Dharitri News
ବାଲେଶ୍ୱର

ମା’ କୋଳକୁ ଫେରିଲା ଶିଶୁ

ମା’ କୋଳକୁ ଫେରିଲା ଶିଶୁ ଭଦ୍ରକ ଅଫିସ,୨୩।୧୨-ଜିଲା ଶିଶୁ ମଙ୍ଗଳ କମିଟି ହସ୍ତକ୍ଷେପ କରିବା ପରେ ପ୍ରାୟ ୨ ମାସ ପରେ ଅଢେଇ ବର୍ଷର ଏକ ଶିଶୁପୁତ୍ର ଶନିବାର ମା’ କୋଳକୁ ଫେରିଛି। ଶିଶୁ ମଙ୍ଗଳ କମିଟି ଅଧ୍ୟକ୍ଷ, ଜିଲା ଶିଶୁ ସୁରକ୍ଷା ଅଧିକାରୀ ତଥା ସଦସ୍ୟଙ୍କ ଉପସ୍ଥିତିରେ ବାପା ପାଖରେ ଥିବା ଶିଶୁକୁ ମା’ଙ୍କୁ ହସ୍ତାନ୍ତର କରାଯାଇଛି। ସୂଚନା ମୁତାବକ ତିହିଡି ବ୍ଲକ ଜୟପୁର ଗାଁର ମାଳତୀ ସାହୁଙ୍କର ଧୂଷୁରୀ ବାଙ୍କସାହି ଗ୍ରାମର ବିକାଶ ରାଉତଙ୍କ ସହ ୨୦୧୪ ଏପ୍ରିଲ ମାସରେ ବାହାଘର ହୋଇଥିଲା। ଏବେ ସେମାନଙ୍କର ଏକ ଅଢେଇ ବର୍ଷର ଜଣେ ଶିଶୁପୁତ୍ର ରହିଛି। ଦୁଇମାସ ପୂର୍ବେ ଉଭୟଙ୍କ ମଧ୍ୟରେ ମତାନ୍ତର ହେବାରୁ ମାଳତୀ ବାପ ଘରେ ରହି ଆସୁଛନ୍ତି। ବାପା ବିକାଶଙ୍କ ନିକଟରେ ସେବେଠାରୁ ପୁଅ ରହିଆସୁଥିଲେ। ଏହାକୁ ପ୍ରତିବାଦ କରି ନିଜ ନିକଟରେ ପୁଅକୁ ରଖିବା ପାଇଁ ମାଳତୀ ଜିଲା ଶିଶୁ ମଙ୍ଗଳ କମିଟି ଦ୍ୱାରସ୍ଥ ହୋଇଥିଲେ। ଉକ୍ତ ଅଭିଯୋଗକୁ ଭିତ୍ତିକରି ଶିଶୁ ମଙ୍ଗଳ କମିଟିର ଅଧ୍ୟକ୍ଷ କମଳାକାନ୍ତ ସ୍ବାଇଁ, ଜିଲା ଶିଶୁ ସୁରକ୍ଷା ୟୁନିଟ ଅଧିକାରୀ ପଦ୍ମନ ରାୟ, ସଦସ୍ୟ ସୋଫିଆ ସେକ ଓ ଅଶୋକ କୁମାର ଦାସ ପ୍ରମୁଖ ଉପସ୍ଥିତ ରହି ଉଭୟ ପକ୍ଷଙ୍କୁ ଡକାଇ ଉକ୍ତ ଶିଶୁ ପୁତ୍ରକୁ ମା’ମାଳତୀଙ୍କୁ ହସ୍ତାନ୍ତର କରିଥିଲେ ।

