ବାଲେଶ୍ୱର

ଜାତୀୟ ଗଣିତ ଦିବସ ପାଳିତ

ଜାତୀୟ ଗଣିତ ଦିବସ ପାଳିତ

ବାରିପଦା ଅଫିସ,୨୩।୧୨- ବାରିପଦାସ୍ଥିତ ସାଇନ୍ସ ଏକାଡେମୀ ପରିସରରେ ଜାତୀୟ ଗଣିତ ଦିବସ ପାଳିତ ହୋଇଯାଇଛି। ନାସା ଫାଉଣ୍ଡେଶନ ସଭାପତି ଡ.ସରୋଜ କୁମାର ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ଆଲୋଚନାଚକ୍ରରେ ଖୁଣ୍ଟା ମହାବିଦ୍ୟାଳୟ ଗଣିତ ଅଧ୍ୟାପକ ଦିଲୀପ ମହାନ୍ତ ମୁଖ୍ୟଅତିଥି ଭାବେ ଯୋଗଦେଇଥିଲେ। ବିଶିଷ୍ଟ ଗଣିତଜ୍ଞ ଯାମିନୀକାନ୍ତ ମହାନ୍ତ, ପୂର୍ବତନ ଜିଲା ବିଜ୍ଞାନ ପରିଦର୍ଶକ ତଥା ଭାରତ ଶିକ୍ଷା ରତ୍ନ ଅମିତାଭ ମିଶ୍ର, ଦିଗନ୍ତ ଆବାସିକ ବିଦ୍ୟାଳୟ ସମ୍ପାଦକ ଶଶାଙ୍କ କୁମାର ଦଣ୍ଡାପାଟ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଗଣିତ ପାଠର ଉପକାରିତା ସର୍ମ୍ପକରେ ଆଲୋଚନା କରିଥିଲେ। ଶେଷରେ ଶିକ୍ଷକ ଦୀପକ ରାମ ଧନ୍ୟବାଦ ଦେଇଥିବା ବେଳେ ଇଂ ଆଲୋକ ରଞ୍ଜନ ଦାସ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ଅନୁଷ୍ଠାନର ଛାତ୍ରୀଛାତ୍ର ଗଣିତ ସମ୍ବନ୍ଧୀୟ ବିଭିନ୍ନ ପ୍ରଶ୍ନୋତ୍ତର କାର୍ଯ୍ୟକ୍ରମରେ ଭାଗନେଇଥିଲେ। ଏହି ସମସ୍ତ କାର୍ଯ୍ୟକ୍ରମକୁ ଅଧ୍ୟାପକ ସମରେନ୍ଦ୍ର ବସା ପରିଚାଳନା କରିଥିଲେ।

All Right Reserved By

Model This Week

Model This Week

ବାଲେଶ୍ୱର

ଇମାମୀରେ ଦୁର୍ଘଟଣା: ଡ୍ରେନରେ ପଡି ଶ୍ରମିକଙ୍କ ମୃତ୍ୟୁ

ଇମାମୀରେ ଦୁର୍ଘଟଣା: ଡ୍ରେନରେ ପଡି ଶ୍ରମିକଙ୍କ ମୃତ୍ୟୁ

ରେମୁଣା, ୨୬ା୪(ଡି.ଏନ.ଏ.)-ବାଲେଶ୍ୱର ଜିଲା ବାଲଗୋପାଲପୁରସ୍ଥିତ ଇମାମୀ ପେପର ମିଲ୍‌ କାରଖାନା ପରିସରରେ ଗୁରୁବାର ଏକ ଅଘଟଣ ଘଟିଛି। ଡ୍ରେନରେ ପଡି ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ମୃତକ ହେଲେ ରେମୁଣା ଥାନା ଅଧୀନ ରସଲପୁର ଗାଁର ବିଜୟ କୁମାର ପଣ୍ଡା (୫୦)।

