ବାଲେଶ୍ୱର

ଜରିମାନା ନାହିଁ ତ ଖଣି ନାହିଁ

ଜରିମାନା ନାହିଁ ତ ଖଣି ନାହିଁ

କେନ୍ଦୁଝର ୨୩।୧୨ (ସ୍ବ.ପ୍ର.)- କେନ୍ଦୁଝର ଜିଲାରେ ଖଣି ଦୁର୍ନୀତିର ପର୍ଦ୍ଦାଫାଶ ହେବା ପରେ ଖଣି କମ୍ପାନୀ ଉପରେ ଧାର୍ଯ୍ୟ ହୋଇଥିବା ଜରିମାନା ଆଦାୟ ହୋଇ ପାରିନାହିଁ । ସର୍ବୋଚ୍ଚ ନ୍ୟାୟାଳକୟଙ୍କ କଡା ଆଭିମୁଖ୍ୟ ପରେ ଖଣି କମ୍ପାନୀମାନେ ଚିନ୍ତାରେ ପଡିଯାଇଛନ୍ତି। ଆସନ୍ତା ୩୧ ତାରିଖ ସୁଦ୍ଧା ଜରିମାନା ପଇଠ ନ କଲେ ହାତରୁ ଖଣି ଚାଲିଯିବ । ଏହି ପରିପ୍ରେକ୍ଷୀରେ ବଡ ବଡ ଖଣି ସଂସ୍ଥା ଜରିମାନା ପଇଠ ପାଇଁ ଉଦ୍ୟମ ଚଳାଇଥିବା ବେଳେ ଛୋଟ ଖଣି ସଂସ୍ଥା ଉପାୟ ଖୋଜୁଛନ୍ତି। ଅଦ୍ୟାବଧି ୪ଟି ଖଣି ସଂସ୍ଥା ଜରିମାନା ଅର୍ଥ ଜମା କରିସାରିଥିବା ଜଣାପଡିଛି। ଅନ୍ୟପକ୍ଷେ ଜରିମାନା ବାବଦ ବିପୁଳ ଅର୍ଥ ବକେୟା ପଡିଥିବାରୁ ଏହା ବିଭାଗର ଚିନ୍ତା ବଢାଇଛି। ଉଲ୍ଲେଖନୀୟ ଯେ, ଜିଲାର ବିଭିନ୍ନ ଖଣିରେ ୪୬ ହଜାର କୋଟି ଟଙ୍କାର ବେଆଇନ କାମ ହୋଇଥିବାର ଅଭିଯୋଗ ହୋଇଥିଲା। ପରବର୍ତ୍ତୀ ସମୟରେ ରାଜ୍ୟ ସରକାର ଏହାକୁ କମାଇ ୧୮ ହଜାର କୋଟି ଟଙ୍କା ଆଦାୟ କରିବା ଲାଗି କହିବାରୁ ଏହାକୁ ନେଇ ବିରୋଧ ଦଳ ବିରୋଧ କରିଥିଲେ। ଏପରି କି ଖଣି ସଂସ୍ଥା ପ୍ରତି ସରକାର କୋହଳ ମନୋଭାବ ପୋଷଣ କରୁଥିବା ଅନେକେ ପ୍ରଶ୍ନ ଉଠାଇଥିଲେ। ଜରିମାନା ଦେବାରୁ ବର୍ତ୍ତିବା ଲାଗି ଖଣି ସଂସ୍ଥା ମାଇନିଂ ଟ୍ରିବ୍ୟୁନାଲ ( ରିଭିଜନ ଅଥରିଟି) ର ଦ୍ୱାରସ୍ଥ ହୋଇଥିଲେ । କିନ୍ତୁ ସୁପ୍ରିମକୋର୍ଟ ଶତ ପ୍ରତିଶତ ଜରିମାନା ଆଦାୟ କରିବାକୁ ଆଦେଶ ଦେବା ପରେ ସମସ୍ତେ ନାଚାର ହୋଇଛନ୍ତି। କେନ୍ଦୁଝର ଜିଲାରେ ରାଜ୍ୟର ସର୍ବାଧିକ ୩୧.୩୩ ପ୍ରତିଶତ ଖଣି ରହିଛି । ଯୋଡା ଖଣି ମଣ୍ଡଳରେ ସର୍ବାଧିକ ୧୦୧ ଖଣି ଥିବା ବେଳେ କେନ୍ଦୁଝର ମଣ୍ଡଳରେ ୨୪ଟି ଖଣି ରହିଛି। ଏଥିରୁ ଯୋଡାରେ ୨୪ ଓ କେନ୍ଦୁଝର ମଣ୍ଡଳରେ ୩ ଖଣି ଏବେ କାର୍ଯ୍ୟକ୍ଷମ ରହିଛି । ୮୭ ଖଣି କାର୍ଯ୍ୟକ୍ଷମ ନ ଥିବା ବେଳେ ୧୦ଟି ଅସ୍ଥାୟୀ ଭାବେ ବନ୍ଦ ରହିଛି। ଗୋଟିଏ ଖଣିକୁ ସରେଣ୍ଡର କରାଯାଇଛି। ଅସ୍ଥାୟୀ ଭାବରେ ଖଣିଜପଥର ପରିବହନ ପାଇଁ ଗୋଟିଏ ମାତ୍ର ଖଣିକୁ ଅନୁମତି ମିଳିଛି। ଖଣି ଦୁର୍ନୀତି ନେଇ ଖୋଳତାଡ ପରେ ଏହି ଜିଲାରେ ଖଣି ଇଲାକାର ଦୃଶ୍ୟପଟ ବଦଳି ଯାଇଛି। ସୂଚନା ଅନୁୟାୟୀ ବେଆଇନ ଖଣି କାମ ହୋଇଥିବାରୁ ସାରଦା କମ୍ପାନୀ ଉପରେ ୧୯୮୩.