ବାଲେଶ୍ୱର

ରେଳ ସାଇଡିଂରେ କାମ ଦିଅ, ନଚେତ ଆନ୍ଦୋଳନ

ରେଳ ସାଇଡିଂରେ  କାମ ଦିଅ, ନଚେତ ଆନ୍ଦୋଳନ
ଯୋଡା,୨୩।୧୨ (ଡି.ଏନ.ଏ.)- ବାଂଶପାଣି ରେଳ ସାଇଡିଂରେ ଆମକୁ କାମ ଦିଅ ନଚେତ ଆନ୍ଦୋଳନ କରାଯିବ ବୋଲି ସ୍ଥାନୀୟ ଶ୍ରମିକଙ୍କ ପକ୍ଷରୁ ଚେତାବନୀ ଦିଆଯାଇଛି। ଏହି ଅଞ୍ଚଳର ଶ୍ରମିକଙ୍କ ସମସ୍ୟା ନେଇ କେନ୍ଦୁଝର ଜିଲା ଚମ୍ପୁଆ ଉପଜିଲାପାଳ ପାରୁଲ ପଟାୱରୀ ଶନିବାର ଯୋଡା ଥାନାରେ ଏକ ଆଲୋଚନା ବୈଠକ ଡାକିଥିଲେ । ଯୋଡା ଥାନା ଅତିରିକ୍ତ ଦାୟିତ୍ୱରେ ଥିବା ବାମେବାରୀ ଆଇଆଇସି ପ୍ରକାଶ ଜେମ୍ସ ଟପ୍ପୋ, ଖଣି କମ୍ପାନୀର ବରିଷ୍ଠ ଅଧିକାରୀ ଓ ସ୍ଥାନୀୟ ପ୍ରଭାବିତ ଅଞ୍ଚଳବାସୀ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ। ଆଲୋଚନା ପରେ ବୈଠକରେ ଚମ୍ପୁଆ ଉପଜିଲାପାଳ କହିଥିଲେ, ବାଂଶପାଣି ରେଳ ସାଇଡିଂ ରେ ବିଭିନ୍ନ କମ୍ପାନୀଙ୍କଠାରୁ କାର୍ଯ୍ୟାଦେଶ ନେଇଥିବା ପ୍ରାୟ ୧୦ ଜଣ ଲୋଡିଂ ଠିକାଦାରଙ୍କୁ ଡକାଇ ବୈଠକ କରାଯିବ । ପ୍ରତି ଲୋଡିଂ ଠିକାଦାର ୨୦ଜଣ ଲେଖାଁଏ ଶ୍ରମିକ ଙ୍କୁ ନିଯୁକ୍ତି ଦେବେ। ଏହା ସହିତ ରେଳ ସାଇଡିଂରେ ପରିବହନ କାର୍ଯ୍ୟ କରୁଥିବା କମ୍ପାନୀମାନେ ପ୍ରଦୂଷଣ ରୋକିବା ଲାଗି ରାସ୍ତାରେ ପାଣି ସିଞ୍ଚନ କରିବେ। ଏଥିସହିତ ଟ୍ରାଫିକ ସମସ୍ୟାର ସମାଧାନ କରିବା ପାଇଁ ଉପଜିଲାପାଳ ପୋଲିସକୁ ନିର୍ଦ୍ଦେଶ ଦେଇଥିଲେ । ଅଞ୍ଚଳବାସୀ ଆସନ୍ତା ମାର୍ଚ୍ଚ ମାସ ୩୧ ତାରିଖ ପରେ ଲୋଡିଂ କାର୍ଯ୍ୟ ପାଇଁ କମ୍ପାନୀଙ୍କ ପାଖରେ ଆବେଦନ କରି ପାରିବେ ବୋଲି ବୈଠକରେ କୁହାଯାଇଥିଲା। ଏହି ଅଞ୍ଚଳରେ ଶତାଧିକ ଶ୍ରମିକ ରୋଜଗାର ହରାଇଥିବାରୁ ରେଳ ସାଇଡିଂରେ ନିଯୁକ୍ତି ବ୍ୟତୀତ ମହିଳାମାନଙ୍କୁ ସ୍ବଂୟ ସହାୟକ ଗୋଷ୍ଠୀ ମାଧ୍ୟମରେ ଥଇଥାନ କରାଯିବ । ଖୁବ ଶୀଘ୍ର ରେଳ ସାଇଡିଂରେ କାର୍ଯ୍ୟ କରୁଥିବା ଲୋଡିଂ ଠିକାଦାରଙ୍କ ତାଲିକା ପ୍ରସ୍ତୁତ କରି ଶ୍ରମିକ ନିଯୁକ୍ତି କରିବାକୁ ପୋଲିସକୁ କୁହାଯାଇଥିଲା। ତେବେ ପ୍ରଶାସନିକ ଅଧିକାରୀଙ୍କ ଏଭଳି ନିଷ୍ପତ୍ତି ଉପରେ ଉପସ୍ଥିତ ଅଞ୍ଚଳବାସୀ ଅସନ୍ତୋଷ ବ୍ୟକ୍ତ କରିଥିଲେ। ତୁଳସୀ ଗୋପ, ବବିତା ରାୟ, ଗୌରୀ ଗୋପ, କବିତା ସାଣ୍ଡିଲ, ଲକ୍ଷ୍ମୀ ମହାନ୍ତ, ଅଶୋକ ପାତ୍ର, ଦୀଲିପ ନାଏକ, ମିଥୁନ ମୁଣ୍ଡା, ଗୁରୁ ପାତ୍ର, ସଏବ ଖାନ ତାଙ୍କ ପ୍ରତିକ୍ରିୟାରେ କହିଥିଲେ, ଲୋଡିଂ ଠିକାଦାରମାନେ ଅସ୍ଥାୟୀ ଭାବେ କାର୍ଯ୍ୟ ଦେଉଥିବାରୁ କମ୍ପାନୀ ପକ୍ଷରୁ ଏହି ନିଯୁକ୍ତି ବ୍ୟବସ୍ଥା ହେବା ଦରକାର। ରେଳ ସାଇଡିଂରେ ଶ୍ରମିକଙ୍କୁ ଶୀଘ୍ର ଲୋଡିଂ କାର୍ଯ୍ୟ ଦିଆ ନ ଗଲେ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରାଯିବ। ଅନ୍ୟପକ୍ଷେ କେତେକ ନ୍ୟସ୍ତ ସ୍ବାର୍ଥ ଠିକାଦାର ସଂସ୍ଥା କେତେକ ଶ୍ରମିକଙ୍କୁ ଆୟୁଧ କରି ବଡ କମ୍ପାନୀଙ୍କ ଠାରୁ କାମ ହାତେଇବା ପାଇଁ ଚକ୍ରାନ୍ତ କରିଥିବା ଅଭିଯୋଗ ହୋଇଥିଲା।
All Right Reserved By