ବାଲେଶ୍ୱର

ଜଳକଷ୍ଟ ଭୋଗୁଛନ୍ତି ୮୦୦ ଲୋକ

ଚମ୍ପୁଆ,୨୧।୧(ଡି.ଏନ.ଏ.)-କେନ୍ଦୁଝର ଜିଲା ଚମ୍ପୁଆ ବ୍ଲକ କରିଆ ପଞ୍ଚାୟତର କାଟୁଳିକନାରେ ପାନୀୟ ଜଳକଷ୍ଟ ଏବେଠାରୁ ଦେଖାଦେଲାଣି। ସ୍ଥାନୀୟ ଲୋକେ ୧ କି.ମି. ଦୂର ବୈତରଣୀ ଉପରେ ନିର୍ଭର କରି ଚଳୁଛନ୍ତି। ବର୍ଷେ ପୂର୍ବରୁ ଗାଁରେ ଖୋଳାହୋଇଥିବା ବୋରିଙ୍ଗ ପଏଣ୍ଟକୁ ବିଦ୍ୟୁତ୍‌ ଯୋଗାଣ ହୋଇ ନ ଥିବା ଏବଂ ମୋଟର ବସି ନ ଲାଗିଥିବାରୁ ଏହା ଗ୍ରାମବାସୀଙ୍କ କାମରେ ଲାଗିପାରୁନାହିଁ।

ଅପପୁଷ୍ଟି, ଚିକିତ୍ସିତ ହେଲେ ୨ ଶିଶୁ

ଅପପୁଷ୍ଟି, ଚିକିତ୍ସିତ ହେଲେ ୨ ଶିଶୁ

ଚମ୍ପୁଆ, ୨୧।୧(ଡି.ଏନ୍‌.ଏ.)-ଉପାନ୍ତ ଅଞ୍ଚଳରେ ଅପପୁଷ୍ଟିର ଶିକାର ଶିଶୁ ଶୀର୍ଷକ ଖବର ଗତ ୨୦ରେ ଧରିତ୍ରୀରେ ପ୍ରକାଶିତ ହୋଇଥିଲା। ଫଳରେ ପ୍ରଶାସନିକ ତତ୍ପରତା ପରେ ଶିଶୁଙ୍କ ଚିକିତ୍ସା କରାଯାଇଛି।

ଝାଳବେଡାରେ ବାର୍ଷିକ କ୍ରୀଡ଼ା ପ୍ରତିଯୋଗିତା

ଝାଳବେଡାରେ ବାର୍ଷିକ କ୍ରୀଡ଼ା ପ୍ରତିଯୋଗିତା

ଭଞ୍ଜକିଆ, ୨୧।୧(ଡି.ଏନ.ଏ.)-ମୟୂରଭଞ୍ଜ ଜିଲା ରରୁଆଁ ବ୍ଲକ ଝାଳବେଡା ଗ୍ରାମବାସୀଙ୍କ ବାର୍ଷିକ କ୍ରୀଡ଼ା ପ୍ରତିଯୋଗିତା ସ୍ଥାନୀୟ ଖେଳପଡିଆରେ ଶନିବାର ଅନୁଷ୍ଠିତ ହୋଇଯାଇଛି। ଏଥିରେ ଶତାଧିକ ପ୍ରତିଯୋଗୀ ଭାଗ ନେଇଥିଲେ। ଝାଡବେଡା ଉଚ୍ଚ ବିଦ୍ୟାଳୟର ଶିକ୍ଷକ ମନୋଜ କୁମାର ମହାନ୍ତ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲା ପରିଷଦ ସଦସ୍ୟ ପରମେଶ୍ୱର ନାୟକ ମୁଖ୍ୟ ଅତିଥି, ପ୍ରଧାନ ଶିକ୍ଷକ ଦିଗାମ୍ବର ବାରିକ ସମ୍ପାଦକ ତପନ କୁମାର ବେହେରା, ସଭାପତି ଚୈତନ୍ୟ ନାୟକ , ଖବରଦାତା ବୃହଷ୍ପତ୍ତି ଦାସ ସମ୍ମାନନୀୟ ଅତିଥି ଭାବେ ଯୋଗ ଦେଇଥିଲେ।

