ବାଲେଶ୍ୱର

ଜଙ୍ଗଲ ଜାତ ଦ୍ରବ୍ୟରେ ଜୀବନ ବଞ୍ଚିଛି

ଜଙ୍ଗଲ ଜାତ ଦ୍ରବ୍ୟରେ ଜୀବନ ବଞ୍ଚିଛି
ଘସିପୁରା, ୨୨।୧୨(ଡି.ଏନ୍‌.ଏ.)-ବଣ ଜଙ୍ଗଲ ପାହାଡ଼ ଘେରା ଅପନ୍ତରା ଆଦିବାସୀ ମୂଲକ ହେଉଛି ମଣ୍ଡପଡ଼ା। ଆନନ୍ଦପୁର ବ୍ଲକର ନୂତନ ପଞ୍ଚାୟତ ଭାବେ ପରିଗଣିତ ବୁଢିକୁଦର ଶେଷ ସୀମାରେ ଅବସ୍ଥିତ ଏହି ଗାଁ। ଏଠାକାର ସମସ୍ତ ଆଦିବାସୀ ସମ୍ପ୍ରଦାୟର ଲୋକ ଜଙ୍ଗଲ ଜାତ ଦ୍ରବ୍ୟ ଉପରେ ନିର୍ଭର। ନା ସେମାନଙ୍କ ପାଖରେ ସହର ବଜାରର ଆଧୁନିକତାର ଛାପ ରହିଛି ନା କିଛି ସୁବିଧା ସେମାନେ ହାସଲ କରିବାରେ ସମର୍ଥ ହେଉଛନ୍ତି। ସ୍ବାସ୍ଥ୍ୟ ସେବାଠାରୁ ଆରମ୍ଭ କରି ସାମନ୍ୟ ତମ ମୌଳିକ ସୁବିଧା ଯେପରି ସେମାନଙ୍କ ପାଇଁ ସାତସପନ ହୋଇଛି। ଏହିପରି ଅତି ଦୟନୀୟ ଭାବେ ଗୁଜୁରାଣ ମେଣ୍ଟାଇଆସୁଛନ୍ତି ଅସହାୟ ମହିଳା ଶ୍ରୀମତୀ ଗାଗରାଇ। ୬ ମାସ ତଳୁ ନିଜ ସ୍ବାମୀକୁ ହରାଇ ନିଜର ୫ ନାବାଳକ ଛୁଆକୁ ଧରି ଅତି ଅସହାୟ ଭାବେ ଦରମେଲା ଘରେ ପରିବାର ଚଳାଇ ଆସୁଛନ୍ତି। ବଣପାହାଡ଼ରୁ କାଠ ଜାଳ, ଶାଳପତ୍ର ଆଦି ବନ୍ୟଜାତ ସାମଗ୍ରୀ ସଂଗ୍ରହ କରି ପେଟ ପୋଷିବାକୁ ଅଣ୍ଟା ଭିଡିଥିବା ଗାଗରାଇ ଅତି ଦୟନୀୟ ଅବସ୍ଥାରେ ଜୀବନ ବିତାଉଛନ୍ତି। ବାପ ଛେଉଣ୍ଡ ୫ ଛୁଆଙ୍କ ପାଟିରେ ଆହାର ଦେବା ପାଇଁ ଗାଗରାଇଙ୍କୁ ବହୁ କଷ୍ଟ କରିବାକୁ ପଡୁଛି। ସରକାରୀ ରାଶନ୍‌ ଚାଉଳ ଗଣ୍ଡିକ ବ୍ୟତୀତ ଜଙ୍ଗଲ ଜମି ଘରଡିହ ଖଣ୍ଡିକ ତାଙ୍କର ଶେଷ ସମ୍ବଳ। ସେହି ଘର ଖଣ୍ଡିକ ଖୋଲାମେଲା ଅବସ୍ଥାରେ ରହିଛି। ସେହି ଭଙ୍ଗା ଘରେ ଧୁଧୁ ଶୀତରେ ବହୁତ କଷ୍ଟରେ ସେ ଏହି ୫ ଛୁଆପିଲାଙ୍କୁ ନେଇ ସଂସାର ଚଲାଇବାକୁ ବାଧ୍ୟ ହେଉଛନ୍ତି। ସେ ବଞ୍ଚିବା ପାଇଁ ସଂଘର୍ଶ କରୁଛନ୍ତି। ସରକାରଙ୍କ ପକ୍ଷରୁ ତାକୁ ଘର ଖଣ୍ଡିଏ ବି ମିଳିପାରିନି। ଅନ୍ୟପଟେ ୬ ମାସର ସାନ ଦୁଇ ପିଲା ଅପପୁଷ୍ଟିର ଶିକାର ହୋଇଥିବାବେଳେ ସମନ୍ବୀତ ଶିଶୁ ବିକାଶ ପ୍ରକଳ୍ପ ଆନନ୍ଦପୁର ପକ୍ଷରୁ ସେମାନଙ୍କୁ ଗତ ମାସ ଏନଆରସି( ନ୍ୟୁଟ୍ରିସନ୍‌ ରିହାବିଲିଟେସନ୍‌ ସେଣ୍ଟର)କୁ ରେଫର କରାଯାଇଥିଲା। ସେଠାରେ ପିଲା ୨ ଜଣ ୧୫ ଦିନ ଧରି ଚିକିତ୍ସିତ ହେବା ପରେ ନିଜ ଗାଁକୁ ଫେରିଆସିଥିଲେ। ସଦାବେଳେ ମାଙ୍କ ପଛେପଛେ ବୁଲୁଥିବା ଅନ୍ୟତିନି ଛୁଆ ଚାନ୍ଦୁ (୬), ମିଞ୍ଜ(୪), ମିଞ୍ଜାରୀ(୩) ଏବେ କୁକୁଡା ଖଣ୍ଡି ପୋକ ଦ୍ୱାରା ଆକ୍ରାନ୍ତ ହୋଇ ଅତି ଦୟନୀୟ ଅବସ୍ଥାରେ ରହିଛନ୍ତି। ଅଦ୍ୟାବଧି ଏହି ପିଲାମାନଙ୍କର ଚିକିତ୍ସା ସୁବିଧା ଯୋଗାଇଦେବା ପାଇଁ କୌଣସି ବ୍ୟବସ୍ଥା ଗ୍ରହଣ କରାଯାଇପାରି ନାହିଁ। ଫଳରେ ଏହି ପରିବାରର ପିଲାମାନେ ଘା ଘାଉଡ଼ରେ ରହିଛନ୍ତି। ସରକାରୀ ଆବାସ ଯୋଜନାରେ ଘର ଏବଂ ବିଧବା ଭତ୍ତାର ବ୍ୟବସ୍ଥା ଯୋଗାଇ ଦିଆଯିବା ସହିତ ଏହି ପରିବାରବର୍ଗର ନାବାଳିକ ପିଲାମାନଙ୍କର ଥଇଥାନର ବ୍ୟବସ୍ଥା ଗ୍ରହଣ କରାଯାଇପାରିଲେ ସେମାନଙ୍କର କିଛିଟା ଦୁଃଖ ଲାଘବ ହୋଇପାରନ୍ତା ବୋଲି ସାଧାରଣରେ ଦାବି ହୋଇଛି। ଏ ନେଇ ଘଟଣା ସମ୍ପର୍କରେ ଆନନ୍ଦପୁର ସିଡିପି ଆଲାଦି ମାରଣ୍ଡିଙ୍କୁ ପାଚାରିବାରୁ ସେଠାରେ ଥିବା ମିନି ଅଙ୍ଗନଓ୍ବାଡି କେନ୍ଦ୍ରରେ ପିଲାମାନଙ୍କୁ ଓଜନ କରିବା ସମୟରେ ସେମାନଙ୍କର ସ୍ବାସ୍ଥ୍ୟବସ୍ଥା ସମ୍ପର୍କରେ ସୂଚନା ମିଳିଥିଲା। ଉଭୟ ଜାଆଁଳା ଶିଶୁ ହୋଇଥିବାରୁ ଗତ ନଭେମ୍ବରରେ ସେମାନଙ୍କ ମାଆର ପରମର୍ଶ କ୍ରମେ ଉଭୟଙ୍କୁ କେନ୍ଦୁଝର ଚିକିତ୍ସା ପାଇଁ ପଠାଯାଇଥିଲା। ସେମାନଙ୍କର ସ୍ବାସ୍ଥ୍ୟବସ୍ଥାରେ କିଛିଟା ଉନ୍ନତି ପରିଲକ୍ଷିତ ହେବା ପରେ ସେମାନଙ୍କୁ ତାଙ୍କ ଘରେ ଛାଡି ଦିଆଯାଇଥିଲା। ଅନ୍ୟ ତିନି ଶିଶୁ ଯେଉଁ ମାଙ୍କଡଖଣ୍ଡି ପୋକ କାମୁଡାରେ ଆକ୍ରାନ୍ତ ହୋଇଛନ୍ତି ସେ ସମ୍ପର୍କରେ ଆମେ କିଛି ସୂଚନା ପାଇନାହିଁ। ତୁରନ୍ତ ଘଟଣା ସମ୍ପର୍କରେ ଅନୁଧ୍ୟାନ କରାଯାଇ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ମାରାଣ୍ଡି ପ୍ରକାଶ କରିଥିଲେ।
All Right Reserved By

