ଖେଳ |

ରାଜ୍ୟ ଉଷୁ ଚାମ୍ପିୟନ୍‌ଶିପ୍‌ ଉଦ୍‌ଘାଟିତ

ରାଜ୍ୟ ଉଷୁ ଚାମ୍ପିୟନ୍‌ଶିପ୍‌ ଉଦ୍‌ଘାଟିତ
ଭୁବନେଶ୍ୱର, ୨୩।୧୨ - ସ୍ଥାନୀୟ ୟୁନିଟ୍‌-୬ ସ୍ଥିତ ପୁମାସ ସ୍ପୋଟର୍‌ସ କମ୍ପ୍ଲେକ୍ସ ପରିସରରେ ଉଷୁ ଆସୋସିଏଶନ୍‌ ଅଫ୍‌ ଓଡ଼ିଶା ଆନୁକୂଲ୍ୟରେ ଭୁବନେଶ୍ୱର ଉଷୁ ସଂଘ ଦ୍ୱାରା ୨୫ତମ ରାଜ୍ୟ ଉଷୁ ଚାମ୍ପିୟନ୍‌ଶିପ୍‌ ଉଦ୍‌ଘାଟିତ ହୋଇଯାଇଛି। ଉକ୍ତ ପ୍ରତିଯୋଗିତାରେ ୨୫ଟି ଜିଲାରୁ ୧୧୦ ମହିଳା ଆଥ୍‌ଲେଟଙ୍କ ସମେତ ୩୫୦ ଜଣ ପ୍ରତିଯୋଗୀ ଅଂଶଗ୍ରହଣ କରିଛନ୍ତି। ଉଭୟ ପୁରୁଷ ଓ ମହିଳା ବିଭାଗରେ ସାମରିକ କଳା ତାଉଲୁ (ବେୟାର ହ୍ୟାଣ୍ଡ ଓ ଓ୍ବିପନ୍ସ) ଏବଂ ସାନ୍‌ସୋଉ (ଫାଇଟ୍‌) ବିଭାଗର ସବ ଜୁନିୟର, ଜୁନିୟର ଏବଂ ସିନିୟର ବର୍ଗର ଇଭେଣ୍ଟ ଅନୁଷ୍ଠିତ ହେବ। ପ୍ରତିଯୋଗିତାର ପ୍ରଥମ ଦିବସରେ ଅନୁଷ୍ଠିତ ସାନ୍‌ସୋଉ ପ୍ରତିଯୋଗିତାର ୬ ବର୍ଷରୁ କମ୍‌ ବର୍ଗରେ ବାଳକ ବିଭାଗରେ ବିଷ୍ମୁ ପଣ୍ଡା ଓ ବାଳିକା ବିଭାଗରେ ଲୁଡୁରି ଗାଗ୍‌ରାଏ ସ୍ବର୍ଣ୍ଣ ପଦକ ଜିତିଛନ୍ତି। ସବ୍‌ ଜୁନିୟର ବାଳିକା ବିଭାଗର ବିଭିନ୍ନ ବର୍ଗରେ ଶ୍ୱେତାରାଣୀ ମହାନ୍ତ (୨୪ କିଗ୍ରା) ଓ ସ୍ନେହା ସିଂ (୨୮ କିଗ୍ରା) ସ୍ବର୍ଣ୍ଣ ପଦକ ଅର୍ଜନ କରିଛନ୍ତି। ଜୁନିୟର ବିଭାଗର ସ୍ବର୍ଣ୍ଣ ପଦକ ଜିତିଥିବା ଖେଳାଳିମାନେ ହେଲେ ମଧୁସୂଦନ ମୁଣ୍ଡା (୪୫ କିଗ୍ରା), ବିନୋଦ ଚୌଧୁରୀ (୫୦ କିଗ୍ରା), ଉମେଶ ମୁଣ୍ଡା (୫୫ କିଗ୍ରା) ଓ ମିତେଶ କୁମାର ପତି (୬୦ କିଗ୍ରା)। ଫାଇଟ୍‌ଗୁଡ଼ିକୁ ବିଭୂତିଭୂଷଣ ବେହେରା, ମନୋଜ ଶୁକ୍ଳା ପ୍ରମୁଖ ପରିଚାଳନା କରିଥିଲେ। ଉଦ୍‌ଘାଟନୀ ଉତ୍ସବରେ ରାଜ୍ୟର କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥି ବେହେରା ମୁଖ୍ୟଅତିଥି ଭାବେ ଯୋଗଦେଇଥିଲେ। ଅନ୍ୟାନ୍ୟ ଅତିଥି ଭାବେ ଉଷୁ ଆସୋସିଏଶନ୍‌ ଅଫ୍‌ ଇଣ୍ଡିଆର ସମ୍ପାଦକ ସୋହେଲ ଅହମ୍ମଦ, ଟେକନିକାଲ ଚେୟାରମ୍ୟାନ ସମ୍ଭୁ ଶେଠ୍‌, ଉଷୁ ଆସୋସିଏଶନ୍‌ ଅଫ୍‌ ଓଡ଼ିଶାର ସଭାପତି ସୁଧାଂଶୁ ଶେଖର ହରିଚନ୍ଦନ, ସମ୍ପାଦକ ପ୍ରଦ୍ୟୁମ୍ନ ବେହେରା ଯୋଗଦେଇ ଥିଲେ। ଏହି ଅବସରରେ ଅନ୍ତର୍ଜାତୀୟ କ୍ରୀଡ଼ାବିତ୍‌ ମାନସ ରଞ୍ଜନ ଚୌଧୁରୀ, ଆଶିଷ ଚକ୍ରବର୍ତ୍ତୀ, ପୃଥୀରାଜ ହରିଚନ୍ଦନ, ଶିବାନନ୍ଦ ରାଏ, ଶରତ ରାଉତ, କୁମାର ଦେବଦତ୍ତ, ପୁଷ୍ପା ମିଶ୍ର, ଇପ୍‌ସିତ ଜେନା, ଶୁଭଶ୍ରୀ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।
All Right Reserved By

