Dharitri News
ଉପକୂଳ ଓଡିଶା

ପ୍ରଦୂଷଣମୁକ୍ତ ହେବ ଖରସ୍ରୋତା ଜଳ

ପ୍ରଦୂଷଣମୁକ୍ତ ହେବ ଖରସ୍ରୋତା ଜଳ ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୨୨।୧୨ ଓଡ଼ିଶାର ଦ୍ୱିତୀୟ ବୃହତ୍ତମ ନଦୀ ବ୍ରାହ୍ମଣୀର ଜଳନମୁନା ସଂଗ୍ରହ ଓ ପରୀକ୍ଷାରେ ତୀବ୍ର ବିଷାକ୍ତ ଦ୍ରବ୍ୟ ରହିଥିବା ରିପୋର୍ଟ ପ୍ରକାଶର ପ୍ରାୟ ୨ ବର୍ଷ ବିତିଯାଇଛି । ଅଥଚ ଜଳ ପ୍ରଦୂଷଣମୁକ୍ତ ହୋଇ ପାରିନାହିଁ। କଳିଙ୍ଗନଗର ଶିଳ୍ପାଞ୍ଚଳର ନୀଳାଚଳ ଇସ୍ପାତ, ମୈଥାନ, ବିଆରପିଏଲ, ଟାଟା ଷ୍ଟିଲ, ଜିନ୍ଦଲ ଓ ଭିସା କାରଖାନାର ବୋହି ଯାଉଥିବା ଭୂପୃଷ୍ଠ ଜଳ ଗଣ୍ଡାନାଳ ଦେଇ ବ୍ରାହ୍ମଣୀ ଓ ଏହାର ଶାଖା ନଦୀ ଖରସ୍ରୋତାକୁ ଜହର କରୁଛି। ଏ ନେଇ ଧରିତ୍ରୀରେ ଖବର ପ୍ରକାଶ ପାଇବା ପରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ଏସପିସିବି)ର କଳିଙ୍ଗନଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ଏକ ସ୍ବତନ୍ତ୍ର ଡ୍ରେନେଜ ବ୍ୟବସ୍ଥାର ପରିକଳ୍ପନା କରାଯାଇଛି । ଯାହାକି ଡୁବୁରୀ ଅଞ୍ଚଳରୁ ଖରସ୍ରୋତା ତଟବର୍ତ୍ତୀ ମାର୍ଥାପୁର ପର୍ଯ୍ୟନ୍ତ ସ୍ବତନ୍ତ୍ର ଡ୍ରେନ ନିର୍ମାଣ ହୋଇ ଏହାର ତଳ ଭାଗରେ ଏକ ଉନ୍ନତମାନର ଇଫ୍ଲୁଏଣ୍ଟ ଟ୍ରିଟମେଣ୍ଟ ପ୍ଲାଣ୍ଟ (ଇଟିପି) ସ୍ଥାପନ ହେବ। ଏହାଦ୍ୱାରା ଗଣ୍ଡନାଳ, ଖରସ୍ରୋତା ଜଳ ପ୍ରଦୂଷଣ ମୁକ୍ତ ହୋଇପାରିବ ବୋଲି ଦାବି ହୋଇଛି। କଳିଙ୍ଗନଗର ଶିଳ୍ପାଞ୍ଚଳର ଟାଟା ଷ୍ଟିଲ ଯେତେବେଳେ ପରିବେଶ ଅନୁମତି ପାଇଁ ଯୋଜନା ପ୍ରସ୍ତୁତ କରିଥିଲା ସେତେବେଳେ ହଟ ଷ୍ଟ୍ରିପ ଅବା ରୋଲିଂ ମିଲ ସମ୍ପର୍କରେ ସ୍ଥାନିତ ହୋଇ ନ ଥିଲା। କିନ୍ତୁ ପରବର୍ତ୍ତୀ ସମୟରେ ମାଟିତଳେ ଏକ କିଲୋମିଟର ଲମ୍ବ ପର୍ଯ୍ୟନ୍ତ ରୋଲିଂ ନିର୍ମାଣ ହୋଇଛି। ଟାଟା ଷ୍ଟିଲ କାରଖାନା ସ୍ଥାପନ ହେବା ପୂର୍ବରୁ ଏହାର ଦକ୍ଷିଣରେ ଥିବା ବଡଶୁଣୀ ପାହାଡ଼ରୁ ଛୋଟ ଛୋଟ କେତେକ ଝରଣା ବାହାରୁଥିଲା । ତେବେ ଏହି ବୃହତ୍ତ କାରଖାନା ପ୍ରତିଷ୍ଠା ହେବା ପରେ ସେହି ଝରଣା ସବୁ ଶୁଖି ଯାଇଛି ।