପ୍ରତିଯୋଗିତାରେ ଅନିର୍ବାଣ ସାମନ୍ତ ଚାମ୍ପିୟନ ହୋଇଛନ୍ତି। ଡବଲ୍ସରେ ଔରସ ମହାନ୍ତି ଓ ଚିତନ ସିହ୍ନାଙ୍କ ଯୋଡି ଚାମ୍ପିୟନ ହୋଇଛି। ୧୫ ବର୍ଷରୁ କମ୍‌ ସିଙ୍ଗିଲ୍ସରେ ସୁମିତ ପ୍ରଧାନ ଚାମ୍ପିୟନ ହୋଇଛନ୍ତି।

‘ପ୍ରଶିକ୍ଷଣ ନିଅ, ପ୍ରତିଷ୍ଠିତ ହୁଅ’

‘ପ୍ରଶିକ୍ଷଣ ନିଅ, ପ୍ରତିଷ୍ଠିତ ହୁଅ’

ଢେଙ୍କାନାଳ ଅଫିସ, ୧୬।୭- ସତ୍ୟ, ନିଷ୍ଠା, ସହଯୋଗ ମନୋବୃତ୍ତି ଯୁବପିଢ଼ିଙ୍କ ପ୍ରକୃତ ଶକ୍ତି। ଏହାକୁ ପୁଞ୍ଜି ପରି ଜଣେ ସଫଳତାର ଶୀର୍ଷରେ ପହଞ୍ଚତ୍ପାରିବ। ବର୍ତ୍ତମାନ ସମୟରେ ସ୍ବାବଲମ୍ବୀ ହେବା ଏକ ଆହ୍ବାନ। ଏହାକୁ ସରଳ କରିବାକୁ ଯୁବତୀଯୁବକଙ୍କ ପାଇଁ ସରକାରୀସ୍ତରରେ ପ୍ରଶିକ୍ଷଣ ଦିଆଯାଉଛି। ଉପଯୁକ୍ତ ତାଲିମ ନେଇ ସେମାନେ ପ୍ରତିଷ୍ଠିତ ହୋଇପାରିବେ ବୋଲି ଢେଙ୍କାନାଳ ଜିଲାପାଳ ନିଖିଲ ପଓ୍ବନ କଲ୍ୟାଣ କହିଛନ୍ତି। ଜିଲା ସରକାରୀ ଶିଳ୍ପ ତାଲିମ ଅନୁଷ୍ଠାନରେ ରବିବାର ବିଶ୍ୱ ଯୁବ ଦକ୍ଷତା ଦିବସ ପାଳନ ଅବସରରେ ମୁଖ୍ୟଅତିଥି ଭାବେ ଯୋଗଦେଇ ସେ ସତ୍ୟର ପଥ ଅନୁସରଣ କରିବାକୁ ଉପସ୍ଥିତ ଛାତ୍ରୀଛାତ୍ରଙ୍କ ମାର୍ଗଦର୍ଶନ କରାଇଥିଲେ।

ଆଖୁବାଡ଼ ଉଜାଡ଼ିଲେ ହାତୀ

ଆଖୁବାଡ଼ ଉଜାଡ଼ିଲେ ହାତୀ

ଓଡ଼ାପଡ଼ା, ୧୬।୭(ଡି.ଏନ.ଏ.)-ଢେଙ୍କାନାଳ ଜିଲା ହିନ୍ଦୋଳ ବ୍ଲକ ଖଜୁରିଆକଟା ବନଖଣ୍ଡ ଝାଡ଼ବନ୍ଧ ଗ୍ରାମରେ ଶନିବାର ରାତିରେ ଏକ ପଲରେ ୧୯ ହାତୀ ପଶି ବ୍ୟାପକ ଫସଲ ନଷ୍ଟ କରିଛନ୍ତି।

