ଉପକୂଳ ଓଡିଶା

ପାଇପ ଲାଇନରୁ ତେଲ ଚୋରି ଘଟଣା: ୫ ଗିରଫ

ପାଇପ ଲାଇନରୁ ତେଲ ଚୋରି ଘଟଣା: ୫ ଗିରଫ

ପାରାଦୀପ,୨୩।୧୨(ସ୍ବ.ପ୍ର.)- ପାରାଦୀପର ଇଣ୍ଡିଆନ ଅଏଲ ପାଇପଲାଇନରୁ ଅନବରତ ତେଲ ଚୋରି ହୋଇଥିଲା। ଉକ୍ତ ଘଟଣାରେ ଶନିବାର ପାରାଦୀପ ପୋଲିସ ୫ଜଣ ଚୋରା ତେଲ ବ୍ୟବସାୟୀଙ୍କୁ ଗିରଫ କରିଛି। ସେମାନଙ୍କଠାରୁ ଏକ ତେଲ ବୋଝେଇ ମୋଟର ବୋଟ ଓ ପାଇପକୁ କଣା କରୁଥିବା ସରଞ୍ଜାମ ଜବତ କରିଛି। ଅଭିଯୁକ୍ତମାନେ ହେଲେ ନିର୍ମଳ ହାଲଦାର, ଚଣ୍ଡି ବର୍ମନ, ସପନ ବର୍ମନ, ବିଷ୍ଣୁ ସରକାର ଓ ବଳରାମ ଦାସ। ଏହି ଅଭିଯୁକ୍ତମାନେ ପାରାଦୀପର ଅଠରବାଙ୍କି, ଲକପଡ଼ା, ବାଲିଝରା ଓ ଉଦୟବଟ ଗ୍ରାମର ବାସିନ୍ଦା। ଏ ସମ୍ପର୍କରେ ମେରାଇନ ଥାନାରେ ଦୁଇଟି ମାମଲା (୪/୧୭ ଓ ୭/୧୭), ପାରାଦୀପ ଟାଉନ ଥାନାରେ ଗୋଟିଏ ମାମଲା (୧୭୦/୧୭) ରୁଜୁ ହୋଇଛି।

All Right Reserved By

Model This Week

ନିକିତା

ଉପକୂଳ ଓଡିଶା

 ବଗପାଟିଆକୁ ଆସିଲେ ମା’ପଞ୍ଚୁବରାହି

ବଗପାଟିଆକୁ ଆସିଲେ ମା’ପଞ୍ଚୁବରାହି

ରାଜନଗର, ୨୦।୪(ଡି.ଏନ୍‌.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକର ବଙ୍ଗୋପସାଗର କୂଳରେ ଥିବା ମା’ପଞ୍ଚୁବରାହି ଠାକୁରାଣୀଙ୍କୁ ସ୍ଥାନାନ୍ତରିତ କରାଯାଇଛି। ମା’ଙ୍କ ପାଇଁ ବଗପାଟିଆଠାରେ ନିର୍ମାଣ କରାଯାଇଥିବା ନୂତନ ମନ୍ଦିରରେ ଶୁକ୍ରବାର ସନ୍ଧ୍ୟାରେ ପୂଜାର୍ଚ୍ଚନା କରି ଠାକୁରାଣୀଙ୍କୁ ସ୍ଥାପନ କରାଯିବ।

ନଳୀନିକାନ୍ତ ମହାନ୍ତିଙ୍କ ୬ଷ୍ଠ ଶ୍ରାଦ୍ଧବାର୍ଷିକି ପାଳନ

ନଳୀନିକାନ୍ତ ମହାନ୍ତିଙ୍କ ୬ଷ୍ଠ ଶ୍ରାଦ୍ଧବାର୍ଷିକି ପାଳନ

କେନ୍ଦ୍ରାପଡା ଅଫିସ,୨୦।୪: ପଟ୍ଟାମୁଣ୍ଡାଇ କଂଗ୍ରେସ କମିଟି ପକ୍ଷରୁ ଦିବଂଗତ ନେତା ନଳୀନିକାନ୍ତ ମହାନ୍ତିଙ୍କ ୬ଷ୍ଠ ବାର୍ଷିକ ଶ୍ରାଦ୍ଧ ଉତ୍ସବ ଶୁକ୍ରବାର ସକାଳ ୯ଟାରେ ସ୍ଥାନୀୟ କଂଗ୍ରେସ କାର୍ଯ୍ୟାଳୟଠାରେ ପାଳିତ ହୋଇଯାଇଛି।