କିନ୍ତୁ ମାଟି ଭିତରେ ପାଣି ଝରି(ସିପେଜ) ହଟଷ୍ଟ୍ରିପ ଓ ପାୱାର ପ୍ଲାଣ୍ଟର କଣ୍ଟ୍ରୋଲ ରୁମ ପର୍ଯ୍ୟନ୍ତ ଭର୍ତ୍ତି ହୋଇ ଯାଉଛି । ଏହି ପାଣିକୁ ପମ୍ପ ଯୋଗେ ଉଠାଇ ବାହାରକୁ ଛଡା ଯାଉଛି। ପାହାଡରୁ ଝରିଥିବା ପାଣି କାରଖାନା ମଧ୍ୟରେ ସେତେଟା ବିଷାକ୍ତ ହୋଇ ନ ଥିଲେ ହେଁ ଖାରା(ଟିଡିଏସ) ଗୁଣ ଅଧିକ ଥିବା ଜଣାପଡିଛି । ତେବେ କାରଖାନାରେ ବ୍ୟବହୃତ ହେଉଥିବା ବିଭିନ୍ନ ରାସାୟନିକ ପଦାର୍ଥ ମାଟି ଉପରେ ପଡି ସେହି ବାଟଦେଇ ଏହି ପାଣି ଗଣ୍ଡନାଳାକୁ ବୋହୁଥିବାରୁ ତାହା ଅତି ବିଷାକ୍ତ ହୋଇଥିବା ପ୍ରମାଣିତ ହୋଇଛି। କେବଳ ଟାଟା ଷ୍ଟିଲ ନୁହେଁ ଉପରୋକ୍ତ ଅନ୍ୟ କମ୍ପାନୀଗୁଡିକର ବର୍ଜ୍ୟଜଳ ଗଣ୍ଡନାଳରେ ମିଶି ଖରସ୍ରୋତାକୁ ବୋହୁଛି। ଯାହାକି ପୂର୍ବରୁ ଜଳ ନମୁନା ପରୀକ୍ଷାରେ ତୀବ୍ର ବିଷାକ୍ତ ଦ୍ରବ୍ୟ ସାୟାନାଇଡ ଓ ଫେନୋଲିକ କମ୍ପାଉଣ୍ଡ (କୋଇଲାକ୍ତ ପଦାର୍ଥ) ରହିଥିବା ଜଣାପଡିଥିଲା । ଏନେଇ ଧରିତ୍ରୀରେ ତଥ୍ୟ ଭିତ୍ତିକ ଖବର ପ୍ରକାଶ ପାଇବା ପରେ ଜନ ଆନ୍ଦୋଳନ ହେବା ସହିତ ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ ହୋଇଥିଲା। ସେହି ଜନସ୍ବାର୍ଥ ମାମଲାର ବିଚାର କରି ଗଣ୍ଡନାଳର ଜଳ ପ୍ରଦୂଷଣକୁ ନେଇ ରାଜ୍ୟର ମୁଖ୍ୟ ଶାସନ ସଚିବ, ଶିଳ୍ପ, ଖଣି, ଜଳ ସମ୍ପଦ, ଜଙ୍ଗଲ ଓ ପରିବେଶ ସଚିବଙ୍କ ସମେତ ଏସପିସିବର ଅଧ୍ୟକ୍ଷ, କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧ୍ୟକ୍ଷ ଏବଂ ଝାରସୁଗୁଡା, ଯାଜପୁର, ତାଲଚେର ଓ କେନ୍ଦୁଝର ଜିଲାପାଳଙ୍କୁ ପକ୍ଷଭୁକ୍ତ କରିଥିଲା । ବ୍ରାହ୍ମଣୀ ଓ ଏହାର ଶାଖାନଦୀଗୁଡିକର ଜଳ ପ୍ରଦୂଷଣ ମୁକ୍ତ କରିବାକୁ ହାଇକୋର୍ଟ ତାଙ୍କ ରାୟରେ ପ୍ରକାଶ କରିଥିଲେ । ଏହାପରେ ଏସପିସିବି ପକ୍ଷରୁ ବ୍ରାହ୍ମଣୀ ଓ ଖରସ୍ରୋତା ନଦୀ ତଟବର୍ତ୍ତି ୪ଟି ସ୍ଥାନରେ ଜଳ ବିଶୋଧନ ପ୍ଲାଣ୍ଟ ସ୍ଥାପନ କରିବାକୁ ନିଷ୍ପତ୍ତି ନେଇଥିଲା । ଏହାକୁ ନେଇ ଝାରସୁଗୁଡା ବିଧାୟକ ନବକିଶୋର ଦାସ ଗତ ୪।୫।୨୦୧୬ ତାରିଖରେ ବିଧାନସଭାରେ ବ୍ରାହ୍ମଣୀ ନଦୀରେ ଅନଲାଇନ ମନିଟରିଂ ବ୍ୟବସ୍ଥା ସମ୍ପର୍କରେ ପ୍ରଶ୍ନ ଉଠାଇଥିଲେ। ଏହାର ଉତ୍ତରରେ ଆବଶ୍ୟକୀୟ ଭିତ୍ତଭୂମିକୁ ଦୃଷ୍ଟିରେ ରଖି ବ୍ରାହ୍ମଣୀ ନଦୀ ଜଳ ପ୍ରଦୂଷଣକୁ ରୋକିବା ନିମନ୍ତେ ୪ଟି ଶିଳ୍ପସଂସ୍ଥାକୁ ନଦୀର ଅନଲାଇନ ମନିଟରିଂ ଉପକରଣ ସ୍ଥାପନ କରିବାକୁ ଅନୁରୋଧ କରାଯାଇଥିଲା । ରାଉରକେଲା ଷ୍ଟିଲ ପ୍ଲାଣ୍ଟ ରାଉରକେଲାର ବ୍ରାହ୍ମଣୀ ନଦୀ ତଟବର୍ତ୍ତୀ, ମହାନଦୀ କୋଲଫିଲ୍ଡସ ଲିମିଟେଡ ତାଲଚେର, ଭୂଷଣ ଷ୍ଟିଲ ଲିମିଟେଡ ଢେଙ୍କାନାଳ ଓ ଟାଟା ଷ୍ଟିଲ କଳିଙ୍ଗନଗର ଖରସ୍ରୋତା ନଦୀ କୂଳରେ ଏହି ଉପକରଣ ବସାଇବେ ବୋଲି ନିଷ୍ପତ୍ତି ହୋଇଥିଲା । କିନ୍ତୁ ବନ୍ୟା ପ୍ଲାବିତ ତଥା ଉପଯୁକ୍ତ ଭିତ୍ତିଭୂମି ଅଭାବରୁ ଏହା ଏଯାଏ କାର୍ଯ୍ୟକାରୀ ହୋଇପାରିଲା ନାହିଁ । ତେଣୁ ଏସପିସିବି ଖରସ୍ରୋତାରେ ମିଶୁଥିବା ଗଣ୍ଡନାଳାକୁ ସୁରକ୍ଷା ଦେବାକୁ ଯାଇ ଏକ ସ୍ବତନ୍ତ୍ର ଡ୍ରେନେଜର ପରିକଳ୍ପନା କରିଛି । ଏ ସଂକ୍ରାନ୍ତରେ ଏସପିସିବିର ଆଞ୍ଚଳିକ ଅଧିକାରୀ ଡ. ଅନୂପ କୁମାର ମଲ୍ଲିକଙ୍କୁ ପଚାରିବାରୁ, କଳିଙ୍ଗନଗର ଡୁବୁରୀ ଅଞ୍ଚଳରୁ ମାର୍ଥାପୁର ପର୍ଯ୍ୟନ୍ତ ପ୍ରାୟ ୪ କି.ମି. ଲମ୍ବ ସ୍ବତନ୍ତ୍ର ଡ୍ରେନେଜର ପରିକଳ୍ପନା କରାଯାଇଛି, ମାତ୍ର ଏ ପର୍ଯ୍ୟନ୍ତ ପୂର୍ଣ୍ଣମାତ୍ରାରେ ଯୋଜନା ଓ ବ୍ୟୟଅଟକଳ ପ୍ରସ୍ତୁତ ହୋଇ ପାରି ନାହିଁ । ତେବେ ଯେତେଶୀଘ୍ର ପ୍ରକଳ୍ପ କାର୍ଯ୍ୟକାରୀ ହେବ ସେ ଦିଗରେ ବିଭାଗ ଯନତ୍ବାନ ରହିଛି ବୋଲି ସେ କହିଛନ୍ତି ।