ସୋଲାର ବ୍ୟାଟେରୀ ବ୍ଲାଷ୍ଟ: ଯୁବକ ଗୁରୁତର

ସୋଲାର ବ୍ୟାଟେରୀ ବ୍ଲାଷ୍ଟ: ଯୁବକ ଗୁରୁତର

କପ୍ତିପଦା,୨୬ା୪(ଡିଏନ୍‌ଏ)- କପ୍ତିପଦା ଥାନା ଅଧୀନ ମଝିଗଡିଆ ପଞ୍ଚାୟତ ଛାଞ୍ଚୁଣିଆ ଗ୍ରାମରେ ଗୁରୁବାର ଏକ ସୋଲାର ବ୍ୟାଟେରୀ ବ୍ଲାଷ୍ଟ ହେବା ଫଳରେ ଜଣେ ଯୁବକ ଗୁରୁତର ହୋଇଛନ୍ତି। ଗୁରୁତର ଯୁବକ ଜଣକ ହେଲେ ଠାକୁରମୁଣ୍ଡା ଥାନା ଅଧିନ ମିଟୁଆଣି ଗ୍ରାମର ବିର ସିଂ(୧୯)। ତାଙ୍କୁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି।।

ବିବାହ ଉତ୍ସବରେ ମାରପିଟ୍‌ : ୫ ଆହତ

ବିବାହ ଉତ୍ସବରେ ମାରପିଟ୍‌ : ୫ ଆହତ

ରୂପ୍‌ସା,୨୬।୪(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ରୂପ୍‌ସା ଥାନା ଅନ୍ତର୍ଗତ ଆଙ୍କୋ ଗ୍ରାମର ଏକ ବିବାହ ଉତ୍ସବରେ ବୁଧବାର ରାତିରେ ମାରପିଟ୍‌ ଲାଗି ୫ଜଣ ଆହତ ହୋଇଛନ୍ତି। ଡିଜେ ବନ୍ଦ କରାଯିବାକୁ କେନ୍ଦ୍ରକରି ବରଯାତ୍ରୀମାନେ ଡିଜେ ମାଲିକଙ୍କୁ ମରଣାନ୍ତକ ଆକ୍ରମଣ କରିଛନ୍ତି। ଆକ୍ରମଣରେ ଡିଜେ ମାଲିକ ମୟୂରଭଞ୍ଜ ଭୀମଦା ଅଞ୍ଚଳର ତପନ ମଣ୍ଡଳ ଗୁରୁତର ଆହତ ହେବା ସହ ଜଣେ ବରଯାତ୍ରୀ, କନ୍ୟାଙ୍କ ଭିଣୋଇ, ଦାଦା ଓ ଭାଇ ମଧ୍ୟ ଆହତ ହୋଇଛନ୍ତି। ଗୁରୁବାର ଉଭୟ ପକ୍ଷ ଥାନାର ଦ୍ୱାରସ୍ଥ ହେବା ପରେ ପୋଲିସ୍‌ ଘଟଣା ସମ୍ପକର୍ର୍ରେ ବୁଝାଶୁଝା କରିଛି।

 ଯୁବତୀଙ୍କୁ ବଳାତ୍କାର ଅଭିଯୋଗ

ଯୁବତୀଙ୍କୁ ବଳାତ୍କାର ଅଭିଯୋଗ

ବାରିପଦା ଅଫିସ,୨୬।୪- ବାରିପଦା ସହୀଦ ପଡିଆ ସ୍ଥିତ ଏକ ଲଜରେ ଜଣେ ଯୁବତୀ ବଳାତ୍କାରର ଶିକାର ହୋଇଥିବା ନେଇ ଅଭିଯୋଗ ହୋଇଛି। ଯୁବକଜଣକ ବିବାହର ପ୍ରତିଶ୍ରୁତି ଦେଇ ତାଙ୍କ ସହ ସମ୍ପର୍କ ରଖିବା ପରେ ଆଉ ଧରାଛୁଆଁ ଦେଉ ନାହାନ୍ତି।