ବାଲେଶ୍ୱର

ପୋଖରୀରେ ପଡ଼ି ଶ୍ରମିକ ମୃତ

ପୋଖରୀରେ ପଡ଼ି ଶ୍ରମିକ ମୃତ

ପଦ୍ମପୁର, ୧୩।୧୨ (ଡି.ଏନ.ଏ.) - ଭଦ୍ରକ ଜିଲା ବାସୁଦେବପୁର ବ୍ଲକ ଅନ୍ତର୍ଗତ ରାଜଘରପୋଖରୀ ପଞ୍ଚାୟତ ବଡ଼ମଛୁଆଘାଇ ଗ୍ରାମରେ କାମ କରିବାକୁ ଆସିଥିବା ଜଣେ ଶ୍ରମିକ ପୋଖରୀରେ ପଡ଼ି ପ୍ରାଣ ହରାଇଛନ୍ତି। ମୃତ ଶ୍ରମିକ ହେଲେ  ବାଲେଶ୍ୱର ମହୁଡୁମା ଥାନା ଅଧୀନ ରାଇବଣିଆ ଅଞ୍ଚଳର ଗୁରୁଡା ମୁର୍ମୁ। 4444

ଧାନଗଦା ଜଳିଗଲା: ୪୦ କୁଇଣ୍ଟାଲ ଧାନ ନଷ୍ଟ

ପଦ୍ମପୁର, ୧୩।୧୨ (ଡି.ଏନ.ଏ.) - ଭଦ୍ରକ ବ୍ଲକ ସାହାଡ଼ା-ହରିଜନ ସାହିର ସୁବ୍ରତ  ଜେନାଙ୍କ ଧାନଗଦାରେ ନିଅଁା ଲାଗି ୪୦ କୁଇଣ୍ଟାଲରୁ ଊର୍ଦ୍ଧ୍ୱ ଧାନ ପୋଡ଼ି ନଷ୍ଟ ହୋଇଯାଇଛି।

କୋଇଲା ବୋଝେଇ ଗାଡ଼ି ଜବତ

ଧାମନଗର, ୧୩।୧୨ (ଡି.ଏନ.ଏ.)- ଭଦ୍ରକ ଜିଲା ଧାମନଗର ଥାନା ପୋଲିସ ଶେଣ୍ଢପୁର ଛକ ନିକଟରୁ କୋଇଲା ବୋଝେଇ ଏକ ପିକ୍‌ଅପ ଭ୍ୟାନ୍‌ ଜବତ କରିଛି।  ପାଟ୍ରୋଲିଂ ସମୟରେ ପୋଲିସ କୋଇଲା ବୋଝେଇ ଭ୍ୟାନ୍‌କୁ ଅଟକାଇବାକୁ ଚେଷ୍ଟା କରୁଥିବା ବେଳେ ଗାଡ଼ି ଯାଜପୁର ଆଡ଼କୁ ଦ୍ରୁତଗତିରେ ପଳାଇ ଯାଉଥିଲା। 

ଓମ୍‌ଫେଡ ଟ୍ୟାଙ୍କର ଅଟକାଇଲେ ଚାଷୀ

ଓମ୍‌ଫେଡ ଟ୍ୟାଙ୍କର ଅଟକାଇଲେ ଚାଷୀ

ଚାନ୍ଦବାଲି, ୧୩।୧୨ (ଡି.ଏନ.ଏ.) - ଭଦ୍ରକ ଜିଲା ଚାନ୍ଦବାଲି ବ୍ଲକ ମତୋ ବଜାରଠାରେ ଗୁରୁବାର କ୍ଷୀର ନେଇ ଯାଉଥିବା ଏକ ଓମ୍‌ଫେଡ ଟ୍ୟାଙ୍କରକୁ କେତେକ ଦୁଗ୍ଧଚାଷୀ ଅଟକ ରଖିଥିଲେ। ଗତ ମାସରେ ୨ ଦିନର କ୍ଷୀର ଟଙ୍କା କଟାଣକୁ ନେଇ ଅସନ୍ତୁଷ୍ଟ ଚାଷୀମାନେ ଗୁରୁବାର ସକାଳ ପ୍ରାୟ ୭ଟା ବେଳେ ଏହି ଗାଡ଼ିକୁ ଅଟକାଇଥିଲେ। ଖବର ପାଇ ଓମ୍‌ଫେଡ୍‌ର ଜିଲା କର୍ମଚାରୀ ଜିତେନ୍ଦ୍ର ରାଉତ ଘଟଣାସ୍ଥଳରେ ପହଞ୍ଚି ଚାଷୀଙ୍କ ସହ ଆଲୋଚନା କରିଥିଲେ। 

