ସମ୍ପାଦକୀୟ |

ସମସ୍ୟାମୟ ଜୀବନ

ସମସ୍ୟାମୟ ଜୀବନ

ମନ-ମାନଚିତ୍ର/ଡ. ନରହରି ବେହେରା
ଆମ ଜୀବନଧାରାରେ ବାଧା ଉପୁଜାଉଥିବା ପ୍ରତ୍ୟେକ ଘଟଣା ହିଁ ସମସ୍ୟା। ଏହି ସମସ୍ୟା ଜଟିଳ ହେଲେ ବିପଦରେ ପରିଣତ ହୁଏ। ଅର୍ଥାତ୍‌ ସବୁ ସମସ୍ୟା ବିପଦ ନୁହେଁ, କିନ୍ତୁ ସବୁ ବିପଦ ଗୋଟିଏ ଗୋଟିଏ ଜଟିଳ ସମସ୍ୟା। ବଣରେ ବାଘ ଥିବାରୁ ବଣ ପାଖ ରାସ୍ତାରେ ଯାତାୟାତ କରିବା ଗୋଟିଏ ସମସ୍ୟା, ମାତ୍ର ଯାତାୟାତ ସମୟରେ ବାଘ ହାବୁଡ଼ରେ ପଡ଼ିଯିବା ହିଁ ବିପଦ। ସମସ୍ୟା ଛୋଟ ହେଉ କି ବଡ଼,ଏହା ଆମ ସାବଲୀଳ ଜୀବନଯାତ୍ରାରେ ବାଧକ ସାଜିଥାଏ। ମାତ୍ର ଏହି ସମସ୍ୟା ଆମ ଜୀବନରେ ଛାଇ ପରି ଲାଗି ରହିଥାଏ। ଏହି ସଂସାରରେ ସମସ୍ୟା ବିନା କେହି ବି ଜୀବନ ଧାରଣ କରିନାହିଁ। ସମସ୍ୟା ମାନବ ସଭ୍ୟତା ପାଇଁ ଏକ ନକାରାମତ୍କ ବିଷୟ ନୁହେଁ, ଏହା ଆମ ପ୍ରଗତି ପାଇଁ ଏକ ମୁଖ୍ୟ ମାର୍ଗ। ମଣିଷ ସମସ୍ୟାକୁ ସାମ୍ନା କରିଥିବାରୁ ସେ ଆରଣ୍ୟକ ସଭ୍ୟତାରୁ ଆସି ଆଜି ଆଧୁନିକ ସଭ୍ୟତାରେ ପାଦ ଦେଇଛି। ରହିବାରେ ସମସ୍ୟା ସୃଷ୍ଟି ହେବାରୁ ସେ ଘର ତିଆରି କରିଛି, କଞ୍ଚାଖାଦ୍ୟ ଖାଇବାରେ ସମସ୍ୟା ହେବାରୁ ସେ ଅଗ୍ନିର ବ୍ୟବହାର କରିଶିଖିଛି। ସମସ୍ୟା ମଣିଷକୁ ଯେତିକି ନମ୍ର କରାଏ ସେତିକି ଶକ୍ତିଶାଳୀ କରାଏ। ଶ୍ରୀଅରବିନ୍ଦ ତାଙ୍କର ପ୍ରସିଦ୍ଧ ‘ସାବିତ୍ରୀ’ ମହାକାବ୍ୟରେ ଏକ ଚମକତ୍ାର ତତ୍ତ୍ୱ ପ୍ରଦାନ କରିଛନ୍ତି। ସେ କହିଛନ୍ତି, ସତ୍ୟବାନଙ୍କର ମୃତ୍ୟୁ ପ୍ରସଙ୍ଗ ସାବିତ୍ରୀଙ୍କୁ ଲୌକିକ ଚେତନାରୁ ଏକ ଅଲୌକିକ ଚେତନା ଆଡ଼କୁ ନେଇଯିବା ପାଇଁ ଉଦ୍ଦିଷ୍ଟ ଥିଲା। ଯେଉଁମାନେ ସମସ୍ୟାକୁ ସାମ୍ନା କରିପାରିଛନ୍ତି, ସେହିମାନେ ହିଁ ମହାକାଳର ମହାସ୍ରୋତକୁ ଅତିକ୍ରମ କରିପାରିଛନ୍ତି। ଜଳର ପ୍ରଖର ସ୍ରୋତକୁ ପ୍ରତିହତ କରି ମାଛମାନେ ଖେଳୁଥିବାର ଆମେ ଦେଖୁ। ଅତି ଛୋଟ ଛୋଟ ମାଛମାନେ ମଧ୍ୟ ଜଳସ୍ରୋତକୁ ଖାତିର ନ କରି ତା’ର ପ୍ରତିକୂଳରେ ଗତି କରୁଥିବାର ଦେଖାଯାଏ। ପ୍ରବଳ ଝଡ଼ ବତାସର ଭୟଙ୍କରତାକୁ ଭ୍ରୂକ୍ଷେପ ନ କରି ଇଗଲ ଘୂରି ବୁଲୁଥାଏ। ତେଣୁ ମଣିଷ ସମସ୍ୟାକୁ ଭୟ କାହିଁକି କରିବ? ଏବେ ଚାଷୀଙ୍କର ଆମତ୍ହତ୍ୟା ଘଟଣାକୁ ନେଇ ରାଜନୈତିକ ହଟଚମଟ ହେଉଛି। ଋଣଭାର ସହି ନ ପାରି ଚାଷୀମାନେ ଆମତ୍ହତ୍ୟା କରିବା କଥା କେହି କେହି କହୁଥିବାବେଳେ ଆଉ କେହି ଏ ଆମତ୍ହତ୍ୟା ପଛରେ ଅନ୍ୟ କିଛି କାରଣ ଅଛି ବୋଲି କହୁଛନ୍ତି। ଏ ବାଦବିବାଦ ପଛରେ କ’ଣ ସତ୍ୟତା ଅଛି ସେ ସମ୍ବନ୍ଧରେ ଆମର କିଛି ମନ୍ତବ୍ୟ ଦେବାର ନାହିଁ, ମାତ୍ର ଏ ଆମତ୍ହତ୍ୟା ହିଁ ସେହି ଚାଷୀମାନଙ୍କର ଇଚ୍ଛାଶକ୍ତିର ପରାଜୟ ଯୋଗୁ ଘଟିଛି, ଏ କଥାକୁ ଆମେ ଅସ୍ବୀକାର କରିପାରିବା ନାହିଁ। ଆମେ ଜାଣୁ ପୂର୍ବାପେକ୍ଷା ଆମ ସମସ୍ତଙ୍କ ଆର୍ଥିକ ପରିସ୍ଥିତିରେ ଉନ୍ନତି ଘଟିଛି। ଆଉ ଥରେ ନଅଙ୍କ ଦୁର୍ଭିକ୍ଷ ଆମେ ଦେଖିନାହୁଁ। ପୂର୍ବରୁ ମଧ୍ୟ ଅନେକ ବନ୍ୟା, ବାତ୍ୟା ଓ ମରୁଡ଼ି ଘଟିଛି, ସେତେବେଳେ ଚାଷୀଭାଇ ଅଣ୍ଟା ସଳଖି ବଞ୍ଚତ୍ଛନ୍ତି। ଏବେ ତା’ଠାରୁ ବଡ଼ ବିଷମ ପରିସ୍ଥିତି ଘଟିନାହିଁ। ବଞ୍ଚତ୍ବା ପାଇଁ ଅନେକ ଯୋଜନାର ଶୁଭାରମ୍ଭ ହୋଇଛି। ତେବେ ଏ ଆମତ୍ହତ୍ୟା କାହିଁକି? ଏହାର ମୂଳ କାରଣ ହେଉଛି ସମସ୍ୟା