ଖେଳ |

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଢେଙ୍କାନାଳ ଅଫିସ, ୧୯ା୧-ଢେଙ୍କାନାଳ ଷ୍ଟାଡିୟମରେ ଚାଲିଥିବା  ପୂର୍ଣ୍ଣଚନ୍ଦ୍ର ତ୍ରିପାଠୀ ମେମୋରିଆଲ ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା ଶନିବାର ଅନୁଷ୍ଠିତ ୨ କ୍ୱାର୍ଟର ଫାଇନାଲ ମ୍ୟାଚ୍‌ରେ ବିଜୟୀ ହୋଇ କେନ୍ଦ୍ରୀୟ ବିଦ୍ୟାଳୟ ଏବଂ  ଦିଲ୍ଲୀ ପବ୍ଲିକ ସ୍କୁଲ (ଡିପିଏସ୍‌) ସେମିଫାଇନାଲରେ ପ୍ରବେଶ କରିଛନ୍ତି।

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

ଭୁବନ, ୧୯।୧(ଡି.ଏନ.ଏ.)-ଭୁବନ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ୨୯ତମ ବାର୍ଷିକ କ୍ରୀଡ଼ା ଉତ୍ସବ ଶନିବାର ଉଦ୍‌ଯାପିତ ହୋଇଯାଇଛି। 

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ଦେଓଗାଁ ବ୍ଲକ ଉଡାର ପଞ୍ଚାୟତ ଅନ୍ତର୍ଗତ ଶିରାବାହାଲରେ ଚାଲିଥିବା ଷଷ୍ଠବର୍ଷ ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟର ଶନିବାର ଥିଲା ତୃତୀୟ ଦିବସ ା ଏହି  ଦିବସରେ କୁଲିଆବାହାଲ ଓ ନାଇକେନସିରା ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। 

ଜଗନ୍ନାଥ କଲେଜର ବାର୍ଷିକ କ୍ରୀଡା :  ସବିତା ବାଳିକା, ରମେଶ ବାଳକ ଚାମ୍ପିୟନ

ଜଗନ୍ନାଥ କଲେଜର ବାର୍ଷିକ କ୍ରୀଡା : ସବିତା ବାଳିକା, ରମେଶ ବାଳକ ଚାମ୍ପିୟନ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ସଦର ବ୍ଲକ ସାହାଜବାହାଲ ଜଗନ୍ନାଥ ଡିଗ୍ରୀ କଲେଜର ବାର୍ଷିକ କ୍ରୀଡା ଶୁକ୍ରବାର  ଉଦଯାପିତ ହୋଇଯାଇଛି ା

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଭୁବନେଶ୍ୱର, ୧୯।୧(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ୨ୟ ଓଡ଼ିଶା ଟେନିସ ପ୍ରିମିୟର ଲିଗ୍‌ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଶନିବାର ଅନୁଷ୍ଠିତ ସେମିଫାଇନାଲରେ ସମ୍ବଲପୁର ଶୁଟର୍ସକୁ ହରାଇ କେନ୍ଦ୍ରାପଡ଼ା କଣ୍ଟେଣ୍ଡର୍ସ ଏବଂ ଅନୁଗୋଳ ଏସର୍ସକୁ ହରାଇ ପୁରୀ ଓ୍ବେଭର୍ସ ଫାଇନାଲରେ ପ୍ରବେଶ କରିଛି। 

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ଭୁବନେଶ୍ୱର, ୧୯।୧(ସ୍ପୋଟର୍‌ସ ବ୍ୟୁରୋ)- ଉତ୍ତରପ୍ରଦେଶ ବରେଲିସ୍ଥିତ ଏମ୍‌.ଜେ.ପି. ରୋହିଲାଖଣ୍ଡ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଅନୁଷ୍ଠିତ ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ମହିଳା ସିପକ୍‌ଟାକ୍ର ପ୍ରତିଯୋଗିତାର ଡବଲ୍ସ ଇଭେଣ୍ଟରେ ଓଡ଼ିଶାର ଉତ୍କଳ ବିଶ୍ୱବିଦ୍ୟାଳୟ ରନର୍ସଅପ୍‌ ହୋଇଛି। 