ଜିଲାସ୍ତରୀୟ ଭଲିବଲ ଟୁର୍ନାମେଣ୍ଟ : ସେମିଫାଇନାଲରେ ସଦର, ରେମୁଣା, ଭୋଗରାଇ, ଜଳେଶ୍ୱର

ଜିଲାସ୍ତରୀୟ ଭଲିବଲ ଟୁର୍ନାମେଣ୍ଟ : ସେମିଫାଇନାଲରେ ସଦର, ରେମୁଣା, ଭୋଗରାଇ, ଜଳେଶ୍ୱର

ବାଲେଶ୍ୱର ଅଫିସ,୧୩।୧୨- ବାଲେଶ୍ୱର ଖ୍ରୀଷ୍ଟିଆନ୍‌ ପଡ଼ିଆରେ ବିଜୁ ଯୁବ ବାହିନୀ ଜିଲାସ୍ତରୀୟ ଭଲିବଲ ଟୁର୍ନାମେଣ୍ଟ ଗୁରୁବାର ପୂର୍ବାହ୍ନ ୧୧ଟାରେ ସଦର ବିଧାୟକ ଜୀବନ ପ୍ରଦୀପ ଦାଶ ଏବଂ ଜିଲାପାଳ ରମେଶ ଚନ୍ଦ୍ର ରାଉତ ମିଳିତ ଉଦ୍‌ଘାଟନ କରିଥିଲେ। ଏହି ପ୍ରତିଯୋଗିତାରେ ୧୨ଟି ବ୍ଲକର ଚାମ୍ପୟନ ଟିମ୍‌ ଭାଗ ନେଇଥିଲେ। ସଦର, ରେମୁଣା, ଭୋଗରାଇ, ଜଳେଶ୍ୱର ଭଲିବଲ ଟିମ୍‌ ସେମିଫାଇନାଲରେ ପ୍ରବେଶ କରିଛନ୍ତି।

ପ୍ରାଦେଶିକ, କ୍ଷେତ୍ରୀୟ ଖେଳକୁଦ ସମାରୋହ

ପ୍ରାଦେଶିକ, କ୍ଷେତ୍ରୀୟ ଖେଳକୁଦ ସମାରୋହ

ବାଲେଶ୍ୱର ଅଫିସ,୧୩।୧୨- ବିଦ୍ୟାଭାରତୀ ଶିକ୍ଷାବିକାଶ ସମିତି ଓଡ଼ିଶାଙ୍କ ଯୋଜନା ଅନୁସାରେ ୩୧ତମ ତ୍ରିଦିବସୀୟ ପ୍ରାଦେଶିକ ଖେଳକୁଦ ସମାରୋହ ଗୁରୁବାର ଅପରାହ୍ନରେ ବାଲେଶ୍ୱର ମାଣିଖମ୍ବ ସରସ୍ବତୀ ଶିଶୁ ବିଦ୍ୟାମନ୍ଦିର ଆନୁକୂଲ୍ୟରେ ସ୍ଥାନୀୟ ପରମିଟ୍‌ ପଡ଼ିଆରେ ଅନୁଷ୍ଠିତ ହୋଇଯାଇଛି। ପ୍ରଥମ ଦିବସୀୟ ଖେଳକୁ ମୁଖ୍ୟଅତିଥି ଭାବେ ଉପଜିଲା ଆରକ୍ଷୀ ଅଧୀକ୍ଷକ ସୁଶ୍ରୀ ମନୋବ୍ରତା ଶତ୍‌ପଥୀ ଯୋଗଦେଇ ଶୁଭ ଉଦ୍‌ଘାଟନ କରି କ୍ରୀଡ଼ା ସମସ୍ତଙ୍କ ନିମନ୍ତେ ଆବଶ୍ୟକ ବୋଲି କହିଥିଲେ।