୮୬ କୋଟି, ଏସେଲ ମାଇନିଂ ଉପରେ ୧୧୦୨.୬୩ କୋଟି, ମେସ୍କୋ ଉପରେ ୯୨୪.୭୫ କୋଟି, ପଟ୍ଟନାୟକ ମିନେରାଲ ଉପରେ ୪୮୦.୧୪ କୋଟି, ଜରିମାନା ଧାର୍ଯ୍ୟ କରାଯାଇଛି। ସେହିପରି ଓଏମସି ଉପରେ ୨୧୭୭.୯୬ କୋଟି, ଆରପି ସାଓ ୧୧୨୭.୦୧ କୋଟି, ସିରାଜଉଦ୍ଦିନ ଉପରେ ୭୫୫.୨୪ କୋଟି, କେଜେଏସ ଆହୁଲଓାଲିଆ ୭୧୯.୧୯ କୋଟି, ବିପିଏମଇ ଉପରେ ୮୩୮.୦୮ କୋଟି, ରୁଙ୍ଗଟା ମାଇନସ ଉପରେ ୨୯୧.୪୨ କୋଟି, ଟିସ୍କୋ ଉପରେ ୬୧୪.୪୧ କୋଟି, ଓଏମଡିସି ଉପରେ ୬୪୨.୯୪ କୋଟି ଜରିମାନା ହୋଇଛି। ଇନ୍ଦ୍ରାଣୀ ପଟ୍ଟନାୟକ ଖଣି ଉପରେ ୧୬୧.୩୫ କୋଟି, ରୁଙ୍ଗଟା ସନ୍ସ ଉପରେ ୩୬୬.୭୯ କୋଟି, ଏମଏଲ ରୁଙ୍ଗଟା ୧୦୬.୧୩ କୋଟି, କେଏମସି ଉପରେ ୨୦୧.୦୯ କୋଟି , ଗୀତାଞ୍ଜଳି ମହାନ୍ତି ଖଣି ଉପରେ ୧୮୫.୯୫ କୋଟି ଜରିମାନା ହୋଇଥିବା ବେଳେ ଗନ୍ଧମାର୍ଦ୍ଦନ ସ୍ପଞ୍ଜ ଆଇରନ ଲିଃ ଉପରେ ୨୭୩.୧୨ କୋଟି, ବିକେ ମହାନ୍ତି ଖଣି ଉପରେ ୩୮୪.୭୫ କୋଟି, ନ୍ୟାଶନାଲ ଇଣ୍ଟରପ୍ରାଇଜେସ ଉପରେ ୪୦୨.୧୨ କୋଟି ଟଙ୍କା ଜରିମାନା ଅନାଦେୟ ହୋଇ ପଡିଛି। ଅନୁରୂପ ଭାବେ ଡ. ସରୋଜିନୀ ପ୍ରଧାନ ଖଣି ଉପରେ ୨୧୬.୮୬ କୋଟି, କେଏନ ରାମ ଉପରେ ୨୩୬.୩୬ କୋଟି, ମାଲ ରାୟ ଖଣି ଉପରେ ୨୨୩.୫୭ କୋଟି, ଜିନ୍ଦଲ ଉପରେ ୧୩୭.୮୨ କୋଟି, କେପି ଏଣ୍ଟରପ୍ରାଇଜେସ ଉପରେ ୧୯୮.୧୮ କୋଟି, ଡିଆର ପଟ୍ଟନାୟକ ଖଣି ଉପରେ ୭୪.୦୧ କୋଟି, ଏଏମଟିସି ଉପରେ ୧୪୬.୪୩ କୋଟି, ଏସଏନ ମହାନ୍ତି ଖଣି ଉପରେ ୧୫୧.୦୬ କୋଟି, ଜେଏନ ପଟ୍ଟନାୟକ ଖଣି ଉପରେ ୧୨୩.୮୭ କୋଟି, ଏଚ୍‌ଜି ପାଣ୍ଡିଆ ଖଣି ଉପରେ ୮୬.୪୧ କୋଟି, ବିସି ଦେବ ଖଣି ଉପରେ ୧୧୬. ୮୪ କୋଟ ଜରିମାନା କରାଯାଇଛି। ସେହିପରି ଟିବି ଲାଲ ଖଣି ଉପରେ ୯୩.୦୪ କୋଟି, ଏମଜି ମହାନ୍ତି ଖଣି ଉପରେ ୩୨.୬୭ କୋଟ ଏବଂ ଅର୍ଜୁନ ଲୋଧା ଖଣି ଉପରେ ୬୩.୪୩ କୋଟି ଜରିମାନା ଧାର୍ଯ୍ୟ ହୋଇଥିବା ଜଣାପଡିଛି । ଅଦ୍ୟାବଧି ମାତ୍ର ୪ ଖଣି ସଂସ୍ଥା ଜରିମାନା ଅର୍ଥ ଜମା କରିସାରିଥିବା ବେଳେ ଅନ୍ୟମାନଙ୍କ ହାତରେ ଆଉ ମାତ୍ର ଏକ ସପ୍ତାହ ସମୟ ରହିଛି। ସୂଚନାଯୋଗ୍ୟ ଯେ ମାଇନିଂ ଆଣ୍ଡ ମିନେରାଲ ଡେଭେଲପମେଣ୍ଟ ଆକ୍ଟ ସେକ୍ସନ ୨୧(୫) ରେ ଏହି ଜରିମାନା ଆଦାୟ କରାଯାଉଛି। ଜରିମାନା ଦେବା ସମୟ ପାଖେଇ ଆସୁଥିବାରୁ ଖଣିସଂସ୍ଥାଗୁଡିକ ଲାଗି ଏଥର ବଡଦିନ ଓ ନବବର୍ଷ ଉତ୍ସବ ପାଳନ ଫିକା ପଡିଯାଇଛି।

All Right Reserved By

ବାଲେଶ୍ୱର

ଖେଳାଳି ଚୟନରେ ପାତରଅନ୍ତର

ଖେଳାଳି ଚୟନରେ ପାତରଅନ୍ତର

କେନ୍ଦୁଝର, ୨୨ା୬(ସ୍ବ.ପ୍ର): କେନ୍ଦୁଝର ଜିଲାରେ ପ୍ରୋତ୍ସାହନ ଅଭାବରୁ କ୍ରୀଡ଼ା କ୍ଷେତ୍ର ଅବହେଳିତ ହୋଇରହିଛି। ବହୁ ପ୍ରତିଭାବାନ ଖେଳାଳି ଜିଲାରେ ରହିଥିଲେ ହେଁ ଉପଯୁକ୍ତ ଚୟନ ଅଭାବରୁ ଏବଂ ପାତରଅନ୍ତର କାରଣରୁ ଖେଳିବାର ସୁବିଧା ପାଉନାହାନ୍ତି। ଏପରିକି ବହୁ ଅଲୋଡା ଖେଳାଳି ଅନ୍ୟ ଜିଲା ଓ ରାଜ୍ୟରୁ ଖେଳି ବେଶ ନାମ କମାଉଛନ୍ତି। ଫଳରେ କେନ୍ଦୁଝର ଜିଲା ବାହାରେ ସଭଳି ସଫଳତା ଲାଭ କରିପାରୁନାହିଁ ବୋଲି ଅଭିଯୋଗ ହୋଇଛି।