ଉପକୂଳ ଓଡିଶା

ପୌରାଞ୍ଚଳ ଓ୍ବାର୍ଡ ସଭ୍ୟ ଉପନିର୍ବାଚନ ସମୟରେ ଉତ୍ତେଜନା

ପଟ୍ଟାମୁଣ୍ଡାଇ, ୧୬।୧(ଡି.ଏନ୍‌.ଏ.)- ପଟ୍ଟାମୁଣ୍ଡାଇ ପୌରାଞ୍ଚଳର ୧୭ ନଂ ଓ୍ବାର୍ଡରେ ଉପନିର୍ବାଚନ ସମୟରେ ମଙ୍ଗଳବାର ଉତ୍ତେଜନା ସୃଷ୍ଟି ହୋଇଛି। ଓ୍ବାର୍ଡର ଅରୁଣାମାଟିଆ ପ୍ରାଥମିକ ସ୍କୁଲରେ ଭୋଟ ଗ୍ରହଣ ବେଳେ ଏହି ଉତ୍ତେଜ୍ଜନା ହୋଇଥିଲା।

ଦେଢ଼ ମାସ ଶିଶୁର କଟା ମୁଣ୍ଡ ଉଦ୍ଧାର, ବଳି ସନ୍ଦେହ

ଦେଢ଼ ମାସ ଶିଶୁର କଟା ମୁଣ୍ଡ ଉଦ୍ଧାର, ବଳି ସନ୍ଦେହ

ନିଶ୍ଚିନ୍ତକୋଇଲି, ୧୬।୧(ଡି.ଏନ୍‌.ଏ.): କଟକ ଜିଲା ନେମାଲ ଥାନା ଅଧୀନ ତିଲକଣା ପଞ୍ଚାୟତ କୂଆଁଶୋଳ ଗ୍ରାମର ଧାନ ବିଲରୁ ମଙ୍ଗଳବାର ସକାଳେ ଏକ ଶିଶୁର କଟା ମୁଣ୍ଡ ପୋଲିସ ଉଦ୍ଧାର କରିଛି। ଶିଶୁଟି ପ୍ରାୟ ଦେଢ଼ ମାସର ହେବ ବୋଲି ଅନୁମାନ କରାଯାଉଛି।

ପାରାଦୀପ ପୌର  ଉପନିର୍ବାଚନ: ଅମ୍ବିକା ସ୍କୁଲରେ ମତଦାନ ଆରମ୍ଭ

ପାରାଦୀପ ପୌର ଉପନିର୍ବାଚନ: ଅମ୍ବିକା ସ୍କୁଲରେ ମତଦାନ ଆରମ୍ଭ

ପାରାଦୀପ, ୧୬।୧(ସ୍ବ.ପ୍ର.): ପାରାଦୀପ ପୌରପରିଷଦର ୬ ନମ୍ବର ଓ୍ବାର୍ଡ ପାଇଁ ମଙ୍ଗଳବାର ମତଦାନ ଆରମ୍ଭ ହୋଇଛି। ୨ଟି ବୁଥ୍‌ରେ ୧୮୬୬ ଭୋଟର ସେମାନଙ୍କ ମତ ଇଭିଏମ୍‌ ଦ୍ୱାରା ସାବ୍ୟସ୍ତ କରିବେ।