ସହିତ ଯୁଝିବାକୁ ମାନସିକତାର ଅଭାବ, ଯାହାକୁ ଆମେ କହୁ ଉଇଲ୍‌ ପାୱାର। ମହାଭାରତ ଯୁଦ୍ଧରେ ଅର୍ଜୁନ ଥିଲେ ଜଣେ ପ୍ରବୀଣ ଯୋଦ୍ଧା। ଦ୍ରୋଣାଚାର୍ଯ୍ୟ ତା’ଙ୍କୁ ଜଣେ ଅଦମନୀୟ ବୀର ଭାବରେ ପ୍ରତିଷ୍ଠା କରିବା ପାଇଁ ସକଳ ଚେଷ୍ଟା କରି ଦକ୍ଷ କରିଥିଲେ। ମାତ୍ର ସେ ଯୁଦ୍ଧକ୍ଷେତ୍ରରେ ଉପସ୍ଥିତ ଆମତ୍ୀୟମାନଙ୍କୁ ଦେଖି ଦୁର୍ବଳ ହୋଇଗଲେ। ଏପରି କି ସେ ଗାଣ୍ଡିବ ଧାରଣ କରିବାକୁ ଅସମର୍ଥ ହୋଇପଡ଼ିଲେ। ତାଙ୍କର ଏ ଅବସ୍ଥା ଦେଖି ଭଗବାନ ଶ୍ରୀକୃଷ୍ଣ ତାଙ୍କୁ ମନେ ପକାଇଦେଲେ ଏ ପରିସ୍ଥିତିରେ ସେ କ’ଣ କରିବା ଉଚିତ। ଏହି ଗୋଟିଏ କଥା ବୁଝାଇବାକୁ ଯାଇ ସଂସାରର ଅନେକ ସାରତତ୍ତ୍ୱ ତାଙ୍କ ନିକଟରେ ଉପସ୍ଥାପନ କଲେ। ଅର୍ଜୁନ ବୁଝିପାରିଲେ ନିଜର କର୍ତ୍ତବ୍ୟ ଏବଂ ଫେରିପାଇଲେ ହରାଇଥିବା ସକଳ ଶକ୍ତିକୁ। ସେ ରଣକ୍ଷେତ୍ରରେ ନିଜର ବୀରତ୍ୱ ପ୍ରତିପାଦନ କଲେ। ଏ ଜୀବନ ଅନେକ ସମସ୍ୟାର ରଣକ୍ଷେତ୍ରକୁ ନେଇ ଗଠିତ। ତା’ ନିକଟରେ ମଥାନତ କଲେ ପଳାୟନପନ୍ଥୀ ହେବା ସିନା ବିଜୟଲାଭ କରିପାରିବା ନାହିଁ। ନିଜ ଜୀବନର ସମସ୍ୟାକୁ ସମାଧାନ କରି ନ ପାରି ଅନେକ ପ୍ରାଣୀ ଏ ପୃଥିବୀରୁ ନିଶ୍ଚିହ୍ନ ହୋଇଗଲେଣି, ମାତ୍ର ମଣିଷ ତା’ର ପ୍ରଗତି ରଥକୁ କେବଳ ଆଗକୁ ଟାଣି ଚାଲିଛି।ସମସ୍ୟା ମଣିଷକୁ ଦୃଢ଼, ସ୍ବାବଲମ୍ବୀ, ଦୁଃସାହସିକ, ନମ୍ର ଏବଂ ଈଶ୍ୱରବିଶ୍ୱାସୀ କରିଥାଏ। ତେଣୁ କୁହାଯାଇଛି, ‘ବିପଦଟି ଅଟେ କଷଟି ପାଷାଣ, ପରଖନ୍ତି ତହିଁ ନର ହୃଦ ଟାଣ।’ ମହାଭାରତରେ ପାଣ୍ଡବମାନଙ୍କର ରାଜ୍ୟ ପ୍ରତିଷ୍ଠା ପରେ ଭଗବାନ ଶ୍ରୀକୃଷ୍ଣ ଦ୍ୱାରିକା ଯିବା ପାଇଁ କୁନ୍ତୀଙ୍କର ଅନୁମତି ମାଗିଲେ। ମାତ୍ର ପ୍ରତ୍ୟେକ ଦିନ କୁନ୍ତୀ କିଛି ନା କିଛି ବାହାନା କରି ତାଙ୍କୁ ଯିବାକୁ ଅନୁମତି ଦେଲେନାହିଁ। ଶେଷରେ ଦିନେ କୃଷ୍ଣ ବିଦାୟ ନେବା ପାଇଁ କୁନ୍ତୀଙ୍କ ନିକଟରେ ଏକପ୍ରକାର ଜିଦ୍‌ କଲେ। କୁନ୍ତୀ ଅଟକାଇବାର କୌଣସି ଉପାୟ ନ ପାଇ ଗୋଟିଏ ବର ଦେବାକୁ କୃଷ୍ଣଙ୍କୁ ଶପଥ କରାଇ କହିଲେ- ”ହେ ଜଗଦ୍‌ଗୁରୋ, ଆମ ପାଇଁ ବାରମ୍ବାର ବିପଦ ଆସୁ, ଏହି ବିପଦ ଆସିଲେ ହିଁ ଆମେ ଆପଣଙ୍କୁ ସ୍ମରଣ କରିବୁ।“ କୁନ୍ତୀଙ୍କର ଏହି ପ୍ରାର୍ଥନା ସୂଚାଇଦିଏ, ସମସ୍ୟାବହୁଳ ଜୀବନ ହିଁ ମଣିଷକୁ ଈଶ୍ୱରଙ୍କ ନିକଟତର କରିଥାଏ। ଅନ୍ୟପକ୍ଷରେ ଆମେ ଯେଉଁମାନଙ୍କୁ ଐତିହାସିକ ବା କିମ୍ବଦନ୍ତୀ ପୁରୁଷ ଭାବରେ ଆଜି ସ୍ମରଣ କରୁଛୁ ସେମାନଙ୍କର ବ୍ୟକ୍ତିଗତ ଜୀବନ କିଛି କମ୍‌ ସମସ୍ୟାବହୁଳ ନ ଥିଲା। ସେମାନେ ନିଜର ଅଦମ୍ୟ ସାହସ ଓ ଦୃଢ଼ ଇଚ୍ଛାଶକ୍ତି ବଳରେ ସମସ୍ୟାର ଅର୍ଗଳିକୁ ଭେଦକରି ସମାଜରେ ନିଜ ସ୍ଥିତିକୁ ଦୃଢ଼ କରିପାରିଛନ୍ତି। ମୋଗଲ ସମ୍ରାଟ୍‌ ହୁମାୟୁନ୍‌ ନିଜ ଭ୍ରାତୃ ବିବାଦର ଶିକାର ହୋଇଥିଲେ। ନିଜ ରାଜ୍ୟ ହରାଇ ୧୫ବର୍ଷ କାଳ ଏଠି ସେଠି ଘୂରି ବୁଲିଲେ, ଶେଷରେ ସେ ପୁନର୍ବାର ନିଜ ରାଜ୍ୟ ଫେରିପାଇଥିଲେ। ଆଡ୍‌ଲଫ ହିଟଲର ମାତାପିତାଙ୍କୁ ହରାଇଥିଲେ। ସେ ନିଜେ ଆଙ୍କିଥିବା ଚିତ୍ରକୁ ବିକି ପେଟ ପୋଷୁଥିଲେ। ନିଜର ସଂଘର୍ଷମୟ ଜୀବନ ସତ୍ତ୍ୱେ ସେ ପରବର୍ତ୍ତୀ ସମୟରେ ହୋଇଥିଲେ ବିଶ୍ୱରେ ଜଣେ ଚର୍ଚ୍ଚିତ ବ୍ୟକ୍ତି। ହେଲେନ କେଲେର, ସୁରଦାସ, ଭୀମଭୋଇଙ୍କ ପରି ଅନେକ ବ୍ୟକ୍ତି