ସେବା ଯୋଗାଇ ପାରୁନି ରକ୍ତଭଣ୍ଡାର

କେନ୍ଦୁଝର, ୨୨ା୬(ସ୍ବ.ପ୍ର.): କେନ୍ଦୁଝର ଜିଲା ମୁଖ୍ୟ ଡାକ୍ତରଖାନାରେ ରେଡ୍‌କ୍ରସ ଅଧୀନରେ ଚାଲିଥିବା ରକ୍ତଭଣ୍ଡାରରେ ନାନା ସମସ୍ୟା ଦେଖାଦେଇଛି। ଉକ୍ତ ରକ୍ତଭଣ୍ଡାର ରୋଗୀଙ୍କୁ ରକ୍ତ ଯୋଗାଇ ପାରୁନି। ଫଳରେ ରୋଗୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। ସ୍ବାସ୍ଥ୍ୟସେବାରେ ରକ୍ତଭଣ୍ଡାରର ଗୁରୁତ୍ୱ ଅଧିକ। ଦୁର୍ଘଟଣା, ସିକିଲସେଲ, ଥାଲାସେମିଆ ତଥା ରକ୍ତହୀନତା ଆଦି ରୋଗୀଙ୍କ ଚିକିତ୍ସା ପାଇଁ ରକ୍ତ ମିଳୁନି।

ଠାକୁରଙ୍କ ଜମି ଠକେଇ ଜାଲିଆତି

କେନ୍ଦୁଝର, ୨୨ା୬(ସ୍ବ.ପ୍ର.): କେନ୍ଦୁଝର ଜିଲାରେ ଦେବୀଦେବଙ୍କ ଜମି ଜବରଦଖଲ, ବେଆଇନ କିଣାବିକା ଚାଲିଛି। ଏ ନେଇ ବାରମ୍ବାର ଅଭିଯୋଗ ହେଉଥିଲେ ହେଁ ପ୍ରଶାସନ ସେସବୁ ଜମିର ସୁରକ୍ଷା କରିପାରୁ ନ ଥିବାରୁ ବହୁ ଟଙ୍କାର ଭୂସମ୍ପତ୍ତି ବେଆଇନ ଜବରଦଖଲ ଓ କିଣାବିକା ହେଉଥିବାରୁ ଅସନ୍ତୋଷ ପ୍ରକାଶ ପାଉଛି। ଏଭଳି କେନ୍ଦୁଝର ସହରରେ ଠାକୁରଙ୍କ ଜମିକୁ ବେଆଇନ ଭାବେ ଠକି ବିକିଥିବା ନେଇ ଏକ ମାମଲା ଟାଉନ ଥାନାରେ ହୋଇଛି।

ଜେଲରୁ ଚାଲିଛି ଅପରାଧ ନିୟନ୍ତ୍ରଣ

ଜେଲରୁ ଚାଲିଛି ଅପରାଧ ନିୟନ୍ତ୍ରଣ

ଭଦ୍ରକ ଅଫିସ,୨୨।୬- ଭଦ୍ରକର ପୁରାତନ ସବ୍‌ଜେଲ ବିଭିନ୍ନ ସମୟରେ ଚର୍ଚ୍ଚାରେ ରହି ଆସିଛି। ସୀମିତ କର୍ମଚାରୀ ଓ ସ୍ବଳ୍ପ ଜାଗାରେ ଏହି ଉପକାରାଗାର ଚାଲିଥିବାରୁ ଏହା ବିଭିନ୍ନ ସମସ୍ୟାରେ ଛନ୍ଦି ହୋଇ ପଡିଛି। ସବ୍‌ଜେଲ ସ୍ଥାନାନ୍ତର ଯୋଜନା ଏଯାଏ ଅଧୁରା ହୋଇ ରହିଛି। ଆବଶ୍ୟକତାଠାରୁ ଦୁଇଗୁଣା କଏଦୀ ଏଠାରେ ରହୁଛନ୍ତି। ସୀମିତ ୱାର୍ଡର ଓ କର୍ମଚାରୀଙ୍କୁ ନେଇ ୩ ଶିପ୍ଟରେ ସୁରକ୍ଷା ବ୍ୟବସ୍ଥା କରାଯାଉଛି। ଏହାର ସୁଯୋଗ ନେଇ ଜେଲ୍‌ରେ ଥିବା କେତେକ କଏଦୀ ଜେଲ୍‌ ବାହାରେ ସେମାନଙ୍କ ଆପରାଧିକ କାର୍ଯ୍ୟ ପରିଚାଳନା କରୁଥିବା ସୂଚନା ମିଳିଛି। ଏବେ ଜେଲ୍‌ରେ ଲାଗାଯାଇଥିବା ସିସିଟିଭି ଜରିଆରେ କଏଦୀଙ୍କ ଗତିବିଧି ଲକ୍ଷ୍ୟ କରାଯାଉଛି ଏବଂ ଏହାଦ୍ୱାରା ସେମାନଙ୍କ କାର୍ଯ୍ୟକଳାପକୁ ନିୟନ୍ତ୍ରଣ କରିହେବ ବୋଲି କର୍ତ୍ତୃପକ୍ଷ କହିଛନ୍ତି।