ବାଇକ୍‌ ଧକ୍କାରେ ବୃଦ୍ଧ ମୃତ

ବାଇକ୍‌ ଧକ୍କାରେ ବୃଦ୍ଧ ମୃତ

ଛେଣ୍ଡିପଦା,୧୬।୭(ସ୍ବ.ପ୍ର.)- ଅନୁଗୋଳ ଜିଲା ଛେଣ୍ଡିପଦାରୁ ବାଗଡିଆ ଯାଇଥିବା ଜାତୀୟ ରାଜପଥର ବଡଯୋରା ନାଳ ନିକଟରେ ଏକ ବାଇକ୍‌ ଧକ୍କାରେ ରବିବାର ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ମୃତକ ଜଣକ ପୋଡାପଡା ଗ୍ରାମର ସର୍ବେଶ୍ୱର ପ୍ରଧାନ(୬୦) ବୋଲି ଜଣାପଡିଛି।

କବିତା ଆବୃତ୍ତି ପ୍ରତିଯୋଗିତା: ରାଜ୍ୟରେ ଦ୍ୱିତୀୟ ସୂରଜ

କବିତା ଆବୃତ୍ତି ପ୍ରତିଯୋଗିତା: ରାଜ୍ୟରେ ଦ୍ୱିତୀୟ ସୂରଜ

ଢେଙ୍କାନାଳ ଅଫିସ,୧୬।୭- ଓଡ଼ିଆ ସାହିତ୍ୟ ଏକାଡେମୀ ପକ୍ଷରୁ ଆୟୋଜିତ କବିତା ଆବୃତ୍ତି ପ୍ରତିଯୋଗିତାରେ ଢେଙ୍କାନାଳ ମହର୍ଷି ଦୟାନନ୍ଦ ସର୍ଭିସ୍‌ ମିଶନ ଶିଶୁଗୃହର ଅନ୍ତେବାସୀ ସୂରଜ ବିଶ୍ୱାଳ ରାଜ୍ୟସ୍ତରରେ ଦ୍ୱିତୀୟସ୍ଥାନ ହାସଲ କରିଛନ୍ତି। ଜିଲାସ୍ତରୀୟ ପ୍ରତିଯୋଗିତାରେ ସେ ଶ୍ରେଷ୍ଠ ସ୍ଥାନ ହାସଲ କରି ରାଜ୍ୟସ୍ତରକୁ ମନୋନୀତ ହୋଇଥିଲେ।

ବେଆଇନ ଭାବେ ଚାଲିଛି ଆଧାର ଫଟୋ ଉଠା

ଭାପୁର, ୧୬ା୭(ଡି.ଏନ୍‌.ଏ.)- ଢେଙ୍କାନାଳ ସଦର ବ୍ଲକ ଭାପୁର ଛକ ୟୁକୋ ବ୍ୟାଙ୍କ ନିକଟରେ ଥିବା ଏକ ଘରେ ବେଆଇନ ଭାବେ ଅଧାର କାର୍ଡ ଫଟୋ ଉଠା ଯାଉଥିବା ଅଭିଯୋଗ ହୋଇଛି। ଏଥିପାଇଁ ଆଶାୟୀଙ୍କ ନିକଟରୁ ୨୦୦ରୁ ୫୦୦ଟଙ୍କା ପର୍ଯ୍ୟନ୍ତ ଆଦାୟ କରାଯାଉଥିବା ଚର୍ଚ୍ଚା ହେଉଛି। ୨୦୧୭ ଅକ୍ଟୋବରରୁ ୟୁଆଇଡିଏଆଇ ପକ୍ଷରୁ ଆଧାର ଫଟୋ ଉଠା ସମ୍ପର୍କରେ ନୂତନ ନିୟମ ଲାଗୁ କରାଯାଇଛି। କେବଳ ସରକାରୀ କାର୍ଯ୍ୟାଳୟରେ ଆଧାର ଫଟୋ ଉଠା ଏବଂ ସଂଶୋଧନ କରାଯାଇପାରିବ ବୋଲି କଡ଼ା ନିର୍ଦ୍ଦେଶ ରହିଛି।

Model This Week

ରୂପେଶ