Dharitri News
ମେଟ୍ରୋ |

‘କଲର୍ସ ଅଫ ଦ ଇୟର’ ଆରମ୍ଭ

‘କଲର୍ସ ଅଫ ଦ ଇୟର’ ଆରମ୍ଭ ଭୁବନେଶ୍ୱର, ୨୩।୧୨(ବ୍ୟୁରୋ)- ସୁଭଦ୍ରା ଆର୍ଟ ଗ୍ୟାଲେରି ଏବଂ ଆର୍ଟ ଫେୟାର ମାଗାଜିନର ମିଳିତ ଉଦ୍ୟମରେ ଆସନ୍ତା ଜାନୁୟାରୀ ପ୍ରଥମ ସପ୍ତାହରେ ଭୁବନେଶ୍ୱର ଇଣ୍ଟରନ୍ୟାଶନାଲ୍‌ ଆର୍ଟ ଫେୟାର ଅନୁଷ୍ଠିତ ହେବାକୁ ଯାଉଛି। ଏହାକୁ ସମସ୍ତଙ୍କ ନିକଟରେ ପହଞ୍ଚାଇବା ତଥା ସାଧାରଣ ଲୋକଙ୍କୁ ଚିତ୍ର ପ୍ରତି ଆକୃଷ୍ଟ କରିବା ଉଦ୍ଦେଶ୍ୟରେ ସୁଭଦ୍ରା ଆର୍ଟ ଗ୍ୟାଲେରି ପକ୍ଷରୁ ଏହା ପରିସରରେ ସାମୂହିକ ଚିତ୍ରକଳା ପ୍ରଦର୍ଶନୀ ‘କଲର୍ସ ଅଫ ଦ ଇୟର’ ଶନିବାରଠାରୁ ଆରମ୍ଭ ହୋଇଛି। ଏହା ଆସନ୍ତା ୧୪ ତାରିଖ ପର୍ଯ୍ୟନ୍ତ ଚାଲିବ। ଏଥିରେ ୩୧ଜଣ ପ୍ରତିଷ୍ଠିତ ଶିଳ୍ପୀଙ୍କ ୭୫ଟି ଚିତ୍ରକଳା ପ୍ରଦର୍ଶିତ ହେଉଛି। କଳାଶ୍ରୀ ବିନୋଦିନୀ ବେହେରାଙ୍କ ଆଦିବାସୀଙ୍କ ଜୀବନ ସମ୍ପର୍କିତ ଚିତ୍ର ହେଉ କି ଶିଳ୍ପୀ ଡାଏନା ମହାପାତ୍ରଙ୍କ ଚିତ୍ର, ସବୁଥିରେ ସମାଜ ପାଇଁ କିଛି ନା କିଛି ବାର୍ତ୍ତା ରହିଛି। ଡାଏନାଙ୍କ ଚିତ୍ରରେ ମହିଳାମାନେ କିପରି ଅନ୍ଧକାରର ଅନ୍ଧଗଳିରୁ ଏବେ ଆଲୋକ ଆଡକୁ ଗତି କରୁଛନ୍ତି ତାହାକୁ ବେଶ ସୁନ୍ଦର ଭାବେ ଦର୍ଶାଯାଇଛି। ସେହିପରି ଶିଳ୍ପୀ ପ୍ରଣତି ଦାସ ଫାବ୍ରିକ୍‌, ନେଟ୍‌, କଉଡି ସାହାଯ୍ୟରେ ଛୋଟ ଶିଶୁକୁ ପ୍ରକୃତି ସହ ଯୋଡିବାରେ ସଫଳ ହୋଇଛନ୍ତି। ପ୍ରଦର୍ଶନୀର ଆକର୍ଷଣ ସାଜିଛି ଶିଳ୍ପୀ ମୁରଲୀଧରଙ୍କ ୫୦ ବର୍ଷ ପୁରୁଣା ଅଏଲ ପେଣ୍ଟିଂ। ଏଥିରେ ଏକ ନଦୀରେ ଭୁସ୍ଖଳନ ହେବା ସମୟର ପ୍ରତିବିମ୍ବକୁ ବେଶ୍‌ ଚମତ୍କାର ଭାବେ ଚିତ୍ରଣ କରାଯାଇଛି। ଗ୍ୟାଲେରି ପକ୍ଷରୁ ଏହି ପେଣ୍ଟିଂକୁ ନିଲାମ ପାଇଁ ରଖାଯାଇଛି। ସେହିପରି ମୁରଲୀଙ୍କ ଆଉ ଏକ ପୁରୁଣା ଚିତ୍ର, ଯେଉଁଥିରେ ଗ୍ରାମାଞ୍ଚଳର ରୋଷେଇ ପଦ୍ଧତିକୁ ଦର୍ଶାଯାଇଛି। ଏହା ବ୍ୟତୀତ ଜଗନ୍ନାଥ ମହାପାତ୍ରଙ୍କ ପରିବେଶ ସୁରକ୍ଷା ସମ୍ପର୍କିତ ସଚେତନତାମୂଳକ ଚିତ୍ରକଳା ଏବଂ ମାନସ ଜେନାଙ୍କ ଚିତ୍ରକଳା ବେଶ୍‌ ଆକର୍ଷଣୀୟ ହୋଇଛି। ପ୍ରଦର୍ଶନୀର ଉଦ୍‌ଘାଟନୀ ଉତ୍ସବରେ ବିଏମ୍‌ସି ମେୟର ଅନନ୍ତ ନାରାୟଣ ଜେନା, ଗ୍ୟାଲେରିର ପ୍ରତିଷ୍ଠାତା ସୂର୍ଯ୍ୟ ରଥ, ନିର୍ଦ୍ଦେଶକ ଅଶୋକ ନାୟକ, କର୍ପୋରେଟର ପୁଷ୍ପା ଦାସ ପ୍ରମୁଖ ଯୋଗଦେଇଥିଲେ।