ମୌସୁମୀ ପ୍ରବାହ ବିଳମ୍ବିତ, ଚିନ୍ତାରେ ଚାଷୀ

ମୌସୁମୀ ପ୍ରବାହ ବିଳମ୍ବିତ, ଚିନ୍ତାରେ ଚାଷୀ

ଚାନ୍ଦବାଲି,୨୨।୬(ଡି.ଏନ.ଏ.)-ଭଦ୍ରକ ଜିଲାର ଉପକୂଳବର୍ତ୍ତୀ ଚାନ୍ଦବାଲି ବ୍ଲକ ଏକ କୃଷିପ୍ରଧାନ ଅଞ୍ଚଳ। ଏହାକୁ ଜିଲାର ଭାତହାଣ୍ଡି କୁହାଯାଏ। ହେଲେ ଜଳସେଚନ ସୁବିଧା ଅଭାବରୁ ଏହି ଅଞ୍ଚଳର ଚାଷୀ ବର୍ଷା ଉପରେ ନିର୍ଭର କରି ଖରିଫ ଧାନ ଚାଷ କରିଥାନ୍ତି। କଁା ଭଁା କେତେଜଣ ଚାଷୀ ନଦୀ ପାଖ ଅଞ୍ଚଳରେ ଖରାଟିଆ ଡାଳୁଅ ଧାନ ଚାଷ କରିଥାନ୍ତି। କୃଷି ବିଭାଗ ପକ୍ଷରୁ ଏଥର ଖରିଫ ଋତୁରେ ଏହି ବ୍ଲକରେ ୩୩ ହଜାର ୭୦ ହେକ୍ଟର ଜମିରେ ଧାନ ଚାଷ ପାଇଁ ଲକ୍ଷ୍ୟ ରଖାଯାଇଛି। ସେଥିମଧ୍ୟରୁ ୩୧ ହଜାର ୨ଶହ ୭୦ ହେକ୍ଟରରେ ଅଧିକ ଅମଳକ୍ଷମ ଓ ୧ ହଜାର ୮ଶହ ହେକ୍ଟର ଜମିରେ ଦେଶୀଧାନ ଚାଷ ହେବ।

ବଳାତ୍କାର ପରେ ବ୍ଲାକମେଲିଂ ମାମଲା:ଗେଷ୍ଟ ହାଉସ ଚିହ୍ନଟ କଲେ ପୀଡ଼ିତା

ବଳାତ୍କାର ପରେ ବ୍ଲାକମେଲିଂ ମାମଲା:ଗେଷ୍ଟ ହାଉସ ଚିହ୍ନଟ କଲେ ପୀଡ଼ିତା

ଭଦ୍ରକ ଅଫିସ,୨୨।୬-ବଳାତ୍କାର ଓ ବ୍ଲାକମେଲିଂର ଶିକାର ହୋଇଥିବା ଦୁଇ ପୀଡ଼ିତା ନାବାଳିକାଙ୍କୁ ନେଇ ଭଦ୍ରକ ଟାଉନ ଥାନା ପୋଲିସ ଗୁରୁବାର ସେମାନଙ୍କୁ ରଖାଯାଇଥିବା ଦୁଇଟି ଗେଷ୍ଟ ହାଉସକୁ ଚିହ୍ନଟ କରିଛି। ଦୁଇଜଣ ଗାଡ଼ି ଡ୍ରାଇଭର ସେମାନଙ୍କୁ ପ୍ରଲୋଭିତ କରି ଭଦ୍ରକ ନେଇ ଆସି ଉକ୍ତ ଗେଷ୍ଟ ହାଉସରେ ରଖି ବଳାତ୍କାର କରି ଏହାର ଭିଡିଓ ରେକର୍ଡିଂ କରିଥିଲେ। ସମ୍ପୃକ୍ତ ନାବାଳିକାଙ୍କ ଅଭିଯୋଗ ଅନୁଯାୟୀ ପୋଲିସ ମାମଲା ରୁଜୁ କରି ଗେଷ୍ଟ ହାଉସ ଚିହ୍ନଟ କରି ସେଠାରୁ କେତେକ କାଗଜପତ୍ର ଜବତ କରିଛି।