ବାଲେଶ୍ୱର

ଏଟିଏମ୍‌ରୁ ଲୁଟ୍‌ ଉଦ୍ୟମ ବିଫଳ

ଏଟିଏମ୍‌ରୁ ଲୁଟ୍‌ ଉଦ୍ୟମ ବିଫଳ


ଭଦ୍ରକ ଅଫିସ୍‌,୧୯ା୧୦- ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ସାବରଙ୍ଗ ବଜାରରେ ଥିବା ଏସ୍‌ବିଆଇ ଏଟିଏମ୍‌ କାଉଣ୍ଟରରୁ ଗୁରୁବାର ଟଙ୍କା ଲୁଟ୍‌ ଉଦ୍ୟମ ବିଫଳ ହୋଇଛି। 

ଗୋପାଳପୁରରେ ରାବଣ ପୋଡ଼ି ଉତ୍ସବ

ଗୋପାଳପୁରରେ ରାବଣ ପୋଡ଼ି ଉତ୍ସବ

ବାହାନଗା,୧୯।୧୦(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ଗୋପାଳପୁର ପଞ୍ଚାୟତରେ ରାବଣ ପୋଡ଼ି ଉତ୍ସବ ଅନୁଷ୍ଠିତ ହୋଇଯାଇଛି। ଗୋପାଳପୁର ଓ ପଣ୍ଡାଶୁଣି ପଞ୍ଚାୟତର ମିଳିତ ଆନୁକୂଲ୍ୟରେ କେର ପଡ଼ିଆରେ କାର୍ଯ୍ୟକ୍ରମ ଆୟୋଜିତ ହୋଇଥିଲା। 

ଭସାଣି ପରେ ତୀରବିନ୍ଧା

ଭସାଣି ପରେ ତୀରବିନ୍ଧା

ଆରଡି,୧୯।୧୦(ଡି.ଏନ.ଏ.)-ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ଓଳଗ ଗଁାରେ ଶୁକ୍ରବାର ଅପରାହ୍ନରେ ମା’ ଦୁର୍ଗାଙ୍କ ଭସାଣି ଉତ୍ସବ ଅନୁଷ୍ଠିତ ହୋଇଯାଇଛି। 