ସାମାନ୍ୟ ବଚସାରୁ ହତ୍ୟା: ଅଭିଯୁକ୍ତ ଫେରାର

ସାମାନ୍ୟ ବଚସାରୁ ହତ୍ୟା: ଅଭିଯୁକ୍ତ ଫେରାର

ଜଗତସିଂହପୁର ଅଫିସ,୧୬।୧: ଜଗତସିଂହପୁର ଜିଲା ବାଲିକୁଦା ଥାନା ମୁରୁଣିଆ ଗ୍ରାମରେ ସାମାନ୍ୟ ବଚସାକୁ କେନ୍ଦ୍ରକରି ସୋମବାର ବିଳମ୍ବିତ ରାତିରେ ଜଣେ ଯୁବକଙ୍କୁ ଛୁରି ଭୁଷି ହତ୍ୟା କରାଯାଇଛି। ମୃତ ଯୁବକ ହେଲେ ଉକ୍ତ ଗ୍ରାମର ବିବେକ ରାଉତ।

ଗଡ଼ିଲା ପାଣିପଞ୍ଚାୟତ ରଥ

ଗଡ଼ିଲା ପାଣିପଞ୍ଚାୟତ ରଥ

ଜଗତସିଂହପୁର ଅଫିସ,୧୬।୧: ଜଗତସିଂହପୁର ଜିଲାପାଳଙ୍କ କାର୍ଯ୍ୟାଳୟ ପରିସରରୁ ମଙ୍ଗଳବାର ପାଣିପଞ୍ଚାୟତ ରଥ ଉଦ୍‌ଘାଟିତ ହୋଇଛି। ଏଡିଏମ୍‌ ସଚ୍ଚିଦାନନ୍ଦ ସାହୁ ଏହାକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିଛନ୍ତି।

ମାଟ୍ରିକ ପରୀକ୍ଷା କେନ୍ଦ୍ର ଚୟନରେ ଅନିୟମିତତା

ରସୁଲପୁର,୧୬।୧(ଡି.ଏନ୍‌.ଏ.) ରାଜ୍ୟରେ ୨୦୧୮ଶିଷା ବର୍ଷର ମାଟ୍ରିକ ପରୀକ୍ଷା ଆସନ୍ତା ଫେବୃଆରୀ ୨୩ରୁ ଆରମ୍ଭ ହେବ। ଏନେଇ ଜିଲା ଶିକ୍ଷା ବିଭାଗ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚତ୍ଛି। ଚଳିତବର୍ଷ ଛାତ୍ରୀଛାତ୍ରମାନେ ନିଜ ବିଦ୍ୟାଳୟରେ ପରୀକ୍ଷା ଦେବେ ନାହିଁ। ମୂଳ ବିଦ୍ୟାଳୟରଠାରୁ ୫ କି.ମି. ଦୂରତା ମଧ୍ୟରେ ପରୀକ୍ଷା କେନ୍ଦ୍ର ସ୍ଥିର କରାଯିବ। ଏଥିସକାଶେ ବୋର୍ଡ ପକ୍ଷରୁ ୧୦ସୂତ୍ରୀ ନିୟମ ମଧ୍ୟ ଜାରି କରାଯାଇଛି। ମାତ୍ର ରସୁଲପୁର ବ୍ଲକରେ ମାଟ୍ରିକ ପରୀକ୍ଷା କେନ୍ଦ୍ର ଚୟନରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି। ପରୀକ୍ଷା କେନ୍ଦ୍ର ଚୟନ ପଛରେ ଏକ ଗୋଷ୍ଠୀର ହାତ ଥିବା କୁହାଯାଉଛି। କେତକ ଶିକ୍ଷକ ନେତା ଓ ରାଜନେତାଙ୍କ ପାଖ ଲୋକ ବୋଲାଯାଉଥିବା ଶିକ୍ଷକଙ୍କୁ ନେଇ ବ୍ଲକରେ ଏକ ଗୋଷ୍ଠୀ କାର୍ଯ୍ୟ କରୁଛି। ଯିଏକି ଶିକ୍ଷା ବିଭାଗର ସବୁ କାର୍ଯ୍ୟକୁ ନିୟନ୍ତ୍ରଣ କରୁଥିବା କୁହାଯାଉଛି। ଉକ୍ତ ଗୋଷ୍ଠୀର ଚେର ଜିଲା ଶିକ୍ଷା ଅଧିକାରୀ(ଡିଇଓ)ଙ୍କ ପର୍ଯ୍ୟନ୍ତ ଲମ୍ବିଛି। ଏଥିରେ ସାମିଲ ଶିକ୍ଷକଙ୍କ ବିରୋଧରେ ନାନା ଅଭିଯୋଗ ହେଉଥିଲେ ସୁଦ୍ଧା ସେସବୁକୁ ଜିଲା କାର୍ଯ୍ୟାଳୟରେ ଚପାଇ ଦିଆଯାଉଛି। ଏପରି କି ଅଭିଯୋଗ କରୁଥିବା ବ୍ୟକ୍ତିଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଛି।