ବଜ୍ରପାତରେ ଜଣେ ମୃତ

ବଜ୍ରପାତରେ ଜଣେ ମୃତ

ଖୁଣ୍ଟା,୨୨।୬(ଡି.ଏନ.ଏ.)-ଖୁଣ୍ଟା ଥାନା ଅଧୀନ ରଙ୍ଗମାଟିଆ ଗ୍ରାମରେ ଗୁରୁବାର ବଜ୍ରପାତରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ମୃତକ ହେଲେ ସମନାଥ ହଁାସଦା। ସେ ମଧ୍ୟାହ୍ନରେ ନିଜ ଘର ବାରଣ୍ଡାରେ ବସିଥିଲେ। ଏହି ସମୟରେ ହଠାତ୍‌ ବଜ୍ରପାତ ମାରିବାରୁ ସେ ଅଚେତ ପଡିଥିଲେ। ପରିବାର ଲୋକେ ତାଙ୍କୁ ସଙ୍ଗେ ସଙ୍ଗେ ଖୁଣ୍ଟା ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖୁଣ୍ଟା ପୋଲିସ ପହଞ୍ଚତ୍ ମୃତଦେହ ଜତବ କରି ବ୍ୟବଚ୍ଛେଦ ପାଇଁ ପଠାଇଛି। ଏନେଇ ଥାନାରେ ଏକ ଅପମୃତ୍ୟୁ ମାମଲା (ନଂ ୧୨/୧୮) ରୁଜୁ ହୋଇଛି।

ବିଦ୍ୟୁତ୍‌  ଆଘାତରେ ଜଣେ ମୃତ

ବିଦ୍ୟୁତ୍‌ ଆଘାତରେ ଜଣେ ମୃତ

କୁଳିଅଣା,୨୨।୬(ଡି.ଏନ.ଏ.)-ମୟୂରଭଞ୍ଜ ଜିଲା କୁଳିଅଣା ଥାନା ଅନ୍ତର୍ଗତ ଜାମପଦା ଗ୍ରାମର ଜନଦୂରୀ ମୁର୍ମୁ ନାମକ ବ୍ୟକ୍ତିଙ୍କର ଗୁରୁବାର ବିଦ୍ୟୁତ୍‌ ତାର ସଂସ୍ପର୍ଶରେ ଆସି ପ୍ରାଣ ହରାଇଛନ୍ତି। ପରିବାର ଲୋକେ ଚିକିତ୍ସରା ନିମନ୍ତେ ତାଙ୍କୁ ପିଆରଏମ ମେଡିକାଲ କଲେଜରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ ତାଙ୍କ କୁଳିଅଣା ଥାନା ପୋଲିସ ଏକ ଅପମୃତ୍ୟୁ ମାମଲା (ନଂ. ୨୫/୧୮) ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇଛି।

 ମୁହଁ ଫେରାଇଲେଣି ସବାଇଘାସ ଚାଷୀ

ମୁହଁ ଫେରାଇଲେଣି ସବାଇଘାସ ଚାଷୀ

ବଡ଼ସାହି,୨୨।୬(ସ୍ବ.ପ୍ର)- ମୟୂରଭଞ୍ଜ ଜିଲା ବଡସାହି ବ୍ଲକର ବହୁ ଲୋକ ପୂର୍ବରୁ ସବାଇଘାସରୁ ଦଉଡି ପ୍ରସ୍ତୁତ କରି ପରିବାର ପୋଷଣ କରିଥିଲେ। ସମୟର ପରିବର୍ତ୍ତନ ସହ କମ୍‌ ଦାମରେ ଏବେ ପ୍ଲାଷ୍ଟିକ ଦଉଡି ମିଳୁଥିବାରୁ ଘାସରୁ ପ୍ରସ୍ତୁତ ଦଉଡି ଅଲୋଡା ହେଲାଣି ା ଫଳରେ ଏହା ଉପରେ ନିର୍ଭର କରୁଥିବା ଚାଷୀ ଏବେ ସେଥିରୁ ମୁହଁ ଫେରାଇଲେଣି ା