ବିଜୟାଦଶମୀରେ ନିଆରା ପରମ୍ପରା ଛଡ଼ିବାଡ଼ି ଖେଳ

ବିଜୟାଦଶମୀରେ ନିଆରା ପରମ୍ପରା ଛଡ଼ିବାଡ଼ି ଖେଳ

ଆନନ୍ଦପୁର,୧୯।୧୦(ଡି.ଏନ.ଏ.)-ରାଜରାଜୁଡ଼ା ଅମଳରୁ ରାଜପୁତ ଜାତିର ଏକ ସ୍ବତନ୍ତ୍ର ପରିଚୟ ରହିଛି। ରାଜବଂଶ ଓ ରାଜ୍ୟ ସୁରକ୍ଷାର ଗୁରୁଦାୟିତ୍ୱ ବହନ କରୁଥିବା ଏହି ରାଜପୁତ ଜାତିର ପ୍ରାଚୀନ ପରମ୍ପରାକୁ ଉଜ୍ଜୀବିତ ରଖିବା ଉଦ୍ଦେଶ୍ୟରେ ପବିତ୍ର ବିଜୟାଦଶମୀରେ ଛଡ଼ିବାଡ଼ି ଖେଳର ନିଆରା ପର୍ବ ପାଳନ କରାଯାଉଛି। ଏହି ଅବସରରେ କେନ୍ଦୁଝର ଜିଲା ଆନନ୍ଦପୁର ରାଜପୁତ ସାହିର ବୟୋଜ୍ୟଷ୍ଠଠାରୁ ଆରମ୍ଭ କରି ଯୁବକ ଓ ଛୋଟଛୁଆ ନିଜ ନିଜ ଘରେ ପୂଜା ପାଇ ଆସୁଥିବା ପାରମ୍ପରିକ ଅସ୍ତ୍ରଶସ୍ତ୍ର ତଥା ଖଣ୍ଡା, ବାନାପାଟା, ମୁଦଗର, ବର୍ଚ୍ଛା, କଟାରୀ, ଛୁରି ଆଦିକୁ ସାହିର ମଧ୍ୟସ୍ଥଳରେ ରଖି ଯଥାରୀତି ପୂଜାର୍ଚ୍ଚନା କରିଛନ୍ତି। ଏଥିସହ ହୋମଯଜ୍ଞ କାର୍ଯ୍ୟ କରାଯାଇଛି। 

୧୫ ମଣ୍ଡପରେ ମା’ ଦୁର୍ଗାଙ୍କ ଦଶମୀ ପୂଜାର୍ଚ୍ଚନା

୧୫ ମଣ୍ଡପରେ ମା’ ଦୁର୍ଗାଙ୍କ ଦଶମୀ ପୂଜାର୍ଚ୍ଚନା

ବାହାନଗା,୧୯।୧୦(ଡି.ଏନ.ଏ.)-ମା’ ଦୁର୍ଗାଙ୍କ ଦଶମୀ ପୂଜା ଅବସରରେ ଶୁକ୍ରବାର ବିଭିନ୍ନ ମଣ୍ଡପରେ ଧୁମ୍‌ଧାମ୍‌ରେ ପୂଜା ଅନୁଷ୍ଠିତ ହୋଇଛି। ବାଲେଶ୍ୱର ଜିଲା ବାହାନଗା ବ୍ଲକର ୧୫ ମଣ୍ଡପରେ ମା’ଙ୍କ ପୂଜାର୍ଚ୍ଚନା କରାଯାଇଛି। 

ଦୁର୍ଘଟଣାରେ ଯୁବକ ଗୁରୁତର

ଦୁର୍ଘଟଣାରେ ଯୁବକ ଗୁରୁତର

ବାରିପଦା ଅଫିସ,୧୯।୧୦-ମୟୂରଭଞ୍ଜ ଜିଲା ବାରିପଦା ସଦର ଥାନା ଅଧୀନ କଇଁଫୁଲିଆ ଛକ ନିକଟରେ ଶୁକ୍ରବାର ଏକ ସଡ଼କ ଦୁର୍ଘଟଣାରେ ଜଣେ ଯୁବକ ଗୁରୁତର ଆହତ ହୋଇଛନ୍ତି।

ସ୍ବାମୀ ଟାଙ୍ଗିଆ ଚୋଟରେ ସ୍ତ୍ରୀ ମୃତ

ସ୍ବାମୀ ଟାଙ୍ଗିଆ ଚୋଟରେ ସ୍ତ୍ରୀ ମୃତ

ତେଲକୋଇ,୧୯।୧୦(ଡି.ଏନ.ଏ.)-କେନ୍ଦୁଝର ଜିଲା ତେଲକୋଇ ଥାନା ଅନ୍ତର୍ଗତ ଓରିଆ ପଞ୍ଚାୟତ ଧନୁର୍ଯୟପୁର ଜୁଆଙ୍ଗ ବସ୍ତିରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଯାଇଛି। ଘରୋଇ କଳିକୁ କେନ୍ଦ୍ରକରି ସ୍ବାମୀ ସୁକୁରା ଜୁଆଙ୍ଗ(୩୮)ଙ୍କ ଟାଙ୍ଗିଆ ଚୋଟରେ ସ୍ତ୍ରୀ ଗୁରୁବାରୀ(୩୫)ଙ୍କ ମୃତ୍ୟୁ ଘଟିଛି। 