ଚେମେଣା ପଞ୍ଚାୟତରେ ରାଜନୈତିକ ଛକାପଞ୍ଝା

ପାଟଣା, ୨୬।୪(ସ୍ବ.ପ୍ର.): ପାଟଣା ବ୍ଲକ ଚେମେଣା ପଞ୍ଚାୟତରେ ପତିଆରା ଜାହିର ପାଇଁ ରାଜନୈତିକ ହିଂସା ଲାଗି ରହିଛି। କ୍ଷମତା ଆଉ ସ୍ବାର୍ଥ ସକାଶେ ଉଭୟ ସରପଞ୍ଚ ଏବଂ ସମିତି ସଭ୍ୟାଙ୍କ ମଧ୍ୟରେ ମୁକାବିଲା ମୂଳକ ପରିସ୍ଥିତି ଉପୁଜିଛି। ଶେଷରେ ପତିଆରା ଲଢ଼େଇ ଯାଇ ଥାନାରେ ପହଞ୍ଚିଛି। ଉଭୟ ପକ୍ଷରୁ ଥାନାରେ ପୃଥକ ମାମଲା ରୁଜୁ ହୋଇଛି। ଗତ ବୁଧବାର ସମ୍ପର୍କୀୟଙ୍କ ପାଣି ଟ୍ୟାଙ୍କରକୁ ପଞ୍ଚାୟତରେ ଭଡ଼ାରେ ଲଗାଇବାକୁ ସରପଞ୍ଚଙ୍କୁ ସମିତି ସଭ୍ୟା କହିଥିଲେ।

ବିଦ୍ୟୁତ୍‌ ବିଭାଗର ମନମାନି, ଚିନ୍ତାରେ ଉପଭୋକ୍ତା

ରାଇସୁଆଁ, ୨୬।୪(ଡି.ଏନ.ଏ.): କେନ୍ଦୁଝର ଜିଲା ସଦର ବ୍ଲକ ଗୋପିନାଥପୁର, ବାଉରୀପଦା ପଞ୍ଚାୟତର ବିପିଏଲଧାରୀଙ୍କ ଉପରେ ଅଯଥା ବିଦ୍ୟୁତ୍‌ ବିଲ ଦିଆଯାଉଥିବା ଅଭିଯୋଗ ହୋଇଛି। ଯେଉଁ ଉପଭୋକ୍ତା ୨ରୁ ୩ ମାସ ହେଲା ବିଦ୍ୟୁତ୍‌ ସଂଯୋଗ ନେଇଛନ୍ତି। ସେମାନଙ୍କୁ ୫୪ ମାସର ବିଲ ଦିଆଯାଇଛି। ସେମାନଙ୍କର ମିଟର ଲାଗିଥିବା ସତ୍ତ୍ୱେ ମିଟର ରିଡିଙ୍ଗ ନ ନେଇ ମନଇଛା ବିଲ ଦିଆଯାଇଛି।

ଗାଁ ସଫେଇ କଲେ ଯୁବତୀ

ଘସିପୁରା,୨୬।୪(ଡି.ଏନ.ଏ.)-ଘସିପୁରା ବ୍ଲକ ରାମଚନ୍ଦ୍ରପୁର ପଞ୍ଚାୟତ ନହଙ୍ଗୀ ଗ୍ରାମରେ ଯୁବତୀମାନେ ଏକତ୍ରିତ ହୋଇ ରୁକ୍ମଣୀ ବେହେରାଙ୍କ ପ୍ରତିନିଧିତ୍ୱରେ ଗ୍ରାମର ପୋଖରୀହୁଡା, ନଳକୂପ ପରିସର, ଗାଁ ଦାଣ୍ଡ ସବୁ ପରିଷ୍କାର କରିଥିଲେ। ଏଥିରେ ଗ୍ରାମର ୧୦ରୁ ଊର୍ଦ୍ଧ୍ୱ ଯୁବତୀ ସାମିଲ ହୋଇଥିଲେ। ସେମାନଙ୍କ ମଧ୍ୟରୁ ରଞ୍ଜୀତା ବେହେରା, ମୀରା ଭୂୟାଁ ସହଯୋଗ କରିଥିଲେ। ଗ୍ରାମର ବୋହୁ ମମତା ମଞ୍ଜରୀ ଦେଓ ଯୁବତୀମାନଙ୍କୁ ଉକ୍ତ କାର୍ଯ୍ୟ ପାଇଁ ଉତ୍ସାହୀତ କରିଥିଲେ।