ଯୁବକଙ୍କ ମୃତଦେହ ଉଦ୍ଧାର: ପରିବାର ପକ୍ଷରୁ ହତ୍ୟା ଅଭିଯୋଗ

ଯୁବକଙ୍କ ମୃତଦେହ ଉଦ୍ଧାର: ପରିବାର ପକ୍ଷରୁ ହତ୍ୟା ଅଭିଯୋଗ

ନୟାଗଡ଼ ଅଫିସ, ୨୦।୪: ନୟାଗଡ଼ ଜିଲା ସଦର ବ୍ଲକ ଗୁପ୍ତପଲ୍ଲୀ ନିକଟରେ ଥିବା ଏକ କେନାଲ କଡରୁ ଶୁକ୍ରବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ସେ ହେଲେ ଖୁଣ୍ଟୁବନ୍ଧ ପଞ୍ଚାୟତ ଗୁପ୍ତପଲ୍ଲୀ ଗ୍ରାମର ସୃଷ୍ଟିଦୀପ କୁମାର ନାୟକ(୨୬)।

ଦୁର୍ଘଟଣାରେ ଯୁବକ ମୃତ

ଦୁର୍ଘଟଣାରେ ଯୁବକ ମୃତ

ଛତିଆ,୨୦।୪(ଡି.ଏନ୍‌.ଏ.): ଯାଜପୁର ଜିଲା ବଇରି ଥାନା ଅନ୍ତର୍ଗତ ଛତିଆ କଳକଳା ପୂର୍ତ୍ତବିଭାଗ ରାସ୍ତା ସୋଲରଧବଳାଇ ଠାକୁରାଣୀ ଛକ ନିକଟରେ ଗତକାଲି ସନ୍ଧ୍ୟାରେ ଏକ ବାଇକ୍‌ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି।

କେନ୍ଦ୍ରୀୟ ଯୋଜନାର ସମୀକ୍ଷା କଲେ ୬ଜଣିଆ ଟିମ୍‌

ବିଞ୍ଝାରପୁର,୨୦।୪(ଡି.ଏନ.ଏ):ଏକ ୬ଜଣିଆ କେନ୍ଦ୍ରୀୟ ଦଳ ଗୁରୁବାର ବିଞ୍ଝାରପୁର ବ୍ଲକ ପରିଦର୍ଶନ ସହ ବ୍ଲକର ୬ଟି ରାଜସ୍ବ ଗ୍ରାମରେ ପହଞ୍ଚି କେନ୍ଦ୍ରୀୟ ଯୋଜନାର ସମୀକ୍ଷା କରିଥିଲେ। ବ୍ଲକର ୫୫ ପ୍ରତିଶତରୁ ଊର୍ଦ୍ଧ୍ୱ ଦଳିତ ଥିବା ଆଉଁରୀ, ରଘୁନାଥପୁର, ବିଦାପଡା, ରାଉତରା, ଶାସନପଡା, ଜରୀ, ଫଳପୁର ଆଦି ୬ଟି ରାଜସ୍ବ ଗ୍ରାମରେ କେନ୍ଦ୍ରୀୟ ଦଳ ପହଞ୍ଚି ସମୀକ୍ଷା କରିଥିଲେ। ବିଶେଷକରି ଗ୍ରାମ୍ୟ ସ୍ବରାଜ ଯୋଜନା ଅନ୍ତର୍ଗତ ଉଜାଲା ଯୋଜନାରେ ମାଗଣା ଏଲଇଡି ବଲବ ଓ ଗ୍ୟାସ ଯୋଗାଇବା, ବିଦ୍ୟୁତ ସେବା, ଜିରୋ ବାଲାନ୍ସରେ ଜମାଖାତା ଖୋଲିବା, ସ୍ବଚ୍ଛ ଭାରତ ଯୋଜନା କ୍ଷେତ୍ରରେ କେନ୍ଦ୍ରୀୟ ଦଳ ଗୁରୁତ୍ୱ ଦେଇଥିଲେ।