ପୃଥକ୍‌ ଦୁର୍ଘଟଣାରେ ୩ ଜଣଙ୍କ ଜୀବନ ଗଲା

ପୃଥକ୍‌ ଦୁର୍ଘଟଣାରେ ୩ ଜଣଙ୍କ ଜୀବନ ଗଲା

କେନ୍ଦୁଝର,୧୯।୧୦(ସ୍ବ.ପ୍ର.)-କେନ୍ଦୁଝର ଜିଲା ସଦର ଥାନା ଅଧୀନ ପୃଥକ୍‌ ସ୍ଥାନରେ ଗୁରୁବାର ବିଳମ୍ବିତ ରାତିରେ ସଡ଼କ ଦୁର୍ଘଟଣା ଘଟି ୩ ଜଣଙ୍କ ମୃତ୍ୟୁ ଘଟିଛି। 

ଦାଦାବଟି ମାଗିବା ଅଭିଯୋଗରେ ୪ ଗିରଫ

ଦାଦାବଟି ମାଗିବା ଅଭିଯୋଗରେ ୪ ଗିରଫ

ରାଇରଙ୍ଗପୁର,୧୯।୧୦(ଡି.ଏନ.ଏ.)-ମୟୂରଭଞ୍ଜ ଜିଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧୀନ ବଡ଼ାଞ୍ଚଳ-ବାଙ୍କିରାସ୍ତାର ରାଖାସାହି ଛକଠାରେ ଜଣେ କାର୍‌ ଚାଳକଙ୍କୁ ଦାଦାବଟି ମାଗିବା ଅଭିଯୋଗରେ ପୋଲିସ ୪ ଜଣଙ୍କୁ ଗିରଫ କରିଛି। ସେମାନେ ହେଲେ ରାଖାସାହିର ମଦନ ମୋହନ ମାରାଣ୍ଡି, ଲକ୍ଷ୍ଣଣ ସୋରେନ, ପୀରୁ ମୁର୍ମୁ ଓ ଦେବ ମାରାଣ୍ଡି। 

ପୋଖରୀରେ ବୁଡ଼ି ଜେଜେମା’ ସମେତ ୨ ନାତୁଣୀ ମୃତ

ପୋଖରୀରେ ବୁଡ଼ି ଜେଜେମା’ ସମେତ ୨ ନାତୁଣୀ ମୃତ

ତିହିଡ଼ି,୧୯।୧୦(ଡି.ଏନ.ଏ.)-ଭଦ୍ରକ ଜିଲା ତିହିଡ଼ି ଥାନା ଅଧୀନ ସାହାପୁର ପଞ୍ଚାୟତ ନୂଆଗଁ। ଗ୍ରାମରେ ଶୁକ୍ରବାର ମଧ୍ୟାହ୍ନରେ ପୋଖରୀରେ ବୁଡ଼ି ଜେଜେମା’ ସମେତ ୨ ନାତୁଣୀ ପ୍ରାଣ ହରାଇଛନ୍ତି।

ଧାମନଗରରେ କାଳିସୀ ଶୋଭାଯାତ୍ରା

ଧାମନଗରରେ କାଳିସୀ ଶୋଭାଯାତ୍ରା

ଧାମନଗର,୧୯।୧୦(ଡି.ଏନ.ଏ.)-ଭଦ୍ରକ ଜିଲା ଧାମନଗର ଶ୍ୟାମପୁରସ୍ଥିତ ମନ୍ତ୍ରବାସୁଳୀ ପୀଠରୁ ବିଜୟା ଦଶମୀ ଅବସରରେ କାଳିସୀ ଶୋଭାଯାତ୍ରା କରାଯାଇଛି। 

ସାମ୍ମୁଖରୁ ପିଟିଲା ବାଇକ, ବୃଦ୍ଧ ଗୁରୁତର

ସାମ୍ମୁଖରୁ ପିଟିଲା ବାଇକ, ବୃଦ୍ଧ ଗୁରୁତର

ପାଟଣା,୧୯। ୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ଅନ୍ତର୍ଗତ ୨୨୦ ନମ୍ବର ଜାତୀୟ ରାଜପଥ ଢେଙ୍କିକୋଟ ପାଟଣା ରାସ୍ତାର ଭାଲୁଘର ନିକଟରେ ଶୁକ୍ରବାର ପୂର୍ବାହ୍ନରେ ସଡ଼କ ଦୁର୍ଘଟଣା ଘଟିଛି। ଏଥିରେ ଜଣେ  ବୃଦ୍ଧ ଗୁରୁତର ହୋଇଛନ୍ତି।