ରାଜ୍ୟସ୍ତରୀୟ ସଫ୍ଟବଲ ପ୍ରତିଯୋଗିତା: ଭୁବନେଶ୍ୱର ଟିମ୍‌ ଚାମ୍ପିୟନ

ରାଜ୍ୟସ୍ତରୀୟ ସଫ୍ଟବଲ ପ୍ରତିଯୋଗିତା: ଭୁବନେଶ୍ୱର ଟିମ୍‌ ଚାମ୍ପିୟନ

ସିମୁଳିଆ,୨୧।୧(ଡି.ଏନ୍‌.ଏ.)-ସିମୁଳିଆ ବ୍ଲକ ସଦରମହକୁମା ମାର୍କୋଣାର ରଘୁନାରାୟଣ ବିଦ୍ୟାଳୟ ପରିସର ବିଜୁପଟ୍ଟନାୟକ ମିନି ଷ୍ଟାଡିୟମରେ ଗତ ଶୁକ୍ରବାର ଆରମ୍ଭ ହୋଇଥିବା ରାଜ୍ୟସ୍ତରୀୟ ୬୩ତମ ବିଦ୍ୟାଳୟସ୍ତରୀୟ ସଫ୍ଟବଲ ପ୍ରତିଯୋଗିତା ଶନିବାର ଅପରାହ୍ନରେ ଉଦ୍‌ଯାପିତ ହୋଇଛି ।

ବାହାନଗାକୁ ମଡେଲ ବ୍ଲକ କରିବାକୁ ଜିଲାପାଳଙ୍କ ଆହ୍ବାନ

ବାହାନଗାକୁ ମଡେଲ ବ୍ଲକ କରିବାକୁ ଜିଲାପାଳଙ୍କ ଆହ୍ବାନ

ବାହାନଗା,୨୧। ୧(ଡି.ଏନ.ଏ.)-ବାଲେଶ୍ୱର ଜିଲାର ନୂତନ ଜିଲାପାଳ ଭାବେ ରମେଶ ଚନ୍ଦ୍ର ରାଉତ ଦାୟିତ୍ୱ ନେବା ପରେ ପ୍ରଥମେ ସେ ଶନିବାର ବାହାନଗା ବ୍ଲକକୁ ଗସ୍ତ କରିଥିଲେ । ବ୍ଲକକୁ ଆସି ଲୋକପ୍ରତିନିଧି ଓ କର୍ମଚାରୀମାନଙ୍କୁ ସହଯୋଗ ଲୋଡିବା ସହିତ ବାହାନଗାକୁ ଜିଲାର ଏକ ମଡେଲ ବ୍ଲକ କରିବା ପାଇଁ ସମସ୍ତଙ୍କ ସହଯୋଗ ଲୋଡିଥିଲେ।

ଟ୍ରେନ୍‌ରେ କଟି ମହିଳା ଗୁରୁତର

ଟ୍ରେନ୍‌ରେ କଟି ମହିଳା ଗୁରୁତର

ଭଦ୍ରକ ଅଫିସ,୨୧।୧: ଭଦ୍ରକ ଷ୍ଟେଶନର ୧ ନମ୍ବର ପ୍ଲାଟଫର୍ମ ନିକଟରେ ରବିବାର ମଧ୍ୟାହ୍ନରେ ଏକ ମାଲ୍‌ବାହି ଟ୍ରେନ୍‌ ଧକ୍କାରେ ଜଣେ ମହିଳା ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି।

ଝିଅକୁ ବଳାତ୍କାର କରିବା ଅଭିଯୋଗରେ ବାପା ଗିରଫ

ଝିଅକୁ ବଳାତ୍କାର କରିବା ଅଭିଯୋଗରେ ବାପା ଗିରଫ

ଭଦ୍ରକ ଅଫିସ,୨୧।୧: ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ଅର୍ଣ୍ଣପାଳ ମଧୁସୁଦନପୁର ଗ୍ରାମରେ ନିଜ ଝିଅକୁ ବଳାତ୍କାର କରିବା ଅଭିଯୋଗରେ ବାପା ଲକ୍ଷ୍ମୀଧର ଜେନାଙ୍କୁ ପୋଲିସ ଗିରଫ କରିଛି।