ଫଳକରେ ସୀମିତ ବଡ଼ଚଣା ଆଦର୍ଶ ବିଦ୍ୟାଳୟ

ଫଳକରେ ସୀମିତ ବଡ଼ଚଣା ଆଦର୍ଶ ବିଦ୍ୟାଳୟ

ଚଣ୍ଡିଖୋଲ,୨୦ ।୪(ଡି.ଏନ୍‌.ଏ.):ଗୁଣାମତ୍କ ଶିକ୍ଷାକୁ ଅଧିକ ଲୋକାଭିମୁଖୀ କରିବା ଏବଂ ଗରିବ ମେଧାବୀ ଛାତ୍ରୀଛାତ୍ରଙ୍କୁ ଉନ୍ନତମାନର ଶିକ୍ଷା ଦେବାପାଇଁ ରାଜ୍ୟ ସରକାର ପ୍ରତି ବ୍ଲକରେ ଆଦର୍ଶ ବିଦ୍ୟାଳୟ ପ୍ରତିଷ୍ଠା କରିବା ପାଇଁ ଘୋଷଣା କରିଥିଲେ। ମାତ୍ର ବଡ଼ଚଣା ବ୍ଲକରେ ଏହି ଆଦର୍ଶ ବିଦ୍ୟାଳୟ ନିର୍ମାଣ ହୋଇପାରୁନାହିଁ, ଯାହା କେବଳ ଫଳକରେ ସୀମିତ ରହିଥିବା ଦେଖିବାକୁ ମିଳିଛି । ଦୀର୍ଘ ୧ ବର୍ଷ ହେବ ଏହାର ଭିତ୍ତି ପ୍ରସ୍ତର ସ୍ଥାପନ କରାଯାଇଥିଲେ ମଧ୍ୟ ଅଦ୍ୟାବଧି ନିର୍ମାଣ କାମ ଆରମ୍ଭ ହୋଇନାହିଁ। ଫଳରେ ଶିକ୍ଷାରମ୍ଭକୁ ନେଇ ଆଶା ଆଶଙ୍କାରେ ପଡ଼ିଛନ୍ତି ଛାତ୍ରୀଛାତ୍ର ଓ ଅଭିଭାବକ ।

ହ୍ରାସ ପାଇବାରେ ଲାଗିଛି ପଞ୍ଚାୟତର ଆୟ

ରସୁଲପୁର,୨୦।୪(ଡି.ଏନ୍‌.ଏ.):ରସୁଲପୁର ବ୍ଲକର ୨୮ଟି ପଞ୍ଚାୟତର ୨୦୧୭-୧୮ ଆର୍ଥକ ବର୍ଷରେ ଆୟ ୭ଲକ୍ଷ,୯୦ହଜାର, ୭୨୫ଟଙ୍କା ରହିଛି। ପଞ୍ଚାୟତ ଗୁଡ଼ିକୁ ସ୍ବାବଲମ୍ବୀ କରିବା ପାଇଁ ସରକାର ଯୋଜନା କାର୍ଯ୍ୟକାରୀ ହେଉଛି। ହେଲେ ପଞ୍ଚାୟତର ନିଜସ୍ବ ଆୟର କଳେବରରେ ଆଖିଦୃଶିଆ ପରିବର୍ତ୍ତନ ଘଟୁନାହିଁ। ଏହି ବ୍ଲକର ୧୧ଟି ପଞ୍ଚାୟତର ବାର୍ଷିକ ଆୟ ୧୦ହଜାର ତଳକୁ ରହିଛି। ବ୍ଲକ ଅଧୀନରେ ୫ଟି ପଞ୍ଚାୟତରେ ବଳିଷ୍ଠ ଭିତ୍ତିଭୂମି ରହିଛି। ହେଲେ ରାଜସ୍ବ ଆଦାୟ ସନ୍ତୋଷଜନକ ହୋଇପାରୁନାହିଁ। ବ୍ଲକ ପ୍ରଶାସନ ଓ ପଞ୍ଚାୟତ ଅଧିକାରୀଙ୍କ ରାଜସ୍ବ ବୃଦ୍ଧି ଦିଗରେ କୌଣସି ଆନ୍ତରିକତା ଦେଖାଯାଉ ନାହିଁ।