ମେଟ୍ରୋ |

  ତମାଖୁ ତ୍ୟାଗ ପରାମର୍ଶ କେନ୍ଦ୍ର ଉଦ୍‌ଘାଟିତ

ତମାଖୁ ତ୍ୟାଗ ପରାମର୍ଶ କେନ୍ଦ୍ର ଉଦ୍‌ଘାଟିତ

ପୁରୀ ଅଫିସ, ୧୯।୧: ତମାଖୁ ସେବନ ଦ୍ୱାରା ପ୍ରତିବର୍ଷ ଲକ୍ଷାଧିକ ବ୍ୟକ୍ତି ମୃତ୍ୟୁମୁଖରେ ପଡୁଛନ୍ତି। ଜନସଚେତନତା ଦ୍ୱାରା ଏହାକୁ ରୋକାଯାଇପାରିବ। ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଆନୁକୂଲ୍ୟରେ ସମସ୍ତ ଜିଲା ମୁଖ୍ୟାଳୟରେ ତମାଖୁ ତ୍ୟାଗ ପରାମର୍ଶ କେନ୍ଦ୍ର ଖୋଲାଯାଇଛି।

ରାଜ୍ୟସ୍ତରୀୟ ନାଟକ ମହୋତ୍ସବ: ସାବଧାନ କଲା ମରୀଚିକା

ରାଜ୍ୟସ୍ତରୀୟ ନାଟକ ମହୋତ୍ସବ: ସାବଧାନ କଲା ମରୀଚିକା

ପୁରୀ ଅଫିସ,୧୯।୧: ଆଜିକାଲି ଅଧିକାଂଶ ମା’ବାପା ସେମାନଙ୍କ ପିଲାଙ୍କୁ ଛୋଟବେଳୁ ଆକଟ କରୁନାହାନ୍ତି। ପିଲାମାନେ ଯାହା ଚାହୁଁଛନ୍ତି ସଙ୍ଗେସଙ୍ଗେ ତାଙ୍କ ହାତମୁଠାକୁ ବଢାଇ ଦେଉଛନ୍ତି। ଫଳରେ ଅନେକ ପିଲା ଅବାଟରେ ପାଦ ପକାଉଛନ୍ତି।

ଶିଶୁପାଳଗଡ଼ ମହୋତ୍ସବ ଉଦ୍‌ଘାଟିତ

ଶିଶୁପାଳଗଡ଼ ମହୋତ୍ସବ ଉଦ୍‌ଘାଟିତ

ଭୁବନେଶ୍ୱର,୧୯।୧(ବ୍ୟୁରୋ)-ଇତିହାସ ପୃଷ୍ଠାମଣ୍ଡନ କରିଥିବା ଶିଶୁପାଳଗଡ଼ରୁ ଆରମ୍ଭ ହୋଇଥିଲା ଉତ୍କଳର ଯୁଦ୍ଧ ଅଭିଯାନ। ଏହି ମାଟି ଥିଲା ପ୍ରାଚୀନ କଳିଙ୍ଗର ତୋଷାଳି। ଓଡ଼ିଶା ପଛରେ ଆଜି ଯେଉଁ ବିରାଟ ସାମରିକ ଇତିହାସ ରହିଛି, ତାହାର ମୂଳଦୁଆ ଏହି ଐତିହାସିକ ଗଡ଼ରୁ ପଡ଼ିଥିଲା। ଚେଦୀ ବଂଶ ଖାରବେଳଙ୍କଠାରୁ ଆରମ୍ଭ କରି ଗଙ୍ଗବଂଶ ଶାସନ ପର୍ଯ୍ୟନ୍ତ କଳିଙ୍ଗର ରାଜଧାନୀଭାବେ ଶୋଭାବର୍ଦ୍ଧନ କରିଆସୁଥିବା ଏହି ବୀରମାଟି ଦୀର୍ଘ ୨୦୦ବର୍ଷର ଇତିହାସର ମୂକସାକ୍ଷୀ ବୋଲି ମତପ୍ରକାଶ ପାଇଛି। ଶିଶୁପାଳଗଡ଼ ଦଶହରା ପଡ଼ିଆଠାରେ ଆୟୋଜିତ ଶିଶୁପାଳଗଡ଼ ମହୋତ୍ସବର ଉଦ୍‌ଘାଟନ କରି ବିଶିଷ୍ଟ ଅତିଥିମାନେ ଏହି ଐତିହାସିକ ଗଡ଼ର ଗୌରବ ଗାଥା ବିଷୟରେ କହିଥିଲେ।

୨୨ରେ ପୁରୀ ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବ

୨୨ରେ ପୁରୀ ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବ

ଭୁବନେଶ୍ୱର,୧୯।୧(ବ୍ୟୁରୋ)-ଭାରତବର୍ଷର ଐକ୍ୟ, ସଂହତି ଓ ଅଖଣ୍ଡତାକୁ ରକ୍ଷା କରିବା ସଙ୍ଗେ ସଙ୍ଗେ ମାନବୀୟ ମୂଲ୍ୟବୋଧଭିତ୍ତିକ ସନାତନ ବୈଦିକ ଧର୍ମର ପ୍ରତିଷ୍ଠା ଏବଂ ପ୍ରଚାର ଉଦ୍ଦେଶ୍ୟରେ ଜଗଦ୍‌ଗୁରୁ ଆଦି ଶଙ୍କରାଚାର୍ଯ୍ୟ ଭାରତର ଚାରି ଦିଗରେ ୪ଟି ପୀଠ ସ୍ଥାପନ କରିଥିଲେ। ତନ୍ମଧ୍ୟରୁ ପୂର୍ବରେ ପୁରୀଠାରେ ପ୍ରତିଷ୍ଠିତ ଗୋବର୍ଦ୍ଧନ ପୀଠ ଅନ୍ୟତମ। ବର୍ତ୍ତମାନ ଏହି ପୀଠର ୧୪୫ତମ ଶଙ୍କରାଚାର୍ଯ୍ୟ ଭାବେ ପୀଠାସୀନ ହୋଇଛନ୍ତି ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜ। ଆସନ୍ତା ୨୨ତାରିଖରେ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜଙ୍କର ଗୋବର୍ଦ୍ଧନ ପୀଠରେ ଶଙ୍କରାଚାର୍ଯ୍ୟ ଭାବେ ପଟ୍ଟାଭିଷେକ ହେବାର ପଞ୍ଚବିଂଶତି ବର୍ଷ ସମ୍ପୂର୍ଣ୍ଣ ହେବାକୁ ଯାଉଛି। ଏହି ପରିପ୍ରେକ୍ଷୀରେ ପ୍ରଚଳିତ ଅଧ୍ୟାତ୍ମିକ କାର୍ଯ୍ୟକ୍ରମଗୁଡ଼ିକୁ ଅଧିକ କ୍ରିୟାଶୀଳ ଏବଂ ଫଳପ୍ରଦ କରିବା ଉଦ୍ଦେଶ୍ୟରେ ଏକ ବର୍ଷ ବ୍ୟାପୀ ଆଧ୍ୟାତ୍ମିକ ଜାଗରଣ ଯାତ୍ରା ଅନୁଷ୍ଠିତ ହେବ।