ଗୋଷ୍ଠୀ ସଂଘର୍ଷ ଘଟଣା : ୫ ଗିରଫ

ଗୋଷ୍ଠୀ ସଂଘର୍ଷ ଘଟଣା : ୫ ଗିରଫ

ଭଣ୍ଡାରିପୋଖରୀ, ୧୩।୧୨ (ଡି.ଏନ.ଏ.) - ଭଦ୍ରକ ଜିଲା ଭଣ୍ଡାରିପୋଖରୀ ଥାନା ଅଧୀନ ପାଟୁଳି ପଞ୍ଚାୟତ ମୋବାରକପୁର ଗ୍ରାମରେ ଏକ ସରକାରୀ ଜାଗାରେ ଧାନ ଖଳା କରିବାକୁ କେନ୍ଦ୍ରକରି ବୁଧବାର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା। ଏହି ଘଟଣାରେ ପୋଲିସ ଗୁରୁବାର ଉଭୟ ପକ୍ଷର ୫ ଜଣଙ୍କୁ ଗିରଫ କରିଛି। 

ଜେନେରେଟର ଫାଟି ଯୁବକ ମୃତ

ଜେନେରେଟର ଫାଟି ଯୁବକ ମୃତ

ବାସୁଦେବପୁର, ୧୩।୧୨ (ଡି.ଏନ.ଏ.) - ଜେନେରେଟର ଫାଟିବାରୁ ଭଦ୍ରକ ଜିଲା ବାସୁଦେବପୁର ବ୍ଲକ ଇରମ ଗ୍ରାମର କଟିଆ ଖିଲାର(୪୫)ଙ୍କ ମୃତ୍ୟୁ ଘଟିଛି। 

ତିହିଡିରେ ଖୋଲିଲା ଧାନସଂଗ୍ରହ କେନ୍ଦ୍ର

ତିହିଡିରେ ଖୋଲିଲା ଧାନସଂଗ୍ରହ କେନ୍ଦ୍ର

ତିହିଡି, ୧୩।୧୨(ଡି.ଏନ.ଏ): ଭଦ୍ରକ ଜିଲା ତିହିଡି ବ୍ଲକ ଅଧୀନ ଜାମଯୋଡି ସେବା ସମବାୟ ସମିତିରେ ଗୁରୁବାର ପୂର୍ବହ୍ନରେ ସରକାରୀ ଧାନ ସଂଗ୍ରହ କେନ୍ଦ୍ର ଖୋଲିଛି।

ଷ୍ଟାଡିୟମ ନିର୍ମାଣକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ: ଜଣେ ମୃତ, ୫ଗୁରୁତର

ଷ୍ଟାଡିୟମ ନିର୍ମାଣକୁ କେନ୍ଦ୍ରକରି ଦୁଇ ଗୋଷ୍ଠୀ ମୁହାଁମୁହିଁ: ଜଣେ ମୃତ, ୫ଗୁରୁତର

ଭଦ୍ରକ ଅଫିସ, ୧୩।୧୨: ଭଦ୍ରକ ଜିଲା ରାମ ନବମୀ ବେତଡା ପଞ୍ଚାୟତ ଅଧିନସ୍ଥ ଗୋହିରାଣୀ ଗାଁରେ ମିନି ଷ୍ଟାଡିୟମ ନିର୍ମାଣକୁ କେନ୍ଦ୍ରକରି ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ହୋଇଛନ୍ତିl

ଅଗ୍ନିକାଣ୍ଡରେ ଜଳିଗଲା ଫର୍ନିଚର ଦୋକାନ

ଅଗ୍ନିକାଣ୍ଡରେ ଜଳିଗଲା ଫର୍ନିଚର ଦୋକାନ

ତିହିଡି, ୧୩।୧୨(ଡି.ଏନ.ଏ): ଭଦ୍ରକ ଜିଲା ତିହିଡି ବଜାରସ୍ଥିତ ପୁରୁଣା ସମବାୟ ବ୍ୟାଙ୍କ ଗୃହ ପାର୍ଶ୍ୱରେ ଥିବା ଫର୍ନିଚର ଦୋକାନରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଦୋକାନଟି ସମ୍ପୂର୍ଣ୍ଣ ଜଳିଯାଇଛି।

ଚୋରାମଦ ବେପାରୀଙ୍କୁ ଛେଚିଲେ ମହିଳା

ବାସୁଦେବପୁର, ୧୩।୧୨ (ଡି.ଏନ.ଏ.) - ଭଦ୍ରକ ଜିଲା ବାସୁଦେବପୁର ପୌରପାଳିକାର ଭୈରବପୁର ଗ୍ରାମରେ ଚୋରାମଦ ଓ ନିଶା କାରବାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଗାଁ ରେ ନିଶା କାରବାର ବନ୍ଦ କରିବାକୁ ଗ୍ରାମବାସୀ ଅଣ୍ଟା ଭିଡ଼ିଛନ୍ତି।