ମଉଳିଗଲା ବିଶୁଦ୍ଧ ପାନୀୟ ଜଳ ଆଶା

ମଉଳିଗଲା ବିଶୁଦ୍ଧ ପାନୀୟ ଜଳ ଆଶା

ଯାଜପୁର ଅଫିସ,୨୦।୪ :ଯାଜପୁର ଜିଲାର ଦୁଇ ପ୍ରମୁଖ ସହର ଯାଜପୁର ଓ ବ୍ୟାସନଗରରେ ଲାଗି ରହିଥିବା ପାନୀୟ ଜଳ ସମସ୍ୟା ଚଳିତ ଗ୍ରୀଷ୍ମମାସ ପୂର୍ବରୁ ଦୂରୀଭୂତ ହେବ ବୋଲି ସହରବାସୀ ଆଶା ରଖିଥିଲେ। ହେଲେ ତାହା ସବୁ ଫସର ଫାଟିଛି। ବ୍ୟାସନଗର ପୌରାଞ୍ଚଳରେ ୨୦୧୧ ମସିହାରୁ ଅର୍ବାନ ଇନଫ୍ରାଷ୍ଟ୍ରକ୍ଚର ଡେଭଲପମେଣ୍ଟ ଫର ସ୍ମଲ ଆଣ୍ଡ ମିଡିୟମ ଟାଉନ (ୟୁଆଇଡିଏସଏମଟି) ଯୋଜନାରେ ୧୪.୫୧କୋଟି ଟଙ୍କା ବ୍ୟୟ ଅଟକଳରେ ଖରସ୍ରୋତା-ମୁଣ୍ଡମାଳା ଟ୍ରିଟମେଣ୍ଟ ପ୍ଲାନ ଆରମ୍ଭ ହୋଇଥିଲା।

ନୂତନ ପିସିସି ସଭାପତିଙ୍କୁ ଶୁଭେଛା

ଆଳି, ୨୦ ।୪ (ଡି.ଏନ.ଏ.)- ଅଲ୍‌ ଇଣ୍ଡିଆ କଂଗ୍ରେସ କମିଟି ସଭାପତି ରାହୁଳ ଗାନ୍ଧୀ ଓଡିଶାରେ କଂଗ୍ରେସକୁ ସୁଦୃଢ କରିବା ଲକ୍ଷ ନେଇ କଂଗ୍ରେସର ବରିଷ୍ଠ ନେତା ନିରଞ୍ଜନ ପଟ୍ଟନାୟକଙ୍କୁ ପିସିସି ସଭାପତି ଭାବେ ନିଯୁକ୍ତି ଦେଇଛନ୍ତି। ନିରଞ୍ଜନଙ୍କୁ ସଭାପତି କରାଯିବାପରେ ଆଳି ବ୍ଲକ ଅଞ୍ଚଳର କଂଗ୍ରେସ କର୍ମୀମାନଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି। ଆଳି ବ୍ଲକ କଂଗ୍ରେସ ପକ୍ଷରୁ ବ୍ଲକ କଂଗ୍ରେସ ସଭାପତି ପର୍ଶୁରାମ ରାଉତରାୟ ନିରଞ୍ଜନଙ୍କୁ ଶୁଭେଛା ଜଣାଇଛନ୍ତି।