ବିଗୁଡ଼ିଛି ଆଇନଶୃଙ୍ଖଳା ପରିସ୍ଥିତି

ଯାଜପୁର ଅଫିସ,୧୬।୧ ଶିଳ୍ପ ସମୃଦ୍ଧ ଯାଜପୁର ଜିଲାର ଦୁଇ ସହର ଓ ଏହାର ଆଭ୍ୟନ୍ତରୀଣ ଅଞ୍ଚଳରେ ଅପରାଧ ରୋକିବା ଏବେ ପୋଲିସ ପାଇଁ ବଡ଼ ଚ୍ୟାଲେଞ୍ଜ ସାଜିଛି। ଦିନକୁ ଦିନ ବଢିବାରେ ଲାଗିଛି ଅପରାଧୀଙ୍କ ଆତଙ୍କରାଜ। ହତ୍ୟା, ବଳାକତ୍ାର, ଚୋରି, ଲୁଟ, ଡକାୟତି ସତେ ଯେମିତି ଜିଲା ପାଇଁ ଅଭିଶାପ ପାଲିଟିଛି। ଡ୍ରଗସ୍‌ କାରବାର ସହିତ ଗଞ୍ଜେଇ, ନିଶା ବଟିକା ଓ ସିରଫର ମାତ୍ରାଧିକ ବ୍ୟବହାର ମୁଖ୍ୟତଃ ଅପରାଧ ଲାଗି ଖୋରାକ ଯୋଗାଉଛି। ଜିଲାର ଅତି ସମ୍ବେଦନଶୀଳ କଳିଙ୍ଗନଗର ଶିଳ୍ପାଞ୍ଚଳର ୩ ପ୍ରମୁଖ ଯାଜପୁରରୋଡ, ଯଖପୁରା ଓ କଳିଙ୍ଗନଗର ଥାନା ସମେତ ଯାଜପୁର ସଦର, ଯାଜପୁର ଟାଉନ ଓ ବଡଚଣା ଥାନାରେ ଗତ ମାସେ ହେବ ଭାରପ୍ରାପ୍ତ ଅଧିକାରୀ ନାହାନ୍ତି । ଯାଜପୁରରୋଡ ଓ କୋରେଇ ଥାନାକୁ ଜଣେ ଅଧିକାରୀ ଚଳାଉଥିବାବେଳେ ବାକି ୪ଥାନାରେ ସେକେଣ୍ଡ ଅଫିସର ଦାୟିତ୍ୱରେ ରହିଛନ୍ତି। ଜିଲା ହେଡକ୍ବାର୍ଟର କାର୍ଯ୍ୟାଳୟରେ ୬ଜଣ ଅଧିକାରୀ ରିଜର୍ଭରେ ରହିଥିଲେ ହେଁ କେଉଁ କାରଣରୁ ୬ଟି ଥାନାରେ ଅଧିକାରୀ ପଦବି ପୂରଣ ହୋଇ ପାରୁ ନାହିଁ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଫଳସ୍ବରୂପ ଅପରାଧ ନିୟନ୍ତ୍ରଣ ନେଇ ପୋଲିସର ରଣନୀତିକୁ ଅପରାଧୀମାନେ ଟକ୍କର ଦେବାରେ ସଫଳ ହେଉଛନ୍ତି।