ନିଜର ଶାରୀରିକ ଅକ୍ଷମତା ସତ୍ତ୍ୱେ ନିଜ ନିଜ କ୍ଷେତ୍ରରେ ପ୍ରତିଷ୍ଠା ଅର୍ଜନ କରିଥିଲେ। କେବଳ ଏତିକି ନୁହେଁ, ନିଜ ସମସ୍ୟା ସହିତ ସାଲିସ୍‌ ନ କରି, ସମସ୍ୟା ନିକଟରେ ମୁଣ୍ଡ ନ ନୁଆଁଇ ଅନେକ ବ୍ୟକ୍ତି ସତ୍ୟ ପ୍ରତିଷ୍ଠା ପାଇଁ ଆମତ୍ବଳି ଦେଇଛନ୍ତି। ସକ୍ରେଟିସ୍‌ଙ୍କୁ ରାଜଦ୍ରୋହ ଅପରାଧରେ ଦଣ୍ଡିତ କରାଯାଇ ବିଷ ପିଇବାକୁ କୁହାଗଲା। ଯିଶୁଖ୍ରୀଷ୍ଟଙ୍କୁ ମଧ୍ୟ ଅନୁରୂପ ଭାବରେ ଦଣ୍ଡବିଧାନ କରାଗଲା। ମାତ୍ର ସେମାନେ ତକତ୍ାଳୀନ ଶାସକଙ୍କ ନିକଟରେ ଶିରନତ କଲେନାହିଁ। ସମସ୍ୟା ଯେତେ ଜଟିଳ ହେଉପଛେ ତା’କୁ ସାମ୍ନା କରିବାର ମାନସିକତା ଆମ ନିକଟରେ ରହିବା ଆବଶ୍ୟକ। ମଣିଷ ହାରିବା ପାଇଁ ନୁହେଁ ଜିଣିବା ପାଇଁ ଅହରହ ସଂଗ୍ରାମ କରିଆସିଛି। କିନ୍ତୁ ନିଜର ଇଚ୍ଛାଶକ୍ତି ଉପରେ ଅତୁଟ ବିଶ୍ୱାସ ରଖିଥିବା ମଣିଷକୁ ହିଁ କେବଳ ଏହାର ସଫଳତା ମିଳିଛି। ଏହି ସଫଳ ମଣିଷମାନେ ହିଁ ହୋଇଛନ୍ତି ଏ ପୃଥିବୀରେ ଜଣେ ଜଣେ କାଳଜୟୀ ମହାପୁରୁଷ। ତେଣୁ ସମସ୍ୟା ଆମ ପାଇଁ ସମସ୍ୟା ନୁହେଁ, ସମସ୍ୟା ରହିଛି ଆମର ଇଚ୍ଛାଶକ୍ତି ନିକଟରେ। ସମସ୍ୟା ସହିତ ଲଢ଼ିବା ପାଇଁ ଆମକୁ ସବୁବେଳେ ପ୍ରସ୍ତୁତ ରହିବାକୁ ପଡ଼ିବ। ତେଣୁ ତ କୁହାଯାଇଛି, ‘ବୀରଭୋଗ୍ୟା ବସୁନ୍ଧରା।’ ଜୀବନ ଯୁଦ୍ଧରେ ସଂଗ୍ରାମ ପାଇଁ ଦୃଢ଼ ଇଚ୍ଛାଶକ୍ତି ରଖିଥିବା ବ୍ୟକ୍ତି ହିଁ ପ୍ରକୃତ ବୀର। ଭଦ୍ରକ,
ମୋ: ୯୪୩୮୪୬୫୪୭୮

All Right Reserved By

ସମ୍ପାଦକୀୟ |

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

Model This Week

ରୂପେଶ