ଜଳକା ବଞ୍ଚାଅ ଅଭିଯାନ

ଜଳକା ବଞ୍ଚାଅ ଅଭିଯାନ

ରୂପ୍‌ସା,୨୧।୧(ଡି.ଏନ୍‌.ଏ.): ବାଲେଶ୍ୱର ଜିଲା ସଦର ଓ ବସ୍ତା ବ୍ଲକର ଚାଷୀଙ୍କୁ ବର୍ଷ ତମାମ ଶସ୍ୟ ଉତ୍ପାଦନ ପାଇଁ ବସ୍ତା ବ୍ଲକରେ ନିର୍ମିତ ହୋଇଥିବା ଜଳକା ନଦୀର ମଥାନୀ ପ୍ରୋଜେକ୍ଟ ଏବେ ଅଚଳ ହୋଇ ପଡ଼ିଛି। ଜଳକା ନଦୀ ଓ ଚାଷୀଙ୍କ ବହୁବିଧ ସମସ୍ୟା ନେଇ ରବିବାର ଏହି ପ୍ରୋଜେକ୍ଟ ନିକଟରେ ଭାଜପା କୃଷକ ମୋର୍ଚ୍ଚା ପକ୍ଷରୁ ଏକ ବିଶାଳ କୃଷକ ସମାବେଶ ଏବଂ ଜଳକା ବଞ୍ଚାଅ ସମାବେଶ ଅନୁଷ୍ଠିତ ହୋଇଯାଇଛି।

ଗେଙ୍ଗୁଟି ନଦୀ ଆଁରେ ଖଡିମାହାରା ଓ ଭାରତୀସାହି

ଗେଙ୍ଗୁଟି ନଦୀ ଆଁରେ ଖଡିମାହାରା ଓ ଭାରତୀସାହି

ଭଦ୍ରକ ଅଫିସ,୨୦।୧- ଭଦ୍ରକ ଜିଲା ଧାମନଗର ବ୍ଲକ କାସିମପୁର ପଞ୍ଚାୟତ ଭାରତୀସାହି ଓ ଖଡ଼ିମାହାରା ଗାଁ ଏବେ ଗେଙ୍ଗୁଟି ନଦୀ ଆଁରେ। ବୈତରଣୀର ଶାଖା ନଦୀ ଗେଙ୍ଗୁଟିରେ ବନ୍ୟା ଜଳ ପ୍ରବାହିତ ହୋଇ ଉଭୟ କୂଳରେ ଥିବା ଗାଁ ଗୁଡିକ ପର୍ଯ୍ୟାୟ କ୍ରମେ ନଦୀ ଗର୍ଭରେ ଲୀନ ହେବାକୁ ବସିଛି। ଏହାକୁ ନେଇ ଆତଙ୍କିତ ଅଛନ୍ତି ୫ ପରିବାରର ୩୦ରୁ ଊର୍ଦ୍ଧ୍ୱ ସଦସ୍ୟ।

ଧରିତ୍ରୀ ପ୍ରଭାବ: ବିଦ୍ୟାଳୟର ଗୋଟିଏ ସ୍ଥାନରେ ପାଠପଢ଼ା, ରୋଷେଇ ପ୍ରସଙ୍ଗରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ

ଧରିତ୍ରୀ ପ୍ରଭାବ: ବିଦ୍ୟାଳୟର ଗୋଟିଏ ସ୍ଥାନରେ ପାଠପଢ଼ା, ରୋଷେଇ ପ୍ରସଙ୍ଗରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ

ଆରଡ଼ି,୨୦।୧(ଡି.ଏନ.ଏ.)-ଭଦ୍ରକ ଜିଲା ତିହିଡ଼ି ବ୍ଲକରେ ଥିବା ନୂଆସାହି ପ୍ରକଳ୍ପ ପ୍ରାଥମିକ ବିଦ୍ୟାଳୟରେ ଏକ ଝାଟିମାଟି କୁଡ଼ିଆ ଘରେ ଗୋଟିଏ ସ୍ଥାନରେ ରୋଷେଇ ଓ ପାଠପଢ଼ା ଚାଲୁଥିବା ସଂକ୍ରାନ୍ତରେ ଖବର ପ୍ରକାଶିତ ହୋଇଥିଲା। ଏହି ଖବରକୁ ଭିତ୍ତିକରି ଚଳିତ ୧୫ ତାରିଖରେ ସରକାରଙ୍କ ସ୍କୁଲ ଓ ଗଣଶିକ୍ଷା ବିଭାଗର ପ୍ରିନ୍ସିପାଲ ସେକ୍ରେଟାରୀ ଏହି ପ୍ରସଙ୍ଗରେ ବିଧିବଦ୍ଧ ତଦନ୍ତ କରି ରିପୋର୍ଟ ଦେବାକୁ ଚିଠି (ନଂ. ୧୨୪/୧୫।୧।୧୮)ରେ ଷ୍ଟେଟ ନୋଡାଲ ଅଫିସର (ଏମଡିଏମ) ତଥା ସରକାରଙ୍କ ସ୍କୁଲ ଓ ଗଣଶିକ୍ଷା ବିଭାଗର ଆଡସିନାଲ ସେକ୍ରେଟାରୀଙ୍କୁ ନିର୍ଦ୍ଦେଶ ଦେଇଛନ୍ତି।

ଭଦ୍ରକ ପୋଲିସ କବ୍‌ଜାରେ ଗଞ୍ଜାମ ଲୁଟେରା

ଭଦ୍ରକ ଅଫିସ,୨୦।୧- ଗଞ୍ଜାମ ଜିଲାର ଲୁଟେରାମାନେ ଏବେ ଭଦ୍ରକ ତଥା ବାଲେଶ୍ୱର ମୁହାଁ ହୋଇଛନ୍ତି। ଗଞ୍ଜାମ ଜିଲା ପୋଲିସର ଏନକାଉଣ୍ଟର ଭୟରେ ଏବେ ସେଠାକାର ଲୁଟେରା ତଥା ଅପରାଧୀ ଏହି ଜିଲାକୁ ମୁହାଁଇଛନ୍ତି। ଶୁକ୍ରବାର ନୂଆବଜାର ଏସବିଆଇ ଶାଖା ସମ୍ମୁଖରୁ ଜଣେ ଜମାକାରୀଙ୍କଠାରୁ ୧୦ଲକ୍ଷ ଟଙ୍କା ଲୁଟ୍‌ ହୋଇଥିଲା। ଏହି ଘଟଣାରେ ଟାଉନପୋଲିସ ତଦନ୍ତ ଆରମ୍ଭ କରି ସୋର ଅଞ୍ଚଳର ଏକ ଲଜରୁ ଗଞ୍ଜାମଜିଲା ହିଞ୍ଜିଳିକାଟୁ ଅଞ୍ଚଳର ଜଣେ ଯୁବକକୁ ଅଟକ ରଖିଛି।

ବିଦ୍ୟୁତ୍‌ ସଂସ୍ପର୍ଶରେ ଜଣେ ମୃତ: ଗ୍ରାମବାସୀଙ୍କ ରାସ୍ତା ଅବରୋଧ

ବିଦ୍ୟୁତ୍‌ ସଂସ୍ପର୍ଶରେ ଜଣେ ମୃତ: ଗ୍ରାମବାସୀଙ୍କ ରାସ୍ତା ଅବରୋଧ

ବାସୁଦେବପୁର,୨୦।୧(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ରାଜଘରପୋଖରୀ ପଞ୍ଚାୟତର ଗଦଳା ଗ୍ରାମରେ ଶନିବାର ମଧ୍ୟାହ୍ନରେ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଜଗବନ୍ଧୁ କୁଅଁରଙ୍କ ମୃତ୍ୟୁ ଘଟିଛି। ଜଗବନ୍ଧୁ ନିଜ ବାଡ଼ିରେ ଇଟାଭାଟି କାମ କରୁଥିବା ବେଳେ ତାଙ୍କ ଉପରେ ବିଦ୍ୟୁତ୍‌ ତାର ଛିଡ଼ି ପଡ଼ିଥିଲା।