ସ୍ବାମୀ ପରିତ୍ୟକ୍ତା ମହିଳାଙ୍କୁ ବଳାତ୍କାର

ସ୍ବାମୀ ପରିତ୍ୟକ୍ତା ମହିଳାଙ୍କୁ ବଳାତ୍କାର

ଦଶରଥପୁର,୧୬।୧(ଡି.ଏନ୍‌.ଏ.)- ବିଜୁ ପକ୍କାଘର ଏବଂ ଭତ୍ତା ବାବଦକୁ ୨ଲକ୍ଷ ଟଙ୍କାର ଆର୍ଥତ୍କ ସହାୟତା ଦେବାକୁ ଡାକି ଜଣେ ସ୍ବାମୀ ପରିତ୍ୟକ୍ତା ମହିଳାଙ୍କୁ ବଳାତ୍କାର କରାଯାଇଛି। ଦଶରଥପୁରସ୍ଥିତ ବିଜେଡି କାର୍ଯ୍ୟାଳୟ ମଧ୍ୟରେ ଏଭଳି ଘଟଣା ଘଟିଛି। ଆଉ ସେଥିରେ ଅଭିଯୁକ୍ତ ହେଉଛନ୍ତି ବିଜେଡି ଜିଲା ସଭାପତିଙ୍କ ସାନଭାଇ। ଏନେଇ ସମ୍ପୃକ୍ତ ପୀଡ଼ିତା ମହିଳା ଘଟଣାର ୪ଦିନ ପରେ ସୋମବାର ମଙ୍ଗଳପୁର ଥାନାରେ ଲିଖିତ ଏତଲା ଦେଇଥିଲେ। ପୋଲିସ ଏକ ମାମଲା(ନଂ. ୬/୨୦୧୮) ରୁଜୁ କରି ତଦନ୍ତ ଆରମ୍ଭ କରିଛି। ମିଳିଥିବା ଅଭିଯୋଗ ଅନୁଯାୟୀ , ଦଶରଥପୁର ଗ୍ରାମର ଚନ୍ଦ୍ରକାନ୍ତ ମହାପାତ୍ର ଓରଫ ଚାନ୍ଦ ଗତ ୧୧ ତାରିଖ ଗୁରବାର ରାତି ପ୍ରାୟ ୮ଟାରେ ଉକ୍ତ ଗ୍ରାମରେ ବାପ ଘରେ ରହୁଥିବା ଜଣେ ସ୍ବାମୀ ପରିତ୍ୟକ୍ତା ମହିଳାଙ୍କୁ ଫୋନ୍‌ କରି ତୁମକୁ ଏକ ବିଜୁ ପକ୍କାଘର ଏବଂ ସ୍ବାମୀ ପରିତ୍ୟକ୍ତା ସମ୍ବନ୍ଧୀୟ ସହାୟତା ବାବଦକୁ ୨ଲକ୍ଷ ଟଙ୍କା ଦିଆଯିବ। ଏଣୁ ତୁରନ୍ତ ଦଶରଥପୁରସ୍ଥିତ ବିଜେଡି କାର୍ଯ୍ୟାଳୟରେ ପହଞ୍ଚ ନଚେତ୍‌ ଟଙ୍କା ଓ ବିଜୁ ପକ୍କାଘରର କାର୍ଯ୍ୟାଦେଶ ଫେରିଯିବ ବୋଲି କହିଥିଲେ। ଏକଥା ଶୁଣିବାପରେ ସମ୍ପୃକ୍ତା ମହିଳା ରାତି ପ୍ରାୟ ୯ ଟାରେ ବିଜେଡି କାର୍ଯ୍ୟାଳୟରେ ପହଞ୍ଚତ୍ଥିଲେ। କାର୍ଯ୍ୟାଳୟର ଭିତରପଟୁ ବନ୍ଦ ଥିବାରୁ ମହିଳା ଜଣକ କବାଟ ବାଡ଼େଇ ଥିଲେ। ଶବ୍ଦ ଶୁଣି ଚନ୍ଦ୍ରକାନ୍ତ କବାଟ ଖୋଲିବା ସହ ମହିଳାଙ୍କୁ ଭିତରକୁ ଡାକି ନେଇ କାର୍ଯ୍ୟାଦେଶ ଓ ଆର୍ଥିକ ସହାୟତା ଦେବା ପରିବର୍ତ୍ତେ ଜୋର ଜବରଦସ୍ତ ବଳାତ୍କାର କରିଥିଲେ। ଏପରି କି ଏନେଇ କାହାକୁ କହିଲେ ଜୀବନରେ ମାରିଦେବାକୁ ଧମକ ଦେଇଥିଲେ। ପରେ ରାତି ୧୧ଟାରେ ତାଙ୍କୁ ଛାଡ଼ିଥିଲେ ବୋଲି ପୀଡ଼ିତା ମହିଳା ଏତଲାରେ ଦର୍ଶାଇଛନ୍ତି।