୬ ହଜାର ହିତାଧିକାରୀଙ୍କୁ ମିଳିବ ବାତ୍ୟା ନିରୋଧକ ଗୃହ

୬ ହଜାର ହିତାଧିକାରୀଙ୍କୁ ମିଳିବ ବାତ୍ୟା ନିରୋଧକ ଗୃହ

ପୁରୀ ଅଫିସ, ୧୯।୧: କୃଷ୍ଣପ୍ରସାଦ ଏବଂ ବ୍ରହ୍ମଗିରି ବ୍ଲକର ଫାଇଲିନ୍‌ କ୍ଷତିଗ୍ରସ୍ତଙ୍କୁ ଦିଆଯିବ ବାତ୍ୟା ନିରୋଧକ ଗୃହ। ଏଥିଲାଗି ମୁଖ୍ୟ ଶାସନ ସଚିବଙ୍କ ସହ ଦୁଇଥର ଆଲୋଚନା ହୋଇ ରାଜ୍ୟ ସରକାରଙ୍କ ପକ୍ଷରୁ ସବୁଜ ସଙ୍କେତ ମିଳିସାରିଛି।

ଆଠ ଧାଡ଼ିର ରିପୋର୍ଟ ପାଇଁ ୪୦ ସପ୍ତାହ ସମୟ

କଟକ ଅଫିସ, ୧୯।୧- କନ୍ଧମାଳ ଜିଲାର ଆଶ୍ରମ ସ୍କୁଲଗୁଡିକରେ ମ୍ୟାଲେରିଆ ବ୍ୟାପୁଥିବା ନେଇ ଦାଏର ହୋଇଥିବା ଏକ ମାମଲାରେ ଓଡ଼ିଶା ମାନବାଧିକାର କମିଶନ ରିପୋର୍ଟ ତଲବ କରିଥିଲେ। ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ ପାଇଁ କମିଶନ କନ୍ଧମାଳ ଜିଲାପାଳ ଓ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଏତେବଡ଼ ସମ୍ବେଦନଶୀଳ ମାମଲାରେ ଏଇ ଦୁଇ ଅଫିସର ୪ ସପ୍ତାହ ବଦଳରେ ୧୦ ମାସ ଅର୍ଥାତ୍‌ ୪୦ ସପ୍ତାହରୁ ଅଧିକ ସମୟ ନେଇଛନ୍ତି।

ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ହତ୍ୟାକାରୀ

ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ହତ୍ୟାକାରୀ

କଟକ ଅଫିସ, ୧୯।୧- ଗତ ୭ ତାରିଖରେ ଘଟିଥିବା ବହୁଚର୍ଚ୍ଚିତ ଚୌଦ୍ୱାର କପାଳେଶ୍ୱରର ଲିଟିଲ ଓରଫ ନିର୍ଝର ବେହେରା ହତ୍ୟାକାଣ୍ଡର ପର୍ଦ୍ଦାଫାଶ କରିଛି ପୋଲିସ। ହତ୍ୟାକାରୀ ଆଉ କିଏ ନୁହେଁ, ନିର୍ଝରଙ୍କ ଭାବୀପତ୍ନୀଙ୍କ ସମ୍ପର୍କୀୟ ଭିଣୋଇ ସମ୍ବିତ କୁମାର ସେନାପତି ବୋଲି ମାଲଗୋଦାମ ଥାନାରେ ଶୁକ୍ରବାର ଆୟୋଜିତ ଖବରଦାତା ସମ୍ମିଳନୀରେ ୧ ନମ୍ବର ଜୋନ ଏସିପି ତ୍ରିନାଥ ମିଶ୍ର ଓ ଜଗତପୁର ଥାନା ଆଇଆଇସି ଅନିଲ କୁମାର ବେଉରା କହିଛନ୍ତି।