ଅସହ୍ୟ ତାତି, ରାସ୍ତାଘାଟ ଶୂନ୍‌ଶାନ

ଅସହ୍ୟ ତାତି, ରାସ୍ତାଘାଟ ଶୂନ୍‌ଶାନ

ରାଇସୁଆଁ, ୨୬।୪(ଡି.ଏନ.ଏ.): କେନ୍ଦୁଝର ଜିଲା ସଦର ଅଞ୍ଚଳରେ ଅସହ୍ୟ ତାତି ଅନୁଭବ ହେଉଛି। ଦିନ ୧୧ଟା ହେଲେ ରାସ୍ତା ଘାଟରେ ଚଳାଚଳ ବନ୍ଦ ହୋଇପଡ଼ୁଛି। ରାସ୍ତା ପ୍ରସସ୍ତୀକରଣ ନାମରେ ବଡ ବୃକ୍ଷ କାଟି ଦିଆଯାଉଛି। ଫଳରେ ରାସ୍ତାରେ ଯାତାୟାତ କରୁଥିବା ଯାତ୍ରୀମାନେ ବିଶ୍ରାମ ନେବା ପାଇଁ ସ୍ଥାନ ପାଉନାହାନ୍ତି। କାରଖାନା ନିର୍ମାଣ ନାମରେ ଜଙ୍ଗଲ କାଟି ପଦାକରି ଦିଆଯାଇଛି।

ଭାଲୁ ଆକ୍ରମଣରେ ମୃତକଙ୍କ ପରିବାରକୁ ସହାୟତା

ଭାଲୁ ଆକ୍ରମଣରେ ମୃତକଙ୍କ ପରିବାରକୁ ସହାୟତା

ଚମ୍ପୁଆ, ୨୬।୪(ଡି.ଏନ.ଏ): ଗତ ଏପ୍ରିଲ ୨ରେ ଭାଲୁ ଆକ୍ରମଣରେ ମୃତ ବନ କର୍ମଚାରୀଙ୍କ ପରିବାରକୁ ଅସ୍ଥାୟୀ ବନ କର୍ମଚାରୀ ସଙ୍ଘ ପକ୍ଷରୁ ସହାୟତା ପ୍ରଦାନ କରାଯାଇଛି। ବୁଧବାର ରାଜ୍ୟ ସଙ୍ଘ ସଭାପତି ପ୍ରଭାତ ମହାନ୍ତିଙ୍କ ନିର୍ଦ୍ଦେଶରେ ସମ୍ପାଦକ ପବିତ୍ର କୁମାର ନାୟକ, କେନ୍ଦୁଝର ସଭାପତି ଦେବେନ୍ଦ୍ର ରାଉତ, ନିରଞ୍ଜନ ବେହେରାଙ୍କ ତତ୍ୱାବଧାନରେ ମୃତ ବିଦେଶୀ ମହାକୁଡଙ୍କ ସ୍ତ୍ରୀ ରେବତୀଙ୍କୁ କେନ୍ଦୁଝର ବନଖଣ୍ଡରେ ଅସ୍ଥାୟୀ ବନ କର୍ମଚାରୀଙ୍କ ସହଯୋଗରେ ୧୮ ହଜାର ୫ଶହ ଟଙ୍କା ଅନୁକମ୍ପା ସହାୟତା ପ୍ରଦାନ କରାଯାଇଛି।