ପରିଚୟ ହରାଇଛି ‘ବ୍ୟାଣ୍ଡ ଷ୍ଟାଣ୍ଡ ଛକ’

ପରିଚୟ ହରାଇଛି ‘ବ୍ୟାଣ୍ଡ ଷ୍ଟାଣ୍ଡ ଛକ’

ବାରିପଦା ଅଫିସ,୨୨।୬- ଐତିହ୍ୟ ଓ ପୁରାତନ ସଂସ୍କୃତିର ସୁରକ୍ଷା ଓ ସଂରକ୍ଷଣ ପାଇଁ ଗୁରୁତ୍ୱ ଦିଆଯାଉଥିବା ବେଳେ ମୟୂରଭଞ୍ଜ ଗଡଜାତ ସମୟର ସ୍ମୃତି ବହନ କରୁଥିବା ଅନେକ ଐତିହାସିକ ସ୍ଥାନ ଆଜି ପରିଚୟ ହରାଇ ବସିଛି। ଏଭଳି କେତେକ ସ୍ଥାନ ମଧ୍ୟରୁ ବାରିପଦା ସହରର ‘ବ୍ୟାଣ୍ଡ ଷ୍ଟାଣ୍ଡ ମଣ୍ଡପ’ ଅନ୍ୟତମ। ରାଜ ଶାସନ ସମୟରେ ଏହି ସ୍ଥାନରେ ନିିର୍ମିତ ଏକ ସୁସଜ୍ଜିତ ମଣ୍ଡପରେ ‘ମୟୂରଭଞ୍ଜ ଷ୍ଟେଟ ବ୍ୟାଣ୍ଡ ’ କର୍ମଚାରୀ ମୁତୟନ ରହୁଥିଲେ। ସହରକୁ ଆସୁଥିବା ଅତିଥିମାନଙ୍କୁ ସେମାନେ ବ୍ୟାଣ୍ଡ ବାଜା ବଜାଇ ସ୍ବାଗତ କରୁଥିଲେ ।

ମହିଳାଙ୍କୁ ଅପହରଣ ପରେ ବଳାତ୍କାର ଘଟଣା, ୨ ଗିରଫ

ମହିଳାଙ୍କୁ ଅପହରଣ ପରେ ବଳାତ୍କାର ଘଟଣା, ୨ ଗିରଫ

ବସ୍ତା,୨୨।୬(ସ୍ବ.ପ୍ର.)-ବାଲେଶ୍ୱର ଜିଲା ବସ୍ତା ଥାନା ଅଞ୍ଚଳରେ ଜଣେ ବିବାହିତା ମହିଳାଙ୍କୁ ଅପହରଣ ପରେ ବଳାତ୍କାର କରାଯାଇଥିବା ନେଇ ଥାନାରେ ଲିଖିତ ଅଭିଯୋଗ ହୋଇଥିଲା। ପୋଲିସ ଅଭିଯୋଗକୁ ଭିତ୍ତି କରି ୨ଜଣଙ୍କୁ ଗିରଫ କରିଛି। ଉକ୍ତ ମହିଳା ଗତ ୧୪ତାରିଖରେ ନିଜ ବାପ ଘର ସିଂଲା ଥାନା ଅଞ୍ଚଳକୁ ଚାଲି ଚାଲି ଯାଉଥିବା ବେଳେ ମଚ୍ଛଦା ଗ୍ରାମର ଅଜୟ ବାଗ ଓ ସଞ୍ଜୀବ ସାମଲ ସେହି ରାସ୍ତା ଦେଇ ଏକ ବାଇକ୍‌ରେ ଯାଉଥିଲେ। ସ୍ଥାନୀୟ ଗାଁର ଯୁବକଦ୍ୱୟଙ୍କ ଚିହ୍ନା ହୋଇଥିବାରୁ ସେମାନେ ତାଙ୍କୁ ବାଇକ୍‌ରେ ନେଇ ବାପଘରେ ଛାଡିଦେବେ ବୋଲି କହିଥିଲେ। ମହିଳାଜଣକ ତାଙ୍କ ଉପରେ ବିଶ୍ୱାସ କରି ବାଇକ୍‌ରେ ବସିଥିଲେ। ମାତ୍ର ଅଭିଯୁକ୍ତଦ୍ୱୟ ଉକ୍ତ ମହିଳାଙ୍କୁ ବାଇକ୍‌ରେ ଦ୍ରୁତଗତିରେ ଅଜଣା ସ୍ଥାନକୁ ନେଇଯାଇ ବଳାତ୍କାର କରିଥିଲେ। ୨ ଦିନ ପରେ ମହିଳାଙ୍କୁ ତାଙ୍କ ଗାଁରେ ଛାଡିଦେଇ ଫେରାର ହୋଇ ଯାଇଥିଲେ। ଏହି ଘଟଣାକୁ ନେଇ ପୀଡିତା ବସ୍ତା ଥାନାରେ ଅଭିଯୋଗ ପରେ ବସ୍ତା ପୋଲିସ ଏକ ମାମଲା(ନଂ. ୧୭୯/୧୮) ରୁଜୁ କରି ୨ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ।