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

କଟକ ଅଫିସ, ୧୯।୧- କୋରାପୁଟ ଜିଲାରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ନିର୍ମାଣ ଯୋଜନାରେ ହୋଇଥିବା ଟେଣ୍ଡର ପ୍ରକ୍ରିୟାରେ ବ୍ୟାପକ ଜାଲିଆତି କରାଯାଇଛି। ଏ ସମ୍ପର୍କିତ ଆଗତ ମାମଲାର ବିଚାର କରି ହାଇକୋର୍ଟ ୧୨୧ଟି ଟେଣ୍ଡରକୁ ଅସିଦ୍ଧ ଘୋଷଣା କରିଛନ୍ତି।

ଆସିବ ପର୍ଯ୍ୟଟନ ଆଇନ

ଆସିବ ପର୍ଯ୍ୟଟନ ଆଇନ

ଭୁବନେଶ୍ୱର, ୧୯।୧(ବ୍ୟୁରୋ)- ପର୍ଯ୍ୟଟକଙ୍କୁ ଦୁର୍ବ୍ୟବହାର କଲେ ନିଆଯିବ କଠୋର କାର୍ଯ୍ୟାନୁଷ୍ଠାନ। ଜେଲ୍‌ଦଣ୍ଡ ସହ ଜରିମାନା ଆଦାୟ ହେବ। ବିଦେଶୀ ପର୍ଯ୍ୟଟକଙ୍କୁ ହଇରାଣ ହରକତ କିମ୍ବା ଠକିଲେ କଠୋର ଦଣ୍ଡ ଦିଆଯିବ।

ପାଠ ପଢ଼ାଇବାକୁ ଆଣି ସାନଭଉଣୀଙ୍କୁ ନିର୍ଯାତନା

ପାଠ ପଢ଼ାଇବାକୁ ଆଣି ସାନଭଉଣୀଙ୍କୁ ନିର୍ଯାତନା

କଟକ ରୋଡ୍‌(ଡି.ଏନ.ଏ.)/ଭୁବନେଶ୍ୱର, ୧୯ା୧(ବ୍ୟୁରୋ)- ପାଠ ପଢ଼ାଇବା ନଁାରେ ସାନଭଉଣୀକୁ ପାଖରେ ରଖି ବଡ଼ ଭଉଣୀ ଏବଂ ତାଙ୍କ ସ୍ବାମୀ ନିର୍ଯାତନା ଦେଉଥିଲେ। ଘରେ ଚାକରାଣୀ ଭଳି ଖଟାଇବା ସହ ମାଡ଼ ମାରୁଥିଲେ।

ଭୋଟକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ, ୩ ଗୁରୁତର

ଭୋଟକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ, ୩ ଗୁରୁତର

କୃଷ୍ଣପ୍ରସାଦ,୧୯।୧(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ବଡ଼ଅଁଳ ପଞ୍ଚାୟତ ରସକୁଦି ଗ୍ରାମରେ ଶୁକ୍ରବାର ଓ୍ବାର୍ଡମେମ୍ବର ଭୋଟକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି। ଏଥିରେ ଉଭୟ ଗୋଷ୍ଠୀର ୩ ଗୁରୁତର ଆହତ ହୋଇଛନ୍ତି।

ପୂର୍ବ ଶତୃତାକୁ କେନ୍ଦ୍ରକରି ଦୋକାନ ପୋଡିଲେ ଦୁର୍ବୃତ୍ତ

ପୂର୍ବ ଶତୃତାକୁ କେନ୍ଦ୍ରକରି ଦୋକାନ ପୋଡିଲେ ଦୁର୍ବୃତ୍ତ

କଣ୍ଟାପଡ଼ା, ୧୯।୧(ଡି.ଏନ୍‌.ଏ.): ଗୋବିନ୍ଦପୁର ଥାନା ଅନ୍ତର୍ଗତ କୂଳ ବ୍ରାହ୍ମଣସାଇଲୋ ବଜାରରେ ଜଣେ ବ୍ୟକ୍ତିଙ୍କ ଜଳଖିଆ ଦୋକାନରେ ଗୁରୁବାର ରାତିରେ କେତେକ ଦୁର୍ବୃତ୍ତ ନିଆଁ ଲଗାଇ ଦେଇଥିବା ଶୁକ୍ରବାର ଥାନାରେ ଅଭିଯୋଗ ହୋଇଛି।