ନିଆଁ ଲାଗି ୭ଏକର ଜମିର ଧାନ ଜଳିଗଲା

ଡେରାବିଶ,୧୫।୧(ଡି.ଏନ.ଏ.)- କେନ୍ଦ୍ରାପଡା ଜିଲା ନିକିରାଇ ଥାନା ଡେରାବିଶ ବ୍ଲକ ବେଣିପୁର ପଞ୍ଚାୟତ ନୋଳସାହି ପାଟରେ ସୋମବାର ଅପରାହ୍ନରେ ନିଆଁଲାଗି ୭ ଏକର ଜମିର ଧାନଫସଲ ଜଳିଯାଇଛି। ଡେରାବିଶ ଓ କେନ୍ଦ୍ରାପଡା ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରଖିଛନ୍ତି।

ଘର ଉପରକୁ ବୋମା ମାଡ଼

ପାଟକୁରା,୧୫।୧(ଡି.ଏନ୍‌.ଏ.)- କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକର ପାଟକୁରା ଥାନା ଆଖୁଆଦକ୍ଷିଣ ଗ୍ରାମରେ ରବିବାର ରାତିରେ ଜଣକ ଘର ଉପରକୁ ବୋମା ମାଡ଼ ହୋଇଛି। ଗ୍ରାମର ଚିନ୍ତାମଣି ପରିଡା ପରିବାର ସହ ଶୋଇଥିବାବେଳେ ତାଙ୍କ ଘର ସମ୍ମୁଖରେ କେହି ଦୁର୍ବୃତ୍ତ ବୋମା ମାଡ଼ କରିଥିଲେ।

ଆଇଏଫଏସ ପ୍ରଶିକ୍ଷଣ ଛାତ୍ରଙ୍କ ଦୁଃଶାହସିକ ଯାତ୍ରା

ରାଜନଗର,୧୫।୧(ଡି.ଏନ.ଏ.)- କେନ୍ଦ୍ରାପଡା ଜିଲା ରାଜନଗର ବ୍ଲକର ଭିତରକନିକାରେ ଡେରାଡୁନସ୍ଥିତ ଆଇଏଫଏସ (ଭାରତୀୟ ବନସେବା)ର ୪୦ ଛାତ୍ର ସୋମବାର ଏକ ଦୁଃଶାହସିକ ଯାତ୍ରାରେ ସାମିଲ ହୋଇଛନ୍ତି।