ପଦାର୍ପଣ ପ୍ରୋ ମ୍ୟାଚ୍‌ ଜିତିଲେ ବିକାଶ

ପଦାର୍ପଣ ପ୍ରୋ ମ୍ୟାଚ୍‌ ଜିତିଲେ ବିକାଶ

ନୂଆଦିଲ୍ଲୀ,୧୯।୧(ପି.ଟି.)- ଭାରତୀୟ ବକ୍ସର ବିକାଶ କ୍ରିଷ୍ଣନ ବିଜୟ ସହ ପେସାଦାର ବକ୍ସିଂରେ କ୍ୟାରିୟର ଆରମ୍ଭ କରିଛନ୍ତି। ଶୁକ୍ରବାର ନ୍ୟୁୟର୍କଠାରେ ଖେଳାଯୋଇଥିବା ମ୍ୟାଚ୍‌ରେ ସେ ଆମେରିକାର ବକ୍ସର ଷ୍ଟିଭେନ ଆଣ୍ଡ୍ରେଡ୍‌ଙ୍କୁ ହରାଇ ଦେଇଛନ୍ତି। 

ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ୍‌ରୁ ହାଜେଲଉଡ ବାଦ୍‌

ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ୍‌ରୁ ହାଜେଲଉଡ ବାଦ୍‌

ବ୍ରିସ୍‌ବେନ,୧୯।୧(ଏଏଫ୍‌ପି)-  ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ୍‌ ପୂର୍ବରୁ ଅଷ୍ଟ୍ରେଲିଆ ଦଳକୁ ବଡ଼ ଝଟକା ଲାଗିଛି। ଷ୍ଟାର ପେସର ଜୋଶ ହାଜେଲଉଡ ଦୁଇ ମ୍ୟାଚ୍‌ ବିଶିଷ୍ଟ ସିରିଜ୍‌ରୁ ବାଦ୍‌ ପଡ଼ିଛନ୍ତି। 

ଫେଡରରଙ୍କୁ ଭେଟିଲେ ବୀରୁଷ୍କା

ଫେଡରରଙ୍କୁ ଭେଟିଲେ ବୀରୁଷ୍କା

ମେଲବୋର୍ନ,୧୯।୧(ଏପି)- ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଓ ତାଙ୍କ ପତ୍ନୀ ଅନୁଷ୍କା ଶର୍ମା ଶନିବାର କିମ୍ବଦନ୍ତୀ ଟେନିସ ଖେଳାଳି ରୋଜର ଫେଡରରଙ୍କୁ ଭେଟିଛନ୍ତି। 

ସିଏ ପ୍ରଶଂସକଙ୍କୁ ମାଗଣା ଟିକେଟ ଦେବ

ସିଏ ପ୍ରଶଂସକଙ୍କୁ ମାଗଣା ଟିକେଟ ଦେବ

ବ୍ରିସବେନ,୧୯।୧- ଏଠାରେ ଆସନ୍ତା ସପ୍ତାହରେ ଶ୍ରୀଲଙ୍କା ଓ ଘରୋଇ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଦିବା ରାତ୍ର ଟେଷ୍ଟ ମ୍ୟାଚ୍‌ର କମ୍ପ୍ଲିମେଣ୍ଟାରି ଟିକେଟ୍‌ ପ୍ରଶଂସକଙ୍କୁ ପ୍ରଦାନ କରାଯିବ।

ସେମିରେ ହାରିଲେ ସାଇନା

ସେମିରେ ହାରିଲେ ସାଇନା

କୁଆଲାଲମ୍ପୁର,୧୯।୧(ପି.ଟି.)- ଏଠାରେ ଚାଲିଥିବା ସାଢ଼େ ୩ ଲକ୍ଷ ପୁରସ୍କାର ରାଶି ବିଶିଷ୍ଟ ମାଲେସିଆ ମାଷ୍ଟର୍ସ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟର ମହିଳା ସିଙ୍ଗଲ୍ସ ବର୍ଗର ସେମିଫାଇନାଲରେ ଷ୍ଟାର ଭାରତୀୟ ଖେଳାଳି ସାଇନା ନେହ୍ବାଲ ପରାସ୍ତ ହୋଇଛନ୍ତି।

ସଚିନ, କୋହଲିଙ୍କ କ୍ଲବରେ ଧୋନୀ

ସଚିନ, କୋହଲିଙ୍କ କ୍ଲବରେ ଧୋନୀ

ମେଲବୋର୍ନ,୧୯।୧- ଭେଟେରାନ ଉଇକେଟକିପର ବ୍ୟାଟ୍ସମ୍ୟାନ ଏଠାରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଅନ୍ତିମ ଦିନିକିଆରେ ୮୭ ରନ୍‌ର ଅପରାଜିତ ଇନିଂସ ଖେଳି କିମ୍ବଦନ୍ତୀ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର, ବିରାଟ କୋହଲି ଓ ରୋହିତ ଶର୍ମାଙ୍କ ଭଳି ଏଲାଇଟ୍‌ ବ୍ୟାଟ୍ସମ୍ୟାନଙ୍କ ତାଲିକାରେ ସାମିଲ ହୋଇଛନ୍ତି।