ଗଠନ ହେଲା ହାତୀ ସୁରକ୍ଷା ଦଳ

ଚମ୍ପୁଆ,୨୬।୪(ଡି.ଏନ.ଏ): ଚମ୍ପୁଆ ରେଞ୍ଜରେ ପ୍ରତ୍ୟେକ ବର୍ଷ ହାତୀଙ୍କ ଦ୍ୱାରାମତ୍‌ୟ ବଢୁଥିବାରୁ ବନ ବିଭାଗ ପକ୍ଷରୁ ହାତୀ ସୁରକ୍ଷା ଦଳ ଗଠନ ହୋଇଛି। ଗ୍ରାମାଞ୍ଚଳ ଗୁଡିକରୁ ଦକ୍ଷ ଜୁବକମାନଙ୍କୁ ବଛା ଯାଇ ଉକ୍ତ ଦଳରେ ସାମିଲ କରାଯାଇଛି। କେନ୍ଦୁଝର ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶରେ ଚମ୍ପୁଆ, ବାଲିବନ୍ଧ, ଉଖୁଣ୍ଡା, ବାମେବାରୀ, ଯୋଡା ସେକ୍ସନ ଆଦି ହାତୀ ଦ୍ୱାରା ପ୍ରଭାବିତ ହେଉଥିବାରୁ ଉକ୍ତ ଅଞ୍ଚଳରେ ଯୁବକମାନଙ୍କୁ ସେକ୍ସନ ଅଧିକାରୀମାନେ ବାଛିବା ସହ ହାତୀ ସୁରକ୍ଷା ପାଇଁ ନିୟୋଜିତ କରାଯିବ ବୋଲି ଜଣାପଡିଛି।

ସୁନା ଅଳଙ୍କାର ସହ ନଗଦ ଟଙ୍କା ଚୋରି

ସୁନା ଅଳଙ୍କାର ସହ ନଗଦ ଟଙ୍କା ଚୋରି

ବଡ଼ବିଲ, ୨୬।୪(ସ୍ବ.ପ୍ର.): କେନ୍ଦୁଝର ଜିଲା ବଡବିଲ ଥାନା ଧୋବି ହଟିଂସ୍ଥିତ ଗାୟତ୍ରୀ ନିବାସର କବାଟ ଭାଙ୍ଗି କେହି ଦୁର୍ବୃତ୍ତ ଆଲମୀରା ତାଡି ଲକ୍ଷାଧିକ ଟଙ୍କାର ସୁନା ଅଳଙ୍କାର ସହ ନଗଦ ଟଙ୍କା ଚୋରି କରିଥିବା ଥାନାରେ ଅଭିଯୋଗ ହୋଇଛି। ଘର ମାଲିକ ଜଗମୋହନ ଦାଶଙ୍କ ସହ ପରିବାର ଭୁବନେଶ୍ୱରକୁ ଯାଇଥିଲେ।

 ପୁଣି ସିରାଜୁଦ୍ଦିନ ଖଣିରେ ଧାରଣା

ପୁଣି ସିରାଜୁଦ୍ଦିନ ଖଣିରେ ଧାରଣା

ଯୋଡ଼ା,୨୬।୪(ଡି.ଏନ୍‌.ଏ.): ଯୋଡ଼ା ଖଣିମଣ୍ଡଳ ବଳଦାସ୍ଥିତ ସିରାଜୁଦ୍ଦିନ ଖଣିରେ ନିଯୁକ୍ତି ଦାବିକରି ଖଣିର ସମସ୍ତ କାର୍ଯ୍ୟ ବନ୍ଦ କରି ହଜାର ହଜାର ଗ୍ରାମବାସୀ ବୁଧବାର ଅପରାହ୍ନରେ ଧାରଣାରେ ବସିଥିଲେ। ସ୍ଥାନୀୟ ୪ଟି ଗ୍ରାମ ପଞ୍ଚାୟତ ବଳଦା, ପଳସା, କାଳିମାଟି ଓ ନୟାଗଡ଼ର ଲୋକ ସିରାଜୁଦ୍ଦିନ ଖଣିରେ ନିଯୁକ୍ତି ଦାବି କରି ଖଣିର ୬ନଂ ମୁଖ୍ୟ ଫାଟକରେ ହେଉଥିବା ପରିବହନ ଓ ଖଣିର ଉତ୍ତୋଳନ କାର୍ଯ୍ୟ ସହ ଅନ୍ୟ କାର୍ଯ୍ୟକୁ ବନ୍ଦ କରି ଧାରଣାରେ ବସିଛନ୍ତି।