୪ ବଖରା ଘର ଭସ୍ମୀଭୂତ

କେନ୍ଦ୍ରାପଡ଼ା ଅଫିସ,୨୦ ।୪- ନିକିରାଇ ଥାନା ଅନ୍ତର୍ଗତ କନ୍ତିଆ ଗ୍ରାମର ସଞ୍ଜୟ ବରାଳ ୪ ବଖରା ଗୁରୁବାର ପୋଡି ପାଉଁଶ ହୋଇଯାଇଛି। ରୋଷେଇ ଚୁଲାରୁ ଆକସ୍ମିକ ଅଗ୍ନିକାଣ୍ଡ ଘଟିଥିବା ବେଳେ ଘରର ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି। ଖବର ପାଇ କେନ୍ଦ୍ରାପଡା ଅଗ୍ନିଶମ ବିଭାଗର ସହକାରୀ ଅଗ୍ନିଶମ ଅଧିକାରୀ ବୀରଭଦ୍ର ଟୁଡୁ ଓ ମୁଖ୍ୟ ଆଗ୍ନିକ ରମେଶ ଚନ୍ଦ୍ର ବେହେରାଙ୍କ ନେତୃତ୍ୱରେ ମନୋହର ମହନ୍ତ, ଅକ୍ଷୟ କୁମାର ବେହେରା ୨ଟି ଗାଡି ଘଟଣା ସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ।

ପଦନିପାଳ ସ୍ଥିତି ପରଖିଲେ ବିଭାଗୀୟ ଅଧିକାରୀ

ଆଳି,୨୦ ।୪(ଡି.ଏନ.ଏ.)- ଆଳି ତଟବନ୍ଧ ବିଭାଗ ପକ୍ଷରୁ ନଦୀ ଓ ସମୁଦ୍ର ତଟବନ୍ଧ ସ୍ଥିତି ନିରୀକ୍ଷଣ ସପ୍ତାହ ଗତ ୧୫ ତାରିଖଠାରୁ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ବୁଧବାର ଆଳି ତଟବନ୍ଧ ବିଭାଗ ନିର୍ବାହୀଯନ୍ତ୍ରୀ ପୂର୍ଣ୍ଣଚନ୍ଦ୍ର ରଥ ଓ କେନ୍ଦ୍ରାପଡ଼ା ଉପ ଜିଲାପାଳ ସଞ୍ଜୟ କୁମାର ମିଶ୍ର, ରାଜକନିକା ତହସିଲଦାର ପଦୋଶ ଶୁଭଦର୍ଶନ ମହାନ୍ତି, ଆଳି ତଟବନ୍ଧ ବିଭାଗ ଉପ ନିର୍ବାହୀଯନ୍ତ୍ରୀ ପ୍ରଭାଶ କୁମାର ପ୍ରଧାନ ପ୍ରମୁଖ ନଦୀ ଘେରରେ ଥିବା ପଦନିପାଳ ଗ୍ରାମକୁ ସ୍ଥିତି ପରଖିଥିଲେ।

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମହାକାଳପଡା, ୧୯ା୪ (ଡି.ଏନ.ଏ.)- ମହାକାଳପଡା ବ୍ଲକ ଅଞ୍ଚଳର ପ୍ରମୁଖ ଶକ୍ତିପୀଠ ରାମନଗରସ୍ଥିତ ମା’ଦରିଆ ରାମଚଣ୍ଡୀ ପୀଠରେ ଚାଲିଥିବା ଝାମୁଯାତ୍ରା ଅବସରରେ ପଡ଼ିଥିବା ବିଭିନ୍ନ ଖାଇବା ଦୋକାନରେ ଗୁରୁବାର ଜିଲା ଜନ ସ୍ବାସ୍ଥ୍ୟ ଟିମ୍‌ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ବହୁ ଦୋକାନରୁ ବାସୀ ଓ ଖାଇବା ଅନୁପଯୋଗୀ ବହୁ ଖାଦ୍ୟ ଟିମ୍‌ ସଦସ୍ୟ ଫିଙ୍ଗି ଦେଇଥିଲେ। ଏଥିସହ ଖାଦ୍ୟରେ ରାସାୟନିକ ରଙ୍ଗ ବ୍ୟବହାର ପାଇଁ ଦୋମାନୀମାନଙ୍କୁ ବାରଣ କରିଥିଲେ। ଏହି ଟିମ୍‌ରେ ଜିଲା ଖାଦ୍ୟ ସୁରକ୍ଷା ଅଧିକାରିଣୀ ସମୀତା ଦାସ, କର୍ମଚାରୀ ଦିନବନ୍ଧୁ ବେହେରା ଓ ଶଙ୍କର୍ଷଣ ଦାସ ସାମିଲ ଥିଲେ।