ଯୁବକଙ୍କଠାରୁ ଟଙ୍କା, ସୁନାଚେନ୍‌ ଲୁଟ୍‌

ଯୁବକଙ୍କଠାରୁ ଟଙ୍କା, ସୁନାଚେନ୍‌ ଲୁଟ୍‌

ବସ୍ତା, ୨୨।୬(ସ୍ବ.ପ୍ର.)-ବସ୍ତା ଥାନା ତାଡଦା ପଞ୍ଚାୟତର ଶ୍ୟାମରାଇପୁର ଗ୍ରାମର ଜଣେ ବ୍ୟକ୍ତିଙ୍କଠାରୁ ସେହି ଗ୍ରାମର ୨ ଜଣ ଯୁବକ ମାରଣାସ୍ତ୍ର ଦେଖାଇ ବଳପୂର୍ବକ ୁ ଟଙ୍କା ଓ ସୁନାଚେନ୍‌ ଲୁଟି ନେଇଥିବା ଥାନାରେ ଅଭିଯୋଗ ହୋଇଛି। ବୁଧବାର ରାତିରେ ଏହି ଗ୍ରାମର ଗୌରୀପ୍ରସାଦ ପାଳ ଏକ ବାଇକ୍‌ ଯୋଗେ ଘର ଅଭିମୁଖେ ଯାଉଥିବା ବେଳେ ଏକ ବିବାହ ଶୋଭାଯାତ୍ରାରେ ଆସିଥିବା କେତେକ ଯୁବକ ବୋଲେରୋ ଦ୍ୱାରା ରାସ୍ତା ଅବରୋଧ କରି ମଦ୍ୟପାନ କରୁଥିଲେ। ଦୀର୍ଘ ସମୟ ଅପେକ୍ଷା ପରେ ଗୌରୀପ୍ରସାଦ ରାସ୍ତା ଛାଡିବାକୁ ଉକ୍ତ ଯୁବକମାନଙ୍କୁ ଅନୁରୋଧ କରିଥିଲେ। ଶ୍ୟାମରାଇପୁର ଗ୍ରାମର ଲକ୍ଷ୍ମଣ ସିଂ, ସୁବାସ ଦେ ତାଙ୍କୁ ଅଶ୍ଳୀଳ ଗାଳିଗୁଲଜ କରିଥିଲେ। ସେ ଏହାର ପ୍ରତିବାଦ କରିବାରୁ ତାଙ୍କୁ ସେ ଦୁଇଜଣ ଭଙ୍ଗା ମଦ ବୋତଲରେ ଆକ୍ରମଣ କରିବା ସହିତ ତାଙ୍କ ଠାରୁ ୯୪ହଜାର ଟଙ୍କା ଓ ତାଙ୍କ ବେକରେ ଥିବା ଏକ ସୁନାଚେନ୍‌ ଛଡାଇ ନେଇ ପଳାଇଥିଲେ। ସେଠାରେ ଉପସ୍ଥିତ ଲୋକେ ସେମାନଙ୍କୁ ଅଟକାଇବାକୁ ପ୍ରୟାସ କରି ମଧ୍ୟ ବିଫଳ ହୋଇଥିଲେ। ଏନେଇ ଗୌରପ୍ରସାଦ ଥାନାରେ ଲିଖିତ ଅଭିଯୋଗ କରିଛନ୍ତି।

Model This Week

ପ୍ରଭାତ